အစ္စရေးတွင် ဇီ၀၊ ဓာတု၊ နူးကလီးယားစသော အဖျက်စွမ်းအားကြီးမားသည့် လက်နက်များ အစုလိုက်အပြုံလိုက်ရှိ

Israel's Nuclear, Biological and Chemical Weapons by Stephen Lendmen (Source) ၊ မေလ ၁၇ ရက် ၊၂၀၁၂ နေ့စွဲပါ ဆောင်းပါးကို အတိုချုန်း တင်ဆက်ထားပါသည်။

ကန်တို့အတွက် စိုးရိမ်ဖွယ်

အစ္စရေး၏ သိုသိုသိပ်သိပ်မရှိလှသည့် လျို့ဝှက်ချက်မှာ စွမ်းအားပြင်းအနုမြူလိုက်နက်တိုက် ပိုင်ဆိုင်မှု ပင်ဖြစ်သည်။ သို့သော် အစ္စရေး၏ ဓာတုနှင့်ဇီ၀လိုက်နက်စွမ်းအားများအကြောင်းကိုမူ လူသိနည်းလှ ပေသည်။ အောက်တွင် ထိုအကြောင်းကို ဖော်ပြပေးထားပါသည်။

အစ္စရေးနိုင်ငံ၊ ဒီမိုနာမြို့မှ နူးကလီးယားပညာရှင် မော်ဒက်ချိုင်း ဗနုနုက ဓာတုနှင့်ဇီ၀ လက်နက်များ နှင့် ဆိုင်သည့် သံသယဖြစ်ဖွယ်စာရွက်စာတမ်းများကို ၁၉၈၆ ခုနှစ်က ဖွင့်ချပြခဲ့ဖူးသည်။ အစ္စရေး အနေဖြင့် နူးကလီးယားလက်နက်များကို ဖန်တီးစမ်းသပ်ခြင်း၊ ထုတ်လုပ်ခြင်းနှင့် အစုလိုက်အပြုံလိုက် သိမ်းဆည်း ခြင်းများကို နှစ်ပေါင်းများစွာ ပြုလုပ်လာခဲ့ကြသည်။

ကျွမ်းကျင်သူများက ဗနုနု၏သတင်းအချက်အလက် မှန်ကန်ကြောင်း ဆိုခဲ့ကြသည်။ အစ္စရေးတို့က အင်အားပြင်း နူကလီးယားသိုလှောင်ရုံတစ်ခု ဖြစ်လာရန်အတွက် ရှုပ်ထွေးလှသော နည်းပညာရပ်ကို ဖော်ထုတ်ခဲ့ကြသည်။ ယနေ့တွင်မူ ယ္ခင်ကထက်ပို၍ အင်အားကြီးမားလာပြီဖြစ်သည်။

၁၉၉၁ က ဆေးမို ဟားရ်ှ (Seymour Hersh) ဟုအမည်ရသော နာမည်ကြီးစာရေးဆရာ ရေးသားသည့် "The Samson Option: Israel's Nuclear Arsenal and America Foreign Policy," ခေါ် အစ္စရေးနူးကလီးယားလက်နက်တိုက်နှင့် အမေရိကန်နိုင်ငံခြားရေးမူဝါဒဟူသော စာအုပ်တွင် စာရေးသူက ပြင်းထန်သည့်ခြိမ်းခြောက်မှုများကို တုန့်ပြန်ရန်ရည်ရွယ်ချက်ဖြင့် ထားရှိသော အစ္စရေး၏ စွမ်းအားပြင်း နူကလီးယားတန်ပြန်တိုက်ခိုက်မှု နည်းနာများအကြောင်းကို ​ဆွေးနွေးထားသည်။

၁၉၉၇ တွင်ထုတ်ဝေသော ဆေးမိုဟာရ်ှ၏ "Open Secrets: Israeli Nuclear and Foreign Policies," ခေါ် အစ္စရေးနူးကလီးယားနှင့် နိုင်ငံခြားရေးမူဝါဒများစာအုပ်တွင် ဟီးဗရူးတက္ကသိုလ်၊ ဂျေရုစလင်မ်၏ ဓာတုဗေဒပါမောက္ခ အစ္စရာအီလ် ရှာဟက်က အစ္စရေးအနေဖြင့် အရှေ့အလယ်ပိုင်း နိုင်ငံများအပေါ် ဩဇာလွှမ်းမိုးမှု ပိုမိုအဆင့်မြှင့်တင်ရန် နူးကလီးယားနှင့် အခြားလက်နက်များ အသုံးပြု ဖို့ ဝန်လေးနေမှာမဟုတ်ကြောင်း ပြောကြားခဲ့သည်ဟု ဖော်ပြထားသည်။

၂၀၀၆ တွင်၊ အစ္စရေးဝန်ကြီးချုပ် အူဟုဒ် အိုမားတ်က ဂျာမနီ စက် (၁) ရုပ်မြင်သံကြား (Germany's Sat. 1 channel) သို့ အောက်ပါအတိုင်း ပြောကြားခဲ့သည်။

"အီရန်က အစ္စရေးကို မြေပုံပေါ်ကဖျောက်ပြစ်မယ်လို့ ပွင့်ပွင့်လင်းလင်းပဲ လူထုပရိသတ်ကို အသိ ပေး ခြိမ်းခြောက်နေတယ်။ သူတို့က ခုမှ အမေရိကန်၊ ပြင်သစ်၊ အစ္စရေးနဲ့ ရုရှတို့လိုမျိုး နူးကလီး ယားပိုင်ဆိုင်ဖို့ ကြိုးစားနေတုန်းရှိသေးတယ်၊ (ရာရာစစ) အဆင့်ချင်းမတူပဲ တန်ရာပြောတယ်လို့ ဘယ်လိုလုပ်ပြောနိုင်ပါ့မလဲ။"

အူဟုဒ် အိုမားတ်ကမူ ပရိသတ်က ရှင်းရှင်းလင်းလင်းနားထောင်ခဲ့ရသော ထိုစကားမျိုးကို သူမပြော ပါဟု နောက်ပိုင်းတွင် ငြင်းချက်ထုတ်ခဲ့သည်။ သူ့အား နဲနဲလျော့ပါအုန်းဟု တောင်းဆိုရမည်ပင်။ သို့မဟုတ်ပါက အစ္စရေးတွင် နူးကလီးယားလက်နက်များ ရှိနေကြောင်း သေချာသည့်စုံစမ်းမှုမျိုး မပါဘဲ စွပ်စွဲနေမှုများအား သူ၏စကားကပင် လူသိရှင်ကြား ထောက်ခံအသိပေးသလိုမျိုး ဖြစ်ခဲ့သည်။

အစ္စရေးတို့က အမြဲတမ်းလိုလို သူတို့၏နူကလီးယားပိုင်ဆိုင်မှုကိစ္စကို သို့လောသို့လောသံသယဝင် ရသည့်အဆင့်မျိုးသာ ဖော်ပြကြသည်။  အူဟုဒ် အိုမားတ်က နောက်ကြောင်းပြန်လှည့်ခဲ့သော်လည်း ဝေဖန်မှုများကိုမူ တစ်စုံတစ်ရာ ကျေနပ်မှုမပေးနိုင်ခဲ့ချေ။ သူ၏ ပြိုင်ဘက်ပါတီက သူ့အား မိမိစကား အပေါ် တာဝန် မယူနိုင်သူဟု သမုတ်ခဲ့သည်။

မီရက်ဇ် (Meretz) ပါတီမှ ယော့စ်နီ ဘိုင်လင်က "ဝန်ြကီးချုပ်ရဲ့ နူးကလီးယားစွမ်းအားနဲ့ဆိုင်တဲ့ ပြောဆိုမှု ဟာ တာဝန်မယူနိုင်တဲ့ ပရမ်းပတာပြောစကားမျိုးဖြစ်တယ်ဆိုတာ မီးမောင်းထိုးပြနေ ပါတယ်။" ဟု ပြောဆိုခဲ့သည်။

အိုမားတ်၏ ပြောစကားမှာ အတော်ကလေးတာသွားခဲ့သော်လည်း အပျက်ပျက်ကိန်းမဆိုက်ဖို့ ဖာထေးမှုများကလည်း များပြားခဲ့ပေသည်။ အိုမားတ်၏ ပြောခွင့်ရပုဂ္ဂိုလ် မီရီအိုင်ဆင်က ဝန်ကြီးချုပ် ၏ မှတ်ချက်မှာ အစ္စရေးတွင် နူးကလီးယားလက်နက်များရှိသည် သို့မဟုတ် အစ္စရေးက နူးကလီး ယားလက်နက် ပိုင်ဆိုင်လိုသည်ဟု အဓိပ္ပါယ်မရကြောင်း ပြောဆိုခဲ့သည်။

သို့သော် မော်ဒက်ချိုင်း ဗနုနု၏ ဖော်ထုတ်မှုအရမူ လွန်ခဲ့သည့် အနှစ် ၂၀ ကတည်းက အမှန်တရား မှာ ဘူးပေါ်သလို ပေါ်ခဲ့ရပြီးဖြစ်သည်။ ဗနုနုက "အနှစ် ၂၀ လုံးလုံး သူတို့က ကျွန်တော့် သက်သေပြမှု ကို လိမ်လည်လှည့်ဖျားမှုတွေလုပ်ခဲ့တယ်။ ဒါပေမယ့် မအောင်ခဲ့ပါဘူး။" ဟု ဆိုသည်။

အစ္စရေးကမူ ၎င်းတို့၏နူးလက်နက်ကိစ္စကို ဆွေးနွေးဖို့ ငြင်းဆန်နေမြဲဖြစ်သည်။ မေလ ၄ ရက်နေ့ ထုတ် ဟားရက်ဇ် (Haaretz) သတင်းစာ ခေါင်းကြီးပိုင်းတွင် "အစ္စရေး၏ အက်တမ်မစ် လက်နက် တိုက်မှာ အမေရိကန်နူးကလီးယားမူဝါဒ၏ သားကောင်ဖြစ်နိုင်" ဟု ခေါင်းစီးဖြင့် သတင်းဖော်ပြခဲ့ ဘူးသည်။ သတင်းက -

"ပြီးခဲ့တဲ့ဖေဖော်ဝါရီက ဟီရိုရှီးမားကို အလယ်အပတ်ရောက်ခဲ့ပါတယ်။ (အစ္စရေးကာကွယ်ရေး ဝန်ကြီး အူဟုဒ်ဘာရတ်) ၏ အာရုံကို ' ကမ္ဘာ့မြေပုံပေါ်တွင် အက်တမ်မစ်စွမ်းအားပိုင်ဆိုင်သော နူးကလီးယားထိပ်ဖူးများ စာရင်းဇယားအလိုက် ရှိနေပြီဟု ' ဘာရတ်နှင့်အတူ လိုက်ပါသွားသူက ဆွဲဆောင်ပြောဆိုခဲ့ပြီး တဆက်တည်း ထိုစာရင်းဇယား၏ နံပါတ်စဉ် ၈၀ တွင် အစ္စရေးကလည်း နေရာယူလိုက်ပြီဟု ပြောကြားခဲ့သည်။ ဘားရတ်က ထိုပြောကြားချက်ကို မည်သို့မျှမတုန့်ပြန်ခဲ့ပေ။"

ကျွမ်းကျင်သူအများစုကြီးက အစ္စရေးတွင် နူးကလီးယားထိပ်ဖူး ရာပေါင်းများစွာနှင့် ရှုပ်ထွေးဆန်း ပြားသည့် အဝေးပြစ်စနစ်များလည်း ရှိနေပြီဟု ယုံကြည်ကြသည်။

ပင်တဂွန်စစ်ဌာနချုပ်၏ စစ်ထောက်လှမ်းရေးအေဂျင်စီမှ ၁၉၉၀ နောက်ပိုင်းအခြေအနေများပါ လျို့ဝှက်စာတမ်းတစ်ခုမှာ သမ္မတဘုရ်ှလက်ထက်၌ ပေါက်ကြားခဲ့ပြီး ထိုစာတမ်းအရ ၁၉၉၉ တွင် အစ္စရေးပိုင် နူးလက်နက်ထိပ်ဖူးပေါင်း ၆၀ မှ ၈၀ ထိရှိကြောင်း သိရသည်။

အစ္စရေးသည် မည်သည့်အခါကမှ နူးကလီးယားပမာဏများပြားစွာ မထားရှိရေးနိုင်ငံတကာသဘော တူညီမှုကို လက်မှတ်မထိုးခဲ့ဖူးချေ။ ၁၉၆၉ တွင် အစ္စရေးဝန်ကြီးချုပ်က နူးကလီးယားကြောင့် နှစ်နိုင်ငံ ဆက်ဆံရေးမထိခိုက်စေရဟု အမေရိကန်ကို သဘောတူညီခဲ့ဖူးသည်။ ၁၉၉၈ တွင် ကလင်တန်နှင့် နတန်ယာဟုတို့က ထိုသည့်အတိုင်း သဘောတူခဲ့ကြပြန်သည်။ ၂၀၀၉ ၊ အိုဘာမား လက်ထက်တွင်လည်း ထိုအတိုင်းပင်။

အဆုံးတွင် ကျွမ်းကျင်သူများ ပြောင်းလဲရပြီ။  ငြိမ်းငြိမ်းချမ်းချမ်းဆောင်ရွက်နေသည့် အီရန်နူး ကလီးယားအစီအစဉ်အပေါ် အစ္စရေး၏စစ်ကြေညာသည့်နှယ် တုန့်ပြန်မှုမှာ သူ(အစ္စရေး)အနေဖြင့် (တနည်းအားဖြင့်) ၎င်းတို့ကိုယ်တိုင်၏ စစ်အင်အားကို တိုးတက်မြင့်မားစေရန် လုပ်ဆောင်နေခြင်း ပင်ဖြစ်သည်။

အစ္စရေး၏ ဓာတုဇီ၀လက်နက်များ

၁၉၉၃ တွင် အစ္စရေးက ဓာတုလက်နက်ထိန်းချုပ်ရေးသဘောတူညီမှု (CWC) ကိုလက်မှတ်ရေးထိုး ခဲ့သည်။ သို့သော် လက်တွေ့ဆောင်ရွက်မှုမျိုး မပြုလုပ်ခဲ့ပေ။ ၁၉၇၂ ဇီ၀လက်နက်ထိန်းချုပ်ရေး သဘောတူညီမှု(BWC) ကိုမူ လက်မှတ်မထိုးခဲ့ပေ။

၁၉၉၃ ခုနှစ်၊ အမေရိကန်၊ ကွန်ဂရက်ရုံးဌာန၊ နည်းပညာသုံးသပ်မှုဆိုင်ရာကြေညာစာတမ်းတွင် အစ္စရေးကို ဓာတုလက်နက်စွမ်းအင်ပိုင် (ပိုင်ဆိုင်မှုကို ဖော်ပြခြင်းမရှိသော) နိုင်ငံတစ်ခုအနေဖြင့် စာရင်းသွင်းထားသည်။ ၁၉၉၈ တွင် ဒုတိယလက်ထောက် ကာကွယ်ရေးဌာနအတွင်းရေးမှူးဖြစ်သူ ဘီလ်ရစ်ချက်ဆင်က "အစ္စရေးက ဇီ၀နဲ့ဓာတုလက်နက်တွေကို လုပ်နေတာကြာနေပြီဆိုတာ ကျွန်တော် သံသယမရှိပါဘူး။ သူတို့ဆီမှာ ဒါမျိုးတွေ နှစ်များစွာကပဲ ရှိနေခဲ့တာပါ။" ဟု ပြောဆိုခဲ့ သည်။

၂၀၀၆ ခုနှစ်၊ Cast Lead ဟု အမည်ပေးထားသည့် ဂါဇာစစ်ပွဲတွင် လက်ဘနွန်အား ဓာတုလက်နက်၊ ဇီ၀လက်နက်ဆက်စပ်သည့် လက်နက်များဖြင့် အစ္စရေးကတိုက်ခိုက်ခဲ့သည်။ ဒဏ်ရာရသူများကို စစ်ဆေးရာ၊ တခါမှမမြင်ဘူးသည့် လက္ခဏာအခြေအနေများကို ဆေးပညာဆိုင်ရာ ကျွမ်းကျင်သူများ တွေ့ရှိခဲ့ရ ကြောင်း ဖော်ပြသည်။

ဥပမာ ကိုယ်ခန္ဓာပေါ်တွင် အသားသေများကိုတွေ့ရသော်လည်း ထိုအသားများတွင် မည်သည့်ဒဏ်ရာ မှ မတွေ့ရခြင်း၊ အလောင်းများမှာ ကျုံ့ဝင်သွားပြီး မူလအရွယ်အစားထက် သေးငယ်နေခြင်း၊ အရပ်သားများတွင် ခြေသို့မဟုတ် လက်မောင်းများ၌ ပြင်းထန်သည့် ထိခိုက်မှုခံစားရပြီး ထိုနေရာများ ကို ဖြတ်ပြစ်လိုက်ရခြင်း စသည်များဖြစ်သည်။ မည်သို့ပင်ကုသစေကာမူ ထိုအသားသေ များ ရှိနေသူများသည် အဆုံးတွင် သေဆုံးခဲ့ကြသည်။

