Monday, July 2, 2012

ဟာဇရသ်မီရ်ဇာမဆ်ရူးရ်အဟ်မဒ်၊ အဟ်မဒီမွတ်စလင်မ်များ၏ ဝိညာဉ်ရေးရာခေါင်းဆောင်မှ အမေရိကန်ကွန်ဂရက်အား မိန့်ခွန်းပြောကြား



Religion News Service
By Lauren Markoe
၂၈ရက်၊ ဇွန်လ၊ ၂၀၁၂

ဝါရှင်တန် (RNS) : အဟ်မဒီမွတ်စလင်မ်တွေကတော့ ကမ္ဘာ့နေရာအနှံ့အပြားမှာ ဖိနှိပ်ညှဉ်းပမ်းခံနေ ရပါ တယ်။ ဒါပေမယ့် အမေရိကန်နိုင်ငံ ကတ္ပီတဲလ်တောင်ကုန်းမှာတော့ သူတို့အတွက် မိတ်ကောင်း ဆွေကောင်းတွေ ရှိနေပါတယ်။


အမေရိကန် လွှတ်တော်မှ အရေအတွက်နည်းပါးသော လူမျိုးစုများရဲ့ ခေါင်းဆောင်ဖြစ်တဲ့ နန်ဆီပီလို ဆီ နဲ့ ဒီကာလိဖ်တို့အပါအဝင် လွှတ်တော်ကပဲ လုပ်ဖော်ကိုင်ဖက်စုစုပေါင်း ၂၀ ကျော်အပါအဝင် ဆီးနိတ်အမတ်အနည်းဆုံး ၁ ယောက်တက်ရောက်ခဲ့တဲ့ အဲဒီအခမ်းအနားကို ဇွန်လ ၂၇ ရက်နေ့က ကျင်းပခဲ့တာပါ။ အဟ်မဒီများရဲ့ ဝိညာဉ်ရေးရာခေါင်းဆောင် ဟာဇရသ်မီရ်ဇာ မဆ်ရူးရ်အဟ်မဒ်ရဲ့ ကွန်ဂ ရက်ကို ပထမဆုံးအကြိမ် အလည်အပတ်ရောက်ရှိလာတဲ့အတွက် တည်ခင်းဧည့်ခံတဲ့ အခမ်းအနား လည်း ဖြစ်ပါတယ်။

အဟ်မဒီတွေကတော့ ပြင်းထန်တဲ့ ညှင်းပမ်းနှိပ်ကွပ်မှုတွေ ခံနေရတယ်တို့ ပီလိုဆီက ပြောပါတယ်။ ဒါပေမယ့် သူတို့က ခါးသီးမှု ဒါမှမဟုတ် ခက်ထန်မှုတွေနဲ့ တုန့်ပြန်ဖို့ ငြင်းဆန်ခဲ့တယ်လို့ သူမက ဆိုပါတယ်။

“ခင်ဗျားအနေနဲ့ ကြမ်းကြမ်းတမ်းတမ်းအလုပ်ခံရရင်၊ အဲဒီပုံစံအတိုင်း လက်တုန့်ပြန်ခြင်း မပြုလုပ် ပါနဲ့။ ဒါ ကျွန်တော်တို့ရဲ့ သတင်းစကားဖြစ်ပါတယ်။” ဟု အမေရိကန်နိုင်ငံဆိုင်ရာ အဟ်မဒီမွတ်စ လင်မ်အဖွဲ့ ၏ ဥက္ကဌဖြစ်သူက ပြောကြားသည်။

၁၈၈၉ခုနှစ်မှာ အဟ်မဒီမွတ်စလင်မ်အဖွဲ့ကို အစ္စလာမ့်အကိုင်းအခက်တစ်ခုအဖြစ်တည်ထောင်ခဲ့ပါ တယ်။ ညီညွတ်သည်းခံစွာ နေထိုင်ကျင့်ကြံခြင်း၊ အကြမ်းမဖက်ခြင်း စတာတွေကို အာရုံထားတဲ့ ဒီအဖွဲ့ကြီးမှာ အမေရိကန်အပါအဝင် ကမ္ဘာ့နိုင်ငံအနှံ့အပြားက အဖွဲ့ဝင်ပေါင်း မီလီယံများစွာ ရှိနေပါ တယ်။ အဟ်မဒီယာ ဒါမှမဟုတ် အဟ်မဒီလို့ လူအများသိကြတဲ့ မွတ်စလင်မ်များက မဆီဟ်ပွင့်ပေါ် လာပြီး ဖြစ်ကြောင်း ယုံကြည်ကြသလို မဆီဟ်ဖြစ်တဲ့ ဟာဇရသ်မီရ်ဇာဂူလာမ်အဟ်မဒ်က သူတို့အဖွဲ့ ကို ကနဦး တည်ထောင်သူလည်းဖြစ်ပါတယ်။ သူ့ကိုတော့ မွတ်စလင်မ်အများစုက သာသနာပအဖြစ် ရှုမြင်ကြပါတယ်။

