Tuesday, June 26, 2012

ရှရီယာဥပဒေ - မွတ်စလင်မ်မဟုတ်သူများနဲ့ မွတ်စလင်မ်များပါ သိထားသင့်တဲ့ အချက် ၅ ချက်




၁.ရှရီယာဥပဒေဆိုတာ

ရှရီယာဥပဒေဆိုတာ အစ္စလာမ်သာသနာဝင်များရဲ့ ကျမ်းစာတော်၊ ကုရ်အာန်က တင်ပြတဲ့ ဥပဒေဖြစ်ပါ တယ်။ “သီတာရေစဉ်လို ကြည်လင်အေးမြတဲ့ ဘ၀လမ်းညွှန်” လို့ အဓိပ္ပါယ်ရပါတယ်။ ဟီဗရူးဘာသာစကားနဲ့ လာရှိတဲ့ ဂျူးများရဲ့တိုရာကျမ်းစာကို မူရင်း root word အရ “Yarrah (ယာရ်ရာဟ်)” လို့ခေါ်ပါတယ်။ ယာရ်ရာဟ်ရဲ့အဓိပ္ပါယ်ကလည်း ရှရီယာနဲ့ ထပ်တူညီစွာ တူညီနေတာကို တွေ့ရှိရပါတယ်။ ဒါကြောင့် ရှရီယာဥပဒေဟာ အေဗရာဟင်မိခ် သာသနာတွေလို့ခေါ်တဲ့ ဂျူး၊ ခရစ်ယာန်၊ အစ္စလာမ် စသည်များမှာ အံဝင်ခွင့်ကျ မြစ်ဖျားခံထားတာကို တွေ့ရမှာပါ။

ရှရီယာဥပဒေဟာ အဓိကအားဖြင့် ကဏ္ဌခွဲငါးခုနဲ့ ဖွဲ့စည်းထားပါတယ်။ ပြုမူဆောင်ရွက်ပုံ၊ အတွင်းစိတ်ဓာတ်နဲ့ အပြုအမူတွေအတွက်က “အဒ္ဒါးဘ်” (adab)၊ ဖြောင့်မတ်မှန်ကန်ဖို့အတွက် ဝတ်ပြုဆည်းကပ်ဖို့ရန်က “အေဘာဒါဟ် (ibadah)” ၊ “အစ်သီကာဒတ် (I’tiqadat)” လို့ခေါ်တဲ့ သက်ဝင်ယုံကြည်မှု ၊ “မူအာမလတ်(mu’amalat)” လို့ခေါ်တဲ့ ရောင်းဝယ်ဖောက်ကားမှုနဲ့ စာချုပ်စာတမ်းတွေအတွက် နည်းနာနိဿရစည်းကမ်းများ၊ “ဥကူဘာသ် (‘uqubat)” လို့ခေါ်တဲ့ အပြစ်ဒဏ်တွေဖြစ်ပါတယ်။ ဒီအကိုင်းအခက် ၅ ခုကို လူသားထုတစ်ရပ်ပေါ်မှာ အခြေခံပြီး ကျင့်သုံးမယ်ဆိုရင် အဲဒီလူစုအတွက် တရားမျှတမှု (justice)၊ အမျိုးမတူကွဲပြားခြားနားတဲ့ လူသားအချင်းချင်း နားလည်မှုရှိစွာနဲ့ ငြိမ်းငြိမ်းချမ်းချမ်း အတူယှဉ်တွဲ နေထိုင်နိုင်မှု(pluralism)၊ သာတူညီမျှရှိမှု (equity) စတာတွေကို အဲဒီလူစုမှာပါဝင်နေတဲ့ လူသားတစ်ဦးတစ်ယောက်ချင်းစီအပေါ် အကျိုးသက်ရောက်စေမှာ ဖြစ်ပါတယ်။ ဒီနေရာမှာ အရေးကြီးအချက်တစ်ခုကို ဖော်ပြဖို့ လိုအပ်ပါတယ်။ ရှရီယာဥပဒေက သဘောတူနှစ်မြို့ခြင်းမရှိတဲ့ အအုပ်ချုပ်ခံဆီကို အတင်းအကျပ်အကျိုးသက်ရောက်စေဖို့ ပြဌာန်းထားခြင်းမရှိပါ။ ဥပမာ - လူတစ်ယောက်က မွတ်စလင်မ်တွေ အုပ်ချုပ်တဲ့တိုင်းပြည်ထဲမှာ နေထိုင်နေမယ်ဆိုရင်တောင် သူ့အနေနဲ့ တစ်ခုခုကို အဆုံးအဖြတ်ခံယူမယ်ဆိုရင် သာမာန်ဥပဒေ (secular law) သို့မဟုတ် ရှရီယာဥပဒေကို စိတ်ကြိုက်ရွေးချယ်ပိုင်ခွင့် ပေးရပါတယ်။

ရှရီယာဥပဒေဟာ ကိုယ်တိုင်လိုလိုလားလားရှိပြီး နှစ်မြို့ကျေနပ်စွာ အဆုံးအဖြတ်ခံယူလိုသူများ အတွက်သာ အကျိုးသက်ရောက်စေပါတယ်။ အစိုးရအားဖြင့်လည်းကောင်း၊ အခြားနည်းတစ်ခုခုအားဖြင့်လည်းကောင်း အင်အားသုံးပြီး အတင်းအဓမ္မလိုက်နာ နာခံဖို့ ပြဌာန်းထားခြင်းမရှိပါ။

အစ္စလာမ်သာသနာတော်ကို လက်မွန်မဆွ အုတ်မြစ်ချတည်ထောင်တော်မူခဲ့တဲ့ မဟာတမန်တော်ကြီး မုဟမ္မဒ် (သခင့်အပေါ် ငြိမ်းချမ်းခြင်းကောင်းချီးမင်္ဂလာ ကျရောက်ပါစေ) ဟာ မိမိကိုယ်တော်တိုင် ဖော်ပြပါစံနမူနာကို လက်တွေ့ပြသတော်မူခဲ့ပါတယ်။

ဒါ့အပြင် ကုရ်အာန်ကျမ်းစာက နိုင်ငံအုပ်ချုပ်တဲ့ အစိုးရပုံစံတစ်ရပ်ကို သီးသီးသန့်သန့်ပြဌာန်းပေးထား တာမျိုးမရှိပါ။ သို့သော် ကုရ်အာန်ကျမ်းစာက "absolute justice "  လို့ခေါ်တဲ့ လုံး၀ဥဿုံ တရားမျှတမှုကို အခြေခံပြီး အဖွဲ့အစည်း ဒါမှမဟုတ် နိုင်ငံတစ်ခုမှာ ပါဝင်နေသူအားလုံးက (ခေါင်းဆောင်ကို) ရွေးချယ်တင်မြှောက်တဲ့ ပုံစံ လိုအပ်ကြောင်း၊ အဲလိုပုံစံကို အဒလ် (adl) လို့ခေါ်ဆိုကြောင်း လမ်းညွှန်ပါတယ်။ ကျမ်းမြတ်ကုရ်အာန်က တင်ပြတာက -

[16:91] Verily, Allah enjoins justice, and the doing of good to others; and giving like kindred; and forbids indecency, and manifest evil, and wrongful transgression.

မလွဲဧကန်၊ အလ္လာဟ်အရှင်မြတ်သည် တရားမျှတရန်လည်းကောင်း၊ အခြားသူများအား ကောင်းကျိုး ပြုရန်လည်းကောင်း၊ ဆွေးမျိုးနီးစပ်တို့အား ပေးကမ်းရန်လည်းကောင်း၊ နှစ်သက်လိုလားတော်မူပေ သည်။ ထိုမှတစ်ပါး ထင်ရှားစွာသော စက်ဆုပ်ရွံ့ရှာဖွယ်များမှလည်းကောင်း၊ မကောင်းမှုများမှ လည်းကောင်း၊ မတရားသော ကျူးလွန်ဖောက်ပြားမှုများမှလည်းကောင်း မြစ်တားတော်မူ၏။ (ကုရ်အာန် ၁၆.၉၁)

အထက်ပါမုက္ခပါတ်တော်မှာ အထူးသတိချပ်ရမှာက လူတစ်ဦးတစ်ယောက်ရဲ့ ဘာသာသာသနာ သက်ဝင်ယုံကြည်မှုကို လုံး၀ဖော်ပြထားတာမျိုး မရှိပါ။ ဆိုလိုတာက ဒီလူက မွတ်စလင်မ်မို့ သူ့ကိုဒီလိုဆက်ဆံ၊ ဒီလူကတော့ တခြားဘာသာဝင်မို့ သူ့ကို ခွဲခြားဆက်ဆံဆိုတာမျိုး လုံး၀မရှိပါ။ ဒါကြောင့် လုံး၀ဥဿုံတရားမျှတညီမျှစွာနဲ့ စီမံအုပ်ချုပ်ကြဖို့ဆိုရာမှာ ဥပမာပေးနိုင်တာက ဖြောင့်မတ်မှန်ကန်လှတဲ့ ဂျူးဘုရင်ကြီး ဆော်လမွန်လို ဘုရင်ဦးစီးစနစ်မှာတောင် မျှတညီမျှစွာ အုပ်စိုးဖို့ပါ။ ဒီဂျူးဘုရင်ကြီး ဆော်လမွန်ကလည်း ရှရီယာဥပဒေသရဲ့ အခြေခံနည်းနာတွေကို လိုက်နာကျင့်သုံးခဲ့သူပါ။ ရှရီယာရဲ့ အခြေခံနည်းနာကတော့ တရားမျှတမှုပါ။

၂. မွတ်စလင်မ်တွေက သူတို့နေထိုင်ရာ (မွတ်စလင်မ်မဟုတ်တဲ့) တိုင်းပြည်မှာ ရှရီယာဥပဒေပြဌာန်း ပြီး လူတန်းစားအားလုံးကို အုပ်ချုပ်စေဖို့ အလိုရှိပါသလား။

မရှိပါ။ သတိထားရမှာက Religion ဆိုတဲ့ ဘာသာသာသနာရေးက State ဆိုတဲ့ နိုင်ငံအုပ်ချုပ်ရေးကိစ္စမှာ တစ်စုံတစ်ရာပါဝင်ပတ်သတ်ခြင်းမရှိဖို့ ကုရ်အာန်ကျမ်းစာက သွန်သင်ပါတယ်။ ရှရီယာဆိုတာ ဘုရားရှင်နဲ့ လူသားတို့အကြား ပုဂ္ဂလအဆက်အသွယ်ပဲဖြစ်ပါတယ်။ မဟာတမန်တော်ကြီး မုဟမ္မဒ်ဟာ အာရေဗျကျွန်းဆွယ်ရဲ့ အုပ်ချုပ်သူအဖြစ်ရှိနေစဉ်၊ မဒီနာကိုဓဥပဒေ (Charter of Medina) ကို ရေးဆွဲပြဌာန်းတဲ့အခါ မွတ်စလင်မ်တွေကို ရှရီယာဥပဒေ၊ ဂျူးတွေကိုတော့ သူတို့ကိုယ်ပိုင် တိုရာဟ်ဥပဒေနဲ့ အဆုံးအဖြတ်ခံယူရန် သတ်မှတ်ပေးခဲ့ပါတယ်။  ရှရီယာဥပဒေနဲ့ အဆုံးအဖြတ်ခံယူရမယ်လို့ မွတ်စလင်မ်မဟုတ်သူ တစ်ဦးတစ်ယောက်ကိုတောင် ပြဌာန်းခဲ့ခြင်းမရှိပါ။ အဲဒီလို မပြဌာန်းမသတ်မှတ်ရတာကလဲ ရှရီယာဥပဒေကိုယ်တိုင်က compulsion လို့ခေါ်တဲ့ အတင်းအကြပ်အဓမ္မမှုကို တားမြစ်ထားလို့ပါ။ ကုရ်အာန်ကျမ်းတော်မှာ ရှင်းရှင်းလင်းလင်းတင်ပြထားတာက -

"There is no compulsion in religion" (2:257)

သာသနာရေး၌ အတင်းအဓမ္မအနိုင်အထက်ပြုခြင်း အလျဉ်းမရှိစေရ။ (ကုရ်အာန် ၂.၂၅၇)

ဒါ့ပြင် ရှရီယာဥပဒေက မိမိနေထိုင်ရာ တိုင်းပြည်ကို သစ္စာစောင့်သိကြဖို့ မွတ်စလင်မ်တိုင်းရဲ့ တာဝန်အဖြစ် သတ်မှတ်ပြဌာန်းပါတယ်။ ဒီတော့ကား မြန်မာပြည်နေ မြန်မာနိုင်ငံသား အစ္စလာမ်သာသနာဝင် မွတ်စလင်မ်များဟာ မြန်မာနိုင်ငံရဲ့ တည်ဆဲဥပဒေကို အပြည့်အ၀လိုက်နာ နာခံရပါမယ်။

၃. မွတ်စလင်မ်တွေက ရှရီယာကို နိုင်ငံအုပ်ချုပ်ရေးဥပဒေအဖြစ် မလိုလားဘူးဆိုရင် ရှရီယာဥပဒေကို တရားရုံးတွေမှာ (မွတ်စလင်မ်နိုင်ငံသားများကို ဆုံးဖြတ်ချက် ချတဲ့အခါ) ပိတ်ပင်လိုက်မယ်ဆိုရင်ကော

ပထမဆုံး သတိပြုရမှာက ရှရီယာဆိုတာ မွတ်စလင်မ်တစ်ဦးနဲ့ သူ့ရဲ့ ဖန်ဆင်းရှင်တို့အကြား ပုဂ္ဂလအဆက်အသွယ်ကို သတ်မှတ်ပြဌာန်းပေးတဲ့ ဥပဒေပါ။ အမေရိကန်နိုင်ငံရဲ့ ပထမအကြိမ် ဥပဒေပြင်ဆင်ရေးဆွဲခဲ့တဲ့ (First Amendment) မှာ ဘာသာသာသနာလွတ်လပ်စွာ ခံယူကျင့်သုံးခွင့်ကို တားမြစ်တဲ့ဥပဒေ၊ အထူးသဖြင့် ဘာသာရေးဥပဒေအား တသီးပုဂ္ဂလကျင့်သုံးခြင်းကို ပိတ်ပင်တဲ့ ဥပဒေမျိုး၊ ကွန်ဂရက်မှာ မကျင့်သုံးဖို့ တားမြစ်ထားပါတယ်။ ထို့အတူ မြန်မာ့ဥပဒေကလည်း လူပုဂ္ဂိုလ် တစ်ဦးတစ်ယောက်ရဲ့ ဘာသာရေးခံယူချက်ကို လုံး၀လွတ်လွတ်လပ်လပ်ရှိနေစေဖို့ ပြဌာန်းပါတယ်။

ဒုတိယတစ်ချက်က အကယ်၍ ရှရီယာကို တရားရုံးတွေမှာ ပိတ်ပင်လိုက်ပြီဆိုပါတော့။ ဒီလိုဆိုရင်တော့ (အခြားဘာသာဝင်များ အများစုနေထိုင်ရာ နိုင်ငံတွေက) မွတ်စလင်မ်တွေဟာ အစ္စလမ့် လမ်းညွှန်ချက်နဲ့အညီ လက်ထပ်ထိမ်းမြားခြင်း၊ အမွေခံခြင်း၊ သေတမ်းစာရေးခြင်းနဲ့ ကွာရှင်းပြတ်ဆဲခြင်း စတာတွေကို မပြုလုပ်နိုင်တော့ဘူး။ ဥပမာအနေနဲ့ တူညီတဲ့ ကန့်သတ်ချက်မျိုးကို ခရစ်ယာန်နဲ့ ဂျူးဘာသာဝင်တွေအတွက်ပြဌာန်းလိုက်မယ်ဆိုပါတော့။ ဒီလိုဆိုရင် ဘယ်ခရစ်ယာန်ဘုန်းတော်ကြီးကမှ မင်္ဂလာ လက်ထပ်ထိမ်းမြားပေးနိုင်မှာမဟုတ်၊ သေအံ့ဆဲဆဲ လူနာကို ဘယ်ကက်သလစ် ဘုန်းတော်ကြီးကမှ last rites ခေါ် ဆုတောင်းစာကို ရွတ်ဖတ်ပေးနိုင်မှာမဟုတ်၊ ဂျူးဘုန်းတော်ကြီးဖြစ်တဲ့ ဘယ် ရဗ္ဗီတစ်ယောက်ကမှ မွေးကင်းစ ယောက်ျားကလေးကို အရေးပြားလှီးမင်္ဂလာပြုပေးနိုင်တော်မှာ မဟုတ်ပါ။ ဘာကြောင့်လဲဆိုရင် ဖော်ပြပါ ဆောင်ရွက်ပြုမူချက်တွေကို ဂျူးနဲ့ခရစ်ယာန်တွေရဲ့ ဘာသာရေးဥပဒေတွေထဲမှာ ဖော်ပြထားလို့ပါ။ ခုလက်ရှိ အမေရိကန်မှာ တရားဝင်နေတဲ့ တရားစီရင်ရေးစနစ်မှာတောင် အမေရိကန်လူမျိုး ဂျူးဘာသာဝင်တွေဟာ လောကီရေးကိစ္စ (Civil matters) တွေကို ဘတ်ဒင်း (Beit Din) ခေါ် ရဗ္ဗီ (ဂျူးဘုန်းတော်ကြီး) ဦးစီးတဲ့ တရားရုံးတွေမှာ အဆုံးအဖြတ်ခံယူနေကြ တုန်းပါ။ ဒါကြောင့် ရိုးရိုးရှင်းရှင်းလေးပါပဲ၊ မွတ်စလင်မ်တွေဟာ နိုင်ငံ့အခြေခံဥပဒေမှာ ဖော်ပြပါရှိတဲ့ အယူဝါဒရေးရာ လွတ်လပ်စွာခံယူကျင့်သုံးပိုင်ခွင့်ကို အလိုရှိပါတယ်။

၄. ရှရီယာဥပဒေက တခြားဘာသာသာသနာတွေနဲ့ ပတ်သတ်လို့ ဘယ်လိုများ ပြောထားပါလဲ

ရှရီယာဥပဒေက သက်ဝင်ယုံကြည်မှုမှာ လုံး၀ဥဿုံလွတ်လပ်မှု(freedom of conscience) ကို ပြဌာန်းသလို သာသနာရေးလွတ်လပ်ခွင့်ကိုလည်း အပြည့်အ၀ပေးထားဖို့ သတ်မှတ်ပြဌာန်းပါတယ်။ ဥပမာ - ကုရ်အာန်ကျမ်းတော်မြတ်က ဂျူးတွေ၊ ခရစ်ယာန်တွေနဲ့ အခြားဘာသာသာသနာဝင်များကိုယ်စား ခုခံကာကွယ်ပေးဖို့ မွတ်စလင်မ်များကို (မပြုမနေရတာဝန်တစ်ရပ်အဆင့်မျိုးထိ) ပြဌာန်းထားပါတယ်။ မွတ်စလင်မ်များဟာ ချာခ်ျဘုရားကျောင်းများ၊ စေတီပုထိုးတွေနဲ့ ဘုန်းတော်ကြီးကျောင်းများအပါအဝင် သာသနာနိကအဆောက်အအုံတွေကို အကာအကွယ်ပေးရာမှာ ပါဝင်ကြဖို့ ကုရ်အာန်ကျမ်းတော်က ပြဌာန်းပါတယ်။ (ကုရ်အာန် ၂၂.၄၁ ရှု) ဒါ့ပြင် ကုရ်အာန်က မွတ်စလင်မ်များကို ရှေးယ္ခင် (အစ္စလာမ်က ယေရှု၊ မောရှေ၊ အေဗရာဟင်မ်၊ ခရစ်ရှနားနှင့် ဗုဒ္ဓတို့အား ဘုရားရှင်၏ တမန်တော်များအဖြစ် ယုံကြည်လက်ခံထားတာနဲ့နည်းတူ) တမန်တော်ကြီးများဖြစ်ကြတဲ့ ယေရှု၊ မောရှေ၊ အေဗရာဟင်မ်၊ ခရစ်ရှနားနှင့် ဗုဒ္ဓတို့အား သစ္စာဝါဒီ မှန်ကန်သူ၊ အလင်းပြပုဂ္ဂိုလ်ကြီးများအဖြစ် သက်သေခံကြဖို့ရာ သတ်မှတ် ပြဌာန်းပါတယ်။ ဒါ့ပြင် ထိုပုဂ္ဂိုလ်ကြီးများကို နောက်လိုက်ပြုကြတဲ့ (အခြားဘာသာဝင်များ ကိုလည်း) လေးစားခြင်းပြုရန် သတ်မှတ်ပြဌာန်းပါတယ်။ တမန်တော်မဟာ မုဟမ္မဒ်သခင်က အာရေဗျကျွန်းဆွယ်ရဲ့ အုပ်စိုးသူဖြစ်လာတော့ သခင့်ရဲ့ မူလဘူတရည်ရွယ်ချက်က မိမိအုပ်ချုပ်ရာ ဒေသနယ်ပယ်မှာ ဘာသာသာသနာပေါင်းစုံ (ဂျူး၊ ခရစ်ယာန်နှင့် ရုပ်တုကိုးကွယ်သူ) က လူတန်းစားအသွယ်သွယ် ငြိမ်းချမ်းအေးဆေးစွာ အတူတကွ ကိုင်းကျွမ်းမှီကျွန်းကိုင်းမှီ ယှဉ်တွဲနေထိုင်ဖို့၊ ကိုးကွယ်ဆည်းကပ် ခြင်းမှာ ငြိမ်းချမ်းအေးဆေးစေဖို့၊ ဖိနှိပ်ချုပ်ချယ်မှုကင်းဖို့ စတာတွေပဲ ဖြစ်ခဲ့ပါတယ်။

