Wednesday, February 26, 2014

ငြိမ်းချမ်းရေးအတွက် ခုနှစ်ရက်တာစက်ဘီးစီးခရီး။ အဟ်မဒီယာမွတ်စလင်အဖွဲ့ ဗလီဝတ်ကျောင်းတော် ၁ဝ လုံးမှ ဗြိတိန်နိုင်ငံကဏ္ဍအသီးသီးအတွက် ရန်ပုံငွေများ ထည့်ဝင်လှူဒါန်း။

အဟ်မဒီယာမွတ်စလင်အဖွဲ့ဗလီဝတ်ကျောင်းများမှ  လူသားအကျိုးပြု
လုပ်ငန်းများ၊ ဗြိတိန်နိုင်ငံနှလုံးအထူးကု ဖောင်ဒေးရှင်းအတွက် ရံပုံငွေများ
ကောက်ခံခြင်းအတွက် ရန်ပုံငွေရရှိရေးစက်ဘီးစီးခြင်းကို ဇွန်လ ၁ ရက်မှ ၇
ရက်နေ့အထိ ကျင်းပသွားမည်ဖြစ်သည်။

အဟ်မဒီယာအဖွဲ့သည်  ထိုအစီအစဉ်ကို  ဗြိတိန်နိုင်ငံ၌ ၎င်းတို့
(အဟ်မဒီယာအဖွဲ့)အခြေစိုက်ခဲ့ခြင်း၏ ရာပြည့်အထိမ်းအမှတ် ကဏ္ဍတစ်ခု
အနေဖြင့်လည်း ကျင်းပခြင်းဖြစ်သည်။
၁၉၁၃ ခုနှစ်တွင် ဗြိတိန်နိုင်ငံ၌ အဟ်မဒီယာအဖွဲ့ ပထမဦးဆုံး သာသနာပြု
ရောက်ရှိခြင်းနှင့် အသင်းတော်အခြေစိုက်ခဲ့ခြင်းဖြစ်ကြောင်း သိရသည်။
အဟ်မဒီယာအသင်းအဖွဲ့သည် လွန်ခဲ့သော နှစ် ၁၀ဝ မှစတင်ကာ ဗြိတိန်
နိုင်ငံတွင်(အခြေစိုက်ခဲ့ပြီး) ယခုဆိုလျှင် ဗလီဝတ်ကျောင်းတော်ပေါင်း ၃ဝ
ကျော်၊ သာသနာပြုရုံးများနှင့် အဖွဲ့ဝင်ပေါင်း လေးသောင်းကျော်ထိ
တိုးတက်လာကာ ငြိမ်းချမ်းရေး၊ သစ္စာစောင့်သိရေးနှင့် သည်းခံမြဲမြံရေး
ကိုသာ ဟောကြားသင်ပြလျက်ရှိသည်။

၁၉၈၉ခုနှစ်တွင် Bradford မှ London သို့ စက်ဘီးစီးပြိုင်ပွဲကျင်းပခဲ့သလို
(အဟ်မဒီယာအဖွဲ့က) “ငြိမ်းချမ်းရေးအတွက် ရာပြည့်စက်ဘီးစီးပြိုင်ပွဲ”ကို
ဗြိတိန်နိုင်ငံတွင် အဟ်မဒီယာ ရာပြည့်အထိမ်းအမှတ် အစိတ်အပိုင်းအဖြစ်
ကျင်းပသွားမည်ဖြစ်ကြောင်း အဟ်မဒီယာအဖွဲ့အစည်း ဝက်ဘ်ဆိုက်မှ
သိရသည်။
စက်ဘီးစီးသမားများသည် ဂလက်စ်ဂိုမြို့အနောက်စူးစူးတွင်တည်ရှိသော
“ဗိုင်တွလ်ရာဟ်မာန်”ဗလီဝတ်ကျောင်းမှ စတင်ထွက်ခွာမည်ဖြစ်ပြီး ခုနှစ်ရက်
ကြာ စက်ဘီးနင်းပြီးနောက် ဥရောပအနောက်ဘက်တွင် အကြီးဆုံးဗလီ
ဖြစ်သော “ဗိုင်တွလ်ဖူတူးဟ်”သို့ ပြန်လည်ရောက်ရှိလာရမည်ဖြစ်သည်။
ခရီးစဉ်စုစုပေါင်း ၆၀၁ မိုင်ရှိမည်ဖြစ်သည်။

ခရီးစဉ်မှာ ဗြိတိန်နိုင်ငံရှိ သတ်မှတ်ထားသော ဗလီဝတ်ကျောင်း ၁ဝလုံးသို့
လည်ပတ်ခဲ့ကာ “ဘုရားရှင်သည် ဤသည့် ငြိမ်းချမ်းခြင်းအတိပြီးသော
အဖွဲ့အစည်းကို အရှိန်အဟုန်ဖြင့်တိုးတက်နေစေသည့်အတွက် အရှင့်
ကျေးဇူးတော်ကို အောက်မေ့တမ်းတသည့် အထိမ်းအမှတ် ကျေးဇူးတော်
ရင့်ကျူးခြင်း”ပြုကာ “ဗိုင်သွလ်ဖူတူးဟ်”ဗလီသို့ ပြန်လည် ဝင်ရောက်လာရ
မည် ဖြစ်သည်။
စက်ဘီးစီးသမား အဟ်မဒီစုစုပေါင်း ဦးရေရာကျော်မျှရှိသည်။ လူဦးရေ
နှစ်ဒါဇင်ကျော်သည် အဟ်မဒီစက်ဘီးစီးအသင်းဝင်များနှင့်  မြို့တော်ရဲဌာန
ဝင်များသည် ဤ ၆၀၁ မိုင် ခရီးစဉ်တွင် ဝင်ရောက်ယှဉ်ပြိုင်ကြမည်
ဖြစ်သည်။
ဗလီတစ်လုံးချင်းစီတွင် အဟ်မဒီယာအဖွဲ့ဝင် ပြိုင်ပွဲကြီးမှူးသူများသည်
ညလုံးပေါက် စောင့်ကြပ်ပေးကြမည်ဖြစ်သည်။

စက်ဘီးစီးကာလတွင် နေ့စဉ် ဖဂျရ်နမာဇ်ဝတ်ပြု၊ နံနက်စာစားပြီး ပျမ်းမျှမိုင်
၁၀ဝ ခရီးစဉ်ကို စက်ဘီးနင်းရမည်ဖြစ်ပြီး နောက်ဗလီတစ်လုံးရောက်မှ
ထိုတစ်နေ့တာခရီးစဉ် ပြီးဆုံးမည်ဖြစ်သည်။
လမ်းခရီးတစ်လျှောက်တွင် စက်ဘီးချွတ်ယွင်းပါက ပြုပြင်ရန်၊ အဖြုတ်
အတပ်လုပ်ရန်နှင့် စက်ဘီးသမားများအတွက် လိုအပ်သည့်ပစ္စည်းပစ္စယျများ
အစုံအလင်ကို ယာယီတဲများတည်ဆောက်ကာ အချိန်ပြည့် စီစဉ်ထားရှိမည်
ဖြစ်သည်။

ထိုစက်ဘီးစီးခြင်းမှ ရရှိလာသော ရံပုံငွေများကို လူသားအကျိုးပြု လုပ်ငန်း
များနှင့် ဗြိတိန်နှလုံးအထူးကုဖောင်ဒေးရှင်းစီမံကိန်းသို့သာ ထည့်သွင်းသွား
မည်ဖြစ်သည်။
ဤသည့် “ငြိမ်းချမ်းရေးအတွက်စက်ဘီးစီးခြင်း”နှင့် စက်ဘီးသမားများသည်
အဟ်မဒီယာအသင်းတော်တိုးတက်ဖွံ့ဖြိုးခြင်း၏ ပြယုဂ်ဖြစ်ပြီး ငြိမ်းချမ်းရေး၊
သစ္စာစောင့်သိရေးနှင့် သည်းခံမြဲမြံရေးတို့သည် အသင်းတော်၏အခိုင်အမာ
ချမှတ်ထားသော မူဝါဒစည်းမျဉ်းများဖြစ်ကြောင်း ဗြိတိန်နိုင်ငံအား ကိုယ်စား
ပြု လိုက်ခြင်းလည်းဖြစ်သည်။

Source : (www.themuslimtimes.org)

Wednesday, February 19, 2014

ရဲနှင့် အကြမ်းဖက်တိုက်ဖျက်ရေးများအား အဟ်မဒီယာမွတ်စလင်အကြီးအကဲမှ အရေးဆိုတင်ပြ


 ဆီးရီးယားအရေးအခင်းတွင် အသေခံဗုံးခွဲမှုများသည် ငြိမ်းချမ်းရေး
တည်ဆောက်ရန်ဖြစ်သည်ဟူသော ယုံကြည်ချက်ကိုဆန့်ကျင်ကြောင်း
ငြိမ်းချမ်းရေးမြတ်နိုးသူ (အဟ်မဒီ)မွတ်စလင်အကြီးအကဲက ဖော်ပြခဲ့သည်။
Langley Green အခြေစိုက် အဟ်မဒီယာမွတ်စလင်အဖွဲ့ဥက္ကဋ္ဌ Ahsan
Ahmedi က ဖေဖဝါရီလ ၁၂ ရက်နေ့တွင် ရဲအရာရှိနှင့် အကြမ်းဖက်
တိုက်ဖျက်ရေးမှူးတို့က Martyrs Avenue ရှိ အိမ်တစ်လုံးကို ဝင်ရောက်
ရှာဖွေမှုများပြုလုပ်သွားကြောင်း ပြောဆိုခဲ့သည်။
Mr Ahmedi ပြောကြားရာမှာ -
““ကျွန်တော် သူနဲ့တော့ ပုဂ္ဂိုလ်ရေးခင်မင်မှုမရှိပါဘူး။ ဒါပေမဲ့ ကျွန်တော် သူနဲ့
မကြာခဏဆိုသလို ဆုံဖြစ်ပါတယ်။ ဘာဖြစ်လို့လဲဆိုတော့ ကျွန်တော်တို့ရဲ့
ယုံကြည်ချက်ကိုဖြန့်ချိပို့ဆောင်မှုလုပ်ငန်းတွေမှာ သူက သူ့မိတ်ဆွေတွေနဲ့အတူ
လာရောက်တတ်ပြီး ကျွန်တော်တို့ကို အဟန့်အတားလုပ်လေ့ ရှိတတ်တာ
ကြောင့်ပါ။ အဲဒါကလည်း ဘာကြောင့်ဖြစ်ရတာလဲဆိုတော့ ကျွန်တော်တို့ဟာ
သူ့(လုပ်ရပ်တိုင်း)ကို အင်မတန် သဘောထားကြီးပေးခဲ့တာကြောင့်ပါ။””