အဟ်မဒီမွတ်စလင်မ်များဟာ မိမိတို့ရဲ့ အယူကို ပါကစ္စတန်၊ အီဂျစ်၊ အင်ဒိုနီးရှားနဲ့ ဆော်ဒီနိုင်ငံ အပါ အဝင် အခြားနိုင်ငံအချို့ မှာ လွတ်လွတ်လပ်လပ်ကျင့်သုံးခွင့် ပိတ်ပင်ခံထားရပါတယ်။ ဒါ့ပြင်သူတို့ က အကြမ်းဖက်များရဲ့ ပစ်မှတ် ဖြစ်နေသလို အာဏာပိုင်တွေကလည်း သူတို့နဲ့ပတ်သတ်ပြီး အနည်း အကျဉ်းလောက်ပဲ ဆောင်ရွက်ပေးကြပါတယ်။

၂၀၁၀ခုနှစ်တုန်းက ပါကစ္စတန်နိုင်ငံ၊ လာဟိုရ်မြို့မှာ အဟ်မဒီဗလီများကို သောကြာနေ့ ဝတ်ပြုဆု တောင်းနေစဉ် ဝင်ရောက်တိုက်ခိုက်ကြတာကြောင့် အဟ်မဒီမွတ်စလင်မ်ပေါင်း ၈၆ ဦး သေဆုံးခဲ့ပြီး ၁၂၀ လောက် ဒဏ်ရာရရှိခဲ့ပါတယ်။ တာလီဘန်တွေရဲ့ လက်ချက်ပါ။

အဟ်မဒီများဟာ ကမ္ဘာတဝှမ်းလုံးမှာ ဆေးရုံးတွေ စာသင်ကျောင်းတွေ ဆောက်လုပ်ပေးနေပါတယ်။ သူတို့က သဘာ၀ဘေးအန္တရာယ်ကျရောက်ရာဒေသတွေ၊ ဖွံ့ဖြိုးရေးလုပ်ငန်းတွေ အတွက် အကူ အညီပေးနေကြပါတယ်။ ဒါတွေသာမကဘဲ သူတို့က ချာခ်ျကျောင်းများနဲ့ နိုင်ငံအုပ်ချုပ်ရေး တသီးတ ခြားဖြစ်စေဖို့လည်း တင်ပြကြပါတယ်။

ဗုဒ္ဓဟူးနေ့က ကျင်းပတဲ့ အခမ်းအနားမှာ အဟ်မဒ်(အစ္စလာမ့်ခလီဖာ)က အစ္စလာမ်သာသနာမှာ တရားမျှတမှုလိုအပ်တဲ့အကြောင်းကို နိုင်ငံရေးသမား ၃၀၀ နဲ့ လူ့အခွင့်အရေးလှုပ်ရှားသူတွေကို ပြောကြားသွားခဲ့ပါတယ်။

အမေရိကန်ကော်မရှင်နဲ့ နိုင်ငံတကာ သာသနာရေးလွတ်လပ်ခွင့်အဖွဲ့ကြီးရဲ့ ဥက္ကဌဖြစ်တဲ့ ကတ္တရီနာ လန်းတော့စ် ဆွီတ် က တက်ရောက်လာကြတဲ့ ပရိသတ်ကြီးကို အဟ်မဒီများအတွက် လှုပ်ရှားပေးကြ ဖို့ တောင်းဆိုခဲ့ပါတယ်။

ဆွီတ်က “ကမ္ဘာပေါ်မှာ လိုက်လျောညီထွေဖြစ်ဖို့၊ တရားမျှတလွတ်လပ်ဖို့အတွက် အဟ်မဒီများရဲ့ သတင်းစကားဟာ အပြုသဘောဆောင်နေပါတယ်။ ငြိမ်းချမ်းရေးနဲ့ လွတ်လပ်ရေးကို ယုံကြည်သူ တိုင်း ပါးစပ်ပေါက်တွေ ပိတ်နေကြမှာ မဟုတ်ဘူး။ ” ဟု ပြောကြားသွားခဲ့ပါတယ်။