၅. အအုပ်ချုပ်ခံလူတွေကို ဖိနှိပ်ပြီး ၎င်းတို့ကိုယ်ကို ရှရီယာဥပဒေကျင့်သုံးနေတာပါလို့ ကြွေးကြော်နေတဲ့ နိုင်ငံတွေအတွက်ရော၊ ဘယ်လိုသဘောထားမျိုးရှိပါသလဲ

အဲဒီနိုင်ငံတွေကတော့ ရှရီယာကပြဌာန်းတဲ့ အစစ်အမှန်အခြေခံအချက်အလက်ဖြစ်တဲ့ တရားမျှတမှုကို လျစ်လျူပြုနေကြတာပဲဖြစ်ပါတယ်။ ရှရီယာကို ခုတုံးလုပ်အသုံးချပြီး အာဏာတည်မြဲရေးနဲ့ ဘာသာရေး အစွန်းရောက်မှုကို ရှေ့နေလိုက်ပေးဖို့ မှားယွင်းစွာဆောင်ရွက်နေကြခြင်းပဲဖြစ်ပါတယ်။ အမှန်အကန်ပြောရမယ်ဆိုရင်တော့ ကမ္ဘာပေါ်မှာ ရှရီယာအစစ်အမှန်ကို ကျင့်သုံးနေတဲ့ တိုင်းပြည်နိုင်ငံရယ်လို့တောင် မရှိပါ။ အချက်အလက်တွေအရပြောကြကြေးဆိုရင် ကမ္ဘာပေါ်မှာ မွတ်စလင်မ်တိုင်းပြည်လို့ ထင်နိုင်တာ အမေရိကန်ပါပဲ။ ဘာကြောင့်လဲဆိုရင် အမေရိကန်က ရှရီယာဥပဒေသရဲ့ မဏ္ဍိုင်ကြီးများဖြစ်ကြတဲ့ လွတ်လပ်စွာဟောပြောတင်ပြခွင့်၊ လွတ်လပ်စွာ ယုံကြည်ကိုးကွယ်ခွင့်၊ လွတ်လပ်စွာ ဖော်ပြပိုင်ခွင့်နဲ့ လွတ်လပ်စွာတွေးခေါ်ပိုင်ခွင့်တွေကို ပေးထားလို့ပါ။ မိမိတို့ကိုယ်ကို ရှရီယာဥပဒေကျင့်သုံးနေတာပါလို့ ကြွေးကြော်နေကြတဲ့ နိုင်ငံများကတော့ သူတို့ရဲ့ကိုယ်ပိုင်ကြွေးကြော်မှုထဲမှာပဲ သူတို့အတွက် တရားမျှတနေကြမှာပါ။ သူတို့ပုံစံကဘိုင်ဘလ်သမ္မာ ကျမ်းကို အခြေခံပြီး ကျွန်ပြုပိုင်ခွင့်ရှိတယ်လို့ ကြွေးကြော်တဲ့ အလုပ်ရှင်လိုပဲဖြစ်နေမှာပါ။

အစွန်းရောက်တွေနဲ့ ဝေဖန်နေကြသူတွေ အမြဲမြဲလိုလို ဆွဲငင်ယူသုံးနေကြတဲ့ (သူတို့ကတော့ ဆူပူသောင်းကျန်း ခိုက်ရန်ပွားမှုတွေကို အားပေးအားမြှောက်ပြုတဲ့ မုက္ခပါတ်များလို့ ဆိုကြပါတယ်။) ကုရ်အာန်ကျမ်းစာထဲက မုက္ခပါတ်တွေအတွက် အကြံပြုလိုတာက အဲဒီမုက္ခပါတ်တွေကို ရိုသားပြီး တရားဝင်တဲ့ အကျယ်ဖွင့်ဘာသာပြန်ဆိုမှုတွေပြုလုပ်ဖို့ လိုအပ်ပါတယ်။ ဒီလိုပြုလုပ်ခြင်းအား ဖြင့်သာလျှင် အစ္စလာမ့်ဥပဒေကို အပြည့်အ၀နားလည်မှာပါ။ အစွန်းရောက်တွေနဲ့ ဝေဖန်ရေးသမားတွေကတော့ ဒီလို ကုရ်အာန်ကျမ်းစာအကျယ်ဖွင့်ရေးမှာ အခြေခံနည်းနာကို လိုက်နာပေးဖို့တောင် ငြင်းဆန်နေကြတာက သူတို့အဖို့ ကံမကောင်းအကြောင်းမလှချက်တစ်ခုပါ။ ပေါင်းချုပ်လို့ တင်ပြရရင်တော့ ရှရီယာဥပဒေဆိုတာ မွတ်စလင်မ်တစ်ယောက်နဲ့ သူ့ရဲ့ဖန်ဆင်းရှင် ဘုရားသခင်တို့အကြားပုဂ္ဂလအဆက်အသွယ်ပြုနိုင်ဖို့ နည်းဥပဒေပါ။ ဓမ္မသစ်နဲ့ ဓမ္မဟောင်းကျမ်းတွေက ခရစ်တွေ၊ ဂျူးတွေကို သူတို့ဘုရားရှင်နဲ့ ပုဂ္ဂလအဆက်အသွယ် ပြုနိုင်ဖို့ နည်းလမ်းပေးသလိုပါပဲ။ “သီတာရေစဉ်လို ကြည်လင်အေးမြတဲ့ ဘ၀လမ်းညွှန်” ဖြစ်တဲ့ ရှရီယာဥပဒေမှာ ကြောက်ရွံ့ထိတ်လန့်စရာ အချက်တစ်ချက်မှ ပါဝင်မနေပါ။


အား ဆီလျော်သလို မြန်မာမှုပြုပါသည်။

Sunday, June 24, 2012

ဇီယွန်သမိုင်းမှ မွတ်စလင်မ်များ၏ အစိတ်အပိုင်း




ဘုရားရှင်ထံတော်ပါးမှ ဆုတောင်းခံခြင်းဖြင့် အဆုံးအဖြတ်ယူခြင်းက ဇီယွန်သမိုင်းမှာ အငြင်းအခုံ အဖြစ် ရှိနေဆဲပါ။  



 အဟ်မဒ်သခင်နှင့် ဒိုဝီတို့၏ Prayer Duel တွင် အဟ်မဒ်သခင်(အ) ဘက်မှ အနိုင်ရရှိခဲ့ခြင်း အကြောင်းကို အမေရိကန် သတင်းစာတစ်စောင်၌ ဖော်ပြထားစဉ်

အမေရိကန်နိုင်ငံက ဇီယွန်မြို့တော်ကို ၁၉၀၀ ပြည့်နှစ်မှာ မိမိကိုယ်ကို ခရစ်ယာန်ဝါဒအတွက် ကောင်းကင်ယံမှ ကြွလာတဲ့ ဝိညာဉ်ရေးရာခေါင်းဆောင်အဖြစ် ကြွေးကြော်ခဲ့တဲ့ ဂျွန်အလက် ဇန္ဒါးဒိုဝီက တည်ခဲ့ခြင်းဖြစ်ပါတယ်။ အဲဒီမြို့ရဲ့ မြေနေရာ၊ စာသင်ကျောင်းများနဲ့ လူမှုရေးဌာန များ စတဲ့ အရာအားလုံးဟာ ဒိုဝီရဲ့ ချာခ်ျကျောင်းကနေ အစပြုခဲ့ခြင်းဖြစ်ပါတယ်။

ဆယ်စုနှစ်ပေါင်းများစွာကြာလာတဲ့အခါ ချာခ်ျကျောင်းများရဲ့ ဩဇာအာဏာပိုမိုကြီးထွားလာတော့ အစိုးရက သာသနာရေးနဲ့ နိုင်ငံရေးကို ခွဲခြားပြစ်ဖို့ ဥပဒေတွေ ထုတ်ပြန်ခဲ့ရပါတယ်။

ဒိုဝီရဲ့ ခရစ်ယာန်သာသနာနဲ့ပတ်သတ်တဲ့ စိတ်ကူးစိတ်သန်းများဟာ အိန္ဒိယက မွတ်စလင်မ် အဖွဲ့အစည်း တစ်ခုရဲ့ ခေါင်းဆောင်ကို ဆွဲဆောင်ခဲ့ပါတယ်။ ၁၉၀၂ မှာတော့ အဲဒီမွတ်စလင်မ်ခေါင်း ဆောင်က ဒိုဝီရဲ့ အစ္စလာမ်သာသနာအပေါ် ကျူးလွန်စော်ကားမှုများအတွက် ဘုရားသခင်ထံတော်ပါး မှာ တောင်းဆုပြုခြင်းအားဖြင့် အဆုံးအဖြတ်ခံယူရန် ဒိုဝီကို ဖိတ်ခေါ်ကမ်းလှမ်းခဲ့ပါတယ်။

အစ္စလာမ်သာသနာထဲမှာ အဟ်မဒီယာမွတ်စလင်မ်လှုပ်ရှားမှုအသင်းကြီးအား တည်ထောင်ခဲ့တဲ့ ဟာဇရသ်မီရ်ဇာဂူလာမ်အဟ်မဒ် (အ)က ဒိုဝီထံ စာနှစ်ကြိမ်ရေးသားခဲ့ပါတယ်။ အဲဒီအခါမှာ ဇီယွန် မြို့မှ ခရစ်ယာန်သာသနာပိုင် ဒိုဝီက ပိုပြီး စိတ်ဓာတ်အားမာန်တွေ ခက်ထန်လာကာ သူ၏အပတ်စဉ် ထုတ် နိုင်ငံတကာစာစောင် "Leaves of Healing" မှာ တန်ပြန်ရေးသားလာခဲ့ပါတယ်။

အဟ်မဒ်သခင်က မိမိသည် မဆီဟ်အစစ်အမှန်ဖြစ်ကြောင်း ကြွေးကြော်ခဲ့ပါတယ်။ ဒိုဝီကလည်း သူ့အနေဖြင့် ဘုရားထံမှ စေလွှတ်ခြင်းခံရတဲ့ တမန်တော် အီလီးယားစ်(Elijah the Restorer) ဖြစ်ကြောင်း ကြွေးကြော်ခဲ့ပါတယ်။

အတိုချုပ်ရရင်တော့ ဒိုဝီရှုံးနိမ့်ခဲ့ပါတယ်။ ၁၉၀၇ ခုနှစ်မှာ  ဂုဏ်သိက္ခာညှိုးနွမ်းစွာ သေဆုံးခဲ့သလို သူရဲ့ ချာခ်ျကလည်း သူ့ကို ထုတ်ပြစ်ခဲ့ပါတယ်။

အဲဒီကတည်းကစပြီး အဟ်မဒ်သခင်ရဲ့ နောက်လိုက်အဟ်မဒီများဟာ မိမိတို့ရဲ့ စာအုပ်စာတမ်းငယ် များမှာ ဒိုဝီရဲ့ ရှုံးနိမ့်မှုကို ဖော်ပြကြပြီး အဟ်မဒ်သခင်ဟာ ယနေ့ခေတ်ကာလအတွက် ပွင့်ပေါ်လာတဲ့ ဘုရားရှင်ထံတော်ပါးမှ ခန့်အပ်ခြင်းခံရသူ အစစ်အမှန်ဖြစ်ကြောင်း ရေးသားဖော်ပြခဲ့ကြပါတယ်။

"ဘုရားရှင်ထံတော်ပါးမှ ဆုတောင်းခံခြင်းဖြင့် အဆုံးအဖြတ်ယူခြင်းက တစ်ယောက်နဲ့တစ်ယောက် ရန်သူတွေလို ဖြစ်လာရင် ထွက်ပေါက်ရယူတဲ့ နည်းလမ်းတစ်ခုပါ။ မိမိရင်ဆိုင်ရတဲ့ တခြားတစ် ဘက်က ဘုရားရှင်ဘက်က လူသားဖြစ်ရင်တော့ မိမိအနေနဲ့ ဘုရားရှင်ကိုယ်တော်တိုင်ရဲ့ ရန်သူရဲ့ အဆင့်မျိုးနဲ့ ညီမျှနေပြီဆိုတာ (သဘောပေါက်ရပါမယ်)။ ဒိုဝီရဲ့ လွဲမှားမှုကို ဘုရားရှင်ရဲ့ လက်တော် က တုန့်ပြန်ခဲ့တယ်လို့ ကျွန်တော်တို့ ယုံကြည်ပါတယ်။ သူရဲ့ အဆုံးသတ်ကို ကမ္ဘာပြည်သူလူထုရဲ့ အတွေးအထင်တွေပေါင်းစု ကိုယ်စားပြုဆုံးဖြတ်တဲ့ နိုင်ငံတကာတရားရုံးမှာ တရားသဖြင့်အဆုံး အဖြတ် ခံယူနိုင်ပါတယ်။" လို့ လိတ်ကောင်တီ၊ အဟ်မဒီယာမွတ်စလင်မ်အဖွဲ့၏ အထွေထွေအတွင်း ရေးမှူးဖြစ်သူ နာဆီရ်ရွတ်ဒင်းရှမ့်စ်က ပြောကြားခဲ့ပါတယ်။

အဟ်မဒီယာအသင်းက ဇီယွန်မြို့မှာ ဗလီဝတ်ကျောင်းတော်တစ်လုံးကို ၁၉၈၂ မှာ ဖွင့်လှစ်ခဲ့ပြီး အဖွဲ့ဝင် ပေါင်း ၂၀၀ ခန့်ရှိတယ်လို့ ဆိုပါတယ်။ အသင်းသားများက ဒိုဝီရဲ့သမိုင်းဝင်နေအိမ်ရှိရာကို မကြာခဏ လာရောက်ကြပါတယ်။ သူတို့ (အဟ်မဒီများ)ဟာ ငြိမ်းငြိမ်းချမ်းချမ်းနေထိုင်သူများ ဖြစ်ကြောင်း၊ စိတ်သဘောထား ပြည့်၀သူများဖြစ်ပြီး ဇီယွန်မြို့ရဲ့ စည်ပင်သာယာရေးလုပ်ငန်းတွေမှာ ပါဝင်ကူညီကြကြောင်း မြို့တော်ကော်မစ်ရှင်နာဖြစ်သူ ရှန်တန်တေလာက ဆိုပါတယ်။

ကမ္ဘာနိုင်ငံပေါင်း ၂၀၀ မှာ အဖွဲ့ခွဲများရှိတဲ့ အဟ်မဒီများဟာ မကြာသေးမီက ငြိမ်းချမ်းရေးမြှင့် တင်ရန် ရည်ရွယ်ပြီး ဒိုဝီကိစ္စကို အခြေခံကာ လှုပ်ရှားမှုတစ်ရပ် ပြုလုပ်ခဲ့ပါတယ်။ 

ဇီယွန်မြို့က သမိုင်းသုတေသီတွေကတော့ ဒိုဝီကို စိန်ခေါ်ခဲ့တဲ့ အဟ်မဒ်သခင်ရဲ့ စိန်ခေါ်မှုကတော့ တဘက်သတ်ဖြစ်ကြောင်း၊ ထိုစိန်ခေါ်မှုကို ဒိုဝီက လျစ်လျူပြုခဲ့တယ်လို့ ဆိုကြပါတယ်။

" ဒိုဝီက ဒီ(စိန်ခေါ်မှု) ကို အသိအမှတ်ပြုလက်ခံခဲ့ပါတယ်။ ဘယ်လိုလဲဆိုရင် သူ့ရဲ့ Leaves of Healing မှာ ဒိုဝီက မှတ်ချက်တစ်ခုရေးသားခဲ့ပါတယ်။ (အဲဒီမှာ) ဒိုဝီက ဘယ်သူဘယ်ဝါဆိုတာကို အမည်မဖော်ပြထားပါဘူး၊ ခင်ဗျားက ဘာမှမသိဘူးဆိုရင်တော့လည်း၊ (ဒိုဝီရည်ညွှန်းခဲ့သူ) က ဘယ်သူဆိုတာလဲ ခင်ဗျားသိလိမ့်မယ်မဟုတ်ဘူး" ဟု ဇီယွန်သမိုင်းဆိုစိုက်တီမှ တင်မ်မော်ဆေးက ဆိုပါတယ်။

မော်ဆေးက အဟ်မဒီယာမွတ်စလင်မ်များ တင်ပြခဲ့တဲ့ အချက်အလက်များကို အခြေခံပြီး "အချက် အလက် အများကြီးက တော်တော်လေး မှန်ကန်ပါတယ်။ သူတို့ ဆုတောင်းခြင်းဖြင့် အဆုံးအဖြတ် ခံယူတဲ့နေရာမှာတော့ ကျွန်တော်တို့က နည်းလမ်းအသွယ်အသွယ် ကွဲကုန်ကြတာပါ" ဟု ကောက်ချက်ချခဲ့ပါတယ်။




Wednesday, June 20, 2012

ဝက်စ်ဘန့်ခ်ဗလီဝတ်ကျောင်းတော် မီးရှို့ဖျက်ဆီးခံရ





ဂျေရုစလင်
ဇွန်လ ၁၉ ရက်၊ ၂၀၁၂
source: http://goo.gl/QCuxJ


ဂျော်ဒန်မြစ်အနောက်ဘက်ကမ်းခြေ ဝက်စ်ဘန့်ခ်၌ တည်ရှိသော ဝက်စ်ဘန့်ခ်ဗလီဝတ်ကျောင်းတော် မှာ မီးရှို့ဖျက်ဆီးခြင်းခံခဲ့ရကြောင်း နယူးယောက်တိုင်းမ်စ်သတင်းစာက တင်ပြသည်။ 


ဝက်စ်ဘန့်ခ်မှ မီးရှို့ဖျက်ဆီးခံခဲ့ရသည့် ဗလီကျောင်းနံရံတွင် ဟီဗရူးဘာသာစကားဖြင့် စစ်ကြေငြာခြင်း မီးရှို့ဖျက်ဆီးသူများက ရေးသားထားခဲ့သည်။

ဝက်စ်ဘန့်နယ်နိမိတ်အနီး အုလ်ပါနာအရပ်တွင် ဂျူးမိသားစုများက အငြင်းပွားဖွယ်ဖြစ်နေသည့် မိမိတို့နေအိမ်များကို ဖယ်ရှားပေးခြင်းမပြုမီ ယင်းဖြစ်ရပ် ဖြစ်ပျက်ခဲ့သည်။ ထို့ပြင် ဗလီဝတ်ကျောင်း တော်၏နံရံတွင် အုလ်ပါနာအတွက်စစ်ကြေငြာခြင်းဟု အဓိပ္ပါယ်ဆောင်သည့် သတိပေးစာကို မီးရှို့ဖျက်ဆီးသူများက ရေးခြစ်သွားခဲ့သည်။

တာဝန်ရှိရဲများ၏ ပြောဆိုမှုအရ ဤသည် ၁၈ လအတွင်း ဗလီဝတ်ကျောင်းတော်များကို စတုတ္ထအကြိမ်မြောက် တိုက်ခိုက်ခြင်းဖြစ်ကြောင်း၊ အုလ်ပါနာတွင် အခြေချနေထိုင်လာသည့် အစွန်းရောက်များ၏ price tag လှုပ်ရှားမှုအစိတ်အပိုင်းတစ်ခုလည်းဖြစ်ကြောင်း သိရသည်။

အုလ်ပါနာမှ ဂျူးတို့ရွှေ့ပြောင်းပေးရေးမှာ အစ္စရေးဝန်ကြီးချုပ်နာတန်ယာဟုလက်ထက်တွင် သော့ချက် ကျသည့် စမ်းသပ်မှုတစ်ခု ဖြစ်လာခဲ့သည်။ နာတန်ယာဟုကမူ ဗလီကျောင်းအားတိုက်ခိုက်မှုကို ရည်ညွှန်း ပြီး ငြိမ်းချမ်းစွာယှဉ်တွဲနေထိုင်မှုမပြုနိုင်သည့် လုပ်ရပ်နှင့် တာဝန်သိတတ်မှုကင်းသော ဥပဒေ မဲ့လုပ်ရပ်ဖြစ်ကြောင်း ရှုံ့ချပြောဆိုခဲ့သည်။ ထို့ပြင် ၎င်းအစိုးရအနေဖြင့် ထိုအမှုအား တရားမျှတစွာ စီရင်ဖို့ အလျင်အမြန်ဆောင်ရွက်မည်ဖြစ်ကြောင်းလည်း ထည့်သွင်းပြောကြားခဲ့သည်။

အစ္စရေးရဲတပ်ဖွဲ့မှ မစ်ကီရိုဆန်ဖဲလ်ဆိုသည့် ပြောခွင့်ရပုဂ္ဂိုလ်ကမူ ဂျေရုစလင်နှင့် ရာမာလာတို့မှ ငါးမိုင်စီကွာဝေးသော လူပေါင်း ၄၂၀၀ ခန့်နေထိုင်သည့် ပါလစ္စတိုင်းရွာတစ်ရွာဖြစ်သည့် ဂျဗားမှ သံသယဖြစ်ဖွယ် လူအများအပြားဝင်ရောက်လာခဲ့ကြောင်း၊ အင်္ဂါနေ့ စောစောပိုင်းက ဗလီတံခါးမကြီးကို ချိုးဖျက်ခဲ့ပြီး ဗလီကို မီးရှို့သဖြင့် ကောဇောများနှင့် ဗလီနံရံများ မီးလောင်ကျွမ်းခဲ့ကြောင်း ပြောကြားသည်။ ဗလီအပြင်ဘက်တွင်မူ ပြတင်းပေါက်လက်ယာဘက်၌ အုလ်ပါနာစစ်ပွဲဟု ရေးသားထားပြီး ဝဲဘက်တွင်မူ price tag ဟုရေးသားထား ကြောင်း၊ သို့ရေးသားခြင်းမှာ ဗလီကိုတိုက်ခိုက်ခြင်းသည် ဂျူးများရွှေ့ ပြောင်းပေးရခြင်းအတွက် ကလဲ့စားချေခြင်းဖြစ်သည်ဟု ဆိုလိုရာရောက်ကြောင်း သိရသည်။

