Thursday, July 26, 2012

ဥပုသ်သီလတည်ဆောက်ခြင်းသမိုင်း (အပိုင်း ၃)





ဗုဒ္ဓသာသနာ

သိဒ္ဓိတ္ထမင်းသားသည် ဗုဒ္ဓအဖြစ်မရောက်ရှိမီအလျင်က အစာဖြတ်ကျင့်စဉ်ဖြစ်သော ဒုက္ခရစရိယာကို ၄ နှစ်တိုင်ကျင့်ကြံခဲ့သည်။ ယင်းကို မဟာယန သုတ္တန်များထဲတွင် ဖော်ပြထားသည်။ (ထေရဝါဒ သုတ္တန်များထဲ၌လည်းဖော်ပြထားသည်။) ဗုဒ္ဓဘာသာ ဘုန်းကြီးများနှင့် သီလရှင်များသည် နေ့လည် ခင်းမတိုင်မီ ဆွမ်းစားပြီးနောက်ပိုင်း အစာစားသုံးခြင်းမပြုကြတော့ပေ။ ယင်းသည် ဥပုသ်ဆောက် တည်ခြင်းမဟုတ်ဘဲ တရားထိုင်ရာတွင်အထောက်အကူဖြစ်စေမည့် စည်းကမ်းချက် သာဖြစ်သည်။ အချို့သော ဗုဒ္ဓဘာသာဝင်များ၏ အယူအဆအရမူ ဥပုသ်ဆောက်တည်ခြင်းသည် အလယ်အလတ် လမ်းနှင့် ဆန့်ကျင်သဖြင့် ဆောက်တည်ရန်မလိုဟု သိရသော်လည်း အများအားဖြင့် ဝါတွင်းကာလ ဟူ၍သတ်မှတ်ကာ ဥပုသ်ဆောက်တည်ကြပေသည်။

Eve Adamson နှင့် Linda Horning တို့ ရေးသားသည့် “The Complete Idiot’s Guide to Fasting” စာအုပ်အရမူ ဗုဒ္ဓဘာသာတွင် ဂိုဏ်းကွဲအများအပြားရှိပြီး ထိုအထဲတွင် အများစုမှာ စိတ် လေ့ကျင့်ခန်းအတွက် အထောက်အပံ့ဖြစ်စေရန် အကြောင်းပြချက်ဖြင့် ဥပုသ်ဆောက်တည် ခြင်းကို ပြုလုပ်ကြလေသည်။ အချို့ကမူ လပြည့်နေ့များနှင့် အခါကြီးရက်ကြီးများတွင် ဥပုသ်စောင့်ကြ သည်။ ထိုနေ့များတွင် ဥပုသ်စောင့်သူများမှာ အဖတ် (အရည်ကိုသာ စားသုံးနိုင်) ကိုရှောင်ကြဉ်ကြ ရသည်။ ဗုဒ္ဓဘာသာဝင်များသည် အကြောင်းအမျိုးမျိုးဖြင့် ဥပုသ်စောင့်ကြပြီး အချို့ကမူ အဆုံး စွန်သော နိဗ္ဗာန်လမ်းကိုမြင်ရန်အတွက် ဤလောကကြီးမှာ အာရုံများကိုဖြတ်တောက်ဖို့လွယ်ကူစေရန် အကြောင်းပြချက်ဖြင့် ဥပုသ်စောင့်ကြသည်။ ထိုသို့ဖြင့် တရားထိုင်ခြင်းနှင့် ဥပုသ်စောင့်ခြင်းတို့မှာ ဒွန်တွဲလာပေသည်။


ခရစ်ယာန်သာသနာ

တမန်တော် အီစာ (as) သည် တမန်တော်အဖြစ်ရွေးကောက်ခြင်းမခံရမီကပင် ဥပုသ်ဆောက်တည် ကြောင်းကို သိရပေသည်။

ယင်းကို ဘိုင်ဘလ်၌ ယေရှုသည် ခရစ်တော်အဖြစ်မရောက်မီ ဥပုသ်ဆောက်တည်လေ့ရှိကြောင်းဖြင့် ရှင်မဿဲ ၄:၂ တွင်ဖော်ပြထားသည်။ ခရစ်ယာန်သာသနာတွင် လန့်ထ် (Lent) ဟူသည် အီစတာမတိုင်မီ အပြစ်များမှ နောင်တရခြင်းအထိမ်းအမှတ်အဖြစ် ဥပုသ်ဆောက်တည်ကြခြင်း ဖြစ်သည်။

အနောက်နိုင်ငံများရှိ ချာ့ချ်များတွင် Ash Wednesday ဟုခေါ်သော အီစတာမတိုင်မီ ၇ ပတ်အကြို ဗုဒ္ဓဟူးနေ့တွင် လန့်ထ်ဥပုသ်စောင့်ခြင်းစတင်၍ တနင်္ဂနွေ နေ့များမှလွဲပြီး ရက်ပေါင်း ၄၀ ဖြည့်ဆီး ကြလေသည်။ ယင်းသို့ဖြည့်ဆီးခြင်းမှာ ယေရှုခရစ်က တောအုပ်အတွင်း ဥပုသ်ဆောက် တည်ခြင်းကို အမှတ်ရပြုလုပ်ခြင်းလည်းဖြစ်သည်။ အရှေ့တိုင်းချာ့ချ်များတွင်မူ လန့်ထ်ကို အီစတာမတိုင်မီ ၇ ပတ် အကြို တနင်္လာနေ့တွင်စတင်ပြီး အီစတာမတိုင်မီ ၉ ရက်အလို သောကြာတွင် အဆုံးသတ်သည်။ ထို ရက် ၄၀ လန့်ထ်ဥပုသ်စောင့်ခြင်းတွင် စနေ ၊ တနင်္ဂနွေနေ့များကို ဥပုသ်စောင့်ခြင်းမှ အနားယူသည့် နေ့များအဖြစ် သတ်မှတ်သည်။

အွန်လိုင်း ဗြိတိသျှစွယ်စုံကျမ်းအရ လန့်ထ်ဥပုသ်စောင့်ခြင်းကို ယေရှု၏သာဝကများလက်ထက်မှ စတင်ပြီးအီစတာမတိုင်မီ အကြိုအနေဖြင့် ဖြည့်ဆီးကြကြောင်း၊ ထိုအထဲတွင် အပြစ်ဖြေခြင်းနှင့် ဗတ္တိဇံခံယူခြင်းများအတွက် လူပုဂ္ဂိုလ်များပြင်ဆင်ခြင်းအချိန်လည်းပါ၀င်သည်။

ရာစုစောပိုင်းကာလများက ဥပုသ်စောင့်ခြင်းနည်းနာသည် ပြင်းထန်တင်းကြပ်ခဲ့ပြီး အရှေ့တိုင်း များတွင် ယင်းပုံစံကို တွေ့နေရဆဲဖြစ်သည်။ ညနေပိုင်းတွင် အစာတစ်ကြိမ်စားသုံးနိုင်ပြီး အသား၊ ငါး၊ ကြက်ဥနှင့် ထောပတ်ကို တားမြစ်သည်။ အရှေ့တိုင်းချာ့ချ်များကမူ ထိုအရာများအပြင် ဝိုင် ၊ ဆီ နှင့် နို့ထွက်ပစ္စည်းများကိုလည်း တားမြစ်သည်။ အနောက်တိုင်းတွင် ယင်းသို့သော ဥပုသ်တည်ဆောက် ခြင်းနည်းမှာ တဖြည်းဖြည်းချင်း လျော့ရဲ လာခဲ့လေသည်။ ရိုမန်ကက်သလစ်များ၌ ယင်းသို့သော တင်းကြပ်သည့် ဥပုသ်စောင့်ခြင်းဥပဒေမှာ ဒုတိယကမ္ဘာစစ်အတွင်းကပင် ပယ်ပျက်သွားခဲ့ပြီး Ash Wednesday နှင့် Good Friday တို့ကိုသာ လန့်ထ်ဥပုသ်စောင့်ခြင်းနေ့ရက်များအဖြစ် သတ်မှတ်ခဲ့ကြသည်။ သို့သော် အပြစ်များမှ နောင်တရရှိခြင်းအထိမ်းအမှတ်ကိုမူ ဆက်လက်တည် မြဲစေခဲ့ကြသည်။ ("Lent." Encyclopædia Britannica. 2008. Encyclopædia Britannica Online. 26 Aug. 2008http://www.britannica.com/EBchecked/topic/336104/Lent)


ဘိုင်ဘလ်တွင် ဥပုသ်ဆောက်တည်ခြင်းနှင့်ပတ်သက်၍ အများအပြားတွေ့ရှိရသည်။ လူအများသည် အခြေအနေသုံးမျိုးတွင် ရက်ပေါင်း ၄၀ ဥပုသ်ဆောက်တည်ကြသည်။ သို့သော် ယင်းသို့ဆောက် တည်ခြင်းမှာ အလေ့အထတစ်ခုမဟုတ်ဘဲ အချို့သောအခြေအနေများတွင်သာ ကျင့်သုံးသည့် သာမာန်မဟုတ်သော အလေ့အထဖြစ်သည်။ တမန်တော်မိုးစက်၏ ဥပဒေ ၁၀ ချက် လက်ခံရရှိပြီး နောက်ပထမဦး ဆုံးဥပုသ်ဆောက်တည်ခြင်းအလေ့အထ ဖြစ်ပေါ်လာသည်။ (ထွက်မြောက်ရာကျမ်း ၃၄:၂၈) ဒုတိယ ဥပုသ်စောင့်ခြင်းအလေ့အထကို ဧလိယက ဧလိရှဲအား ဘိသိက်မပေးမီအလျင် ဘုရားအားဖူးမြော်တွေ့ပြီးသည့်နောက်တွင်ဖြစ်ပေါ်လာသည်။ ( ဓမ္မရာဇဝင် ၃၊ ၁၉:၈ ရှု) တတိယအလေ့အထကို ယေရှုသည် တောအတွင်း၌ရှိနေစဉ်တွင် ဖြစ်ပေါ်ခဲ့သည်။ (ရှင်မဿဲခရစ်ဝင် ၄:၂ ရှု)

ပုံမှန်အားဖြင့် အစာရှောင်ခြင်းသည် ဥပုသ်ဆောက်တည်ခြင်း၏ အမှတ်လက္ခဏာဖြစ်သည်။ ( ဒံယေ လအနာဂတ္တိ ၆:၁၈ ရှု) လူတို့သည် အစာနှင့် ရေတို့မှ ဖြတ်တောက်နေကြသည့် အလေ့အထ ရှိခဲ့ဖူး သော်လည်း ယင်းသည် အမြဲတစေပြုလုပ်ခဲ့သည့် အစဉ်အလာမဟုတ်ပေ။ ( ဧဇရမှတ်စာ ၁၀:၆ ရှု ) ပုံမှန်အားဖြင့် ဥပုသ်ဆောက်တည်ခြင်းသည် တစ်နေ့သာကြာမြင့်သည်။ (တရားသူကြီး မှတ်စာ ၂၀:၂၆ ရှု) အချို့အခါများတွင်မူ ၃ ရက်ကြာမြင့်သည်။ (ဧသတာဝတ္တု ၄:၁၆ ရှု) သို့မဟုတ် ၇ ရက် ကြာမြင့်သည်၊ “၁၃အရိုးတို့ကိုလည်း ယူ၍ ယာဗက်မြို‹မှာ သစ်ပင်အောက်၌ သင်္ဂြိုဟ်ပြီးမှ ခုနစ်ရက်ပတ်လုံး အစာရှောင်ကြ၏။” ( ဓမ္မရာဇဝင် ၁ ၊ ၃၁:၁၃)

ခက်ခဲမှုများနှင့် စိတ်ပိုင်းဆိုင်ရာထိခိုက်မှုများရှိလာသည့်အခါ ဥပုသ်ဆောက်တည်ကြသည်။ ဥပုသ် ဆောက်တည်ခြင်းဖြင့် ဘုရားနှင့် ကြောက်ရွံ့ရိုကျိုးခြင်းဖြင့်၊ ပူပင်သောကများအားဖြင့်၊ စိတ်ပိုင်းဆိုင် ရာထိခိုက်ခြင်းသို့မဟုတ် နောင်တရရှိခြင်းဖြင့် အဆက်အသွယ်ကိုဖြစ်စေလေသည်။ မိမိ၏ အာရုံများ ကို ဥပုသ်အားဖြင့် ထိန်းချုပ်ခြင်းကြောင့် သန့်စင်ခြင်းသို့မဟုတ် ဖြူစင်ဖြောင့် မတ်ခြင်းသို့ ဆိုက် ရောက်ရာ၏။ ထို့ပြင် ဥပုသ်ဆောက်တည်ခြင်းဖြင့် ခက်ခဲလျက်ရှိနေသောအခြေအနေကို ဝိညာဉ်ရေး ရာ အကူအညီဖြင့် လွတ်မြောက်စေနိုင်ပြီး ဘုရားရှင်ထံတော်ပါးတွင် ကွဲပြားခြားနားသည့် အခြေအနေတစ်ခုကို တောင်းဆိုရန်အတွက်လည်းကောင်း ၊ ဘုရားရှင်အား မိမိတို့လုပ်ဆောင်ရမည့် ၀တ္တရားများကို ကြည်ဖြူစွာထမ်းဆောင်ပါမည်အကြောင်းပြဆိုရာအဖြစ်လည်းကောင်း သက်ရောက် စေလေသည်။ (ဧသတာဝတ္တု ၄:၃ ရှု )

ဘုရားရှင်အား အခြေအနေအခက်အခဲတစ်ခုအကြားတွင် ကြားဝင်ဆောင်ရွက်ပေးရန်အတွက် စွန့်လွှတ်လှူဒါန်းခြင်းအနေဖြင့်လည်း ဥပုသ်ဆောက်တည်ရာ၏။ ၁၃ငါ မူကား၊ သူတို့၌ အနာရောဂါ စွဲသောအခါ၊ လျှော်တေအဝတ်ကို ဝတ်ဆင်လျက်် အစာကို ရှောင်၍ ခြိုးခြံစွာ ကျင့်လေ၏။ ကိုယ်ရင် ခွင်ကို မျက်နှာပြုလျက် ဆုတောင်းလေ၏။ (ဆာလံကျမး် ၃၅း၁၃)

မိမိချစ်ခင်နှစ်သက်ရသောသူဆုံးပါးသဖြင့်လည်း ဥပုသ်တည်ဆောက်ကြသော်လည်း ယင်းကို ယခုအခါတွင် အများအပြားမပြုလုပ်ကြတော့ပေ။ ဥပုသ်တည်ဆောက်ခြင်းသည် ကြုံတောင့်ကြုံ ခဲအခြေအနေတစ်ရပ်တွင် တည်ဆောက်ရန် အခွင့်အရေးရသော်လည်း အများအားဖြင့်မူ ဥပုသ်ဆောက်တည်ခြင်းသည် အခက်အခဲတစ်ခုအတွင်း ဘုရားရှင်နှင့်နီးစပ်ခြင်းတည်းဟုူသော ခံစားမှုကို ပေးစွမ်းလေသည်။ ၄ထိုစကားကိုကြားလျှင်၊ ငါသည် ထိုင်၍အင်တန်ကာလပတ်လုံး ငိုကြွေးမြည်တမ်းလျက်၊ အစာရှောင်လျက်နေ၍၊ ကောင်းကင်ဘုံ၏အရှင် ဘရားသခင့်ရှေ့တော်၌ ဆုတောင်းသောပဌနာဟူမူကား၊ (နေဟမိမှတ်စာ ၁:၄)

ဥပုသ်ဆောက်တည်ခြင်းဖြင့် အပြစ်များမှ နောင်တရခြင်းကို ပြသကြသည်။ ဘုရားက ထိုသို့ပြုလုပ် ရန် မပြဠာန်းထားသော်လည်း ဘုရားရှင်ကိုယ်တိုင် ကျေနပ်နှစ်သက်ကြောင်းကို သိရှိသင့်ပေသည်။ သူတိုသည် မိဇပါမြို့၌စည်းဝေးသဖြင့်၊ ရေကိုခပ်၍ ထာဝဘုရားရှေ‹တော်၌သွန်းလောင်းခြင်း၊ အစာရှောင်ခြင်းအကျင့်တိုကိုကျင့်လျှက်၊ အကíန်ုပ်တို‹သည် ထာဝရဘုရားကိုပြစ်မှားပါပြီဟု ဝန်ခံကြ၏။ ရှမွေလသည် မိဇပါမြို‹၌ ဣသရေလအမျိုးသားတရားမှုတို‹ကို စစ်ကြောစီရင် လေ၏။ ( ၁ ဓမ္မရာဇဝင် ၇:၆ )ဤသို့သော စွန့်လွှတ်မှုဖြင့် မိမိအပြစ်ကို နောင်တရရခြင်းအား ပြသသဖြင့်လည်း ဘုရားရှင်က မိမိ၏နောင်တရခြင်းကို လက်ခံရာ၏။

ခရစ်ယာန်များသည် ဘုရားရှင်ခံတော်မှ လမ်းညွှန်ခြင်းကို ရရန်အတွက် ဥပုသ်ဆောက်တည် ကြသည်။ ဆိုလိုသည်မှာ အစားအစာအတွက် သုံးစွဲသည့် အရာမှန်သမျှကို ဘုရားအတွက် သုံးစွဲခြင်း ဖြစ်လေသည်။ ဥပုသ်ဆောက်တည်ခြင်းဖြင့် ဘုရားရှိခိုးခြင်း ၊ ဆုတောင်းခြင်းနှင့် နားသောတဆင် ခြင်းတို့တွင် အချိန်ပို၍ပေးနိုင်လေသည်။ ထို့ပြင် ဥပုသ်သည် ၀ိညာဉ်ရေးရာအခြေအနေတစ်ရပ် သို့မဟုတ် ပြောင်းလဲမှုတစ်ခုကို ဖြစ်စေလေသည်။ ယင်းသည် နှိမ်ချကျိုးနွံခြင်းဖြစ်ပြီး လူတစ်ဦး၏ ကိုယ်ပိုင်ဆန္ဒများကို ဖဲခွာပြစ်ကာ ၀ိညာဉ်ရေးရာအလုပ်လုပ်မှုအခြေအနေကို ပေါက်ပွားစေသည်။ ၁အန္တိအုတ်မြို့တွင်ရှိသော အသင်းတော်၌ ဗာနဗမှစ၍ နိဂါဟုခေါ်ဝေါ်သော ရှုမောင်၊ ကုရေနေပြည် သား လုကိ၊ စော်ဘွားဟေရုဒ်၏ သူငယ်ချင်းအရင်းဖြစ်သော မာနင်နှင့် ရှောလုတည်းဟူသော ပရောဖက်ပြုသူ၊ ဆရာ ပြုသူရှိကြ၏။ ၂ထိုသူတို့သည် သခင်ဘုရားဝတ်ကိုပြု၍ အစာကိုရှောင်ကြစဉ်၊ သန့်ရှင်းသောဝိညာဉ်တော်က၊ ငါခန့်ထားသောအမှုကို ဆောင်ရွက်စေခြင်းငှါ ဗာနဗနှင့်ရှောလုတို့ကို ရွေးချယ်ခွဲထားကြလော့ဟု မိန့်တော်မူ သည်အတိုင်း၊ ၃အစာရှောင်၍ ပဌနာပြုလျက်၊ ထိုသူတို့ခေါင်း ပေါ်မှာ လက်ကိုတင်၍ လွှတ်လိုက်ကြ၏။ ( တမန်တော်ဝတ္တု ၁၃:၁-၃)

ဥပုသ်ဆောက်တည်ခြင်းသည် ၀တ်ပြုကိုးကွယ်မှုတစ်ခုဖြစ်သည်။ ၃၇အသက်ကြီးရင့်၍ အနှစ်ရှစ် ဆယ်လေးနှစ်ခန့်မျှ တိုင်တိုင် မုတ်ဆိုးမဖြစ်လျက်၊ ဆုတောင်းခြင်းနှင့် အစာရှောင်ခြင်းအား ဖြင့်နေ့ညဉ့်မပြတ်ဘုရားဝတ်ကိုပြု၍ ဗိမာန်တော်နှင့် မခွါဘဲနေ၏။ ( ရှင်လုကာခရစ်ဝင် ၂:၃၇)

၂၈ထိုအရပ်မှာ မောရှေသည် အစာကိုမစား၊ ရေကိုမသောက်ဘဲ၊ အရက်လေးဆယ်ပတ်လုံး ထာဝရ ဘုရားအထံတော်၌ နေလေ၏။ ကျောက်ပြားပေါ်မှာ ပဋိညာဉ်စကား၊ ပညတ်တော် ဆယ်ပါး ကိုရေးထားတော်မူ၏။ (ထွက်မြောက်ရာကျမ်း ၃၄:၂၈)

၇လူသတ္တဝါ တိရစ္ဆာန် သိုးနွားတို့သည် အလျှင်းမမြည်စေနှင့်။ အစာကို မစား၊ ရေကိုမသောက် စေနှင့်။ (ယောနသတ္ထု ၃:၇)