အစ္စလာမ့်ခလီဖာမှ အမေရိကန်နိုင်ငံရေးအမတ်များနှင့် ဥပဒေပြုအရာရှိများအား မိန့်ခွန်းမြွက်ကြား

အဟ်မဒီယာတိုင်းမ်စ်၊ ၂၇ ရက် ဇွန်လ၊ ၂၀၁၂

အီမ်ရားန်ဂျတာလာ

အစ္စလာမ့်ခလီဖာမှ အနောက်နိုင်ငံများအနေဖြင့် ဖွံ့ဖြိုးဆဲနိုင်ငံများကို တကိုယ်ကောင်းမဆန်ဘဲ စိတ် ရင်းမှန်ဖြင့် ကူညီမှုများပြုလုပ်ရာ၌ မိမိတို့၏ ရေရှည်ဆွဲကိုင်ထားသော စိတ်ဝင်စားမှုများကို တဘက် တွင်ထားခဲ့ရမည်ဖြစ်ကြောင်း အကြံပေးပြောကြားခဲ့သည်။



အမေရိကန်နိုင်ငံ၊ ကတ္ပီတဲလ်တောင်ကုန်းတွင်ပြုလုပ်သည့် အထူးဧည့်ခံပွဲတွင် အဟ်မဒီယာမွတ်စ လင်မ် အဖွဲ့၏ ကမ္ဘာလုံးဆိုင်ရာ ခေါင်းဆောင် ဟာဇရသ်မီရ်ဇာမဆ်ရူးရ်အဟ်မဒ်က “ကျွန်တော်တို့ရဲ့ လူမျိုးရေး ကွဲပြားမှုတွေ၊ မိခင်နိုင်ငံအသွယ်သွယ်ကနေ (ဒီကိုရောက်ရှိအခြေချနေထိုင် နေကြ ပေမယ့်) ၊ ကျွန်တော်တို့ဟာ ကိုယ်ပိုင်စံပုံစံကို စတင်ရမှာဖြစ်ပြီး (ဘယ်သူကတော့ဖြင့် ဘယ်သူ့ထက် ပိုပြီး) ကြီးမြတ်ပါတယ်ဆိုတဲ့ကိစ္စကို အကောင်အထည်ဖော်ရမှာ မဟုတ်ပါဘူး။” ဟု မိမိ၏ မိန့်ခွန်း တွင် ထည့်သွင်းမြွက်ကြားခဲ့သည်။

ထိုအခမ်းအနားသို့ အမေရိကန်နိုင်ငံ၏ ဆီးနိတ်အမတ်များလည်း တက်ရောက်ခဲ့သည်။ အမေရိကန် နိုင်ငံမှ လူနည်းစုများ၏ အကြီးအကဲဖြစ်သူ နန်ဆီပီလိုဆီ၊ ကိုယ်စားလှယ် ကိတ်အဲလီဆန်၊ ဆီးနိတ် အမတ် ရောဘတ်ကေစီနှင့် ကိုယ်စားလှယ် မိုက်ဟွန်ဒါတို့လည်း တက်ရောက်ကြသည်။

နန်ဆီပီလိုဆီက အဟ်မဒီယာမွတ်စလင်မ်များ၏ ခေါင်းဆောင်ခလီဖာအား ထင်ရှားသည့် အသိဉာဏ် ဟု ကင်ပွန်းတပ်ခဲ့ပြီး ဆီးနိတ်အမတ် ရောဘတ်ကေစီကမူ အောက်လွှတ်တော်အမတ် များနှင့်ဆီး နိတ် အမတ်များအတူတကွပူးတွဲဖိတ်ကြားခဲ့သဖြင့် ကျေးဇူးတင်ရှိပါကြောင်း ပြောကြားခဲ့ သည်။

ကေစီကမူ အဟ်မဒီယာမွတ်စလင်မ်များ၏ ခေါင်းဆောင်ခလီဖာအား အမေရိကန်သို့ မကြာခဏ လာရောက်ပါရန်လည်း မှတ်ချက်ပြုဖိတ်ကြားခဲ့သည်။

အောက်လွှတ်တော်ကိုယ်စားလှယ် ကိတ်အဲလီဆန်ကမူ ပါကစ္စတန်၊ အီဂျစ်၊ အင်ဒိုနှင့် ဆော်ဒီ အာရေဗျနိုင်ငံများမှ အဟ်မဒီမွတ်စလင်မ်များ၏ အညှဉ်းပမ်းခံနေရသည့် အဖြစ်ကို ဆွေးနွေးခဲ့သည်။