ခန္ဓာကိုယ်အတွင်းပိုင်းဒဏ်ရာများကို စစ်ဆေးရာ၌လည်း မည်သည့်လက်နက်နှင့် ပြစ်ခတ်မှုကြောင့် ဒဏ်ရာရရှိနေကြောင်း ခွဲခြမ်းစိတ်ဖြာ၍ မရခဲ့ပေ။ အလောင်းကောင်များမှာ မီးမျိုက်ထားသလို မဲနေသော်လည်း လက်တွေ့တွင်မူ ၎င်းတို့မှာ မီးလောင်ခံခဲ့ရသည်မဟုတ်ပေ။ အချို့သော ဒဏ်ရာ ပြင်းထန်နေသူများသည် ဒဏ်ရာများမှ သွေးထွက်ခြင်းမရှိပေ။ ပါလစ္စတိုင်း ကျန်းမာရေးဝန်ကြီးဌာန ကမူ အစ္စရေးက အဆိပ်နှင့် ရေဒီယိုသတ္တိကြွပစ္စည်းများပါသည့် ဖောက်ခွဲရေးလက်နက်အသစ်ကို အသုံးပြုခဲ့သည်ဟု ဆိုသည်။ ပါလစ္စတိုင်းဆရာဝန်များက X ray ဖြင့် မစစ်ဆေးနိုင်သော အသား ပျော့များပေါ်၌ ထိခိုက်သည့် ဒဏ်ရာများမှာ အစ္စရေး၏ဓာတုလက်နက်ကြောင့်ဖြစ်ကြောင်း စွပ်စွဲပြော ကြားသည်။

၂၀၁၁၊  ဇွန် ၊ CounterPunch  သတင်းစာတွင် ဆာလေဟ်အလ် နာမီဆိုသူ၏ "အစ္စရေး၏ အန္တရာယ်အပြင်းဆုံး လျို့ဝှက်ချက်အား ဖော်ထုတ်ခြင်း" အမည်ဖြင့် ​ဆောင်းပါးတစ်ပုဒ် ပါဝင်ခဲ့သည်။ အစ္စရေး၏ ဇီ၀သုတေသနဌာန၊ Israeli Institute for Biological Research (IIBR) သို့ ခွင့်ပြုသူများသာ ဝင်ရောက်ခွင့်ရကြောင်း၊ အစ္စရေးကမူ IIBR ကို အစိုးရနှင့်သက်ဆိုင်သော ဇီ၀၊ ဆေးဘက်ဆိုင်ရာ ဓာတုနှင့် ပတ်ဝန်းကျင်းသိပ္ပံဆိုင်ရာ ကဏ္ဍများ သုတေသနပြုလုပ်သည့် နည်းပညာဌာအဖြစ် ဖော်ပြကြောင်းသိရသည်။

"အခြားသူများက IIBR ကို အစ္စရေး၏ ဓာတုဇီ၀လက်နက်ထုတ်လုပ်ရာ နေရာအဖြစ် ဖော်ပြကြပြီး ထိုလက်နက်များကို စစ်ဘက်ဆိုင်ရာများအတွက် ပြင်ဆင်ထားကြောင်း သိရသည်။ ထိုနေရာမှာ အစ္စရေး၏ စစ်ဘက်ဆိုင်ရာ အလျို့ဝှက်ဆုံးနေရာဖြစ်ကြောင်း ဖော်ပြကြသည်။"

၁၉၄၈ ၌ အစ္စရေးဝန်ကြီးချုပ် ဒေးဗစ် ဘင်ဂူးရီယန်က လူများများသတ်ပြစ်နိုင်မည့် သိပ္ပံပညာရှင်နှင့် လူများများကုသပေးနိုင်မည့် သိပ္ပံပညာရှင် နှစ်မျိုးလုံးကို အလုပ်ပေးခန့်အပ်ရန်၊ ထိုနှစ်မျိုးလုံးမှာ အရေးကြီးကြောင်း ဥရောပတိုက်နေ ဂျူးသိပ္ပံပညာရှင်များကို အမိန့်ပေးခဲ့ဖူးသည်။ 

သူ (ဘင်ဂူးရီယန်) နှင့် လက်ရှိဝန်ကြီးချုပ် ရှီမွန်ပီရက်ဇ်တို့မှာ နူးလက်နက်၊ ဇီ၀နှင့် ဓာတုလက်နက် ဖွံ့ဖြိုးရေးအစီအစဉ်များ၏ ခေါင်းဆောင်ပိုင်းများဖြစ်ကြောင်း www.opednews.com တွင် ချီကာဂိုမှ Stephen Lendman ဆိုသူ ဆောင်းပါးရှင်က တင်ပြထားသည်။ 

အကျယ်ဖတ်ရှုရန် - http://www.opednews.com/articles/1/Israel-s-Nuclear-Biologic-by-Stephen-Lendman-120517-920.html

Read more »

ဆော်ဒီအာရေဗျတွင် ဂရီဂိုးရီးယန်းပြက္ခဒိန်အသုံးပြုခြင်းအား ပိတ်ပင်

ပင်လယ်ကွေ့သတင်း 

၁၈:၂၇ ၊ ၁၇ ရက် မေလ ၂၀၁၂

ဒူဘိုင်း : ဆော်ဒီအာရေဗျနိုင်ငံအတွင်း အစိုးရဌာနများနှင့် ပုဂ္ဂလိက အေဂျင်စီများ၌ ဂရီဂိုးရီးယန်း ပြက္ခဒိန်ကို တရားဝင်ကိစ္စရပ်များ ဆောင်ရွက်ရာတွင် အသုံးမပြုရန် တားမြစ်ပိတ်ပင်လိုက်ကြောင်း ပင်လယ်ကွေ့သတင်းက ဖော်ပြထားသည်။ 

ဒေသတွင်းသတင်းတစ်ခုအရ ကုမ္ပဏီနှင့် ဟော်တယ်များတွင် ဖုန်းဖြေကြားရာတွင်လည်းကောင်း၊ စကားပြောဆက်သွယ်မှုများတွင်လည်းကောင်း အင်္ဂလိပ်ဘာသာစကားအသုံးပြုခြင်းကို ပိတ်ပင် လိုက်ကြောင်း သိရသည်။

ဆော်ဒီပြည်ထဲရေးဝန်ကြီးဌာနကမူ ဝန်ကြီးဌာနများနှင့် အေဂျင်စီများတွင် ဟစ်ဂျရီပြက္ခဒိန်နှင့် အာရဗီဘာသာစကားကိုသာ အသုံးပြုရမည်ဖြစ်ကြောင်း ပြောကြားသည်။ အာရဗီနေ့စဉ်သတင်းစာ အလ်ဝတန်က ထိုဆုံးဖြတ်ချက်သည် အစ္စလာမ့်ပြက္ခဒိန်နှင့် အာရဗီဘာသာစကားကို ထိန်းသိမ်းရာ ရောက်ကြောင်း တင်ပြသည်။ 

ဝန်ကြီးဌာနများနှင့် ပြည်သူ့ရေးရာဌာများတွင် ဂရီဂိုးရီးယန်းပြက္ခဒိန်ကို မလိုအပ်ဘဲအသုံးပြုနေခြင်း များရှိနေကြောင်းကို အစိုးရကသတိထားမိကြောင်း၊ ထိုသည် အမိန့်အာဏာကို ချိုးဖောက်ရာရောက် ကြောင်း ဖော်ပြသည်။ ကုမ္ပဏီဧည့်ကြိုဌာများနှင့် ဟော်တယ်များတွင်လည်း အင်္ဂလိပ်ဘာသာစကား ကို သုံးနေကြဆဲဖြစ်ကြောင်း ပြည်ထဲရေးဝန်ကြီးဌာနက ဆိုသည်။

သို့သော် ဝန်ကြီးဌာများနှင့် အေဂျင်စီများတွင် ဟစ်ဂျရီသက္ကရာဇ်ကို ဂရီဂိုးရီးယန်းပြက္ခဒိန်နှင့်ဆက် စပ် အသုံးပြုဖို့ လိုအပ်သည့်အခါများတွင် အသုံးပြုနိုင်ကြောင်း သိရသည်။

Source: Gulf News

Read more »

အဟ်မဒီမွတ်စလင်များ အစ္စလာမ့်ငြိမ်းချမ်းရေးသတင်းစကားအတွက် အိမ်တိုင်ရာရောက် တံခါးခေါက်ခြင်း

  
အဟ်မဒီယာမွတ်စလင်အဖွဲ့ဟာ မေလ ၆ ရက် နေ့က ကနေဒါနိုင်ငံရဲ့ မြို့တော်ပေါင်း ၈၀ ခန့်နဲ့ အခြားအနီးဝင်းကျင်တွေမှာ အစ္စလာမ်နဲ့ ပတ်သက်လို့ မှားယွင်းစွာ နားလည်လက်ခံထားမှုတွေကို ဖယ်ရှားဖို့အတွက် လူထုရှိရာအိမ်တွေအထိ သတင်းစကားပါးခဲ့ကြပါတယ်။ သူတို့ဟာ အစ္စလာမ့် ငြိမ်းချမ်းရေးသတင်းစကားပါးတဲ့ နေ့တစ်နေ့အဖြစ်ပြုလုပ်ခဲ့ကြတာပါ။ အဲ့ဒီကျင်းပမှုက တကယ်ပဲထူးခြားပါတယ်။ အကြောင်းက ထောင်နဲ့ချီတဲ့ အဟ်မဒီယာ မွတ်စလင်အဖွဲ့သားတွေဟာ ဒီ Love for All - Hatred for None (အားလုံးအပေါ်မေတ္တာထား မည်သူ့ကိုမျှအမုန်းမပွား) ဆိုတဲ့ လှုပ်ရှားမှုအောက်မှာ ပါဝင်ခဲ့ကြပြီး အစ္စလာမ့်သဘောတရား အစစ်အမှန် ပါဝင်တဲ့ လက်ကမ်းစာစောင်တွေကို ဝေငှခြင်းအားဖြင့် အစ္စလာမ့်ငြိမ်းချမ်းရေးသဘောကို တိုးမြှင့်ထင်ရှားစေခဲ့ပါတယ်။ အမျိုးသား၊ အမျိုးသမီး နဲ့ လူငယ် လူရွယ်တွေ အမြောက်အများလည်း ဒီငြိမ်းချမ်းရေးလှုပ်ရှားမှုမှာ အားတက်သရော ပါဝင်ခဲ့ကြပါတယ်။

ဒီလှုပ်ရှားမှုထဲမှာ အင်္ဂလိပ်ဘာသာဖြင့် အပြည့်အစုံ ပြန်ဆိုထားတဲ့ ကိုရ်အာန်ကျမ်းစာ (Holy Qur'an) စာအုပ်တွေကိုလည်း အလိုရှိတဲ့ ပရိတ်သတ်တွေဆီ အခမဲ့ဝေငှပေးမှုတွေလည်း ပါဝင်ခဲ့ပါတယ်။  ကမ္ဘာလောကမှာ စစ်မှန်တဲ့ ယုံကြည်မှုပြန်လည်ရှင်သန်လာစေဖို့အတွက် (၁၈၈၉) ခုနှစ်မှာ ပွင့်ပေါ်လာတဲ့ အဟ်မဒီယာ မွတ်စလင်အဖွဲ့ကို ထူထောင်သူ ကတိတော်လာ မဆီဟ်သခင် ရေးသားချက်တွေထဲမှ ကောက်နှုတ်ချက်တွေကိုလည်း နိုင်ငံအနှံ့ ဖြန့်ချီတဲ့ ဒီလက်ကမ်းစာစောင်တွေထဲမှာထည့်သွင်း ဖြန့်ချီခဲ့ပါတယ်။

Source: www.themuslimtimes.org

အဟ်မဒီယတ် သို့မဟုတ် အစ္စလာမ်ပြန်လည်ဆန်းသစ်ခြင်း

Read more »

အန္ဒလူးဆီးယား၊ စပိန်မြေပေါ်မှ နှစ်ပေါင်း ၅၀၀ အတွင်း ပထမဆုံး အစ္စလာမ့်ဗလီဝတ်ကျောင်းတော် : ဖြစ်ပေါ်လာပုံ

 စပိန်နိုင်ငံ၊ အန္ဒလူးဆီးယားမြေတွင် အာရပ်ခေတ်အလွန် ပထမဆုံးအစ္စလာမ့်ဗလီဝတ်ကျောင်းတော်ပြန်လည် တည်ဆောက်ခွင့်ရရန် ကြိုးပမ်းဆောင်ရွက်ခဲ့သူ အဟ်မဒီမွတ်စလင်မ်သာသနာပြု ကရမ် အီလာဟီဇဖရ်

အန္ဒလူးဆီးယားဟု ကျော်ကြားခဲ့သော ယနေ့သိပ္ပံ၏ ကနဦးလမ်းထွင်သူများ ပေါ်ထွန်းခဲ့ရာ စပိန်မြေ ပေါ်တွင် မိုးဝါးခေါ် အာရပ်မွတ်စလင်မ်လုံး၀ပပျောက်စေရန် တပ်သုတ်ရိုက်ဆောင်ရွက်ခဲ့အပြီး ယခု အချိန် (၁၉၄၀ ပြည့်လွန်နှစ်များ) ထိ သာသနာရေးကို စကားပင်မစနိုင်အောင် ပိတ်ပင်တားမြစ်နေ သည့် အခါသမယ။ ၁၆၀၉ ခု ဖီးလစ်နံပါတ် ၃ ဘုရင်က စပိန်မြေမှ မွတ်စလင်မ်များ ထွက်သွားဖို့ Edicts of Expulsion ဥပဒေကို တရားဝင်ထုတ်ပြန်ပြီးကတည်းက စပိန်တွင် အစ္စလာမ်သာသနာမှာ လုံး၀ ညှိုးမှိန်နေခဲ့ရပေတော့သည်။

၁၉၄၆ ခုနှစ် စပိန်နိုင်ငံ။ ပြည်တွင်းစစ်မီး အပြီးကာလ။ နိုင်ငံတော်၏စီးပွားရေးကလည်း ချွတ်ခြုံကျ ကပ်ဆိုက်နေသည့်အချိန်။ အစိုးရက ဘာသာသာသနာအားလုံးကို ဖြန့်ချိခြင်း၊ တရားဟောခြင်း၊ ဝတ်ပြုကျောင်းဆောင်ဆောက်လုပ်ခြင်း စသည်များအားလုံးမျှပိတ်ပင်ထားမြစ်ထားခဲ့သည်။ ကက်သ လစ်ဘာသာဝင်များကိုပင် ယင်းသို့တင်းတင်းကြပ်ကြပ်ပိတ်ပင်တားမြစ်ထားသည့်ကာလ။ အစ္စလာမ် သာသနာပြုမှု စိုးစဉ်းမျှမရှိစေရ။ အစ္စလာမ်သာသနာအား နိုင်ငံတွင်းဖြန့်ချိပါက မုချမလွဲပြည်နှင် ဒဏ်ခံရမည်ပင်။

အဟ်မဒီယာမွတ်စလင်မ်လှုပ်ရှားမှုအသင်းအဖွဲ့ကြီးအား တည်ထောင်သူအရှင်သူမြတ်က မိမိ၏ အသင်းအဖွဲ့ဝင်များအား အစ္စလာမ်၏ ဝိညာဉ်ရေးရာပြန်လည်စမ်းသစ်ခြင်းအသွင်ဖြင့် သာသနာ ရေးကို လောကီရေးအားလုံးထက် ဦးစားပေးအလေးထားရန်သွန်သင်လမ်းညွှန်ခဲ့ပေသည်။ ရလဒ်မှာကား...

၁၉၄၅ ခုနှစ်။ အဟ်မဒီယာမွတ်စလင်မ်လှုပ်ရှားမှုအသင်းကြီး၏ ဒုတိယမြောက် ခလီဖတွလ်မဆီဟ်၊ မီရ်ဇာ ဘရှီးရွတ်ဒ္ဒင်း မာဟ်မူဒ်အဟ်မဒ်(သခင့်အပေါ်သို့ အလ္လာဟ်အရှင်မြတ်ထံတော်ပါးမှ ငြိမ်းချမ်း ခြင်း သက်ဆင်းပါစေ) လက်ထက်။ ခလီဖတွလ်မဆီဟ်သခင်ကြီးက ဥရောပတွင် အစ္စလာမ်သာသနာ ပျံ့နှံ့စေဖို့ စီမံကိန်းချကြိုးပမ်းဆောင်ရွက်ရန် လက်ရွေးစဉ် မစ်ရှင်နရီ၊ သာသနာပြု များကို ရွေးချယ်ခဲ့ သည်။ ထိုအထဲတွင် အန္ဒလူးဆီးယားမြေပေါ် အစ္စလာမ့်သတင်းစကား ပြန်လည်ရောက်ရှိစေဖို့ အလ္လာဟ်အရှင်မြတ်၏ နှစ်လိုဖွယ်အသုံးချခံကျေးကျွန်တစ်ဦးဖြစ်သည့် ကရမ်အီလာဟီ ဇဖရ် ဆိုသူ အဟ်မဒီမစ်ရှင်နရီ၏ အမည်ပါဝင်မလာခဲ့ချေ။

အီလာဟီဇဖရ်။ ၁၉၁၉ တွင်မွေးဖွားခဲ့ပြီး အစ္စလာမ်သာသနာအတွက် ဘ၀ကိုပုံပေးလှူထားသည့် ဇွဲစိတ်ထက်သန်သော အဟ်မဒီသာသနာပြုတစ်ဦး။ ယခုမူ မိမိခေါင်းဆောင်က ဥရောပသို့ သာသနာ ပြုစေလွှတ်ရန် ရွေးချယ်ထားသောလက်ရွေးစင်စာရင်းတွင် မိမိအမည်ပါမလာ။ စိတ်အတွင်းသို့ ထိုသည့်ဝမ်းနည်းမှုက ချက်ချင်းသိမ်းပိုက်ဝင်ရောက်လာခဲ့ပြီ။ မိမိ၏ စာသင်ဖော်သင်ဖက်၊ လုပ်ဖော် ကိုင်ဖက် သာသနာပြုများကမူ စာရင်းဝင်ခဲ့ပြီး မိမိမှာမူ အဘယ်ကဲ့သို့ ကြောင့် ထိုသည့် အစ္စလာမ် အားအလုပ်အကျွေးပြုရမည့်အစီအစဉ် အခွင့်ထူးကြီးကို လက်လွှတ်ရပါအံ့နည်း။