““ပြီးတော့ ကျွန်တော်တို့ဟာ (အများယူဆထားတဲ့) ဂျေဟာဒ်ကို ဆန့်ကျင်ပြီး
ငြိမ်းချမ်းရေးတည်ဆောက်နေကြသူတွေပါ။””
““ကျွန်တော်တို့ဟာ မဆီဟာကို ယုံကြည်သူများဖြစ်ပြီး ၎င်းတို့က
ထိုယုံကြည်မှု ကို ဆန့်ကျင်ကြပါတယ်။””
““ဒီယုံကြည်ချက်နဲ့ပတ်သက်လို့လည်း သူတို့နဲ့ ကျွန်တော်တို့ကြားမှာ
အထောက်အထားတွေနဲ့ ဆွေးနွေးမှုများလည်းပြုခဲ့ပြီးပါပြီ။””
ထို့ပြင် Mr Ahmedi က “ဤမျှ ငြိမ်းချမ်းရေးကိုသာ သီးသီးသန့်သန့်
လုပ်ဆောင်နေကြသော မိမိတို့ကိုမှ အလ်ကိုင်ဒါအကြမ်းဖက်အုပ်စုနှင့်
အဆက်အသွယ်ရှိသည့် ပုန်ကန်ထကြွသည့် Abu Suleiman al-Britani
နှင့် ဆက်နွယ်မှုရှိသည်ဟု စွပ်စွဲလာသည်ကြောင့် အလွန်စိတ်ပျက်
ဝမ်းနည်းမိကြောင်း ပြောကြားခဲ့သည်။
Mr Ahmedi ကဆက်လက်ပြောကြားသည်မှာ ““Crawley ဆိုတဲ့နာမည်ကို
ပြစ်တင်ဝေဖန်ခြင်းနဲ့အတူ အစ္စလာမ်ဆိုတဲ့အမည်နာမလည်း ပြစ်တင်ဝေဖန်
ခံလိုက်ရပြီ ဆိုတာပါပဲ။””
““Crawley ဆိုတဲ့ အသင်းအဖွဲ့ဟာ အတော်လည်း တောင့်ခံနိုင်ကြတဲ့
အသင်းအဖွဲ့ပဲဖြစ်တယ်လို့ ကျွန်တော်ခံစားရတယ်။ ကျွန်တော်တို့ဟာ
အားလုံးနဲ့ ငြိမ်းချမ်းစွာနေထိုင်တဲ့သူတွေဖြစ်ပြီး ခုလိုပြက်ရယ်ပြုစရာ
အတွေးအခေါ်တွေနဲ့ ပြုလုပ်နေကြတဲ့ လုပ်ရပ်အသီးသီးဟာ မှားယွင်းပြီး
အစ္စလာမ်နဲ့လားလားမှ မအပ်စပ်ပါဘူး။””
Mr Ahmedi ကဆက်လက်ပြောကြားသည်မှာ- ““အစ္စလာမ်နဲ့ပတ်သက်တဲ့
အရိုးရှင်းဆုံးသတင်းစကားကတော့ အစ္စလာမ်ဟာ ငြိမ်းချမ်းတဲ့သာသနာပဲ
ဖြစ်တယ်ဆိုတာပါပဲ။””
“(မွတ်စလင်ဖြစ်လျက်နဲ့) ငြိမ်းချမ်းစွာနေထိုင်ပြုမူခြင်းမရှိတဲ့သူကို သူဟာ
အစ္စလာမ်ကို အမှန်တကယ် ကိုယ်စားပြုသူဖြစ်ပါသလားဆိုတဲ့ မေးခွန်း

အမေးခံရမှာဖြစ်တယ်။ ဘာကြောင့်လဲဆိုရင် ကျွန်တော်သိတဲ့ အစ္စလာမ်
ဆိုတာ ငြိမ်းချမ်းရေးတည်ဆောက်နေသူကို ခေါ်ဆိုတာကြောင့်ပါ။””
““မွတ်စလင်အဖြစ်ရပ်တည်ဖို့ အရေးအကြီးဆုံးကတော့ အိမ်နီးချင်းနဲ့
ငြိမ်းချမ်း စွာနေထိုင်ရမယ်။ ကိုယ့်မြို့ကိုယ့်ရွာကို ငြိမ်းချမ်းစေရမယ်။
ကိုယ်လုပ်တဲ့ အလုပ်တိုင်းဟာလည်း ငြိမ်းချမ်းရေးကို တိုးမြှင့်ဖော်ဆောင်
ခြင်းဆိုတာသာ ဖြစ်နေရမယ်””ဟု Mr Ahmedi ကပြောကြားသွားခဲ့သည်။
(www.themuslimtimes.org)

မဆီဟ်မော်အူးဒ် မှန်ကန်ခြင်းအတွက် နိမိတ်လက္ခဏာများ

 ဖေဖော်ဝါရီ ၁၄ ရက် ၂၀၁၄ ခုနှစ် သောကြာနေ့တွင်
အဟ်မဒီယာမွတ်စလင်မ်အဖွဲ့ကြီး၏ ကမ္ဘာလုံးဆိုင်ရာ ခေါင်းဆောင်မှ ဟောကြားတင်ပြခဲ့သည့် မိန့်ခွန်း

- “အီလ်ဟာမ်”ဗျာဒိတ်များနှင့် “ကရှ်ဖ်”ရူပါယုံမြင်ကွင်းများကို ရေးသားရခြင်းနှင့်
ဘာသာခြားများ၏သက်သေခံချက်များကို ရေးသားရခြင်း၏ရည်ရွယ်ချက်များ။
- “လက်တွေ့အားဖြင့် ဖြောင့်မှန်သောလမ်းကိုအလိုရှိကြပြီး ယင်းအတွက် ကြိုးပမ်း
အားထုတ်နေသူများအဖို့ အလုံးစုံသော ကောင်းချီးမင်္ဂလာများနှင့် အလင်းရောင်
များသည် အစ္စလာမ်သာသနာတော်အတွင်း၌သာ ကန့်သတ်ထားရှိခဲ့ပြီဖြစ်
ကြောင်းကို ပွင့်လင်းထင်ရှားစွာ သိရှိသွားကြစေရန်ဖြစ်၏။”
- “စွမ်းအားကြီးမားသော သက်သေပြုချက်သည် အမြဲတမ်းအဖို့ မွတ်စလင်မ်တို့
လက်ဝယ်၌ ရှိနေစေရန်ဖြစ်သည်။”
- “အလ္လာဟ်အရှင်မြတ်က ကျွန်ုပ်အားအသိပေးတော်မူသည့် အကွယ်မှ အကြောင်း
ကိစ္စများနှင့် အချိန်ကိုက်ပြည့်စုံခဲ့သည့် နိမိတ်လက္ခဏာများမှာ အရေအတွက်
အားဖြင့် တစ်သောင်းထက်မလျော့ချေ။ ... ကျွန်ုပ်၏ ကြိုတင်ဗျာဒိတ်များ
အနက် မပြည့်စုံခဲ့သည့်ဗျာဒိတ်ဟူ၍မရှိ၊ သို့တည်းမဟုတ် ကြိုတင်ဗျာဒိတ်များ၏
အစိတ်အပိုင်းနှစ်ခုအနက်တစ်ခုသည် မုချပြည့်စုံခဲ့ပြီးဖြစ်ပေသည်။ တစ်စုံ
တစ်ယောက်သည် မွှေနှောက်ရှာဖွေရင်းနှင့် သေသာသွားလိမ့်မည်။ သို့သော်
ကျွန်ုပ်၏နှုတ်မှထွက်သော ကြိုတင်ဗျာဒိတ်များအနက်မှ မပြည့်စုံဘဲကျန်ရစ်ခဲ့
သည်ဆိုသည့် ကြိုတင်ဗျာဒိတ်တစ်ခုတစ်လေကိုမျှ သူသည် ထောက်ပြပြောဆို
သွားနိုင်မည်မဟုတ်ချေ။
- မဆီဟ်မော်အူးဒ်(အ)အား အလ္လာဟ်အရှင်မြတ်ပေးသနားတော်မူသည့် အလင်္ကာ
မြောက်သော စာပေစွမ်းအင်နှင့် ထိုစာပေများကို ဖတ်ရှုရသူတို့၏ ခံစားချက်
ဖြစ်ရပ်များ။ 

 တရှာဟွဒ်၊ တအာဝိုဇ်နှင့် စူရာဟ် ဖာတီဟာတို့ကို ဖတ်ရွတ်ပြီးနောက် ...
ယနေ့ ဟာဇရတ်မဆီဟ်မော်အူးဒ်(အ)ရဲ့ နိမိတ်လက္ခဏာများနဲ့စပ်လျဉ်းလို့
သခင်ကြီး၏ ရေးသားချက်များမှ အကြောင်းအရာများကို တင်ပြမှာဖြစ်ပါတယ်။
ဒီနိမိတ်လက္ခဏာတွေကိုတင်ပြရခြင်းရဲ့ အဓိကအခြေခံအကျဆုံး ရည်ရွယ်ချက်
အဖြစ် မဆီဟ်မော်အူးဒ်(အ)သခင်ကြီး မိန့်ကြားတော်မူသည်မှာ- ပေါ်ထွန်းခဲ့ပြီး
ဖြစ်သော နိမိတ်လက္ခဏာများ၊ ပေါ်ထွန်းလျက်ရှိသော နိမိတ်လက္ခဏာများနှင့်
နောင်မှာပေါ်ထွန်းလာဦးမည့် နိမိတ်လက္ခဏာများအားလုံး၏ အဓိကရည်ရွယ်
ချက်က ဤခေတ်ကာလမှာ အလ္လာဟ်အရှင်မြတ်က သခင်ကြီးကို အကြောင်းပြု
လျက် အစ္စလာမ်သာသနာ၏မှန်ကန်မှုကို ကမ္ဘာလောက၌ ထင်ရှားစေဖို့ဖြစ်
တယ်။ ဒါ့အပြင် တမန်တော်မြတ်(ဆွ)ရဲ့ ဂုဏ်ဒြပ်အဆင့်အတန်းကို ကမ္ဘာ
လောက၌ ဖော်ထုတ်ဖို့ဖြစ်တယ်။ ဒီနိမိတ်လက္ခဏာတွေက ပြင်ပမှပုဂ္ဂိုလ်တွေ၊
အစ္စလာမ်ကို ဝေဖန်ပြစ်တင်သူတွေကို နှုတ်ပိတ်သွားစေခဲ့သလို အခြားတစ်ဖက်
မှာ မွတ်စလင်မ်တွေအတွက်လည်း မဆီဟ်မော်အူးဒ်(အ)သခင်ကြီးရဲ့ မှန်ကန်မှု
အတွက် သက်သေအဖြစ်ရှိခဲ့ပါတယ်။ သခင်ကြီးသာလျှင် အစ္စလာမ်သာသနာ
တော် ဒုတိယတစ်ဖန်ဖြန့်ချိရေးအတွက် အလ္လာဟ်အရှင်မြတ်ထံတော်မှ စေလွှတ်
ခြင်းခံရတဲ့ “ဂျရီယွလ္လာဟ်” (အလ္လာဟ်၏သူရဲကောင်း)ဖြစ်ကြောင်း သိစေဖို့ပါပဲ။
ယခု “ဘရာဟီနေအဟ်မဒီယာ”ကျမ်းမှ စာပိုဒ်တစ်ခုကို တင်ပြပါ့မယ်။ ယင်းအား
ဖြင့် သခင်ကြီးရဲ့ မိန့်ကြားချက်များနှင့် ထိုမိန့်ကြားချက်ရဲ့ အနှစ်သာရကို
နားလည်သိရှိနိုင်မှာ ဖြစ်ပါတယ်။ သခင်ကြီး မိန့်ကြားတော်မူသည်မှာ-
“လက်တွေ့အားဖြင့် ဖြောင့်မှန်သောလမ်းကို အလိုရှိကြပြီး ယင်းအတွက် ကြိုးပမ်း
အားထုတ်နေသူများအဖို့ အလုံးစုံသော ကောင်းချီးမင်္ဂလာများနှင့် အလင်းရောင်
များသည် အစ္စလာမ်သာသနာတော်အတွင်း၌သာ ကန့်သတ်ထားရှိခဲ့ပြီဖြစ်
ကြောင်းကို ပွင့်လင်းထင်ရှားစွာ သိရှိသွားကြစေရန်ဖြစ်၏။ ဤသို့ဖြင့် ဤခေတ်
ကာလရှိ ဘုရားမဲ့ဝါဒီမျိုးဆက်တို့အတွက် အလ္လာဟ်အရှင်မြတ်ထံတော်မှ
ပြတ်သားသော သက်သေသာဓကသည် ပြည့်စုံလာစေရန်ဖြစ်သည်။ ထို့ပြင်
ဤသည်ကိုအကြောင်းပြု၍ ၎င်းတို့၏သဘာဝ၌ မိစ္ဆာစရိုက်များရှိနေကြောင်းကို
 တရားမျှတစွာရှုမြင်တတ်သူအားလုံးအပေါ် ထင်ရှားစေရန်ဖြစ်သည်။ အကြင်သူ
တို့သည် အမိုက်အမှောင်ကို မိတ်ဖွဲ့ကြပြီး အလင်းရောင်ကို ရန်ဘက်ပြုကြ
လျက် ဟာဇရတ် ခါတမွလ်အန်ဗီယာ(ဆွ)၏ မြင့်မားသောဂုဏ်အဆင့်အတန်းကို
ငြင်းပယ်ကန့်ကွက်ကြ၏။ ထိုသည့် မြင့်မြတ်လှစွာသောတမန်တော်၏
ဂုဏ်တော်ကိုထိပါးလျက် ရုန့်ရင်းကြမ်းတမ်းစွာပြောဆိုကြ၏။ ထို့ပြင် လူသား
အားလုံးတွင် အထွဋ်မြတ်ဆုံးဖြစ်သည့် ဤတမန်တော်အား မတရားသဖြင့်
ပုတ်ခတ်စွပ်စွဲကြ၏။ စင်စစ် ကမ္ဘာလောသို့ ထိုသည့် ပြီးပြည့်စုံသော လူသား
တစ်ဦးတည်းသာလျှင် ကြွမြန်းရောက်ရှိလာခဲ့၏။ သူ၏ အလင်းရောင်သည်
ကမ္ဘာလောကအပေါ်သို့ နေမင်းအလား ရောင်ခြည်တော်များကို ဖြန့်ကျက်ပေး
လျက်ရှိ၏။ ထိုမျှမက အမြဲတမ်းအဖို့ ဖြန့်ကျက်ပေးလျက် ရှိပေဦးမည်။
၎င်းတို့မှာကား မွေးရာပါကောက်ကျစ်စဉ်းလဲမှု၊ လွန်စွာယုံကြည်ချက်ကင်းမဲ့မှုတို့
ကြောင့် ဤအကြောင်းကို မသိနိုင်ဘဲရှိကြ၏။ သို့ဖြစ်ပေရာ ဤသည့် မှန်ကန်
သော ရေးသားချက်များအားဖြင့် အစ္စလာမ်သာသနာ၏ ဂုဏ်အရှိန်အဝါသည်
ဆန့်ကျင်သူတို့၏ ဝန်ခံပြောဆိုမှုများဖြင့် ထင်ရှားလာစေရန်ဖြစ်သည်။ ဤသို့ဖြင့်
အမှန်တကယ်ရှာဖွေသူအဖို့ သက်သေလက္ခဏာဆိုင်ရာ လမ်းကြောင်းတစ်ခု
ပွင့်သွားစေရန်ဖြစ်သည်။ ထို့ပြင် မိမိတို့အတွင်းမှ အသိဉာဏ်ရှိသူများအတွက်
မူကား သူတို့၏ အသိဉာဏ်သည် ထက်မြက်လာစေရန်ဖြစ်သည်။ 
ထို့ပြင် ဤသို့ “အီလ်ဟာမ်”(ဗျာဒိတ်)များနှင့် “ကရှ်ဖ်”(ရူပါယုံမြင်ကွင်း)များကို
ရေးသားရခြင်း၏ အခြားသော အကြောင်းတစ်ရပ်မှာ “မို့အ်မင်န်”ယုံကြည်သူ
တို့၏ ယုံကြည်မှုဆိုင်ရာ စွမ်းအားများ မြင့်တက်လာစေရန်ဖြစ်သည်။ ထို့ပြင်
သူတို့၏ နှလုံးသားများကို ခွန်အားဖြစ်စေရန်နှင့် ကျေနပ်မှုရစေရန်ဖြစ်၏။
ထို့ပြင်(ဖြောင့်မတ်မှန်ကန်သောလမ်း)သည် အစ္စလာမ်သာသနာတော်
တစ်ခုတည်းသာလျှင်ဖြစ်သည်ဆိုသည့် အမှန်တရားကို သူတို့သည်
ပြည့်ဝခိုင်မာသော ယုံကြည်ချက်ရှိလာစေရန် ဖြစ်သည်။ ထို့ပြင် ယခုအခါတွင်
မိုးအောက်မြေပြင်၌ တစ်ပါးတည်းသောတမန်တော်၊ တစ်ဆူတည်းသော
ကျမ်းတော်တို့သာလျှင်ရှိတော့၏။ ယင်းကား တမန်တော်အပေါင်းတွင်
အမြင့်မြတ်ဆုံး၊ စေလွှတ်ခြင်းခံရသူအပေါင်းတွင် ပြီးပြည့်စုံသည့် ဘုန်းတော်ကို
 ပိုင်သသူ၊ တမန်တော်အပေါင်း၏တံဆိပ်တော်၊ လူသားအားလုံးတွင်
အမြတ်ဆုံးဖြစ်သည့် တမန်တော်မြတ် မူဟမ္မဒ် မူစ်တဖာ(ဆွ) ဖြစ်သည်။
သခင့်အား နောက်လိုက်နာခံခြင်းဖြင့် အလ္လာဟ်အရှင်မြတ်ကို တွေ့နိုင်၏။
ထို့ပြင် အမိုက်တိုက်ကန့်လန့်ကာဟူသမျှ လွင့်ပါးသွားရ၏။ ဤလောက၌ပင်
စစ်မှန်သော ကယ်တင်ခြင်း၏ အရိပ်လက္ခဏာများသည် ပေါ်လွင်ထင်ရှား
လာ၏။ ထို့ပြင် စစ်မှန်ပြီး ပြည့်စုံသည့် လမ်းညွှန်မှုများ၊ ကုစားနိုင်စွမ်းများဖြင့်
ပြည့်လျက်ရှိသော ကျမ်းတော်မြတ်ကုရ်အာန်၊ ယင်းအားအကြောင်းပြုလျက်
ဘုရားရှင်ထံတော်မှ အသိပညာများနှင့် နက်နဲသော ဉာဏ်စဉ်များကို ရရှိ၏။
နှလုံးသားကို လူ့သဘာဝ အားနည်းချက်များမှ စင်ကြယ်သွားစေ၏။ ထို့ပြင်
လူသားသည် ပညာမဲ့မှု၊ ပေါ့ဆမှုနှင့် သံသယများ၏ အဖုံးအကာများမှ
လွတ်မြောက်လျက် “ဟက်ကွလ်ယကီးန်”(အတွေ့အကြုံအားဖြင့် ဒိဋ္ဌအမှန်ကိုသိ
ခြင်း) အဆင့်သို့တိုင်ရောက်ရှိသွားတော့၏။ 