ဂျဗားရွာ၏ အကြီးဆုံးဗလီဝတ်ကျောင်းအဖြစ် ဗလီအသေးတစ်လုံးအစား အသုံးပြုရန် လွန်ခဲ့သည့် သုံးနှစ်ကမှ ဆောက်လုပ်ထားသော ယင်းဗလီဝတ်ကျောင်းတော်ရှိ အဝါရောင် မီနာရာစက်ဝန်းမှာ ပတ်ဝန်းကျင်နေထိုင်သူများအတွက် အလွယ်တကူမှတ်မိနိုင်သည့် အမှတ်သင်္ကေတဖြစ်ကြောင်း၊ ထိုဗလီမှာ အုလ်ပါနာတွင်နေထိုင်သော ဂျူးများနှင့် ၈ မိုင်ခန့်ဝေးကြောင်း၊ မနက်စောစောပိုင်း ၁.၃၀ ခန့်တွင် ဗလီထဲမှ မီးတောက်များမြင်တွေ့ခဲ့ရပြီး တံခါးမကြီးလည်း ကျိုးပျက်နေကြောင်း ဂျဗားမြို့ခံ များက ပြောကြားသည်။ အစ္စရေးရဲများ ထိုနေရာသို့ မနက် ၆ နာရီတွင် ရောက်ရှိလာကြောင်း ရိုဆန်ဖဲလ်က ပြောကြားသည်။

ဂျဗားမြို့တော်ဝန် အဗ္ဗဒွလ် ကရီမ်ဘရှာရတ်ကမူ သူအုပ်ချုပ်နေရသည့် နယ်ပယ်မှာ ငြိမ်းချမ်းသော ဒေသဖြစ်ကြောင်းနှင့် ဗလီကိုဖျက်ဆီးသူများအား ပြစ်တင်ပြောဆိုခဲ့သည်။ "ဒီတစ်ကြိမ်တော့ မီးကိုနိုင်ကို ထိန်းလိုက်နိုင်တယ်။ ဒီကိစ္စအဆုံးသတ်သွားပြီလို့ ကျွန်တော်မထင်ဘူး။ သူတို့ ဒီထက်ဆိုး တာတွေလုပ်နိုင်သေးတယ်။ ကျွန်တော်တို့တိုင်းသူပြည်သားတွေနဲ့ သူတို့ရဲ့ ပစ္စည်းတွေက အန္တရာယ် ထဲမှာပါ။" ဟု ဘရှာရတ်က ပြောကြားသည်။

အခြေချနေထိုင်သူများ၏ ရီရှကောင်စီအကြီးအကဲ ဒါနီ ဒရန်ကမူ အစွန်းရောက်နေထိုင်သူများ များပြား လာခြင်းကို မည်သူမျှထိန်းချုပ်နိုင်ခြင်းမရှိကြောင်း အသိအမှတ်ပြုပြောဆိုခဲ့သည်။ ထိုအစွန်း ရောက် နေထိုင်သူများကပင် ယခုမီးရှို့ဖျက်ဆီးသည့်ကိစ္စ၏ သံသယဖြစ်ဖွယ် အရင်းအမြစ်ဖြစ် ကြောင်း၊ ဝတ်ပြု ရာနေရာကို မီးရှို့ခြင်းမှာ စိတ်ဓာတ်အောက်တန်းကျမှုဖြစ် ကြောင်းလည်း သူက အစ္စရေးရေဒီယိုသို့ ပြောကြားခဲ့သည်။



Tuesday, June 19, 2012

အစ္စလမ့်ခလီဖာ အမေရိကနိုင်ငံသို့ ရောက်ရှိ




အစ္စလာမ့်ခလီဖာ၊ အဟ်မဒီယာမွတ်စလင်မ်အဖွဲ့၏ ကမ္ဘာလုံးဆိုင်ရာခေါင်းဆောင်သည် ဇွန်လ ၁၆ ရက် နေ့က အမေရိကန်နိုင်ငံသို့ ရောက်ရှိကြောင်း သတင်းရရှိသည်။ သခင်ကြီးကို အမေရိကန် အဟ်မဒီယာ မွတ်စလင်မ်အဖွဲ့ဝင်များက ကြွေးကြော်သံများဖြင့် ကြိုဆိုခဲ့ကြသည်။

အဟ်မဒီယာမွတ်စလင်မ်အဖွဲ့အား တည်ထောင်သူအရှင်သူမြတ်၊ မဆီဟ်နှင့်မဟ်ဒီဘွဲ့ခံ၊ ဟာဇရသ်မီရ် ဇာဂူလာမ်အဟ်မဒ်(အ) အား ပဉ္စမမြောက်ဆက်ခံသည့် ဟာဇရသ်မီရ်ဇာမဆ်ရူးရ်အဟ်မဒ် (အဟ်မဒီယာ မွတ်စလင်မ်အဖွဲ့၏ ကမ္ဘာလုံးဆိုင်ရာခေါင်းဆောင်) သည် အမေရိကန်နိုင်ငံ၊ ချီကာဂို၊ အီလီနွိုက်စ်သို့ ၁၆ ရက်နေ့ ညနေပိုင်းက ကြွရောက်လာခဲ့ခြင်းဖြစ်သည်။ သခင်ကြီးသည် အမေရိကန်နိုင်ငံတွင် ရက်သတ္တနှစ်ပတ် နေထိုင်မည်ဖြစ်သည်။

ချီကာဂိုမြို့ အဟ်မဒီယာမွတ်စလင်မ်ဗလီဝတ်ကျောင်းတွင် ကလေးသူငယ်များက ပန်းစည်းများဖြင့် လည်းကောင်း၊ ကဗျာလင်္ကာများဖြင့်လည်းကောင်း ကြိုဆိုခဲ့သည်။

သခင်ကြီးသည် အမေရိကန်နိုင်ငံတွင်ရှိနေစဉ် ထောင်ပေါင်းများစွာသော မွတ်စလင်မ်များအား တွေ့ဆုံ သွားမည်ဖြစ်သည်။ သခင်ကြီးမှာ ကပ္ပီတလ်တောင်ကုန်း၊ Rayburn House Office Building ၌ ဇွန်လ ၂၇ ရက်နေ့တွင် ကျင်းပမည့် ပါတီပေါင်းစုံမှ ကိုယ်စားလှယ်များ၏ အထူးဧည့်ခံပွဲ အခမ်းအနား၌ "ငြိမ်း ချမ်းရေးခြင်း အတွက် နည်းလမ်း-နိုင်ငံများအကြား အဆက်အဆံ" ဟူသော ခေါင်းစဉ်ဖြင့် မိန့်ခွန်း မြွက်ကြားမည်ဖြစ်ကြောင်း သိရသည်။

ဇွန်လ ၂၉ ရက်မှ ဇူလိုင်လ ၁ ရက်နေ့ထိကျင်းပမည့် အမေရိကန်နိုင်ငံလုံးဆိုင်ရာ အဟ်မဒီယာ မွတ်စလင်မ်အဖွဲ့၏ နှစ်ပတ်လည်ညီလာခံကိုလည်း သခင်ကြီး၏ခေါင်းဆောင်မှုဖြင့် ကျင်းပသွားမည်ဖြစ် ကြောင်း သိရသည်။

Friday, June 15, 2012

ဝေဖန်နေကြတဲ့သူတွေ တကယ်ပဲ ကုရ်အာန်ကို ဖတ်ကြပါရဲ့လား ?



ရမ္မဇန်လမြတ် ကျရောက်လာပါတော့မယ်။ မွတ်စလင်မ်တွေကတော့ ဥပုသ်သီလဆောက် တည်ခြင်း၊ အလှူဒါနနဲ့ ဝတ်ပြုဆုတောင်းခြင်းတွေ ပြုလုပ်ရပါမယ်။ ဒါပြင် အစ္စလာမ်မိုဖိုးဘီးယားခေါ် အစ္စလာမ် ကြောက်ရောဂါကိုလည်း တိုက်ဖျက်ပြစ်ရပါမယ်။ နော်ဝေအကြမ်းဖက်သမား အန်ဒါးစ် ဘာရင်း ဘရိုင်းဗစ်ကတော့ ဒေါသအမျက်ကိုအခြေခံပြီး အပြစ်မဲ့လူပေါင်း ၇၆ ဦးကို အစ္စလာမ် ကိုချေမှုန်းရေး ဆိုပြီး သတ်ပြစ်ခဲ့ပါတယ်။ လူရွှင်တော် ဘီလ်မဟာရ်ကတော့ ကုရ်အာန်ကို အမုန်း တရားတွေပြည့်နေ တဲ့ကျမ်းစာလို့ မကြာသေးမီက သမုတ်ခဲ့ပါတယ်။ ဘာသာမဲ့တစ်ဦးဖြစ်ပြီး ဘာသာ တရားမဲ့သူများဖြစ် အောင် ဖျောင်းဖျပြောဆိုသူ ဧဝံဂေလိ၊ ဆမ်ဟဲရစ်ကတော့ ကုရ်အာန်ရဲ့ စာမျက်နှာတိုင်းလိုလိုဟာ လိုက်နာကျင့်သုံးသူမွတ်စလင်မ်များကို မယုံကြည်သူများအပေါ် ခက်ထန်စွာ မုန်းတီးဖို့ ညွှန်ကြားနေ တယ် လို့ ဖိအားပေးပြောကြားနေပါတယ်။ ပီတာကင်းဆိုတဲ့လူကလည်း ၂၁ ရာစုရဲ့ ဆီးနိတ်အမတ် မက္ကာသီလိုဖြစ်ဖို့ အန္တီမွတ်စလင်မ်လှုပ်ရှားမှုကို ဆက်လက်ပြုလုပ်နေဆဲပါ။




လစ်ဗျားကလေးများ လမြတ်ရမ်ဇန်၌ ကျမ်းမြတ်ကုရ်အာန် ​လေ့လာနေကြစဉ်။ Saturday, Aug. 6, 2011. (Sergey Ponomarev - AP)

ဒီလူထုအခမ်းအနားတစ်ခုကို ကျွန်တော်မေ့လျော့နေခဲ့ပါတယ်။ ကျွန်တော့်ရဲ့စာဖတ်ပရိတ်သတ်က မေးလ်နဲ့လှမ်းပြီး သတိပေးခဲ့ရတဲ့အထိပါ။ 

လီယိုနာဒ်က "ကုရ်အာန်မှာ ဂျူးဆန့်ကျင်ရေးစကားလုံးတွေ ပါဝင်နေတယ်" လို့ရှင်းပြပါတယ်။ "ကုရ်အာန်ကို တကယ်ချစ်မြတ်နိုးသူကတော့ မွတ်စလင်မ်မဟုတ်သူများအား သားသတ်သမားလို နုတ်နုတ်ဆင်းပစ်ခြင်းအားဖြင့် သူတို့ရဲ့ သနားကြင်နာခြင်းကရုဏာကို ဖော်ပြကြပါတယ်။" လို့ အိမ်ဂျယ် ဆိုသူက ဖြည့်စွက်ပါတယ်။ ဗာဂျီးနီးယားပြည်နယ်၊ ရစ်ခ်ျမွန်က တစ်သက်လုံး ခရစ်ယာန်ဘုန်းကြီးဝတ် ထားတဲ့ (သူကတော့ အမည်မဖော်ပြပါနဲ့လို့ တောင်းဆိုထားပါတယ်။) သူတစ်ဦးက ကျွန်တော့်ဆီ စာရေးပြီး ဝန်ခံထားတာက - "မွတ်စလင်မ်ဒေသနာတွေနဲ့ပတ်သတ်ပြီး တော့ များများစားစားမသိပါဘူး။ ဒါပေမယ့် ခင်ဗျားရဲ့ ကျမ်းစာကတော့ ငြိမ်းချမ်းရေး ဒါမှမဟုတ် လူမျိုးဘာသာခြားများအားလုံး တစ်စည်းတစ်လုံးတည်းမိသားစုပုံစံနေထိုင်သွားနိုင်ဖို့ နည်းနာတွေကို မသွန်သင်ထားဘူးဆိုတာ အသေအချာပါပဲ။" အစ္စလာမ်နဲ့ပတ်သတ်ပြီး များများစားစားမသိပါဘူးလို့ ဝန်ခံထားပြီးမှ သူရဲ့ ကောက်ချက်မှာတော့ မိမိကိုယ်ကို စိတ်ချယုံကြည်မှုတွေ စုပြုံထားပါတော့တယ်။

ဒါကြောင့် အခု ဝမ်းဒေါ်လာ မီလီယံမေးခွန်းကို မေးပါ့မယ်။ "Do critics actually read the Koran?" ဝေဖန်နေကြတဲ့သူတွေ တကယ်ပဲ ကုရ်အာန်ကို ဖတ်ကြပါရဲ့လား ?

အဟုတ်တကယ်ပါပဲ။ ကျွန်တော်အနေနဲ့ ဘီလ်မဟာရ်ဆိုတဲ့ပုဂ္ဂိုလ်၊ ကျမ်းမြတ်ကုရ်အာန်ကို အမှန်တကယ်ဖတ်ရှုပါတယ်လို့ တင်ပြထားတဲ့သတင်းမျိုး ရှာဖွေတွေ့ရှိနိုင်မှာမဟုတ်ပါ။ ဒီလိုပြောလိုက် လို့ သူ့မှာ ကုရ်အာန်စာအုပ်မရှိဘူးလို့ ဆိုလိုတာမဟုတ်ပါ။ ဒါပေမယ့် မကြာသေးမီက ကွန်ဂရက်ထဲက ကိတ်အလီဆင်ရဲ့ အင်တာဗျူးမှာတော့ သူ(ဘီလ်မဟာရ်)က ဆမ်ဟဲရစ်၊ သူ့ကိုပြောပြထားတဲ့ ကုရ်အာန် အကြောင်းကို တော်တော်များများ ကိုးကားသွားခဲ့ပါတယ်။ သို့သော် သူကိုယ်တိုင်ကုရ်အာန်ကို ဖတ်ပါတယ်လို့တော့ ဘယ်တော့မှ တိတိကျကျ မဖော်ပြပါ။ ကောင်းပါပြီ။ ဆမ်ဟဲရစ်ဆိုတဲ့ ပုဂ္ဂိုလ်ကတော့ ကုရ်အာန်ကို ဖတ်ထားပြီးဖြစ်ဖို့ လိုအပ်နေခဲ့ပါပြီ။ သူ့ရဲ့ ငြင်းခုံမှုတွေ အထမြောက်အောင်မြင်ဖို့ ကုရ်အာန်မုက္ခပါတ်အစိတ်အပိုင်းတွေကို ဘယ်လိုများ ရွေးချယ်ပြီး ထိထိရောက်ရောက် ထောက်ပြပါသလဲ။ အာ.. ဒါမျိုးလုပ်တာက ပိုက်ဆံတွေဆီကနေ ထွက်ပြေးတာ မျိုးတော့ မဖြစ်နိုင်ပါ။ ပီတာကင်းဆိုတဲ့ပုဂ္ဂိုလ်က မွတ်စလင်မ် တစ်ယောက်ယောက်နဲ့များ တကယ်ပဲ သိကျွမ်းပါသလား? ဘရိုင်းဗစ်ကိစ္စကိုပဲကြည့်ပါ၊ သူနဲ့ ဘင်လာဒင်က ဝိသေသတစ်ခုတည်းကို အတူယူသွားကြပြီ။ နှစ်ယောက်လုံးက လူအစုလိုက်အပြုံလိုက်သတ်ပြီး ကုရ်အာန်နဲ့ပတ်သတ်လို့ တစ်လုံးတစ်ပါဒမှ မတတ်ကျွမ်းသူတွေ။

ကျွန်တော့်ရဲ့ ရေးသားချက်များကို ဆက်လက်ဖတ်ပေးပါအုန်း။ ကျွန်တော်ကတိပေးပါ။ ကျွန်တော် ဒီဝေဖန်ရေးသမားတွေကို ပြန်ပြီးဝေဖန်သွားမှာမဟုတ်ပါ။ သူတို့ကို လိပ်မူတင်ပြသွားမှာပါ။ ဝေဖန်ရေးသမားတွေကို တဘက်မှာထားပြီး ကနဦးဖြစ်တဲ့ကိစ္စကို ပြောရအောင်။ မွတ်စလင်မ်မဟုတ်သူတွေက ဘာလို့ ကုရ်အာန်ဖတ်ဖို့ လိုနေတာတုန်း၊ ကုရ်အာန်ဖတ်ရွတ်ခြင်းကို သူတို့ ဘာလို့ ကရုစိုက်နေရမှာတုန်း?

ကောင်းပါပြီ။ အခုကျွန်တော်တို့ရဲ့ အမေရိကန်ခေါင်းဆောင်များကို နမူနာထားစဉ်းစားပါ့မယ်။ မျက်နှာပြင်ပေါ်မှာတော့ သောမတ်စ်ဂျက်ဖာဆင်၊ ဂျော့ဘုရ်ှနဲ့ အိုဘားမားတို့ပေါ်လစီတွေက တော်တော်ကြီး ကွာကြတာပဲ။ ဒါပေမယ့် အဲဒီသမ္မတအားလုံး ကုရ်အာန်ကို ဖတ်ဖူးကြပါတယ်။ နိုင်ငံတော်တည်ဆောက်ရေးဖခင်ကြီး ဂျက်ဖာဆင်က သူရဲ့ ကိုယ်ပိုင်ကုရ်အာန်ကို တန်ဖိုးထားတယ်ဆိုပဲဗျ။ ကွန်ဆာဗေးတစ် ရီပတ်ဘလီကန်ကြီး ဂျော့ဘုရ်ှက ကုရ်အာန်ကို တကယ့်အမြော်အမြင်လက်ဆောင်တွေလို့ ခေါ်ခဲ့ဖူးပါတယ်။ မွတ်စလင်မ်မဟုတ်တဲ့ ဒီမိုကရက်ကြီး  အိုဘားမားကတော့ ကလေးဘ၀ထဲက ကုရ်အာန်ကို လေ့လာသင်ယူခဲ့ဖူးသူပါ။ ဂျက်ဖာဆင်၊ ဘုရ်ှ၊ အိုဘားမား - ဘာလို့သူတို့ကို နမူနာမယူကြတာတုန်း။

ပြဿနာက နက်ရှိုင်းလာပါတယ်။ ခရစ်ယာန်ချာခ်ျကျောင်းတွေက အမေရိကန်မှာ မွတ်စလင်မ်တွေ ကို အသိအမှတ်ပြုတဲ့ရာနှုန်းက ၅၀ အောက်မှာလို့ သတင်းပေးဖော်ပြပါတယ်။ ချာခ်ျတွေကပဲသတင်းပေးတာပါ၊ အမေရိကန်လူဦးရေတဝက်အောက်လောက်ကပဲ မွတ်စလင်မ်တွေ ကို ပုဂ္ဂလိက သိကျွမ်းကြတာပါလို့ စစ်တမ်းက ဖော်ပြနေပါတယ်တဲ့။ ကုရ်အာန့်ဥပဒေ၊ ရှရီယာကို ပိတ်ပင်ဖို့ အမေရိကန် ပြည်နယ်ပေါင်း ၁၇ ခုက တောင်းဆိုခဲ့ကြပါတယ်။ ကုရ်အာန်အကြောင်း ဘယ်လောက်များများ ပမာဏက မသိဖြစ်နေမလဲ၊ ကျွန်တော်တို့နိုင်ငံထဲ ၃ ပုံ ၁ ပုံစာလောက်ရှိတဲ့ ပြည်နယ်တွေက ဒီကုရ်အာန်ကို ငြိမ်းချမ်းရေးနဲ့ အတူတကွယှဉ်တွဲနေထိုင်ရေးတို့အတွက် မသွန်သင်ပါဘူးလို့ စုပြုံပြောဆိုနေကြတဲ့ ပမာဏကလည်း အဲဒီလောက်ပါပဲ.... ခင်ဗျားအနေနဲ့ ဒီလိုပြောဆိုမှုမျိုးနဲ့ အကျွမ်းတဝင်မှ ရှိရဲ့လား ?