အိန္ဒိယနိုင်ငံ၊ ကာဒီယန်ရှိ အက္ကဆာဗလီဝတ်ကျောင်းတွင် အီလာဟီဇဖရ်တစ်ယောက် မိမိ၏ဖန်ဆင်း ရှင်ထံ ငိုကြွေးမြည်တမ်းကာ တောင်းဆုချွေခဲ့မှု၏ ရလဒ်အဖြစ် ဗလီမှအပြန်လမ်းတွင် လုပ်ဖော် ကိုင်ဖက် သာသနာပြုများက သူ့ကိုလက်ဆွဲနုတ်ဆက်ကာ သတင်းကောင်းပါးခဲ့သည်မှာ "ဟာဇရသ် ခလီဖတွလ်မဆီဟ်က အီလာဟီဇဖရ်ဆာဟိဘ်ကို စပိန်ကိုသွားဖို့ သာသနာပြုအဖြစ် ရွေးချယ်လိုက် ပြီ။"

၁၉၄၆၊ ဇွန်လ ၂၄ ရက်။ အီလာဟီဇဖရ်၊ အန္ဒလူးဆီးယားမြေသို့ အစ္စလာမ့်အောင်လံတော်စိုက်ထူရန် ပထမဦးဆုံးအကြိမ် ချေချခဲ့ပြီ။ ၁၉၄၆ တွင်မှ စပိန်က ကပ်ဒုက္ခခံနေရသည့်အချိန်၊ ဘာသာသာသနာ များ၊ အထူးသဖြင့် အစ္စလာမ်ကို အစိုးရက နှိပ်ကွပ်နေသည့်အချိန်။ ထိုကြောင့်လည်း အီလာဟီဇဖရ် တစ်ယောက် မိမိ၏သာသနာပြု လုပ်ငန်းစဉ်တွင် ကြီးမားသော ဒုက္ခဆင်းရဲမှန်သမျှကို ခံခဲ့ရသည်။ အစိုးရ၏ဖမ်းဆီးချုပ်နှောင်မှုကို အကြိမ်များစွာခံခဲ့ရသည်။ အဆုံးတွင်မူ အီလာဟီဇဖရ်၏ သာသနာ ပြုကြိုးပမ်းမှုများမှာ အစိုးရထိပ်ပိုင်း အထိ သတင်းပျံ့နှံ့သွားပြီး သူ့ကိုပြည်နှင်ဒဏ်ပေးရန် စီစဉ်ခဲ့ကြ သော်လည်း အလ္လာဟ်အရှင်မြတ် ကောင်းချီးမင်္ဂလာဖြင့် ထိုအစီအစဉ်မှာ အထမမြောက်ခဲ့ပေ။

၁၉၄၇ခုနှစ်။ အိန္ဒိယနှင့်ပါကစ္စတန်ခွဲခဲ့အပြီး အဟ်မဒီယာမွတ်စလင်မ်ဂျမာအသ်အဖွဲ့ ဌာနချုပ် မှာလည်း အိန္ဒိယမှ ပါကစ္စတန်နိုင်ငံ ရဗ္ဗဝါမြို့သို့ ရွှေ့ပြောင်းခဲ့သည်။ ဟာဇရသ် ခလီဖတွလ် မဆီဟ် ဒုတိယမြောက်က အသင်းအဖွဲ့အတွင်း ဘဏ္ဍာရေးအကျပ်အတည်းကြောင့် ဥရောပရောက် အချို့ သောသာသနာပြုများကို မိမိတို့မစ်ရှင်များ ခေတ္တရပ်ဆိုင်းဖို့ ဆုံးဖြတ်တော်မူခဲ့သည်။ ထိုအထဲတွင် စပိန်ရောက် အီလာဟီဇဖရ်လည်း ပါဝင်ခဲ့သည်။

အီလာဟီဇဖရ်က မိမိသခင်ထံ မေတ္တာရပ်ခံခဲ့သည်မှာ မိမိအနေဖြင့် ကိုယ်ပိုင်အသက်မွေးဝမ်း ကျောင်းကာ စပိန်တွင်ဆက်နေပြီး ရည်မှန်းချက်အတိုင်း ကြိုးစားရန်ပင်။ အီလာဟီဇဖရ်၏ မေတ္တာ ရပ်ခံမှုကို အဟ်မဒီယာမွတ်စလင်မ်အဖွဲ့၏ ခေါင်းဆောင် ဟာဇရသ်ခလီဖတွလ်မဆီဟ် ဒုတိယ မြောက်က လက်ခံတော်မူခဲ့ပြီး အီလာဟီဇဖရ်၊ အင်္ဂလန်နိုင်ငံတွင်ရှိနေစဉ် လေ့လာခဲ့ဖူးသော ရေမွှေး ပြုလုပ်သည့်အတတ်ပညာဖြင့် သူ့တစ်ကိုယ်စာ ၀မ်းရေးကို ဖြေရှင်းရင်း အစ္စလာမ်သာသနာပြန့်ပွား ရေးကို ဆက်လက် လုပ်ဆောင်သွားရန် အကြံပြုတော်မူခဲ့သည်။

၁၉၄၈ ခုနှစ်။ မက်ဒရစ်မြို့။ ရေမွှေးဗန်းကလေးဖြင့် မက်ဒရစ်လမ်းအနှံ့ ခေါက်တုန့်ခေါက်ပြန် လမ်းလျှောက်နေသော အီလာဟီဇဖရ်။ မက်ဒရစ်က လူများက သူ့ကို စပိန်ဘာသာဖြင့် “Perfumera`” (ရေမွှေးသည်) ဟု ခေါ်ဝေါ်ခဲ့ကြသည်။ နောက်ပိုင်းတွင် နာမည်ကြီးစာအုပ် Reader Digest က သူ၏ ရုပ်ပုံဖြင့် အစ္စလာမ်သာသနာ စပိန်မြေသို့ပြန်လည်ပို့ဆောင်ပေးခဲ့သူအဖြစ် ဖော်ပြခဲ့ရသည် အထိ အစ္စလာမ့်အရေးဆောင်ရွက်သူ “Perfumera`” ခေါ် အီလာဟီဇဖရ်ကို ထိုအချိန်က အရေးတကြီး ကရုစိုက်ရမည့်သူဟု မည်သူမျှမထင်မှတ်ခဲ့ကြပါချေ။

အီလာဟီဇဖရ်က စပိန်နိုင်ငံအနှံ့အပြားရှိ ကုန်သွယ်ရေးပွဲတော် (Trade Fairs) များသို့ သွားရောက် ကာ လူအများအား ရေမွှေးရောင်းရင်း အစ္စလာမ်သာသနာဘက်တော်သို့ ဖိတ်ခေါ်ခဲ့သည်။ မက်ဒရစ် မြို့၊ အလ်ရက်စ္စထရိုဟူသော နေရာကလေးမှာ အီလာဟီဇဖရ်၏ ၃၄ နှစ်တိုင်တိုင် ပင်တိုင်ရေမွှေး ရောင်းသောနေရာကလေးပါပင်။ ထိုနေရာကလေးမှ မိတ်ဆွေဖွဲ့ခဲ့ပါသည်။ ထိုနေရာကလေးမှ အစ္စလာမ်သာသနာအား ဖြန့်ချိခဲ့ပါသည်။ ထိုနေရာကလေးမှ လူအများ၏ စိတ်ဝင်စားမှုအာရုံကို ရရှိခဲ့ပါသည်။ သူ၏ ရေမွှေးရောင်းရင်း တတွတ်တွတ်ပြောဆိုနေတတ်သော "သောင်ဟီးဒ်" ၊ တစ်ဆူ တည်းဝါဒမှာ ပတ်ဝန်းကျင်သို့ ဆွဲဆောင်မှုတစ်ခုဖြစ်လာခဲ့ပါပြီ။

အလ္လာဟ်အရှင်မြတ်၏ ကောင်းချီးမင်္ဂတော်ဖြင့်ပင်။ သူ၏ရေမွှေးလုပ်ငန်းက အမြတ်အစွန်းကလေး များဖြင့် "The Way To Peace" ခေါ် ငြိမ်းချမ်းခြင်းဆီသို့ဟု အမည်ပေးထားသော အစ္စလာမ့်ဘက် သို့ ဘိတ်ခေါ်သည့်စာအုပ် (ရေး - ဒုတိယမြောက်ခလီဖတွလ်မဆီဟ်) ကို စပိန်ဘာသာဖြင့် ပြန်ဆိုဖြန့် ချိပြီ။ သူ၏စာအုပ်ကို ပရိသတ်အမြောက်အမြားက လက်ခံဖတ်ရှုသော်လည်း စပိန်အစိုးရက တရား ဝင်ဖြန့်ချိခွင့် ပိတ်ပင်ခဲ့သည်။ သို့သော် ခရစ်ယာန်ဘုန်းတော်ကြီးတစ်ပါးက သူ၏စာအုပ်ကို ပိတ်ပင် ခြင်းမှာ စပိန်၏ စိတ်ဝင်စားမှုကို လျော့ချပြစ်ရာရောက်သည်ဟု အာဏာပိုင်များကို ဖျောင်းဖျပြောဆို ခဲ့ရာမှ အီလာဟီဇဖရ်၏ ဘာသာပြန်စာအုပ်မှာ တရားဝင်ဖြန့်ချိခွင့်ရရှိခဲ့သည်။

ထိုဖြန့်ချိမှုမှ လူထုပရိတ်သတ်၏ လက်ခံမှု၊ သဘောကျကျေနပ်မှုတို့ကို ရရှိခဲ့သည်။ ထို့နောက်တွင်မူ "The Teachings of Islam" ခေါ် အစ္စလာမ့်ဒဿနကျမ်း (ရေး - မဆီဟ်နှင့် မဟ်ဒီဘွဲ့ခံ ဟာဇရသ် မီရ်ဇာဂူလာမ်အဟ်မဒ်အရှင်သူမြတ်၊ အလိုင်စလာမ်) ကို စပိန်ဘာသဖြင့် ထုတ်ဝေဖို့ အခွင့်ထူးရခဲ့ ပြန်သည်။ ထိုစာအုပ်ထုတ်ဝေမှုကိုလည်း အီလာဟီဇဖရ်၏ ရေမွှေးစီးပွားရေးအမြတ် အစွန်းမှပင် အထောက်အပံ့ပေးနိုင်ခဲ့သည်။ သို့သော် ကက်သလစ်ချာခ်ျများ၏ ကန့်ကွက်မှုကြောင့် ထိုစာအုပ်ကို အစိုးရက ပိတ်ပင်တားမြစ်ခဲ့သည်။ အီလာဟီဇဖရ်ကား အစ္စလာမ်အတွက် ဇွဲနပဲကြီးမားသူပင်ဖြစ်သ ဖြင့် ထိုစာအုပ်ဘာသာပြန်ကို လန်ဒန်သို့ပေးပို့ကာ စပိန်ပညာကျော်များထံမှ ထောက်ခံချက်စာ ရင်းကို ရယူခဲ့သည်။ ထို့နောက် စပိန်အစိုးရ၏ ပိတ်ပင်မှုကို အဆုံးသတ်ရန် အကြိမ်များစွာကြိုးစားခဲ့ ပြီး အဆုံးတွင် စပိန်အစိုးရအဖွဲ့၊ ဗိုလ်ချုပ်ဖရန်ကိုထံ ထိုစာအုပ်ကို ရောက်အောင်ပေးပို့ခဲ့လေတော့ သည်။

ဗိုလ်ချုပ်ဖရန်ကိုက စာအုပ်ကိုစေ့စပ်စွာဖတ်ရှုခဲ့ပြီး ကျေးဇူးတင်တန်ဖိုးထားကြောင်း အလေးအနက် ဖော်ပြကာ စာတစ်စောင် ပြန်ကြားခဲ့ပေရာ အီလာဟီဇဖရ်အဖို့ အလ္လာဟ်အရှင်မြတ်၏ကျေးဇူးတော် ဖြင့် ထိုစာအုပ်ကို လွတ်လပ်စွာဖြန့်ချိနိုင်ခဲ့သည်သာမက ရဲဌာနများက စုံစမ်းမေးမြန်းသည့်အခါတိုင်း တွင်လည်း ဖရန်ကို၏စာမှာ အလွန်အသုံးဝင်ခဲ့လေသည်။

အီလာဟီဇဖရ်က အပတ်စဉ်ဟောပြောပွဲလေးများပြုလုပ်ကာ လူထုပရိသတ်ကို သာသနာပြုခဲ့သည်။ ထို့နောက် ယဉ်ကျေးမှုစင်တာများ၊ တက္ကသိုလ်များနှင့် ကျောင်းများကပါ သူ့ကို အစ္စလာမ်သာသနာ နှင့် စပ်လျဉ်း၍ ဟောပြောရန် ဆက်သွယ်လာခဲ့ကြသည်။ သူ၏ဘ၀တွင် အစ္စလာမ့်သတင်းစကားကို ပုဂ္ဂလိကစကားဟောပြောမှုများမှလည်းကောင်း၊ စပိန်အသင်းအဖွဲ့များ၏ ပုဂ္ဂလိက သို့မဟုတ် ပညာပေးကဏ္ဍအနေဖြင့် ဟောပြောပွဲဖိတ်ကြားမှုများမှလည်းကောင်း ဖြန့်ချိခဲ့ပေရာ အီလာဟီဇဖရ် သည် စပိန်ဘုရင်မ ဆိုဖီယာနှင့် မင်းသား ဖီလစ်ပီတို့၏ ရှေ့မှောက်၌ပင် အစ္စလာမ့်ပင်မရင်းမြစ် တရားဒေသနာဖြစ်သော "သောင်ဟီးဒ်" ၊ တစ်ဆူရှင်ဝါဒကို ရဲဝံ့ပြတ်သားစွာ ဖြန့်ချိခွင့် ရခဲ့လေသည်။

၁၉၈၀ခုနှစ်။ အောက်တိုဘာလ ၉ ရက်။ အဟ်မဒီသာသနာပြုတစ်ဦးဖြစ်သူ အီလာဟီဇဖရ်၏ ကြိုးပမ်းမှုကို အလ္လာဟ်အရှင်မြတ်က နှစ်မြို့လက်ခံတော်မူပြီ။ ထိုနေ့အခါသမယတွင် အစ္စလာမ် သာသနာ၊ အန္ဒလူးဆီးယားမှ ပျောက်ကွယ်ခဲ့ပြီး နှစ်ပေါင်း ၅၀၀ အတွင်း ပထမဆုံးသော ဗလီဝတ် ကျောင်းတော်ကို အုတ်မြစ်ချနိုင်ခဲ့လေသည်။ ထိုဗလီဝတ်ကျောင်းတော်ကို စပိန်နိုင်ငံ၊ ကော်ဒိုဗာမြို့ တွင် အဟ်မဒီယာမွတ်စလင်မ်အဖွဲ့ ခေါင်းဆောင်၊ တတိယမြောက်ခလီဖတွလ်မဆီဟ်၊ ဟာဇရသ် မီရ်ဇာနာဆီရ်အဟ်မဒ်(ရ.ဟ) မှ လက်မွန်မဆွအုတ်မြစ်ချပေးခဲ့သည်။

၁၉၈၂၊ စက်တင်ဘာလ ၁၀ ရက်နေ့။ စပိန်နိုင်ငံ၊ ကော်ဒိုဗာမြို့။ အဟ်မဒီယာမွတ်စလင်မ်အဖွဲ့၏ စတုတ္ထမြောက်ခေါင်းဆောင်၊ ဟာဇရသ်ခလီဖတွလ်မဆီဟ် မီရ်ဇာသာဟီရ်အဟ်မဒ်(ရ.ဟ) မှ "ဘရှာရသ်" ၊ (သတင်းကောင်း) ဟုအမည်ပေးထားသည့် ဗလီကျောင်းတော်ကို နိုင်ငံတကာ ကိုယ်စားလှယ်များ၊ သတင်းမီဒီယာများရှေ့မှောက်တွင် တရားဝင်ဖွင့်လှစ်ပေးခဲ့ပါသည်။

စပိန်နိုင်ငံ၊ ကော်ဒိုဗာပြည်နယ်၊ ပက်ဒရိုအာဘားသ်မှ ဘရှာရသ် ဗလီဝတ်ကျောင်းတော်

ဘရှာရသ် ဗလီဝတ်ကျောင်းတော်ဖွင့်ပွဲတွင် မွတ်စလင်မ်သိပ္ပံပညာရှင် ဒေါက်တာဆလာမ်မှ မိန့်ခွန်းပြောကြားနေစဉ်

(ခေါင်းပေါင်းနှင့် ပုဂ္ဂိုလ်မှာ အဟ်မဒီယာမွတ်စလင်မ်အဖွဲ့၏ စတုတ္ထမြောက်ခလီဖတွလ်မဆီဟ် ဟာဇရသ် မီရ်ဇာသာဟီရ်အဟ်မဒ်(ရ.ဟ) ဖြစ်ပြီး သခင်ကြီး၏ လက်ယာတွင်ဘက်ထိုင်နေသူမှာ ကမ္ဘာ့ကုလသမ္မဂ၏ လုံခြုံရေးကောင်စီ သဘာပတိနှင့် ကမ္ဘာ့တရားခုံရုံးတရားသူကြီးအဖြစ် တာဝန်ထမ်းဆောင်ခဲ့သူ ပါကစ္စတန်နိုင်ငံ၏ ပထမဆုံးနိုင်ငံခြားရေးဝန်ကြီး ဆာမုဟမ္မဒ် ဇဖရွလ်လာဟ်ခန်ဆာဟိဘ်ဖြစ်သည်။