၁ထိုအမှုရှိသမျှကိုမော်ဒကဲသိသောအခါ မိမိအဝတ်ကိုဆုတ်၍ ပြားနှင့်လူးလျက်၊ လျှော်တေအဝတ်ကို ဝတ်လျက်၊ မြို့အလယ်သို့သွား၍ ကြီးကျယ်သောအသံနှင့် ငိုကြွေးလေ၏၊၊ ၂လျှော်တေအဝတ်ကို ဝတ်လျက် နန်းတော် တံခါးထဲသို့ အဘယ်သူမျှ မဝင်ရသောကြောင့်၊ နန်းတော်တံခါးရှေ့မှာရပ်နေ၏၊၊ ၃ရှင်ဘုရင်အမိန့် တော်စာရောက်လေ သော အပြည်ပြည်တို့၌ ယုဒလူတို့သည် အလွန်ညည်းတွား ခြင်း၊ အစာရှောင်ခြင်း၊ ငိုကြွေးမြည် တမ်းခြင်းကိုပြု၍၊ လူများတို့သည် ပြားနှင့်လျှော်တေအဝတ်၌ အိပ်ကြ၏၊၊ ၄မော်ဒကဲအမှုကို ဧသတာ၏ ကျွန်မတို့နှင့် မိန်းမစိုးတို့သည် ကြားပြောသောအခါ မိဖုရားသည် အလွန်ဝမ်းနည်းလျက်၊ မော်ဒကဲဝတ်သော လျှော်တေကိုပယ်၍ အခြားသော အဝတ်ကို ဝတ်စေခြင်းငှါ ပေးလိုက်သောလည်း၊ မော်ဒကဲသည် မခံမယူဘဲနေ၏၊၊ ၅တဖန်ဧသတာသည် ရှင်ဘုရင်အမိန့် တော်နှင့် ခစားသော မိန်းမစိုးဟာတက်ကိုခေါ်၍ အဘယ်အမှုရှိသနည်း၊၊ အဘယ် ကြောင့် ဤသို့ပြုသနည်းဟု မော်ဒကဲကို မေးစေခြင်းငှါ စေလွှတ်သည်အတိုင်း၊ ၆ဟာထက်သည် မော်ဒကဲရှိရာ နန်းတော်တံခါးရှေ့၊ မြို့တော်လမ်း သို့သွား၍ ရမော်ဒကဲသည်မိမိ၌ ရောက်သောအမှုရှိ သမျှကို၄င်း၊ ဟာမန်သည် ယုဒလူတို့ကို ဖျက်ဆီး ခြင်းငှါ ငွေမည်မျှ ကိုဘဏ္ဍာတော်တိုက်ထဲ သို့သွင်း ပါမည်ဟု ဂတိထားကြောင်းကို၄င်း၊ ကြားပြောလျက်၊ ၈ယုဒလူ တို့ကိုဖျက်ဆီးခြင်းငှါ၊ ရှုရှနန်းတော်၌ ထုတ်သော အမိန့်တော်စာလက်ခံကို ဧသတာအား ပြဘို့ပေး၍ ဧသတာသည် မိမိလူမျိုးအဘို့ တောင်းလျှောက်ခြင်းငှါ၊ ရှင်ဘုရင်ထံတော်သို့ ဝင်ရမည်အကြောင်း မှာလိုက်လေ၏၊၊ ၉ဟာတက် သည်လည်းလာ၍ မော်ဒကဲစကားကို ဧသတာအားပြန်ပြော၏၊၊ ၁ဝတဖန်ဧသတာသည် ဟာတက်အား ဖြင့်၊ မော်ဒကဲကိုမှာလိုက်သည်ကား၊ ၁၁ယောကျ်ားဖြစ်စေ၊ မိန်းမဖြစ်စေ၊ ရှင်ဘုရင် ခေါ်တော်မမူဘဲ အတွင်းတန်တိုင်း၊ ရှင်ဘုရင်ထံတော်သို့ ဝင်မိသောသူသည် အသက်ချမ်း သာရမည် အကြောင်း ရွှေရာဇလှံတံကိုကမ်းတော်မမူလျှင်၊ အမှန်သေရမည်အကြောင်း၊ အမိန့်တော်ရှိသည်ကို ရှင်ဘုရင်၏ ကျွန်တော်မျိုးများနှင့် နိုင်ငံတော်ပြည်သူပြည်သားများအပေါင်း တို့သည်သိကြ၏၊၊ အကျွနု်ပ်ကိုကား အရက်သုံးဆယ် ပတ်လုံး၊ ရှင်ဘုရင်ထံတော်သို့ ခေါ်တော်မမူဟု၊ ၁၂ဧသတာစကားကို မော်ဒကဲအား ပြန်ပြောသောအခါ၊ မော်ဒကဲက အခြားသောယုဒလူအသက်မလွတ်လျှင်၊ ၁၃နန်းတော်၌ နေသော် လည်း သင့်အသက်လွတ်မည်ဟု မထင်နှင့်၊၊ ၁၄ယခုကာလ သင်သည် တိတ်ဆိတ်စွာ နေလျှင် သင့်နှင့်သင်၏ အဆွေအမျိုးသည် ပျက်စီး၍ ယုဒလူတို့အသက်ရှင်ခြင်း၊ ကယ်တင်ခြင်းအကြောင်း တစုံတခုပေါ်လိမ့်မည်၊၊ ယခုအမှုကို ဆောင်ဘို့ရာ သင်သည် မိဖုရားအရာကိုရသည်ဟု ထင် စရာရှိ သည်မဟုတ်လောဟု ဧသတာအား ပြန်ပြောစေခြင်းငှါ မှာလိုက်၏၊၊ ၁၅ဧသတာကလည်း ရှုရှန်မြို့၌ရှိ သော ယုဒလူအပေါင်းတို့ကို စုဝေးစေခြင်းငှါသွားပါ၊၊ နေ့ညဉ့်မပြတ်သုံးရက်ပတ်လုံးမစား သောက်ဘဲ နေ၍ အကျွန်ုပ်အဘို့ အစာရှောင်ခြင်းအကျင့်ကိုကျင့်ကြပါ၊၊ အကျွန်ုပ်သည်လည်း ကျွန်မတို့နှင့် တကွ အစာရှောင်ခြင်းအကျင့်ကို ကျင့်ပါမည်။ ထိုနောက် အာဏာတော်ကို ဆန်ရသော်လည်း၊ ရှင်ဘုရင် ထံတော်သို့ ဝင်မည်၊ သေလျှင် အသေခံပါမည်ဟု မော်ဒကဲအား ပြန်ပြောစေခြင်းငှါ မှာလိုက်သမျှအတိုင်း မော်ဒကဲသည် သွား၍ပြုလေ၏၊ (ဧသတာဝတ္တု ၄)

ယေရှုလက်ထက် ဖာရိရှဲများသည် ပုံမှန်အားဖြင့် ဥပုသ်ဆောက်တည်ခဲ့သည်။ ထို့ကြောင့် ယေရှုအား သူ၏သာဝကများ အဘယ်ကြောင့် ဥပုသ်မစောင့်သနည်း ကို မေးမြန်းသည်တွင် ယေရှုက ပုံပြင်တစ် ပုဒ်ဖြင့် ဥပမာပြဖြေဆိုခဲ့သည်။ ယင်းကို ရှင်လုကာခရစ်ဝင် ၅:၃၃ - ၃၉ ၊ ရှင်မဿဲခရစ်ဝင် ၉:၁၄-၁၅ ၊ ရှင်မာကု ခရစ်ဝင် ၂:၁၈-၂၀ တို့တွင်လေ့လာနိုင်သည်။

၁၆သင်တို့သည် အစာရှောင်ခြင်းအကျင့်ကိုကျင့်သောအခါ လျှို့ဝှက်သောသူတို့နည်းတူ မျက်နှာညှိုး ခြင်း မရှိကြနှင့်။ ထိုသူတို့သည် မိမိတို့အစာရှောင်သည်ကို လူများတို့ရှေ့မှာထင်ရှားစေခြင်းငှါ၊ မိမိ တို့မျက်နှာကိုဖျက် တတ်ကြ၏။ ၁၇ငါအမှန်အကန်ဆိုသည်ကား၊ ထိုသူတို့သည် မိမိတို့အကျိုးကို ခံရကြ၏။ ၁၈သင်သည် အစာရှောင်သောအခါ အစာရှောင်သည်ကိုလူများတို့ရှေ့မှာ မထင်ရှား စေဘဲ၊ မထင်ရှားသော အရပ်၌ရှိတော်မူသော သင်တို့အဘ ရှေ့တော်၌သာ ထင်ရှားစေခြင်းငှါ၊ ခေါင်းကိုလိမ်းကျံလော့။ မျက်နှာကိုလည်းသစ်လော့။ မထင်ရှားသောအရာကို မြင်တော်မူသော သင်တို့အဘသည် အကျိုးကို ထင်ရှားစွာ ပေးတော်မူလတံ့။ (ရှင်မဿဲခရစ်ဝင် ၆:၁၆-၁၈)

ဒေါက်တာ ဇီယာ၊ အိပ်ခ်ျ ရှား၏ Religious History of fasting ကို မြန်မာပြန်ပါသည်။ 

Friday, July 20, 2012

အစ္စရေးသမ္မတ ရှီမွန်ပီရက်ဇ်၏ ရမ်ဇာန်အတွက် ငြိမ်းချမ်းရေးသတင်းစကား

စတူးဝပ်ဝင်းနား
ဇူလိုင် ၁၉၊ ၂၀၁၂
source : http://goo.gl/9UdAI



အစ္စရေးသမ္မတက အစ္စလာမ်သာသနာအရ မြင့်မြတ်သည့် လ(ရမ်ဇာန်)အတွင်း ကျင့်သုံးကြ ရသည့် တရားမျှတမှုတန်ဖိုး၊ ဝိညာဉ်ရေးနှင့် ငြိမ်းချမ်းရေးတို့အကြောင်းကို ယူကျူဘ်ဗွီဒီယိုဖြင့် ထုတ်ဖော် ပြောဆိုခဲ့သည်။

ရှီမွန်ပီရက်ဇ်က ကမ္ဘာ့မွတ်စလင်မ်ထုအား ငြိမ်းချမ်းသော ရမ်ဇာန်လမြတ်အား ဆန္ဒပြုပါကြောင်းဖြင့် ဗုဒ္ဓဟူးနေ့က အင်တာနက်ပေါ်တင်ထားသည့် ထိုဗွီဒီယိုဖိုင်တွင် ပြောကြားထားသည်။

ထိုသတင်းစကားတွင် ပီရက်ဇ်က မွတ်စလင်မ်နှင့် ဂျူးများအကြား စိတ်ဓာတ်ရေးရာခံစားမှုများ၊ ငြိမ်းချမ်းရေးနှင့် တရားမျှတရေးတို့ သာတူညီမျှကျင့်သုံးကြသည့်အကြောင်းကို (အာရဗစ်စကားလုံးများ ကြားညှပ်ကာ) ပြောဆိုသွားခဲ့သည်။ အစ္စရေးတို့အား ကိုယ်စားပြုပြောကြားသော ထိုသတင်းစကားတွင် ပီရက်ဇ်က မွတ်စလင်မ်တို့အား ငြိမ်းချမ်းသော လမြတ်တစ်ခု ဖြစ်စေလိုပါကြောင်း ဆန္ဒပြုခဲ့သည်။ ထို့ပြင် ဗွီဒီယိုဖိုင်အား ဆလာမ် အလိုက်ကွမ်းဟု အစပြုထားသည်။

သောကြာနေ့တွင် အစပြုမည့် ရမ်ဇာန်မှာ အစ္စလာမ့်ပြက္ခဒိန်အရ လထူးလမြတ်ဖြစ်ပြီး နေ့အချိန်တွင် ဥပုသ်ဆောက်တည်ကာ ညဉ့်အချိန်၌သာ အစာစားသုံးနိုင်သည်။

အသက် ၈၀ ကျော်နေပြီဖြစ်သည့် ပီရက်ဇ်က သူ့အနေဖြင့် နည်းပညာများနှင့် အကျွမ်းတဝင်ရှိနေဆဲ ဖြစ်ကြောင်းကို ထိုသတင်းစကားပါ ဗွီဒီယိုအား ယူကျူဘ်ပေါ်ရှိ ကိုယ်ပိုင် ချဲနယ်လ်တွင် တင်ပေး လိုက်ခြင်းဖြင့် သက်သေပြခဲ့သည်။ ပီရက်ဇ်က အရေးကြီးသည့် အခါသမယများနှင့် ပွဲတော်များအလိုက် ဗွီဒီယိုဖိုင်များကိုလည်း ယခင်က တင်ပေးထားခဲ့ဖူးသည်။

ဥပုသ်သီလတည်ဆောက်ခြင်းသမိုင်း (အပိုင်း ၂)







ဇိုရိုအေစတာသာသနာ

ဇိုရိုအေစတာသာသနာမှာ အစ္စလာမ်အလျင် အီရန်နိုင်ငံ၌ ပေါ်ပေါက်ခဲ့သော သာသနာဖြစ်သည်။ ဘီစီ ၅၄၉ မှ အေဒီ ၆၅၂ အကြား နှစ်ပေါင်း ထောင်ချီသည့်ကာလများအတွင်း အင်အားကြီးထွားခဲ့ပြီး ပါရှန်းအင်ပါယာ သုံးဆက်တိုင် ဇိုရိုအေစတာဘာသာကို နိုင်ငံတော်ဘာသာအဖြစ် ပြဠာန်းခဲ့ကြသည်။ အာခေမီးနီးယန်း အင်ပါယာ (Achaemenian Empire) နေ လူအများစုဖြစ်သည့် ဂျူးများသည် တမန်တော် ဇိုရိုအေစတာ၏ သွန်သင်ချက်အချို့ကို ခရစ်ယာန်သာသနာပေါ်ပေါက်လာသည့်တိုင်အောင် လက်ခံလိုက်နာခဲ့ကြလေသည်။

ဇိုရိုအေစတာဘာသာကို ဂရိဘာသာဖြင့် ဇိုရိုအေစတာဟုသိကြသော တမန်တော်ဇရာသုစထရာက တည်ထောင်ခဲ့သည်။ ရှေးဟောင်းအန္ဒိယနှင့် အီရန်နိုင်ငံများရှိ ဘုရားအများကိုးကွယ်သည့် သူများအကြား တမန်တော်ဇိုရိုအေစတာမှာ ဘုရားတစ်ပါးတည်း ကိုးကွယ်သောသူဖြစ်ကြောင်းနှင့် သူသည် ကမ္ဘာ့လူသားသမိုင်းတွင် ကနဦးကျသော တစ်ဆူရှင်ဝါဒီများထဲမှ တစ်ဦးဖြစ်ကြောင်း သိရှိရသည်။ တမန်တော်ဇိုရိုအေစတာက အဟုရ မဇ်ဒါ (Ahura Mazda) ဟုခေါ်သော ဘုရားတစ်ပါးတည်းရှိကြောင်းကို ဟောပြောခဲ့သည်။ အဟုရ ဆိုသည်မှာ ဘုရားရှင်ဟု အနက်ရပြီး မဇ်ဒါ မှာမူ ဉာဏ်ပညာအပေါင်း၏ အရှင်၏ အနက်ရလေသည်။ ထို့ကြောင့် ဇိုရိုအေစတာက ဘုရားရှင်ကို ဉာဏ်ပညာအမြော်အမြင်နှင့်ပြည့်စုံသော အရှင်ဟု ခေါ်ဆိုခဲ့ခြင်းဖြစ်သည်။ တမန်တော်ဇိုရိုအေစတာသည် မည်သည့်အချိန်တွင် ဤကမ္ဘာမြေပေါ်တွင် အသက်ရှင်နေထိုင်သွားကြောင်းကိုမူ မသိရှိကြသေးပေ။ ယခုကာလတွင်မူ ဇိုရိုအေစတာသည် ဘီစီ ၁၅၀၀ နှင့် ၁၀၀၀ အကြားကာလတွင် ပွင့်ခဲ့ကြောင်းမှန်းဆကြလေသည်။

ဒီဆာတီးရ်(Desatir) စာအုပ်သို့မဟုတ် နောက်ဆုံးတမန်တော် ဆစန်၏ အခန်းကဏ္ဍကိုဖော်ပြထားသည့် မူလ္လာ ဖေရွဇ်ဘင် ကော်ဆ် ပြုစုရေးသားသည်ဟု ယူဆရသော “ဒီဆာတီးရ်(Desatir) ခေါ် ဇိုရိုအေစတာဘာသာဝင်တို့၏ မူရင်းအသံထွက်ကျမ်းစာနှင့် အကျယ်ဖွင့်ဆိုချက်” ကျမ်းသည် မဟာဘတ် (Mahabad) အချိန်ကာလမှ ဆစန်အချိန်ကာလအထိ ပျံ့နှံ့ခဲ့သည့် ရှေးဟောင်းပါရှန်းတမန်တော်များ၏ ရေးသားချက်များကို စုစည်းထားသည့်ကျမ်းဖြစ်ကြောင်း ယေဘုယျယူဆရပေသည်။ ပထမ ရှက်ဆစန်၏ ကျမ်းစာ (The Book of the Shet Sasan) တွင် “ ယက်ဇ်ဒန် (Yezdan) ခေါ် ဝိညာဉ်ရေးဆိုင်ရာ ကိုးကွယ်မှုအားဖြင့် အိုင်ဇက် (Ized) သည် တစ်ပါးအမျိုးသားတို့ထံမှ ဖယ်ခွာ၍ တသီးပုဂ္ဂလနေခြင်း ၊ လုံလဥဿဟပြု၍နေခြင်း တို့အပြင် ဝိညာဉ်ရေးရာ အခြေအနေပေါ်တွင်တည်မှီသည့် ဥပုသ်သီလတည်ဆောက်ခြင်း၊ တရားထိုင်ခြင်းတို့ကို ပြုလေသည်။ ယင်းသို့ဖြင့် သူ(Ized) သည် ယက်ဇ်ဒန်ခေါ် ဝိညာဉ်ရေးရာအခြေအနေကို မြင်လေသည်။ ထို့ပြင် ထိုသို့မြင်ရသူတို့သည် တရားမျှတဆုံးသော ဒါဒါရ် (Dadar = God) နှင့် နီးစပ်ခြင်းကို ရလေသည် ” ဟု ဖော်ပြပါရှိသည်။


ကွန်ဖြူးရှပ်စ်သာသနာ

Revelation, Rationality, Knowledge and Truth စာအုပ်ပါဖော်ပြချက်အရ တရုတ်လူမျိုးအများစုသည် ကွန်ဖြူးရှပ်စ်ဘာသာကို ကမ္ဘာပေါ်တွင် ဝိညာဉ်ရေးရာနည်းလမ်းအားဖြင့် ဗျာဒိတ်ပေးခြင်းခံရသည့် သာသနာတစ်ခုဟု ယုံကြည်ယူဆကြသော်လည်း အချို့ကမူ ဒဿနတစ်ခုအဖြစ်သာယူဆကြကြောင်း ၊ သို့သော် ကွန်ဖြူးရှပ်စ်၏ ရှေးအတိတ်ကာလ ရေးသားချက်များကို အသေးစိတ်လေ့လာပါသော် ဤသည် လူသားတစ်ဦးပြုလုပ်နိုင်စွမ်းသော ဒဿနမဟုတ်သည်ကို လွယ်ကူစွာသက်သေပြနိုင်မည်ဖြစ်ကြောင်း ၊ ယင်းဒဿနသည် အနိစ္စသဘောတရားမရှိသည့် ဘုရားရှင်အားသာ သိုင်းခြုံရစ်ထွေးနေသည့်အလားတူပင် ထိုဘုရားရှင်ထံတော်မှ သက်ဆင်းလာခြင်းဖြစ်ကြောင်းနှင့် ထိုဘုရားရှင်သည် ဤစကြဝဠာကမ္ဘာလောကကြီးအား စိုးပိုင်တော်မူကြောင်း ၊ ကောင်းကင်သည် ထိုဘုရားရှင်၏ ထင်လင်းရာဖြစ်သည့်အလျောက် ဘုရားရှင်ကိုယ်တိုင်သည်ပင် တခါတရံ၌ ကောင်းကင်ယံနှင့်တင်စားခြင်းမျိုးရှိကြောင်း သိရှိရပေသည်။

စတင်းဖို့ဒ် ဒဿနစွယ်စုံကျမ်း ( Stanford Encyclopedia of Philosophy - http://plato.stanford.edu ) အရ ကွန်ဖြူးရှပ်စ်၏ ပုဂ္ဂလိကရေးရာများကို Book X of the Analects (ကွန်ဖြူးရှပ် ဒဿနကောက်နုတ်ချက်များ စာအုပ် နံပါတ် ၁၀) တွင် ရေးသားထားရာ၌ သူ့ကို အတွေးအခေါ်သမားအနေဖြင့်လည်းကောင်း ၊ ဆရာအဖြစ်လည်းကောင်း ၊ အစိုးရဝန်ထမ်းအဖြစ်လည်းကောင်း ထောင့်မျိုးစုံမှ လေ့လာစိစစ်ခဲ့ကြောင်း ၊ တချို့ကမူ ထိုဖော်ပြချက်များ (ကွန်ဖြူးရှပ်စ်၏ ဒဿန ဖော်ပြချက်များ) ကို အဆင့်အတန်းမြင့်ပုဂ္ဂိုလ်တစ်ဦး၏ ပြုမူနေထိုင် ပြောဆိုဆောင်ရွက်သည့် ဓလေ့မျှဖြစ်ပြီး ယင်းကို နောက်ပိုင်းတွင် ကွန်ဖြူးရှပ်စ်ဒဿနအဖြစ် ကင်ပွန်းတပ်ခြင်းဖြစ်သည်ဟု ပြောဆိုဖော်ပြကြကြောင်း ၊ အစဉ်အဆက်အားဖြင့်မူ Book X of the Analects (ကွန်ဖြူးရှပ်စ် ဒဿနကောက်နုတ်ချက်များ စာအုပ် နံပါတ် ၁၀) သည် ကွန်ဖြူးရှပ်စ်၏ အသွင်အပြင်ကို ပိုမိုအကဲဖြတ်နိုင်ရန် သင့်တော်နေကြောင်း ၊ ယင်းစာအုပ်အား ကွန်ဖြူးရှပ်စ်ထေရုပ္ပတ္တိ ကြောရိုးအနေဖြင့် မှတ်သားလေ့လာကြကြောင်း ၊ အောက်ပါဖော်ပြချက်အချို့ကို ဥပမာအနေဖြင့်တင်ပြလိုကြောင်း -

----------- ဥပုသ်ဆောက်တည်ရန်အချိန်ကာလဆိုက်ရောက်လျှင် သူ (ကွန်ဖြူးရှပ်စ်)သည် ချည်သားပါးပါး (လီနင်သား)ဖြင့်ပြုလုပ်ထားသည့် အဖြူရောင်ဝတ်ရုံကို ၀တ်ဆင်သည်။ သူ၏ စားနေကျအစားအစာကို စွန့်လွှတ်ရန်လိုပြီး သူနေ့စဉ် ထိုင်လေ့ရှိသည့်နေရာကိုလည်း ပြောင်းလဲပြစ်ရန်လိုသည်။ သူသည် စားသုံးသည့်အခါ ထမင်းဆန်မသန့်သည်ကိုလည်းကောင်း အသားများသေသပ်ကျနစွာ စဉ်းမထားလျှင်သော်လည်းကောင်း ငြင်းဆန်ကန့်ကွက်ခြင်းမရှိပေ။ -----(Lunyu 10.7, 10.8) ( http://plato.stanford.edu/entries/confucius/ )

ကွန်ဖြူးရှပ်စ်ရေးသားချက်များစာအုပ်အရ သိရှိရသည်မှာ ဘီစီ ၅၅၁ - ၄၇၉ အတွင်း အသက်ရှင်နေထိုင်ခဲ့သည့် ကွန်ဖြူးရှပ်စ်သည် စကားမပြောနိုင်သော လူတစ်ယောက်အလားဆိတ်ငြိမ်လျက်နေတတ်ပြီး ရိုးရှင်းပြီး သစ္စာဝါဒီတစ်ဦး၏ သွင်ပြင်ရှိကြောင်းပင်။

လ၏ ပထမဆုံးရက်တွင် သူသည် အပေါ်ရုံကို ၀တ်ဆင်လျက် တရားရုံးတွင် ထိုင်လေ့ရှိကြောင်း ၊ ဥပုသ်ဆောက်တည်သည့်အခါ သူသည် သူ၏အဝတ်များကို ဖြူစင်တောက်ပနေစေသည့်အပြင် ချည်ပါးပါးဖြင့်ပြုလုပ်ထားသည်ကိုသာ ၀တ်ဆင်ကြောင်း၊ ထို့ပြင်ဥပုသ်စောင့်သည့်အခါ အိမ်တွင် မိမိထိုင်နေကျနေရာမှ အခြားနေရာသို့ပြောင်း၍ ထိုင်လေ့ရှိကြောင်း ဖော်ပြသည်။ (http://www.international.ucla.edu/eas/documents/lunyuCh10.htm)






ဒေါက်တာ ဇီယာ၊ အိပ်ခ်ျ ရှား၏ Religious History of fasting ကို မြန်မာပြန်ပါသည်။ 

အထွေထွေအုပ်ချုပ်ရေးရုံး၊ ပါကစ္စတန်နိုင်ငံ၊ ရဗ္ဗဝါမှထုတ်ပြန်သည့် ကရာချမြို့၊ အိုရန်ဂီမှ အဟ်မဒီယာမွတ်စလင်မ်အဖွဲ့ဥက္ကဌ အသတ်ခံရမှုသတင်း

အထွေထွေအုပ်ချုပ်ရေးရုံး
ဆဒရ်အန်ဂျူမန် အဟ်မဒီယာ ရုံးတော်၊ ရဘ်ဝါ၊ ပါကစ္စတန်။
သတင်းထုတ်ပြန်ချက်
၁၉-၇-၂၀၁၂ 


ပါကစ္စတန်နိုင်ငံ၊ မြို့တော် ကရာချိ၊ အိုရန်ဂီမြို့နယ် အဟ်မဒီယာမွတ်စလင်မ်အဖွဲ့ ဥက္ကဌ နအင်းမ်အဟ်မဒ် ဂေါ်ဒဲလ် အသတ်ခံရခြင်း။ ၂၀၁၂ အတွင်း ၇ ယောက်မြောက် အသတ်ခံရမှုဖြစ်။