ထို့ပြင် ဤ“အီလ်ဟာမ်”ဗျာဒိတ်များနှင့် “ကရှ်ဖ်”ရူပါယုံမြင်ကွင်းများကို ရေးသား
ရခြင်းနှင့် ဘာသာခြားများ၏သက်သေခံမှုများကို ရေးသားရခြင်း၏ အကြောင်း
တစ်ရပ်မှာ အမြဲတမ်းအဖို့ စွမ်းအားကြီးမားသော သက်သေပြုချက်သည်
မွတ်စလင်မ်တို့ လက်ဝယ်၌ရှိနေစေရန်ဖြစ်သည်။ ထို့ပြင် မစင်ကြယ်သော၊
ဘုရားတရားကင်းမဲ့သော၊ နှလုံးသားမည်းနက်သောလူတို့သည် မွတ်စလင်မ်တို့
နှင့် မတရားသဖြင့်ယှဉ်ပြိုင်ခြင်း၊ ရင်ဘောင်တန်းခြင်းတို့ပြုသည့်အခါ ၎င်းတို့၏
မရှုမလှရှုံးနိမ့်ခဲ့မှုနှင့် အဖြေကင်းမဲ့မှုတို့သည် လူသားအားလုံးအပေါ် သက်သေ
အဖြစ် ထင်ရှားသွားစေရန်ဖြစ်သည်။ လမ်းလွဲလမ်းမှားခြင်း၊ လမ်းပျောက်ခြင်း
တို့၏ အဆိပ်သင့်နေသော လေသည် ယခုအချိန်တွင် တိုက်ခတ်လျက်ရှိပြီး
ယင်း၏ အဆိပ်သင့်မှုမှ ယနေ့ခေတ်၏ အမှန်တရားရှာဖွေသူများနှင့် နောင်
မွေးဖွားလာကြမည့်မျိုးဆက်သစ်များ လုံခြုံမှုရစေရန်ဖြစ်သည်။ အကြောင်းမူ
ဤသည့် “အီလ်ဟာမ်”ဗျာဒိတ်များ၌ နောင်ခေတ်ကာလများတွင်ထင်ရှားရန်
သတ်မှတ်ထားသော အကြောင်းရပ်များလည်း ပါရှိမည်ဖြစ်သည်။ သို့ဖြစ်ရာ
အကြင်အခါ ဤခေတ်ကာလ ကုန်လွန်သွားပြီး လောကသစ်တစ်ခုသည်
ကွယ်ဝှက်ထားသော အဖုံးအကာ နောက်မှ မျက်နှာကို ပြသလိမ့်မည်။ ထို့ပြင်
 ဤကျမ်းစာအုပ်၌ ရေးသားထားသည့် အကြောင်းအရာများ၏ မှန်ကန်မှုကို
မျက်မြင်ဒိဋ္ဌတွေ့ကြရမည်။ ထိုအခါတွင် ၎င်းတို့၏ “အီမာန်”ယုံကြည်မှုဆိုင်ရာ
ခိုင်မာထက်သန်မှုအတွက် ဤကြိုတင်ဗျာဒိတ်များသည် များစွာအကျိုးရှိစေမည်
ဖြစ်သည်။ အင်ရှာအလ္လာဟ်။”    (ဘရာဟီနေအဟ်မဒီယာ)

အထက်မှာတင်ပြခဲ့တဲ့ သခင်ကြီးရဲ့ရေးသားချက်ဟာ “ဘရာဟီနေအဟ်မဒီယာ”
ကျမ်း ပထမ(၄)တွဲထဲမှ ဖြစ်ပါတယ်။ ပြီးတော့ သခင်ကြီး တင်ပြခဲ့တဲ့
“အီလ်ဟာမ်”ဗျာဒိတ်တွေနဲ့ “ကရှ်ဖ်”ရူပါယုံမြင်ကွင်းတွေဟာ သခင်ကြီးရဲ့
ခေတ်ကာလတစ်ခုတည်းအတွက်သာ မဟုတ်ပါဘူး။ အနာဂတ်မှာ
မွေးဖွားလာကြမယ့် မျိုးဆက်သစ်တွေကလည်း ထိုကြိုတင်ဗျာဒိတ်တွေအားဖြင့်
လုံခြုံမှုရနေကြမှာဖြစ်ပါတယ်။ ဒါ့အပြင် ကြိုတင်ဗျာဒိတ်တွေထဲက များစွာသော
အကြောင်းရပ်တွေကလည်း အနာဂတ်ကာလမှာ ပြည့်စုံလာပါလိမ့်မယ်။
ဒါကြောင့် ယခုလိုကြိုတင်ဗျာဒိတ်တွေကို သခင်ကြီးတင်ပြခဲ့ရခြင်းက သခင်ကြီး
ရဲ့ သာလွန်မှုကို ပြသဖို့အတွက်မဟုတ်ဘဲ အစ္စလာမ်ရဲ့မှန်ကန်မှုကို သက်သေ
ပြဖို့၊ တမန်တော်မြတ်ကြီး(ဆွ)ရဲ့ ဂုဏ်ဒြပ်အဆင့်အတန်းကို ကမ္ဘာလောကက
သိရှိသွားစေဖို့အတွက်သာ ဖြစ်ပါတယ်။ 