ရေမွှေးရောင်းသမား သာသနာပြုကြီး အီလာဟီဇဖရ် မှာမူ တာဝန်ပေးချက်အရ ၁၉၈၂ ဒီဇင်ဘာတွင် စပိန်နိုင်ငံ၏အခြားမြို့တစ်ခုဖြစ်သော ဂရာနာဒါးသို့ သာသနာဖြန့်ချိရန်အလို့ငှာ ခရီးနှင်ခဲ့ပါတော့ သည်။

ထိုမြို့တွင် အီလာဟီဇဖရ်မှာ ငါးနှစ်ခန့်နေထိုင်ပြီး အစ္စလာမ်သာသနာတော်အား အလုပ်အကျွေး ပြုခဲ့ပါသည်။ ၁၉၈၇ တွင် အီလာဟီဇဖရ်မှာ ပေါ်တူဂီသို့ သာသနာပြုအဖြစ် တာဝန်ပေးခြင်း ခံခဲ့ရပြန် သည်။

မော်လာနာ ကရမ် အီလာဟီဇဖရ်မှာ သူ၏အသက်ဇီဝိန်ထက်ပို၍တွယ်တာအပ်သော သာသနာတော်၊ အစ္စလာမ်အတွက် နှစ်ပေါင်း ၅၀ ကျော်မျှ တာဝန်ထမ်းပေးခဲ့အပြီး ၁၉၉၆၊ ဩဂုတ်လ ၁၂ တွင် သူ၏ အချစ်တော် အလ္လာဟ်အရှင်မြတ်ထံတော်ပါးသို့ အခစားဝင်ရောက်ရန် ဤလောကမှ ထွက်ခွာသွားခဲ့ ပါသည်။

အီလာဟီဇဖရ်မှာကား စပိန်နိုင်ငံသို့ အစ္စလာမ်သာသနာပြန်လည်ဝင်ရောက်ခွင့်ရရန် အားလုံးကို စွန့်ကာ ကြိုးစားခဲ့သော အဟ်မဒီယသ်၏ သမိုင်းဝင် သူရဲကောင်းသာသနာပြုတစ်ဦး ပင်ဖြစ်ပါသည်။ သူ၏သာသနာပြုမဟာဗျူဟာကို အသင်စာဖတ်သူ သိချင်ပါသလော။ သိလိုပါ၏လော။ အလွန်လျှင် ရိုးစဉ်းလွန်းလှပါ၏။

"ဒီရေမွှေးရဲ့ အနံ့က သိပ်ကိုကောင်းပါတယ်။ ဒါပေမယ့် အဲဒီအနံ့က တာရှည်မခံဘူးဗျ။ ထာ၀ရတည် မြဲပြီး တာရှည်ခံတဲ့ အနံ့ကို ကျွန်တော်သိတယ်။ ခင်ဗျားရောသိချင်သလား။ သိချင်ရင်တော့ ဒီကဒ်က လေးကိုယူပါ။ ကျွန်တော့်ကို ဆက်သွယ်ပါခင်ဗျား။"

အီလာဟီဇဖရ် ရည်ညွှန်းခဲ့သော "ထာ၀ရတည်မြဲပြီး တာရှည်ခံသည့် ရေမွှေးနံ့သာ" မှာ မည်သည်ကို ဆိုလိုပါသနည်း ? အသင်စာရှုသူရော သိပြီးပြီလား ?

အဟ်မဒီယာမွတ်စလင်မ်အဖွဲ့၏ တတိယမြောက်ခလီဖတွလ်မဆီဟ်၊ နှစ်ပေါင်း ၅၀၀ အတွင်း စပိန်နိုင်ငံ၏ ပထမဆုံးဗလီဝတ်ကျောင်းကို အုတ်မြစ်ချခဲ့သူအရှင်သူမြတ်၊ ဟာဇရသ်မီရ်ဇာနာဆီရ် အဟ်မဒ်(ရ.ဟ)၏ ဥရောပမီဒီယာတစ်ခုမှ မေးမြန်းသည့် "ခင်ဗျားတို့ရဲ့ သာသနာပြုအစီအစဉ်ကို ဘယ်လိုများအကောင်အထည်ဖော်ဆောင်ရွက်ပါသလဲ" ဟူသည့် အမေးအား ဖြေကြားထားပုံ ဗွီဒီယိုဖိုင်။

ကျွန်တော်တို့က နှလုံးသားများကိုအနိုင်ယူဖို့ ကြိုးစားပါတယ်။

Question: How do you conduct your mission in Europe ?

Ans: We try to win the hearts. 

ဤဆောင်းပါးဖြင့် အစ္စလာမ့်အလံတော်အား စပိန်မြေ၌ ပြန်လည်စိုက်ထူခွင့်ရရန် ကြိုးပမ်းခဲ့သော မော်လာနာ ကရမ်အီလာဟီဇဖရ်ဆာဟိဘ်(ရ.ဟ) အား ဂုဏ်ပြုအပ်ပါသည်။

ချီးမွမ်းထောမနာခြင်းဟူဟူသမျှကို အလ္လာဟ်အရှင်မြတ်သာ ခံထိုက်တော်မူပါသည်။

http://www.islamahmadiyya.es/ahmadia/espana.html အား ဆီလျော်သလို မြန်မာပြန်ပါသည်။

bbc: သတင်း တင်ပြထားမှုမှ ကောက်နုတ်ချက်။  (http://news.bbc.co.uk/2/hi/8711026.stm)

According to Islam and the Ahmadiyya Jamaat, by Simon Valentine, the movement stresses non-violence and tolerance of other faiths.

It is also zealous in its outlook and has a strong missionary programme.

It has established itself in Britain, Europe, America, Africa, and other parts of Asia, with the building of mosques a high priority. In 1982, the Ahmadiyya mosque was the first mosque to be built in Spain since the Moors were expelled in 1492.

Read more »

အမေရိကန် စစ်သင်တန်းများ၌ သင်ကြားပို့ချမှု : အစ္စလာမ်အား ဘုံစစ်ပွဲဆင်နွှဲဖို့ ဟီရိုရှီးမားဗျူဟာကို သုံးကြစို့

မေလ ၁၀ ရက် ၊ ကြာသပတေး နေ့စွဲဖြင့် www.wired.com သတင်းဖော်ပြချက်

မေလ ၁၁ ရက် သောကြာနေ့ နေ့စွဲဖြင့် ဖော်ပြခဲ့သော ယူကေထုတ်ဂါးဒီးယန်းသတင်းစာ အွန်လိုင်း စာမျက်နှာပါ “အမေရိကန်စစ်သင်တန်းများ၌ အစ္စလာမ်ကို ရန်သူအဖြစ်သင်ကြားနေ” ဆိုသည့် သတင်းကို ဤနေရာတွင်ဖော်ပြခဲ့ ပါသည်။

www.wired.com က U.S. Military Taught Officers: Use ‘Hiroshima’ Tactics for ‘Total War’ onIslam

ဟုခေါင်းစဉ်တပ်ကာ အမေရိကန်စစ်ဘက်ဆိုင်ရာအရာရှိ လက်ထောက်ဗိုလ်မှူးကြီး မက်သရူးဒူးလေး ၏ စစ်ဘက်ဆိုင်ရာသင်တန်းများတွင်ပို့ချသည့် သင်ခန်းစာအစိတ်အပိုင်းများကို ဖော်ထုတ်ရေးသားခဲ့ ပြီးနောက်တွင်မှ ယူကေအခြေစိုက် နာမည်ကြီးဂါးဒီးယန်းသတင်းက ထိုအကြောင်းကို တင်ပြခဲ့ခြင်း ဖြစ်သည်။

www.wired.com က မက်သရူးဒူးလေး၏ အစ္စလာမ်မိုဖိုးဘစ်၊ အစ္စလာမ်သာသနာနှင့်ထိပ် တိုက်ရင်ဆိုင်ရန် အစီအစဉ်ချမှတ်လုပ်ဆောင်မှုများ၊ ဝါဒဖြန့်ချိမှုများရေးသားထားသည့် အမေရိကန် စစ်ဘက်ဆိုင်ရာ သင်ခန်းစာများကို ပီဒီအက်ဖ်ဖိုင်အဖြစ် တင်ဆက်ထားသည်။  (ဒေါင်းလုပ် ရယူရန် http://goo.gl/We5wo)

www.wired.com က တင်ပြသည်မှာ အန္တရာယ်အခန်းဟုအမည်ပေးထားသည့် သတင်းအရင်း အမြစ်မှတ်တမ်းမှတ်ရာများအရ အမေရိကန်စစ်ဘက်ဆိုင်ရာများတွင် ၁.၄ ဘီလီယံရှိသော မွတ်စလင်မ်များအပေါ် ဘုံစစ်ပွဲဆင်နွှဲဖို့ လိုအပ်လာမည်ဖြစ်ကြောင်း၊ သို့အားဖြင့် အစ္စလာမ်မစ် အကြမ်းဖက်သမားများရန်မှ အမေရိကန်ကို ကာကွယ်ရန်မည်ကြောင်း စသဖြင့်သိရှိရကြောင်း ဖော်ပြ ထားသည်။ ထိုသို့ဘုံစစ်ပွဲဆင်နွှဲရာတွင် အခြေခံရွေးချယ်ရမည့်မဟာဗျူဟာများကို ချပြထားရာ ဟီရိုရှီးမားဗျူဟာ ဖြစ်သော မြို့တစ်ခုလုံးကို တပြိုင်နက်သုတ်သင်သည့်သင်ခန်းစာကို ထည့်သွင်းဖော် ပြထားပြီး ထိုသင်ခန်းစာ၌ပင် သာမာန်အရပ်သားများကိုပါ လိုအပ်လျှင်သုတ်သင်ရန် ပစ်မှတ်အဖြစ် ယာထားမည့် အကြောင်းလည်း ဖော်ပြထားသည်။

ပြီးခဲ့သည့်လအတွင်းက အန္တရာယ်ခန်းမှပထမဆုံးသတင်းပေးပို့ခဲ့ရာ၌ (အမေရိကန်) ကာကွယ်ရေး ဌာန Defense Department’s Joint Forces Staff College တွင် ထိုသည့်သင်ခန်းစာကို ပို့ချခဲ့ ကြောင်း ၊ ထို့နောက်ယင်းသင်တန်းကို ပင်တဂွန်မှ ပယ်ဖျက်ခဲ့ကြောင်းနှင့် ယခုမူ ထိုသင်တန်း၏ အသေးစိတ်အချက်အလက်များကို သိရှိရပြီဖြစ်ကြောင်း wired.com ကဖော်ပြသည်။ အန္တရာယ်ခန်း မှ သင်တန်း၏ ရာပေါင်းများစွာသော သင်ခန်းစာအချက်အလက်များကို လက်ခံရရှိခဲ့ ကြောင်းလည်း သိရသည်။

ထို့နောက်တွင်မူ ဂါးဒီးယန်းသတင်းစာက ဖော်ပြသည့်အတိုင်း ဝန်ထမ်းအကြီးအကဲဖြစ်သူမှ ထိုသင်တန်းကို ပိတ်ပြစ်ခဲ့ပြီး သင်ခန်းစာများ၌ အမုန်းတရားပွားများစေရေးအချက်အလက်များ မပါ ဝင်စေဖို့ ညွှန်ကြားခဲ့ကြောင်း သိရသည်။ မက်သရူးဒူးလေးကိုမူ စုံစမ်းစစ်ဆေးဖို့ ဆောင်ရွက်နေဆဲ အချိန်ထိ သူ၏လက်ရှိရာထူးတွင် ဆက်လက်ခန့်ထားမြဲဖြစ်ကြောင်း သိရသည်။

တပ်ကြပ်များ၊ လက်ထောက်ဗိုလ်မှူးကြီးများ၊ ကပ္ပတိန်များနှင့် ဗိုလ်မှူးကြီးအဆင့်ရှိသူများပါ မက်သရူး ဒူးလေးပို့ချသည့် သင်တန်းကို တက်ရောက်ခဲ့ကြောင်း၊ စစ်သွေးကြွစေသည့် ( wired.com ကမူ inflammatory ဟုသုံးနှုံးထား) သင်ခန်းစာများကို တပတ်ပြီးတပတ်နားထောင်ခဲ့ရကြောင်း၊ ယခုမူ ထိုသင်တန်းသားများကို ပိုမိုအဆင့်မြင့်သည့် သင်ခန်းစာများသင်ကြားရန် ပြောင်းရွှေ့ပြီးဖြစ်ကြောင်း သိရှိရသည်။

 (မက်သရူးဒူးလေး၏ သင်တန်း၌ သုံးစွဲခဲ့သော ပြဌာန်းစာအုပ်များ မျက်နှာဖုံး)

လွန်ခဲ့သည့် ဆယ်စုနှစ်အတွက် အမေရိကန်၏ စစ်ဘက်ဆိုင်ရာ၊ ထောက်လှမ်းရေးနှင့် ဥပဒေစိုးမိုး ရေးဌာနကြီးများတွင် တာဝန်ထမ်းရွက်ခဲ့ကြသည့် အကြမ်းဖက်တိုက်ဖျက်ရေး ပုဂ္ဂလိက အုပ်စုတစ်ခု က အမေရိကန်၏ အစစ်အမှန်အကြမ်းဖက်ရန်သူမှာ အလ်ကိုင်ဒါမဟုတ်ကြောင်းနှင့် အစ္စလာမ်သာ သနာသာဖြစ်ကြောင်း သက်သေပြဖို့ ကြိုးစားမှုများရှိခဲ့သည်။ မက်သရူးဒူးလေးက သူ၏သင်တန်းသို့ ထိုအုပ်စုမှ အန္တီမွတ်စလင်မ်နိုင်ငံရေးသမားများကို ဧည့်သရုပ်ပြဆရာများအဖြစ် သင်ကြားပို့ချစေခဲ့ သည်။ အထက်ပါပုံတွင် ထိုသင်တန်းဆရာများအသုံးပြုခဲ့သည့် စာအုပ်ပုံများကို wired.com (http://www.wired.com/dangerroom/2011/09/fbi-islam-domination/) မှတဆင့် ကူးယူ ဖော်ပြပေးထားပါသည်။

မက်သရူးဒူးလေး၏ အကျည်းတန်လှသော ကောက်ချက်မှာ အောက်ပါအတိုင်းဖြစ်သည်။

“ကျွန်တော်တို့ အခုတော့ နားလည်နိုင်လာပြီ၊ မော်ဒရိတ်အစ္စလာမ်ဆိုတဲ့ အလယ်အလတ်အစ္စလာမ် ဆိုတာ မရှိပါဘူး” ဟု သူ၏သင်ခန်းစာ ပီဒီအက်ဖ်ဖိုင်တွင်ဖော်ပြထားသည်။ မက်သရူးဒူးလေးက အမေရိကန်၏ ရန်သူများကို ဘုံရည်ရွယ်ချက်တစ်ခုဖြင့် (ချေမှုန်းရန်) ဆက်လက်အကြံပြုသည်မှာ “အခုတော့ အမေရိကန်ဟာ မိမိရဲ့ရည်ရွယ်ချက်ကို ရှင်းရှင်းလင်းလင်းဖြစ်စေရပါတော့မယ်၊ ရိုင်းစိုင်း တဲ့ အတွေးအခေါ်အယူအဆတွေကို ဆက်လက်သည်းခံနေမှာတော့မဟုတ်ဘူး၊ အစ္စလာမ်က ပြောင်း လဲရမယ် ဒါမှမဟုတ် သူ့ဟာသူပြိုလဲသွားစေဖို့ ကျွန်တော်တို့က ဧည့်ခံပေးပါလိမ့်မယ်။ ”

မက်သရူးဒူးလေးကို ဆက်သွယ်မေးမြန်းခြင်းမပြုလုပ်နိုင်ခဲ့ကြောင်းနှင့် Joint Forces Staff College ၏ ပြောခွင့်ရပုဂ္ဂိုလ် စတီဗင်ဝီလီယံကမူ ဒူးလေး၏ သရုပ်ပြသခန်းစာများနှင့် သင်တန်း ကျောင်းအခြေ အနေကို ဆွေးနွေးဖို့ ငြင်းဆန်သွားခဲ့သည်ဟု wired.com က ဖော်ပြသည်။ သင်ခန်း စာများနှင့်ပတ် သတ်၍ ဒူးလေး၌ တာဝန်ရှိမရှိမေးမြန်းရာ၌လည်း သူမသိကြောင်း၊ ထိုကိစ္စနှင့်ပတ်  သတ်၍ ကျောင်း ၏ ညွှန်ကြားရေးအကြီးအကဲ မေဂျာဂျင်နရယ် ဂျိုးဆက် ဝါးဒ် ကသာ ပြောပြနိုင် လိမ့်မည်ဖြစ်ကြောင်း ဖြေကြားသွားသည်။

ဒူးလေး၏ သင်ခန်းစာများတွင် မက္ကာနှင့်မဒီနာကို ဟီရိုရှီမားအတိုင်း တိုက်ခိုက်ဖျက်ဆီးဖို့နှင့် အရပ် သားများပါမကျန် သုတ်သင်ပစ်ဖို့ လှုံဆော်မှုများပါဝင်သည်။

မက်သရူး ဒူးလေး၏ သင်ခန်းစာများ ကောက်နုတ်ချက်

မက္ကာနှင့် မဒီနာကို ချေမှုန်းရန်၊ အစ္စလာမ်အား သာသနာတစ်ခုအဖြစ်မှ သာမာန်အဖွဲ့တစ်ခု အဖြစ်အဆင့် လျော့ပြစ်ရန်၊ ဆော်ဒီအာရေဗျကို အငတ်ဘေးသင့်စေခြင်းဖြင့် ခြိမ်းခြောက်ရန်။ ဒရက်စ်ဒန်၊ တိုကျို၊ ဟီရိုးရှီးမားနှင့် နာဂါစကီမြို့များတွင် ဖြစ်ပျက်ခဲ့သည့် အရပ်ဘက်ပစ်မှတ်များအား တိုက်ခိုက်သည့်ပုံစံအား မက္ကာနှင့်မဒီနာကို ဖျက်ဆီးပြစ်ရန် ဆုံးဖြတ်ချက်ချသည့်အခါ ထည့်သွင်းစဉ်းစားရန်။ စသည်​ဖော်ပြချက်များ။

Lt. Col. Matthew A. Dooley's Joint Staff Forces College presentation on "A Counter-Jihad Op Design Model" (.pdf) calls for violent measures in a war against Islam. (emphasis added)

အလယ်အလတ်မွတ်စလင်မ်ဆိုသည်မှာ မည်သူများကိုဆိုလိုခြင်းဖြစ်ကြောင်း မက်သရူးဒူးလေးက လှောင်ပြောင်တင်ပြထား။

A second slide from Lt. Col. Dooley's presentation (.pdf) mocks the idea of moderate Muslims.