နိုင်ငံတကာမှာ အလုပ်လက်မဲ့ပြဿနာတွေ၊ နိုင်ငံတကာ အခြေခံမပြေလည်မှုတွေနဲ့ လူထုအတွက် ပညာရေး၊ ကြွေးမြီပြဿနာစတာတွေက တကယ့်ကို ခေတ်ထနေတဲ့ကိစ္စတွေပါ။ ဒါပေမယ့်မယ့်ဗျာ၊ (အမေရိကန်) ပြည်နယ်သုံးခုမှာ တစ်ခုက အခွန်ငွေတွေကို ကုရ်အာန်စာအုပ်မီးရှို့တဲ့နေရာမှာ အသုံး ချနေကြတယ်။ အံ့အားသင့်စရာပဲ။ အစ္စလာမ်သာသနာကို ကျမ်းမြတ်ကုရ်အာန်ကနေ လေ့လာဖို့ စိတ်ဝင်စားတဲ့လူ ဘယ်နှဦးရှိပါသလဲ။ အကောင်းဘက်ကမြင်မယ်ဆိုရင်တော့၊ လက်လှမ်းမမီတာ လည်းဖြစ်နိုင်သလို၊ တစ်စုံတစ်ရာထိခိုက်မှုမဖြစ်နိုင်ဘူးဆိုပြီး ပြောဆိုတင်ပြတာမျိုးမရှိလို့ လည်းဖြစ် နိုင်ပါတယ်။ အမှန်တကယ်ကတော့ ဒီမေးခွန်းပါပဲ။ ဂူးဂဲလ်ဆိုတာကို လူတိုင်းကြားဖူးပါသလား။ ဒီမှာ ကုရ်အာန် အခမဲ့ကော်ပီတစ်ခုပါ။

ဘာမှမရှိတော့ရင်လည်း ရွှေဥပဒေကြီး(golden rule) တော့ အဓွန့်ရှည်ပါစေ။ မွတ်စလင်မ်တွေ ကတော့ ဘိုင်ဘဲလ်လည်းဖတ်သလို၊ တိုရာကိုလည်းဖတ်ပါတယ်။ ပြီးတော့ (ကုရ်အာန်မတိုင်မီ) အရင်က ကျမ်းစာတွေမှာလည်း အမှန်တရားပါဝင်ပါလား ဆိုပြီး ဂုဏ်ယူစွာနဲ့ ဆန်းစစ်ပါတယ်။ ကျွန်တော့်မှာ ကိုယ်ပိုင်လေ့လာဖို့ ဘိုင်ဘဲလ်နဲ့ တိုရာတစ်စုံစီရှိပါတယ်။ အခု မွတ်စလင်မ်တွေ အကြောင်း ပြောကြည့်ရအောင် -

ကံမကောင်းအကြောင်းမလှစွာနဲ့ပဲ၊ ဝေဖန်သူတွေက ကုရ်အာန်မှာ အမုန်းတရားတွေနဲ့ပြည့်နှက်နေ တယ်လို့ချည့် ပြောနေကြပါတယ်။ မွတ်စလင်မ်တွေက အန္တရာယ်ရှိတယ်ပေါ့။ သူတို့ထုတ်ပြတဲ့ ကုရ်အာန် မုက္ခပါတ်က "ထို(မယုံကြည်သူတို့အား) တွေ့ရာနေရာ၌ သတ်ပြစ်ကြ" (၂.၁၉၂)  သူတို့ကိုယ်တိုင် ဖြတ်ညှပ်ပြီး လိုရာဆွဲတင်ပြ ထားတဲ့ ကိစ္စလို့ ပြောပြရင်တော့ ဝေဖန်ရေးဆရာတွေ က လှောင်ပြောင်နေကြပါဦးမယ်။ ဒါပေမယ့် ဘယ်ခေတ်ဘယ်အခါမှာမဆို ဘယ်တိုင်းပြည်က ဘယ်တရားရုံးက အဘယ်ကဲ့သို့သော တရားသူကြီးဖြစ်နေပါစေ၊ ဥပဒေကို ဖွင့်ဆိုရာမှာ ဖြတ်ညှပ် ကပ် မဖြစ်စေပဲ အားလုံးအပေါ်မှာ လွှမ်းပြီးယူတတ်စေဖို့ အရေးကြီးကြောင်း အငြင်းပွားဖွယ်မရှိ ရှင်းလင်းပြပါလိမ့်မယ်။ တစ်ခုသတိချပ်ရမှာက ကုရ်အာန်ကလည်း ဥပဒေကျမ်းတစ်စောင်ဆိုတာ ကိုပါ။

၂.၂၉၂ မတိုင်မီလာရှိတဲ့ မုက္ခပါတ်မှာ ဖော်ပြထားတာက - "ထို့ပြင်တဝ အသင်တို့သည် အလ္လာဟ် အရှင်မြတ် ၏ လမ်းတော်၌ အသင်တို့ကို (စတင်) စစ်မက်ပြိုင်ဆိုင် တိုက်ခိုက်သူတို့နှင့် ပြိုင်ဆိုင် တိုက် ခိုက်ကြကုန်လော့။ သို့ရာတွင် (ဤသို့တိုက်ခိုက် ရာ၌) အသင်တို့သည် (မည်သည့်နည်းနှင့်မျှ) မကျူး လွန်ကြကုန်လင့်။ ဧကန်မုချ အလ္လာဟ်အရှင်မြတ် သည် ကျူးလွန်သူတို့ကို နှစ်သက်တော် မူသည် မဟုတ်ချေ။" (၂.၁၉၁) ဆိုပြီးတော့ဖြစ်ပါတယ်။ ဒီမုက္ခပါတ်မှာ သတ်မှတ်ထားတာက စစ်ဆို တာ ခုခံဖို့ပဲ၊ စတင်ကျူးကျော်ဖို့မဟုတ်ဆိုတာပါ။ ၂.၁၉၂ ကို ဆက်လက်ဖတ်ရှုရင် ဖော်ပြထားတာက "ထိုမယုံကြည်သူတို့က အသင်တို့အားနှင်ထုတ်သကဲ့သို့ အသင်တို့သည်လည်း ထိုမယုံကြည်သူတို့ အားနှင်ထုတ်ကြကုန်။ အမှန်သော်ကား (သာသနာရေး၌) ညှဉ်းဆဲနှိပ်စက် နှောင့်ယှက်ခြင်းသည် သတ်ဖြတ် ခြင်းထက်ပင် ပိုမို၍ဆိုးရွားလှ၏။ " ဒါက  မိမိရဲ့ရ ပိုင်ခွင့်ကို ပြန်ပြီးတောင်းဆိုဖို့ဆိုတဲ့ အချက်ကို ရှင်းပြနေပါတယ်။ အထက်မှာဖော်ပြထားတဲ့ မုက္ခပါတ်မှာ ခုခံစစ်ဆင်နွှဲဖို့ ခွင့်ပြုထားပြီး နောက်ဆက်တွဲလာရှိတဲ့ မုက္ခပါတ်များ (၂.၁၉၃-၁၉၄) တွေမှာတော့ မွတ်စလင်မ်တွေကို သူတို့ရဲ့ ရန်သူက တိုက်ခိုက်ခြင်းရပ်ဆဲလိုက်တာနဲ့ သူတို့လည်း ရပ်ဆဲပြစ်ရမယ်လို့ ညွှန်ကြားထားပါတယ်။ ဖော်ပြထားတာက " သို့ရာ တွင် အကယ်စင်စစ် ထိုသူတို့သည် စစ်မက်ပြိုင်ဆိုင် တိုက်ခိုက် ခြင်းကို ရပ်စဲကြပါမူ၊ ကျူးလွန်နှိပ်စက် ညှင်းပန်းသူ တို့မှတစ်ပါး အခြားသူတို့၏အပေါ်ဝယ် မည်သို့မျှ ကျူးကျော်စော်ကား(တုံ့ပြန် သတ်ဖြတ်)ရန် အကြောင်းမရှိပေ။"

ဒီနည်းနာကိုပဲ ကုရ်အာန်တစ်အုပ်လုံးမှာ အထပ်ထပ်အခါခါလမ်းညွှန်ထားပါတယ်။ အချက်အလက် များအရတော့ ၂၂.၄၀ မှာ စစ်စည်းကမ်းကို ဖော်ပြထားပါတယ်။ "တိုက်ခိုက်ခြင်းခံနေကြရသော (မွတ်စ်လင်မ်)တို့သည် (ခုခံတိုက်ခိုက်)ခွင့် ရရှိလေပြီ။ အကြောင်းမူကား၊ ၎င်းတို့သည် နှိပ်စက်ညှဉ်း ပန်းခြင်းကို ခံခဲ့ကြရလေသည်။" အဲဒီ​နောက် ၂၂.၄၁ မှာ ဖော်ပြတာက ဘာသာသာသနာတိုင်းရဲ့ ဘုရားပုထိုး၊ ဝတ်ပြုရာကျောင်းဆောင်တွေကို ကာကွယ်ရမယ်ဆိုတဲ့ ယူနီဗာဆယ် ဘာသာရေးလွတ် လပ်ခွင့်အကြောင်း ဖော်ပြထားပါတယ်။ မွတ်စလင်မ်တွေ ကာကွယ်ခိုင်းထားတာပါ။ ဘာလဲ၊ ဒါမျိုး တွေက သည်းမခံတတ်တဲ့ အမုန်းတရားတွေပဲလားဗျာ။

ဒီလမြတ်ရာမ်ဇာန်မှာ ကျမ်းမြတ်ကုရ်အာန်မုက္ခပါတ်များထဲက ပထမဆုံးထုတ်ပြန်ပို့ချခြင်းခံရတဲ့ ၉၆.၂ ထဲက အစ်ကရ ဆိုတဲ့စကားလုံးကို ကြည့်ကြရအောင်။ အစ်ကရဆိုတာ ဖတ်လော့၊ ဒါမှမဟုတ် ဒီကနေ ဆက်သွား ဆိုပြီး အဓိပ္ပါယ်ရပါတယ်။ ဝေဖန်ရေးဆရာသမားကြီးတွေ ကိုးကားတင်ပြထား တဲ့ မုက္ခပါတ်တိုင်း (အနုတ်လက္ခဏာအဓိပ္ပါယ်ထွက်စေဖို့ကိုးကားကြခြင်းဖြစ်)မှာ ရှင်းလင်းပြီး အချက်ကျတဲ့ တင်ပြမှုတွေ ရှိနေတယ်ဆိုတာ ကျိန်းသေသဘောပေါက်ထားဖို့ လိုအပ်ပါတယ်။ သို့သော် ကျွန်တော်တို့အနေနဲ့ တစ်ကြိမ်လောက်တော့ ကုရ်အာန်ကို အစ်ကရ ထားဖို့ လိုတာပေါ့ဗျာ။

အဲဒီနောက်မှ ခင်ဗျားအနေနဲ့ စုတုပြုတော့ပေါ့။

ကာစင် ရရှီဒ် ၏ ဝါရှင်တန်ပို့စ်ပါ ဆောင်းပါး အား ဆီလျော်သလိုမြန်မာမှုပြုပါသည်။ Qasim Rashid is an American-Muslim human rights activist, writer and a frequent lecturer on American-Islamic issues.



Wednesday, June 13, 2012

အာရေဗျဈေးကွက်အတွက် Facebook ပေါ်မှာ အင်ရှာအလ္လာဟ်ခလုတ်ကလေးများ တပ်ဆင်



Facebook က သူတို့ရဲ့ဆိုရှယ်မီဒီယာဆိုဒ်ကို ပြောင်းလဲမှုအများအပြားပြုလုပ်သွားမယ်လို့ ဆိုထားတဲ့ အတိုင်း ဒူဘိုင်းမှာ ရုံးခွဲဖွင့်ပြီးတဲ့နောက် အာရပ်ဈေးကွက်နဲ့သင့်တော်မယ့် ပထမဆုံးအပြောင်းအလဲကို ဆောင်ရွက်ခဲ့ပါတယ်။ နောက်တစ်ပတ်ကနေစပြီးတော့ အရှေ့အလယ်ပိုင်း နဲ့ မြောက်အာဖရိကမှာ ဖေ့စ်ဘွတ်သုံးစွဲနေကြသူများအတွက် အခမ်းအနားဖိတ်ကြားချက်ကလေးတွေ ကို တုန့်ပြန်ရာမှာ "အင်ရှာအလ္လာဟ်" ဆိုတဲ့ တုန့်ပြန်မှုမျိုးကို "Join, Maybe, Decline" တို့နဲ့အတူ ပြုလုပ်နိုင်တော့မှာ ဖြစ်ပါတယ်။


ဖေ့စ်ဘွတ်ရဲ့ အာရေဗျဒေသဆိုင်ရာ မန်နေဂျာတစ်ဦးဖြစ်တဲ့ မာဂျစ်ဂျော်ဆင်က "ဒါကတော့ ဒေသတ ဝှမ်းမှာ ရှိနေတဲ့ စူးစမ်းလေ့လာရေးအုပ်စုများကြောင့် ဖြစ်ပေါ်လာတဲ့ရလဒ်ကလေးပါ။ အင်ရှာအလ္လာဟ် ခလုတ်ကလေးကို တော်တော်ကြာကြာကပဲ ထင်ထင်ပေါ်ပေါ်တောင်းဆိုခဲ့ကြတာပါ။" ဟု ပြောကြားခဲ့ သည်။

ပင်လယ်ကွေ့ဒေသအတွက် ပလက်တီနမ်အပြောင်းအလဲအစီအစဉ်ကိုလည်း ဖေ့စ်ဘွတ်အာရေဗီးယား က ကြေငြာခဲ့ပါတယ်။

"ကျနော်တို့ရဲ့ အထူးလေ့လာမှုအုပ်စုထဲမှာ ဒါကကြီးမားတဲ့အောင်မြင်မှုပါ။ ဖေ့စ်ဘွတ်ပလက်တီနမ် မှာတော့ ဆိုရှယ်မီဒီယာကို တစိုက်မတ်မတ်သုံးစွဲသူများအတွက် ပရီမီယံရွေးချယ်မှုတွေပါရှိပါလိမ့်မယ်။ အဲဒီမှာ မှတ်ပုံတင်ကြေး၊ အကောင်းဆုံးပြောဆိုသူ၏ဝေါလ်၊ ၂၄ နာရီ စောင့်ကြည့်ပြီး status message တင်နိုင်သူစတဲ့ ကြယ်ငါးပွင့်ဝန်ဆောင်မှုမျိုးတွေ ပါဝင်ပါလိမ့်မယ်။ တစ်ကြိမ်မှာ အသုံးပြုသူအယောက် ၅၀ အတွက် နေရာလပ်တွေကို ဖန်တီးထားပါသေးတယ်။" ဟု ဂျွန်ဆင်က ပြောကြားခဲ့သည်။

ဖေ့စ်ဘွတ်ပလက်တီနမ်ကို လာမည့်နိုဝင်ဘာတွင် လွှင့်တင်မည်ဖြစ်သည်။

ဒီပေ့ခ်ျမှာ လေ့လာနိုင်ကြပါတယ်။

အင်္ဂလန်နိုင်ငံ၊ အဟ်မဒီယာမွတ်စလင်မ်အဖွဲ့၊ သာသနာရေးတက္ကသိုလ်၏ ပထမဦးဆုံးသော ဘွဲ့နှင်းသဘင်


ဇွန်လ ၉ ရက်နေ့တွင် အင်္ဂလန်နိုင်ငံ၊ အဟ်မဒီယာမွတ်စလင်မ်အဖွဲ့၊ သာသနာရေးတက္ကသိုလ်၏ ပထမဦးဆုံးသော ဘွဲ့နှင်းသဘင်အခမ်းအနားကို ကျင်းပခဲ့သည်။ ယင်းကို အင်္ဂလန် အရှေ့ တောင်ဘက် ဆာရေးဒေသရှိ ဟိုင်ဇလ်မီးယားမြို့တွင်တည်ရှိသော အဆောက်အဦသစ်တွင် ကျင်းပခဲ့ ခြင်းဖြစ်သည်။ အခမ်းအနားကို အဟ်မဒီယာမွတ်စလင်မ်အဖွဲ့၏ ကမ္ဘာလုံးဆိုင်ရာ ဝိညာဉ်ရေးရာ ခေါင်းဆောင် ပဉ္စမမြောက် ခလီဖတွလ်မဆီဟ်က ဦးဆောင်ခဲ့သည်။

ဘွဲ့နှင်းသဘင်တွင် အောင်မြင်သူ ၂၃ ဦးအား ဟာဇရသ်မီရ်ဇာမဆ်ရူးရ်အဟ်မဒ်၊ ပဉ္စမမြောက် ခလီဖတွလ်မဆီဟ်သခင်က ရှာဟီဒ်ဘွဲ့များ ပေးအပ်ချီးမြှင့်ခဲ့သည်။ ထိုဘွဲ့ရသူများမှာ အဟ်မဒီယာ မွတ်စလင်မ်အဖွဲ့၏ တရားဝင်သာသနာပြုများအဖြစ် စာရင်းပေးသွင်းကာ သာသနာ့တက္ကသိုလ်တွင် ပညာဆည်းပူးခဲ့ကြခြင်းဖြစ်သည်။

ထို့နောက် ခလီဖာသခင်ကြီးက အမြော်အမြင်နှင့်ပြည့်စုံလှသည့် မိန့်ခွန်းကို မိန့်ချွေတော်မူကာ ဘွဲ့ရ သာသနာပြုများကို ၎င်းတို့၏များပြားလှသောတာဝန်၀တ္တရားများအကြောင်း သတိပေးပြောကြားခဲ့ သည်။ သခင်ကြီးက ဘွဲ့ရများအား သူတို့အနေဖြင့် ဥရောပတွင်တည်သော ဂျာမေအာ(သာသနာ့တ က္ကသိုလ်)မှ ပထမဆုံးဘွဲ့ရကျောင်းသားများဖြစ်သည့်အားလျော်စွာ နောင်မျိုးဆက်ကျောင်းသားများ၊ ဘွဲ့ရသာသနာပြုများအတွက် စံပြသရုပ်များဖြစ်နေရန်လိုကြောင်း ပြောကြားတော်မူခဲ့သည်။

သခင်ကြီးက "အသင်တို့အနေနဲ့ အမြဲမှတ်သားထားရမှာက အဟ်မဒီသာသနာပြုတစ်ဦးရဲ့ အပြုအမူနဲ့ လုပ်ကိုင်ဆောင်ရွက်မှုများဆီကနေ အခြားသူများကို အကူအညီဖြစ်စေရမယ်၊ အကျိုးကျေးဇူးရယူနိုင်စေရမယ် ဆိုတာပါပဲ။" ဟု မိန့်ကြားတော်မူခဲ့သည်။

သခင်ကြီးက ဘွဲ့ရကျောင်းသားများအနေဖြင့် ယခုဘွဲ့ရမှုမှာ သာသနာ့ပညာရေး၌ ပြီးပြည့်စုံမှုတစ်ခုမ ဟုတ်သေးကြောင်း၊ အမှန်တကယ်တွင်မူ ၎င်းတို့၏ပညာရေးမှာယခုအချိန်မှ စတင်မည်ဖြစ်ကြောင်း သတိပေးပြောကြားတော်မူခဲ့သည်။

သခင်ကြီးက ဘွဲ့ရများအနေဖြင့် အမှန်တကယ်အောင်မြင်ရန်နည်းလမ်းမှာ အလ္လာဟ်အရှင်မြတ်ထံ တော်ပါး၌ မိမိတို့ကိုယ်ကိုတွယ်ကပ်နေခြင်းဖြင့်သာ ဖြစ်နိုင်မည်ဖြစ်ကြောင်း၊ မိမိတို့စိတ်အတွင်း အဇ္ဈတ္တကို ကျိုးနွံခြင်းအတိပြီးစေဖို့ လိုအပ်ကြောင်း မိန့်ကြားတော်မူသည်။

သခင်ကြီးမိန့်တော်မူသည်မှာ - " ဘယ်ကိစ္စမှာမဆို အသင်တို့အနေနဲ့ အပြီးပြည့်စုံဆုံးသော သူများ အဖြစ်မထင်မှတ်ကြပါနဲ့။ မိမိတို့ကိုယ်ကို အဆင့်မြင့်ပညာတတ်ကျွမ်းတယ်ဆိုပြီးလည်း မသုံးသပ်ကြ ပါနဲ့။ ကမ္ဘာ့သမိုင်းမှာတော့ အပြီးပြည့်စုံဆုံးသော လူသားဆိုတာ တစ်ဦးတစ်ယောက်တည်းသာရှိပြီး ထိုသူကတော့ တမန်တော်မြတ်မဟာ မုဟမ္မဒ်(ဆွ)ပဲဖြစ်ပါတယ်။ သခင်ကြီး(ဆွ)၏ ဥပမာကိုသာ အသင်တို့အနေနဲ့ စံထားအတုယူလိုက်နာရပါမယ်။ "


သခင်ကြီးက ဘွဲ့ရကျောင်းသားများ၏ အနာဂတ်တာဝန်ဝတ္တရားများအကြောင်းကို ဆွေးနွေးရာ၌ ၎င်းတို့၏မှန်ကန်သောရည်ရွယ်ချက်မှာ ဘ၀တစ်လျောက်လုံး အစ္စလာမ်သာသနာကို အလုပ်အကျွေး ပြုရန်ဖြစ်ကြောင်း၊ ထိုသည်ကို အမြဲသတိရနေဖို့လိုအပ်ကြောင်း မှာကြားတော်မူ သည်။

ဥရောပတွင် ဘွဲ့ရခဲ့၍လည်း ဘွဲ့ရများအနေဖြင့် အနောက်နိုင်ငံရှိ လူသားများနှင့် လွတ်လပ်ပွင့် လင်းစွာ ဆက်သွယ်ဆောင်ရွက်နိုင်သလို ဒေသဆိုင်ရာဘာသာစကားများနှင့် ယဉ်ကျေးမှုများကို လည်း နားလည်သဘောပေါက်ခွင့်ရခဲ့ကြောင်း ပြောကြားတော်မူသည်။

သခင်ကြီးက အဟ်မဒီသာသနာပြုတိုင်းမှာ ခေတ်အခါ၏ ခေလာဖသ်ကိုယ်စားလှယ်များ ဖြစ်ခြင်း ကြောင့် မိမိတို့၏စိတ်ပိုင်းဆိုင်ရာတွင် စံပြသရုပ်များဖြစ်နေရမည့်အကြောင်းလည်း သတိပေး ဆုံးမ တော်မူခဲ့သည်။