ချနာဘ်နဂရ်(ရဗ္ဗဝါ) - ယနေ့ ဇူလိုင်လ ၁၉ ရက်၊ ၂၀၁၂ ခုနှစ် နံနက် အိုရန်ဂီမြို့နယ် အဟ်မဒီယာအဖွဲ့ ဥက္ကဌ နအင်းမ်အဟ်မဒ်အား သေနစ်ဖြင့် ပစ်ခတ်သတ်ဖြတ်ခံခဲ့ရသည်။

ဖြစ်စဉ်မှာ မစ္စတာနအင်းမ်အဟ်မဒ်သည် နံနက် အိမ်မှရုံးသို့သွားရန်အထွက်မှာပင် အမည်မသိ ဆိုက်ကယ်သမားနှစ်ဦးက သူ့အား ဟန့်တားလျက် ဦးခေါင်းကို သေနတ်ဖြင့် ပစ်ခတ်ခဲ့ရာ နေရာမှာပင် သေဆုံးသွားခဲ့သည်။ သူသည် အသက် ၅၂ နှစ်အရွယ်ရှိပြီး လွန်ခဲ့သော ၁၁ နှစ်ကပင် အိုရန်ဂီမြို့နယ်၏ ဥက္ကဌအဖြစ် တာဝန်ထမ်းဆောင်လာသူ ဖြစ်သည်။ မစ္စတာနအင်းမ်အဟ်မဒ်သည် ပါကစ္စတန်နိုင်ငံတော် အစိုးရဘဏ်၏ လက်ထောက်ဒါရိုက်တာလည်းဖြစ်ပြီး ဒေသ၌ နာမည်ကောင်းဖြင့် ကျော်ကြားသူ၊ မည်သူနှင့်မှ ရန်ငြိုးမရှိသူ ဖြစ်၏။ ဖော်ပြရန်လိုအပ်သောအချက်မှာ အိုရန်ဂီမြို့နယ်တွင် ဤဖြစ်စဉ်မတိုင်မီ ကာလအနည်းငယ်ခန့်က အဟ်မဒီယာမွတ်စလင်မ်များနှင့်စပ်လျဉ်း၍ အမုန်းတရားကြီးထွားစေသည့် နံရံကပ်စာများ အနှံ့အပြားကပ်၍ လှုံ့ဆော်ခဲ့ကြသည်။ 

ဇနီးသည် ကျန်ရစ်ပြီး ကွယ်လွန်သူ၏ ရုပ်ကလာပ်ကို ရဘ်ဝါသို့ သယ်ယူမြှုပ်နှံသွားမည် ဖြစ်သည်။ အဟ်မဒီယာ မွတ်စလင်မ်အဖွဲ့၊ ပါကစ္စတန်နိုင်ငံဆိုင်ရာ ပြောရေးဆိုခွင့်ရှိသူ မစ္စတာစလီးမ်မွတ်ဒီးန်က ဤဖြစ်ရပ်နှင့်စပ်လျဉ်း၍ အလွန်ဝမ်းနည်း ကြေကွဲခြင်း ဖြစ်ရကြောင်းနှင့် ဤလုပ်ရပ်အား အပြင်းအထန် ရှုံ့ချကြောင်း ပြောကြားသည်။ ဆက်လက်၍ သူက 'ဒါဟာ ၂၀၁၂ ခုနှစ်အတွင်း ရ ဦးမြောက်ဖြစ်ပါတယ်။ အဟ်မဒီဖြစ်ခြင်းကြောင့် အသတ်ခံရခြင်းဖြစ်ပါတယ်။ အဟ်မဒီများကို ယုံကြည်ချက်ကြောင့် သတ်ဖြတ်ခြင်းဟာ ကရာချိမြို့တစ်ခုတည်း အတိုင်းအတာအရ ဒါဟာ ၁၁ ဦးမြောက်ဖြစ်ပါတယ်။ ၂၀၁၂ အစမှာတင် အဲဟ်စာန်ကမာလ် ဆိုသူကို မန်ဇူးရ်ကိုလိုနီအရပ်မှာ သတ်ဖြတ်ပစ်ခဲ့ကြပါတယ်။ ဒါ့အပြင် ဒီအရင်မတိုင်မီ ကာလအနည်းငယ်ကလည်း ကရာချီမြို့နေ မစ္စတာ မိုဟမ္မဒ်အတ်စ်လမ် ဘတ်တီဆိုသူကို လုပ်ကြံသတ်ဖြတ်ဖို့ ကြိုးစားခဲ့ကြတာကြောင့် ဒဏ်ရာအပြင်းအထန် ရသွားပါတယ်။' ဆက်လက်ပြီး ၎င်းက ပြောကြားရာမှာ 'ဒီစိုးရိမ်ဖွယ် အခြေအနေကြောင့် အဟ်မဒီတွေအဖို့ လွတ်လပ်စွာ အသက်ရှင်နေထိုင်ဖို့ပင် မဖြစ်နိုင်တော့တဲ့ အထိပါပဲ။'

'ဒီလို ကြေကွဲဝမ်းနည်းဖွယ် အခြေအနေတွေကို ထိန်းချုပ်နိုင်ဖို့အတွက် အဟ်မဒီယာအဖွဲ့နှင့်ဆန့်ကျင်ပြီး လှုပ်ရှားနေတဲ့ အမုန်းတရားနှင့် အကြမ်းဖက်ဝါဒ လှုံ့ဆော်မှုများကို တားမြစ်ရပါမယ်။ ပြီးတော့ ဒီလှုပ်ရှားမှုတွေမှာပါတဲ့ အဓိကခေါင်းဆောင်တွေကို ဥပဒေအရ အရေးယူသွားဖို့ လိုအပ်ပါတယ်။'


Thursday, July 19, 2012

ပါကစ္စတန်၊ ကရာချိ : အိုရန်ဂီမြို့ အဟ်မဒီမွတ်စလင်မ်အဖွဲ့ ခေါင်းဆောင်သေနတ်ဖြင့် ပစ်သတ်ခံရ

ဇူလိုင်လ ၁၉ ရက်၊ ကြာသပတေးနေ့၊ ၂၀၁၂
သတင်း - အိမ်ရားန်ဂျတာလာ၊ Ahmadiyyatimes
source: @BalalHaider @SaiNiz @AtifAhmadS @Al_Ufaq



ပါကစ္စတန်နိုင်ငံမှ မွတ်စလင်မ်ဆိုသူများ၏ အကြမ်းဖက်ဝါဒလှုံဆော်မှုများပါ စာတမ်းများ၊ လက်ကမ်းစာ စောင်များသာမက နံရံများ၊ လမ်းကြိုလမ်းကြားများတွင် လက်လွတ်စပယ်ရေးသားထား သော အမုန်းတ ရားကြီးထွားစေသည့် စာသားများကြောင့် အဟ်မဒီမွတ်စလင်မ်များမှာ အကြမ်းဖက်လူသတ်ကောင်၊ မွတ်စလင်မ်ဆိုသူများ၏ ပစ်မှတ်များဖြစ်နေကြရပေသည်။

ပါကစ္စတန်နိုင်ငံ၊ ကရာချိရှိ အိုရန်ဂီမြို့၊ အဟ်မဒီမွတ်စလင်မ်အဖွဲ့၏ ခေါင်းဆောင်ဖြစ်သူမှာ ယမန်နေ့ နံနက်ပိုင်းက ၎င်း၏နေအိမ်ရှေ့၌ပင် သေနတ်ဖြင့်အကြမ်းဖက်ပစ်သတ်ခံခဲ့ရကြောင်း သတင်းရရှိသည်။

သတင်းအရ အဟ်မဒီမွတ်စလင်မ်အဖွဲ့၏ နယ်မြေခေါင်းဆောင်ဖြစ်သူမှာ အနီးကပ်ပစ်ခတ်ခံခဲ့ရခြင်း ဖြစ်ကြောင်း ဦးခေါင်းဒဏ်ရာအရ သိရှိရသည်။

ထိုသတင်းအား အဟ်မဒီယာမွတ်စလင်မ်အဖွဲ့၏ ပါကစ္စတန်နိုင်ငံဆိုင်ရာ ပြောရေးဆိုခွင့်ရှိသူ မစ္စတာ ဆလီးမ်မုဒီးန်က အတည်ပြုပေးခဲ့သည်။ ပစ်သတ်ခံခဲ့ရသူမှာ အိုရန်ဂီမြို့မှ အဟ်မဒီမွတ်စလင်မ်အဖွဲ့၏ ဥက္ကဌ၊ မစ္စတာနအီးမ်အဟ်မဒ် ဂေါ်ဒဲလ်ဖြစ်ပြီး အသက် ၅၂ နှစ်ရှိကာ ဇနီးသည်ကျန်ရစ်သည်။

ထို့ပြင် မစ္စတာဂေါ်ဒဲလ်မှာ အစိုးရအရာရှိတစ်ဦးဖြစ်ကာ ပါကစ္စတန်နိုင်ငံတော်အစိုးရဘဏ်တွင် လက် ထောက်ဒါရိုက်တာရာထူး ရရှိထားသူဖြစ်သည်။

ပါကစ္စတန်တွင် အဟ်မဒီမွတ်စလင်မ်များမှာ အကြမ်းဖက်မွတ်စလင်မ်ဆိုသူများ၏ လွယ်ကူသည့် ပစ်မှတ်များဖြစ်နေသည်သာမက သာသနာရေးဆိုင်ရာ အမုန်းတီးခံများအနေဖြင့် သူတို့၏ လွတ်လပ် ခွင့်နှင့် လူသားရေးဆိုင်ရာ အခွင့်အရေးများကိုပါ နိုင်ငံတော်အစိုးရကိုယ်တိုင်၏ ကန့်သတ်ထိန်းချုပ် ခြင်းကို ခံနေကြရသည်။

ထို့ပြင် မစ္စတာဆလီးမ်မုဒ္ဒီးန်က ဤသည့်အကြမ်းဖက်တိုက်ခိုက်မှုမှာ အမုန်းတရားကြီးထွားစေမည့် အကြမ်းဖက်မွတ်စလင်မ်များ၏ ဝါဒဖြန့်ချိမှုများကြောင့်ဟု ထင်ရကြောင်း၊ အန္တီအဟ်မဒီ မွတ်စလင်မ် ခေါင်းဆောင်များ လက်မှတ်ရေးထိုးထားသော လမ်းကြိုလမ်းကြားအုတ်နံရံများ ၌ရေးသားထားသည့် အန္တီအဟ်မဒီမှတ်ချက်များကြောင့်လည်း ဖြစ်နိုင်ကြောင်း တင်ပြ ပြောဆိုသည်။

"ဒါအဖြစ်အပျက်က ကရာချိမှာ ၆ လအတွင်း ဒုတိယအကြိမ် အဟ်မဒီမွတ်စလင်မ်အဖွဲ့ဝင်တွေထဲက အသက်ဆုံးရှုံးရခြင်းဖြစ်ပါတယ်။ လွန်ခဲ့တဲ့ရက်အနည်းငယ်ကပဲ အခြားအဟ်မဒီတစ်ဦးကို ဒီလိုပဲလုပ်ကြံ ခဲ့ကြပါသေးတယ်။" ဟု မစ္စတာဆလီးမ်က ပြောဆိုသည်။

၆၅နှစ်မြောက် အာဇာနည်နေ့နှင့် မြန်မာပြည်ရှိ အဟ်မဒီမွတ်စလင်မ်တို့၏ အခန်းကဏ္ဍ




၁၉ ဇူလိုင် ကျရောက်ပြန်ခဲ့ပါပြီ။ ဒီအချိန်အခါကတော့ ဇူလိုင် ၁၉ ရဲ့ စစ်မှန်တဲ့ အရေးပါမှုကို ထုတ် ဖော် ပြသကြရမယ့်အချိန်ပါပဲ။

ဒီနေ့အခါသမယကတော့ မြန်မာ့မြေပေါ်က အစ္စလာမ်သာသနာဝင်များအတွက်ပိုပြီး အရေးပါနေ သလို အခြားနိုင်ငံသူ၊ နိုင်ငံသား ညီရင်းအစ်ကို မောင်ရင်းနှမများကလည်း မြန်မာ ပြည်ဖွား မွတ်စလင်မ်များကို သူတို့ရဲ့သာသနာအပေါ်မှာ လုံး၀ဥဿုံပျပ်ဝပ်ထားရင်းနဲ့မှ တိုင်းပြည်ချစ်စိတ်၊ မျိုးချစ်စိတ်ကို ဘယ်လိုထုတ်ဖော်ပြသမလဲ၊ ဘယ်လိုရပ်တည်ပြမလဲဆိုတာ တွေနဲ့ ပတ်သတ်ပြီး စောင့်ကြည့်ကောင်း စောင့်ကြည့်နေပါလိမ့်မယ်။

အစ္စလာမ့်သွန်သင်ချက်ကတော့ ဒီလိုပါ။ မွတ်စလင်မ်တစ်ဦးတစ်ယောက်က မိမိရဲ့ တပြည်တည်း သားချင်းကို ရန်ဘက်ပြုမယ်ဆိုရင်တော့ အဲဒီမွတ်စလင်မ်က အစ္စလာမ့်အရင်းခံ သွန်သင်ချက်ကို ဖောက်ဖျက်ကျူးလွန်သူပါ။ အစ္စလာမ့်တမန်တော်ကြီး မုဟမ္မဒ် (သခင့်အပေါ်သို့ ငြိမ်းချမ်းခြင်း သန္တိ သုခအဖြာဖြာ ကျရောက်ပါစေ)က အသင်တို့ရဲ့ တိုင်းပြည်ပေါ်မှာ ချစ်တဲ့စိတ် (မျိုးချစ်စိတ်) ဟာ (သာသနာအပေါ်) သက်ဝင်ယုံကြည်ခြင်းရဲ့ အစိတ်အပိုင်းတစ်ခုဖြစ်တယ်ဆိုပြီး အလွန်တရာ လှပသိမ် မွေ့စွာ သွန်သင်မိန့်ကြားတော်မူခဲ့ပါတယ်။

ကုရ်အာန်ကျမ်းတော်မြတ်က မွတ်စလင်မ်များကို မိမိတို့အထက်က အုပ်ချုပ်သူများအား နာခံဖို့ အခု လို သွန်သင်ထားပါတယ်။

"အို-သက်ဝင်ယုံကြည်သူအပေါင်းတို့၊ အသင်တို့သည် အလ္လာဟ်အရှင်မြတ်၏ အမိန့်တော်များကို လိုက်နာကြလေကုန်၊ ထိုနည်းတူစွာ အသင်တို့သည် ရစူလ်တမန်တော်၏ အမိန့်တော်များကို လည်းကောင်း၊ မိမိတို့အနက်မှအာဏာပိုင်များ၏အမိန့်ကိုလည်းကောင်း၊ လိုက်နာကြလေကုန်။"
(အလ်ကုရ်အာန် ၄.၅၉၊ အဟ်မဒီမွတ်စလင်မ်များသည် ဗိစ္စမိလ်လာဟ်ကိုပါ ထည့်သွင်းရေတွက် သဖြင့် အဟ်မဒီများ၏မူအရ ၄.၆၀)

တဖန် တမန်တော်မုဟမ္မဒ်က အခုလို သွန်သင်ထားပြန်ပါတယ်။

"ငါ့အားနာခံသူဟာ ဘုရားရှင်ကို နာခံသူဖြစ်တယ်။ ငါ့ကို မနာခံသူကတော့ ဘုရားရှင်ကို မနာခံသူဖြစ်တယ်။ ဘယ်သူမဆို မိမိအထက်က အုပ်ချုပ်သူကို နာခံမယ်ဆိုရင် ငါ့ကို နာခံတာနဲ့ သဏ္ဌာန်တူဖြစ်တယ်။ မိမိအထက်က အုပ်ချုပ်သူကို မနာခံသူကတော့ ငါ့ကို မနာခံတာနဲ့ သဏ္ဌာန်တူပဲ ဖြစ်တယ်။" (မွတ်စလင်မ်ကျမ်း၊ ကိတာဗ်အလ် အိမာရာဟ်)

ဒါကြောင့် တိုင်းပြည်အုပ်ချုပ်သူများကို နာခံဖို့နဲ့ မျိုးချစ်စိတ်ဓာတ် ထားရှိကြဖို့ကို ကုရ်အာန်ကျမ်း တော်နဲ့ တမန်တော်ကြီး မုဟမ္မဒ်တို့က ရှင်းလင်းစွာ သွန်သင်ထားပြီးဖြစ်ပါတယ်။ ဒီလို မိမိတို့ရဲ့ မွေးရပ်မြေနိုင်ငံတော်အပေါ်သာမက အမျိုးသားချင်းများအပေါ်မှာပါ သစ္စာမဖောက်ဖျက်စတမ်း ထားရှိရမယ့် မျိုးချစ်စိတ်ဓာတ်နဲ့ပတ်သတ်ပြီး အစ္စလာမ့်သွန်သင်ချက် ကတော့ လက်တွေ့ကျသလို မင်းမဲ့စရိုက်တွေနဲ့ သူပုန်ထမှုတွေကိုပါ အမြစ်ကနေ တွန်းလှန်ဖို့ ရည်ရွယ်ပါတယ်။

အစ္စလာမ့်သွန်သင်ချက်က ယူနီဗာဆယ်ဖြစ်သလို မွတ်စလင်မ်တွေအားလုံးကိုလည်း ငြိမ်းချမ်းစွာ ဘ၀ကျောင်းလမ်းစေဖို့ ဆင့်ဆိုပါတယ်။ ဒီသွန်သင်ချက်က မွတ်စလင်မ်တွေကို ဘယ်သောအခါမှ သစ္စာစောင့်သိရိုသေမှုနဲ့ပတ်သတ်ပြီး ဇဝေဇဝါဖြစ်စေဖို့ရာ လမ်းညွှန်ထားတာမျိုးမရှိပါ။ ဒါကြောင့် လည်း မြန်မာ့လွတ်လပ်ရေးကျိုးပမ်းမှုသမိုင်းမှာ အစ္စလာမ်သာသနာကို မမှိတ်မသုန် ယုံကြည်သက် ဝင်ထားကြတဲ့ မြန်မာနိုင်ငံသား အမြောက်အမြားကို တွေ့ရမှာဖြစ်သလို အာဇာနည်ကြီးများစာရင်းမှာ လည်း မြန်မာမွတ်စလင်မ်များကိုယ်စားပြု ဆရာကြီး ဦးရာဇတ်နဲ့ ရဲဘော်ကိုထွေးတို့ကို တွေ့ကြရ မှာပါ။

ဒါပေမယ့် ယနေ့မွတ်စလင်မ်များအပေါ်မှာ ဘာသာခြားများကထင်မြင်နေတဲ့ မှားယွင်းတဲ့အယူအဆ အချို့အား အချို့မွတ်စလင်မ်ဆိုသူတွေကိုယ်တိုင်က လက်ခံကျင့်သုံးနေကြတာကို ဝမ်းနည်းဖွယ်တွေ့ မြင်နေကြရပါတယ်။ ဥပမာ - ဗလီဝတ်ကျောင်းတော်အတွင်းကို မွတ်စလင်မ်မဟုတ်သူများ ဝင်ခွင့် ရှိပါသလား။ မက္ကာဟ်နှင့် မဒီနာကို မွတ်စလင်မ် မဟုတ်သူများ ဝင်ခွင့်ရှိပါသလား ဆိုတဲ့ မေးခွန်းတွေ ပါ။

အဟ်မဒီမွတ်စလင်မ်များရဲ့ စစ်မှန်တဲ့ အစ္စလာမ့်သွန်ချက်ကို အခြေပြုပြီး ဖြေကြားပေးနိုင်တဲ့ အထက် ပါမေးခွန်းတွေအတွက်အဖြေကတော့ ဟုတ်ကဲ့၊ ဝင်ခွင့်ရှိပါတယ်။ ထိုသို့ ဝင်ခွင့်ရှိခြင်းကလည်း အစ္စလာမ့်သွန်သင်ချက်အရသာဖြစ်ပါတယ်။

ကျမ်းမြတ်ကုရ်အာန်အရ ဘယ်သူတစ်ဦးတစ်ယောက်ကမှ အခြားသူတစ်ဦးကို ဗလီအတွင်းဝင်ရောက် ခြင်းမှ မတားဆီးထားနိုင်သလို ကျမ်းစာဥပဒေအရတားဆီးထားခြင်း လည်းမရှိပါ။ သို့သော် ၀င်ရောက်မယ့် လူက အန္တရာယ်ပြုနိုင်သူ၊ မပြုနိုင်သူဆိုတဲ့ ချွင်းချက်တော့ရှိပါတယ်။

ဗလီဟာ ဘုရားသခင်ရဲ့ အိမ်တော်ဖြစ်တာကြောင့် လူအားလုံး ၀တ်ပြုဆုတောင်းသင့်တဲ့၊ ၀တ်ပြုဆု တောင်းနိုင်တဲ့နေရာဖြစ်လို့ ဘယ်သူမဆို ၀င်ရောက်ခွင့်ရှိပါတယ်။

ဒါပေမယ့် ဗလီအတွင်းမှာ ရုပ်တုဆင်းတုကိုတော့တားမြစ်ထားပါတယ်။ ဗလီအတွင်းမှာ ဆင်းတုရုပ် တုကို တားမြစ်ရခြင်းက ကာဘာကျောင်းတော်(မက္ကာမြို့ရှိ)ကို အကာအကွယ်ပြုဖို့ ရည်ရွယ်ခဲ့ပြီး ယခုအခါမှာတော့ ဗလီကျောင်းအားလုံးအတွက်ရည်ရွယ်ပါတယ်။ ဒီလိုအားဖြင့် ဘုရားရှင်တစ်ပါး တည်းကို ယုံကြည်ကြသူများအတွက် မြင့်မြတ်တဲ့နေရာဌာနအဖြစ် တည်တံ့နေစေဖို့ဖြစ်ပါတယ်။

အစ္စလာမ့်သွန်သင်ချက်အရ မွတ်စလင်မ်မဟုတ်သူများလည်း မက္ကာနဲ့ မဒီနာရှိ မြင့်မြတ်သော ဗလီဝတ်ကျောင်းတော်များအတွင်း ၀င်ရောက်ခွင့်ရှိပါတယ်။

တမန်တော်မြတ် မုဟမ္မဒ်လက်ထက်တော်က နာဂျ်ရန်မြို့မှ ခရစ်ယာန်ခေါင်းဆောင်များ ကိုယ်တော် မြတ်ကို လာရောက်တွေ့ဆုံကြတော့ ကိုယ်တော်မြတ်က ထိုခေါင်းဆောင်များကို မဒီနာမြို့ရှိ မိမိရဲ့ ဗလီဝတ်ကျောင်းအတွင်း တွေ့ဆုံဖို့ စီစဉ်ခဲ့ပါတယ်။ ထိုသို့ဖြင့်တွေ့ဆုံနေကြစဉ်မှာ ခရစ်ယာန် ခေါင်းဆောင်များက ဗလီထဲကထွက်ပြီး ဘုရားဝတ်တက်ဖို့တောင်းဆိုကြတဲ့အခါ ကိုယ်တော်မြတ်က ဗလီဝတ်ကျောင်းဆိုတာ ဘုရားရှင်ရဲ့ အိမ်တော်ဖြစ်တာကြောင့် ဘယ်သူမဆို မိမိတို့ရဲ့ ဘုရားဝတ် တက်မှုများကို ဖြည့်ဆီးဖို့ ဗလီအတွင်းမှာပဲ ဆောင်ရွက်နိုင်ကြောင်း မိန့်ကြားခဲ့တာကြောင့် ထိုသူများကလည်း ဗလီအတွင်းမှာပဲ ဘုရားဝတ်တက်ခဲ့ကြပါတယ်။ (အိဗ်နေဟီရှမ်၊ အတွဲ ၁၊ စာ – ၅၇၅-၅၇၇)