ဂျီဟဒ်ဆိုသည်မှာ တစ်ကမ္ဘာလုံးကို မွတ်စလင်မ်များဖြစ်စေဖို့ စစ်ခင်းရန်ဟု အဓိပ္ပါယ်ရကြောင်း၊ မွတ်စလင်မ်မဟုတ်သူများကို ဆန့်ကျင်စစ်ခင်းရန်ဟု အဓိပ္ပါယ်ရကြောင်း တင်ပြထားချက်။ အစ္စလာမ်သည် ဤမျှလောက်ဆိုးသွမ်းနေပါလျှင် အဘယ်မှာ ငြိမ်းချမ်းသည့်မွတ်စလင်မ်ရှိမည်နည်း ဟု မေးခွန်းထုတ်ကာ ရှရီယာဥပဒေတွင် အစ္စလာမ်ပျံ့နှံဖို့ စစ်ပွဲဆင်နွှဲရန် လမ်းညွှန်ချက်ပါရှိကြောင်း တင်ပြထားချက်။

John Guandolo offered to military officers this list of "Usual Responses From the Enemy When Presenting the Truth" (.pdf), asserting that Muslims are bent on world domination. (emphasis added)

ဂျီဟဒ်ကို သရုပ်ဖော်ထားပုံ။

A cartoon included in Shireen Burki's Joint Staff Forces College presentation on "Jihad: Defined and Operationalized" (.pdf) contains a number of ugly stereotypes.

ကုရ်အာန်တွင် ခရစ်ယာန်နှင့်ဂျူးများကို အဆက်အဆံမလုပ်ရန်သင်ထားကြောင်း၊ ထို့ကြောင့် မွတ်စလင်မ်များအနေဖြင့် ခရစ်ယာန်နှင့်ဂျူးများကို မဆက်ဆံဖို့တာဝန်တင်နေကြောင်း ဖော်ပြထားချက်။

John Guandolo's primer on "Understanding Shari'ah's Role in The War" (.pdf), distributed to students at the Joint Staff Forces College. (emphasis added)

အစ္စလာမ့် ဥပဒေအား ဖော်ထုတ်တင်ပြထားချက် (သို့မဟုတ်) သင်မျှော်လင့်နေသော အတိုချုံးပုံစံ များကို ဤနေရာတွင်မရှိဟု ရေးသားထား။

Stephen Coughlin's presentation to the Joint Staff Forces College on "Imposing Islamic Law" (.pdf) began with a nod to Star Wars.

အစ္စလာမ်အား သူ(မက်သရူးဒူးလေး) မြင်သည့်အတိုင်း မမြင်သောသူများကို ဒူးလေးက သရော်ထားပုံ။

A later slide from Coughlin's presentation (.pdf) made fun of people who didn't see Islam in the same way he did.

ငါတို့သည် စစ်ဆင်နွှဲနေကြပြီ။ သင်သည် ခိုင်ကျည်မြဲမြံသည့် လှုပ်ရှားမှု၏အစိတ်အပိုင်းဖြစ်သည်။ သင်သည် လူမှုရေးအသင်းအဖွဲ့မှ အစိတ်အပိုင်းတစ်ခုမဟုတ်။ စသဖြင့် စစ်သွေးကြွဖို့ လှုံဆော်ထား ချက်များ။

John Guandolo's action items for military officers (.pdf) on what they can do to fight Guandolo's perceived enemies. (emphasis added) 


Source: http://goo.gl/Ez0YR

Read more »

2011 Muslims for Life ၏ အင်တာဗျူးဗွီဒီယို : စီအင်အင်အိုင်ရီပို့တ် ၊ နောက်ဆုံးဆန်ခါတင် ဗွီဒီယိုအဖြစ် ရွေးချယ်ခံရ

အမေရိကန်နိုင်ငံ၊ နယူးယောက်မြို့ ယူနီယံကွင်းပြင်တွင်ပြုလုပ်ခဲ့သည့် “Muslim for life” ဟုအမည် ပေးထားသည့် သွေးလှူဒါန်းခြင်းဖြင့် လူ့အသက်ကယ်ရန် အဟ်မဒီယာမွတ်စလင်မ်လူငယ်များ အဖွဲ့မှ ကြီးမှူးပြုလုပ်ခဲ့သည့် လှုံဆော်ပွဲ ဗွီဒီယိုအင်တာဗျူးမှာ စီအင်အင်သတင်းဌာန၊ iReport ၏ အကောင်း ဆုံးစကာတင်ဗွီဒီယို ၃၆ ခုတွင် တစ်ခုအဖြစ်ရွေးချယ်ခံထားရသည်။ 

 Muslim for Life မှ လှုံ့ဆော်ခဲ့သည့် ပိုစတာတစ်ခု

ထိုဗွီဒီယိုအင်တာဗျူးဖိုင်ကို အဟ်မဒီယာမွတ်စလင်မ်လူငယ်များအဖွဲ့မှ အဟ်မဒ်ချောင်ဒရီနှင့် စလာမ် ဘတ္ထီတို့မှ တင်ဆက်ခဲ့ကြခြင်းဖြစ်သည်။

ဗွီဒီယိုဖိုင်ပေါင်း ၁၅၀၀၀ အနက်မှ ၃၆ ခုကိုသာ နောက်ဆုံးဆန်ကာတင်အဖြစ်ရွေး ချယ်ခဲ့ခြင်းဖြစ် ကြောင်းသိရသည်။ “Muslim for life” ဗွီဒီယိုမှာ အင်တာဗျူးဗွီဒီယိုကဏ္ဌတွင် ရွေးချယ်ခံရခြင်းဖြစ် သည်။ ထိုဗွီဒီယိုဖိုင်ကို “NY Muslims Commemorate 9/11 with Blood Drive” ဟုအမည် ပေးထားသည်။

CNN iReport မှဖော်ပြသည်မှာ “Muslims for Life blood drive” မှအိုင်ရီပိုတာ အဟ်မဒီချောင်ဒရီ ပေးပို့သည့် သတင်းအရ စက်တင်ဘာ ၁၁ အကြမ်းဖက်တိုက်ခိုက်မှု၏ ၁၀ နှစ်မြောက်အောက်မေ့ဖွယ် အဖြစ် သွေးလှူးဒါန်းကုသိုလ်ပြုကြရန် လှုံဆော်ဆောင်ရွက်မှု၌ ပါဝင်ဆောင်ရွက်သူများနှင့် လမ်းသွား လမ်းလာပရိသတ်များကို အင်တာ ဗျူးအမေးအဖြေပြုလုပ်ထားကြောင်း၊ ပါဝင်ဆောင်ရွက်သူများ အနေဖြင့် နာရီအနည်းငယ်အတွင်းတွင် သွေးအိတ်ပေါင်း ၁၃၁ အိတ်လက်ခံရရှိပြီးဖြစ်ကြောင်း သိရ သည်။ ချောင်ဒရီအနေဖြင့် “ Muslims for Life ” တွင်ပါဝင်ရသည်မှာ ၂၀၀၁ စက်တင်ဘာလ အကြမ်းဖက်တိုက်ခိုက်မှု ဖြစ်ပွားစဉ် အမေရိကန် နိုင်ငံ နယူးယောက်တွင် သူနေထိုင်ခဲ့ကြောင်း၊ ယခုမူ သူ့အနေဖြင့် တစ်ခုခုကိုပြန်လည်ပေးဆပ်ရန် ရည်ရွယ်ရင်းဖြစ်ကြောင်း သိရသည်။

အသင့်အနေဖြင့် “Muslims for Life blood drive 2011” ၏ ဗွီဒီယိုဖိုင်ကို မဲပေးရန်အတွက် ဤလင့်ခ်သို့ http://ireport.cnn.com/docs/DOC-671618

Muslims for Life ၏ တရားဝင်ဝက်ဘ်ဆိုဒ်မှာ http://muslimsforlife.org/ ဖြစ်သည်။

Read more »

ကာဇက်စတန် : အဟ်မဒီမွတ်စလင်မ်များ၏ ဘုရားဝတ်ပြုရာနေရာများ အင်အားသုံးပိတ်ပင်ခံရ၊ မက်သဒစ်ဘုရားကျောင်း များလည်း စိုးရိမ်ပူပန်နေရ။

Ahmadiyya Times | News Watch | Int'l Desk
Source/Credit: Forum 18 News Service
By Mushfig Bayram | April 24, 2012

ကာဇက်စတန်တွင် အဟ်မဒီယာမွတ်စလင်မ်များ၏ ဘုရားဝတ်ပြုရာနေရာများအားလုံးကို အာဏာပိုင် များက ပိတ်ပစ်ခဲ့ကြကြောင်း သိရသည်။ အဟ်မဒီယာမွတ်စလင်မ်များ၏ ဘုရားဝတ်ပြုရာနေရာများ မှာ လူနေအိမ်များတွင်ဖြစ်၍ ယင်းသို့ပိတ်ပြစ်ခဲ့ခြင်းဖြစ်ကြောင်း အဖွဲ့ဝင်များက Forum 18 News Service တွင် ဖော်ပြထားသည်။

မတ်လ ၂ ရက်နေ့၌ ကာဇက်စတန်၏ စီးပွားရေးအချက်အချာမြို့ဖြစ်သော အလ်မာတီရှိ အဟ်မဒီယာ မွတ်စလင်မ်များ၏ ဝတ်ပြုဆုတောင်းသည့်နေအိမ်ကို နယ်မြေထောက်လှမ်းရေးအဖွဲ့က အင်အားသုံး ပိတ်ပြစ်ခဲ့ကြောင်း၊ ထိုသို့မပိတ်ပစ်မီ လူနေအိမ်ကို ဘုရားဝတ်ပြုရာနေရာပြုလုပ်ထားမှုအတွက် ဒဏ်ငွေတပ်ရိုက်ခဲ့သေးကြောင်း သိရသည်။

ထိုသို့သောဆောင်ရွက်ချက်များကို နယ်မြေထောက်လှမ်းရေးအဖွဲ့နှင့်အခြားအာဏာပိုင်အဖွဲ့များက စစ်ဆင်ရေးတစ်ခုသဖွယ်လုပ်ဆောင်နေကြခြင်းဖြစ်ပြီး သာသနာရေးဆိုင်ရာ တွေ့ဆုံဝတ်ပြုပွဲများကို လူနေအိမ်များ၌ပြုလုပ်ခြင်းအား အပြစ်ပေးအရေးယူနေကြခြင်းဖြစ်ကြောင်း Forum 18 notes ၌ဖော်ပြသည်။

၂၀၁၂ အစောပိုင်းကတည်းက မှတ်ပုံတင်ထားသောသာသနာရေးအဖွဲ့အစည်းများကိုလည်းကောင်း၊ မှတ်ပုံမတင်ထားသည့်အဖွဲ့များကိုလည်းကောင်း ထိုစစ်ဆင်ရေးဖြင့် ဝင်ရောက်စစ်ဆေးအရေး ယူလျက်ရှိသည်။

အလ်မာတီအနီးရှိ အခြားမြို့တစ်မြို့ဖြစ်သော တယ်လ်ဒီကောဂန်ရှိ လူနေအိမ်တွင် ပြုလုပ်ထားသော မက်သဒစ်ချာခ်ျအသေးစားတစ်ခုကိုလည်း ပိတ်ပစ်မည်ဟု နယ်မြေထောက်လှမ်းရေးများဘက်မှ ခြိမ်းခြောက်ခဲ့ကြောင်း၊ ဧပြီလတွင် လူနေအိမ်၌ ချာခ်ျပြုလုပ်ထားမှုအတွက် အိမ်ပိုင်ရှင်ကို ဒဏ်ငွေ တပ်ရိုက်ခဲ့ကြောင်းသိရသည်။

ချာခ်ျရှိ ခရစ်ယာန်ဘုန်းကြီးက သူ၏ဘုရားကျောင်းအပိတ်ခံရမည်ကိုစိုးရိမ်ကြောင်း Forum 18 တွင် ဖော်ပြထားသည်။

နယ်မြေထောက်လှမ်းရေးများကမူ သူတို့အနေဖြင့် အလ်မာတီနှင့်ပတ်ဝန်းကျင်မြို့များရှိ လူနေအိမ် များ၌ ဝတ်ပြုရာဘုရားကျောင်းပြုလုပ်ထားခြင်းများအား စုံစမ်းစစ်ဆေးနေကြောင်း Forum 18 သို့ ပြောကြားသည်။

သာသနာရေးဝတ်တက်မှုများအတွက် ခွင့်ပြုချက်မရှိသော အဆောက်အအုံပိုင်ရှင်များအနေဖြင့် သူတို့၏အဆောက်အအုံများတွင် သာသနာရေးရာဆောင်ရွက်ချက်များကို ရပ်ဆိုင်းပစ်ရန်လိုကြောင်း၊ သို့မဟုတ်ပါက အပြစ်ပေးအရေးယူခံရမည်ဖြစ်ကြောင်း ဖော်ပြထားသည်။

နယ်မြေထောက်လှမ်းရေးအဖွဲ့သားတစ်ဦးက ထိုသို့သောအမိန့်ကို ဥပဒေရေးရာဌာမှထုတ်ပြန် ခြင်း ဖြစ်ကြောင်းပြောကြားသော်လည်း ဥပေဒရေးရာဌာနကမူ Forum 18 ၏တွေ့ဆုံမေးမြန်းမှုအား တုန့်ပြန်ဖို့ငြင်းဆန်ခဲ့သည်။

ကာဇက်စတန်အာဏာပိုင်များအနေဖြင့် ဘက်ပ်တစ္စခရစ်ယာန်ချာခ်ျကျောင်းများကဲ့သို့ မှတ်ပုံတင် ထားခြင်းမရှိသော သာသနာရေးဆိုင်ရာအသင်းအဖွဲ့များကို လူနေအိမ်များ၌ ဘုရားဝတ်ပြုနေကြ ခြင်းမှ တားမြစ်ပိတ်ပင်သွားဖို့ အစီအစဉ်ရှိနေကြောင်းသိရသည်။

ထိုဘက်ပ်တစ္စခရစ်ယာန်အသင်းအဖွဲ့များကမူ လူစုလူဝေးဖြင့် လူနေအိမ်များတွင် ဘုရားဝတ်ပြုနေ ကြခြင်းအား ဒဏ်ငွေများတပ်ရိုက်ခံရသည့်တိုင် ဆက်လက်ပြုလုပ်နေကြဆဲဖြစ်သည်။

မကြာသေးမီက ကာဇက်စတန်၊ ကော်စ်တနိုင်းဒေသရှိ ဘက်ပ်တစ္စချာခ်ျတစ်ခုအား အာဏာပိုင်များ က သာသနာရေးကိစ္စရပ်များကို လူနေအိမ်များတွင်မဆောင်ရွက်ရန်နှင့် မှတ်ပုံတင်ထားခြင်းမရှိပဲ သာသနာရေးအဖွဲ့အစည်းအဖြစ် လူစုလူဝေးမပြုလုပ်ရန် သတိပေးမှုရှိခဲ့ကြောင်း သိရသည်။

Read more »

နော်ဝေအကြမ်းဖက်လူသတ်ကောင်၊ တရားခွင်တွင်ဖိနပ်ဖြင့်ပစ်ပေါက်ခံရ

၂၀၁၂ မေလ ၁၁ ရက်၊ သောကြာနေ့
စီအင်အင်၊ source: http://goo.gl/LeCeF

နော်ဝေတွင်ဖြစ်ပွားခဲ့သော အစုလိုက်အပြုံလိုက်သတ်ဖြတ်ခဲ့သည့် လူသတ်မှုတရားခံ အန္ဒါးစ် ဘာရင်း ဘရိုင်ဗစ်၏ တရားခွင်တွင် အသတ်ခံခဲ့ရသည့် ဓားစာခံတစ်ယောက်၏ ညီအစ်ကိုတော်သူ တစ်ဦးက လူသတ်သမားအားဖိနပ်ဖြင့် ပစ်ပေါက်ခဲ့ကြောင်း စီအင်အင်သတင်းက ဖော်ပြသည်။

မေလ ၁၁ ရက် ၂၀၁၂ သောကြာနေ့တွင် တရားခွင်၌ ထိုသို့ဖြစ်ပွားခဲ့ခြင်းဖြစ်သည်။ ဝိုင်းဝန်းကြည့်ရှု နေသူများက ဖိနပ်ဖြင့် ပစ်ပေါက်စဉ် “ငါ့ညီအစ်ကိုကို သတ်တဲ့လူ၊ ငရဲကိုသွား၊ ငရဲကိုသွား” ဟု အော်ဟစ်ခဲ့ကြသည်။ ဖိနပ်မှာမူ လူသတ်တရားခံအားမထိမှန်ခဲ့သော်လည်း သူ၏ရှေ့နေ ဗိုင်ဘိခ် ဟိန်း ဘဲရာကို ထိမှန်ခဲ့သည်။ ဘဲရာမှာ ထိုစဉ်က ပရိသတ်နှင့်အနီးဆုံးနေရာတွင် ထိုင်နေခဲ့ကြောင်း http://www.newsinenglish.no/2012/05/11/emotional-outburst-halted-terror-trial/ က ဖော်ပြသည်။