သခင်ကြီးက

"ကျွန်တော်တို့ အဖွဲ့ရဲ့ သာသနာပြုများကို အဖွဲ့ဝင်များအားလုံးက လေးစားလိုက်နာမှုရှိကြကြောင်း၊ ထိုသည်ကို ယခုဘွဲ့ရကျောင်းသားများ သိရှိလာလိမ့်မည်ဖြစ်ကြောင်း၊ သို့သော် အသင်တို့အနေဖြင့် မှတ်သားရမည်မှာ ထိုလေးစားလိုက်နာမှုများမှာ ပုဂ္ဂလအောင်မြင်မှုများကြောင့်မဟုတ် ဆိုသည် ပင်ဖြစ်ကြောင်း၊ ထိုသည်မှာ အဟ်မဒီများက မဆီဟ်သခင်ကြီး (အ) နှင့် သခင်ကြီး၏အသင်း အဖွဲ့အပေါ် ထားရှိသည့် ချစ်ကြည်မြတ်နိုးစိတ်ကြောင့်ပင်ဖြစ်ကြောင်း၊ ထို့ကြောင့် အသင်တို့ရရှိသော လေးစားမှုများနှင့် အသိအမှတ်ပြုမှုများမှာ မဆီဟ်သခင်ကြီး(အ)၏ ကောင်းချီးမင်္ဂလာတော်ကြောင့် ပင်ဖြစ်ကြောင်း" မိန့်ကြားတော်မူခဲ့သည်။

source:http://goo.gl/3LvhM

Monday, June 11, 2012

မဆီဟ်မဟ်ဒီ၏ ရေးသားချက်များအပေါ် စောဒကနှင့် အဖြေများ

ကတိတော်လာမဆီဟ်နှင့် မဟ်ဒီဘွဲ့ခံအရှင်သူမြတ် ဟာဇရသ် မီရ်ဇာဂူလာမ်အဟ်မဒ် (အ)၏ ရေးသားချက်များအပေါ် စောဒကတက်လေ့ရှိကြသည့် ယေဘုယျအချက်များကို ရှင်းလင်းချက် အဖြေများနှင့်တကွ ထုတ်နုတ်ဖော်ပြထားသည့် စာအုပ်ဖြစ်ပါသည်။




Expand ကို ကလစ်နှိပ်၍ အကျယ်ချဲ့ ဖတ်ရှုနိုင်ပါသည်။

အစ္စလာမ့်ခလီဖာ၏ ဂျာမနီနိုင်ငံနှစ်ပတ်လည်အခမ်းအနားတွင် မြွက်ကြားခဲ့သည့် နိဂုံးချုပ်မိန့်ခွန်း





အစ္စလာမ့်ခလီဖာ ဟာဇရသ်အမီရ်ရွလ်မို့အ်မီနီးန်၊ ခလီဖတွလ်မဆီဟ်၏ ဂျာမနီနိုင်ငံ နှစ်ပတ်လည် အခမ်းအနားတွင် မြွက်ကြားတော်မူခဲ့သည့် နိဂုံးချုပ်မိန့်ခွန်း

၂၀၁၂ခုနှစ် ဂျာမနီဂျလ်ဆာ နောက်ဆုံးနေ့မြင်ကွင်း



Expand ကို ကလစ်နှိပ်၍ ဖတ်ရှုနိုင်ပါသည်။

Saturday, June 9, 2012

အစ္စလာမ်နှင့် လူ့အခွင့်အရေး လက်ကမ်းစာစောင်




အစ္စလာမ်နှင့် လူ့အခွင့်အရေး လက်ကမ်းစာစောင်အား လက်ဆင့်ကမ်း ဖတ်ရှုနိုင်ရန် တင်ဆက်အပ်ပါ သည်။ expand နှိပ်၍ zoom ဆွဲကြည့်ပါ။

အမေရိကန်၏ ပထမဆုံးမွတ်စလင်မ်အဖွဲ့အစည်း - အဟ်မဒီယာမွတ်စလင်မ်အဖွဲ့၏ နှစ်ပတ်လည်ညီလာခံသို့ ငြိမ်းချမ်းရေး မြှင့်တင်ရန် အစ္စလာမ့်ခလီဖာ တက်ရောက်မည်




ဇွန်လ ၈ ရက် ၂၀၁၂
အင်မ်ရားန် ဂျတာလာ
လော့အိန်ဂျလီစ်

ယခုလ၏ နောက်ဆုံးရက်သတ္တပတ်တွင် အစ္စလာမ့်ခလီဖာဖြစ်သော ကမ္ဘာလုံးဆိုင်ရာ အဟ်မဒီယာ မွတ်စလင်မ်အဖွဲ့၏ ဝိညာဉ်ရေးရာခေါင်းဆောင် ဟာဇရသ်မီရ်ဇာ မဆ်ရူးရ်အဟ်မဒ် အမေရိကန်နိုင်ငံ သို့ ရောက်ရှိလာမည်ဖြစ်ကြောင်း အမေရိကန်နိုင်ငံ၊ အဟ်မဒီယာမွတ်စလင်မ်အဖွဲ့မှ ကြေငြာထား သည်။

 ကမ္ဘာလုံးဆိုင်ရာ အဟ်မဒီယာမွတ်စလင်မ်အဖွဲ့၏ ဝိညာဉ်ရေးရောခေါင်းဆောင် ဟာဇရသ်မီရ်ဇာ မဆ်ရူးရ်အဟ်မဒ်

ထောင်ပေါင်းများစွာသော အမေရိကန်မွတ်စလင်မ်များကလည်း သခင်ြကီးလာရောက်မည့်အရေးကို စောင့်မြှော်နေကြကြောင်း သိရသည်။ သခင်ကြီးမှာ မွတ်စလင်မ်ခေါင်းဆောင်တစ်ယောက်အနေ ဖြင့် အစ္စလာမ်သာသနာထဲမှ နောက်လိုက်လူဦးရေအများဆုံးသော အဖွဲ့အစည်း၏ ခေါင်းဆောင် လည်း ဖြစ်သည်။

သခင်ကြီးအနေဖြင့် အမေရိကန်နိုင်ငံသို့မသွားရောက်မီကတည်းက ကမ္ဘာ့ခေါင်းဆောင်များဖြစ်ကြ သော သမ္မတအိုဘာမား၊ အစ္စရေးဝန်ကြီးချုပ် နတန်ယာဟုနှင့် အီရန်သမ္မတ အာမာဒီနီဂျက်တို့ထံ ကမ္ဘာ့ငြိမ်းချမ်းရေးအတွက် သဝဏ်လွှာများ ပါးခဲ့ပြီးဖြစ်သည်။

သခင်ကြီးက ထိုကမ္ဘာ့ခေါင်းဆောင်များအား နိုင်ငံတကာကွဲပြားခြားနားချက်များအတွက် နားလည်မှု ရှိရှိ စေ့စပ်ဆွေးနွေးခြင်းဖြင့်သာ အဖြေရှာသင့်ကြောင်း၊ တတိယကမ္ဘာစစ်ကို ဦးတည်စေမည့် အင်အားသုံး ဖြေရှင်းခြင်းကို အစွမ်းကုန်ရှောင်ရှားသင့်ကြောင်း အကြံပေးတင်ပြခဲ့သည်။

သခင်ကြီးအနေဖြင့် အမေရိကန်နိုင်ငံသို့ရောက်ရှိလာစဉ် ထောင်ပေါင်းများစွာသော အမေရိကန် မွတ်စလင်မ်များသာမက အမေရိကန်ပြည်ထောင်စု၏ အရေးပါသော အစိုးရခေါင်းဆောင်များနှင့်ပါ တွေ့ဆုံသွားရန်ရှိကြောင်း၊ သို့အားဖြင့် အဆက်အဆံကိုတိုးမြှင့်စေမည်သာမက ငြိမ်းချမ်းရေးနှင့် လူသားထုတစ်ရပ်လုံး တရားမျှတမှုရရှိစေရေးတို့အတွက် နည်းလမ်းများကို ရှုမှတ်စိစစ်နိုင် မည်ဖြစ်ကြောင်း အမေရိကန်နိုင်ငံ၊ အဟ်မဒီယာမွတ်စလင်မ်အဖွဲ့မှ တရားဝင် ကြေငြာချက်ထုတ် ပြန်ခဲ့သည်။

ထိုကြေငြာချက်အရ သခင်ကြီးမှာ ကပ္ပီတလ်တောင်ကုန်း၊ Rayburn House Office Building ၌ ဇွန်လ ၂၇ ရက်နေ့တွင် ကျင်းပမည့် ပါတီပေါင်းစုံမှ ကိုယ်စားလှယ်များ၏ အထူးဧည့်ခံပွဲ အခမ်းအနား၌ "ငြိမ်းချမ်းရေးခြင်း အတွက် နည်းလမ်း-နိုင်ငံများအကြား အဆက်အဆံ" ဟူသော ခေါင်းစဉ်ဖြင့် မိန့်ခွန်းမြွက်ကြားမည်ဖြစ်ကြောင်း သိရသည်။

ထိုအခမ်းအနားတွင် Tom Lantos လူ့အခွင့်အရေးကော်မရှင်နှင့်၊ အမေရိကန်နိုင်ငံဆိုင်ရာ နိုင်ငံတကာ ဘာသာသာသနာများ လွတ်လပ်ခွင့်ကော်မရှင် (USCIRF) တို့၏ ပူးပေါင်းတင်ဆက်မှု ဖြင့် ဒီမိုကရက်တစ် ပါတီခေါင်းဆောင် နန်စီ ပီလိုစီမှ အဖွင့်စကားပြောကြားမည်ဖြင့်ပြီး အမေရိကန် ဆီနိတ်အမတ် ရောဘတ်ကေစီနှင့် ကိုယ်စားလှယ်များဖြစ်ကြသော ဖရန့်ဝုလ်ဖ်၊ မိုက်ဟွန်ဒါနှင့် ကိတ်အလိဆန်တို့မှလည်း မှတ်ချက်စကားများ ပြောကြားမည်ဖြစ်ကြောင်း သိရသည်။

အမေရိကန်နိုင်ငံတဝှမ်းလုံးမှ ကွန်ဂရက်အဖွဲ့ဝင်များ၊ သံအမတ်ကြီးများ၊ နိုင်ငံ့ဝန်ထမ်းခေါင်းဆောင် များ နှင့် အသိပညာရှင် အတတ်ပညာရှင်များလည်း တက်ရောက်လာကြမည်ဟု သိရသည်။

ထို့ပြင် သခင်ကြီးမှာ ပန်ဆီလ်ဗေးနီးယားတွင် ဇွန်လ ၂၉ မှ ဇူလိုင် ၁ အထိကျင်းပမည့် အမေရိကန်၊ အဟ်မဒီယာမွတ်စလင်မ်အဖွဲ့၏ နှစ်ပတ်လည်ညီလာခံကို တက်ရောက်မည်ဖြစ်သည်။

အမေရိကန်နိုင်ငံ၏ ရှေးအကျဆုံး မွတ်စလင်မ်အဖွဲ့အစည်း၏ အခမ်းအနားလည်းဖြစ်၍ ယင်းနှစ်ပတ် လည်ညီလာခံသို့ အမေရိကန်မွတ်စလင်မ်ပေါင်း ၁သောင်း ၂ထောင်ခန့်နှင့် မွတ်စလင်မ် မဟုတ်သူ ဧည့်သည် ၁ ထောင်ခန့် တက်ရောက်လာမည်ဖြစ်ကြောင်း ခန့်မှန်းထားသည်။

အဟ်မဒီယာမွတ်စလင်မ်အဖွဲ့သည် အစ္စလာမ်သာသနာကို မူရင်းအစစ်အမှန်အတိုင်း ပြန်လည်ဖြစ် ထွန်း ပေါ်ပေါက်စေသော အဖွဲ့ဖြစ်သည်။ လျင်မြန်စွာ အရှိန်အဟုန်ဖြင့် တိုးတက်လျက်ရှိပြီး အသင်း ဝင်များမှာ နိုင်ငံပေါင်း ၂၀၀ တွင် ၁၆၀ မီလီယံအရေအတွက် ရှိနေပြီဖြစ်သည်။

အမေရိကန်နိုင်ငံတွင် အဟ်မဒီယာမွတ်စလင်မ်အဖွဲ့ကို ၁၉၂၀တွင်စတင်ခဲ့ပြီး နိုင်ငံ၏ ပထမဆုံး သော မွတ်စလင်မ်အဖွဲ့အစည်းလည်းဖြစ်သည်။





Thursday, June 7, 2012

ကျွန်ုပ်တို့အားလုံး၏ စကြ၀ဋာကမ္ဘာလုံးဆိုင်ရာ ညီအစ်ကိုရင်းခြာဖြစ်ခြင်းဆီသို့



ကျမ်းတော်မြတ်ကုရ်အာန်နှင့် အစ္စလာမ်သာသနာတော်၏ တမန်တော်မြတ် မုဟမ္မဒ် (သခင့်အပေါ်သို့ အလ္လာဟ်အရှင်မြတ်ထံတော်ပါးမှာ ငြိမ်းချမ်းခြင်းကောင်းချီးမင်္ဂလာအဖြာဖြာ ကျရောက်ပါစေသော်ဝ်) တို့က စကြ၀ဋာ ကမ္ဘာလုံးဆိုင်ရာ ညီအစ်ကိုရင်းခြာ၊ ညီအစ်မရင်းခြာဖြစ်ခြင်းသဘောတရားကို သင်ကြားပို့ချပေးပြီး စကြ၀ဋာကမ္ဘာလုံးဆိုင်ရာ လူ့အသိုင်းအဝိုင်းမိသားစုကြီးကို ကိုယ်ချင်းစာတရား စာနာစိတ်ထားကြနိုင်ကြဖို့ ဖန်တီးပေးခဲ့ပါသည်။

ကျမ်းမြတ်ကုရ်အာန်က အစ္စလာမ်သာသနာဝင်များအား လမ်းညွှန်ချက်ပေးထားသည့် ထင်ရှားသော မုက္ခပါတ်တော်များတွင် အစပြုဖော်ပြလေ့ရှိသည်မှာ "အို-သက်ဝင်ယုံကြည်သူအပေါင်းတို့" ဟူ၍ဖြစ် ပါသည်။ သို့သော် ကျမ်းမြတ်ကုရ်အာန်က စကြ၀ဋာ ကမ္ဘာလုံးဆိုင်ရာ ညီအစ်ကိုရင်းခြာ ဖြစ်မှုကို ဖော်ကျူးရန် ကမ္ဘာမိသားစုကြီးတစ်ခုလုံးအတွက် လမ်းညွှန်ချက်ပေးရာ၌ "အို-လူသားအပေါင်းတို့" (O mankind) ဟု ရည်ညွှန်းဖော်ပြပါသည်။

ကျမ်းမြတ်ကုရ်အာန်တွင် ဖော်ပြသည်မှာ -

အို-လူခပ်သိမ်းတို့၊ ဧကန်မလွဲ ငါအရှင်မြတ်သည် အသင်တို့အား ယောက်ျားတစ်ယောက်၊ မိန်းမ တစ်ယောက်မှ (စတင်)ဖန်ဆင်းတော်မူခဲ့၏။ ထို့ပြင် ငါအရှင်မြတ်သည် အသင်တို့အချင်းချင်း တစ်ဦး ကိုတစ်ဦး ခွဲခြားသိမြင်မှတ်မိကြအံ့သောငှာ၊ လူမျိုးစုအသီးသီး မျိုးနွယ်အသွယ်သွယ် ပြုလုပ်တော် မူခဲ့၏။ ဧကန်စင်စစ် အသင်တို့အနက် (အလ္လာဟ်အရှင်မြတ်အား) အကြောက်ရွံ့ဆုံး၊ အပြစ်များမှ အများဆုံးကြဉ်ရှောင်သောသူသည်သာလျှင် အလ္လာဟ်အရှင်မြတ် အထံတော်၌အမြင့်မြတ်ဆုံးသော သူဖြစ်၏။ စင်စစ် တစ်မူကား အလ္လာဟ်အရှင်မြတ်သည် အသိတော်မူဆုံး၊ အကြားတော်မူဆုံးအရှင် ဖြစ်တော်မူပေသတည်း။ (အလ်-ကုရ်အာန် ၄၉.၁၄)

သက္ကရာဇ် ၆၃၀ စီအီး၌ တမန်တော်မြတ်မုဟမ္မဒ်(sa)က မိမိ၏နောက်ဆုံးသော ဟဂ်ျခရီးစဉ်တွင် ဤသည့်ကုရ်အာန့်ညွှန်းကြားချက်ကို လက်တွေ့အကောင်အထည်ဖော်ပြတော်မူခဲ့ပါသည်။ ထိုဟာဂ်ျ ခရီး စဉ်တွင် ကိုယ်တော်မြတ်က သမိုင်းဝင် မိန့်ခွန်းကို မြွက်ကြားတော်မူခဲ့ပါသည်။ ပရိသတ်ပေါင်း တစ်သိန်းကျော်ရှိနေသည့် ထိုကျက်သရေမင်္ဂလာနှင့်ပြည့်စုံသော အခါသမယ၌ ကိုယ်တော်မြတ်က စီးတော်ယဉ်၊ ကုလားအုတ် ကဆ်ဝါ၏ ကျော်ပေါ်တွင် မတ်တပ်ရပ်တော်မူကာ မိမိ၏ လက်ယာနှင့် လက်ဝဲဘက် လက်ညှိုးနှစ်ချောင်းကို ယှဉ်ပြတော်မူခဲ့သည်။ ထို့နောက်မိန့်ကြားသည်မှာ "ဤလက် နှစ်ဘက်မှ လက်ညှိုးနှစ်ချောင်းသည်တူညီနေဘိသကဲ့သို့ လူသားအားလုံးသည်လည်း တစ်ဦးနှင့် တစ်ဦး တန်းတူညီမျှရှိနေ၏။ မည်သူတစ်ဦးတစ်ယောက်မှ အခြားတစ်ဦးထက်သာလွန်သည်မရှိ၊ အခြားသူတစ်ဦးထက်ပို၍ အခွင့်ထူးခံလည်း မဟုတ်။ အသင်တို့အားလုံးသည်ကား ညီအစ်ကိုရင်းခြာ များသာတည်း။ အာရပ်တစ်ဦးသည် အာရပ်မဟုတ်သူတစ်ဦးထက်ပို၍ သာလွန်ခြင်းမရှိ။ အဖြူရောင် အသားအရေပိုင်ဆိုင်သော သူသည်လည်း သူ၏ညီအစ်ကို အမဲရောင်အသားအရေရှိသူထက်ပို၍ သာလွန်ခြင်းမရှိချေ။" 

သမ္မတကြီး အေဗရာဟင်လင်ကွန်း၏ အထူးကျော်ကြားလှသော ဂတ်တီစဘားက်မိန့်ခွန်းထက် အဆ ပေါင်းများစွာပို၍ တမန်တော်မြတ်ကြီး (sa) ၏ ဤမိန့်ခွန်းတော်ကားအစ္စလာမ့်သမိုင်းစာမျက်နှာ တွင် တောက်ပလင်းထိန်လျက်ရှိသည်။

အစ္စလာမ်သည် စကြ၀ဋာကမ္ဘာလုံးဆိုင်ရာ ညီအစ်ကိုရင်းခြာ၊ မောင်နှမရင်းခြာဖြစ်ခြင်းအား ကနဦး ရှေ့ ဆောင်လမ်းပြသည့် သာသနာဖြစ်ပါသည်။

အဟ်မဒီယာမွတ်စလင်မ်အဖွဲ့အား တည်ထောင်သူအရှင်သူမြတ်၊ တမန်တော်မြတ်ကြီး (sa) ၏ စစ်မှန်သော ကျေးကျွန်များ၏ ခေါင်းဆောင် ဟာဇရသ်မဆီဟ်မော်အုဒ်၊ မဟ်ဒီမော်အုဒ်သခင်ကြီး (as) သည် လွန်ခဲ့သောနှစ်ပေါင်း ၁၂၀ ကျော်က အိန္ဒိယနိုင်ငံတွင် ပွင့်ပေါ်လာပြီးဖြစ်၏။ သခင်ကြီး ပွင့်ပေါ်လာရခြင်း၏ အဓိကအကြောင်းရင်းများထဲတွင် လူသားအားလုံးနှင့် ဘာသာသာသနာအားလုံး ကို ပေါင်းစည်းရန်လည်းပါဝင်သည်။ သာသနာများ၏ တည်ထောင်သူအရှင်သူမြတ်များဖြစ်ကြသော ကွန်ဖြူးရှပ်စ်၊ ဗုဒ္ဓ၊ တာအို၊ ကရစ်ရှနား၊ ရာမ၊ မောရှေနှင့် ယေရှုတို့အားလုံးမှာ တမန်တော်မြတ်များ ဖြစ်ကြသည့်နည်းတူ ထိုသည်ကိုအခြေခံလျက် လူတိုင်းအတွက် သာသနာရေးရာလွတ်လပ်ခွင့်ကို မဆီဟ်မဟ်ဒီသခင်ကြီးက အဓိကလမ်းညွှန်ပြသခဲ့ပါသည်။

သခင်ကြီးသည် တမန်တော်မြတ်ကြီး မုဟမ္မဒ်(sa) ၏ တင်ကြိုဟောကိန်းနှင့်အညီ အစ္စလာမ်သာသနာ တော်ကို မူရင်းအစစ်အမှန်အတိုင်း ပြန်လည်ဖြစ်ထွန်းစေခဲ့ပါသည်။ အစ္စလာမ်သာသနာတွင် စုစည်းညီညွတ်ရေး ပါရာဒိုင်းကြီး ရှိနေပါသည်။ အစ္စလာမ်က အေဗရာဟင်မ်၊ အိုင်ဆက်၊ ဒေးဗစ်၊ ဆော်လမွန်၊ ယောဟန်၊ ယေရှု၊ ဗုဒ္ဓ၊ ကရစ်ရှနား၊ ရာမ၊ ကွန်ဖြူးရှပ်စ်၊ တာအိုနှင့် ဇိုရိုအေစရာတို့ကို ထာ၀ရဘုရားရှင် အလ္လာဟ်အရှင်မြတ်၏ တမန်တော်အစစ်အမှန်များဖြစ် တင်ပြသည်သာမက ထိုတမန်တော်များသည် အရှင်မြတ်၏စေခိုင်းမှုဖြင့် တစ်ပါးတည်းသော အရှင်မြတ်ကိုသာ ချစ်ကြည် မြတ်နိုး ကိုးကွယ်ကြသလို လူသားထုကြီးကိုလည်း ချစ်ခြင်းမေတ္တာကိုသာ ပေးသွားခဲ့ကြပါ သည်။