အိဗ်နေဟီရှမ်ဆိုတာ တမန်တော်မြတ်(ဆွ)ရဲ့ အထုပ္ပတ္တိကို ရေးထားတဲ့ အီဂျစ်ပြည်ထုတ် မှတ်တမ်း ဖြစ်ပါတယ်။

ဒါနဲ့ပတ်သတ်ပြီး ဝီကီပီဒီယမှတ်တမ်းကတော့ ဒီလိုဖော်ပြပါတယ်။

In the tenth year of the Hijrah, a delegation of fourteen Christian Chiefs from Najran; among them Abdul Masih of Bani Kinda, their chief, and Abdul Harith, bishop of Bani Harith, came to Medina to make a treaty with the Islamic prophet Muhammad, and were permitted by him to pray in his mosque, which they did turning towards the east.[4]

" ဟစ်ဂျရီ ၁၀ ခုနှစ်တွင်၊ နာဂ်ျရန်မြို့မှ ခရစ်ယာန်ခေါင်းဆောင် ၁၄ ဦးပါဝင်သော အဖွဲ့ကို ဘနီကင် ဒါမျိုးနွယ်ဝင် အဗုလ် မဆီဟ်ဆိုသူနှင့် ဘနီဟရိသ်မျိုးနွယ်မှ ခရစ်ယာန်ဘုန်းတော်ကြီး အဗုလ် ဟရိသ် ဆိုသူတို့ခေါင်းဆောင်လျက် မဒီနာမြို့သို့ တမန်တော်မုဟမ္မဒ်နှင့် ငြိမ်းချမ်းရေးစာချုပ် ချုပ်ဆိုဖို့ ရောက်ရှိလာခဲ့သည်တွင် ထိုသူတို့အား (မဒီနာမြို့တွင်းသို့ ပေးဝင်ခဲ့သည်သာမက) တမန်တော် မုဟမ္မဒ်ကိုယ်တိုင် သူတို့ကို ဗလီဝတ်ကျောင်းအတွင်း ဘုရားဝတ်ပြုခွင့် ပေးခဲ့လေသည်။ ထိုဗလီဝတ် ကျောင်းတော်အတွင်းတွင် သူတို့က အရှေ့ဘက်သို့ မျက်နှာမူကာ (ဘုရားဝတ်တက်ခဲ့ကြလေသည်။) "

ဒါကြောင့် စစ်မှန်တဲ့သွန်သင်ချက်နဲ့ ဓလေ့ထုံးတမ်းစဉ်လာများကို ကြည့်ပြီး မွတ်စလင်မ်များအား မှတ်ချက်တစုံတရာပေးနိုင်ကြဖို့နဲ့ မွတ်စလင်မ်များအနေနဲ့လည်း စစ်မှန်တဲ့သွန်သင်ချက် ဓလေ့များ ကို ကျင့်သုံးနိုင်ကြဖို့ရာ တိုက်တွန်းနှိုးဆော်လိုက်ရပါတယ်။ သို့မှသာ အစ္စလာမ်ဘာသာဝင် မြန်မာ မွတ်စလင်မ်ကြီး ဦးရာဇတ်လျောက်လှမ်းခဲ့သောလမ်းမျိုးကို သမိုင်းစာမျက်နှာထက်တွင် ကြိမ်ဖန်များ စွာ မြင်တွေ့ခဲ့ရသလို ထပ်မံမြင်တွေ့နေကြရဦးမှာလည်း ဖြစ်ပါတယ်။

ရည်ညွှန်း -

၁) PATRIOTISM AND LOYALTY TO THE NATION - THE ISLAMIC PERSPECTIVE

၂) Q10: Are non-Muslims allowed inside mosques?

၃) http://en.wikipedia.org/wiki/Christian_community_of_Najran#cite_ref-3

Monday, July 16, 2012

ဂျာမန်အဓိပတိ အိန်ဂျလာမာကဲလ်အစိုးရမှ အရေပြားလှီးဖြတ်ခြင်းအတွက် သာသနာရေးဆိုင်ရာအခွင့်အရေးရှိနေကြောင်း ပြောဆို


ဘီဘီစီ
ဇူလိုင်လ ၁၃ရက်၊ ၂၀၁၂
source: www.bbc.co.uk/news/world-europe-18833145



Scalpel


လွန်ခဲ့သော ရက်ပိုင်းအတွင်း ဂျာမနီနိုင်ငံ၊ ကိုလုံးမြို့တွင် သာသနာရေးဆိုင်ရာ အရေပြားလှီးဖြတ်ခြင်း မျိုး ကို ပိတ်ပင်တားမြစ်ခဲ့သည်။

သာသနာရေးဆိုင်ရာ တရားရုံးမှ အရေပြားလှီးဖြတ်ခြင်း ကြောင့် ရုပ်ခန္ဓာနာကျင်မှုဝေဒနာ ခံစားရ သဖြင့် ထိုသို့ပြုလုပ်ခြင်းကို ပိတ်ပင်ဖို့ဆုံးဖြတ်အပြီးနောက် ဂျာမန်အစိုးရက ဂျူးများနှင့် မွတ်စလင်မ် များ၏ သာသနာရေးဆိုင်ရာ အရေပြားလှီးမင်္ဂလာကို ဆက်လက်ဆောင်ရွက်နိုင်ခွင့် ရှိသင့်ကြောင်း ထုတ်ဖော်ပြောဆိုခဲ့သည်။

ဂျာမန်အဓိပတိ အိန်ဂျယ်လာမာကယ်၏ ပြောရေးဆိုခွင့်ရ ပုဂ္ဂိုလ်က ယင်းကိစ္စမှာ သာသနာရေးဆိုင်ရာ လွတ်လပ်ခွင့်ကို အကာအကွယ်ပေးရမည့်အနေအထားဖြစ်ကြောင်း ပြောဆိုခဲ့သည်။

စတီဗင် ဆိုင်ဘာဂ်က "အရေပြားလှီးဖြတ်ခြင်းကို တစုံတရာအရေးယူအပြစ်ပေးခြင်းမျိုး မလုပ်နိုင်ဖို့ တာဝန်သိသိ သတိရှိရှိဆောင်ရွက်ရပါမယ်။" ဟု ပြောကြားခဲ့သည်။

ဥရောပနေ ဂျူးနှင့်မွတ်စလင်မ်များက ကိုလုံးမြို့၊ တရားရုံး၏ဆုံးဖြတ်ချက်ကို ဝေဖန်ခဲ့ကြသည်။

အသက်လေးနှစ်အရွယ် ကလေးတစ်ဦးကို ဆရာဝန်တစ်ဦးက အရေပြားလှီးဖြတ်ပေးရာမှတဆင့် မလိုလားအပ်သည့် ဆေးပညာပိုင်းဆိုင်ရာ အရှုပ်အထွေးတစ်ခု ပေါ်ပေါက်လာခဲ့ဖူးသည်။

တရားရုံးကမူ ကလေးသူငယ်များ၏ ရုပ်ပိုင်းဆိုင်ရာအကာအကွယ်ရှိမှု အခွင့်အရေးက ဘာသာရေးနှင့် မိဘများ၏အခွင့်အရေးထက် ပိုမိုကြောင်းဆိုသည်။

သို့သော် မစ္စတာ ဆိုင်ဘာဂ်က "ဂျာမနီမှာ ကျွန်တော်တို့တွေက မွတ်စလင်မ်တွေ၊ ဂျူးတွေရဲ့ သာသနာ ရေးဆိုင်ရာ ဘ၀ကြောင်းလမ်းပုံမျိုး အလိုရှိတယ်ဆိုတာ အစိုးရအဖွဲ့ထဲက ပုဂ္ဂိုလ်တိုင်းအတွက် လုံး၀ ရှင်းလင်းတဲ့ အချက်ပါ။ ဒီကိစ္စအတွက် ဦးစားပေးရွေးချယ်စရာအခြားနည်းလမ်း မရှိပါဘူး။ သာသနာ ရေးဆိုင်ရာကိစ္စတွေကို လွတ်လွတ်လပ်လပ် ကျင့်သုံးနိုင်ခြင်းမျိုးက တရားဝင် နည်းဥပဒေအတွက် အကာအကွယ်ပေးထားပါတယ်။" ဟု ပြောခဲ့သည်။

ဂျာမန် ဆေးဘက်ဆိုင်ရာအဖွဲ့ကမူ တရားရုံး၏ဆုံးဖြတ်ချက်ကို လိုက်နာခြင်းဖြင့် ဆရာဝန်များ၊ အရေ ပြားလှီးဖြတ်ပေးခြင်းမျိုး မပြုလုပ်ကြဖို့ မှာကြားထားကြောင်း သိရသည်။

ထိုကိစ္စမျိုး၌ ပါဝင်ပတ်သတ်ခဲ့သည့်ဆရာဝန်ကို ဥပဒေမလေးစားမှုဖြင့် အလုပ်ထုတ်ပစ်ခဲ့သည်။ သို့သော် ဝေဖန်ရေးသမားများက ထိုသည့်ဥပဒေမျိုး ဂျာမနီနိုင်ငံ၏ အခြားတရားရုံးများတွင် ကျင့်သုံး လာမည့်အရေး စိုးရိမ်နေကြသည်။

ဥရောပရှိ ဂျူးနှင့်မွတ်စလင်မ်များက အရေပြားလှီးမင်္ဂလာဆောင်ရွက်ခြင်းကို အကာအကွယ်ပေးရန် လက်တွဲကြိုးပမ်းလျက်ရှိကြသည်။

ဥရောပ ဂျူးအသင်း၊ ဥရောပ ရဗ္ဗီများ စင်တာ၊ ဥရောပ ဂျူးပါလီမန်၊ သာသနာရေးဆိုင်ရာ ဂျာမန် အခြေစိုက် တူရကီအစ္စလာမ်မစ် သမဂ္ဂနှင့် ဘရပ်ဆဲလ်မြို့ရှိ အစ္စလာမ်မစ်စင်တာတို့မှ လက်မှတ်ရေး ထိုးထားသော ပုံမှန်ခြေအနေများတွင် တွေ့မြင်ရဖို့ခက်ခဲသည့် ကြေငြာစာတမ်းတစ်ခုကိုလည်းထုတ်ပြန် ခဲ့ကြသည်။

ထိုကြေငြာစာတမ်းက ယင်းအရေပြားလှီးဖြတ်ခြင်းဓလေ့အား သာသနာရေးဆိုင်ရာနှင့် လူသားရေး ဆိုင်ရာ အခြေခံအခွင့်အရေးဖြစ်ကြောင်း ဖော်ပြသည်။

ဘာလင်ရှိ ဘီဘီစီသတင်းထောက်ကမူ ဂျာမန်ပြည်သူများအနေဖြင့် သဘောထားအမြင်မှာ ရောထွေး လျက်ရှိကြောင်း၊ စစ်တမ်းတစ်ခုအရ အရေပြားလှီးဖြတ်ခြင်းပိတ်ပင်မှုဘက်မှ အသာစီးရနေကြောင်း သတင်းပေးပို့သည်။ ထို့ပြင် ဂျာမန်ပြည်သူများက နာဇီကာလအတွင်း ဂျူးများကို သတ်ဖြတ်ခဲ့ခြင်းကို အကြောင်းပြု၍ ယင်းသို့ဂျူးများကိုဆန့်ကျင်ဥပဒေထုတ်ပြန် ခြင်းမျိုးကို ကန့်သတ်နေကြောင်း ထင်မြင်ကြကာ အမျက်ထွက်နေကြကြောင်း ၎င်းသတင်းထောက်ကပင် တင်ပြခဲ့သည်။

ဂျာမနီ၌ နှစ်စဉ်ထောင်ပေါင်းများစွာသော မွတ်စလင်မ်နှင့်ဂျူးများ အရေပြားလှီးမင်္ဂလာခံယူကြသည်။

ဥပုသ်သီလတည်ဆောက်ခြင်းသမိုင်း (အပိုင်း ၁)




အို-မုအ်မင်န်ယုံကြည်ခြင်းသဒ္ဒါတရား ရှိကြကုန်သောသူအပေါင်းတို့၊ အလ္လာဟ်အသျှင်မြတ် သည် အသင်တို့ထက်အလျင်ရှိခဲ့ကြသော သူတို့အပေါ်ဝယ် ဥပုသ်သီတင်းဆောက်တည်ရန် ပညတ်တော်ကို ပြဋ္ဌာန်းတော်မူသကဲ့သို့ပင် အသင်တို့အပေါ်၌လည်း ဥပုသ်သီတင်း ဆောက်တည်ရန် အမိန့်တော်ကို ပြဋ္ဌာန်းအတည်ပြုတော်မူခဲ့လေပြီ။ သို့ (ဥပုသ်သီတင်း ဆောက်တည်) မှသာလျှင် အသင်တို့သည် ပြစ်မှုဒုစရိုက်တို့မှ ကြဉ်ရှောင်သူများ ဖြစ်တန်ကြရာ၏။ (အလ်ကုရ်အာန် ၂:၁၈၄)


အထက်ပါ မုက္ခပါတ်တော်နှင့်စပ်လျဉ်း၍ အဟ်မဒီယာမွတ်စလင်မ်အဖွဲ့၏ စတုတ္ထမြောက် ခလီဖတုလ် မဆီဟ် ဟာဇရသ်မီရ်ဇာသာဟီရ်အဟ်မဒ်(ရ.ဟ)သခင်က ၁၉၈၃ ခုနှစ်၊ ဇွန်လ ၁၀ ရက်နေ့ သောကြာခွဒ်ဘာတွင် အောက်ပါအတိုင်း ရှင်းလင်းပြောကြားခဲ့ပါသည်။

“ အသင်တို့အလျင် ” ဟူသောစကားလုံးမှာ ဥပုသ်သီလဟုပြဠာန်းထားခြင်းမရှိသော သာသနာမရှိ ကြောင်း ရည်ညွှန်းပေသည်။ သာသနာတိုင်းတွင် ဥပုသ်သီလတည်ဆောက်ခြင်းရှိကြောင်းကို သမိုင်း ကြောင်းဆိုင်ရာအချက် များတွင်လေ့လာမှတ်သားနိုင်သည်။ ထို့ကြောင့်လည်း ဗြိတိသျှစွယ်စုံကျမ်းက ကမ္ဘာဘာသာသာသနာတိုင်းတွင် ဥပုသ်သီလကိုပြဠာန်းထားကြောင်းဖော်ပြသည်။ ကမ္ဘာ့သာသနာ များအားလုံးတွင် ဥပုသ်ဆောက်တည်ရန်ပြဠာန်း မထား သည့် သာသနာတစ်ခုမျှမရှိချေ။ ယခုခေတ် အခါသမယတွင်မူ သမိုင်းကြောင်းဆိုင်ရာ အချက်အလက် အတိအကျများကို လေ့လာသိရှိနိုင်ရန် လွယ်ကူသော်လည်း တမန်တော်မြတ်ကြီး (ဆွ)ထံတော်ပါးသို့ အထက်ဖော်ပြ ပါ မုက္ခပါတ် တော်ကျရောက်စဉ်ကမူ ကိုယ်တော်သည် ရှေးဦးကမ္ဘာ့သာသနာကြီးများ၏မည်သည့်အချက်အလက် သတင်းကိုမှ လေ့လာဖူးခြင်းမရှိကြောင်း သိရှိကြပေသည်။ ထို့ကြောင့်ကျွန်ုပ်တို့မွတ်စလင်မ်များ သည် ဤမျှကြီးကျယ်သောတမန်တော်၊ ဤမျှကြီးကျယ်သောကျမး်စာတော်ကို ရရှိထားခြင်းဖြစ် သည့်အလျောက် ယခုခေတ်အခါတွင်မှာမှ သက်သေပြလာနိုင်သည့် ‘ကမ္ဘာပေါ်တွင် ဥပုသ်ဆောက် တည်ရန်ပြဠာန်းခြင်းမရှိသော သာသနာသည်မရှိ’ ဆိုသည့် ဗြိတိသျှစွယ်စုံကျမ်းဖော်ပြချက်ကို ရှေးနှစ် ပေါင်းမြောက်မြားစွာကတည်းက ကျမး်မြတ်ကုရ်အာန်က ဖော်ပြနေသည်မှာ ရှင်းလင်းထင်ရှားသော သက်သေတစ်ခုပင်ဖြစ်သည်။ ထို့ကြောင့် ယနေ့အချိန်တွင် လွန်ခဲ့သောနှစ်ပေါင်း ၁၄၀၀ အလျင်က လင်းပြပြီးသည့် အကြောင်းအရာတစ်ခုကို ပြန်လည်ဖော်ပြထုတ်ရှာဖွေပြသည့် သူမှာကား အဆင့် တစ်ခုကိုသာ ထိုက်တန်နေပေသည်။

ဗြိတိသျှစွယ်စုံကျမ်း၊ (၁၁) ကြိမ်မြောက် (Encyclopedia Britannica 11th edition, 1911) ထုတ်ဝေမှုအရ သိရှိရသည်မှာ စွယ်စုံကျမ်း၏ ဥပုသ်ကဏ္ဍတွင် ‘‘ ဥပုသ်သီလသည် စိတ်ပိုင်းဆိုင်ရာ နှင့် သာသနာရေးပိုင်းဆိုင်ရာ ကဏ္ဍတစ်ခုဖြစ်သည့်အလျောက် ပညတ်ချက်တစ်ခုအဖြစ်ပြဠာန်း ထားသည့် အထူးတာဝန်တစ်ရပ်ဖြစ်သည်။ ထို့အတူ ဥပုသ်ဆောက်တည်ခြင်း ပုံစံများလည်း အမျိုးမျိုးအဖုံဖုံပင်။ ဥပုသ်တည်ဆောက်ခြင်းနည်းလမ်း များနှင့် ရုပ်ပိုင်းဆိုင်ရာလိုအပ်ချက်များ သည်လည်း ရာသီဥတုအလိုက်၊ လူမျိုးများအလိုက်၊ လူနေမှုစနစ်များအလိုက် သို့မဟုတ် အခြားအ ကြောင်းအမျိုးမျိုးအလိုက် သိသာစွာကွဲပြားလေသည်။ ထို့ကြောင့် သာသနာတစ်ခုခြင်းစီလိုက်၍ ဥပုသ်တည်ဆောက်ခြင်းပုံစံများ၊ ဖော်ပြချက်များကို လေ့လာရန်မှာ ခဲယဉ်းလှပေသည်။’’

Wikipedia အရ သိရှိရသည်မှာ “ သမိုင်းစတင်ပေါ်ပေါက်စဉ်ကပင် သာသနာရေးနှင့် ဝိညာဉ် ရေးရာ အခြေအနေများအတွက် ဥပုသ်တည်ဆောက်ခြင်းသည် လူသားအလေ့အထများ၏ အစိတ်အပိုင်း တစ်ခုဖြစ်လေသည်။ ဥပုသ်တည်ဆောက်ခြင်းကို ဓမ္မဟောင်းကျမ်း၊ ဓမ္မသစ်ကျမ်း၊ ကုရ်အာန်ကျမ်း၊ မဟာဘာရတ နှင့် ဥပနိသျှကျမ်းများတွင် ပြဠာန်းထားလေသည်။ ဥပုသ်တည်ဆောက်ခြင်းကို အခြား သာသနာများတွင်လည်း ၀ိညဉ်ရေးဆိုင်ရာဆောင်ရွက်ဖွယ်အနေဖြင့်လည်းကောင်း သာသနာ့ရေး ရာ အစဉ်အလာအနေဖြင့်လည်းကောင်း ပြဠာန်းထားသည်။”

ယနေ့ခေတ်ပေါ် ဗြိတိသျှစွယ်စုံကျမ်းတွင် -

ဥပုသ်သီလတည်ဆောက်ခြင်းသည် ရှေးအတိတ်ကာလကတည်းက ကမ္ဘာ့သာသနာအများအပြား၏ သာသနာတည်ထောင်သူများနှင့်နောက်လိုက်နောက်ပါများကျင့်သုံးလိုက်နာခဲ့သည့်နည်းနာဖြစ်သည်။

ရှေးအတိတ်ကာလ လူများသည် ဥပုသ်သီလတည်ဆောက်ခြင်းအား လူတို့အဖို့ ကောင်းမှုပြုခြင်း ဆီသို့ ဦးတည်ရာအဖြစ် ကျင့်သုံးမှတ်ယူခဲ့ကြသည်။ ရှေးခေတ် ဟီလန်နစ္စတစ် ၊ ခေါမဒဏ္ဍာရီလာ သာသနာများ (ဥပမာ - ဂရိနတ်ဘုရားများအားကိုးကွယ်ခြင်း) တွင် ရည်ရွယ်ရည်စူး ချက်ပြင်းထန်သည့် ဥပုသ်ဆောက်တည်ခြင်းဖြင့် ဆောက်တည်သူအား နတ်ဘုရားများက အိပ်မက် များနှင့် စက္ခုအာရုံများတွင် ကောင်းမှုပြုခြင်းအစဉ်အလာများကို သင်ကြားပေးကြောင်း ထင်မြင်ယူဆ ကြပေသည်။ ပီရူးနိုင်ငံရှိ ကိုလံဘီယန်းအနွယ်ဝင်များတွင် အပြစ်ကျုးလွန်မိသူသည် မိမိကျူးလွန် မိသောအပြစ်အား ဘုန်းကြီးရှေ့တွင် ၀န်ခံပြီးနောက် ဥပုသ်ဆောက်တည်ရသည့် အစဉ်အလာရှိ ခဲ့သည်။

မြောက်အမေရိကအလယ်ပိုင်းနှင့် ပစိဖိတ်သမုဒ္ဒရာအနောက်တောင်ဘက််ရှိ လူနီအိန္ဒိယန်းများတွင် လည်းကောင်း ၊ အီဗန်ကီးယား (Evenkai) ဟုတွင်သည့် ယခင်ရုရှနိုင်ငံ ဆာဗီးယားဒေသနေ တွန်ဂုစ်(Tungus) လူမျိုးများတွင်လည်းကောင်း ဥပုသ်ဆောက်တည်သည့် အလေ့အထရှိခဲ့ကြသည်။ ပွီဘလို (Pueblo) ဟုတွင်သည့် အမေရိကတိုက်သားများသည်လည်း ရာသီဥတုပြောင်း လဲခြင်း နှင့်ဆိုင်သည့် အဓိကအရေးပါသော ရာသီပွဲတော်များမတိုင်မီ ဥပုသ်တည်ဆောက်သည့် အစဉ်အလာ ရှိခဲ့သည်။ မြင့်မြတ်သည့် အချိန်အခါသမယ အကြိုအဖြစ်လည်းကောင်း ၊ အခြားထူးခြားသည့် အကြောင်းခြင်းရာများကြောင့်လည်းကောင်း ဥပုသ်ဆောက်တည်ကြခြင်းမှာ ကမ္ဘာ့ဘာသာသာသနာ များတွင် ဝိသေသလက္ခဏာအဖြစ်ရပ်တည်ခဲ့သည်။ ဂျိန်းဝါဒတွင် ဥပုသ်တည်ဆောက်ခြင်းဖြင့် လောကီနှင့်အဆက်အသွယ်ပြတ်တောက်ကာ စျန်အဘိဉာဏ်ကိုရကြောင်းဖြင့် သတ်မှတ်ပြဠာန်းထား သည်။ ဗုဒ္ဓဘာသာတွင်လည်း ထေရဝါဒဘုန်းကြီးများသည် လတစ်လ၏ အချို့သော ဥပေါသထနေ့ များတွင် ဥပုသ်ဆောက်တည်ကြသည်။ ၁၉၄၉ မတိုင်မီအလျင်က တရုတ်နိုင်ငံတွင်လည်း ဆောင်း ဥတုများ၌ ဥပုသ်ဆောက်တည်သည့် အစဉ်အလာရှိခဲ့ဖူးသည်။ အိန္ဒိယ ဆာဒူးများကမူ အမျိုးမျိုးသော အကြောင်းများဖြင့် ဥပုသ်တည်ဆောက်ခြင်း မကြာခဏပြုလုပ်ကြသည်။