ယခုလို ရည်ရွယ်ချက်ကိုနားမလည်ဘဲ သခင်ကြီးရဲ့ဗျာဒိတ်တွေဟာ အူရ်ဒူ၊
အင်္ဂလိပ်၊ အာရဗီ စသဖြင့်ရောစပ်ပြီး ကျရောက်တာပါလားလို့ ဝေဖန်စောဒက
ပြုတဲ့သူတွေအတွက်လည်း အံ့ဩမိပါတယ်။ သိထားရမှာက- အလ္လာဟ်အရှင်
မြတ်ကို ဘယ်ဘာသာစကားနဲ့ပဲ ပြောဆိုပါဆိုပြီး ကန့်သတ်လို့မရနိုင်ပါဘူး။
အရှင်မြတ်အလိုတော်ရှိသလို တစ်ချိန်တည်းမှာတင် အကြောင်းအရာ
တစ်ခုတည်းကို ဘာသာစကား ၃ မျိုး၊ ၄ မျိုးလောက်နဲ့ မိန့်ကြားတော်မူ
နိုင်ပါတယ်။ မည်သို့ဆိုစေ သခင်ကြီးထံကျရောက်ခဲ့တဲ့ ဗျာဒိတ်တော်ဟာ
ပြီးပြည့်စုံခဲ့ပြီး ဒါရဲ့ မှန်ကန်မှုအတွက် ပြင်ပပုဂ္ဂိုလ်တွေလည်း သက်သေရှိခဲ့
ပါတယ်။ ဒါ့အပြင် တမန်တော်မြတ်(ဆွ)ရဲ့ မှန်ကန်မှုဟာ သူတို့အပေါ်မှာ
ထင်ရှားခဲ့ပါတယ်။ ဝိညာဏမျက်စိရှိသူတွေအတွက်တော့ “ဘရာဟီနေ
အဟ်မဒီယာ”ကျမ်းဟာ ယနေ့လည်းပဲ သက်သေလက္ခဏာတစ်ရပ် ဖြစ်ပါတယ်။
ထိုကျမ်းထဲမှာဖော်ပြထားတဲ့ အကြောင်းအရာတွေနဲ့ နိမိတ်လက္ခဏာတွေဟာ
 အီမာန်ပိုင်းဆိုင်ရာကို တိုးတက်ခိုင်မာစေပါတယ်။ ထိုအကြောင်းအရာတွေရဲ့
မှန်ကန်မှုအတွက် အနာဂတ်မျိုးဆက်သစ်တွေ မြင်တွေ့ကြရလိမ့်မယ်ဆိုပြီး
သခင်ကြီးရဲ့ မိန့်ကြားချက်အတိုင်းပဲ ဗျာဒိတ်တွေရဲ့မှန်ကန်ပြည့်စုံမှုကို မြင်တွေ့ရ
လျက် အီမာန်ယုံကြည်မှုမှာ စွမ်းအားတွေဖြစ်လာစေပါတယ်။
မဆီဟ်မော်အူးဒ်(အ)သခင်ကြီး ရေးသားခဲ့တဲ့ “ဘရာဟီနေအဟ်မဒီယာ”ကျမ်းနဲ့
အခြားကျမ်းစာအုပ်တွေဟာ တရားလမ်းမှန်ရရှိစေတဲ့ အကြောင်းခံတွေ
ဖြစ်ပါတယ်။ သခင်ကြီး မိန့်ကြားတော်မူခဲ့သလိုပဲ ထိုကျမ်းစာအုပ်တွေရဲ့
မှန်ကန်မှုကို အနာဂတ်မျိုးဆက်သစ်တွေက မြင်ကြရပါလိမ့်မယ်။ နှလုံးသား
မျက်စိကန်းနေသူတွေကတော့ သခင်ကြီးပေးခဲ့တဲ့ အသိပညာတွေ၊ ဉာဏ်စဉ်
တွေနဲ့ နိမိတ်လက္ခဏာတွေအကြောင်းကို အနည်းငယ်မျှ သိနားလည်နိုင်မှာ
မဟုတ်ပါဘူး။ 

အလ္လာဟ်အရှင်မြတ်ထံတော်မှ အသိပေးခံရမှုဖြင့် ကြိုတင်ဗျာဒိတ်များ
ထုတ်ပြန်ခဲ့ခြင်းအကြောင်းနှင့်စပ်လျဉ်းလို့ “ကိရှ်တီနူးဟ်”ကျမ်းမှာ သခင်ကြီးက
အခုလို မိန့်ကြားတော်မူပါတယ်။
“အလ္လာဟ်အရှင်မြတ်က ကျွန်ုပ်အားအသိပေးတော်မူသည့် အကွယ်မှ
အကြောင်းကိစ္စများနှင့် အချိန်ကိုက်ပြည့်စုံခဲ့သည့် နိမိတ်လက္ခဏာများမှာ
အရေအတွက်အားဖြင့် တစ်သောင်းထက်မလျော့ချေ။ သို့သော် ယခု ပုံနှိပ်လျက်
ရှိသော “နုဇူလွလ်မဆီဟ်”ကျမ်းတွင် နမူနာသဘောဖြင့် ယင်းနိမိတ်လက္ခဏာများ
အနက်မှ အရေအတွက်(၁၅၀)ကိုသာ အထောက်အထားများ၊ မျက်မြင်
သက်သေများဖြင့် ရေးသားတင်ပြထားသည်။ ကျွန်ုပ်၏ ကြိုတင်ဗျာဒိတ်များ
အနက် မပြည့်စုံခဲ့သည့်ဗျာဒိတ်ဟူ၍မရှိ၊ သို့တည်းမဟုတ် ကြိုတင်ဗျာဒိတ်များ၏
အစိတ်အပိုင်းနှစ်ခုအနက် တစ်ခုသည်မုချပြည့်စုံခဲ့ပြီး ဖြစ်ပေသည်။ တစ်စုံ
တစ်ယောက်သည် မွှေနှောက်ရှာဖွေရင်းနှင့် သေသာသွားလိမ့်မည်။ သို့သော်
ကျွန်ုပ်၏နှုတ်မှထွက်သော ကြိုတင်ဗျာဒိတ်များအနက်မှ မပြည့်စုံဘဲ ကျန်ရစ်ခဲ့
သည်ဆိုသည့် ကြိုတင်ဗျာဒိတ်တစ်ခုတစ်လေကိုမျှ သူသည် ထောက်ပြပြောဆို
သွားနိုင်မည် မဟုတ်ချေ။ သို့သော် အကြင်သူသည် အရှက်ကင်းမဲ့စွာ၊
မသိနားမလည်ဘဲလျက် သဘောရှိသလို ပြောလိုက ပြောပါစေ။ ကျွန်ုပ်
 အတိအလင်း ပြောနိုင်၏။ ကျွန်ုပ်၏ ထောင်ပေါင်းများစွာသော ထင်ရှားသည့်
ကြိုတင်ဗျာဒိတ်များသည် အလွန်ရှင်းလင်းပြတ်သားစွာ ပြည့်စုံခဲ့ပြီးဖြစ်သည်။
ဤသည်နှင့်စပ်လျဉ်း၍ သိန်းပေါင်းများစွာသော လူသားတို့ သက်သေရှိ၏။
ဤသည်နှင့်အလားတူ ဥပမာကို ရှေးယခင်တမန်တော်များထံ၌ ရှာကြည့်ပါမူ
တမန်တော်မြတ်ကြီး(ဆွ)မှတစ်ပါး အခြားမည်သည့်တမန်တော်ထံတွင်မျှ ဤကဲ့သို့
များပြားသော နိမိတ်လက္ခဏာများကို တွေ့ရမည်မဟုတ်ချေ။ အကယ်၍
ကျွန်ုပ်အား ဆန့်ကျင်သူတို့သည် ဤနည်းလမ်းဖြင့်ဆုံးဖြတ်ကြပါမူ သူတို့၏
မျက်လုံးများပွင့်ခဲ့သည်မှာ ကြာပေပြီ။ အကယ်၍ ဤကြိုတင်ဗျာဒိတ်များနှင့်
အလားတူ ဥပမာကို ကမ္ဘာလောကမှ ယူဆောင်ပြနိုင်ပါလျှင် ကျွန်ုပ်သည်
သူတို့အား မြောက်မြားစွာသော ဆုလာဘ်များကိုပေးရန် အသင့်ရှိ၏။
ထိုသို့မဟုတ်ဘဲ အကျိုးဖျက်ဆီးမှု၊ မိုက်မဲမှုတို့ဖြင့် မည်သည့် ကြိုတင်
ဗျာဒိတ်ကဖြင့် မပြည့်စုံခဲ့ဘူးဟူသော ပြောစကားအတွက် ကျွန်ုပ်သည်
ယင်းအား ကောက်ကျစ်စဉ်းလဲမှုနှင့် အထင်အမြင်လွဲမှားမှုဟူ၍ သတ်မှတ်ရန်
မှတစ်ပါး အခြားမည်သို့ပြုရအံ့နည်း။ အကယ်၍ လူစုလူဝေး တစ်ခုခုတွင်
ထိုသည်ကို စူးစမ်းရှာဖွေမှုပြုရန်အတွက် ပြောဆိုပါမူ ယင်းတို့သည် မိမိတို့၏
ပြောစကားမှ နောက်ဆုတ်ကြရပေမည်။ သို့တည်းမဟုတ် အရှက်ကင်းမဲ့သူများ
ဟု ပြောရပေလိမ့်မည်။ ထောင်ပေါင်းများစွာသော ကြိုတင်ဗျာဒိတ်များသည်
တိတိကျကျပြည့်စုံခဲ့ခြင်း၊ ထိုမျှမက ယင်းတို့ ပြည့်စုံခဲ့ခြင်းအတွက် ထောင်ပေါင်း
များစွာသော မျက်မြင်သက်သေများရှိနေခြင်းတို့မှာ အသေးအဖွဲကိစ္စ မဟုတ်
ချေ။ တစ်နည်းအားဖြင့် ဘုန်းတော်အနန္တအရှင်ကို ပြသတော်မူလိုက်ခြင်းပင်
ဖြစ်သည်။ အသို့နည်း၊ တမန်တော်မြတ်ကြီး(ဆွ)၏ နောက်ပိုင်းခေတ်ကာလ
တစ်ခုခုတွင် ဤကဲ့သို့ ထောင်ပေါင်းများစွာသော ကြိုတင်ဗျာဒိတ်များကို
ထုတ်ပြန်ခဲ့ပြီး ယင်းတို့အားလုံးသည် နေမင်းပမာ အထင်အရှားပြည့်စုံခဲ့သည်၊
ထောင်ပေါင်းများစွာသော လူသားတို့ကလည်း ယင်းအတွက် မျက်မြင်သက်သေ
ရှိပါသည်ဟူ၍ မည်သူမဆိုကြည့်ရှုခဲ့ရဖူးပါသလော။ မုချဧကန် ကျွန်ုပ်သိပါ၏။
ဤခေတ်ကာလတွင် အလ္လာဟ်အရှင်မြတ်သည် နီးကပ်လာတော်မူလျက်
အထင်အရှားပြသနေပေ၏။ ထို့ပြင် အရှင်မြတ်သည် မိမိ၏အစေတော်အား
 မြောက်မြားစွာသော အကွယ်မှကိစ္စများကို ဖွင့်လှစ်ပြသလျက်ရှိသော ဤခေတ်
ကာလ၏ ဥပမာမျိုးကို ရှေးယခင် ခေတ်များတွင်ရှာကြည့်ပါမူ အလွန်နည်းပါး
စွာတွေ့ရှိရပေမည်။”    (ကိရှ်တီနူးဟ်၊ စာ- ၆-၇)
ယခုဆက်လက်ပြီး သခင်ကြီးမိန့်ကြားတော်မူခဲ့တဲ့ ကြိုတင်ဗျာဒိတ်တစ်ချို့ကို
“နုဇူလွလ်မဆီဟ်” ကျမ်းမှ တင်ပြပါ့မယ်။

““(ကြည့်- ဘရာဟီနေအဟ်မဒီယာ၊ စာ-၅၁၇) ဘာသာပြန်- “အို-အဟ်မဒ်၊
အသင်၏နှုတ်ခမ်းထက်တွင် ကရုဏာတော်ကိုစီးဆင်းစေတော်မူပြီ။ စာပေ
အလင်္ကာမြောက်ခြင်းနှင့် အသိပညာဉာဏ်စဉ်များကို အသင့်အားပေးသနားခြင်း
ခံရမည်။” သို့ဖြစ်ရာ ဤသည်အားဖြင့် ကျွန်ုပ်၏နှုတ်ထွက်စကားများသည်
မည်သူမျှမယှဉ်နိုင်လောက်အောင် အံ့ဖွယ်တန်ခိုးနိမိတ်ကို ပြသခဲ့၏။
ထို“အီလ်ဟာမ်”ဗျာဒိတ်ကိုရရှိပြီးနောက် ကျွန်ုပ်သည် အာရဗီဘာသာစကားဖြင့်
စာအုပ်နှင့် စာစောင်ပေါင်း ၂ဝ ကျော်ကို စာပေအလင်္ကာမြောက်စွာ ရေးသားခဲ့
ပေသည်။ သို့သော် ယင်းကို မည်သူမျှယှဉ်ပြိုင်နိုင်စွမ်းမရှိခဲ့ချေ။ အလ္လာဟ်အရှင်
မြတ်သည် ၎င်းတို့ထံမှ ပြောဆိုနိုင်စွမ်းနှင့် စိတ်ဓာတ်စွမ်းအင်တို့ကို သိမ်းယူ
တော်မူလျက် ကျွန်ုပ်အား ပေးသနားတော်မူခဲ့၏။”” (နုဇူလွလ်မဆီဟ် စာ-၅၁၀)
တစ်ဖန် သခင်ကြီးက အခြားကြိုတင်ဗျာဒိတ်တစ်ခုနှင့်စပ်လျဉ်း၍
မိန့်ကြားတော်မူသည်မှာ-