ကျွန်ုပ်တို့၏ ဤသည့် ကမ္ဘာရွာကြီးတွင် သာသနာအသီးသီး၏ သွန်သင်ချက်များကို အစစ်အမှန် အတိုင်း ပြန်လည်လေ့လာကြဖို့ လိုအပ်နေပါသည်။ ဂျူးများ၊ မွတ်စလင်မ်များ၊ အချို့သော ခရစ်ယာန်များ၊ ဟိန္ဒူများနှင့် အချို့သော ဗုဒ္ဓဘာသာဝင်များ၊ ဆိခ်များ၊ ဇိုရိုအေစတာဘာသာဝင်များ တို့၏ တစ်ပါးတည်းသော အနန္တတန်ခိုးတော်ရှင် ထာ၀ရဘုရားကို ရှာဖွေဖို့ လိုအပ်နေပါပြီ။ အိမ်နီး ချင်းဆိုသည်မှာ အဘယ်နည်း။ ယခုခေတ်ကာလတွင် အိမ်နည်းချင်းဆိုသည်မှာ ကမ္ဘာအရပ်ရပ်ရှိ မိသားစုဝင်အချင်းချင်းကို ခေါ်ဆို၍ ရနိုင်ပြီဖြစ်သည်။

ကျမ်းမြတ်ကုရ်အာန်၏ တင်ကြိုနိမိတ်ဟောကြားချက်အတိုင်း စကြ၀ဋာကမ္ဘာလုံးဆိုင်ရာ ညီအစ်ကို ရင်းခြာမောင်နှမရင်းခြာဖြစ်ခြင်းသဘောတရားသည်ကား လာမည့်ဆယ်စုနှစ်များအတွင်း အထ မြောက်အောင်မြင်လာလိမ့်မည်သာတည်း။ ကျွန်ုပ်တို့အချင်းချင်း လောကီမျက်စိများဖြင့် ကြည့်မြင် ကြပါမူ အင်တာနက်ကမ္ဘာဆိုသည့်အချက်က စကြ၀ဋာဆိုင်ရာ မောင်နှမရင်းခြာဖြစ်ခြင်းကို မီးမောင်း ထိုးပြနေပေသည်။ ၁၉ရာစု၏ ကျော်ကြားလှသော ဂျာမန်ဒဿနပညာရှင်ကြီး ဂျော့ဝီလ်ဟမ် ဖရိုင်းဒရစ် ဟီဂယ်က "ဆင်ခြင်စဉ်းစားမှုကမ္ဘာသာ ပြောင်းလဲခဲ့ပါမူ အမှန်တရားသည် တာရှည်စွာ ဆုပ်ကိုင်ဖုန်းကွယ်ထားနိုင်မည်မဟုတ်။" ဟု ပြောဆိုခဲ့ဖူးပါသည်။

စာဖတ်သူမိတ်ဆွေ - အမှန်တရားအတွက် ဆင်ခြင်စဉ်းစားမှုဉာဏ်စဉ်မြှင့်တင်နိုင်ပါစေသား။


Wednesday, June 6, 2012

အီဂျစ်အာဏာရှင် မူဘာရက်အား ထောင်ဒဏ်တစ်သက်ပြစ်ဒဏ်ချမှတ်



ဇွန်လ ၂ ရက် ၂၀၁၂
ရိုက်တာသတင်း

အီဂျစ်အာဏာရှင်ဟောင်းမူဘာရက်

ကိုင်ရို - အီဂျစ်ဆန္ဒဖော်ထုတ်သူများအား သတ်ဖြတ်ရာတွင် ကဏ္ဍတစ်ရပ်မှ ပါဝင်ခဲ့ပြီး အီဂျစ်နိုင်ငံအား နှစ်ပေါင်း ၃၀ နီးပါးအုပ် ချုပ်ခဲ့သည့် အီဂျစ်အာဏာရှင်ဟောင်း ဟို့စ်နီမုဘာရက်ကို ပြီးခဲ့သည့်စနေ နေ့က ထောင်ဒဏ်တစ် သက်တစ်ကျွန်းချမှတ်လိုက်သည်ဟု ဂျော်ဒန်တိုင်းမ်က ဖော်ပြသည်။ ဤ သည် အရှေ့အလယ်ပိုင်းမှ အာဏာရှင်များအတွက် ဥပမာတစ်ရပ် ဖြစ်ကြောင်းလည်း အဆိုပါ သတင်းက ဖော်ပြထားသည်။

သို့သော် အချို့သော အီဂျစ်ပြည်သူများကမူ မူဘာရက်အပေါ်ထိုသို့သောဆုံးဖြတ်ချက် ချမှတ်ခဲ့အပြီး လမ်းများပေါ်သို့ထွက်လာကာ မိမိတို့၏ဆန္ဒကို ဖော်ထုတ်ပြသခဲ့ကြသည်။ အချို့က မူဘာရက်ကို သေဒဏ်ပေးရန်အလိုရှိနေသည်။ အချို့ကမူ ဤသို့သက်ညှာစွာဆုံးဖြတ်ခဲ့ခြင်းကြောင့် မူဘာရက် လက်ထက်က အခြားနိုင်ငံရေးသမားများကို ဆုံးဖြတ်ချက်ချရာ၌ ၎င်းတို့၏အယူခံဝင်မှုများ ကြောင့် အပြစ်ဒဏ်ခံစားရခြင်းမှ ကင်းလွတ်ခွင့်ရသွားလိမ့်မည်ကို စိုးရိမ်နေကြသည်။

၂၀၁၁ ဖေဖော်ဝါရီက အီဂျစ်ပြည်သူများသည် အသက် ၈၄ နှစ်အရွယ်၊ အာဏာရှင်မူဘာရက်ကို ကိုင်ရိုရှိ တာဟ်ရီရ်ကွင်းပြင်၌ ဆန့်ကျင်ဆန္ဒပြခဲ့ကြသည်။ အလက်ဇန္ဒီးယားတွင်လည်း ဆန္ဒပြခဲ့ကြ သည်။ 

မူဘာရက်အတွက် တရားရုံးဆုံးဖြတ်ချက်ကို အီဂျစ်နိုင်ငံ၏ ပထမဆုံးအကြိမ် လွတ်လပ်သောရွေး ကောက်ပွဲရလဒ်များထွက်ပေါ်မလာမီ နှစ်ပတ်အလိုတွင် ချမှတ်ခဲ့ခြင်းဖြစ်သည်။ ထိုရွေးကောက်ပွဲတွင် မွတ်စလင်မ်ဘရားသားဟုဒ်ပါတီက ရေပန်းစားလျက်ရှိသည်။

မူဘာရက်သည် တရားခွင်သို့ ဘီးတပ်လှည်းဖြင့် တက်ရောက်ခဲ့ခြင်းဖြစ်သည်။ ၎င်းနှင့်အတူ သားနှစ် ဦးဖြစ်သည့် အလားနှင့် ဂမားလ်တို့အပါအဝင် ပြည်ထဲရေးဝန်ကြီးဟောင်း ဟဘစ် အလ် အဒ္ဒလီနှင့် အခြားလုံခြုံရေးအရာရှိများလည်း ပါဝင်သည်။

ဟို့စ်နီမူဘာရက်အား သတ်ဖြတ်မှုများအတွက်လည်းကောင်း၊ သတ်ဖြတ်ရန်ကြိုးစားမှုများအတွက် လည်းကောင်း တစ်သက်တစ်ကျွန်းထောင်ဒဏ်ချမှတ်ကြောင်း တရားသူကြီး အဟ်မဒ် ရီဖာအတ်က ကြေငြာခဲ့သည်။

တရားသူကြီးက အလ် အဒ္ဒလီကိုလည်း ထောင်ဒဏ်တစ်သက်ချမှတ်ခဲ့သော်လည်း အခြားသော လုံခြုံ ရေးအရာရှိ ခြောက်ဦးကိုမူ ပြစ်မှုမထင်ရှား၍ လွတ်လပ်ခွင့်ပေးခဲ့သည်။

ကွန်ပျူတာလုပ်ငန်းလုပ်ကိုင်သည့် အသက် ၃၀ နှစ်အရွယ် ကိုင်ရိုမြို့နေ အဟ်မဒ် ရာအုဖ်က "မူဘာ ရက် တစ်သက်တစ်ကျွန်းချမှတ်တာဟာ သင့်တော်ပါတယ်။ အသက် ၈၀ ကျော်နေပြီဖြစ်တာ ကြောင့် သူ့အတွက် ဒီပြစ်ဒဏ်ဟာ ခက်ခဲနိုင်သလို ကျန်ရှိတဲ့ဘ၀တစ်သက်တာလုံးကိုလည်း ထောင် ထဲမှာပဲ နေသွားရတော့မှာပါ။" ဟု ပြောဆိုခဲ့သည်။

သို့သော် မွတ်စလင်ဘရားသားဟုဒ်ပါတီကမူ မူဘာရက်အပေါ် ဆုံးဖြတ်ချက်အား ပြင်ဆင်ပေးရန် လိုလားနေသည်။

"ဒီ ဆုံးဖြတ်ချက်က ဆန္ဒဖော်ထုတ်သူများကို သတ်ဖြတ်ခဲ့တာနဲ့ပတ်သတ်ပြီး လုံလောက်တဲ့ သက်သေ အထောက်အထားတွေကို စုစည်းခဲ့ခြင်း တာဝန်ယူခဲ့ခြင်းမရှိပါဘူး" ဟု မွတ်စလင်ဘရားသားဟုဒ်မှ စည်းရုံးရေးနှင့် ပြောရေးဆိုခွင့်တာဝန်ခံ ယဆီးရ်အလီက ပြောကြားသည်။

မူဘာရက်အစိုးရလက်အောက်၌ ပြီးခဲ့သည့်နှစ် ဆန္ဒပြသူများထဲတွင် ရက် ၁၈ ရက်အတွင်းလူပေါင်း ၈၅၀ ခန့်သတ်ဖြတ်ခံခဲ့ရသည်။

သတ်ဖြတ်ခံခဲ့ရသူများ၏ ရှေ့နေများကမူ ဤဆုံးဖြတ်ချက်နှင့်ပတ်သတ်၍ ဒေါသထွက်နေသည့် လူထု အား ငြိမ်သက်စေရန် ဆောင်ရွက်ချက်မျှဖြစ်ကြောင်းနှင့် ဆုံးဖြတ်ချက်က မူဘာရက်နှင့် အပေါင်း အပါများကို အယူခံဝင်ဖို့ တံခါးဖွင့်ပေးထားကြောင်း ပြောကြားခဲ့သည်။


Tuesday, June 5, 2012

အစ္စလာမ်သည် ငြိမ်းချမ်းရေးလမ်းစဉ်





မြန်မာနိုင်ငံ၊ ရခိုင်ပြည်နယ်အတွင်းဖြစ်ပျက်ခဲ့သည်များကို အခြေခံဖြစ်ပွားနေသော ပြဿနာများနှင့် စပ်လျဉ်း၍ Ahmadi Post Myanmar ၏ Press Release : အစ္စလာမ်သည် ငြိမ်းချမ်းရေးလမ်းစဉ်


အစ္စလာမ်သာသာဝင်တို့၏ သွန်သင်ချက်မှာ အောက်ပါအတိုင်းဖြစ်ပါသည်။ 

ထို့ပြင် အသင်တို့သည် မည်သည့်လူမျိုးတမျိုးကိုမဆို ရန်ငြိုးထားမုန်းတီးမှုသည် အသင်တို့အား တရားမျှတမှုမပြုရန် ဆွဲဆောင် ခြင်းအလျင်းမဖြစ်စေကြရုံမဟုတ်မူ၍ အသင်တို့အဖို့ ရန်လိုမုန်းထား သူများနှင့်ပင် တရားမျှတခြင်းကို ကျင့်သုံးရန်လိုအပ်ပေသည်။ အကြောင်းမူကားတရားမျှတမှု ကိုကျင့် သုံးဆောက်တည် ခြင်းမှာ “သက်ကဝါ” (ဖြူစင်ဖြောင့်မတ်ခြင်း)တရား၏တောင်းဆိုမှုဖြစ်၏။ သို့ဖြစ် ရာ အသင်တို့သည် ဖြူစင်ဖြောင့်မတ်အပြစ်ရှောင်သူများဖြစ်ကြကုန်လော့။ ထို့ပြင်မှတ်သား ကြကုန်၊ အလ္လာဟ်သည်အသင် တို့၏အပြုအမူများကိုကောင်းစွာရှု စားသိရှိတော်မူလျက်ရှိတော် မူ၏။ (အလ်ကုရ်အာန် ၅:၉)

ဇွန်လ ၃ ရက်နေ့က ရခိုင်ပြည်နယ်အဖြစ်အပျက်များနဲ့ စပ်လျဉ်းပြီး ကနဦး လေ့လာကြပါမယ်။

ဘီဘီစီသတင်းဌာနက အခုလိုခေါင်းစဉ်တပ်ဖော်ပြခဲ့ပါတယ်။ "Muslims Killed in attack in Burma's Rakhine Province" ၊ “မြန်မာနိုင်ငံ၊ ရခိုင်ပြည်နယ်တွင် မွတ်စလင်မ်များ တိုက်ခိုက်သတ် ဖြတ်ခံရ” ဆိုပြီးတော့ပါ။

ဘီဘီစီသတင်းရဲ့ လူစုလူဝေးဖြင့် တိုက်ခိုက်ကြခြင်းဆိုတဲ့ ခေါင်းစဉ်ခွဲအောက်မှာ ဖော်ပြထားတာက-

"More than 100 people beat and killed those people," a resident told AFP news agency. "The residents even torched the bus."

The reason for the attack is unclear, but some residents say it was a revenge attack following the rape and murder of a Buddhist girl in another part of the province last month.

"လူအယောက်၁၀၀ ကျော်လောက်ဝိုင်းရိုက်ပြီး သတ်ပြစ်လိုက်ကြတာပါ။ အဲဒီအနားမှာ နေထိုင်တဲ့လူ တွေက ဘတ်စ်ကားကို မီးနဲ့တောင် ရှို့လိုက်ကြသေးတယ်" လို့ တောင်ကုတ်မြို့ခံတစ်ဦးက အေ အက်ဖ် ပီသတင်းဌာနကို ပြောပါတယ်။

တိုက်ခိုက်မှု မည်သို့ဖြစ်ပျက်ခဲ့သည်မှာ မရှင်းမလင်းအနေအထားတွင် ရှိနေသည်။ သို့သော် အချို့သော မြို့ခံများကမူ ပြည်နယ်အတွင်းရှိ အခြားတစ်နေရာတွင်ဖြစ်ပျက်ခဲ့သော ဗုဒ္ဓဘာသာဝင် မိန်းကလေးတစ်ဦးအား မတော်မတရားပြုကျင့်သတ်ဖြတ်ခဲ့မှုကြောင့် လက်စားချေကြခြင်းဖြစ် ကြောင်း ပြောကြားသည်။

အခုတစ်ခါ ရိုက်တာသတင်းဌာနရဲ့ ဖော်ပြချက်ကို လေ့လာပါမယ်။ ရိုက်တာကတော့ “Buddhist vigilantes kill 9 Muslims in Myanmar violence” လို့ ခေါင်းစဉ်တပ်ထားပါတယ်။ “ဘာသာရေးမုန်းတီးမှုအခြေခံ ဗုဒ္ဓဘာသာဝင်များက မွတ်စလင်မ် ၉ ဦးကို မြန်မာပြည်တွင်း တိုက်ခိုက်မှု၌ သတ်ဖြတ်” လို့ ယေဘုယျဘာသာပြန်ဆို နားလည်နိုင်ပါတယ်။

သတင်းကို အခုလို အစချီဖော်ပြထားပါတယ် - The bus was besieged near Taunggoke town in the western state of Rakhine on Sunday evening by a group who blamed some of its passengers for the murder of a Buddhist woman a week ago, said local residents and politicians. One of those killed was travelling in a separate car

"တနင်္ဂနွေညနေပိုင်းလောက်အချိန်က ရခိုင်ပြည်နယ်အနောက်ဘက် တောင်ကုတ်မြို့အနီးမှာ ဘတ်စ် ကားကို ဝိုင်းဝန်းပိတ်ဆို့လိုက်ကြပါတယ်။ ပိတ်ဆို့လိုက်တဲ့သူတွေကတော့ ဘတ်စ်ကားပေါ်မှာ လွန်ခဲ့ တဲ့တစ်ပတ်က ဗုဒ္ဓဘာသာမိန်းကလေးတစ်ဦးကို မုဒိန်းမှုကျူးလွန်သွားတဲ့ တရားခံပါကြောင်း ဆိုကြတယ်"လို့ ဒေသခံတွေနဲ့ နိုင်ငံရေးသမားတွေက ပြောဆိုကြပါတယ်။

ရေဒီယို ဩစတေးလျကတော့ ခုလို ခေါင်းစဉ်တပ်ခဲ့ပါတယ်။ “Nine dead in mob attack in Burma” ၊ “မြန်မာပြည်တွင် လူစုလူဝေးဖြင့် တိုက်ခိုက်မှုကြောင့် လူကိုးဦးသေဆုံး”။

သတင်းကို တင်ပြထားရာမှာ ကောက်နုတ်သင့်တဲ့အချက်တစ်ချက်ကတော့ - Clashes between Buddhists and Muslims occur periodically in Burma and Rakhine state, which borders Bangladesh, is a flashpoint for tensions.

"We all have a duty to control the situation, no matter who is involved or which religion they are," said Aye Maung, an MP for the Rakhine Nationalities Development Party.

"We all are living here together. We, as well as the government, have the duty to control it," he told AFP.

ဗုဒ္ဓဘာသာဝင်များနဲ့ မွတ်စလင်မ်များအကြား မြန်မာပြည်နဲ့ ရခိုင်ဒေသတို့မှာ တင်းမာငြိစွန်းမှုတွေ အမြဲလိုလိုဖြစ်တတ်ပါတယ်။ ရခိုင်ဒေသကတော့ ဘင်္ဂလားဒေ့ရ်ှ နယ်စပ်ဖြစ်ပြီး တင်းမာမှုတွေ အတွက် အမြဲမီးမောင်းထွန်းပြနေရတဲ့ ဒေသပါ။

“ဘယ်သူတွေ ပါဝင်ခဲ့ပါစေ၊ ဘယ်သူတွေက ဘယ်ဘာသာဝင်တွေပဲဖြစ်နေပါစေ။ အခြေအနေကို ထိန်းသိမ်းဖို့ ကျွန်တော်တို့အားလုံးမှာ တာဝန်ရှိပါတယ်။ ကျွန်တော်တို့အားလုံး ဒီမှာအတူတကွနေထိုင် ကြတာပါ။ ကျွန်တော်တို့အပါအဝင် အစိုးရပိုင်းကလည်း ဒါမျိုးတွေကို ထိန်းချုပ်ဖို့လိုအပ်ပါတယ်။” လို့ ရခိုင်အမျိုးသား ဖွံ့ဖြိုးတိုးတက်ရေးပါတီဝင် လွှတ်တော်အမတ် ဦးအေးမောင်က အေအက်ဖ်ပီ သတင်းဌာနကို ပြောပါတယ်။

ဇွန်လ ၃ ရက်နေ့ ညနေပိုင်းလောက်မှာ ဖြစ်ပျက်ခဲ့တဲ့ ရခိုင်ပြည်နယ် တောင်ကုတ်မြို့က အဖြစ်အပျက်ကို ကမ္ဘာ့မီဒီယာများမှာ အထက်ပါအတိုင်း တွေ့ရှိခဲ့ကြရပါတယ်။ ဒီလို လူသတ်ဖြတ်ပွဲ ကြီးဖြစ်ခဲ့ရတဲ့ နောက်ခံအကြောင်းက ဘယ်လိုပဲရှိပါစေ ကျွန်တော်တို့ အဟ်မဒီမွတ်စလင်မ်များက လူသတ်သူများနဲ့ အကြမ်းဖက်သူများသာမက ဥပဒေချိုးဖောက်သူအားလုံးကို ကန့်ကွက်ရှုံ့ချပါ တယ်။

ဗုဒ္ဓဘာသာဝင်အမျိုးသမီးငယ်ကလေးတစ်ဦးအား ရက်ရက်စက်စက် မတရားပြုကျင့်သတ်ဖြတ်ခဲ့သူ များကို ဥပဒေကြောင်းအရ တရားမျှတစွာ အရေးယူပေးဖို့တောင်းဆိုပါတယ်။ အပြစ်မဲ့ မွတ်စလင်မ် များအား ရက်ရက်စက်စက် ရိုက်နှက်သတ်ဖြတ်ခဲ့ကြသူများကိုလည်း ဥပဒေကြောင်းအရ တရားမျှတစွာ အရေးယူပေးဖို့ တောင်းဆိုပါတယ်။ ဒီတောင်းဆိုချက်နှစ်ရပ်ကို လှိုက်လှဲသောစိတ် ဓာတ်ဖြင့်၊ ခံစားမှုအပြည့်အ၀ဖြင့် နိုင်ငံတော်အာဏာပိုင်များထံ တောင်းဆိုလိုက်ရခြင်းဖြစ်တယ်ဆို တာကို အလေးအနက် ဖော်ပြလိုပါတယ်။

ဒီနေရာမှာ သုံးသပ်တင်ပြဖို့လိုလာတာက မြန်မာသတင်းဌာနတွေ သတင်းတင်တိုင်း အောက်ခြေမှာ ထင်မြင်ယူဆချက်ပေးကြတဲ့ လူအချို့ဟာ အစ္စလာမ်သာသနာကို တလွဲမြင် အထင်မှားနေကြတာကို တွေ့ရှိရပါတယ်။ အစ္စလာမ်သာသနာကို အကြမ်းဖက်ဖို့ သွန်သင်တဲ့ ဘာသာအဖြစ် မြင်နေကြတာကို ဝမ်းနည်းဖွယ် တွေ့ရှိရပါတယ်။