ဘီဘီစီသတင်းအရမူ လူသတ်သမား ဘရိုင်ဗစ်က “ကျွန်တော်အခန်းထဲက ထွက်သွားစဉ်၊ ဒါမှမဟုတ် ဝင်လာစဉ်မှာ တစ်ယောက်ယောက်က ပစ်ပေါက်ချင်တယ်ဆိုရင် ကျွန်တော့်ကို ပစ်ပေါက်ပါ။ ကျွန်တော့်ရှေ့နေကိုတော့ မပစ်ကြပါနဲ့” ပြောဆိုခဲ့ကြောင်းသိရသည်။

ဖိနပ်ဖြင့်ပစ်ပေါက်သူအား ရဲများက တရားခွင်မှဆွဲထုတ်သွားခဲ့သော်လည်း ပရိသတ်ကမူ သူ့ကို “ဘရာဗို ဘရာဗို” ဟုအော်ဟစ်အားပေးခဲ့ကြသည်။

နော်ဝေး VG Nett (Views and News ) အရ ဖိနပ်ဖြင့်ပစ်ပေါက်သူသည် နော်ဝေနိုင်ငံမြို့တော် အော်စလိုတွင်နေထိုင်သူမဟုတ်ကြောင်း၊ သူ၏အစ်ကို ရုပ်အလောင်းဆေးစစ်မှုကို ကြည့်ရှုရန် ဗုဒ္ဓဟူး နေ့က အော်စလိုသို့ရောက်ရှိနေခဲ့ခြင်းဖြစ်ကြောင်း သိရသည်။

အချို့သောသတင်းများကမူ ဖိနပ်ဖြင့်ပစ်ပေါက်သူမှာ အီရတ်မှဖြစ်ကြောင်း၊ အီရတ်တွင် ဖိနပ်ဖြင့်ပစ် ပေါက်ခြင်းသည် အောက်ခြေမသန့်ရှင်းသည့်အစိတ်အပိုင်းဖြစ်၍ အလွန်ဆိုးရွားသော တုန့်ပြန်မှုပင် ဖြစ်ကြောင်း သိရသည်။

ထိုသို့သောလုပ်ရပ်သည် ၂၀၀၈ ခုနှစ်မှစတင်၍ အမေရိကန်သမ္မတ ဂျော့ဘုရ်ှအား အီရတ်စာနယ် ဇင်းသမားတစ်ဦးက ဘဂ္ဂဒက်သတင်းစာရှင်းလင်းပွဲတစ်ခု၌ ဖိနပ်ဖြင့်ပစ်ပေါက်ရာမှ နိုင်ငံတကာတွင် ထင်ရှားလာခဲ့သည်။

သောကြာနေ့တွင် အော်စလို၌ဖြစ်ပွားခဲ့သည့် ဖိနပ်ပေါက်မှုကျူးလွန်သူမှာ ဘရိုင်ဗစ်ပစ်သတ်ခဲ့သဖြင့် သေဆုံးခဲ့သော ညီအစ်ကိုဖြစ်သူရုပ်အလောင်းဆေးစစ်ချက်အား တင်ပြအပြီးတွင် ထိုသို့ကျူးလွန်ခဲ့ ခြင်းဖြစ်ကြောင်း သိရသည်။ ယူတိုရာကျွန်းရှိ လေဘာပါတီ၊ နွေရာသီလူငယ်စခန်းတွင် ဖြစ်ပွားခဲ့ သည့် ဘရိုင်ဗစ်ကျူးလွန်ခဲ့သော ထိုလူသတ်မှုတွင် ဓားစာခံ ၆၉ ဦး သေးဆုံးခဲ့ရသည်။

ဘရိုင်ဗစ်က သူ့အားတစ်စုံတစ်ယောက်က အရာ၀တ္ထုတစ်မျိုးဖြင့်ပစ်ခဲ့ရာ မျက်နှာကို ထိမှန်ခဲ့ကြောင်း ပြောခဲ့သော်လည်း မည်သည့်အရာဖြစ်ကြောင်းကိုမူ ထည့်သွင်းပြောကြားခြင်းမရှိခဲ့ချေ။

ဘရာဗစ်၏ရှေ့နေကမူ နော်ဝေအသံလွှင့်ဌာနသို့ တရားခွင်မှာနောက်ထပ် ရသတ္တ ၆ ပတ်ခန့်ကြာမြင့် ဦးမည်ဖြစ်ကြောင်း၊ လာမည့်တရားခွင်များ၌ မိမိတို့အနေဖြင့် လေးစားသမှုကို မြှော်လင့်ထားကြောင်း ပြောဆိုခဲ့သည်။

ဘရာဗစ်ကမူ နော်ဝေရှိ လူမျိုးပေါင်းစုံအသိုင်းအဝန်းအား ဖျက်ဆီးတိုက်ခိုက်ခဲ့ခြင်းနှင့်ပတ်သတ်၍ မိမိကိုယ်ကို လက်ယာစွန်းရောက် နိုင်ငံသားတစ်ယောက်အနေဖြင့် ဂုဏ်ယူကြောင်း ပြောဆိုခဲ့သည်။

The AhmadiPost Myanmar ၏အမြင်

နော်ဝေသတင်းဌာနဖြစ်သည့် Views and News ကမူအထက်ပါသတင်းကို Emotional outburst halted terror trial ဟုခေါင်းစဉ်တပ်ခဲ့သော်လည်း ဘီဘီစီ၊ စီအင်အင်အစရှိသည် ကမ္ဘာသိ သတင်း ဌာနများကမူ ထိုအကြမ်းဖက်လူသတ်ကောင်အား အကြမ်းဖက်သမား၊ (Terrorist) ဟု ခေါ်ဆိုသတ် မှတ်ရန် ပျက်ကွက်နေကြဆဲဖြစ်သည်။

Read more »

အမေရိကန် စစ်ဘက်ဆိုင်ရာသင်တန်းများက အစ္စလာမ်သည် ရန်သူဖြစ်ကြောင်း သင်ကြားခဲ့

Source: guardian.co.uk

မေလ ၁၁ ရက်၊ ၂၀၁၂

အမေရိကန် စစ်သားအရာရှိများသင်တန်းတစ်ခုတွင် အမေရိကန်၏ရန်သူမှာ ယေဘုယျအားဖြင့် အစ္စလာမ်သာသနာဖြစ်ကြောင်း သင်ကြားပို့ချခဲ့သည်။ ထို့ပြင် ယင်းသင်တန်းတွင် အစ္စလာမ်သာသ နာဝင်များ အထွတ်အမြတ်ထားရာ မက္ကာနှင့်မဒီနာမြို့များကိုလည်း သာမာန်အရပ်သားများ ထိခိုက် မှုမရှိစေဘဲ ချေမှုန်းပြစ်ရန် အကြံပေးတင်ပြမှုများရှိခဲ့ကြောင်း၊ သို့ချေမှုန်းပြစ်ခြင်းမှာ ဒုတိယကမ္ဘာစစ် အတွင်း ဟီရိုရှီးမားကိုအနုမြူဗုံးကြဲချသည့် တရားဝင်ဆုံးဖြတ်ချက်အတိုင်း ခြေရာခံရမည်ဖြစ်ကြောင်း စသဖြင့် ယူကေထုတ်ဂါးဒီးယန်းသတင်းစာ ဝက်ဘ်ဆိုဒ်၌ ဖော်ပြထားသည်။

ပန်တဂွန်တွင်ကျင်းပခဲ့သည့် အစည်းအဝေးပွဲတစ်ခု၌ ဗိုလ်ချုပ်ဒမ့်ပ်ဆေးမှ စစ်ကောလိပ်များ၏ အန္တီအစ္စလာမ် သင်ရိုးများ ရပ်တန့်သည့်အကြောင်း တင်ပြနေစဉ်။

သင်တန်းကို သင်တန်းသားတစ်ဦးကကန့်ကွက်သဖြင့် ယခုနှစ် ဧပြီလကုန်ပိုင်း၌ ရပ်ဆိုင်းခဲ့သည်။ အက်ဖ်ဘီအိုင်၏ အစ္စလာမ်သာသနာနှင့်အဓိကပတ်သတ်သည့် စုံထောက်လေ့ကျင့်ရေးများကိုလည်း ထိုသည့်ကန့်ကွက်ချက်ကြောင့် ပြောင်းလဲပြစ်ခဲ့ကြောင်း သိရသည်။

လွန်ခဲ့သည့်ဆယ်စုနှစ်အတွင်း အမေရိကန်မှာ အစ္စလာမ်မစ် အစွန်းရောက်များကို စစ်ပွဲဆင်နွှဲခဲ့ခြင်း ဖြစ်သော်လည်း အစ္စလာမ်သာသနာကို စစ်ဆင်နွှဲခြင်းမဟုတ် ကြောင်း စသဖြင့် အမေရိကန်တာဝန် ရှိသူများ၏ အပြုသဘောဆောင် ကြေညာမှုများကို ထိုသင်တန်းကဆက်တိုက်ဆိုသလို ရင်ဆိုင်ခဲ့ရ သည်။

ဗာဂျီးနီးယားနယ်၊ နော်ဖော်လ်က်၊ Joint Forces Staff College တွင် ပို့ချခဲ့သည့် သင်တန်းတစ်ခု၌ လက်ထောက်ဗိုလ်မှူးကြီး မက်သရူးဒူးလေးဆိုသည့် သင်တန်းပို့ချသူက “သူတို့ (မွတ်စလင်မ်)က ခင်ဗျားတို့ဘယ်လိုရပ်တည်သည်ဖြစ်ပါစေ ခင်ဗျားတို့ကိုမုန်းမှာပဲ၊ အတူတကွနေထိုင်ရေးကို ဘယ်တော့မှပြုလုပ်လိမ့်မှာမဟုတ်ဘူး၊ ခင်ဗျားတို့ သူတို့ဘာသာထဲကို မဝင်ရောက်မချင်းအထိပေါ့။” ဟု လွန်ခဲ့သည့်ဂျူလိုင်လတွင် ပို့ချသည့်သင်တန်းသရုပ်ပွဲပြတွင် ပြောခဲ့သည်။ ထိုကောလိပ်က စစ်ဘက်ဆိုင်ရာများတွင် အလယ်အလတ်တန်းစား ရာထူးရှိသူများနှင့် အစိုးရဝန်ထမ်းများကို စစ်ပွဲ တိုက်ခိုက်ပုံနှင့် စီစဉ်ပုံများကို သင်ကြားပေးသော ကောလိပ်ဖြစ်ကြောင်း ဂါးဒီးယန်းက ဖော်ပြသည်။

လက်ထောက်ဗိုလ်မှူးကြီး မက်သရူးဒူးလေးကပင် ဂျီနီဗာကွန်ဗင်းရှင်း၏ စံသတ်မှတ်ချက်များမှာ စစ်ဘက်ဆိုင်ရာပြဿနာရပ်များ၌ ဆီလျော်အပ်စပ်မှုမရှိတော့ဟု ထင်မြင်ကြောင်းတင်ပြခဲ့သည်။

“ ဒီအကြောင်းအရာတွေကြောင့်ပဲ အရပ်သားတွေကိုလိုအပ်တဲ့အခါ စစ်ခင်းတိုက်ခိုက်ရမယ်ဆိုတဲ့ ချွင်းချက်ကို ပြန်ပြီးဖွင့်ပေးရပါလိမ့်မယ်။ (ဒရက်စ်ဒန်၊ တိုကျို၊ ဟီရိုးရှီးမားနှင့် နာဂါစကီမြို့များတွင် ဖြစ်ပျက်ခဲ့သည့် အရပ်ဘက်ပစ်မှတ်များအား တိုက်ခိုက်သည့်ပုံစံအတိုင်း မက္ကာနှင့်မဒီနာကို ဖျက်ဆီး ပြစ်ရန် ဆုံးဖြတ်ချက်ချသည့်အခါ ထည့်သွင်းစဉ်းစားရမည့်အချက်အဖြစ် တင်ပြခဲ့ခြင်းဖြစ် သည်။)” ဟု မက်သရူးက ဆက်လက်ပြောကြားခဲ့သည်။

သူ၏ စစ်ပွဲအတွက်အစီအစဉ်မှာ Saudi Arabia threatened with starvation ... Islam reduced to cult status ဆိုသည့် ဆော်ဒီအာရေဗျအား အငတ်အပြတ်ဖြစ်စေပြီး ခြိမ်းခြောက်ရန်နှင့် အစ္စလာမ်သာသနာအား သာသနာတစ်ခုအဖြစ်မှ သာမာန်ဘာသာရေးအဖွဲ့တစ်ခုအဖြစ် အဆင့်လျော့ချရန်ဖြစ် သည်။ 

သူ၏ တင်ပြချက်ကို U.S. Military Taught Officers: Use ‘Hiroshima’ Tactics for ‘Total War’ on Islam တွင်လေ့လာနိုင်သည်။ ကောလိပ်ကမူ ဂါးဒီးယန်းသတင်းစာ၊ ဝါရှင်တန်ပုံနှိပ်တိုက်၏ စာမူကော်ပီတောင်းခံမှုကို တစ်စုံတစ်ရာမတုန့်ပြန်သော်လည်း ပန်တဂွန်ကမူ ထိုတင်ပြချက်စာမူကို အတည်ပြုပေးခဲ့သည်။

 မက်သရူးဒူးလေးက ကော်လိပ်အတွက်ဆက်လက်တာဝန်ထမ်းနေသော်လည်း စာသင်ကြားမှုတွင် မဟုတ်တော့ကြောင်း ဝန်ထမ်းများ၏ ပူးတွဲအကြီးအကဲဖြစ်သူ ဗိုလ်ချုပ်မာတင်ဒမ်ပ့်ဆေးက ပြော ကြားခဲ့သည်။ ဒူးလေးကမူ တစ်စုံတစ်ရာမှတ်ချက်ပေးရန် ငြင်းဆိုခဲ့သည်။

စစ်ဘက်ဆိုင်ရာ မှတ်တမ်းများအရ မက်သရူးဒူးလေးသည် ၁၉၉၄ ၌၊ နယူးယောက်မြို့ ၊ အနောက်ဘက်ပွိုင့်ရှိ အမေရိကန်စစ်ဘက်အကယ်ဒမီတွင် ဘွဲ့ရပြီးနောက် ဒုဗိုလ်ရာထူးရရှိခဲ့ကြောင်း၊ ဂျာမနီ၊ ဘော့စနီးယား၊ ကူဝိတ်နှင့်အီရတ်တို့သို့ သွားရောက်ခဲ့ဖူးပြီး ဆုတံဆိပ်မျိုးစုံရရှိခဲဖူးကြောင်း၊ ထိုတံဆိပ်များထဲတွင် အမေရိကန်၏ တိုက်ပွဲထူးချွန်ဆု စတုတ္ထမြောက်အမြင့်ဆုံးဖြစ်သည့် ကြေးနီကြယ်တံဆိပ်လည်းပါဝင်ကြောင်း သိရသည်။

အစ္စလာမ်ပြောင်းလဲရေးနှင့်ပတ်သတ်ပြီး မက်သရူးဒူးလေး၏စံပြပုံစံမှာ အစ္စလာမ်သာသနာနှင့် အတွေးအခေါ်ပိုင်းအရလည်းကောင်း၊ ဒဿနပိုင်းအရလည်းကောင်း တိုက်ရိုက်ရင်ဆိုင်ရန်နှင့် သူ၏ ကိုယ်ပိုင်ယူဆချက်အရ အစ္စလာမ်သည် သာသနာတစ်ခုထက် အတွေးအခေါ်အယူအဆ တစ်မျိုးသာ ဖြစ်ကြောင်း သိရသည်။

သူက အစ္စလာမ်သည် အနောက်နိုင်ငံများနှင့် အထူးသဖြင့်အမေရိကန်တို့ကို စစ်ကြေညာပြီးဖြစ် ကြောင်း ဖြည့်စွက်ပြောကြားခဲ့သည်။

အမေရိကန်၏ လက်ရှိမူဖြစ်သည့် စစ်ပွဲရင်ဆိုင်ရေးကိုရှောင်ကာ အစ္စလာမ့်ခေါင်းဆောင်များနှင့် ဘုံတူညီချက်ရှာဖွေနေခြင်းကို အမေရိကန်ဗျူဟာအဖြစ်ဆက်လက်ကျင့်သုံးနေခြင်းမှာ ဆီလျော် အပ်စပ်မှုမရှိတော့ကြောင်း မက်သရူးဒူးလေးက တင်ပြသည်။

သင်တန်းတွင် အစ္စလာမ်သာသနာအကြောင်းကို အဓိကသင်ခန်းစာများ၏ အစိတ်အပိုင်းအဖြစ် ၂၀၀၄ မှစတင်သင်ကြားခဲ့ပြီး တစ်နှစ်တွင် ငါးကြိမ်ခန့်သင်တန်းပို့ချခဲ့ကာ တစ်ကြိမ်ဆီတွင် သင်တန်း သား ၂၀ ရှိခဲ့ကြောင်း သိရသည်။

သင်တန်းကို ကျောင်းသားတစ်ဦး၏ ကန့်ကွက်မှုကြောင့် ရပ်ဆိုင်းခဲ့ပြီး ရက်အနည်းငယ်၌ ဗိုလ်ချုပ် ဒမ့်ပ်ဆေးက ဌာနခွဲအားလုံး၏ သင်တန်းများတွင် အန္တီအစ္စလာမ်သင်ခန်းစာများ ထည့်သွင်းမထားဖို့ ပြန်လည်စစ်ဆေးသုံးသပ်ရန် အမိန့်ထုတ်ပြန်ခဲ့သည်။