““(ကြည့်-ဘရာဟီနေအဟ်မဒီယာ၊ စာ- ၅၁၈-၅၁၉) ဘာသာပြန်- “၎င်းတို့က
ပြောကြ၏။ ဤအဆင့်ကို အသင်သည် အဘယ်မှရရှိခဲ့သနည်း၊ အသင်သည်
လှည့်ဖြားသူတစ်ဦးသာဖြစ်၏။ ကျွန်ုပ်တို့သည် ဘုရားသခင်ကို မမြင်ကြရသမျှ
 ကာလထိ အသင့်အား လက်ခံယုံကြည်ကြမည်မဟုတ်။ ယင်းတို့သည်ကား
သေခြင်းတရား၏ နိမိတ်လက္ခဏာဖြင့်မှတစ်ပါး မည်သည့်အခါမျှ လက်ခံကြမည်
မဟုတ်ချေ။ ၎င်းတို့အားပြောလော့။ သေခြင်းတရား၊ ဆိုလိုသည်မှာ
ပလိပ်ရောဂါသည် ရောက်လာချေပြီ။ သို့ဖြစ်ရာ အသင်တို့သည် ကျွန်ုပ်အား
အလျင်စလိုမပြုကြလင့်။” ဤကြိုတင်ဗျာဒိတ်သည် ပလိပ်ရောဂါနှင့်စပ်လျဉ်း၍
နှစ် ၂ဝ အလျင်ကတည်းက ပြောကြားခဲ့ခြင်းဖြစ်သည်။”” 
(နုဇူလွလ်မဆီဟ် စာ-၅၁၀)
ထိုပလိပ်ရောဂါဟာ နှစ်ရှည်လများဆိုက်ကပ်ခဲ့ပြီး သိန်းပေါင်းများစွာသော
လူတွေ သေကျေပျက်စီးခဲ့ပါတယ်။ 
တစ်ဖန် မဆီဟ်မော်အူးဒ်(အ)သခင်ကြီးက ကြိုတင်ဗျာဒိတ်တစ်ခုနဲ့စပ်လျဉ်းလို့
မိန့်ကြားတော်မူသည်မှာ- 

““(ကြည့်- ဘရာဟီနေအဟ်မဒီယာ၊ စာ-၂၄၂) ဘာသာပြန်- “အာဂန္တုများ၊
အဘယ်အရာသည် အာဂန္တုများဖြစ်သည်ကို အသင့်အား မည်သို့သိစေအံ့နည်း။
သူတို့၏ မျက်ဝန်းများမှ မျက်ရည်များ စီးတွေလျက်ရှိသည်ကို အသင် မြင်ရပေ
အံ့။ သူတို့သည် အသင့်အပေါ်“ဒရူးဒ်”(မေတ္တာ)ပို့သကြလိမ့်မည်။ အို-
ကျွန်တော်မျိုးတို့အား ဖန်ဆင်းမွေးမြူတော်မူသောအရှင်၊ မုချဧကန် ကျွန်တော်
မျိုးတို့သည် ကြွေးကြော်သူတစ်ဦး၏အသံကို ကြားကြရပါ၏။ ထိုသူက ဤသို့
ကြွေးကြော်လျက်ရှိ၏။ အသင်တို့၏ “အီမာန်”(ယုံကြည်မှု)ကို တည့်မတ်ကြကုန်။
စွမ်းအားရှိအောင်ပြုကြကုန်။ ထို့ပြင် သူသည် အရှင်မြတ်ဘက်သို့ ဖိတ်ခေါ်၏။
ထို့ပြင် အရှင်မြတ်နှင့်ယှဉ်တွဲကိုးကွယ်ခြင်းမှ ဖယ်ရှားပေး၏။ ထိုသူသည်
ကမ္ဘာမြေ၌ အလင်းရောင်ကို ဖြန့်ကျက်သည့် ဆီးမီးခွက်တစ်ခုဖြစ်၏။”

 (ရေးမှတ်ထားကြကုန်။) ဤကြိုတင်ဗျာဒိတ်ကို “ဘရာဟီနေအဟ်မဒီယာ”ကျမ်း၌
ရေးသားဖော်ပြခဲ့သည့်အချိန်က ကျွန်ုပ်ထံတွင် အာဂန္တု(ဧည့်သည်)နားနေ
ဆောင်လည်းမရှိခဲ့သလို အာဂန္တု(ဧည့်သည်)လည်းမရှိသေးချေ။ ထိုသည့်နောက်
တွင် ဖြူစင်သဒ္ဓါတရားရှိသူတို့သည် ကာဒီယာန်သို့ ရွှေ့ပြောင်းလာကြသည့်အခါ
၎င်းတို့အတွက် နားနေဆောင်များကို တည်ဆောက်ခဲ့ရ၏။ ကြည့်ကြကုန်။
ဤသည် အဘယ်မျှအံ့ချီးဖွယ်ဖြစ်သည့် ကြိုတင်ဗျာဒိတ်ဖြစ်ပါသနည်း။
အချိန်တစ်ချိန်ရောက်ရှိလာပြီး ကာဒီယာန်တွင် ဖြူစင်သဒ္ဓါတရားရှိသူများ စုရုံး
ရောက်ရှိလာသောကြောင့် ၎င်းတို့အတွက် နားနေဆောင်များ တည်ဆောက်ပေး
ရမည်ဆိုသည်ကို မည်သူကမျှ မခန့်မှန်းနိုင်သေးသော အချိန်ကတည်းက
ကြိုတင်ဗျာဒိတ် ထုတ်ပြန်ခဲ့ခြင်းဖြစ်သည်။”” (နုဇူလွလ်မဆီဟ်၊ စာ-၅၀၁-၅၀၂)
တစ်ဖန် သခင်ကြီး မိန့်ကြားတော်မူသည်မှာ-

““(ကြည့်-ဘရာဟီနေအဟ်မဒီယာ၊ စာ-၂၄၀) ဘာသာပြန်- “ဆန့်ကျင်သူများက
အလ္လာဟ်၏“နူရ်”အလင်းကို မိမိတို့၏နှုတ်ပါးစပ်ဖြင့် ငြိမ်းသတ်လိုကြ၏။
ဆိုလိုသည်မှာ- များစွာသော လှည့်ဖြားမှုများကို အသုံးချကြလိမ့်မည်။ သို့သော်
မယုံကြည်ငြင်းပယ်သူတို့ မည်မျှပင် မနှစ်မြို့စေကာမူ အရှင်မြတ်သည် မိမိ၏
“နူရ်”အလင်းကို ပြည့်ဝစုံလင်စေတော်မူမည်။” ဤကြိုတင်ဗျာဒိတ်မှာ
ဆန့်ကျင်သူတို့ထံတွင် အသင်းတော်နှင့်စပ်လျဉ်း၍ မည်သို့သော ရန်လိုဆန့်ကျင်
မှုမျှ မရှိသေးသည့် ခေတ်ကာလက ထုတ်ပြန်ခဲ့ခြင်းဖြစ်သည်။ (ဆိုလိုတာက
ဂျမာအတ်နဲ့ပတ်သက်လို့ ဆန့်ကျင်မှုအရေးလက္ခဏာမျှပင်မရှိသေးတဲ့ အချိန်က
ပင် တစ်ချိန်မှာ ဆန့်ကျင်မှုများပေါ်ပေါက်လာမှာဖြစ်ကြောင်း၊ ထိုသို့
ဆန့်ကျင်ဘက်ပြုသူအားလုံး ချုပ်ငြိမ်းသွားမှာဖြစ်ကြောင်း ကြိုတင်ဗျာဒိတ်
ပေးခဲ့ခြင်းဖြစ်ပါတယ်။) တစ်ဖန် ဤကြိုတင်ဗျာဒိတ် ထုတ်ပြန်ပြီးနောက် ၁ဝ နှစ်
အကြာတွင် ထိုသည့် ပြင်းထန်သော ဆန့်ကျင်ရန်လိုမှုကိုပြသခဲ့ပြီး ယင်းသည်
အဆုံးအစွန်သို့တိုင်ရောက်ရှိခဲ့၏။ ဆိုလိုသည်မှာ- (ကျွန်ုပ်အား) “ကာဖဲရ်”
 (သွေဖည်သူ)အဖြစ် ဓမ္မသတ်ဆုံးဖြတ်ချက်ပေးခဲ့ကြ၏။ ထို့ပြင် သေဒဏ်ပေးရန်
ပြန်တမ်းထုတ်ခဲ့၏။ ထို့ပြင် မြောက်မြားစွာသော စာအုပ်များနှင့် စာစောင်များ
ကို ရိုက်နှိပ်ဖြန့်ချိခဲ့ကြ၏။ မော်လဝီအားလုံးနီးပါး ကျွန်ုပ်အား ဆန့်ကျင်သူများ
ဖြစ်သွားခဲ့ကြ၏။ ကျွန်ုပ်ပျက်စီးသွားစေရန်အတွက် အယုတ်တကာ့
အယုတ်ညံ့ဆုံး စီမံချက်ကိုပင် မည်သူကမျှ လက်မလွှတ်ခဲ့ကြချေ။ သို့သော်
ရလဒ်က ပြောင်းပြန်ဖြစ်ခဲ့၏။ ထိုမျှမက ဤအသင်းတော်မှာ ထူးခြားဆန်းကျယ်
စွာဖြင့် အောင်မြင်တိုးတက်ခဲ့ပေသည်။””  (နုဇူလွလ်မဆီဟ်၊ စာ-၅၂၆-၅၂၇)
တစ်ဖန် သခင်ကြီး မိန့်ကြားတော်မူသည်မှာ-