အနောက်တိုင်းနိုင်ငံများတွင်ထွနး်ကားသည့် သာသနာများထဲမှ ဇိုရိုအေစတာ သာသနာမှလွဲ၍ ဂျူး ၊ ခရစ်ယာန်နှင့် အစ္စလာမ်သာသနာများတွင် အချိန်ကာလအလိုက် ဥပုသ်တည်ဆောက်မှု ပြဠာန်းချက် များရှိလေသည်။

ဂျူးဝါဒတွင် မိမိတို့၏အပြစ်များအတွက် နောင်တရရှိခြင်းအထိမ်းအမှတ်နေ့များ (ဥပမာ - ရောမ်ကိ ပ္ပူးရ် ခေါ် ဘုရားနှင့် လူတို့အကြားဆက်သွယ်သည့် နေ့) တွင်အထူးသဖြင့် ဥပုသ်ဆောက်တည်ကြ၍ နှစ်စဉ် နေ့အချို့တွင်လည်း ဥပုသ်ဆောက်တည်ကြသည်။ ခရစ်ယာန်သာသနာတွင်မူ (အထူးသဖြင့် ရိုမန်ကက်သလစ်များနှင့် အရှေ့တိုင်းအော်သိုဒေါစ်များ) အီစတာမတိုင်မီ အပြစ်များမှ နောင်တရ ခြင်းအထိမ်းအမှတ် ရက် ၄၀ ဥပုသ်ဆောက်တည်ခြင်းပြုကြလေသည်။ ယင်းကို လန်းထ် (Lent) ဟုခေါ်သည်။ ထိုသို့ပင် ခရစ်စမတ်မတိုင်ခင် အပြစ်များမှနောင်တရခြင်း အထိမ်းအမှတ် ဥပုသ်တည်ဆောက်ခြင်းနေ့ရက်များကို အက်ဒဗန့် (Advent) ဟုခေါ်သည်။

၁၉၆၂ - ၆၅ အတွင်း ကျင်းပခဲ့သည့် ဗာတီကန်ကောင်စီမှစတင်၍ ရိုမန်ကက်သလစ်ဘာသာဝင်များ တွင် ဥပုသ်ဆောက်တည်ခြင်းကို ပုံစံသစ်ဖြင့် ဖြည့်ဆီးကြသည်။ သို့ဖြင့် တသီးပုဂ္ဂလ စိတ်ကြိုက်ပုံစံ အတိုင်း ဥပုသ်တည်ဆောက်နိုင်ကြစေရန်ဖြစ်သည်။ သို့သော် လန်းထ် (Lent) ဥပုသ်ဆောက်တည် ခြင်း အရက် ၄၀ ရှိ ပထမဆုံးရက်နှင့် လန်းထ် (Lent) ဥပုသ်ဆောက်တည်ခြင်း အရက် ၄၀ အတွင်း Good Friday တို့တွင်မူ မဖြစ်မနေဥပုသ်ဆောက်တည်ရန်ပြဠာန်းထားလေသည်။ ပရိုတက်စတင့် များကမူ ယေဘုယျအားဖြင့် မိမိတို့ကိုယ်ပိုင်အစီအစဉ်ဖြင့်သာ စိတ်ကြိုက်ဥပုသ်စောင့်ကြရန် ပြဠာန်း သည်။

ရမ်ဇာန်လသည် မွတ်စလင်များအဖို့ အပြစ်များမှ နောင်တရရှိခြင်းအမှတ်ဖြင့် အရုဏ်တက်မှ နေစ ဝင်သည်အထိကာလအပိုင်းအခြားများတွင် ဥပုသ်ဆောက်တည်ရန်ပြဠာန်းသည်။

("fasting." Encyclopædia Britannica. 2008. Encyclopædia Britannica Online. 22 Aug. 2008 )

ထို့ကြောင့် ဗြိတိသျှစွယ်စုံကျမ်းက အမေရိကတိုက်မြောက်ပိုင်းနှင့် တောင်ပိုင်းတို့တွင် နေထိုင်ကြ သော တိုင်းရင်းသားများအပါအဝင် ကမ္ဘာ့သာသနာအများအပြားသည် ဥပုသ်သီလတည်ဆောက်ခြင်း ကို ပြုလုပ်ဆောင်ရွက်ကြကြောင်းဖော်ပြသည်။ ထို့ပြင် ဇိုရိုအေစတာ ဘာသာသည် ဥပုသ်ဆောက် တည်ခြင်းကို သတ်မှတ်ထားခြင်းမရှိသည့် သာသနာဖြစ်ကြောင်းကိုလည်း ဖော်ပြသည်။ သို့သော် ဗြိတိသျှစွယ်စုံကျမ်း၏ ဇိုရိုအေစတာဘာသာနှင့်ပတ်သက်၍ ဖော်ပြချက်တွင် အမှားအယွင်းတစ်စုံ တစ်ရာရှိနိုင်ကောင်းရှိနိုင်ပေသည်။ အဘယ်ကြောင့်ဆိုသော် အာရှဆိုင်ရာ ဘုံဘေအဖွဲ့အစည်း (Asiatic Society of Bombay)၏ ရာပြည့်အထိမ်းအမှတ်ဂျာနယ် တွင် အာရှဆိုင်ရာဘုံဘေအဖွဲ့ အစည်း၊ ဗြိတိသျှနိုင်ငံ၏ အာရှဆိုင်ရာ တော်ဝင်အဖွဲ့အစည်း နှင့် အိုင်ယာလန် ဘုံဘေအဖွဲ့ခွဲတို့ ပေါင်းစုဖော်ပြခဲ့သည်မှာ “ ဒီဆာတီးရ်(Desatir) ခေါ် ဇိုရိုအေစတာ သာသနာနှင့် ဆက်နွယ်သည့် စာအုပ်တစ်အုပ်တွင် ဥပုသ်ဆောက်တည်ခြင်းအား ကောင်းမြတ်သော ကျင့်စဉ်တစ်ခုအဖြစ်ဖော်ပြ ထားသည် ” ဟူ၍ပင်။ (http://books.google.com.sg/books?id=7qIIAAAAQAAJ&printsec=front...)

Wiki အရ သိရှိရသည်မှာ ဒီဆာတီးရ်(Desatir) သည် ဇိုရိုအေစတာဘာသာနှင့် ပတ်သက်သည့် ရှေးဟောင်း ပါရှန်းစာအုပ်ဖြစ်ကြောင်း ၊ ထိုစာအုပ်တွင် အစဉ်လိုက်ပွင့်ပေါ်သော တမန်တော် ၁၅ ပါးထံ ဗျာဒိတ်ပေးခြင်းခံရသည့် ကျမ်းချက် ၁၅ ခန်းပါရှိကြောင်း ၊ တမန်တော်များထဲမှ ပထမဆုံးတမန်တော်မှာ မဟာဘတ်ဖြစ်ပြီး နောက်ဆုံးမှာ ဆစန်ဖြစ်ကြောင်း၊ နောက်ဆုံးတမန် တော်၏ အခန်းတွင်မှလွဲ၍ တမန်တော်တစ်ပါးစီ၏ အခန်းကဏ္ဍတိုင်းတွင် အဆုံး၌ နောက်ထပ်ပွင့် မည့်တမန်တော်ကို တင်ကြိုဗျာဒိတ်ပေးထား ကြောင်း ၊ ယင်းစာအုပ်သည် ဒဘစ္စတန်နေ မဇာဟဘ်(Dabestān-e Mazāheb)စာအုပ်၏ လွှမ်းမိုးမှုခံထားရသည်ဟု ထင်မြင်ကြကြောင်း စသည်တို့ပင်။ ထိုသည်သာမက ယင်းစာအုပ်၏ ရှေးဟောင်း ဒါရီ (Dari) အသံထွက်ဖြင့် ပါရှန်းဘာသာပြန်ကို ၁၉ရာစုအစပိုင်း၌ ရှာဖွေတွေ့ရှိခဲ့ကြောင်း ၊ ထိုစာအုပ်ကို ဘုံဘေမြို့မှ မုလ္လဖေရွတ်ဇ်က တည်းဖြတ်ခဲ့ကြောင်း သိရှိရသည်။ ဒါရီအသံထွက်ဖြင့်စာအုပ်ကို အေဒီ ၅၉၀ - ၆၂၈ တွင် အုပ်စိုးခဲ့သည့် ခိုစရု - ၂ (Khosrau II) လက်ထက်တွင် ပြုစုခဲ့ခြင်းဖြစ်ကြောင်း၊ သို့သော် ပညာရှင်အမျိုးမျိုး၏ ထင်မြင်ယူဆမှုများအရ ယင်းစာအုပ်သည် မဂိုဘုရင် အက္ကဘရ်လက်ထက် အဇာကေဗန် (Azar Kayvan) ၏ လက်ရာအဖြစ်ထင်မြင်ယူဆ ချက်များရှိကြောင်းလည်း သိရှိရသည်။

ဇိုရိုအေစတာများသည် အိန္ဒိယနှင့် အီရန်တို့၌ အလျင်အမြန်ပပျောက်သွားခဲ့သဖြင့် ထိုသာသနာ၏ ဖော်ပြချက်ကျမ်းစာများကို ပိုမိုစေ့ငုစွာလေ့လာရန် ထိုက်တန်ပေသည်။ အဟ်မဒီယာမွတ်စလင်များ၏ ယုံကြည်ချက််အရမူ ရှေးဘာသာသာသနာအားလုံးမှာ တစ်ပါးတည်းသော ဘုရားရှင်ထံတော်မှ လာသည်ချည်းဖြစ်သဖြင့် ထိုဘာသာသာသနာအားလုံး၏ တူညီသောအရင်းအမြစ်ကို ဆန်းစစ်နိုင် သည့်အလျောက် ယနေ့ကမ္ဘာပေါ်ရှိသာသနာအားလုံးတွင် ဥပုသ်သီလတည်ဆောက်ခြင်း ကိုပြဠာန်း ထားကြောင်းကိုလည်း သံသယကင်းစွာ ယုံကြည်မှတ်ပိုက်အပ်ပေသည်။



ဒေါက်တာ ဇီယာ၊ အိပ်ခ်ျ ရှား၏ Religious History of fasting ကို မြန်မာပြန်ပါသည်။

Monday, July 9, 2012

အဟ်မဒီယာမွတ်စလင်မ်အဖွဲ့၏ ဝိညာဉ်ရေးရာခေါင်းဆောင်၊ အစ္စလာမ့်ခလီဖာမှ ကမ္ဘာ့ခေါင်းဆောင်များထံ ယနေ့ကမ္ဘာ့အခြေအနေ နှင့်စပ်လျဉ်း၍ ပေးပို့ခဲ့သော စာများ (၂)





ကမ္ဘာကြီးတွင် လက်ရှိဖြစ်ပျက်နေသော ပဋိပက္ခအခြေအနေများကြောင့် အဟ်မဒီယာမွတ်စလင်မ် အဖွဲ့၏ ဝိညာဉ်ရေးရာခေါင်း ဆောင် အစ္စလာမ့်ခလီဖာ၊ ဟာဇရသ်မီရ်ဇာမဆ်ရူးရ်အဟ်မဒ်မှ ကမ္ဘာ့ ခေါင်းဆောင်များထံ စာများပေးပို့ သတိပေးခဲ့ရာ ထိုစာ များထဲမှ အင်္ဂလန်ဝန်ကြီးချုပ် ဒေးဗစ်ကင်မ ရွန်းထံ ပေးပို့ခဲ့သော စာ၏မြန်မာပြန်မှာ အောက်ပါအတိုင်းဖြစ်ပါသည်။

Source: Click
 


16 Gressenhall Road
Southfields, London
SW18 5QL, UK
ဧပြီလ ၁၅ ရက်          ၊ ၂၀၁၂
ဂရိတ်ဗြိတိန်နှင့် မြောက်အိုင်ယာလန်တို့၏
ဝန်ကြီးချုပ်ဖြစ်သော Rt. Hon. ဒေးဗစ် ကင်မရွန်း
၁၀ ဒေါင်းနင်းလမ်း၊ လန်ဒန်
SW1A 2AA
United Kingdom

ချစ်ခင်ရပါသော ဝန်ကြီးချုပ် -

ယနေ့ကမ္ဘာလောကကြီးဖြတ်သန်းနေရသော အန္တရာယ်များပြည့်နှက်နေပြီး လုံခြုံမှုကင်းသည့် အခြေ အ နေများ၏ မီးမောင်းထိုးပြမှုကြောင့် ကျွန်ုပ်အနေဖြင့် လူကြီးမင်းထံ စာရေးသားရန် လိုအပ် ကြောင်း ခံစားမိ ခဲ့ပါသည်။ လူကြီးမင်းအနေဖြင့် ယူနိုက်တက်ကင်းဒမ်းနိုင်ငံတော်၏ ဝန်ကြီးချုပ်ဖြစ် ၍ နိုင်ငံတော်၏ အနာဂတ် အရေးကို အကျိုးသက်ရောက်စေနိုင်သော ဆုံးဖြတ်ချက်များအား ချမှတ် ရန်လူကြီးမင်းထံတွင် အခွင့်အာဏာရှိနေ၏။ (ထိုဆုံးဖြတ်ချက်များကား) ကမ္ဘာလောကကြီးတစ်ခုလုံး ကျယ်ပြောလောက်အောင် လည်း (အကျိုးသက် ရောက်စေနိုင်ပါသည်။) ကမ္ဘာတခွင်တပြင်လုံး၌ စစ်ငွေ့စစ်ရိပ်များ ပြိုးပျက်လျက်ရှိ နေသဖြင့် ယနေ့ကမ္ဘာ ကြီးသည် ငြိမ်းချမ်းရေးအား စိုးရိမ်ထိတ် လန့်ဖွယ် ကောင်းလောက်အောင် လိုအပ် လျက်ရှိပါသည်။ တိုင်းပြည်နိုင်ငံများအကြား ဖြစ်ပွားနေ သော သေးငယ်လှသည့် မပြေလည်မှုများမှသည် ကမ္ဘာလုံးဆိုင်ရာ ပြဿနာရပ်ကြီးအဖြစ် ပေါက်ကွဲ ထွက်လာဖို့ ခြိမ်းခြောက်နေ၏။ ယနေ့ကမ္ဘာ၏ နိုင်ငံရေး နှင့် စီးပွားရေးတို့၏ အခြေအနေမှာ ၁၉၃၂ ခုနှစ်က အခြေအနေအတိုင်း ဖြစ်ကြောင်း ကျွန်ုပ်တို့ လေ့လာ သုံးသပ်ရပေသည်။ ထို့ပြင် ပြိုင်မျဉ်း နှစ်ကြောင်း ကဲ့သို့ တူညီနေမှုများစွာလည်း ရှိနေရာ ထိုကိစ္စရပ်များ ပေါင်းစုံ စုဝေးသွားပါက ဒုတိယ ကမ္ဘာစစ်ကြီးအဖြစ် ပေါက်ကွဲထွက်လာသော သဏ္ဌာန်အတိုင်း ဖြစ်နေ ကြောင်း ယနေ့ကမ္ဘာ့ပုံရိပ်က သက်သေပြုနေပါသည်။ ထိုအခြင်းအရာများက အမှန်တကယ် လောင်ကျွမ်း လာခဲ့သော် ကျွန်ုပ်တို့ အနေဖြင့် တတိယကမ္ဘာစစ်တည်းဟူသော ကြောက်ရွံ့ထိတ်လန့်ဖွယ် ဖြစ်စဉ်ကို ကြုံတွေ့ရပါမည်။ ကမ္ဘာနိုင်ငံကြီးငယ်အသွယ်သွယ်တို့မှာ နူးကလီးယားလက်နက်များ ပိုင်ဆိုင် နေကြသ ဖြင့် ထိုတတိယကမ္ဘာစစ်ကြီးမှာ နူးကလီးယားစစ်ပွဲကြီးပင် ဖြစ်လိမ့်မည့်အကြောင်း သံသယပွားဖွယ် မရှိပါ။ ယနေ့လက်နက် များသည် အဖျက်စွမ်းအား အလွန်ြကီးမားသဖြင့် မျိုးဆက်တဆက်ပြီး တဆက် မွေးဖွားလာမည့်ကလေး များအတွက် မျိုးရိုးဗီဇနှင့် ရုပ်ခန္ဓာချို့ယွင်းမှုများ ခံစားရနိုင်သည်။ ဂျပန်နိုင်ငံ သည် စက်ဆုပ်ဖွယ်ရာ နူးကလီးယား စစ်ပွဲဒဏ်ကို ခံစားရဖူးသည့် နိုင်ငံတစ်နိုင်ငံဖြစ်ခဲ့ပြီး ဒုတိယကမ္ဘာ စစ်၌ နူးကလီးယားဗုံး ဒဏ်ကြောင့် မြို့ကြီးနှစ်မြို့ တိပ်မြုပ်ပျောက်ကွယ်ခဲ့ရသည်။ ထိုစဉ်က ဖြစ်ပေါ်ခဲ့ သော ကျယ်ပြောလှသည့် ကြောက်လန့်ဖွယ်ဖြစ်စဉ်များမှာ နူးကလီးယားဗုံးများ ကြောင့်ဖြစ်ပြီး ထိုဗုံးများ၏ စွမ်းရည်သတ္တိမှာ ယနေ့အချို့နိုင်ငံငယ်ကလေးများကပင် ပိုင်ဆိုင်ထား သည့် နူးကလီးယား လက်နက်များ ၏ စွမ်းရည်ထက် အဆပေါင်းများစွာ နိမ့်ကျပေသည်။ ထို့ကြောင့် ကမ္ဘာ့အင်အားကြီးနိုင်ငံ များက စားပွဲ ဝိုင်းထိုင်ကာ ထိုကပ် ဆိုးကြီးမှ ကမ္ဘာ့လူထုကို ကယ်တင်ဖို့ အဖြေတစ်ခုအား ရှာဖွေရန် တာဝန်တင်ရှိနေ ပါသည်။

အထူးထိတ်လန့်ဖွယ်ကောင်းသည်မှာ နိုင်ငံငယ်ကလေးများရှိ နူးကလီးယားလက်နက်များသည် အကျိုး ဆက်ကို မငဲ့ကွက်၊ ငဲ့ကွက်နိုင်စွမ်းလည်းမရှိသည့် လက်နက်ကျူးနေကြသော သူများလက် တွင်းသို့ ရောက်ရှိသွားမည့်အရေးပင်။ အင်အားကြီးနိုင်ငံများက တရားမျှတမှုကိုမကျင့်သုံး၊ နိုင်ငံငယ် များ၏ ထိတ်လန့်ဖွယ်အခြေအနေများကို မဖယ်ရှားပေး၊ ကြီးမြင့်ပြီး အမြော်အမြင်နှင့်ပြည့်စုံသည့် ပေါ်လစီများ ကို မကျင့်သုံးပါမူ အခြေအနေသည် ထိမ်းချုပ်မှုကင်းမဲ့ခြင်းဆီသို့ တစိုက်မတ်မတ်ရွေ့ လျောကာ ထိုသည့် နောက် ဖြစ်ပေါ်လာမည့် အပျက်အဆီးများကား ကျွန်ုပ်တို့နားမလည်နိုင်၊ စိတ်ကူး စိတ်သန်းထဲတွင်ပင် မြင်နိုင်စွမ်းမည်မဟုတ်ပေ။ ကမ္ဘာပေါ်ရှိ လူများစုဖြစ်သော ငြိမ်းချမ်းရေးမြတ်နိုး သူများသည်လည်း ထိုစိတ် ပျက်ဖွယ် အန္တရာယ်ကြောင့် အကျိုးဆက်ကို တပေါင်းတပါတည်း ခံစားရနိုင်ပါသည်။ 

သို့ဖြစ်ရကား၊ လူကြီးမင်းနှင့် အခြားသော ထိပ်သီးနိုင်ငံခေါင်းဆောင်များအနေဖြင့် ထိုသည့် ကြောက်မက် ဖွယ် အခြေအနေ၏ အမှန်တကယ်ဖြစ်တည်လာမည့်အရေးကို နားလည်သဘောပေါက် ကာ လူကြီးမင်း တို့၏ ရည်ရွယ်ယာထားချက်များ အောင်မြင်ရေးအတွက် ရန်လိုသည့် သဘောထား များနှင့် အင်အားသုံး ဖြေရှင်း မှုများအစား တရားမျှတမှုကို တိုးမြှင့်ပေးသည်သာမက လုံခြုံမှုကိုပါ ပေးသည့် ပေါ်လစီများကို အကောင်အထည်ဖော်ဆောင်ရွက်သင့်ပါသည်။ ဤသည် ကျွန်ုပ်၏ ပြင်းပျ သောခံစားချက်နှင့် ဆုတောင်း ပတ္ထနာဖြစ်သည်။

အတိတ်ကို ပြန်ပြောင်းကြည့်ပါမူ ဗြိတိန်အနေဖြင့် နိုင်ငံပေါင်းများစွာကို အုပ်ချုပ်ခဲ့ပြီး အထူးသဖြင့် အိန္ဒိယတိုက်ငယ်နှင့် ပါကစ္စတန်တို့ကဲ့သို့သော နိုင်ငံများတွင် တရားမျှတမှု၏ စံပုံစံနှင့် သာသနာရေး လွတ်လပ်ခွင့်များကို ချန်ထားရစ်ခဲ့ပေသည်။ အဟ်မဒီယာမွတ်စလင်မ်အသင်းကြီးအား လက်မွန်မဆွ တည်ထောင်အုတ်မြစ်ချခဲ့သူ အရှင်သူမြတ်က ဘုရင်မကြီး ဗစ်တိုးရီးယားအား သူမ၏ စိန်ရတုသဘင် အတွက် ဝမ်းမြောက်ကြောင်း သဝဏ်လွှာနှင့် အစ္စလာမ့်သတင်းစကားကို ပေးပို့ခဲ့ရာတွင် သခင်ကြီး အနေ ဖြင့် ဗြိတိသျှအစိုးရ၏ တရားမျှတညီမျှစွာ အုပ်စိုးမှုအတွက် ဘုရားရှင်ထံတော်ပါးမှ ကောင်းချီးမင်္ဂလာ ဆုလာဘ်များ ချီးမြှင့်ပါစေကြောင်းကို အထူးအလေးထား ဆုတောင်းပေးခဲ့ပါ သည်။ သခင်ကြီးက ဗြိတိသျှ အစိုးရအား တရားမျှတမှုနှင့် ဘာသာရေးလွတ်လပ်ခွင့်တို့အတွက် အထူးချီးကျူးခဲ့ပါသည်။ ယနေ့ကမ္ဘာ တွင်မူ ဗြိတိသျှအစိုးရက ထိုတိုက်ငယ်ကို အစိုးရအုပ်ချုပ်မှု မရှိတော့သော်လည်း ဘာသာရေး လွတ်လပ် ခွင့်နည်းနာများကမူ ဗြိတိသျှတို့၏ အသိုင်းအဝန်းနှင့် ဥပဒေများထဲတွင် နက်ရှိုင်းစွာအမြစ်တွယ် လျက် ရှိနေပါသည်။ ထိုဥပဒေမှ လူသားတိုင်း သာတူညီ မျှဖြစ်ရေးနှင့် ဘာသာရေးလွတ်လပ်ခွင့်တို့ကို ပြဌာန်း ပေးပါသည်။ ယခုနှစ်တွင်မူ ဘုရင်မကြီး အဲလိဇဘက်နံပါတ် ၂ ၏ စိန်ရတုသဘင် စီရင်ကျင်းပခြင်းလည်း ရှိနေပေရာ ဗြိတိန်နိုင်ငံအား ကမ္ဘာ့ အလယ်တွင် တရားမျှတမှု၏စံပုံစံနှင့် ရိုးသားမှုတို့အား ပြသဖို့ရာ အခွင့်အလမ်းတစ်ခုပင် ဖြစ်ပါသည်။ ဗြိတိန်က ထိုသည့်တရားမျှတမှုအား ထုတ်ဖော်ပြသည့်အခါတိုင်း အဟ်မဒီယာမွတ်စ လင်မ်အသင်းအဖွဲ့က အမြဲတစေအသိအမှတ်ပြုခဲ့သည်ချည်းဖြစ်ကြောင်း အဟ်မဒီယာ မွတ်စလင်မ် တို့၏သမိုင်းက လျစ်ဟပြသလျက်ရှိပါသည်။ အနာဂတ်တွင်လည်း ဘာသာရေးယုံကြည်မှုနယ်ပယ် တွင်သာမက လူကြီးမင်းတို့နိုင်ငံတော်၏ ကောင်းမွန်လှသော အတိတ်သမိုင်းကို (လူကြီးမင်း တို့ အနေဖြင့်) မည်သည့်အခါမှမမေ့မလျော့ဘဲ ယနေ့ကမ္ဘာကြီးတွင် ဗြိတိန်နိုင်ငံက ကမ္ဘာအနှံ့ ငြိမ်းချမ်း ရေးကို အစပြုနိုင်သည့်နယ်ပယ်တိုင်းတွင်လည်း တရားမျှတနေမည်မှာ ဗြိတိသျှအစိုးရ၏ ဝိသေသ ဖြစ် နေဦးမည့် အကြောင်း ကျွန်ုပ်တို့ မြော်လင့်ပါသည်။ 