ဒမ့်မ်ပ်ဆေးက နော်ဖော်လ်က်ရှိသင်တန်း၏ သင်ရိုးများမှာ အမေရိကန်၏ သာသနာရေးလွတ် လပ်ခွင့်နှင့် ယဉ်ကျေးမှုဆိုင်ရာ အသိများကို တန်ဖိုးထားရေးတို့အတွက်ဖြစ်ကြောင်း ရှင်းပြသည်။

အမေရိကန် ဖက်ဒရယ်အစိုးရ၏ အစ္စလာမ်သာသနာအတွက် မကောင်းထင်မြင်နေမှုမှာ ပြဿနာအ သစ်အဆန်းမဟုတ်ပေ။ အက်ဖ်ဘီအိုင်၏ ခြောက်လကြာ စုံထောက်သင်တန်းတစ်ခု၌ မသင့်တော် သည့် တိုက်ခိုက်ရေးဆန်ဆန် တရားဝင်ဖော်ပြမထားသော သင်ရိုး ၈၇၆ ခုရှိခဲ့ကာ ၃၉၂ ခုသော သရုပ်ပြတင်ဆက်မှုများတွင် ထိုသင်ရိုးများကို သုံးစွဲခဲ့ကြောင်း၊ ပါဝါပွိုင့်ဆလိုက်များတွင်ပင် အသုံးပြု ခဲ့ကြောင်း၊ ထိုပါဝါပွိုင့်များတွင် အကြမ်းဖက်မှုများစုံစမ်းစစ်ဆေးသည့်အခါ ရုံးချုပ်က ဥပဒေကို အင်အားသုံးရပ်တန့်ရန် သို့မဟုတ် ရပ်တန့်ပြစ်ရန် အခွင့်ရှိကြောင်း ဖော်ပြထားသည်။

Read more »

သခင်ယေရှု၊ တိဘက်နှင့် ဗုဒ္ဓဘာသာ။ ကျွန်ုပ်တို့ လိုက်နေသည့်လမ်း ? အပိုင်း (၂)

ဆက်လက်ဆန်းစစ်ရင်တော့ အလွန်စိတ်ဝင်စားဖွယ် အချက်တစ်ချက်ကို ထပ်မံတွေ့ရှိရပါတယ်။ M.Notovitch ရဲ့ အမေးကို Himis လားမား ပြန်ဖြေထားရာမှာ လွန်ခဲ့သောနှစ်ပေါင်း ၃၀၀၀ မှာ စကြ မုနိ၊ နှစ်ပေါင်း ၂၅၀၀ မှာ ဂေါတမပွင့်ခဲ့ကြောင်း ဖော်ပြထားပါတယ်။ ဆက်လက်ရှုစားလိုက်ရင် တော့ အောက်ပါအတိုင်းတွေ့ရှိရပါတယ်။

" Simutaneously with the appearance of Buddhaism in China, the doctrine commenced to spread itself among the Israelites. About 2000 years ago the Perfect Being, still remaining in a state of inaction, incarnated himself in a new-born babe of a poor family. He willed that infant lips, by employing popular images, might enlighten the unfortunate people on the life beyond the grave, and might bring back men to the true path, by indicating to them by his own example the way which would best lead them to the original moral purity. When the holy child had reached a certain age he was taken to India, where, until he became a man, he studied all the laws of the great Buddha, whose everlasting dwelling is in heaven. " (The Unknown Life of Jesus Christ by Nicolas M. Notovitch, Page: 54)

ဒီမှာလည်း Himis လားမားက ယေရှုကို ဗြဟ္မာလို့ပြောရမယ့် Perfect Being ကနေတဆင့်ဝင် စားကာ ဤကမ္ဘာမြေသို့သက်ဆင်း လာပြီး လူသားများအား လမ်းပြကြောင်းဖြင့်ရေးထားပါတယ်။ တရုတ်ပြည်မှာ ဗုဒ္ဓဝါဒရောက်ရှိပြီးတာနဲ့ အစ္စရေးကိုလည်းအဲဒီဝါဒပျံ့နှံခဲ့ကြောင်း၊ ပြီးပြည့်စုံတဲ့ Perfect Being က လူဝင်စားပြီး အသက်အရွယ်ရလာတဲ့အခါမှာတော့ အိန္ဒိယသို့ဆောင်ယူခံရကာ ဗုဒ္ဓဓမ္မတွေကို သင်ယူလေ့လာခဲ့ကြောင်း စသဖြင့် သိရပါတယ်။

လားမားပြောစကားတွေထဲက Incarnate (ဝင်စားခြင်း) ဆိုတဲ့ အချင်းအရာကတော့ ယနေ့ခေတ် Christian Theology နဲ့ အလွန် ဆက်နွယ်ပတ်သက်နေတာကို တွေ့ရှိရမှာဖြစ်ပါတယ်။

စာရေးဆရာ M. Notovitch ဟာ မိမိတွေ့ရှိခဲ့ရတဲ့ ယေရှုမှတ်တမ်းကို တိုက်ရိုက်မတင်ပြမီ နောက် ဆုံးမှုန်းခြယ်ပြခဲ့တဲ့ စာသားကတော့ -

" This curious document is written in the form of isolated verses which very often have no connection with one another. "  (The Unknown Life of Jesus Christ by Nicolas M. Notovitch, Page: 56)

ဒီယေရှုမှတ်တမ်းဟာ isolated, တစ်ခုနဲ့တစ်ခု သီးခြားစီဖြစ်နေပြီး ဆက်နွယ်မှုမရှိကြောင်း တင်ပြ ထားပါတယ်။

အခုဆက်လက်ပြီး M. Notovitch တွေ့ခဲ့ရတဲ့ယေရှုမှတ်တမ်းကို တင်ပြပေးပါ့မယ်။

Life of Saint Issa (The Best of the sons of men)

1:4 And in order to bring back man degraded by sins to a life of peace, love and good, and to recall him to the only and indivisible Creator, whose mercy is infinite and boundless.

အခန်းကြီး ၁ ကနေ ၃ အထိ တမန်တော်မောရှေအကြောင်းဖော်ပြထားပါတယ်။ အဲဒီနောက် ယေရှု အကြောင်း တဆက်တည်းတင်ပြထားတာက -

3:12 In their sore distress the people remembered again their great God; they implored His mercy and prayed Him to forgive them. Our Father in His inexhaustible kindness listened to their appeal.

4:1 The time had now come when the merciful Judge had chosen to incarnate Himself in a human being.

4:2 And the Eternal Spirit who remained in a condition of complete inaction and of supreme beatitude, aroused and detached Himself for an indefinite time from the Eternal Being.

အထက်ပါ မုက္ခပါတ်များမှာတော့ နိစ္စထာဝရအရှင်ဆိုတာတွေချည်း ပြည့်နေပါတယ်။ ခရစ်ယာန်သီ အိုလိုဂျီတွေနဲ့ လုံးဝဆက်နွယ်ပတ်သက်မှုရှိနေတဲ့ incarnate Himself a human being ၊ "သူ့ကိုယ်သူ လူသား အဖြစ်ဝင်စားကာ" ဆိုတာတွေလည်း တွေ့ရပါတယ်။

မုက္ခပါတ်များအရယေရှုဟာ အသက် ၁၄ နှစ်မှာ အိန္ဒိယကို ထွက်ခွာခဲ့ပါတယ်။ ဆင်းဒ်ပြည်နယ်ကို ဖြတ်သန်းပြီး အာရိယန်တို့ရဲ့ တိုင်းပြည်ကို ရောက်ခဲ့ပါတယ်။ ယေရှု ပထမဦးဆုံး စတင်သိခွင့်ရခဲ့တာ က para-Brahma in vishnu, shiva and other gods (ဗိသနိုး၊ သျှီ၀ နဲ့ အခြားနတ်ဘုရားများ) ဆိုတဲ့ ဟိန္ဒူနတ်ဘုရားတွေအကြောင်းပဲ ဖြစ်ပါတယ်။ (The Unknown Life of Jesus Christ by Nicolas M. Notovitch, Page: 67)

၅:၁၅ မှာတော့ အောက်ပါအတိုင်းတွေ့ရပါတယ်။

5:15 "The Eternal Judge, the Eternal Spirit composes the one individual soul of the universe, which alone creates, contains and vivifies the whole", Jesus said.

5:16 It is He alone who has willed and created, who exists from eternity, whose existence will have no end; there is none equal to Him either in heaven or on earth.

5:17 The great Creator has shared His power with no one, still less with inanimate objects, as they have taught you, for He alone possesses all power.

ဒါက ယေရှုအနေနဲ့ Buddhism ကို မမြည်းစမ်းရသေးခင်တင်ပြချက်များလို့ ယူဆနိုင်ပါတယ်။ (တကယ်လို့ ယေရှုဟာ ဗုဒ္ဓဝါဒကိုလေ့လာခဲ့တယ်လို့ ခံယူထားသူများအတွက်ပါ။) ဒါပေမယ့် Buddhism နဲ့တွေ့ပြီး ယေရှုရဲ့တင်ပြချက်များကို ဆက်လက်လေ့လာဖို့ဖြစ်လာပါတယ်။

6:4 Six years afterwards, Issa, whom the Buddha had chosen to spread the holy doctrine, was able to explain perfectly the sacred rolls.

6:8 "For man," he said, " has not been favored with the power to see the image of God and to construct a host of divinities resembling the Eternal One."

6:10 The Eternal Legislator is one infinite; there are no other gods but Him, He has not shared the world with anyone, nor has He informed anyone of His intentions.

၆:၁၀ ကတော့ အလွန်ရှင်းလင်းပြတ်သားလှတဲ့ striking point ပါပဲ။ ဒါကတော့ ဂျီးစပ် ဗုဒ္ဓဓမ္မကို လေ့လာအပြီး တင်ပြ ခဲ့တာပါ။ "နိစ္စထာဝရဥပဒေရှင်သည် တစ်ဆူတည်းသော အနန္တတန်ခိုးတော် ရှင်သာတည်း၊ ထိုအရှင်သည် တုဘက်နှိုင်းယှဉ်ကင်းစင်တော်မူ၏။ ၆:၁၀" ဆိုတာကို တွေ့ရပါတယ်။

၆:၁၅  မှာ အီဆာ(ယေရှု)ဘာပြောခဲ့သလဲဆိုတာကို M. Notovitch ရဲ့စာအုပ်၊ စာမျက်နှာ ၇၁ မှာ ခုလိုတွေ့ရပြန်ပါတယ်။

6:15 Therefore I say unto you, leave your idols, do not perform ceremonies that separate you from your Father, and link and blind you to priests against whom Heaven is turned.

ထို့ကြောင့်ကျွန်ုပ်အသင့်အားပြောကြားသည်မှာ၊ ရုပ်တုများအားစွန့်ခွာလော့၊ အဘ (ဘုရား)မှ ခြားနား ခြင်းကို ဖြစ်စေသည့် ပွဲတော်များအား မဆင်နွှဲလေနှင့် စသဖြင့် ၆:၁၅ မှာ ဖော်ပြထားပါတယ်။

၈:၆ ကိုထပ်ကြည့်လိုက်ရင် တွေ့ရပြန်တာက -

8:6 And Issa said unto them: " I do not speak of a new God, but of our Heavenly Father who existed before the beginning and who will exist after the eternal end."

ယေရှုက မိမိအနေနဲ့ ဘုရားသစ်ကိုတင်ပြနေတာမဟုတ်ဘဲ မိမိတင်ပြနေတဲ့ GOD ၊ ထာဝရဘုရား သခင်ဟာ ကနဦးမတိုင်မီ ကတည်းက တည်ရှိတော်မူပြီး အဆုံးမရှိ နိစ္စထာဝရဖြစ်ကြောင်းပါတဲ့။ (ညွှန်းပြီးစာအုပ် ၊ စာမျက်နှာ ၇၆)

စာမျက်နှာ ၉၈ မှာတော့ M.Notovitch က  တိဘက်မှာ သူတွေ့ခဲ့ရတဲ့ ယေရှုအကြောင်းကို ခုလို အဆုံးသတ်ထား ပါသတဲ့။

14:11 The heathen, their kings and their warriors, listened to these preachers, abandoned their absurd beliefs, left their priests and their idols to celebrate the praises of the very wise Creator of the Universe, the King of Kings, whose heart is filled with infinite mercy.

အထက်ပါ ၁၄:၁၁ မှာ ဗုဒ္ဓတပည့်လို့ ယနေ့ခေတ်ဗုဒ္ဓဘာသာဝင်အများပြောကြတဲ့ သခင်ယေရှု ၊ ဗုဒ္ဓဒေသနာတော်များကို နာကြားရပြီးသကာလ ဟောပြောခဲ့တာက -

(တိဘက်က ဗုဒ္ဓဘာသာဘုန်းကြီးကျောင်းထဲက ယေရှုအကြောင်းရေးမှတ်ထားတဲ့ စာပေလွှာကြီးထဲ က တွေ့ရှိချက်များကို M.Notovitch က တင်ပြထားတာဖြစ်ပါတယ်။) ၁၄:၁၁ ကိုဖတ်ကြည့်ပါ။ " left their priests and their idols to celebrate the praises of the very wise Creator of the Universe, the King of kings, whose heart is filled with infinite mercy " အနန္တတန်ခိုး တော်ရှင် ၊ ကရုဏာတော်ရှင်ဖြစ်တော်မူသော ၊ ဘုရင်အပေါင်း၏ မကိုဋ်သရဖူဖြစ်တော်မူသော၊ ဤ စကြဝဠာကမ္ဘာလောကအပေါင်း၏ ဖန်ဆင်းရှင် ၊ ဉာဏ်တော်အပေါင်းကိန်းအောင်းရာ ထာဝရ ဘုရား သခင်အကြောင်းကို ထပ်တလဲလဲ တွေ့ရှိရကြောင်း ရိုးသားစွာတင်ပြအပ်ပါသတည်း။

wiki နဲ့ M. Notovitch စာအုပ်ပါဖော်ပြချက်တို့လေ့လာပြီးတဲ့နောက်တော့ ဆက်လက်လေ့လာ သွားမှာက ဗုဒ္ဓဝါဒပြဿနာများစာအုပ်၊ စာမျက်နှာ ၁၀၉ မှ ၁၃၃ပါ ယေရှုနှင့်ပတ်သက်တဲ့ အကြောင်းအရာများ မှန်ကန်မှုရှိမရှိ ဆန်းစစ်ရန်ဖြစ်ပါတယ်။ ယင်းစာအုပ်မှာဖော်ပြပါရှိတဲ့ ဦးအရိယ ဓမ္မ(အရှင်ဥဂ္ဂသံ)မှာ ရှင်ဥက္ကဌ၏ တပည့်တစ်ဦးဖြစ်ကြောင်းကို ယင်းစာအုပ်အရပင်သိရှိရပါတယ်။ ထို့ကြောင့် ရှင်ဥက္ကဌ ဝါဒဟာ ယနေ့ထေရဝါဒမြန်မာနိုင်ငံတော်တွင် တရားဝင်ငြင်းပယ်ခြင်းခံ ရပြီးဖြစ်သလို ရှင်ဥက္ကဌကိုလည်း လူလိမ်စာရင်းသွင်းထားပြီးဖြစ်တဲ့အကြောင်းကို ငြင်းချက်ထုတ် စရာမလို ပါ။ ဤအကြောင်းတစ်ချက်တည်းနဲ့ ဦးအရိယဓမ္မ၏တင်ပြချက်များကို ယနေ့ခေတ်ထေရ ဝါဒသမား များအနေဖြင့် အလေးကရုပြုဖို့ရာ မသင့်ပါ။