““(ကြည့်- ဘရာဟီနေအဟ်မဒီယာ၊ စာ- ၅၁၀) ဘာသာပြန်- “လူတို့သည်
အသင့်အား အလွတ်မပေးပါလျှင်လည်း ဆိုလိုသည်မှာ အသင့်အား
ပျက်စီးစေရန် ကြိုးစားကြပါလျှင်လည်း အရှင်မြတ်သည် မိမိ၏အထံတော်မှ
အကြောင်းခံများကို ဖန်တီးလျက် အသင့်အား ကာကွယ်တော်မူမည်။ လူတို့
သည် အသင့်အား မကာကွယ်ပါလျှင်လည်း အရှင်မြတ်သည် အသင့်အား မုချ
ကာကွယ်တော်မူမည်။” ကြည့်ကြကုန်။ ဤသည် အဘယ်မျှ စွမ်းအားကြီးပြီး
ထင်ရှားသော ကြိုတင်ဗျာဒိတ်ဖြစ်သနည်း။ (ကျွန်ုပ်အား) ကာကွယ်မည့်
အကြောင်းကို အရှင်မြတ်က အထပ်ထပ် ကတိပေးထားတော်မူ၏။ ထို့ပြင်
ယင်းဗျာဒိတ်၌ ထင်ရှားရှင်းလင်းစွာ ကတိပြုထားသည်မှာ လူတို့သည်
အသင့်အား ပျက်စီးချုပ်ငြိမ်းသွားစေရန်အတွက် ကြိုးစားကြလိမ့်မည်။
အမျိုးမျိုးသော စီမံမှုများကို ပြုကြလိမ့်မည်။ သို့ရာတွင် အရှင်မြတ်သည်
အသင်နှင့်အတူရှိတော်မူမည်။ ထို့ပြင် အရှင်မြတ်သည် ထိုသည့် စီမံဆောင်ရွက်
မှုအားလုံးကို ချိုးဖျက်ပစ်တော်မူမည်။ အသင့်အား ကယ်တင်တော်မူမည်။ ယခု
စဉ်းစားကြည့်ကြကုန်။ ၎င်းတို့ မပြုလုပ်ခဲ့သည့် မည်သို့သောစီမံဆောင်ရွက်မှု
ကျန်ရှိပါသနည်း။ ကျွန်ုပ်အား ပျက်စီးချုပ်ငြိမ်းသွားစေရန်အတွက် အမျိုးစုံသော
ကြံစည်မှုများကို ပြုခဲ့ကြ၏။ လူသတ်မှုဖြင့်တရားစွဲခဲ့ကြ၏။ ကျွန်ုပ်အား
 မျိုးဆက်ပြတ်တောက်သွားစေရန်အတွက် အင်အားကုန်သုံး၍ ကြိုးပမ်းခဲ့ကြ၏။
အခွန်စည်းကြပ်ခြင်းခံရရန်အတွက် ကြံစည်ခဲ့ကြ၏။ “ကာဖဲရ်”ဖတ္တဝါထုတ်ပြန်
ခဲ့၏။ သေဒဏ်ပေးရန် ပြန်တမ်းထုတ်ခဲ့၏။ သို့ရာတွင် အရှင်မြတ်သည်
သူတို့အားလုံးကို ရှုံးနိမ့်စေခဲ့ပြီး သူတို့သည် မည်သည့် ကြံစည်လှည့်ဖြားမှုတွင်မျှ
အောင်မြင်မှုမရခဲ့ချေ။ ထို့ကြောင့် နောက်ပိုင်းတွင်ရင်ဆိုင်ခဲ့ရသည့် ပြင်းထန်
သော ဆန့်ကျင်မှုလှိုင်းများအကြောင်းကို အရှင်မြတ်သည် နှစ်အတန်ကြာ
အလျင်ကတည်းက သတင်းပေးထားပြီး ဖြစ်ပေသည်။ အရှင်မြတ်အား
ကြောက်ကြကုန်။ ထို့ပြင် ဟုတ်မှန်ရာကိုပြောကြကုန်။ အသို့နည်း ဤကိစ္စ၌
အကွယ်မှအရာကို အသိပေးခံရခြင်းနှင့် အရှင်မြတ်၏ ထောက်ခံအားပေးမှု
တို့သည် မရှိပေဘူးလော။ အကယ်၍ “အိဆ်မတ်”(ကာကွယ်တော်မူမည်)ဆိုသည့်
ကတိတော်၌ “လူတို့သည် မည်ကဲ့သို့သော အခက်အခဲဒုက္ခကိုမျှ သက်ရောက်စေ
နိုင်မည်မဟုတ်”ဆိုသည့်သဘောဖြစ်ပြီး ယခုမူကား ၎င်းတို့သည် လိမ်လည်အမှု
ဆွဲဆိုလျက် တရားရုံးသို့သွားရောက်ရအောင် အခက်တွေ့စေခဲ့၏။ ထို့ပြင်
များစွာဆဲရေးတိုင်းထွာမှုများ ပြုခဲ့ကြ၏။ တရားရုံး၌ရင်ဆိုင်ရာတွင် ငွေကြေး
ကုန်ကျစေလျက် ဆုံးရှုံးအောင်ပြုခဲ့ကြပေ၏ဟုဆိုပါက ယင်းအတွက်အဖြေမှာ
ဤသို့ဖြစ်၏။ “အိဆ်မတ်”(ကာကွယ်တော်မူမည်)ဆိုသည့်အဓိပ္ပာယ်မှာ ရန်သူတို့
၏ အဓိကရည်ရွယ်သော ကြီးမားသည့်ဘေးအန္တရာယ်မှ ကယ်တင်ခြင်းကို
ဆိုလို၏။ ကြည့်ကြကုန်။ တမန်တော်မြတ်ကြီး(ဆွ)အားလည်း “ကယ်တင်တော်မူ
မည်” ဆိုသည့် ကတိတော်ကိုပင် ပေးခြင်းခံခဲ့ရ၏။ ဤသို့ရှိပါသော်လည်း
“အုဟွဒ်”စစ်ပွဲ၌ တမန်တော်မြတ်ကြီး(ဆွ)သည် ပြင်းထန်စွာ ဒဏ်ရာရရှိခဲ့၏။
ဤဖြစ်ရပ်မှာ “ကယ်တင်တော်မူမည်”ဆိုသည့် ကတိတော်ထုတ်ပြန်ပြီးသည့်
နောက်တွင်မှ ပေါ်ပေါက်ခဲ့ခြင်းဖြစ်သည်။ ထိုနည်းတူစွာပင် အလ္လာဟ်အရှင်မြတ်
သည် တမန်တော် အီဆာ(အ)အား မိန့်ကြားတော်မူသည်မှာ- 
 အဓိပ္ပာယ်- သတိရလော့၊ အကြင်အခါဝယ်
အစ္စရာအီလ်မျိုးနွယ်တို့သည် အသင့်အားသတ်ဖြတ်ရန် ကြံရွယ်သည့်အခါ
ငါသည် (ယင်းတို့အား) အသင့်ထံမှ တားဆီးတော်မူခဲ့၏။ (၅း၁၁၁)
 အမှန်တကယ်၌မူ လူမျိုးစု အစဉ်အဆက် ထိန်းသိမ်းလာသော စကားများအရ
မဆီဟ်အီဆာ(အ)ကို ရဟူဒီတို့က ဖမ်းဆီးလိုက်ကြပြီး ကားစင်ပေါ်သို့
တင်ခဲ့ကြ၏။ သို့ရာတွင် နောက်ဆုံးတွင် အရှင်မြတ်သည် သူ၏အသက်ကို
ကယ်တင်တော်မူခဲ့ပေသည်။ ဤသည်သာလျှင်  (အသင်မှ တားဆီး
တော်မူမည်)ဆိုသည့်စကားလုံး၏အဓိပ္ပာယ်ဖြစ်ပြီး 
(စင်စစ် အလ္လာဟ်သည် အသင့်အား လူသားများမှ ကာကွယ်စောင့်ရှောက်
တော်မူမည်။ ၅း၆၈)၏ အဓိပ္ပာယ်မှာလည်း ထိုသည့်အတိုင်းပင် ဖြစ်ပေသည်။””
(နုဇူလွလ်မဆီဟ်၊ စာ- ၄၂၇-၄၂၈)
အထက်၌ သခင်ကြီး၏ဗျာဒိတ်တော်များအနက်မှ ၃ ခု၊ ၄ ခုမျှကို နမူနာအဖြစ်
တင်ပြခဲ့ခြင်းဖြစ်ပါတယ်။ ထိုနည်းတူ သခင်ကြီးရဲ့ကျမ်းစာအုပ်တွေကလည်း
သက်သေလက္ခဏာတစ်ခုဖြစ်ပါတယ်။ ထိုကျမ်းစာအုပ်တွေနဲ့ပတ်သက်လို့
သခင်ကြီး မိန့်ကြားတော်မူသည်မှာ-
“ကျွန်ုပ်သည် အထူးသဖြင့် အလ္လာဟ်အရှင်မြတ်၏ တန်ခိုးပြာဋိဟာပြသမှုကို
စာပေရေးသားချိန်များ၌လည်း တွေ့ရှိရပေသည်။ အကြောင်းမူ မည်သည့်အခါ
တွင်မဆို ကျွန်ုပ်သည် အာရဗီဘာသာစကားဖြင့်ဖြစ်စေ၊ အုရ်ဒူဘာသာစကား
ဖြင့်ဖြစ်စေ တစ်စုံတစ်ရာကို ရေးသားသည့်အခါ ကျွန်ုပ်၏ အတွင်းမှ တစ်ခုခုက
ကျွန်ုပ်အား အသိပေးနေသည်ဟု ခံစားမိ၏။ ထို့ပြင် အာရဗီဖြစ်စေ၊
အုရ်ဒူဖြစ်စေ၊ ဖာရစီဖြစ်စေ ကျွန်ုပ်၏ ရေးသားချက်တိုင်းတွင် အစိတ်အပိုင်း
နှစ်ခုရှိ၏။ (၁)တစ်ခုမှာ- စကားလုံးများနှင့် အစီအစဉ်တကျ သုံးနှုန်းမှုများသည်
ကျွန်ုပ်ရှေ့တွင် အလွန်လွယ်ကူစွာဖြင့်ပေါ်လွင်လာပြီး ကျွန်ုပ်သည်
ယင်းစကားလုံးများကိုရေးသား၏။ ထိုသို့ရေးသားခြင်း၌ ကျွန်ုပ်အဖို့
တစ်စုံတစ်ရာ အခက်အခဲမရှိချေ။ အမှန်တကယ်အားဖြင့်လည်း ယင်းသည်
ကျွန်ုပ်၏ ဦးနှောက်စွမ်းအင်ထက် ပိုမိုသည်တော့မဟုတ်ချေ။ ဆိုလိုသည်မှာ
စကားလုံးများနှင့် သုံးနှုန်းမှုများမှာ အကယ်၍ အလ္လာဟ်အရှင်မြတ်၏
ထူးခြားသောကူညီမှိုင်းမမှုမရှိပါလျှင်လည်း အရှင်မြတ်၏ကျေးဇူးတော်ဖြင့်
အရှင်မြတ်၏အနည်းငယ်မျှသော ထောက်ပံ့ကူညီမှုဖြစ်သည့် လူသား၌ အထူးပြု
 ထည့်သွင်းထားသော အရည်အချင်းကိုအသုံးချပြီး အတိုင်းအတာတစ်ခုထိ
လုံ့လစိုက်လျက် အချိန်အနည်းငယ်ယူလိုက်ခြင်းဖြင့် ကျွန်ုပ်ရေးသားလိုက်နိုင်
မည် ဖြစ်သည်။ 
(၂)ကျွန်ုပ်ရေးသားမှုများ၏ ဒုတိယအစိတ်အပိုင်းသည်ကား သာမန်ထက်
ထူးကဲသောဖြစ်စဉ် သီးသန့်ဖြစ်၏။ ဥပမာ- ကျွန်ုပ်သည် အာရဗီစာသားတစ်ခု
ကို ရေးသားနေပြီး ရေးသားမှု၌ အချို့သော စကားလုံးများ လိုအပ်လာခဲ့ပြီး
ယင်းတို့ကို မူလကကျွန်ုပ်မသိချေ။ ထိုသည့်အချိန်တွင် ယင်းနှင့်စပ်လျဉ်း၍
အလ္လာဟ်အရှင်မြတ်က “ဝဟီ”(ဗျာဒိတ်)ပေးလျက် လမ်းညွှန်တော်မူ၏။
ထိုစကားလုံးကို “ဝဟီမသ်လူ”ပုံစံဖြင့် “ရူဟွလ်ကူဒူးစ်”က ကျွန်ုပ်၏ နှလုံးသားတွင်
ထည့်သွင်းတော်မူပြီး နှုတ်၌ရွတ်ဆိုစေ၏။ ထိုအချိန်တွင် ကျွန်ုပ်သည် သတိမရှိ
တော့ချေ။ ဥပမာ- အာရဗီစကားလုံးများဖြင့် တည်ဆောက်ရေးသားနေချိန်
ဆိုသည့်စကားလုံးအတွက် တိကျသော အာရဗီစကားလုံးကို
လိုအပ်လာပြီး ယင်းကို ကျွန်ုပ်မသိချေ။ ရေးသားမှု အစဉ်အဆက်အရ
ထိုစကားလုံးကို မဖြစ်မနေ လိုအပ်လျက်ရှိ၏။ ထိုအခါ နှလုံးသား၌ “ဝဟီ
မသ်လူ”ပုံစံဖြင့်  ဆိုသည့် အာရဗီစကားလုံးကို ထည့်သွင်းခြင်းခံရပြီး
ယင်းမှာ  ၏ အဓိပ္ပာယ်အတိအကျပင်ဖြစ်သည်။ ထို့ပြင် ရေးသားမှု
အစီအစဉ်၌ “မခံမရပ်နိုင်ဖြစ်လျက်နှုတ်ဆိတ်သွားခြင်း”ဆိုသည့် အနက်အဓိပ္ပာယ်
အတွက် စကားလုံးလိုအပ်နေပြီး ယင်းကို ကျွန်ုပ်မသိသည့်အခါ နှလုံးသား၌
၊၊၊၊ ဆိုသည့် အာရဗီစကားလုံးကို ရုတ်ချည်းပင် “ဝဟီ”ပေးခြင်းခံရ၏။
ထိုနည်းတူစွာပင် အခြားသော အာရဗီစကားလုံးများအတွက်လည်း အသိပေး
ခြင်းခံရ၏။ အာရဗီဘာသာစကားဖြင့် ရေးသားချိန်၌ တည်ဆောက်ပြီးသား
မြောက်မြားစွာသော အာရဗီစကားစုများကို “ဝဟီမသ်လူ”ပုံစံဖြင့် နှလုံးသား၌
ထည့်သွင်းခြင်းကိုခံရ၏။ သို့တည်းမဟုတ် ကောင်းကင်တမန်တစ်ပါးပါးက
စာရွက်တစ်ခုပေါ်တွင်ရေးသားလျက် ထိုစကားစုများကို ပြသနေသကဲ့သို့ဖြစ်၏။
အချို့သော စကားစုများမှာ ကျမ်းမြတ်ကုရ်အာန်မှ အာယတ်တော်များဖြစ်၏။
သို့တည်းမဟုတ် အနည်းငယ်မျှပြင်ဆင်ထားသော ယင်းနှင့်အလားတူ
 စကားလုံးများဖြစ်၏။ ထို့ပြင် အချို့အခါများတွင် အလ္လာဟ်အရှင်မြတ်ထံတော်မှ
“ဝဟီမသ်လူ”ပုံစံဖြင့် ကျွန်ုပ်ရရှိလိုက်သော အာရဗီစာသားမှာ မည်သည့်စာအုပ်၌
ရှိနေကြောင်း အချိန်အတန်ကြာမှ သိရှိရပေသည်။ အကြောင်းမူ အရာရာတိုင်း
ကို အရှင်မြတ်သာလျှင် စိုးပိုင်တော်မူသောကြောင့် စာအုပ်တစ်ခုခုတွင်ပါရှိသော
အလွန်ကောင်းမွန်သည့် စာသား သို့တည်းမဟုတ် ကဗျာကျမ်းတစ်ခုခုတွင်
ပါရှိသော အလင်္ကာမြောက်သည့် ကဗျာပိုဒ်တစ်ခုခုကို ကျွန်ုပ်၏ နှလုံးသား၌
အရှင်မြတ်သည် “ဝဟီ”သဘောဖြင့် ပို့ချပေးနိုင်၏။ ဤသည် အာရဗီစာပေနှင့်
စပ်လျဉ်း၍ တင်ပြချက်သာဖြစ်၏။ သို့ရာတွင် ယင်းထက်ပိုမို၍ အံ့ဩဖွယ်
ကောင်းသည်ကား အချို့သော “အီလ်ဟာမ်”ဗျာဒိတ်များသည် ကျွန်ုပ်