မည်သည့်အဆင့်၊ မည်သည့်ဦးတည်ချက်တွင်ရှိနေစေကာမူ ကျွန်ုပ်တို့အနေဖြင့် အမုန်းတရားများ၏ အငွေ့အသက်များအား ပယ်ရှားပစ်ဖို့ အကောင်းဆုံးကြိုးစားနေရမည်ဖြစ်ကြောင်းကို ကျွန်ုပ်အနေ ဖြင့် တောင်းဆိုလိုပါသည်။ ယင်းသို့ ဆောင်ရွက်အောင်မြင်မှသာ ကျွန်ုပ်တို့အနေဖြင့် ရောက်ရှိလာ မည့် မျိုးဆက်များအတွက် လှပသည့်အနာဂတ်အား သေချာရေရာစေပါလိမ့်မည်။ အကယ်၍ ကျွန်ုပ် တို့ ထိုသည့် လုပ်ငန်းဆောင်တာ၌ ကျရှုံးခဲ့ပါသော် ရလဒ်မှာ နူးကလီးယားစစ်ပွဲပင်ဖြစ်လိမ့်မည့် အကြောင်း ကျွန်ုပ်တို့၏စိတ်တွင်းဝယ် သံသယဖြစ်စရာပင်မရှိတော့ပါ။ ကျွန်ုပ်တို့၏ အနာဂတ်မျိုး ဆက်မှာလည်း ကျွန်ုပ်တို့၏ အပြုအမူကြောင့် ဖြစ်ပေါ်လာသည့် ထိုကြောက်စရာကောင်းသည့် ဆိုးကျိုးကို နေရာတိုင်း တွင်ခံစားရလိမ့်မည်ဖြစ်ကာ သူတို့၏ ရှေးကျသော အကြီးအကဲများက ကမ္ဘာကြီးအား ကပ်ဆိုးကြီးထဲသို့ ခေါ်ယူသွားခဲ့သည့်အဖြစ်အား ဘယ်သောအခါမှ ခွင့်လွှတ်နိုင်လိမ့် မည်မဟုတ်ပါ။ ကျွန်ုပ်ထပ်မံ၍လူကြီး မင်းအား သတိပေးလိုသည်မှာ ဗြိတိန်သည် ဖွံ့ဖြိုးပြီးနိုင်ငံများ သာမက ဖွံ့ဖြိုးဆဲနိုင်ငံများအပေါ်တွင်ပါ ဩဇာ လွှမ်းမိုးနိုင်သည့် နိုင်ငံတစ်နိုင်ငံဖြစ်ပါသည်။ လူကြီး မင်းအနေဖြင့် အလိုရှိပါမူ ဤကမ္ဘာကြီးအား တရားမျှ တမှုနှင့် သာတူညီမျှရှိစေရေး လိုအပ်ချက် များကို ဖြည့်ဆီးကာ လမ်းညွှန်နိုင်ပါသည်။ သို့ကြောင့် ဗြိတိန်နိုင်ငံနှင့် အခြားအင်အားကြီးနိုင်ငံ များအနေဖြင့် ကမ္ဘာ့ငြိမ်းချမ်းရေးကို ဆောင်ရွက်ရန် ၎င်းတို့ကိုယ် ပိုင်တာ ဝန်များကို ထမ်းရွက်သင့်ပါ သည်။ အနန္တတန်ခိုးတော်ရှင် ဘုရားသခင်က အသင်နှင့် အခြားကမ္ဘာ့ ခေါင်းဆောင်များကို ဤသတင်းစကားအား နားလည်သဘောပေါက်စေဖို့ စွမ်းအားချီးမြှင့်ပါစေ။

တောင်းဆုများနှင့် ဆန္ဒမွန်ဖြင့် -
အသင်၏ စစ်မှန်လှသော
မီရ်ဇာမဆ်ရူးဆ်အဟ်မဒ်
ပဉ္စမမြောက် ခလီဖတွလ်မဆီဟ်
ကမ္ဘာလုံးဆိုင်ရာ အဟ်မဒီယာမွတ်စလင်မ်အသင်းအဖွဲ့ကြီး၏ ခေါင်းဆောင်

အဟ်မဒီယာမွတ်စလင်မ်အဖွဲ့၏ ဝိညာဉ်ရေးရာခေါင်းဆောင်၊ အစ္စလာမ့်ခလီဖာမှ ကမ္ဘာ့ခေါင်းဆောင်များထံ ယနေ့ကမ္ဘာ့အခြေအနေ နှင့်စပ်လျဉ်း၍ ပေးပို့ခဲ့သော စာများ (၁)



ကမ္ဘာကြီးတွင် လက်ရှိဖြစ်ပျက်နေသော ပဋိပက္ခအခြေအနေများကြောင့် အဟ်မဒီယာမွတ်စလင်မ်အဖွဲ့၏ ဝိညာဉ်ရေးရာခေါင်း ဆောင် အစ္စလာမ့်ခလီဖာ၊ ဟာဇရသ်မီရ်ဇာမဆ်ရူးရ်အဟ်မဒ်မှ ကမ္ဘာ့ခေါင်းဆောင်များထံ စာများပေးပို့ သတိပေးခဲ့ရာ ထိုစာ များထဲမှ အမေရိကန် သမ္မတအိုဘားမားထံ ပေးပို့သော စာ၏ မြန်မာပြန်မှာ အောက်ပါအတိုင်းဖြစ်ပါသည်။

Source: Click



16 Gressenhall Road
Southfields, London
SW18 5QL, UK
မတ်လ ၈ ရက် ၊ ၂၀၁၂
သမ္မတအိုဘားမား
အမေရိကန်ပြည်ထောင်စု
အိမ်ဖြူတော်
1600 Pennsylvania Avenue NW
Washington D.C.

ချစ်ခင်ရပါသော သမ္မတ 

ကမ္ဘာပေါ်၌ ဖြစ်ပျက်နေသော မတည်ငြိမ်မှုများကြောင့် လူကြီးမင်းထံ စာရေးသားဖို့ လိုအပ်ကြောင်း ကျွန်ုပ်ခံစား မိခဲ့ပါသည်။ ကမ္ဘာ့ အင်အားကြီးနိုင်ငံဖြစ်သော အမေရိကန်ပြည်ထောင်စု၏ သမ္မတတစ်ဦး အနေဖြင့် လူကြီးမင်း ၏ အခွင့်အာဏာဖြင့်ချမှတ်သော ဆုံးဖြတ်ချက်များမှာ လူကြီးမင်း၏တိုင်းပြည်ကို သာမက ကမ္ဘာတဝှမ်းလုံးကိုပါ အကျိုးသက်ရောက်စေနိုင်ပါသည်။

တည်ငြိမ်မှုကင်းပြီး ဆူပူသောင်းကျန်းမှုများက ယနေ့ကမ္ဘာလောကကြီးတွင် ဖြစ်ပျက်လျက်ရှိသည်။ အချို့သော နေရာများ၌ အရွယ် အစားသေးငယ်သော စစ်ပွဲများလည်း ဖြစ်ပွားနေခဲ့ပါပြီ။ ထိုဆူပူ သောင်းကျန်း မတည်ငြိမ်မှု များ ဖြစ်ပွားလျက်ရှိသော နေရာဒေသ များတွင် ငြိမ်းချမ်းရေးရရှိအောင် အင်အားကြီးနိုင်ငံများ၏ အင်အားစိုက် ထုတ်ကြိုးပမ်းမှုမှာ မျှော်မှန်းထားသလောက် အကြောင်းမ လှခဲ့ပါ။ ကမ္ဘာ့နိုင်ငံများ အားလုံးလိုလိုက အခြား နိုင်ငံများ(မတည်ငြိမ်မှုများ ဖြစ်ပွားနေသည့်နိုင်ငံများ) ကို ထောက်ပံ့ပေးရန်သို့ မဟုတ်ကန့်ကွက်ရန်စသည့် လုပ်ငန်းဆောင်တာများတွင် ပါဝင်ကြကြောင်း ကျွန်ုပ်တို့ တွေ့ရှိနိုင်သော်လည်း တရားမျှတမှုလိုအပ် ချက်ကိုမူ ဖြည့်ဆီးနေကြသည်မဟုတ်ပါ။ ကမ္ဘာလောကကြီး၏ လက်ရှိအဖြစ်အပျက်များကို ယခုပင်ရှုမှတ်စိစစ်ကြည့်ပါက ကမ္ဘာစစ်ကြီး တစ်ခု ဖြစ်လာဖို့ အမြစ်တွယ်ပြီးဖြစ်ကြောင်း သံဝေဂရဖွယ် တွေ့ရှိရပါမည်။ နိုင်ငံကြီးငယ်မဟူတွင် နူးကလီးယား လက်နက်များပိုင် ဆိုင်နေသည်သာမက နိုင်ငံအချင်းချင်း မကောင်းကြံဆည်မှုများနှင့် မိတ်သင်္ဂဟ ပျက်ပြားစေမည့် တင်းမာမှုများသည်လည်း တိုးပွား လျက်သာ ရှိပါသည်။ ထိုသို့သော အခြေအနေဆိုးကြီးကြောင့် တတိယကမ္ဘာစစ်ကြီးသည် ကျွန်ုပ်တို့၏မျက်မှောက်၌ ဖြစ်လုဆဲဆဲ ရှိနေပါပြီ။ ထိုသည့် တတိယကမ္ဘာစစ်မှာကား မလွဲဧကန် နူးကလီးယားစစ်ပွဲကြီးဖြစ်မည်သာ။ ထို့ကြောင့် ကျွန်ုပ်တို့မှာ ကမ္ဘာလောက ကြီးသည် ကြောက်မက် ဖွယ်အဖျက်စွမ်းအားကြီးဆီသို့ ဦးတည်နေကြောင်း မျက်မြင်ဒိဌိ မြင်တွေ့နေရသူများ ဖြစ်ပါသည်။ အကယ်၍ ဒုတိယကမ္ဘာစစ်ကြီးအပြီးတွင် သာတူညီမျှမှုနှင့် တရားမျှတမှုတို့ကို ကျင့်သုံးခဲ့ပါမူ ယခုကဲ့သို့ တတိယကမ္ဘာစစ် ၏ အငွေ့အသက်များ ဖုန်းလွှမ်းလာခြင်း ရှိမည်မဟုတ်ပါ။ 

၁၉၃၂တွင် စတင်သည့်ဒုတိယကမ္ဘာစစ်ကြီး ဖြစ်ပွားခဲ့ရခြင်း၏ အဓိကအချက်မှာ စီးပွားရေးအကြပ်အတည်းများ နှင့် နိုင်ငံများအကြား ပေါင်းစည်းမှုပြိုကွဲခြင်းကြောင့်ဖြစ်ပါသည်။ ယနေ့ ထိပ်သီးစီးပွားရေး (လုပ်ငန်းများ၏) အခြေအနေမှာ ၁၉၃၂ ခုနှစ်က ဖြစ်ပျက်ခဲ့ သည့် အကြပ်အတည်းများနှင့် ပြိုင်မျဉ်းများသဖွယ် ထပ်တူကျလျက် ရှိပါသည်။ နိုင်ငံရေးနှင့် စီးပွားရေးပြဿနာ များကြောင့် နိုင်ငံ ငယ်များအကြား စစ်ပွဲများဖြစ်ပွားခဲ့ပြီးဖြစ်ကြောင်း ကျွန်ုပ်တို့ ရှုမှတ်စိစစ်ကြည့်နိုင်သလို ထိုနိုင်ငံများအတွင်း၌ ဘုံသဘောတူညီမှု ကင်းပြီး မကျေနပ်ချက်များမှာ စထက်တပိုး တိုးပွားမြင့်တက် လာနေပါသည်။ ထိုမှတဆင့် အစိုးရအဖွဲ့များအတွင်း အင်အားအချို့ ထွက်ပေါ် လာကာ ထိုအင်အားမှ ကျွနု်ပ်တို့အား ကမ္ဘာစစ်ဆီဦးဆောင်သွားပါလိမ့်မည်။ နိုင်ငံငယ်များ၏ ပြဿနာများကို နိုင်ငံရေး နှင့် သံတမန်နည်းများဖြင့် မဖြေရှင်းနိုင်ပါက ကမ္ဘာပေါ်တွင် ဥပဒေပြုနိုင်ကြသူများထဲ၌ အုပ်စုခွဲများ သာမက အခြားအုပ်စုများလည်း ဖြစ်ပေါ်လာလိမ့်မည်။ ထိုသည် တတိယကမ္ဘာစစ်အဖြစ် ပေါက်ကွဲထွက်လာမည့် ရှေ့ပြေးပင်ဖြစ်လိမ့်မည်။ ထို့ကြောင့် ယခုအချိန်တွင် ကမ္ဘာလောကတိုးတက်ရေးကို အာရုံစိုက်ရမည့်အစား ကမ္ဘာကြီးအား ဤသည့်အဖျက်စွမ်းအားမှ ကယ်တင်ရန် ကျွန်ုပ်တို့၏အင်အား များ အချိန်မှီတိုးမြှင့်ကြဖို့ မရှိ မဖြစ်၊ အရေးတကြီးလိုအပ်နေပြီဟု ကျွန်ုပ်ယုံကြည်ပါသည်။ လူသားထုကြီးတစ်ရပ်လုံး အသက်ရှင်ကျန် ရစ် နေဖို့အတွက် အာမခံချက်တစ်ခုတည်းဖြစ်သည့် ကျွနု်ပ်တို့၏ ဖန်ဆင်းရှင်၊ တစ်ဆူတည်းသော ဘုရားရှင်အား လူသားထုကြီး တစ်ရပ်လုံးက သိရှိနားလည်လာနိုင်ဖို့ အပူတပြင်း လိုအပ်လျက် ရှိပါသည်။ သို့မဟုတ်ပါက ကမ္ဘာကြီးသည် မိမိကိုယ်ကို မိမိဖျက်ဆီး မည့်လမ်းကြောင်းဆီသို့ အလျင်အမြန်ပင် ဆက်လက်လျောက်လှမ်း သွားပါလိမ့်မည်။

ကျွန်ုပ်အနေဖြင့် လူကြီးမင်းအပါအဝင်၊ ကမ္ဘာ့ခေါင်းဆောင်များသို့ မေတ္တာရပ်ခံလိုသည်မှာ အခြားနိုင်ငံများအား အင်အားကို အသုံး ပြုပြီး အကျဉ်းအကြပ်ထဲတွန်းပို့သည်ထက် သံခင်းတမန်ခင်းနည်းများ၊ ဆွေးနွေးညှိနှိုင်းမှုနှင့် အမြော်အမြင်တို့ကို အသုံးချသင့်ပါ သည်။ အမေရိကန်ပြည်ထောင်စုကဲ့သို့သော ကမ္ဘာ့အင်အားကြီးနိုင်ငံအနေ ဖြင့် ငြိမ်းချမ်းရေးစတင်နိုင်ဖို့ရာ မိမိ၏အခန်းကဏ္ဍကို ထမ်းရွက်သင့်ပါသည်။ အမေရိကန်ပြည်ထောင်စုအနေ ဖြင့် အခြားနိုင်ငံငယ်များ၏ ပြုမူဆောင်ရွက်ပုံအတိုင်း ကမ္ဘာပေါ်ရှိ ညီညွတ်မျှ တ သဟဇာတဖြစ်နေခြင်းအား အနှောက်အယှက်ပေးခြင်းမျိုးဖြင့် ထွက်ပေါက်မယူသင့်ပါ။ ယခုအချိန်၌ အမေရိကန်အပါအဝင် အင်အားကြီး နိုင်ငံများကသာ နူးကလီးယားစွမ်းအင်ကို ပိုင်ဆိုင်ထားသည်မဟုတ်မူဘဲ အသေအချာ စဉ်းစားဆင်ခြင် ခြင်းကင်းပြီး မကြာခဏလက်နက်ကျူးသည့် အုပ်ချုပ်သူ ခေါင်းဆောင်များရှိနေသော အခြားနိုင်ငံငယ်များ ကလည်း အဖျက်စွမ်းအားကြီးမားသည့် လက်နက်များကို ပိုင်ဆိုင်နေကြသည်။ သို့ဖြစ်ရကား တတိယကမ္ဘာစစ် သို့ ပေါက်ကွဲစေနိုင်သည့် အဓိကရော၊ သာမညစွမ်းအင်များ ကိုပါမကျန် အစွမ်းကုန်တားမြစ်ဖို့ရာ လူကြီးမင်း အနေဖြင့် အင်ပြည့်အားပြည့်ကြိုးစားပါရန် အနူးအညွတ်မေတ္တာရပ်ခံအပ်ပါသည်။ အကယ်၍ ကျွန်ုပ်တို့ဘက်က ယင်းသို့ဆောင်ရွက်ရန် ပျက်ကွက်ခဲ့ပါမူ ဖြစ်ပေါ်လာမည့် ထိုစစ်ပွဲကြီးမှာ အာရှ၊ ဥရောပနှင့် အမေရိက တို့ရှိ ဆင်းရဲသောနိုင်ငံများကိုသာ ရိုက်ခတ်လိမ့်မဟုတ်ဘဲ ကျွန်ုပ်တို့၏ အနာဂတ်မျိုးဆက်များမှာ ကျွန်ုပ်တို့ကိုယ်တိုင် ပြုမူလိုက်သော အပြုအမူများ၏ ကြောက်လန့်ဖွယ်ရာ ဆိုးကျိုးကို ခံစားရပါမည်။ ထိုမျှသာမက ကမ္ဘာပေါ်ရှိ မည်သည့်နေရာတွင်မဆို ကိုယ်လက်အင်္ဂါ ချို့တဲ့ပြီး ပုံစံမကျဖြစ်နေသည့် ကလေးများ မွေးဖွားလာပါလိမ့်မည်။ ထိုကလေးများကား သူတို့၏ရှေ့ဆောင် ဘိုးဘွားဘီဘင်များကို ကမ္ဘာလောကကြီးအား ထိုသည့်ကြမ္မာဆိုးကြီးထဲ သို့ ဆွဲခေါ်ယူသွားခဲ့မှုအတွက် မည်သည့်အခါမှ ခွင့်လွှတ်နိုင်ကြလိမ့်မည်မဟုတ်ပါ။ ကျွန်ုပ်တို့၏ ပုဂ္ဂလိက အရေးများကို အာရုံစိုက်နေမည့်အစား ကျွနု်ပ်တို့သည် နောင်လာနောက်သားများအတွက် စဉ်စားပေးသင့်ပြီး သူတို့၏အနာဂတ် တောက်ပဖို့ရာ အထူးအင်အားစိုက်ထုတ်သင့်ပါသည်။ လူကြီးမင်းအပါအဝင် ကမ္ဘာ့ခေါင်း ဆောင်များအား တန်ခိုးတော်ရှင် ဘုရားသခင်က ဤသည့်သတင်းစကားကို နားလည်သိမြင်နိုင်စွမ်း ပေးသနား ပါစေ။

အသင်၏ စစ်မှန်လှသော
မီရ်ဇာမဆ်ရူးရ်အဟ်မဒ်
ပဉ္စမမြောက် ခလီဖတွလ် မဆီဟ်
ကမ္ဘာလုံးဆိုင်ရာ အဟ်မဒီယာမွတ်စလင်မ်အသင်းအဖွဲ့ကြီး၏ ခေါင်းဆောင်

Sunday, July 8, 2012

အမေရိကန် နိုင်ငံရေးသမားများအတွက် ဖျောင်းဖျပြောဆိုနိုင်သည့် သတင်းစကားပိုင်ရှင် အစ္စလာမ့် အဖွဲ့အစည်း။ သို့သော် (သူတို့အတွက်) ကမ္ဘာလုံးဆိုင်ရာ ရန်သူများလည်း ရှိ



ဇူလိုင်လ ၇ ရက် ၂၀၁၂ (စနေနေ့) အတွက်စီအင်အင် မျက်နှာဖုံးသတင်း



ဇူလိုင်လ ၇ ရက်၊ ၂၀၁၂
By Dan Merica, CNN
စီအင်အင် သတင်းဌာန
source: http://goo.gl/qJRtP



အဟ်မဒီယာမွတ်စလင်မ်အဖွဲ့၏ ခေါင်းဆောင် ဟာဇရသ်မီရ်ဇာမဆ်ရူးရ်အဟ်မဒ်မှ သူ၏အဖွဲ့ဝင် နောက်လိုက်များအား ဝါရှင်တန်ဒီစီ၌ တရားဟောပြောနေစဉ်

ခင်ဗျားအနေနဲ့ ကြားဖူးချင်မှ ကြားဖူးမှာပါ။ ဒါပေမယ့် ဟာဇရသ်မီရ်ဇာမဆ်ရူးရ်အအဟ်မဒ်ကတော့ ကပ္ပီတဲလ်တောင်ကုန်းက ဧည့်ခွဲပွဲမှာ သူ့ရဲ့ ဂုဏ်အသရေနဲ့ အဆင့်မြင့် ထိပ်တန်းစွမ်းအားအချို့
(serious star power) ကို ဆွဲဆောင်သွားခဲ့ပါတယ်။

The U.S. House of Representatives လို့ခေါ်တဲ့ အမေရိကန်ကွန်ဂရက်မှာ လူနည်းစုပါတီများ ကိုယ်စားတက်ရောက်ရတဲ့ ကိုယ်စားလှယ်များအစုအဝေးက ဒီမိုကရက်တစ်ခေါင်းဆောင် နန်ဆီပီလို ဆီ နဲ့ ရီပတ်ဘလင်ကန်ဖြစ်တဲ့ ဆန်.ဂျွန်ကော်နင်တို့သာမက အခြားသော ဥပဒေပြု အရာရှိအများ အပြား တို့ဟာ ပြီးခဲ့တဲ့ ရက်သတ္တပတ်က လန်ဒန်ကနေ ကြုံတောင့်ကြုံခဲ လက်ရောက် ခဲ့တဲ့ မွတ်စလင်မ် ခေါင်းဆောင် အဟ်မဒ်ကို တွေ့ဆုံခဲ့ကြပါတယ်။