အဲလီဆန်က အဟ်မဒီမွတ်စလင်မ်အဖွဲ့သည် အမေရိကအတွက် ကောင်းချီးတစ်ခုပင်ဖြစ်ကြောင်း၊ အဟ်မဒီအဖွဲ့ကြီးက ပြီးခဲ့သည့် ၂၀၁၁ ခုနှစ်က အမေရိကန်နိုင်ငံအနှံ့အပြားမှ သွေးအိတ်ပေါင်း ၁ သောင်း ၂ ထောင်ကို စုဆောင်းလှူးဒါန်းပေးနိုင်ခဲ့သည့် စက်တင်ဘာ ၁၁ အောက်မေ့ဖွယ် “Muslim for Life” လှုပ်ရှားမှုအတွက် ကျေးဇူးတင်ပါကြောင်း ပြောကြားခဲ့သည်။

အခမ်းအနားသို့ နိုင်ငံရေးနယ်ပယ်မှ ဂုဏ်သရေရှိသူများ စုစုပေါင်း ၃၀၀ တက်ရောက်ခဲ့ကြသလို လူ့အခွင့်အရေးလှုပ်ရှားသူများနှင့် အဟ်မဒီမွတ်စလင်မ်များလည်း တက်ရောက်ခဲ့ကြသည်။ အစ္စလာမ့်ခလီဖာမှ နိုင်ငံများအချင်းချင်း ငြိမ်းချမ်းမှုတာရှည်ရေးအတွက် လက်တွဲဆောင်ရွက်ရန် လိုအပ်နေသည့် အခြေအနေကို မီးမောင်းထိုးပြခဲ့သည့် မိန့်ခွန်းအား တက်ရောက်လာကြသူအားလုံး က စိတ်အားထက်သန်စွာဖြင့် နားသောတဆင်ခဲ့ကြသည်။ 

အစ္စလာမ့်ခလီဖာမှ ဆင်းရဲနွမ်းပါးသူများ၏ စိတ်ပျက်အားလျော့မှုများမှာ အစွန်းရောက်အုပ်စုများ၏ လက်ထဲတွင် လိုသလိုအသုံးချခံနေရကြောင်းကို လူတန်းစားအားလုံး အခွင့်အရေးတန်း တူ ရရှိရေး ကဏ္ဌကို တင်ပြရာ၌ ထည့်သွင်းပြောကြားခဲ့သည်။

ခလီဖာသခင်မှ တင်ပြရာတွင် အကျိုးအခွင့် လက်လွှတ်ဆုံးရှုံးနေရသည့် လူတန်းစား၏ ပေါက်ကွဲမှုကို အစွန်းရောက်များက အသုံးချပြီး အခွင့်ကောင်းရယူသွားဖို့ နည်းလမ်းများရှိနေကြောင်း၊ ယနေ့ ကမ္ဘာတွင် လူသားတိုင်းအတွက် တရားမျှတမှုလိုအပ်လျက်ရှိကြောင်း၊ မိမိတင်ပြသည့် ငြိမ်းချမ်းရေး နှင့် ကမ္ဘာနိုင်ငံများအားလုံးဆိုင်ရာ သာတူညီမျှဖြစ်ရေးတို့မှာ ကျမ်းမြတ်ကုရ်အာန်၏ သွန်သင် ချက်များ အပေါ်တွင်သာ အခြေခံကြောင်း တင်ပြခဲ့သည်။ 

အစ္စလာမ့်ခလီဖာမှ အစ္စလာမ်သာသနာတွင်တည်သည့် ရိုးသားမှုအား အလေးကရုပြုဖော်ပြခဲ့ပြီး ထိုသည် မွတ်စလင်မ်တစ်ယောက်အတွက် မိမိ၏မိသားစုသာမက ဆွေမျိုးများနှင့် ဆန့်ကျင်၍ပါ အစမ်းသပ်ခံနိုင်ရမည်ဖြစ်ကြောင်း တင်ပြသည်။

သခင်ကြီးမှ အခြေခံတရားမျှတမှုကင်းမဲ့သွားခဲ့၍ ဖြစ်ပျက်ခဲ့သော ဒုတိယကမ္ဘာစစ်ကြီးကိုလည်း သုံးသပ်ပြောဆိုသွားခဲ့သည်။

နိဂုံးတွင်မူ အစ္စလာမ့်ခလီဖာက “ဘုရားရှင်၏ ဥပဒေမှာ တရားမျှတမှုအပေါ်၌သာ လုံး၀အခြေခံ” ကြောင်း မြွက်ကြားခဲ့သည်။



တစ်ပတ်အတွင်း လူကြိုက်အများဆုံး

 
-