လုံးဝတတ်ကျွမ်းခြင်းမရှိသော ဘာသာစကားများဖြင့်လည်း ကျရောက်၏။
ပမာအားဖြင့် အင်္ဂလိပ်၊ သင်္သကရိုက်နှင့် ဟီဘရူး စသည့် ဘာသာစကားများဖြင့်
ဖြစ်သည်။ ယင်းတို့နှင့်စပ်လျဉ်း၍ “ဘရာဟီနေအဟ်မဒီယာ”ကျမ်းတွင်
နမူနာအဖြစ် အနည်းငယ် တင်ပြထားပေသည်။ ကျွန်ုပ်၏ အသက်ကို
စိုးပိုင်တော်မူသော အရှင်မြတ်ကို သက်သေထားကျိန်ဆိုပါ၏။ အရှင်မြတ်သည်
ကျွန်ုပ်နှင့် ဤသို့ဆက်ဆံတော်မူ၏။ ဤသည် ကျွန်ုပ်အား ပေးသနားခြင်း
ခံရသော သက်သေလက္ခဏာများအနက်မှ တစ်ခုဖြစ်၏။ အကွယ်မှအကြောင်း
ကိစ္စများသည် အသွင်သဏ္ဌာန်အမျိုးမျိုးဖြင့် ကျွန်ုပ်အား ဖွင့်လှစ်ပြသခြင်း
ခံရ၏။ ကျွန်ုပ်အပေါ်သို့ “ဝဟီ”အဖြစ်ပို့ချခြင်းခံရသော စကားရပ်တစ်ခုခုသည်
အာရဗီ၊ အင်္ဂလိပ် သို့မဟုတ် သင်္သကရိုက်တို့ဖြင့် ရေးသားထားသော
စာအုပ်တစ်ခုခု၌ ရေးထားပြီးဖြစ်သည်ကို ကျွန်ုပ်၏အရှင်မြတ်သည် အနည်းငယ်
မျှ အရေးစိုက်တော်မမူချေ။ အကြောင်းမူ ယင်းတို့သည် ကျွန်ုပ်အတွက်
“အကွယ်”အဖြစ် ရှိနေသောကြောင့်ဖြစ်သည်။ ပမာအားဖြင့် အလ္လာဟ်အရှင်
မြတ်သည် ကျမ်းတော်မြတ်ကုရ်အာန်တွင် “တောင်ရတ်”ကျမ်းမှ မြောက်မြားစွာ
သော ဖြစ်ရပ်များကို မိန့်ကြားတော်မူလျက် ယင်းတို့အား အကွယ်မှအသိပညာ
များအဖြစ် သတ်မှတ်တော်မူခဲ့သည့်အလားဖြစ်၏။ ယင်းသည် ရဟူဒီတို့အတွက်
အကွယ်မှဖြစ်ရပ်များမဟုတ်သော်လည်း တမန်တော်မြတ်ကြီး(ဆွ)အတွက်မူ
အကွယ်မှအသိပညာများ ဖြစ်ပေသည်။ ထို့ကြောင့် ဤသည့် လျှို့ဝှက်ချက်
 အားဖြင့်သာလျှင် ကျွန်ုပ်သည် ကမ္ဘာလောကတစ်ခုလုံးကို အာရဗီဘာသာ
စကားဖြင့် စာပေအလင်္ကာမြောက်စွာ ယှဉ်ပြိုင်ရေးသားရန် ဖိတ်ခေါ်ခဲ့ခြင်း
ဖြစ်၏။ ထိုသို့မဟုတ်ပါက လူသား၌ မည်သို့သော အဆင့်ရှိ၍ သူသည်
ဂုဏ်ယူဝင့်ကြွားလျက် မာန်မာနဖြင့် ကမ္ဘာလောကတစ်ခုလုံးကို မိမိနှင့်ယှဉ်ပြိုင်
ရန် ဖိတ်ခေါ်ရပါမည်နည်း။””   (နုဇူလွလ်မဆီဟ်၊ စာ- ၄၃၄-၄၃၆)
ယခု အဲဒါရဲ့ လက်တွေ့သက်သေအဖြစ် သခင်ကြီးရဲ့ အာရဗီကျမ်းစာအုပ်တွေ
ဟာ အာရဗ်တိုင်းသားတွေအပေါ် များစွာသက်ရောက်မှုရှိခဲ့ကြောင်းကို
အဖြစ်အပျက်အချို့ဖြင့် တင်ပြပါ့မယ်။
ပါလက်စတိုင်းအမျိုးသမီးတစ်ဦးက ပြောပြပါတယ်။ “ကျွန်မ အခိုင်အမာ
ယုံကြည်နေခဲ့တာက- တမန်တော်အီဆာ(အ) မိုးကောင်းကင်မှာ အသက်ထင်ရှား
ရှိနေတယ်၊ နောက်ဆုံးခေတ်ကာလမှာ မိုးကောင်းကင်မှ ဆင်းသက်လာမယ်၊
မွတ်စလင်မ်“အွမ္မတ်”ကို အခြားလူမျိုးစုများရဲ့ကျေးကျွန်ဘဝမှ ဓားလက်နက်
အင်အားသုံးလျက် လွတ်မြောက်စေမှာဖြစ်တယ်။ ဒါတင်မက ဓားလက်နက်ဖြင့်
သာ လူတို့ကို အစ္စလာမ်အတွင်းသို့ အတင်းဝင်ရောက်စေလိမ့်မယ်။ ဒီလိုကြောင့်
ကျွန်မဟာ ထိုနေ့ရက်တွေကို အလွန် ပြင်းပြစွာဖြင့် စောင့်မျှော်နေခဲ့ပါတယ်။
နောက်ပိုင်းမှာ ကျွန်မဟာ ကျွန်မရဲ့မတ်တော်သူအားဖြင့် အဟ်မဒီယာ
ဂျမာအတ်နဲ့ သိကျွမ်းခဲ့ရပါတယ်။ သူဟာ ကျွန်မနဲ့ များသောအားဖြင့်
ဂျမာအတ်အကြောင်းကို ပြောလေ့ရှိရုံမျှမက ဟာဇရတ် မဆီဟ်မော်အူးဒ်(အ)ရဲ့
အာရဗီကျမ်းစာအုပ်တွေကို ပေးဖတ်ပါတယ်။ ထိုစာအုပ်တွေမှာ ကျွန်မဟာ
အနှိုင်းမဲ့ပြီး တန်ဖိုးမဖြတ်နိုင်တဲ့ ပုလဲရတနာတွေကို ရရှိခဲ့ပါတယ်။ ဒီလို
အသိဉာဏ်စဉ်မျိုးကို ကျွန်မတစ်သက်မှာ ဘယ်တုန်းကမှ မဖတ်ရှုခဲ့ရဖူးပါဘူး။
စာပေအလင်္ကာမြောက်ပြီး အံ့ဖွယ်ရာများဖြင့်ပြည့်လျက်ရှိတဲ့ အာရဗီစာသား
တွေမှာ အသိပညာနှင့် ဉာဏ်စဉ်တို့ရဲ့ စိန်ပွင့်တွေနဲ့ စီခြယ်ထားတာဟာ
ကျွန်မအတွက် လုံးဝအသစ်အဆန်းသာ ဖြစ်ပါတယ်။ ယခုလို အဖိုးထိုက်တန်တဲ့
စာအုပ်များကို ဖတ်ရှုရင်းကပဲ ဖတ်ရှုသူအဖို့ အလ္လာဟ်အရှင်မြတ်နှင့်
ဆက်နွယ်ပေါင်းစည်းမှုတစ်ခု ဖြစ်သွားစေပါတယ်။ ဒီလိုနဲ့ လုံးဝ စိတ်ကျေနပ်မှု
ရရှိသွားတဲ့အခါ ကျွန်မ ဘိုင်အတ် သစ္စာခံယူခဲ့ပါတယ်။”
 တစ်ဖန် အလ်ဂျီရီးယားမှ အဂျားဇ်ဆာဟိဘ်က ရေးသားပါတယ်။
“ပယ်ဖျက်လိုက်ပြီဖြစ်သော အစ္စလာမ့်သွန်သင်ချက်များနှင့် ကျမ်းမြတ်ကုရ်အာန်
အား လွဲမှားစွာဖွင့်ဆိုမှုများကြောင့် ကျွန်တော် လုံးဝစိတ်ပျက်နေခဲ့ပါတယ်။
“အိုလမာ”တွေရဲ့ ရှင်းလင်းချက်တွေကို နားထောင်ရင်းက ဒါဟာ ဘုရားသခင်ရဲ့
မုက္ခပါဌ်တော်မှ ဟုတ်ပါရဲ့လားလို့ တွေးခဲ့မိပါတယ်။ နောက်ဆုံး ဂျော်ဒန်မှ
အဟ်မဒီမိတ်ဆွေတစ်ဦးကြောင့် အဟ်မဒီယတ်နှင့် အသင်းတော်ကို
တည်ထောင်သူ သခင်ကြီးရဲ့ ရေးသားချက်များကို ဖတ်ရှုခဲ့ရပါတယ်။ ဟာဇရတ်
မဆီဟ်မော်အူးဒ်(အ)ရဲ့ “တဖ်စီးရ်”ရှင်းလင်းဖွင့်ဆိုချက်ကို မဖတ်ခင်မှာ “နဖိလ်”
နမာဇ်ဝတ်ပြုလျက် “အလ္လာဟ်အရှင်မြတ်သည် ကျွန်တော်မျိုးအား လမ်းမှန်
ဘက်သို့ညွှန်ပြပါရန်” ဒိုအာဆုတောင်းခဲ့ပါတယ်။ အဲဒီနောက် စာအုပ်ကို
ဖတ်ရှုသွားသည်နှင့်အမျှ နှလုံးသားကလည်း ဖွင့်လှစ်ပေးခြင်းခံရပါတယ်။
ဒါ့အပြင် စာသားတွေရဲ့ စွမ်းအားက နှလုံးသားကို လှုပ်ခါသွားစေပါတယ်။
ထို့နောက် ဒါဟာ သာမန် လူသားတစ်ဦးရဲ့ ရေးသားချက်တွေ မဟုတ်ဘူး၊
ဒါဟာ အရှင်မြတ်ထံတော်မှ “ဝဟီ”ဗျာဒိတ်ပို့ချမှုဖြစ်တယ်ဆိုတာ လုံးဝယုံကြည်
သွားခဲ့ပါတယ်။”
အဘူဒါဘီမှ ဖရာဇ်ဆာဟိဘ်က ရေးသားပါတယ်။ “ဟာဇရတ် မဆီဟ်
မော်အူးဒ်(အ) သခင်ကြီး၏ ရေးသားချက်ကျမ်းများကိုလေ့လာခြင်းအားဖြင့်၊
တစ်ဖန် အမ်တီအေရုပ်သံလိုင်းမှ “အလ်ဟီဝါရွလ်မုဘာရှရ်” အစီအစဉ်ကို
မပြတ်တမ်းကြည့်ရှုမှုများကြောင့် ကျွန်တော်ဟာ အဟ်မဒီယာဂျမာအတ်ရဲ့
အယူအဆတွေကို သိရှိခဲ့ရပါတယ်။ အစပိုင်းမှာတော့ မသိမိုက်မဲမှု၊
ယခင်အဆက်ဆက်က လက်ခံလာခဲ့တဲ့ အယူအဆတွေကြောင့် ငြင်းပယ်ခဲ့ပါ
တယ်။ ဒါပေမဲ့ ကျမ်းမြတ်ကုရ်အာန်မှ အာယတ်တွေနဲ့ ဟဒီးစ်တွေ၊
အလ္လာဟ်အရှင်မြတ် ပြဋ္ဌာန်းထားတဲ့ နိယာမအစဉ်အလာတွေကို သေသေချာချာ
လေ့လာလိုက်တဲ့အခါ ကျွန်တော့်ရဲ့ စိတ်ဟာ ကျေနပ်ပျော်ရွှင်စပြုလာပါတယ်။
ယခု ကျွန်တော့်ရှေ့မှာ လမ်းနှစ်လမ်း ရှိနေပါပြီ။ တစ်ခုက ကျွန်တော်ဟာ
တမန်တော်အီဆာ(အ) ကောင်းကင်မှ ဆင်းသက်လာတာကိုပဲ စဉ်ဆက်မပြတ်
စောင့်ရမယ်၊ ဒါတင်မက ဒီမတိုင်ခင်မှာ အလ္လာဟ်အရှင်မြတ်အတွက်သာ
 အထူးကန့်သတ်ထားတဲ့ သေသူကိုရှင်စေခြင်းအစရှိတဲ့ ဂုဏ်ပုဒ်တွေနဲ့
ရည်ညွှန်းခြင်းခံရတဲ့ “ဒဂျာလ်”ပေါ်ထွန်းတာကိုလည်း စောင့်ရဦးမယ်၊ “ဂျင်န်”တို့
မကောင်းဆိုးဝါးတို့နဲ့ပတ်သက်တဲ့ ပုံပြင်တွေ၊ ဒါတင်မက ကျမ်းမြတ်ကုရ်အာန်မှ
အာယတ်တွေ ပယ်ဖျက်ခြင်းခံရတယ်ဆိုတဲ့ “နာဆိခ်-မန်ဆူးခ်”အယူအဆနဲ့ပဲ
လုံးထွေးနေရမှာ ဖြစ်ပါတယ်။ ဒါမှမဟုတ်ရင် ဒုတိယလမ်းက ဟာဇရတ်
အဟ်မဒ်(အ)ကို မဆီဟ်မော်အူးဒ်နှင့် အေမာမ်မဟ်ဒီအဖြစ် လက်ခံလိုက်ရမယ်။
သခင်ဟာ အစ္စလာမ်သာသနာကို အစွန်းအထင်းများမှ သန့်ရှင်းစင်ကြယ်
စေခဲ့တယ်။ အစ္စလာမ်ရဲ့ လှပတဲ့မျက်နှာတော်ကို ထုတ်ဖော်ပြသခဲ့သူဖြစ်တယ်။
ဒါ့အပြင် တမန်တော်မြတ်ကြီး(ဆွ)ဘက်မှ ခုခံကာကွယ်ခဲ့သူဖြစ်တယ်။ ဒီလိုနဲ့
ကျွန်တော်ဟာ အလ္လာဟ်အရှင်မြတ်ထံတော်မှ ကူညီဆောင်မမှုကိုတောင်းခံ
လျက် အရှင်မြတ်သည်ကျွန်တော့်အားလမ်းညွှန်ရန်၊ အမှန်တရားနှင့် အရှင်မြတ်
နှစ်သက်သောလမ်းပေါ်၌ လျှောက်လှမ်းစေတော်မူရန် များစွာ ဒိုအာဆုတောင်း
ခဲ့ပါတယ်။ ဒီလိုနဲ့ ကျွန်တော်ဟာ အဟ်မဒီယာဂျမာအတ်နဲ့ ဟာဇရတ်
အဟ်မဒ်(အ)ဘက်သို့ စိတ်နှလုံးအတွင်းမှ နှစ်နှစ်ကာကာ မြတ်နိုးတွယ်တာမှု
တစ်ခုဖြစ်လာခဲ့ပါတယ်။ တမန်တော်မြတ်ကြီး(ဆွ)အား ချီးမွမ်းထောမနာခြင်း
ပြုလျက် မဆီဟ်မော်အူးဒ်(အ)သခင်ကြီး ရေးစပ်ထားတဲ့ အာရဗီကဆီဒါကို
ကျွန်တော်ဖတ်ရှုတဲ့အခါ ကျွန်တော့်ရဲ့ခန္ဓာကိုယ်ဟာ တုန်ခါလျက်ရှိပြီး
မျက်ဝန်းမှ မျက်ရည်များ စီးကျလျက်ရှိပါတယ်။ ဒီအချိန်မှာပဲ ကျွန်တော့်နှုတ်မှ
ပြင်းထန်တဲ့အင်အားတစ်ရပ်နဲ့ “ဒီလို ကဗျာမျိုးကို လိမ်ညာသူတစ်ယောက်ဟာ
ဘယ်နည်းနဲ့မှ ရေးနိုင်မှာမဟုတ်ဘူး။ လိမ်ညာသူတစ်ယောက်ရဲ့ ရင်ထဲမှာ
တမန်တော်မြတ်ကြီး(ဆွ)အပေါ် ဒီလောက်ချစ်မြတ်နိုးမှု ဘယ်လိုလုပ်ရှိနိုင်ပါ့မလဲ၊
ပြီးတော့ အာရဗ်မဟုတ်သူ တစ်ယောက်က ယခုလို စာပေအလင်္ကာမြောက်ပြီး
အင်အားကြီးမားတဲ့ အာရဗီစာသားတွေကို ရေးသားခြင်းဟာ အလ္လာဟ်
အရှင်မြတ်ရဲ့ ထောက်ပံ့ကူညီမှုမရှိဘဲ လုံးဝမဖြစ်နိုင်ဘူးလို့ ပြောဆိုခဲ့ပါတယ်။”
တစ်ဖန် အီတလီနိုင်ငံမှ အာရဗ်တစ်ဦးဖြစ်သူ အဘားစ်ဆာဟိဘ်က
ရေးသားပါတယ်။ “မော်လဝီတွေက မလိုလားပေမဲ့ ကျွန်တော်ဟာ “အမ်တီအေ-
အလ်အရ်ဗီယာ”ရုပ်သံလိုင်းကို ဖမ်းယူကြည့်ရှုခဲ့ပါတယ်။ တစ်ရက်မှာ ကျွန်တော်
 ဟာ “အလ်ဟီဝါရွလ်မုဘာရှရ်”အစီအစဉ်ကြည့်ရှုနေစဉ် ခေတ္တရပ်နားချိန်မှာ
ပြသသွားတဲ့ မဆီဟ်မော်အူးဒ်(အ)သခင်ကြီးရဲ့ “အာရဗီကဆီဒါ” တစ်ပုဒ်ကို
နားဆင်လိုက်ရပါတယ်။