အရှေ့အလယ်ပိုင်းမှာ အစ္စလာမ်မစ်အုပ်စုတွေ အာဏာရလာပြီး ကုရ်အာန်ကို အသုံးပြုနေတဲ့ အကြမ်းဖက်သမားတွေ ကိစ္စ စတာတွေကြောင့် အမေရိကန်ပြည်ထောင်စုက အစ္စလာမ်နဲ့ ပတ်သတ် တဲ့အမြင်များကို (အကောင်းဘက်ကနေ) ခက်ခက်ခဲခဲရှုမြင်နေရတဲ့ အချိန်မှာ အဟ်မဒ်ကတော့ နှစ်ဘက်စလုံးကို ဖျောင်းဖျပြောဆိုသွားခဲ့ရာမှာ သူ့အတွက် အခက်အခဲဆိုတာမျိုး မတွေ့ရပါ။ ကပ္ပတီတဲတောင်ကုန်းမှာ သူပြောသွားခဲ့သလိုပါပဲ၊ သူ့မှာ "အားလုံးအပေါ်မေတ္တာထား၊ မည်သူ့ကိုမှ အမုန်းမပွား" ဆိုတာ ရှိနေပါတယ်။

ပန်ဆီလ်ဗေးနီးယားပြည်နယ်ရဲ့ ဒီမိုကရက်တစ်အမတ်၊ ဆန်.ရောဘတ် ကေဆီရဲ့ အဟ်မဒ်နဲ့ ပတ်သတ် ပြီး မိတ်ဆက်စကားပြောစဉ် သူ့သဘောထားကို ဖော်ပြခဲ့ရာမှာ "(ဘာသာတရား အချင်း ချင်း) သည်းခံမှု၊ ငြိမ်းချမ်းစွာအတူယှဉ်တွဲနေထိုင်မှုနဲ့ ငြိမ်းချမ်းရေးဖော်ထုတ်လုပ်ဆောင်မှု" တွေမှာ သူ(အဟ်မဒ်)ရဲ့ ခေါင်းဆောင်မှုကို ချီးကျူးထောမနာသွားခဲ့ပါတယ်။

အဟ်မဒ်ကတော့ အစ္စလာမ်ကို ကျွန်တော်တို့အားလုံး စုပေါင်းလက်တွဲပြီး ရှုမြင်သုံးသပ်ကြဖို့ဆိုတာ ထက် ပိုပါတယ်။ အသက် ၆၁နှစ်ရှိနေပြီဖြစ်တဲ့ အဟ်မဒီယာမွတ်စလင်မ်အဖွဲ့ရဲ့ ကမ္ဘာလုံးဆိုင်ရာ ဝိညာဉ်ရေးရာခေါင်းဆောင်ကတော့ မိမိရဲ့ အနောက်နိုင်ငံများအပေါ် ထားရှိတဲ့မိတ်သင်္ဂဟဖြစ်မှု သဘောထား များနဲ့  အခြားမွတ်စလင်မ်နိုင်ငံတွေကို ဝေဖန်မှုတွေကြောင့် အမေရိကန်အစိုးရရဲ့ အမြင့်ဆုံး မဟာမိတ်အဆင့်ကို ရရှိထားခဲ့ပါတယ်။ ဒါပေမယ့် ဒီအဖွဲ့အစည်းကတော့ ကမ္ဘာ့အခြား နေရာတွေမှာ အသက်အန္တရာယ်အထိ ရန်လိုခြိမ်းခြောက်မှုတွေနဲ့ ရင်ဆိုင်နေရတာပါ။

တခြားမွတ်စလင်မ်တွေနဲ့ မတူတာက အဟ်မဒီတွေဟာ ၁၉ ရာစုလောက်က သူတို့အဖွဲ့ကို စတင် တည်ထောင်သူနဲ့ပတ်သတ်ပြီး သူဟာ ဒုတိယမ္ပိပြန်လာဖို့ရှိတဲ့ ယေရှုခရစ်တော်ပဲဖြစ်ကြောင်း ယုံကြည်ကြတာပါပဲ။

စွန္နီနဲ့ ရှီယိုက်တွေရဲ့ ယုံကြည်ချက်အရတော့ အဟ်မဒီမွတ်စလင်မ်တွေကို မွတ်စလင်မ်အစစ်အမှန် အဖြစ် မယူဆကြပါ။ အီဂျစ်မှာတော့ အဟ်မဒီဆိုရင် သာသနာအား အလွဲသုံးစားပြုလုပ်မှုနဲ့ တရားဆွဲ ဆိုနိုင်သလို၊ ဆော်ဒီကတော့ ပြည်နှင်ဒဏ်ပေးပါတယ်။ ပါကစ္စတန်ကတော့ ဥပဒေထုတ်ပြန်ကာ အဟ်မဒီတွေ မွတ်စလင်မ်မဟုတ်ကြောင်း ပြဌာန်းကြေညာထားပါတယ်။

ကမ္ဘာလုံးဆိုင်ရာ ညှဉ်းပမ်းနှိပ်စက်မှု

ဝါရှင်တန်နဲ့ ဘော်ဒါချင်းကပ်နေတဲ့ ဆီးဗားလ်စပရင်း၊ မေရီလန့်ဒ်က ဗလီတစ်လုံးရဲ့ အတွင်းမှာ တော့ ပြီးခဲ့တဲ့ သောကြာနေ့မှာ ပူပြင်းလောင်ကျွမ်းနေတဲ့ ရာသီဥတုကို အံတုကာ လူထူအုပ်စုကြီးက ငြိမ်သက်စိတ်ငြိမ်၊ သည်းခံစွာ ထိုင်လျက်စောင့်စားနေကြပါတယ်။ ပူးပြင်းသွေ့ခြောက်မှုက အရာ မထင်ဘဲ အဲဒီနေရာမှာ ရှိနေရတာကို သူတို့က ပျော်ရွှင်နေကြပုံပါ။ သူတို့ကိုယ်ပိုင်ယုံကြည်ချက် ဘာသာတရားရဲ့ ခေါင်းဆောင်ကို တွေ့ဆုံဖို့ အခွင့်အရေးကလေးတစ်ခုကို စောင့်စားနေကြတာပါ။

နိုင်ငံတကာ အဟ်မဒီယာမွတ်စလင်မ်အဖွဲ့ကြီးရဲ့ ခေါင်းဆောင် ဟာဇရသ်မီရ်ဇာမဆ်ရူးရ်အဟ်မဒ်က တော့ အဖွဲ့ရဲ့ ပဉ္စမြောက်ခလီဖာဖြစ်ပါတယ်။ သူတို့အဖွဲ့ကတော့ အဖွဲ့ဝင်မီလီယံပေါင်း မြောက်မြား စွာ ရှိတယ်လို့ဆိုပေမယ့် တခြားကျွမ်းကျင်သူတွေကတော့ မီလီယံအနည်းငယ်သာဖြစ်တယ်လို့ ဆိုကြပါတယ်။

အစ္စလာမ်သာသနာရဲ့ အမှန်တကယ်အရည်အတွက်နဲ့ယှဉ်ရင်တော့ အဟ်မဒ်နဲ့ သူ့နောက်လိုက် များက အဖွဲ့ဝင်တစ်ဘီလီယံလောက်သာရှိတဲ့ အဖွဲ့ငယ်ကလေးပဲဖြစ်ပါတယ်။

ဆီးဗားလ်စပရင်းဗလီမှာ ပြုလုပ်ခဲ့တဲ့အင်တာဗျူးမှာ အဟ်မဒ်က "အဟ်မဒီယာမွတ်စလင်မ်အဖွဲ့ အတွက်တော့ ဒီအချိန်ဟာ အစ္စလာမ့်ပုံရိပ်အစစ်အမှန်ကို ဖော်ထုတ်ရမယ့်အချိန်ပါ" လို့ ဖြေကြား ခဲ့ပါတယ်။ "ကျွန်တော်ကတော့ ငြိမ်းချမ်းရေးအကြောင်း အမြဲတင်ပြနေမှာပါ။ ငြိမ်းချမ်းရေးဆိုတာ ကျွန်တော့်ကိုယ်ပိုင်တင်ပြချက်မဟုတ်သလို ဖန်တီးထားတဲ့ သွန်သင်ချက်အသစ်လည်း မဟုတ်ပါဘူး၊ ကျမ်းမြတ်ကုရ်အာန်က ကျွန်တော်ရရှိစုဆောင်းထားတဲ့ အစစ်အမှန်သွန်သင်ချက်ပါ" လို့ အဟ်မဒ်က ရှင်းလင်းပြောပြခဲ့ပါတယ်။


 ဒါကို ဂရုဓမ္မပြုပြီး အမေရိကန်နိုင်ငံ၊ အဟ်မဒီယာမွတ်စလင်မ်အဖွဲ့ရဲ့ ဥက္ကဌဖြစ်သူ၊ အဟ်စနုလ္လာဟ် ဇဖရ် က ဂျီဟဒ်ဆိုတာ မိမိကိုယ်ပိုင် ဝိညာဉ်ရေးရာမကောင်းမှုများကို ဆန့်ကျင်ကြိုးပမ်းခြင်းသာ ဖြစ်တယ်၊ ဝိညာဉ် ရေးရာ ပုဂ္ဂလတိုးတက်ဖြစ်ထွန်းဖို့ ကြိုးပမ်းခြင်းလို့ ဆိုပါတယ်။ ဂျီဟဒ်ဆိုတဲ့စကား လုံးကိုတော့ လူးလွန့် ကြိုးပမ်းခြင်း ဒါမှမဟုတ် စစ်ပွဲလို့ မကြာခဏ ဘာသာပြန်ဆိုတတ်ကြပါတယ်။

"ကျွန်တော်တို့ ဒီအကြောင်းကို တော်တော်များများပြောဖြစ်ခဲ့ပါတယ်။ ဘုရားဝတ်ပြုခြင်းထက် သာပြီးအရေးကြီးတာက မိမိတို့ကိုယ်ကို လူသားတစ်ယောက်အနေနဲ့ ဘယ်လိုပြုမူနေထိုင်ကျင့်ကြံ သွားမလဲဆိုတာပါ။ ရုပ်ပိုင်းဆိုင်ရာ တိုက်ခိုက်ခြင်းဆိုတာကနေ ဘာမှဖြစ်လာမှာမှမဟုတ်ဘဲ။ စေ့စပ်ဆွေးနွေးခြင်းတွေနဲ့ တိုးတက်ဖြစ်ထွန်းရေးဆိုင်ရာ နည်းနာတွေကသာ တခြားအဆင့်မြင့် နေရာတစ်ခုကို ဦးဆောင်ပေးသွားနိုင်တာပါ။" လို့ ဇဖရ်ကို ဆိုပါတယ်။

အဟ်မဒီယာမွတ်စလင်မ်အဖွဲ့တစ်ခုတည်းသာလျှင် မီရ်ဇာဂူလာမ်အဟ်မဒ်အားဖြင့် (ယေရှုခရစ်) ဒုတိယမ္ပိပြန်လာခြင်းဖြစ်တယ်ဆိုတာကို ယုံကြည်ကြတာပါ။ အဖွဲ့ကို ၁၈၈၉ မှာ တည်ထောင်ခဲ့ပြီး မီရ်ဇာဂူလာမ်အဟ်မဒ်ဟာ ဘာသာရေးဆိုင်ရာ အနှောင့်အယှက်အဖျက်အဆီးတွေ အရမ်းကို များပြားနေတဲ့အချိန်မှာ အသက်ရှင်နေထိုင်ခဲ့တယ်လို့ အမေရိကန်တက္ကသိုလ်၊ အစ္စလာမ့်ရေးရာ သင်ကြားရေးဌာနရဲ့ ဌာနမှူး အက္ကဘဲရ်အဟ်မဒ်က ဆိုပါတယ်။

"အိန္ဒိယမှာ မီရ်ဇာဂူလာမ်အဟ်မဒ်က သူ့ဆီမှာ အစ္စလာမ်နဲ့ပတ်သတ်ပြီး (မူရင်းအစစ်အမှန်အတိုင်း) ပြန်လည်ဆန်းသစ်ဖို့ သတင်းစကားရှိတယ်လို့ ဟောပြောခဲ့ပါတယ်။ တဖြည်းဖြည်းနဲ့ အရှိန်ရလာခဲ့ ပြီး ဒါဟာ ဝိညာဉ်ရေးဆိုင်ရာ သစ်လွင်သောအစ္စလာမ့်သာသနာလည်း ဖြစ်ပါတယ်။" လို့ အက္ကဘဲရ်အဟ်မဒ်က ဆိုပါတယ်။

ဒါ့ပြင် အဟ်မဒီများဟာ ပါကစ္စတန်မှာတော့ ပညာရှင်ကြီးတွေနဲ့ အထူးထင်ရှားကျော်စောသူတွေဖြစ် တယ်လို့လည်း အက္ကဘဲရ်အဟ်မဒ်က သုံးသပ်ပြောဆိုသွားခဲ့ပါတယ်။

ဒါပေမယ့် ၁၉၇၀ ပြည့်လွန်နှစ်တွေမှာတော့ ပါကစ္စတန်က နိုင်ငံရေးပါတီတစ်ခုဖြစ်တဲ့ ဂျမာအသ္သီ အစ္စလာမ်မီက ပါကစ္စတန်နိုင်ငံမှာ အစ္စလာမ့်နဲ့ပတ်သတ်ပြီး မိရိုးဖလာအမြင်ဘက် စတင်တွန်းပို့ ခဲ့တာကြောင့် အဟ်မဒီတွေကိုလည်း (သူတို့ကိုယ်ပိုင် အစ္စလာမ့်အဝန်းအဝိုင်း အပြင်ဘက်) လွှင့်ပစ်ခဲ့ကြပါတယ်။

ဂျမာအသ္သီအစ္စလာမ်မီက အဟ်မဒီတွေဟာ တမန်တော်မုဟမ္မဒ်ရဲ့ နောက်ဆုံးတမန်တော်ဖြစ်ခြင်းဆို တဲ့ အစ္စလာမ့်သော့ချက်ဓမ္မကို အယုံအကြည်မရှိသူများဖြစ်တယ်လို့ ဆိုပါတယ်။

"ဒါက​တော့ အဟ်မဒီတွေအတွက် ထင်ရှားတဲ့အမှန်တရားတစ်ခုကို အငြင်းခံလိုက်ရတာမျိုးပါ။ အဟ်မဒီတွေက တမန်တော်အမျိုးအစား နှစ်မျိုးရှိတယ်လို့ ဆိုပါတယ်။ တမျိုးက ဥပဒေပြုကျမ်းစာရ တမန်တော်ပါ။ နောက်တစ်မျိုးကတော့ သတင်းစကားကို သယ်ဆောင်လာပေမယ့် ဥပဒေအသစ် တင်ပြတဲ့ ကျမ်းစာကို ဆောင်ယူမလာတဲ့ တမန်တော်ပါ။" ဟု အမေရိကန်တက္ကသိုလ်ရဲ့ အက္ကဘဲရ် အဟ်မဒ်က ရှင်းပြခဲ့ပါတယ်။

ပါကစ္စတန်မှာ အခြေအနေတွေဆိုးဝါးလာခဲ့တော့ အဟ်မဒီတော်တော်များများဟာ နိုင်ငံကို စွန့်ခွာခဲ့ကြရပါတယ်။ တချို့ကတော့ သာသနာရေးဆိုင်ရာ ဒုက္ခသည်တွေအနေနဲ့ပါ။ အခုအချိန်မှာ တော့ ဂျာမနီ၊ အင်္ဂလန်၊ ဂါနာ၊ ကနေဒါနဲ့ အမေရိကန်တို့မှာ အဟ်မဒီအများအပြား နေထိုင်ကြပြီး အဟ်မဒီဦးရေပေါင်း မီလီယံပေါင်းမြောက်မြားစွာရှိတယ်လို့လည်း ဆိုကြပါတယ်။

ဒါပေမယ့် အဟ်မဒီတွေအတွက် ညှဉ်းပမ်းနှိပ်စက်မှုကတော့ ဆက်လက်ရှိနေဆဲပါ။

၂၀၁၀တုန်းက ပါကစ္စတန်နိုင်ငံ လာဟိုရ်မြို့က အဟ်မဒီဗလီနှစ်လုံးမှာ လူဦးရေ ၁၀၀ လောက်ဟာ အေကေ ၄၇ နဲ့ လက်ပစ်ဗုံးတွေကိုင်ထားတဲ့ တိုက်ခိုက်သူတွေကြောင့် သေပွဲဝင်ခဲ့ရပါသေးတယ်။

၂၀၁၂ ခုနှစ်က၊ အမေရိကန်အစိုးရထုတ်ပြန်တဲ့ သာသနာရေးလွတ်လပ်ခွင့်အစီရင်ခံစာမှာတော့ အဟ်မဒီများအတွက် စိုးရိမ်ပူပန်မှုဟာ ရှေ့တန်းအချက်အချာက ပါဝင်ခဲ့ပါတယ်။

"ပါကစ္စတန်မှ ဘာသာရေးအဖွဲ့ငယ်များ၌ အဟ်မဒီများသည် တရားဝင်ဥပဒေအရ အပြင်းထန်ဆုံး ကန့်သတ်ထိန်းချုပ်မှုခံနေရသည့်အဖွဲ့ဖြစ်ပြီး တရားဝင် ပိတ်ဆို့ခွဲခြားခြင်းလည်း ခံထားရသည်။" ဟု အစီရင်ခံစာက တင်ပြပါတယ်။ အဲဒီအစီရင်ခံစာကပဲ အင်ဒိုနီးရှားက အဟ်မဒီမွတ်စလင်မ်များကို ညှဉ်းပမ်းနှိပ်စက်မှုများအကြောင်းလည်းတင်ပြထားပြီး အဟ်မဒီဗလီပေါင်း အနည်းဆုံး ၅၀ ဟာ ဖျက်ဆီးခြင်းခံရကြောင်း ဆိုပါတယ်။

အစ္စလာမ့်နဲ့ပတ်သတ်တဲ့ ထင်ရှားသောအမြင်

ကမ္ဘာ့အနှံ့က အဟ်မဒီများကို ခက်ထန်တဲ့ဆက်ဆံမှုတွေကြောင့် အမေရိကန်နေ အဟ်မဒီများဟာ မိမိတို့ဘ၀အတွက် နက်ရှိုင်းတဲ့ (အမေရိကန်၏ ဘာသာရေးလွတ်လပ်ခွင့်ကို) တန်ဖိုးထားမှုမျိုး ရှိနေပါတယ်။



"အမေရိကမှာတော့ ဒီလိုသေးငယ်တဲ့ ဘာသာရေးအဖွဲ့ကလေးတွေ ပျံ့နှံ့နေပါတယ်။ သူတို့က အမေရိကမှာ ရှိနေရတာကို ချစ်ခင်မြတ်နိုးကြပါတယ်။ သူတို့ကတော့ ရာနှိုင်းပြည့်မွတ်စလင်မ်များ ဖြစ်သလို ရာနှုန်းပြည့် အမေရိကန်နိုင်ငံသားများလည်း ဖြစ်ပါတယ်။" လို့ အက္ကဘဲရ် အဟ်မဒ်က ဆိုပါတယ်။

ပြီးခဲ့တဲ့အပတ်က ဟဲရစ္စဘတ်၊ ပန်ဆီလ်ဗေးနီးယားမှာ အဟ်မဒီများရဲ့ လက်ရှိခေါင်းဆောင် အဟ်မဒ် ဦးဆောင်ကျင်းပတဲ့ အမေရိကန်အဟ်မဒီမွတ်စလင်မ်အဖွဲ့ရဲ့ နှစ်ပတ်လည်ညီလာခံမှာ တက်ရောက် သူပေါင်း ၁ သောင်းရှိခဲ့ပါတယ်။

"ကျွန်တော် ဘယ်နေရာပဲသွားသွား၊ ကျွန်တော့်မှာ ကျွန်တော့်အဖွင့်ဝင်များနဲ့ တွေ့ဆုံဖို့ဆိုတဲ့ ရည်ရွယ် ချက်တစ်ခုတည်းပဲရှိပါတယ်။" လို့ အဟ်မဒ်က ပြောပြခဲ့ပါတယ်။

ဒါပေမယ့် သူ(အဟ်မဒ်)က အမေရိကကို နိုင်ငံရေးသမားတွေ၊ ဂျာနယ်လစ်တွေနဲ့လည်း တွေ့ဆုံဖို့ ရောက်ရှိလာခဲ့တာပါ။  စက်တင်ဘာ ၁၁ ပြီးကတည်းက အမေရိကန် မွတ်စလင်မ်များရဲ့ စိစစ်ရေးနဲ့ ပတ်သတ်ပြီး ယုံကြည်ချက်ရေးရာ၊ အမေးအဖြေတွေဆွေးနွေးဖို့ အဟ်မဒီတွေအတွက်ကတော့ အခွင့်အရေးတစ်ခုအဖြစ် ရှိနေခဲ့တာပါ။

ပြီးခဲ့တဲ့နှစ်က နယူးရောက်မြို့ ကွန်ဂရက်ရဲ့ ရီပတ်ဘလီကန်ကိုယ်စားလှယ် ပီတာကင်းဦးဆောင်တဲ့ အမေရိကန်နိုင်ငံတွင်း မွတ်စလင်မ်များရဲ့ အခြေခံအချက်အလက်များအပေါ် ကွန်ဂရက်ဆိုင်ရာ ကြားနာခြင်းကို ဖိအားပေးသွားဖို့အတွက် အဟ်မဒီမွတ်စလင်မ်အများအပြားဟာ ထောက်ခံခဲ့ကြပါ တယ်။ တခြားမွတ်စလင်မ်အုပ်စုတွေကတော့ ဒီလုပ်ရပ်ကို အန္တီမွတ်စလင်မ်လုပ်ရပ်လို့ ရှုမြင်ခဲ့ ကြတာပါ။

"ဒီကွန်ဂရက်ကြားနာမှုက နိုင်ငံတွင်းလုံခြုံရေးကို တိုးတက်ဖြစ်ထွန်းနိုင်မယ်၊ အစ္စလာမ်သာသနာကို အကျိုးဖြစ်ထွန်းစေမယ်လို့ အစိုးရကသုံးသပ်ရင် ကျွန်တော်ဘက်က ပူးပေါင်းဆောင်ရွက်သွားဖို့ အာမခံပါတယ်။ ကျွန်တော်ကတော့ ပိုပြီးလုံခြုံတဲ့ အမေရိကကို ရည်ရွယ်ပါတယ်။" လို့ နယူးယောက်တိုင်းမ်စ်၊ အယ်ဒီတာထံပေးစာကဏ္ဍမှာ အဟ်မဒီလူငယ်များအစီအစဉ်၊ အမေရိကန်ရဲ့ ဒါရိုက်တာဖြစ်သူ (ဒေါက်တာ) ကာဆိဖ် အင်.ချောင်ဒရီက ရေးသားခဲ့ပါတယ်။

ချောင်ဒရီကတော့ အဟ်မဒီမွတ်စလင်မ်တွေထဲက (ဒီအကြောင်းကို) ထုတ်ဖော်ပြသခဲ့တဲ့ တစ်ဦး တည်းသော (အဟ်မဒီမွတ်စလင်မ်) ပါ။