ဒါ့ပြင် ဦးအရိယဓမ္မတင်ပြတဲ့ ပရောဖက်ဆာဂိုးရစ်ချ်နဲ့ သူ့စာအုပ်မှာလည်း ရှိခဲ့ဟန်ပင် မတူပါ။ သူ(ဦးအရိယဓမ္မ)၏စာအုပ် စာ ၁၁၃ ကို ကြည့်လျှင် တွေ့ရတာက ပရောဖက်ဆာဂိုးရစ်ချ်သည် ၁၉၂၅ တွင် ခရစ်တော်၏ မသိသေးသော သွန်သင်ဟောပြောချက်များ ဆိုသည့်စာအုပ်ကို ထုတ်ဝေခဲ့ ကြောင်း၊ ပရောဖက်ဆာသည် ခရစ်တော်၏ နစ်မြုပ်ပျောက်ကွယ်နေသော ဘဝအကြောင်းကို သုတေ သနလုပ် ခဲ့ကြောင်း၊ ထိုအတောအတွင်း သူသည် တိဘက်သို့ရောက်ခဲ့ပြီး တိဘက်တောင်ပိုင်း မွန် ဘုန်းတော် ကြီးကျောင်းမှ ကျောင်းထိုင်ဆရာတော်ကို ခရစ်တော်ကိုယ်တိုင် ဆက်သခဲ့တဲ့  စာရွက် ပေါင်းတစ်ရာရှိ စာလိပ်ကြီးကို တွေ့ခဲ့ရကြောင်း စသဖြင့်ဖြစ်ပါတယ်။ ဦးအရိယဓမ္မအနေနဲ့ ပရော ဖက်ဆာဂိုးရစ်ချ် အကြောင်း အသေးစိတ်မပြောထားတာကြောင့် ပရောဖက်ဆာအကြောင်းကို စာရှုသူအနေဖြင့် စိတ်ကူးဖြင့်ကောက်ကြောင်းဆွဲကြည့်ပါ။ သူသည် ၁၉၂၅ တွင် ခရစ်တော် အကြောင်း စာအုပ်ရေး ထုတ်ခဲ့ကြောင်း ဦးအရိယဓမ္မတင်ပြထားတာကြောင့် ပရောဖက်ဆာအနေနဲ့ ဥပမာ - နှစ် ၂၀ ခန့် ယေရှုအကြောင်း လေ့လာခဲ့သည်ဆိုပါစို့ ၊ သို့ဆိုလျှင် သူတိဘက်သို့ အစောဆုံး ရောက်နိုင်တဲ့ကာလ က ၁၉၂၀ ဖြစ်နိုင်မည်၊ ၁၉၂၀ တွင် သူတွေ့ခဲ့ရသည့် ယေရှု၏ ကိုယ်တိုင်ရေး မှတ်တမ်းကို ဆက်သ ခြင်းခံရတဲ့ ကျောင်းထိုင်မှာ ၁၉၂၀ ခန့်မှာ အသက်ဘယ်လောက် ရှိနေပေမည်နည်းဆိုတာ စာရှုသူ တွက်ချက်ကြည့်ပါ။ ဤနေရာမှာ မှတ်သားရမှာက ယေရှု ကွယ်လွန် ခဲ့တဲ့ခုနှစ်က ခရစ်ယာန်အယူ အဆအရ အေဒီ ၃၀ ခန့် ဖြစ်ပါတယ်။ သို့ဆိုလျှင် မစ္စတာဂိုးရစ်ချ်တွေ့ ခဲ့ရတဲ့ဘုန်းကြီးမှာ ၁၉၂၀ သို့မဟုတ် အလွန်ဆုံး ၁၉၀၀ တွင် အသက်မည်မျှ ရှိနေပါလိမ့်မလဲ။ အံ့သြစရာ အမှန်ပင်ဖြစ်နေပါ တယ်။ ဘာကြောင့်လဲဆိုတော့ ဦးအရိယဓမ္မက ယင်းတိဘက်ကျောင်း ထိုင်ကိုယ်တိုင်ကပင် ယေရှုကိုယ်တိုင်၏ autobiography မှတ်တမ်းကိုဆက်သခြင်းခံရသည်ဟု ဖော်ပြထားတာကြောင့် ဖြစ်ပါတယ်။ ဦးအရိယဓမ္မ အနေနဲ့ M.Notovitch ရေးစာအုပ်ကို အခြေမခံ လိုတာက သူရဲ့စာအုပ်ပါ အချက်များမှာ ထေရဝါဒနှင့် ပြဒါးတစ်လမ်း သံတစ်လမ်းဖြစ်နေသော ကြောင့်ဟု ခန့်မှန်းရတာကြောင့် မိမိဘာသာ လုပ်ဇတ်တစ်ခုကြံဖန်ရင်း ဤသည့်သဘာဝလွန် အသက် ထောင်ချီခံတဲ့ တိဘက်ဘုန်းကြီး ပေါ်ပေါက်လာရတာလဲဖြစ်နိုင်ပါတယ်။

M.Notovitch စာအုပ်ပါအချက်များ အားလုံး မှန်တယ်လို့ ယနေ့ထေရဝါဒီတို့ ယူဆကြရင်တော့ အထက်မှာ ဖော်ပြထားတဲ့ သူ့စာအုပ်ပါအချက်များလည်း မှန်ကန်နေရပါလိမ့်မယ်။ ဒါကြောင့် wiki ဖော်ပြချက်အရ M.Notovitch ကို တိဘက်ဘုန်းကြီး(Himis Community ၏ ဥသျှောင်)က အောက်ပါအတိုင်း ဓမ္မသတ်ဆုံးဖြတ်ထားတာကို လေ့လာတွေ့ရှိရကြောင်း။

"Nicolas Notovitch ၏ ရေးသားမှုများမှာ ချက်ချင်းပင် ကန့်ကွက်ရေးသားမှု ခံခဲ့ရလေသည်။ ကျော်ကြားသော ဂျာမန်လူမျိုး အရှေ့တိုင်းပညာရှင် MaxMuller က Notovitch ရောက်ရှိခဲ့သော Hims ဘုန်းကြီး ကျောင်းတည်ရှိမှုကို အထောက်အပံ့ပေးခဲ့သော်လည်း J.ArchibaldDouglas က ထိုဘုန်းကြီးကျောင်းသို့ သွားရောက်လည်ပတ်ခဲ့သည်တွင် Notovitch တင်ပြသော ယေရှု၏သမိုင်း ကြောင်းဆိုင်ရာအချက်အလက်များ စိုးစဉ်းမျှမတွေ့ရကြောင်းဖြင့် Notovitch၏ အမြင်ကို ကျယ်ပြန့် စွာ ငြင်းပယ်ခဲ့လေသည်။ ထို့ပြင် Himis Community ၏ ဥသျှောင်က စာတန်းတစ်ခု ထုတ်ပြန်ကာ ကို အဆုံးစွန် လိမ်လည်သူဖြစ်ကြောင်း ဖြင့် ပြစ်တင်ဖော်ပြကာ လက်မှတ် ရေးထိုးခဲ့ လေသည်။ (Lost years of Jesus - Wikipedia, the free encyclopedia.htm)"

ဒါ့ကြောင့် Nicolas M. Notovitch ရဲ့ စာအုပ်ကိုလည်း မှန်ကန်တယ်လို့ တစ်ထစ်ချမမှတ်ယူနိုင်ပါ။  ယေရှုအနေဖြင့် ငယ်ရွယ်စဉ်ကာလအချိန်ဝယ် တိဘက်သို့ရောက်ခဲ့ ၊ မရောက်ခဲ့ကို ဆက်လက်ဆန်း စစ်ပါလျှင် အောက်ပါအတိုင်းတွေ့ရပါလိမ့်ဦးမယ်။ (http://goo.gl/h0gdh)

History of Tibetan Buddhism အကြောင်း wiki ဖော်ပြချက်ကို လေ့လာပါမယ်။ တိဘက်ရိုးရာ မှတ်တမ်းများအရ ယင်းဒေသသို့ ဗုဒ္ဓဘာသာဆိုင်ရာ အယူဝါဒရောက်ရှိချိန်က အေဒီ ၅ ရာစုခန့်တွင် တိဘက်တောင်ပိုင်း၌မင်းပြုနေတဲ့ Lha Thothori Nyantsen ၊ လားတိုတိုရီ နယန်စင် ရဲ့ အချိန်ဖြစ် ပါတယ်။

Lha Thothori Nyantsen အကြောင်း wiki ဖော်ပြချက်ကို ဆက်လက်လေ့လာရင်တော့ သူဟာ တိဘက်ဒေသရဲ့ ၂၈ ဆက်မြောက်ဘုရင်ဖြစ်ကြောင်း၊ သူမင်းပြုအုပ်ချုပ်မှုမှာ အေဒီ ၅ရာစုတွင်ဖြစ် ကြောင်း၊ အဘယ်ကြောင့်ဆိုသော် ၃၃ ဆက်မြောက်ဘုရင် Songtsan Gampo ၊ ဆောင်းဆန်ဂမ်ပို မှာ အေဒီ ၆၅၀ တွင် ကွယ်လွန်ခဲ့၍ဖြစ်ကြောင်း၊ အခြားသော တွက်ချက်မှုများအရ သူ(Thothori) ၏ မွေးသက္ကရာဇ်မှာ အေဒီ ၁၇၃ သို့မဟုတ် ၂၅၄ ဖြစ်သည်ဟု ဖော်ပြကြပေမယ့် ယနေ့တွင်မှု ယင်း တွက်ချက်မှုမှာ ငြင်းပယ်ခံရကြောင်း၊ အစဉ်အလာဖော်ပြချက်များအရ တိဘက် တွင် ဗုဒ္ဓအယူဝါဒ မှာ သူ့လက်ထက်တွင် စတင်ရောက်ရှိခဲ့ကြောင်းတင်ပြထားပါတယ်။ (en.wikipedia.org/wiki/Thothori_Nyantsen)

en.wikipedia.org/wiki/Tibetan_Buddhism#History_of_Tibetan_Buddhism အရဆက်လက် သိရှိရတာက တိဘက်မှာ ဗုဒ္ဓဝါဒကို State religion အဖြစ် ဘုရင် Trisong Detsen ၊ ထရိဆောင်း ဒတ်စင် (၇၅၅ - ရ၉၇) လက်ထက်ကြမှပြဌာန်းခဲ့ခြင်းဖြစ်ပါတယ်။

ဒါဆို စာရှုသူအနေနဲ့ တွေ့မြင်နိုင်တာက အေဒီ ၃၀ မှာ ခရစ်ယာန်အယူအရ ကွယ်လွန်ပြီးဖြစ်တဲ့ ယေရှုဟာ အသက် ၁၂ ခန့်(အေဒီ ၇ ခန့်)မှာ တိဘက်ကိုရောက်ပြီး ဗုဒ္ဓဓမ္မတွေကို ကျင့်သုံးဆောက် တည်ခဲ့ကြောင်း ဆိုတာက ဘယ်လိုနည်းနဲ့မှ မဖြစ်နိုင်ဘူးဆိုတာကို လယ်ပြင်မှာ ဆင်သွားသလို ထင်ရှားစွာတွေ့မြင်နိုင်ပါ တယ်။

ဘာကြောင့်လဲဆိုတော့ဗုဒ္ဓဝါဒမှာ တိဘက်ဒေသသို့ အေဒီ ၅ရာစု (အေဒီ ၄၀၀ကျော်)တွင်မှ ရောက်ရှိသည်ဟု သမိုင်းကဖော်ပြနေတာကြောင့်ဖြစ်ပါတယ်။

ဒီကိစ္စရပ်က အငြင်းပွားဖွယ်ရာဖြစ်လာနိုင်တာကြောင့် အခြား သမိုင်းရှုထောင့်တစ်ရပ်အရ ဆန်းစစ် ကြည့်ကြဖို့ရန် လိုအပ်လာပါတယ်။ ဒါ့ကြောင့် အမျိုးသားပညာဝန်ဦးဖိုးကျားရေး - မြောက်ပိုင်းဗုဒ္ဓဘာသာ မဟာယနဂိုဏ်းစာအုပ်မှ တိဘက်သို့ ဗုဒ္ဓဘာသာရောက်ပုံ အခန်းကဏ္ဍကို လေ့လာပါ့မယ်။

"" တိဗက်သို့ရောက်လာသော ဗုဒ္ဓဘာသာ မဟာယနဂိုဏ်းမှာ တရုတ်ပြည်ကတစ်ဆင့်လာသည် မဟုတ်။ အိန္ဒိယကပင် တိုက်ရိုက်ရောက်လာသည်။ ရောက်လာသည်မှာ သာသနာသက္ကရာဇ် ၁၁၉၄ ၊ မြန်မာ ၁၂ ၊ (အေဒီ ၆၅၀) လောက်တွင်ဖြစ်သည်။ "" (မြောက်ပိုင်းဗုဒ္ဓဘာသာ မဟာယနဂိုဏ်း၊ ရေး - ဦးဖိုးကျား၊ ဒုကြိမ်၊ ၂၀၀၇ ဇန်နဝါရီလ၊ ပါရမီစာပေ၊ စာမျက်နှာ ၁၂၁)

ယင်းစာအုပ်တွင်ပင် စာမျက်နှာ ၁၂၂ ၌ ဦးဖိုးကျား ဆက်လက်တင်ပြထားတာက - "" သာသနာ ၁၂၀၀ လောက် (၇ရာစု) တွင်း မတိုင်မီ တိဗက်သည် စာပေမရှိ။ အတန်ရိုင်းသေးသော ဒေသဖြစ်၍ စုန်း နတ် တစ္ဆေ ပယောဂ စသည်တို့ဖြင့် ရောပြွမ်း၍ လူကိုပင် ယဇ်ပူဇော်သော အခြေအထိရိုင်းကြ လေသည်"" ဟု ဖော်ပြထားပါတယ်။

ဦးဖိုးကျားစာအုပ်မှာ တိဗက်ဗုဒ္ဓဘာသာက ဘုရင် Songtsan Gampo  လက်ထက်တွင်မှ ဤဒေသ သို့ရောက်ရှိသည်ဟု ဖော်ပြထားပါတယ်။ (စာမျက်နှာ ၁၂၂) ဒါ့ကြောင့် အဲဒီထက်စော၍ ရောက်ရှိ သည်ဟုဖော်ပြထားတဲ့ wiki ဖော်ပြချက်ထက်ပင် နောက်ကျနေပါသေးတယ်။ ဘယ်လိုဘယ်ပုံဆို ကြပါစေ၊  ဦးဖိုးကျားတင်ပြချက်အရလည်း တိဘက်သို့ရောက်တဲ့ ဗုဒ္ဓဘာသာက မဟာယနဖြစ်ပြီး ယေရှု ကွယ်လွန် အပြီး နှစ်ပေါင်းမြောက်မြားစွာကြာအပြီးမှ ရောက်ရှိခဲ့သည်ဖြစ်ကြောင်း အထောက် အပံ့ပဲ ဖြစ်တဲ့အကြောင်း လေ့လာတွေ့ရှိရပါတယ်။

ဤသို့ဆိုလျှင်တော့ ဗုဒ္ဓဒေသနာများ၊ ယေရှု၏တရားများနှင့်ဆင်တူနေမှု သာမက ယေရှု၏ သမိုင်း ဖြစ်စဉ်အချို့နှင့် ဗုဒ္ဓသမိုင်းဖြစ်စဉ်အချို့တူညီနေမှုများ အဘယ်ကြောင့်နည်းဟူမူကို ဆန်းစစ်ရပါဦး မယ်။ ဘာတွေတူညီနေသလဲဆိုတာ အသေးစိတ်ကိုတော့ Buddhism and Christianity - Wikipedia, the free encyclopedia.htm  မှာ လေ့လာနိုင်ပါတယ်။

E.J. Eitel ရေးသားတဲ့ Three Lecture On Buddhism ၊ စာမျက်နှာ ၁၃ ၊ ၁၄ ပါဖော်ပြချက်အရ - ဓမ္မသစ်ကျမ်းဖော်ပြချက်ပါယေရှုဘဝဖြစ်စဉ်မှာ ဂေါတမဗုဒ္ဓ၏ ဘဝဖြစ်စဉ်အကြမ်းဖျဉ်းဖော်ပြချက် များနှင့် တပြိုင်တနက်တည်းဖြစ်ပျက်ခဲ့သလို နေရာများစွာ၌ တူညီနေကြောင်း၊ စကြမုနိဟု ကျွန်ုပ်တို့ခေါ်ဆိုသော ဗုဒ္ဓသည် ကောင်းကင်မှလာကြောင်း၊ အပျိုစင်မှမွေးဖွားကြောင်း၊ နတ်ဒေဝတာ များ၏ကြိုဆိုခြင်းကိုခံရကြောင်း၊ ရှေးသူတော်စင်များ၏ ပရောဖက်ပြုချက်အရလည်း ကိုက်ညီမှု ရှိကြောင်း၊ ဘုရားကျောင်းထဲတွင် ရှိနေကြောင်း၊ ရေဖြင့် ဗတ္တိဇံမင်္ဂလာခံယူအပြီး မီးဖြင့်လည်း ဗတ္တိဇံ ခံယူခဲ့ကြောင်း၊ သူ၏နားလည်သဘောပေါက်မှုအဖြေများဖြင့် အလွန်လျှင်သင်ကြား လေ့လာတတ် မြောက်ထားသော သမားတော်များကို မိန်းမောတွေဝေကာ ပါးစပ်အဟောင်း သားဖြစ်စေခဲ့ကြောင်း၊ သူသည် တောထဲသို့ ဝိညာဉ်အားဖြင့် ခေါ်ဆောင်သွားခြင်းခံရကြောင်း၊ မာရ်နတ်၏ လှည့်ဖျားမှုကို ခံခဲ့ရကြောင်း၊ သူသည် တရားဒေသနာလှည့်လည်ဟောကြားခြင်းနှင့် တန်ခိုးဣဒိပါတ်ပြသခြင်းများပြု လုပ်ခဲ့ကြောင်း စသဖြင့်ဗုဒ္ဓနှင့် ယေရှုတူညီမှုများကိုတွေ့ရပါတယ်။ အဲဒီစာအုပ်မှာပဲ ဆက်လက်တွေ့ရ တာက - ယေရှုခရစ်၏ လက်ဝါးကပ်တိုင်တင်ခံရခြင်းကိစ္စရပ်မှအပ ကျန် ဖြစ်စဉ်အားလုံးလိုလိုသည် ဂေါတမဗုဒ္ဓဟုတွင်သည့် စကြမုနိ၏ ဘဝဖြစ်စဉ်အစဉ်အလာပြန်ပြောင်းပြောဆိုမှုများဖြင့် တထေရာ တည်းဖြစ်နေကြောင်း။ စသဖြင့်ပါ။

E.J. Eitel   ၏  Three Lecture On Buddhism စာအုပ်ကို မူရင်းအင်္ဂလိပ်ဘာသာဖြင့် ဖော်ပြပေး ပါမယ်။

" Attentive readers will have noticed in the rough sketch of Buddha's life many detils coinciding with the incidents of the life of our Saviour as reported by the Gospels. Sakya Muni, we are told, came from heaven, was born of a virgin, welcomed by angels, received by an old saint who was endowed with prophetic vision, presented in a temple, baptized with water and afterwards baptized with fire. He astonised the most learned doctors by his understanding and his answers. He was led by the spirit into wilderness, and having been tempted by the devil, he went about preaching and doing wonders. The friend of publicans and sinners, he is transfigured on a mount, descends to hell and ascends to heaven. In short, with the single exception of Christ's crucifixion, almost every characteristic incident in Christ's life is to be found narrated in the Buddhistic tarditions of the life of Sakya Muni, Gautama Buddha. " (E.J Eitel, Three Lecture on Buddhism, page 13,14)

ဆက်လက်ဖော်ပြပါမည်။

Read more »