စစ်မှန်တဲ့ မွတ်စလင်မ်တိုင်း အကြမ်းဖက်မှုကို ရှုံ့ချကန့်ကွက် ရွံ့ရှာထိတ်လန့်ပါတယ်။ ကျွန်တော်များ အဟ်မဒီမွတ်စလင်မ်တွေဟာလည်း စစ်မှန်တဲ့ မွတ်စလင်မ်တွေဖြစ်တာကြောင့် ဒီကိစ္စရပ်နှစ်ခုစလုံး ကို အင်ပြည့်အားပြည့် ကန့်ကွက်ပါတယ်။

အစ္စလာမ်က အကြမ်းဖက်ခြင်းပုံစံအမျိုးမျိုးကို ရှုံ့ချပြီး လုံးဝငြင်းပယ်ပါတယ်။

အစ္စလာမ်က အကြမ်းဖက်ခြင်းမျိုးစုံကို လုံးဝအထောက်အပံ့မပေးသလို တစ်ဦးတစ်ယောက်အားဖြင့် လည်းကောင်း၊ အစိုးရအဖွဲ့အစည်းအားဖြင့်လည်းကောင်း အကြမ်းဖက်ခြင်းများကိုလည်း တရားမျှတ မှုအဖြစ် လုံးဝမယူဆပါ။

အစ္စလာမ့်တရားဒေသနာအချက်အလက်များအရ ဘယ်သာသနာကမှ အပြစ်မဲ့ယောကျာ်းများ၊ မိန်းကလေးများနဲ့ ကလေးများကိုဘုရားသခင်ရဲ့နာမတော်ကို အလွဲသုံးပြီး အကြမ်းဖက်နည်းနဲ့ အပြစ်ပေး အရေးယူဖို့ မဖြစ်နိုင်ကြောင်း ယူဆပါတယ်။ ဘာကြောင့်လဲဆိုရင် အစ္စလာမ့်တရား ဒေသနာအရ ဘာသာသာသနာအားလုံးဟာ ဘုရားရှင်ထံတော်ကသာ လာခြင်းဖြစ်ပါတယ်။ အစ္စလာမ်သာသနာက ဘုရားရှင်သည် တမန်တော်များအားဖြင့် အစ္စလာမ်အလျင် သာသနာများကို ဖြစ်ထွန်းစေပြီး နောက်ဆုံးမှ အစ္စလာမ်သာသနာတော်ကို လူသားများအားချီးမြှင့်ခြင်းဖြစ်တယ်လို့ ယူဆပါတယ်။

အစ္စလာမ်ရဲ့ မူရင်းအနက်ကိုက ငြိမ်းချမ်းခြင်းဖြစ်ပါတယ်။ ငြိမ်းချမ်းခြင်းဟာ အကြမ်းဖက်ခြင်းရဲ့ ဆန့်ကျင်တဲ့ အဓိပ္ပာယ်ဖြစ်ကြောင်း လူတိုင်းသိကြပါတယ်။ မွတ်စလင်မ်(အစ္စလာမ်ဘာသာဝင် တိုင်း)ဟာ အဲဒီငြိမ်းချမ်းခြင်းကို ကျင့်သုံးဖို့ တာဝန်တင်ပါတယ်။ ဒီကျင့်သုံးမှုနည်းလမ်းဟာ ကျမ်းမြတ်ကုရ်အာန်ရဲ့ အမြစ်ပမာဆောင်တဲ့ သွန်သင်မှုဖြစ်ပြီး ကျမ်းမြတ်က မွတ်စလင်မ်စစ်စစ် တစ်ယောက်ကို ဖော်ပြထားပုံက -

ထိုသူတို့သည် ပထဝီမြေပေါ်ဝယ်ကျိုးနွံစွာ၊ ဖြည်းညင်း စွာ၊ ဣန္ဒြေသိက္ခာရှိစွာ၊ လမ်းလျှောက် ကြကုန်၏။ ထိုမှတပါး အသိအလိမ္မာ ကင်းမဲ့ကြသောသူများသည် ၎င်းတို့နှင့်စကားပြော ဆိုကြသောအခါ ၎င်းတို့သည် ကောင်းမွန်စွာ ပဋိပက္ခ ကင်းငြိမ်းသော စကားကို အပြစ်မဖြစ်စေသော စကားကို ပြောဆိုကြကုန်၏ ။(ကုရ်အာန် ၂၅:၆၄)


တဖန်ဆက်လက်ဖော်ပြထားပုံက -

မည်သူမဆို အကြင်သူတဦးတယောက်အား အသက်တစ်ချောင်း၏ အစားလည်းမဟုတ်ဘဲ၊ တိုင်းပြည်၌ ဆူပူသောင်းကျန်း (မှုကိုပြုလုပ်)ခြင်းကြောင့်လည်း မဟုတ်ဘဲ (မတရားသက်သက်) သတ်ဖြတ်ခဲ့ပါလျှင်၊ ထိုသူသည် လူခပ်သိမ်းတို့ကို သတ်ဖြတ်ဘိသကဲ့သို့ ပင်ဖြစ်၏။ ထိုနည်းတူစွာ မည်သူမဆို လူတဦးတယောက် ကို (အသက်ဘေးအန္တရာယ်မှ ကယ်ဆယ်ခြင်းအား ဖြင့်) အသက်ရှင် စေခဲ့ပါမူ၊ထိုသူသည် လူအပေါင်း တို့အား အသက်ရှင်စေဘိသကဲ့သို့ပင် ဖြစ်၏ ။ (ကုရ်အာန် ၅:၃၃)

တမန်တော်မြတ်ကြီး မုဟမ္မဒ်(ဆွ) ရဲ့ သြဝါဒတော်များအရလည်း တူညီတဲ့ သွန်သင်မှုကိုသာ ပေးထား ပါတယ်။

အကြီးဆုံးပြစ်မှုများသည် ၁) အလ်လာဟ်အရှင်မြတ်နှင့်တန်းတူထားကိုးကွယ်ခြင်း၌ ပါ၀င်ခြင်း ၂) လူတစ်ယောက်အား သတ်ဖြတ်ခြင်း ၃) မိမိ၏မိဘများအပေါ်ထားရှိရမည့် ၀တ္တရားအား လျစ်လျူ ပြုခြင်း ၄) မမှန်ကန်သောဖော်ပြချက်များဖြင့် (တရားရုံးတော်၌) မမှန်မကန် သက်သေထွက်ဆိုခြင်း (ဘူခါရီ၊ အတွဲ ၉၊ စာအုပ် ၈၃၊ နံပါတ် ၁၀)

ထို့ပြင် တမန်တော်မြတ်ကြီး(ဆွ)ရဲ့ အထူးထင်ရှားတဲ့ မိန့်ခွန်းမှာ တွေ့ရတာက -

““ ....... လူတစ်ယောက်၏အသက်ကိုလည်းကောင်း၊ ပစ္စည်းဥစ္စာကိုလည်းကောင်း၊ ဂုဏ်သိက္ခာကို(ကျဆင်းအောင်) တိုက်ခိုက်ခြင်းသည် တရားမမျှတမှုဖြစ်သည်သာမက ဤနေ့၊ ဤလ၊ ဤနယ်ပယ်၏ ဂုဏ်ထွတ်မြတ်ခြင်းကိုမတရားချိုးဖျက်ခြင်းသာတည်း။”” (ဆီဟာဆစ်သာ မိန့်ခွန်း တော်)

ဒါကြောင့် အစ္စလာမ်မှာ အကြမ်းဖက်မှုများအတွက် အထောက်အပံ့ဆိုတာ လုံးဝမရှိကြောင်း သံသယ ဖြစ်စရာမလိုပါ။

တခါဆက်လက်ပြီး ဆွေးနွေးဖို့လိုတာက မွတ်စလင်မ်တစ်ယောက်အနေနဲ့ မိမိနေထိုင်ရာ တိုင်းပြည် နိုင်ငံကို သစ္စာရှိနိုင်ပါ့မလားဆိုတဲ့ မေးခွန်းကိုပါ။

အစ္စလာမ်က မိမိနေထိုင်ရာတိုင်းပြည်ကို ချစ်မြတ်နိုးဖို့ တနည်း မျိုးချစ်စိတ်ထားဖို့နဲ့ ဘာသာသာ သနာအပေါ်သက်ဝင်ယုံကြည်ခြင်းတို့အကြား တစ်စုံတစ်ရာခြားနားချက်မရှိကြောင်း ဆင့်ဆိုပါတယ်။ နို်င်ငံတွင်းမှာ မိမိတို့ကိုယ်ပိုင်သက်ဝင်ယုံကြည်မှုကို လွတ်လပ်စွာခံယူကျင့်သုံးနိုင်ပြီး လွတ်လပ်စွာ ဟောပြောပို့ချနိုင်တဲ့ မည်သည့်မွတ်စလင်မ်မဆို မိမိနေထိုင်ရာ တိုင်းပြည်နိုင်ငံ (ဗုဒ္ဓဘာသာ၊ ခရစ်ယာန်ဘာသာ စတဲ့ မွတ်စလင်မ်မဟုတ်တဲ့ သူများ အများစုရှိနေတဲ့ တိုင်းပြည်ပင်ဖြစ်လင့် ကစား) ကို ဂုဏ်ပြုချီးမြှင့်ဖို့ရာ တာဝန်တင်ပါတယ်။ အဲဒီတိုင်းပြည်နိုင်ငံများအပေါ်မှာ သစ္စာစောင့်သိ ပြီး ဥပဒေကို လေးစားလိုက်နာတဲ့သူများဖြစ်ဖို့ တာဝန်တင်ပါတယ်။

ကျမ်းမြတ်ကုရ်အာန်မှာ ဖော်ပြထားတာက -

အို-သက်ဝင်ယုံကြည်သူအပေါင်းတို့၊ အသင်တို့သည် အလ္လာဟ်အရှင်မြတ်၏ အမိန့်တော်များကို လိုက်နာကြလေကုန်၊ ထိုနည်းတူစွာ အသင်တို့သည် ရစူလ်တမန်တော်၏ အမိန့်တော်များ ကိုလည်းကောင်း၊ မိမိတို့အနက်မှအာဏာပိုင်များ၏အမိန့်ကိုလည်းကောင်း၊ လိုက်နာ ကြလေကုန်။ (ကုရ်အာန် ၄.၆၀)

ဆိုပြီး မိမိတို့အနက်မှ အာဏာပိုင်များ၏ အမိန့်ကိုလည်း လိုက်နာကြလေကုန်ဆိုပြီး သွန်သင်ထားပါ တယ်။

တမန်တော်မြတ်မုဟမ္မဒ် (sa) က မိန့်တော်မူခဲ့သည်မှာ -

"မိမိ၏ အထက်အာဏာပိုင်ကို နာခံသူသည် ကျွန်ုပ်ကို နာခံသူသာဖြစ်သည်။ မိမိ၏ အထက်အာဏာ ပိုင်ကို ဖီဆန်သူမှာ ကျွနု်ပ်ကို ဖီဆန်သူသာဖြစ်သည်။ "  (မွတ်စလင်ကျမ်း)

မိမိနိုင်ငံတော်အား ချစ်မြတ်နို်းခြင်းသည် သာသနာအပေါ် သက်ဝင်ယုံကြည်ခြင်း၏ အစိတ်အပိုင်း တည်း။ (ဆခါဝီ)

ဒါတင်မကသေးပါ။ အဟ်မဒီယာမွတ်စလင်မ်အဖွဲ့ကို တည်ထောင်သူအရှင်သူမြတ်အား ပဉ္စမမြောက် ဆက်ခံတဲ့ လက်ရှိ အဟ်မဒီယာမွတ်စလင်မ်အဖွဲ့ရဲ့ ကမ္ဘာလုံးဆိုင်ရာ ခေါင်းဆောင်က -

"စစ်မှန်တဲ့ မွတ်စလင်မ်ဆိုတာ မိမိနဲ့ အတူနေတိုင်းသူပြည်သားများနဲ့ဆန့်ကျင်ပြီး ဘယ်တော့မှာ အသံထွက်ဖို့ မလိုအပ်ပါဘူး။ မိမိတိုင်းပြည်ကို လက်ရှိအုပ်ချုပ်နေတဲ့ သူများနဲ့ ဆန့်ကျင်ပြီးလည်း အသံထွက်ဖို့ မလိုအပ်ပါဘူး။ စစ်မှန်တဲ့မွတ်စလင်မ်တိုင်းဟာ မိမိလက်ရှိနေထိုင်နေတဲ့ တိုင်းပြည် နို်င်ငံရဲ့ ဥပဒေကို လုံး၀လေးစားလိုက်နာပြီး အဲဒီတိုင်းပြည်နို်င်ငံအပေါ်မှာ သစ္စာစောင့်သိဖို့ တာဝန် တင်ပါတယ်။ " (ဘိုင်သုလ်ဖုသု ဗလီဖွင့်ပွဲမိန့်ခွန်း၊ ၁၁ ရက် အောက်တိုဘာ ၂၀၀၃)

ဒါကြောင့် မွတ်စလင်မ်တိုင်း အစ္စလာမ့်သွန်သင်ချက်အတိုင်း မိမိတို့နိုင်ငံအပေါ် သစ္စာရှိဖို့ လိုအပ်ပါ တယ်။

အစ္စလာမ်သာသနာတော်ကို လက်မွန်မဆွ အုတ်မြစ်ချတည်ထောင်ခဲ့သူ အရှင်သူမြတ်(sa) က

“မွတ်စလင်မ်ဆိုတာ မွတ်စလင်မ်များကို ကိုယ်နုတ်အားဖြင့် အနှောင့်အယှက်မပြု၊ ငြိမ်းချမ်းမှု ရှိစေသူ၊ လုံခြုံမှုပေးသူကို ခေါ်တယ်” လို့ မိန့်ချွေခဲ့ပါတယ်။ (မွတ်စလင်မ်ကျမ်း၊ ကေတာဘုလ် အီမာန်)


ဒါကြောင့် ကျွန်တော်တို့ အဟ်မဒီမွတ်စလင်မ်တစ်ဦး ချင်းစီဟာ Religious Harmony လို့ခေါ်တဲ့ ဘာသာပေါင်းစုံ ငြိမ်းချမ်းစွာအတူယှဉ်တွဲနေထိုင်ရေး အတွက် Muslim For Loyalty Campaign, Muslim For Peace Campaign, Muslim For Life Campaign တွေကို ဆင်နွှဲကြပါတယ်။ Racial Harmony လို့ခေါ်တဲ့ လူမျိုးခြားအချင်းချင်း ငြိမ်းချမ်း စွာ အတူယှဉ်တွဲနေထိုင်ရေးအတွက် နိုင်ငံတော်အပေါ် သစ္စာစောင့်သိတဲ့ မွတ်စလင်မ်များအဖြစ် ကျွန်တော်တို့ အဟ်မဒီမွတ်စလင်မ် များက ဥပဒေဘက်မှ ရပ်တည်လျက်ရှိကြောင်း သိသာစေအပ်ပါတယ်။


"ခင်ဗျားသူငယ်ချင်းရဲ့ ဗုဒ္ဓရုပ်ပွားတော်ကို ဖျက်ဆီးပစ်လိုက်" ဟု ခရစ်ယာန်ဘုန်းကြီးဟောင်း ပတ်ရောဘတ်ဆင်ပြောကြား

မေလ ၁၇ ရက် ၂၀၁၂
www.loonwatch.com

ပတ်ရောဘတ်ဆင်ဆိုသူမှာ တီဗွီအစီအစဉ်တင်ဆက်သူဖြစ်ပြီး ဘက်ပ္ပတစ္စ ဘုန်းကြီးတဖြစ်လဲ အမေရိကန်နိုင်ငံ၏ ခရစ်ယာန်အခွင့်အရေး ဆောင်ရွက်သူအဖြစ် နာမည်ကြီးသည်။


တာလီဘန်များကို အာဖဂန်ရှိ ပတ်ရောဘတ်ဆင်ကမ္ဘာဟု လူတိုင်းသိကြပါတယ်။ ဟုတ်ပါရဲ့လား။ ပတ်ရောဘတ်ဆင်ကို တီဗွီအစီအစဉ်တစ်ခု၌ ဂျန်နီအမည်ရှိ ခရစ်ယာန်ဘာသာဝင်အမျိုးသမီး တစ်ဦးက သူ၏အခန်းဖော် အမျိုးသမီး၏ဗုဒ္ဓရုပ်ပွားတော်ကြောင့် သူ့အပေါ် ဝိညာဉ်ရေးရာအရ မည်သို့ထိခို်က်မှုဖြစ်စေနိုင်ပါသလဲဟု မေးမြန်းခဲ့ပါတယ်။



ဂျန်နီ: ကျွန်မနဲ့ အတူနေသူငယ်ချင်း ခရစ်ယာန်အမျိုးသမီးဟာ ဗုဒ္ဓရုပ်ပွားတော်ကို ခရစ်ယာန်ရုပ်ပွားတော်များဘေးမှာ ယှဉ်ပြီးထားထားပါတယ်။ အဲဒါမျိုး အဆင်ပြေရဲ့လား?
ပတ်ရောဘတ်ဆင်က မေးခွန်းတွေကို အဖြေပေးတဲ့နေရာမှာ အမြဲလိုလို ဘိုင်ဘဲလ်အကိုးအကားနဲ့ ရှင်းလင်းပြတ်သားစွာဖြေဆိုလေ့ရှိပါတယ်။ အခုမေးခွန်းကိုလည်း သူဖြေဆိုလိုက်ပုံက “(အဲဒီ ဗုဒ္ဓရုပ်ပွားတော်ကို) ဖျက်ဆီးပြစ်လိုက်ပါ။”

ပတ်ရောဘတ်ဆင် : ဒါမျိုးလုပ်လို့ မရဘူး။ အဲဒီရုပ်ပွားတော်ကို ဝေးဝေးယူသွားပြီး ချိုးဖျက်လိုက်ပါ။ ချိုးဖျက်လိုက်ပါ။ ဖျက်ဆီးပြစ်လိုက်ပါ။

ဒီတော့ ဆိုလိုတာက ခရစ်ယာန်ရုပ်ပွားတော်တွေက အဆင်ပြေပေမယ့် ဗုဒ္ဓရုပ်ပွားတော်ဆိုရင်တော့ အဆင်မပြေပါ။ အခြားဘာသာဝင်များရဲ့ ရုပ်ပွားတော်တွေကို မလေးစားကြနဲ့ပေါ့။

ဟု http://www.loonwatch.com မှာ ပတ်ရောဘတ်ဆင်ကို ခနဲ့တဲ့တဲ့ သတင်းရေးသားဖော်ပြထား ပါသည်။

Friday, June 1, 2012

၂၀၁၂ ဂျာမနီ ဂျလ်ဆာ ဆာလာနာ နှစ်ပတ်လည်အခမ်းအနား ယနေ့စတင်မည်။



ခလီဖတွလ်မဆီဟ်တက်ရောက်မည့် ၂၀၁၂ ဂျာမနီ ဂျလ်ဆာ ဆာလာနာ နှစ်ပတ်လည်အခမ်းအနား ယနေ့စတင်မည်။




အဟ်မဒီမွတ်စလင်မ်များ၏ နှစ်စဉ်စည်းဝေးပွဲများကို ကမ္ဘာနှင့်အဝှမ်းကျင်းပလေ့ရှိရာ ၂၀၁၂ခုနှစ်၊ ဂျာမနီနိုင်ငံ အဟ်မဒီယာမွတ်စလင်မ်အသင်း၏ နှစ်ပတ်လည်ညီလာခံကို ယနေ့ ၁ ရက် ဇွန်လမှစတင်၍ ၃ ရက်ဇွန်လအထိ ဂျာမနီ-ပြင်သစ်နယ်နိမိတ်အနီးရှိ ကားလ်စ်ရုဟ်မြို့တွင် ကျင်းပမည်ဖြစ်သည်။

ထိုညီလာခံသို့ ကမ္ဘာလုံးဆိုင်ရာ အဟ်မဒီယာမွတ်စလင်မ်အဖွဲ့၏ ဥသျှောင်၊ ပဉ္စမမြောက် ခလီဖတွလ် မဆီဟ် ဟာဇရသ်မီရ်ဇာမဆ်ရူးရ်အဟ်မဒ် (သခင့်အပေါ်သို့ ငြိမ်းချမ်းခြင်းကျရောက်ပါစေ) တက်ရောက်မည်ဖြစ်ပြီး အလံတင်ပွဲအခမ်းအနားကို ဂျီအမ်တီ ၁၁ : ၄၅ တိတိတွင် စတင်မည် ဖြစ်သည်။

မည်သူမဆို အခမ်းအနားအား တိုက်ရိုက်ကြည့်ရှုလိုပါက http://bit.ly/xli5fl သို့ သွားရောက်ကြည့် ရှုနိုင်ပါသည်။

www.alislam.org/mta တွင်လည်းကြည့်ရှုနိုင်ပါ သည်။



ပထမနေ့ အစီအစဉ်များ (ဒေသစံတော်ချိန်  အရ ဖော်ပြထားပါသည်။)