"ခင်ဗျားအနေနဲ့ အခြားလူထုနဲ့အတူ ရှိနေရပါလိမ့်မယ်။ ခင်ဗျားရဲ့ အထင်အမြင်တွေကို ဒီလို စကားပြောခန်းတွေ၊ ဆွေးနွေးခန်းတွေမှာ ချပြရပါလိမ့်မယ်။ ဒါမှလည်း သစ်လွင်တဲ့အချင်းအရာ တွေ ဖြစ်ထွန်းလာမှာပါ။ ဒါက မျိုးစေ့ကြဲပြီး ရေလောင်းတဲ့သဘောပါ။ တိုးတက်ဖြစ်ထွန်းချင်ရင် တော့ ခင်ဗျားမှာရေနဲ့မျိုးစေ့ လိုအပ်မှာပေါ့။ " ဟု အမေရိကန်အဟ်မဒီမွတ်စလင်မ်အဖွဲ့ရဲ့ ဥက္ကဌ ဇဖရ်က ဆိုပါတယ်။

"အမေရိကန်ပြည်ထောင်စုနေ ပြည်သူများနဲ့အတူ လျှောက်လှမ်းဖို့ရာ လိုအပ်ပါတယ်။ ဒါကို ကျွန်တော်တို့လုပ်ဆောင်ရမှာပါ။ ဒီလိုလုပ်ဆောင်မှုကနေ ဘယ်လိုဖူးပွင့်လာမလဲဆိုတာ ကြည့်ရှု ရမှာပါ" လို့ သူက ဖြည့်စွက်ပြောကြားပါတယ်။

အဟ်မဒီများနဲ့ အခြားမွတ်စလင်မ်အဖွဲ့တွေ ဘယ်လိုကွဲပြားသလဲဆိုတာက အဟ်မဒီခေါင်းဆောင် အနေနဲ့ အစွန်းရောက်များနဲ့ပတ်သတ်ပြီး ဘယ်လိုထင်ထင်ရှားရှား (မှတ်ချက်ပြု) တယ်ဆိုတာ ပေါ်မှာလည်း တည်မှီနေပါတယ်။

"ယနေ့ကာလမှာတော့ အစ္စလာမ်က ပြစ်မှတ်ဖြစ်နေပါတယ်။ ဘာကြောင့်လဲဆိုရင် ဒီလို အစ္စလာမ့် အစစ်အမှန်သွန်သင်ချက်ကို လိုက်နာနေတာမဟုတ်တဲ့ မိမိတို့ကိုယ်ကို မွတ်စလင်မ်တွေပါလို့ ကြွေးကြော်နေတဲ့ (အမည်ခံ) အုပ်စုများကြောင့်ပါပဲ။ ဒီလိုလူများက (တင်ပြပြောဆိုနေတဲ့) မွတ်စလင့်ပင်မအရင်းအမြစ်ဆိုတာမျိုးကသာ အစ္စလာမ်လို့ ဆိုရင်တော့၊ အစ္စလာမ်ကို ဖြန့်ချိဖို့ အခွင့်အလမ်းတောင်ရှိမှာမဟုတ်ဘူးလို့ ကျွန်တော်ထင်ပါတယ်။ " လို့ ဇဖရ်က သူထင်မြင်တဲ့ အခြေခံဝါဒီမွတ်စလင်မ်များအကြောင်းကို ပြောပြခဲ့ပါတယ်။

ဒီလိုမှတ်ချက်ပေးခဲ့တဲ့အထဲမှာ စည်းအပြင်က လူတွေကို အမည်ခံမွတ်စလင်မ်လို့ သုံးစွဲလိုက်တာ ကြောင့် အဟ်မဒီများအား တခြားမွတ်စလင်မ်တွေက ခင်မင်နှစ်လိုကြတော့မှာ မဟုတ်ပါ။ စွန္နီနဲ့ ရှီးယိုက်မွတ်စလင်ခေါင်းဆောင်အုပ်စုတွေကတော့ အဟ်မဒီတွေနဲ့ပတ်သတ်ပြီး စကားလေးတောင် ဟဖို့ ဆန္ဒရှိမနေကြပါဘူး။

စီအင်အင်သတင်းဌာနက အမေရိကန်ပြည်ထောင်စုရဲ့ အဓိကအစ္စလာမ်အဖွဲ့ကြီးများဖြစ်တဲ့ အမေရိကန်-အစ္စလာမစ် အဆက်အဆံကောင်စီနဲ့ မြောက်အမေရိက အစ္စလာမ်မစ် အဖွဲ့အစည်း တို့ကို (အဟ်မဒီများနဲ့ပတ်သတ်လို့) ဆက်သွယ်မေးမြန်းတဲ့အခါ နှစ်ဖွဲ့စလုံးက မှတ်ချက်ကလေး ပေးဖို့ တောင်းဆိုတာတောင် တုန့်ပြန်ခဲ့ခြင်းမရှိခဲ့ကြပါ။

အမေရိကအတွင်းက အနာဂတ်

အမေရိကန်ရဲ့ အဟ်မဒီမွတ်စလင်မ်ခေါင်းဆောင်ဇဖရ်ကတော့ သူ့အုပ်စုဟာ တိုးတက်လာဖို့ မြင်တယ်လို့ ဆိုပါတယ်။

အဟ်မဒီအုပ်စုမှာ မီဒီယာအဖွဲ့ရှိပြီး မွတ်စလင်မ် တယ်လီဗွီးရှင်း အဟ်မဒီယာလို့ အမည်ပေးထားတဲ့ ၂၄နာရီ ဂြိုဟ်တုရုပ်မြင်သံကြားအစီအစဉ်ထုတ်လွှင့်တဲ့ ချယ်နယ်လ်လည်းရှိပါတယ်။

ချယ်နယ်လ်ရဲ့ ကနဦးရည်ရွယ်ချက်က ခလီဖာရဲ့မိန့်ခွန်းတွေကို ထုတ်လွှင့်ဖို့ပါ။ ဒါပေမယ့် အခြား အစီအစဉ်တွေကိုလည်း ဘာသာစကားအမျိုးမျိုးနဲ့ ထုတ်လွှင့်နေပါတယ်။ ဆီလ်ဗားစပရင်းဗလီ ဘေးမှာတော့ ဂြိုဟ်တုစလောင်းအကြီးကြီးတွေဝန်းရံနေပြီး အဲဒီကနေတဆင့် ကမ္ဘာတဝန်းလုံးကို ရုပ်မြင်သံကြားလှိုင်းတွေ ဖြန့်ဝေနေတာပါ။

ဒီ အမ်တီအေရုပ်မြင်သံကြားအစီအစဉ်အပြင် အဟ်မဒီတွေဟာ အစ္စလာမ်နိုင်ငံတကာပုံနှိပ် ထုတ်ဝေရေး (Islam International Publications) ကိုလည်း ပုံနှိပ်ထုတ်ဝေ​ရေးလုပ်ငန်းများ ဆောင်ရွက်နိုင်ဖို့ အကောင်အထည်ဖော်ထားခဲ့ပါသေးတယ်။

အဟ်မဒီအများစုကတော့ မီဒီယာမှာ ဖော်ပြနေတဲ့ အစ္စလာမ်ရဲ့ ပုံပျက်ပန်းပျက်အသွင်အပြင်နဲ့ ပတ်သတ်ပြီး စိတ်သောကထားရှိကြပါတယ်။ သူတို့က အဲဒီမီဒီယာတွေကို အခြေခံဝါဒီမွတ်စလင်မ် တွေကိုသာ အထူးအာရုံထားပြီး ငြိမ်းချမ်းရေးဖော်ထုတ်လုပ်ဆောင်တဲ့ မွတ်စလင်မ်တွေကို လုံလောက်တဲ့ အာရုံထားမှုမလုပ်ကြဘူးလို့ ဆိုပါတယ်။

"အခု အစ္စလာမ့်ပုံရိပ်တစ်ခုရှိနေပါတယ်။ မွတ်စလင်မ်တွေအတွက် အမေရိကမှာ အဓိကစိန်ခေါ်မှုက ပုံနှိပ်လုပ်ငန်းများ(သတင်းစာများ)မှာ အရမ်းကို ပေါ်ပြူလာဖြစ်နေတဲ့ အစွန်းရောက်အပြုအမူ ပုံရိပ်တွေကနေ လွတ်မြောက်ဖို့ပါပဲ။" ဟု ဇဖရ်ကို ဆိုပါတယ်။

အမေရိကန်တက္ကသိုလ်က အက္ကဘဲရ်အဟ်မဒ်ကတော့ အဟ်မဒီတွေရဲ့အနာဂတ်ဟာ အနောက်နိုင်ငံ များနဲ့ အစ္စလာမ်အကြား ပေါင်းကူးတံတားလို့ မြင်ပါတယ်။

" အမေရိကဘက်မှာ အဟ်မဒီများက အစ္စလာမ်အတွက် အပေါင်းလက္ခဏာဆောင်တဲ့ တံတားသဖွယ် ပြုမူနေကြပြီး ဒါကလည်း အမေရိကအတွက် လတ်တလောလိုအပ်နေတဲ့အချက်ပါ။ မွတ်စလင်မ်တွေ အတွက်ကတော့ ဒီ(အဟ်မဒီမဟုတ်တဲ့)မွတ်စလင်မ်အုပ်စုကြီးနဲ့ ပတ်သတ်ဆက်နွယ်နေမယ်ဆိုရင်၊ ကမ္ဘာကြီးကို အစ္စလာမ်နဲ့ ဆက်သွယ်ပေးဖို့ (အတွက်ဆိုပေမယ့်) ကမ္ဘာကြီးကနေ သီးသီးသန့်သန့်နဲ့ အထီးကျန်ဖြစ်သွားနိုင်တဲ့ အငြင်းပွားဖွယ် အလုပ်တွေသာ ဆက်လက်ပြီး လုပ်ဆောင်နိုင်ဖို့ အခွင့်ပဲ ရှိမှာပါ။ " လို့ အက္ကဘဲရ်အဟ်မဒ်က ဆိုပါတယ်။

အခုအချိန်မှာတော့ အဟ်မဒီမွတ်စလင်မ်များဟာ ကမ္ဘာနှစ်ခုကြားက ပိတ်မိနေတဲ့အုပ်စုပါ။

Tuesday, July 3, 2012

ကမ္ဘာလုံးဆိုင်ရာ မွတ်စလင်မ်ခေါင်းဆောင်မှ ယဉ်ကျေးသိမ်မွေ့မှုနှင့် ဝိညာဉ်ရေးရာများနှင့် စပ်လျဉ်း၍ ဟောပြောတင်ပြ


ဇွန်လ ၃၀ ရက်၊ ၂၀၁၂


အဟ်မဒီယာမွတ်စလင်မ်များ၏ ဥသျှောင်မှ ဇွန်လ ၃၀ ရက်၊ စနေနေ့က အမေရိကန်နိုင်ငံ ဟဲရစ္စဘတ် တွင်ကျင်းပသည့် နိုင်ငံလုံးဆိုင်ရာနှစ်ပတ်လည်ညီလာခံတွင် တက်ရောက်လာကြသည့် အမျိုးသမီး ၅ထောင်ကျော်အား မိန့်ခွန်းပြောကြားခဲ့သည်။ မိန့်ခွန်းတွင် အမျိုးသမီးများအား မိမိတို့၏လူနေမှု ဘ၀ ပုံစံ၌ သင့်တင့်မျှတသိမ်မွေ့မှုရှိရန်၊ ကလေးသူငယ်များအား ဝိညာဉ်ပိုင်းဆိုင်ရာ လမ်းညွှန်မှုပေးရန် နှင့် ကုရ်အာန်ကျမ်းတော်အတိုင်း လိုက်နာဆောင်ရွက်ရန် မှာကြားထားသည်။


လန်ဒန်မြို့မှ ရောက်ရှိလာသည့် အဟ်မဒီယာမွတ်စလင်မ်အဖွဲ့၏ ခေါင်းဆောင် သခင်ကြီးမီရ်ဇာမဆ်ရူးရ်အဟ်မဒ်မှ အမျိုးသမီးများအား သီးသန့်ခန်းမဆောင်တွင် မိန့်ခွန်းဟောပြောတင်ပြနေစဉ်တွင် အမျိုးသားများဘက်မှ တီဗွီရုပ်မြင်သံကြားဖြင့် တိုက်ရိုက်ကြည့်ရှုနေပုံ။ (Photo Courtesy - PAUL CHAPLIN, The Patriot-News)

သခင်ကြီး မီရ်ဇာမဆ်ရူးအဟ်မဒ်မှာ ကမ္ဘာပေါ်တွင် အဖွဲ့ဝင်ဦးရေအများဆုံး အစ္စလာမ်သာသနာအဖွဲ့ အစည်းတစ်ခု၏ အစ္စလာမ့်ခလီဖာသို့မဟုတ် ခေါင်းဆောင်ဖြစ်သည်။ သခင်ကြီးက အမျိုးသမီးများအား မိန့်ခွန်းပြောကြားအပြီးတွင် အဟ်မဒီမွတ်စလင်မ်များ၏ အမေရိကန်ပြည်ထောင်စု၊ Farm Show Complex တွင်ကျင်းပသည့်  ၆၄ ကြိမ်မြောက် နှစ်ပတ်လည်ညီလာခံ၌ တက်ရောက်လာကြသော အမျိုး သားဦးရေ ၇ ထောင်ခန့်ကိုလည်း မိန့်ခွန်းပြောကြားခဲ့သည်။ ထိုညီလာခံကို သောကြာနေ့က စတင်ခဲ့ပြီး တနင်္ဂနွေနေ့တွင် ပြီးဆုံးမည်ဖြစ်သည်။

အစ္စလာမ့်ခလီဖာမှ ယဉ်ကျေးသိမ်မွေ့ခြင်း၏ အရေးပါပုံကို အဓိကထားပြောကြားခဲ့ပြီး စိတ်ပိုင်းဆိုင်ရာ နှင့် အပြုအမူပိုင်းဆိုင်ရာတွင် အလ္လာဟ်အရှင်မြတ်နှင့်ဆန့်ကျင်သည့် မကောင်းမှုပေါက်ပွားစေနိုင်သော မည်သည့်ယဉ်ကျေးမှုမဆို အမျိုးသမီးများအား သက်ရောက်စေနိုင်ကြောင်းဖြင့် သတိပေးပြောကြားခဲ့ သည်။

သခင်ကြီးက "ယဉ်ကျေးသိမ်မွေ့မှုက သက်ဝင်ယုံကြည်မှုရဲ့ အစိတ်အပိုင်းပါပဲ၊ ခင်ဗျားတို့ရဲ့ ခြုံလွှာတွေ နဲ့ သာသနာရေးဆိုင်ရာ ဝတ်စားဆင်ယင်မှုတွေကတော့ ကျက်သရေ မင်္ဂလာရှိမှုရဲ့ အစိတ်အပိုင်းများ ဖြစ်ပါတယ်။" ဟု မြွက်ကြားခဲ့သည်။

မူရင်းသတင်း - http://goo.gl/cs8MP

ဓာတ်ပုံများကြည့်ရန် - http://goo.gl/6yFuj

Monday, July 2, 2012

ဟာဇရသ်မီရ်ဇာမဆ်ရူးရ်အဟ်မဒ်၊ အဟ်မဒီမွတ်စလင်မ်များ၏ ဝိညာဉ်ရေးရာခေါင်းဆောင်မှ အမေရိကန်ကွန်ဂရက်အား မိန့်ခွန်းပြောကြား



Religion News Service
By Lauren Markoe
၂၈ရက်၊ ဇွန်လ၊ ၂၀၁၂

ဝါရှင်တန် (RNS) : အဟ်မဒီမွတ်စလင်မ်တွေကတော့ ကမ္ဘာ့နေရာအနှံ့အပြားမှာ ဖိနှိပ်ညှဉ်းပမ်းခံနေ ရပါ တယ်။ ဒါပေမယ့် အမေရိကန်နိုင်ငံ ကတ္ပီတဲလ်တောင်ကုန်းမှာတော့ သူတို့အတွက် မိတ်ကောင်း ဆွေကောင်းတွေ ရှိနေပါတယ်။


အမေရိကန် လွှတ်တော်မှ အရေအတွက်နည်းပါးသော လူမျိုးစုများရဲ့ ခေါင်းဆောင်ဖြစ်တဲ့ နန်ဆီပီလို ဆီ နဲ့ ဒီကာလိဖ်တို့အပါအဝင် လွှတ်တော်ကပဲ လုပ်ဖော်ကိုင်ဖက်စုစုပေါင်း ၂၀ ကျော်အပါအဝင် ဆီးနိတ်အမတ်အနည်းဆုံး ၁ ယောက်တက်ရောက်ခဲ့တဲ့ အဲဒီအခမ်းအနားကို ဇွန်လ ၂၇ ရက်နေ့က ကျင်းပခဲ့တာပါ။ အဟ်မဒီများရဲ့ ဝိညာဉ်ရေးရာခေါင်းဆောင် ဟာဇရသ်မီရ်ဇာ မဆ်ရူးရ်အဟ်မဒ်ရဲ့ ကွန်ဂ ရက်ကို ပထမဆုံးအကြိမ် အလည်အပတ်ရောက်ရှိလာတဲ့အတွက် တည်ခင်းဧည့်ခံတဲ့ အခမ်းအနား လည်း ဖြစ်ပါတယ်။

အဟ်မဒီတွေကတော့ ပြင်းထန်တဲ့ ညှင်းပမ်းနှိပ်ကွပ်မှုတွေ ခံနေရတယ်တို့ ပီလိုဆီက ပြောပါတယ်။ ဒါပေမယ့် သူတို့က ခါးသီးမှု ဒါမှမဟုတ် ခက်ထန်မှုတွေနဲ့ တုန့်ပြန်ဖို့ ငြင်းဆန်ခဲ့တယ်လို့ သူမက ဆိုပါတယ်။

“ခင်ဗျားအနေနဲ့ ကြမ်းကြမ်းတမ်းတမ်းအလုပ်ခံရရင်၊ အဲဒီပုံစံအတိုင်း လက်တုန့်ပြန်ခြင်း မပြုလုပ် ပါနဲ့။ ဒါ ကျွန်တော်တို့ရဲ့ သတင်းစကားဖြစ်ပါတယ်။” ဟု အမေရိကန်နိုင်ငံဆိုင်ရာ အဟ်မဒီမွတ်စ လင်မ်အဖွဲ့ ၏ ဥက္ကဌဖြစ်သူက ပြောကြားသည်။

၁၈၈၉ခုနှစ်မှာ အဟ်မဒီမွတ်စလင်မ်အဖွဲ့ကို အစ္စလာမ့်အကိုင်းအခက်တစ်ခုအဖြစ်တည်ထောင်ခဲ့ပါ တယ်။ ညီညွတ်သည်းခံစွာ နေထိုင်ကျင့်ကြံခြင်း၊ အကြမ်းမဖက်ခြင်း စတာတွေကို အာရုံထားတဲ့ ဒီအဖွဲ့ကြီးမှာ အမေရိကန်အပါအဝင် ကမ္ဘာ့နိုင်ငံအနှံ့အပြားက အဖွဲ့ဝင်ပေါင်း မီလီယံများစွာ ရှိနေပါ တယ်။ အဟ်မဒီယာ ဒါမှမဟုတ် အဟ်မဒီလို့ လူအများသိကြတဲ့ မွတ်စလင်မ်များက မဆီဟ်ပွင့်ပေါ် လာပြီး ဖြစ်ကြောင်း ယုံကြည်ကြသလို မဆီဟ်ဖြစ်တဲ့ ဟာဇရသ်မီရ်ဇာဂူလာမ်အဟ်မဒ်က သူတို့အဖွဲ့ ကို ကနဦး တည်ထောင်သူလည်းဖြစ်ပါတယ်။ သူ့ကိုတော့ မွတ်စလင်မ်အများစုက သာသနာပအဖြစ် ရှုမြင်ကြပါတယ်။

အဟ်မဒီမွတ်စလင်မ်များဟာ မိမိတို့ရဲ့ အယူကို ပါကစ္စတန်၊ အီဂျစ်၊ အင်ဒိုနီးရှားနဲ့ ဆော်ဒီနိုင်ငံ အပါ အဝင် အခြားနိုင်ငံအချို့ မှာ လွတ်လွတ်လပ်လပ်ကျင့်သုံးခွင့် ပိတ်ပင်ခံထားရပါတယ်။ ဒါ့ပြင်သူတို့ က အကြမ်းဖက်များရဲ့ ပစ်မှတ် ဖြစ်နေသလို အာဏာပိုင်တွေကလည်း သူတို့နဲ့ပတ်သတ်ပြီး အနည်း အကျဉ်းလောက်ပဲ ဆောင်ရွက်ပေးကြပါတယ်။

၂၀၁၀ခုနှစ်တုန်းက ပါကစ္စတန်နိုင်ငံ၊ လာဟိုရ်မြို့မှာ အဟ်မဒီဗလီများကို သောကြာနေ့ ဝတ်ပြုဆု တောင်းနေစဉ် ဝင်ရောက်တိုက်ခိုက်ကြတာကြောင့် အဟ်မဒီမွတ်စလင်မ်ပေါင်း ၈၆ ဦး သေဆုံးခဲ့ပြီး ၁၂၀ လောက် ဒဏ်ရာရရှိခဲ့ပါတယ်။ တာလီဘန်တွေရဲ့ လက်ချက်ပါ။

အဟ်မဒီများဟာ ကမ္ဘာတဝှမ်းလုံးမှာ ဆေးရုံးတွေ စာသင်ကျောင်းတွေ ဆောက်လုပ်ပေးနေပါတယ်။ သူတို့က သဘာ၀ဘေးအန္တရာယ်ကျရောက်ရာဒေသတွေ၊ ဖွံ့ဖြိုးရေးလုပ်ငန်းတွေ အတွက် အကူ အညီပေးနေကြပါတယ်။ ဒါတွေသာမကဘဲ သူတို့က ချာခ်ျကျောင်းများနဲ့ နိုင်ငံအုပ်ချုပ်ရေး တသီးတ ခြားဖြစ်စေဖို့လည်း တင်ပြကြပါတယ်။

ဗုဒ္ဓဟူးနေ့က ကျင်းပတဲ့ အခမ်းအနားမှာ အဟ်မဒ်(အစ္စလာမ့်ခလီဖာ)က အစ္စလာမ်သာသနာမှာ တရားမျှတမှုလိုအပ်တဲ့အကြောင်းကို နိုင်ငံရေးသမား ၃၀၀ နဲ့ လူ့အခွင့်အရေးလှုပ်ရှားသူတွေကို ပြောကြားသွားခဲ့ပါတယ်။

အမေရိကန်ကော်မရှင်နဲ့ နိုင်ငံတကာ သာသနာရေးလွတ်လပ်ခွင့်အဖွဲ့ကြီးရဲ့ ဥက္ကဌဖြစ်တဲ့ ကတ္တရီနာ လန်းတော့စ် ဆွီတ် က တက်ရောက်လာကြတဲ့ ပရိသတ်ကြီးကို အဟ်မဒီများအတွက် လှုပ်ရှားပေးကြ ဖို့ တောင်းဆိုခဲ့ပါတယ်။

ဆွီတ်က “ကမ္ဘာပေါ်မှာ လိုက်လျောညီထွေဖြစ်ဖို့၊ တရားမျှတလွတ်လပ်ဖို့အတွက် အဟ်မဒီများရဲ့ သတင်းစကားဟာ အပြုသဘောဆောင်နေပါတယ်။ ငြိမ်းချမ်းရေးနဲ့ လွတ်လပ်ရေးကို ယုံကြည်သူ တိုင်း ပါးစပ်ပေါက်တွေ ပိတ်နေကြမှာ မဟုတ်ဘူး။ ” ဟု ပြောကြားသွားခဲ့ပါတယ်။


တစ်ပတ်အတွင်း လူကြိုက်အများဆုံး

 
-