၃.၁၅    တဟ်ဂျွတ်ဒ် ဆလားသ် 
၃.၅၅    အာဇန်
၄.၂၀    ဖဂျရ်
၄.၄၅    ခေတ္တနားချိန်
၈.၀၀    နံနက်စာ
၉.၀၀    တက်ရောက်သူများ စာရင်းပေးသွင်းရန်
၁၂.၀၀  နေ့လည်စာ
၁၃.၄၅  ခလီဖတွလ်မဆီဟ်သခင်ဦးဆောင်မည့် အလံတင်ပွဲအခမ်းအနား
၁၄.၀၀  သောကြာဂျွမ္မာဆလားသ် စုပေါင်းဝတ်ပြုခြင်းဖြင့် ဂျလ်ဆာ ဆာလာနာအား ဖွင့်လှစ်ခြင်း  (ဟာဇရသ် ခလီဖတွလ်မဆီဟ်မှ ဦးဆောင်ပါမည်။)

၁၇.၀၀  ကျမ်းမြတ်ကုရ်အာန် ရွတ်ဖတ်သရဇ္ဈယ်ခြင်းဖြင့် ဒုတိယအစီအစဉ် စတင်ခြင်း
၁၇.၁၅  အုရ်ဒူဘာသာဖြင့် ကဗျာရွတ်ဖတ်ခြင်း
၁၇.၂၅  ဘုရားရှင်နှင့် ရှင်သန်နေသော အဆက်အသွယ်ထားရှိခြင်းခေါင်းစဉ်ဖြင့် မော်လာနာ နာဇီရ် အဟ်မဒ် မူဘာရက် (ကနေဒါနိုင်ငံ၏ အေမာမ်ခေါင်းဆောင်ချုပ်) ၏ အူရ်ဒူဘာသာဖြင့် ဟောပြောမှု

၁၈.၀၅  အုရ်ဒူဘာသာဖြင့် ကဗျာရွတ်ဖတ်ခြင်း
၁၈.၁၅  ဧည့်သည်တော်များမှ မိတ်ဆက်၊ စကားစမြည်ပြောဆိုခြင်း
၁၈.၃၅  ဒေသဆိုင်ရာ အေမာမ်ဖြစ်သည့် မုဟမ္မဒ် အိလိယာစ်မူနီးမှ အူရ်ဒူဘာသာဖြင့် ဟာဇရသ် မီရ်မုဟမ္မဒ်အစ္စမာအိလ်၏ ဘ၀ထုပ္ပအကြောင်း ဟောပြောမှု

၁၉.၀၅  ကြေငြာချက်များ
၁၉.၁၅  ညစာစားသုံးခြင်း
၂၀.၃၀  ကျောင်းသားလူငယ်များ ဟာဇရသ်ခလီဖတွလ်မဆီဟ်နှင့် တွေ့ဆုံခြင်း
၂၁.၄၅  မဂ်ရိဘ်နှင့် အီရှာဆလားသ်

http://www.jalsasalana.de/2012/programm/

အမေရိကန် : ဂျူးအများအပြားနေထိုင်ရာ ပိုက်စ်ဗီလီရှိ အဟ်မဒီမွတ်စလင်မ်များ၏ ဗလီဝတ်ကျောင်း တော်အသစ် ဖွင့်လှစ်တော့မည်




အလီဆင်န် နီဇီဗစ်ခ်ျတင်က The Baltimore Sun တွင် တင်ဆက်ခဲ့သည့် သတင်းဆောင်းပါး။
မေလ ၃၀ ရက် ၂၀၁၂

အဟ်မဒီအသင်းအဖွဲ့က ဂျူးများရဲ့ နှလုံးသည်းပွတ်နေရာဖြစ်ပြီး ဂျူးအုပ်စုတွေစုစည်းနေထိုင်တဲ့ နေရာမှာ ကျောက်သားများနဲ့တည်ဆောက်ထားတဲ့ အိမ်ခန့်ခန့်ငြားငြားတစ်လုံးကို ဗလီကျောင်းအ ဖြစ်အသုံးပြုရန် ဝယ်ယူလိုက်ပါပြီ။

 ဘဲလ်တီမိုးရှိ အဟ်မဒီယာမွတ်စလင်မ်များ ဗလီဝတ်ကျောင်းတော်အဖြစ် အသုံးပြုရန် ဝယ်ယူလိုက်သည့် ကျောက်သားအဆက်အအုံ

အမေရိကန်နိုင်ငံ၊ မေရီလန်းဒ်၊ ဘဲလ်တီမိုးကောင်တီမြို့မှာရှိတဲ့ ပိုက်စ်ဗီလီမှာ ပါခ်ဟိုက်စ်အဗီနြူးဆို တဲ့ လမ်းတစ်လမ်းရှိပါတယ်။ အဲဒီလမ်းလေးမှာတော့ ဘုရားကျောင်းများနဲ့ စာသင်ကျောင်းတွေ အစီအရီ နေရာယူထားပါတယ်။ အိုဟက်ဘ် ရှလုမ်ဘုရားကျောင်း၊ ဘဲလ်တီမိုး ဟီးဘရူးအစုအဝေးနဲ့ ရှိုရှနာ အက်စ်.ကာဒင်စာသင်ကျောင်းတွေကတော့ ထင်ရှားပါတယ်။ အနီးအပါးမှာတော့ ဂျူးဘာသာ ဝင်တွေ အသိအမှတ်ပြု ကိုရှာစားသောက်ကုန်တွေရောင်းတဲ့ အကြီးဆုံးစတိုးဆိုင်ကြီးလည်း ရှိနေတာ ကြောင့် ပတ်ဝန်းကျင်မှာ ဂျူးဘာသာဝင်တွေနေထိုင်ကြဖို့ စွဲဆောင်နေသလိုပါပဲ။

ဘဲလဲတီမိုး ဂျူးအစုအဖွဲ့ရဲ့ နှလုံးသည်းပွတ်လမ်းကလေးမှာတော့ နောက်ထပ်သာသနာ့အဆောက် အအုံ တစ်ခုတိုးလာပါပြီ။ အဟ်မဒီမွတ်စလင်မ်များအတွက် ဗလီအသစ်တစ်လုံးပါ။ ပတ်ဝန်ကျင်း ဧရိယာ အတွင်း နေထိုင်သူများအတွက်တော့ အံ့ဩသင့်ဖွယ်ဖြစ်ခဲ့ပြီး အချို့သူများရဲ့ ဆန္ဒသဘော ထားတွေ ကလည်း တစ်ယောက်တစ်မျိုးစီ ဖြစ်နေပါတယ်။

စလိတ်ဒ်အင်ပါ့ခ်ဟိုက်စ် လမ်းသွယ်လေးထဲက ကိုလိုနီခေတ်ပုံသဏ္ဌာန် အဖြူရောင်ကျောက်သားနဲ့ ဆောက်လုပ်ထားတဲ့ အိမ်ကြီးခန့်ခန့်ငြားငြားတစ်လုံးကို အစ္စလာမ်သာသနာထဲက အစုအဖွဲ့ဖြစ်တဲ့ အဟ်မဒီယာမွတ်စလင်မ်လှုပ်ရှားမှုအသင်းက ဝယ်ယူလိုက်တာပါ။ ပိုက်စ်ဗီလီမှာတော့ အချက်အချာ လူစည်ကားတဲ့နေရာပါပဲ။ တခြားကမ္ဘာ့နေရာများမှာ အညှဉ်းပမ်းခံနေရတဲ့ အဟ်မဒီအသင်းဝင်တွေ က တော့ ဒီမြို့မှာ သူတို့ရဲ့နေအိမ်ကလေးများကို ဆောက်လုပ်ပြီး ဘာသာသာသနာကိုင်းရှိုင်းလွန်းတဲ့ ပတ်ဝန်းကျင်မှာ သက်သောင့်သက်သာနေထိုင်သွားဖို့ မျှော်လင့်ထားကြပါတယ်။

ဂျူးအသင်းအဖွဲ့ခေါင်းဆောင်များကတော့ အဟ်မဒီအစုအဖွဲ့အား ပိုက်စ်ဗီလီမှာ ကြိုဆိုကြောင်း ပြသရန် မိမိတို့ကြိုးစားနေကြောင်း Facebook Page မှာ ရေးသားထားပါတယ်။ အချို့သောသူများ က ဗလီဆိုတာကို ကြောက်ရွံ့နေကြတာကြောင့် ပတ်ဝန်းကျင်မှ အခြားသူများက အဟ်မဒီမွတ်စလင်မ် များ ထံ မိမိတို့ကိုယ်ကိုမိတ်ဆက်ပေးရန်၊ မည်သို့နေထိုင်ကြောင်း၊ မည်သည်ကို ကိုးကွယ်ကြကြောင်း စသဖြင့်ပတ်ဝန်းကျင်ရှိ မိသားစုများကို ပြောပြပေးရန် တိုက်တွန်းပြောဆိုခဲ့ကြပါတယ်။

ဘဲလ်တီမိုး ဂျူးကောင်စီရဲ့ အကြီးအကဲဒါရိုက်တာဖြစ်သူ အားတ် အဗ္ဗရာမ်ဆင်န်က “ပါ့ခ်ဟိုက်ခ်စ်ကို ဖြတ်သန်းကြည့်ရင် ဘုရားကျောင်းတစ်ခုပြီးတစ်ခုတွေ့ရမှာပါ။ ခုတော့ တချို့လူတွေတွေအတွက် အံ့အားသင့်စရာဖြစ်စေမယ့် ဗလီတစ်လုံး ရုတ်တရက်ပေါ်ထွက်လာပါပြီ။” ဟု ပြောကြားခဲ့ပါတယ်။

ဒါ့ပြင် သူက ပတ်ဝန်းကျင်မှ ပမာဏအနည်းငယ်ကတော့ ဗလီကိုကြောက်ရွံ့နေကြကြောင်း ပြောပြပါ တယ်။

သူကပဲ ဆက်လက်ပြောကြားခဲ့တာက “ကြောက်ရွံ့ခြင်းက လျစ်လျူရှုမှုအပေါ်မှာ အမြဲတည်နေတယ် လို့ ကျွန်တော်ယုံကြည်ပါတယ်။ သူတို့ (ကြောက်ရွံ့နေကြသူများ) သိထားခဲ့တဲ့ အစ္စလာမ်ဆိုတာ ၉/၁၁ ကို အခြေခံမယ်၊ အဲဒီနောက်ပိုင်းက အခြေအနေတွေကိုပါ။” လို့ ဖြစ်ပါတယ်။

အဟ်မဒီယာမွတ်စလင်မ်အဖွဲ့မှာ လူနည်းစုအသင်းအဖွဲ့တစ်ခုဖြစ်ပြီးတော့ ၁၈၈၉ မှာ အိန္ဒိယ၌ စတင်အခြေတည်ခဲ့တာပါ။ ဘဲလ်တီမိုးအစုအဝေးအတွက် ဘဏ္ဍာရေးကိစ္စဆောင်ရွက်ခဲ့တဲ့ အဟ်မဒီ ယာမွတ်စလင်မ်အဖွဲ့အစည်းမှ ဒေါက်တာ အာဂါခန်က မေလထဲမှာ ဘဲလ်တီမိုး ဂျူးအသင်းအဖွဲ့သို့ မိတ်ဆက်စကားပြောကြားခဲ့ပါတယ်။ သူက အာရဗစ်ဖတ်ရွတ်ခြင်းအချို့ဖြင့်အစ ပြုပြီးနောက် အဟ်မဒီအသင်းအဖွဲ့၏ အင်္ဂလိပ်ဆောင်ပုဒ်ဖြစ်တဲ့ “Love for all, Hatred for none” ကို ပြောပြခဲ့ ပါတယ်။ ပတ်ဝန်းကျင်ရှိ နေထိုင်သူများက သူတို့ (အဟ်မဒီ)များရဲ့ အမြင်ကို အလွန်လေးစားကြ ကြောင်း အားတ် အဗ္ဗရာမ်ဆင်န်က ပြောပြခဲ့ပါတယ်။

အဲဒီနောက်တော့ အာဂါခန်က “ကျွန်တော်တို့ရဲ့ အခြေခံသတင်းစကားကတော့ ငြိမ်းချမ်းရေးနဲ့ မိတ်သင်္ဂဟဖြစ်ရေးတို့ပါပဲ” ဟု ပြောကြားသွားခဲ့ပါတယ်။

အဟ်မဒီယာမွတ်စလင်မ်အဖွဲ့က ပိုက်စ်ဗီလီမှာရှိတဲ့ အဲဒီအဆောက်အဦကို ဒေါ်လာ ၉ သိန်းနဲ့ ဝယ်ယူခဲ့ခြင်း ဖြစ်ကြောင်း၊ ထိုအဆောက်အဦပတ်ဝန်းကျင်မှာနေထိုင်တဲ့ ဂျူးလူမျိုးစုများကတော့ ဧရိယာအဝန်းအဝိုင်းအတွင်းမှာ အကြီးမားဆုံး အုပ်စုဖြစ်တဲ့အကြောင်း ဘဲလ်တီမိုးဂျူးဖက်ဒရေး ရှင်းရဲ့ ၂၀၁၀ စစ်တမ်းကောက်ခံမှုက ဖော်ပြထားကြောင်းလည်း သိရပါတယ်။

UNHCR : ခိုလှုံခွင့်တောင်းခံနေရသည့် ဒုက္ခသည်များအရေးတွင် အစ္စလာမ့်ဥပဒေနှင့် နိုင်ငံတကာ ဥပဒေတို့ ထပ်တူညီမျှနေ





မေလ ၁၆ ရက် ၂၀၁၂
မူရင်းရေးသားသူ - ရိုက်တာသတင်းထောက် မုဟမ္မဒ်အစ္စမေးလ်


ကုလသမ္မဂရဲ့ ဒုက္ခသည်များဆိုင်ရာ မဟာမင်းကြီးရုံး UNHCR ၊ အင်ဒိုနီးရှားနိုင်ငံတာဝန်ခံ မယ်နြူ ရယ် ဂျော်ဒေါင်းက ရီဖျူဂျီခေါ် ခိုလှုံခွင့်တောင်းခံနေကြရသော ဒုက္ခသည်များအပေါ်မှာ ဆုံးဖြတ်တဲ့ နိုင်ငံတကာဥပဒေနဲ့ အစ္စလာမ်မစ်ဥပဒေတို့အကြား တူညီမှုများရှိနေတယ်လို့ ယုံကြည်ကြောင်း အင်ဒိုအခြေစိုက် ရီပတ်ဘလီကာအွန်လိုင်းက ဖော်ပြပါတယ်။

မယ်နြူရယ် ဂျော်ဒေါင်းက ပရောဖက်ဆာ အဟ်မဒ်အဘူအလ်၀ဖာရေးသားတဲ့ “The Right to Asylum between Islamic Shari’ah and International law” ဆိုတဲ့ စာအုပ်အပေါ်မှာ ဗုဒ္ဓဟူးနေ့ က အထက်ပါအတိုင်း မှတ်ချက်ပေးခဲ့ခြင်းဖြစ်ကြောင်း သိရပါတယ်။

ဂျော်ဒေါင်းက ထိုစာအုပ်ရှိ အခန်းနံပါတ် ၆ တွင်ဖော်ပြထားသော နိုင်ငံတကာဥပဒေနှင့် အစ္စလာမ် မစ်ဥပေဒတို့၏ တူညီချက်များကို ကရုဓမ္မပြုပြီး "ဒီဟာက ကျွန်တော်တို့အားလုံး ဘယ်နည်းဘယ်ပုံ အလုပ်အတူတူလက်တွဲလုပ်နိုင်ကြမလဲဆိုတာကို ပြသနေတာပါ။" ဟု ပြောကြားခဲ့သည်။ တူညီချက် တစ်ခုမှာ non-refoulement ခေါ် အခြားနိုင်ငံများတွင် ခိုလှုံနေရသည့် ဒုက္ခသည်များအား သူတို့ဘ၀ အသက်ရှင်ရေးအတွက် အန္တရာယ်ရှိသည့် မိမိတို့ကိုယ်ပိုင်နိုင်ငံများထံ ပြန်လွှတ်ခံနေရခြင်း အား အကာအကွယ်ပေးသည့် ဥပဒေဖြစ်သည်။ ဤသဘောထား ဥပဒေကို အစ္စလာမ်က ပထမဦးစွာ ပြဌာန်းခြင်းလည်းဖြစ်သည်။

ထို့ပြင် ဂျော်ဒေါင်းက ဤသို့နေရာရွှေ့ပြောင်းခိုင်းခြင်း၏ ရလဒ်မှာ ဆူပူသောင်းကျန်းမှု၊ ဆင်းရဲမွဲ တေမှု၊ လူ့အခွင့်အရေးအပြန်အလှန်ချိုးဖောက်မှု၊ ညှဉ်းပမ်းမှုနှင့် ပတ်ဝန်းကျင်ထိခိုက်မှုတို့ဖြစ် ကြောင်း၊ UNHCR အနေဖြင့် ခိုလှုံခွင့်တောင်းခံနေရသည့် ဒုက္ခသည်များကိုသာ ကူညီနေသည် မဟုတ်ပဲ နိုင်ငံအတွင်း အပြောင်းရွှေ့ခံ ဒုက္ခသည် (အိုင်ဒီပီ) ကိုပါ ကူညီထောက်ပံ့နေကြောင်း ရှင်းပြ သည်။

ခိုလှုံခွင့်တောင်းခံနေရသည့် ဒုက္ခသည်များနှင့် နိုင်ငံအတွင်း အပြောင်းရွှေ့ခံ ဒုက္ခသည် (အိုင်ဒီပီ)တို့ မတူသည့်အချက်မှာ အိုင်ဒီပီများသည် နိုင်ငံနယ်နိမိတ်ကို ဖြတ်ကျော်သူများမဟုတ်ဘဲ နိုင်ငံအတွင်း မှာတင် ရွှေ့ပြောင်းခံနေရသည့် သူများကိုဆိုလိုသည်။ ဂျော်ဒေါင်းက နေ့စဉ် ၂၀၀ မီလီယံပမာဏ ရှိသော လူများမှာ နေရာရွှေ့ပြောင်းခြင်းခံနေရပြီး ၂၆ မီလီယံမှာမူ မိမိတို့ကိုယ်ပိုင် နိုင်ငံတွင်းမှာတင် နေရာရွှေ့ပြောင်းခံနေရခြင်းဖြစ်ကြောင်း ပြောကြားသည်။

အစ္စလာမ်မစ်ဥပဒေသည် ပြဿနာအများအပြားကို ဖြေရှင်းပေးထားသည်။

ခိုလှုံခွင့်တောင်းခံနေရသည့် ဒုက္ခသည်များဆိုင်ရာ ကုလသမ္မဂ မဟာမင်းကြီးရုံး၏ ပံပိုးမှုဖြင့်ရေးသား ထုတ်ဝေခဲ့သော “The Right to Asylum between Islamic Shari’ah and International law” ဆိုသည့်စာအုပ်တွင် အစ္စလာမ်မစ်ဥပဒေက ပြဿနာအများအပြားအတွက် အဖြေထုတ်ပေးထား ကြောင်း သက်သေပြထားသည်။ ထို့ပြင် ယင်းစာအုပ်က ခိုလှုံခွင့်တောင်းခံနေရ သည့် ဒုက္ခသည်များ ကို အကာအကွယ်ပေးရေး၌ အစ္စလာမ်မစ်ဥပဒေနှင့် နိုင်ငံတကာဥပဒေတို့ကို နှိုင်းယှဉ်ပြထားသည်။

State Islamic University of Syarif Hidayatullah ၏ ဥပဒေနှင့် ရှရီယာဌာန၊ ပါမောက္ခချုပ် ဖြစ်သူ၊ မုဟမ္မဒ် အမင် ဆူမာက "ဒီစာအုပ်က တကယ့်ကို လက်တွေ့ဆန်ပါတယ်။ ခိုလှုံခွင့်တောင်းခံ နေရတဲ့ ဒုက္ခသည်တွေရဲ့ အခွင့်အရေးကို မီးမောင်းထိုးပြထားပါတယ်။" ဟု ပြောကြားခဲ့သည်။


အာဖဂန်နစ္စတန်၊ ကာဘူးလ်မြို့က အပြောင်းရွှေ့ခံ ဒုက္ခသည်မိသားစုများ နေထိုင်ရာနေရာတစ်နေရာ


ဤသို့သော နှိုင်းယှဉ်ချက်များရေးသားထားသည့် ဖော်ပြပါစာအုပ်မှာ အစ္စလာမ်မစ်ဥပဒေနှင့် နိုင်ငံ တကာဥပဒေတို့၏  ခိုလှုံခွင့်တောင်းခံ နေရသည့် ဒုက္ခသည်များအတွက် အချိုးညီမျှတနေသည့် သတင်းအချက်အလက်များကို ထုတ်နုတ်ပေးထားသည်။ ထိုဥပဒေနှစ်ခု၏ ခြားနားချက်တစ်စုံတစ်ရာ ကိုမျှ ဖော်ပြထားခြင်းမရှိပေ။

ယင်းစာအုပ်ကို မူရင်းအာရဗစ်နှင့် ရေးသားထားခြင်းဖြစ်ပြီး အင်္ဂလိပ်နှင့်ဘဟာဆာဘာသာစကား များဖြင့် ဘာသာပြန်ထားပြီးဖြစ်သည်။ ထိုစာအုပ်သည် အစ္စလာမ်ဥပဒေအနေဖြင့် နိုင်ငံတကာဥပဒေ အတွက် ကြီးမားသောတန်ဖိုးတစ်ခုအနေဖြင့် ရှိနေကြောင်းကိုလည်း ဖော်ပြသည်။  မုဟမ္မဒ် အမင် ဆူမာက "ရှရီယာဥပဒေရဲ့ အသိပညာကြွယ်၀ပုံကို နိုင်ငံတကာက ဒီစာအုပ်အားဖြင့် မြင်တွေ့နိုင် ပါတယ်။" ဟု ဖြည့်စွက်ပြောကြားသည်။

ထိုစာအုပ်ကို www.unhcr.org/4a9645646.pdf တွင် ဖတ်ရှုနိုင်ပါသည်။

တစ်ပတ်အတွင်း လူကြိုက်အများဆုံး

 
-