“ကျွန်ုပ်၏ အသိပညာသည် ကောင်းခြင်းအဖြာဖြာနှင့် ပြည့်ဖြိုးတော်မူသော
မဟာကရုဏာတော်အရှင်ထံတော်မှဖြစ်၏။ 
ကျွန်ုပ်သည် အသိဉာဏ်ကြောင့်မဟုတ်ဘဲ အရှင်မြတ်အားဖြင့်သာ အရှင်မြတ်၏
ကျေးဇူးတော်များကို ရရှိခဲ့ခြင်းဖြစ်သည်။” (အန်ဂျာမေအာထမ်)
ကျွန်တော်ဟာ ဒီကဆီဒါကို နားထောင်ရင်းက မဆီဟ်မော်အူးဒ်(အ)သခင်ကြီးရဲ့
ဓာတ်ပုံကိုလည်း ကြည့်ရှုနေခဲ့ပါတယ်။ ဘယ်လောက်ထိအောင်လဲဆိုရင်
ကျွန်တော်ရဲ့နှုတ်မှ တားဆီးထိန်းချုပ်မရတော့ဘဲ- “အလ္လာဟ့်ကိုကျိန်ဆိုပြီးပြော
မယ်၊ ဒီစာသားမျိုးကို ဘယ်လိုလိမ်ညာသူတစ်ယောက်ကမှ ပြောဆိုနိုင်မှာ
မဟုတ်ဘူး၊ ဒီပုဂ္ဂိုလ်ဟာ အလ္လာဟ်အရှင်မြတ်ထံမှ စေလွှတ်ခြင်းခံရသူ မုချ
ဖြစ်တယ်၊ ဒီလိုစာသားမျိုးကိုရေးသားသူဟာ အလ္လာဟ်အရှင်မြတ်နဲ့ အရှင့်
တမန်တော်ကို ထိပါးစော်ကားသူဆိုတာ ဘယ်နည်းနဲ့မှမဖြစ်နိုင်ဘူး”ဆိုပြီး
ပြောဆိုခဲ့ပါတယ်။”
တစ်ဖန် မော်ရိုကိုမှ ခါလစ်ဒ်ဆာဟိဘ်က ရေးသားပါတယ်။ “အဟ်မဒီယတ်ကို
လေ့လာတဲ့အခါ ကျွန်တော့်အတွက် အံ့ဩစရာကိစ္စတစ်ခု ဖြစ်ခဲ့ပါတယ်။
အေမာမ်မဟ်ဒီကဖြင့် ပွင့်ပေါ်ပြီးလို့ ပြန်သွားခဲ့ပြီ၊ ကျွန်တော်တို့က အခုမှ
နားစွင့်နေတုန်းရှိသေးပါလား။ ကျွန်တော်ဟာ အလွန်အတွေးနက်လျက်
အလ္လာဟ်အရှင်မြတ်ထံတော်မှ လမ်းညွှန်ပြသဖို့ ဆုတောင်းခဲ့ပါတယ်။ အဟ်မဒီ
ယာဂျမာအတ်ရဲ့ အာရဗီ တနဘျငအန မှ အာရဗီစာပေများကို လေ့လာဖတ်ရှုခဲ့
ပါတယ်။ ကျွန်တော် ပထမဆုံး ဖတ်ရှုခဲ့တဲ့စာအုပ်က “အစ္စလာမီ အူဆူလ်ကီ
ဖီလိုဆိုဖီ”(အစ္စလာမ့်ဒဿနကျမ်း) အာရဗီဘာသာပြန် ဖြစ်ပါတယ်။ ဒီစာအုပ်ကို
ကျွန်တော်အကြိမ်ကြိမ် ဖတ်ရှုခဲ့ပါတယ်။ ထိုစာအုပ်ထဲက “အဒလ်၊ အဲဟ်ဆာန်၊
 အီသာအိဇိလ်ကုရ်ဘာ” (တရားမျှတမှု၊ စေတနာ၊ ကရုဏာ)အခန်းကိုဖတ်ရှုပြီး
နောက် ထိုအကြောင်းအရာတွေဟာ ကျွန်တော့်ဝိညာဉ်သို့တိုင် သက်ရောက်ခဲ့ပါ
တယ်။ အဲဒီနောက် ကျွန်တော်ဟာ “အလ်-တဗ်လီဂ်”စာအုပ်ကို ဖတ်ခဲ့ပါတယ်။
ပြီးနောက် အခြားစာအုပ်တွေကို လည်း လေ့လာခဲ့ပါတယ်။ ထိုစာအုပ်တွေထဲမှာ
ဝိညာဉ်ရေးဆိုင်ရာ အတိမ်အနက်များနှင့် သာသနာရေးဆိုင်ရာ အသိဉာဏ်စဉ်
များကို မြစ်ရေအလား စီးစေခဲ့တာကြောင့် ကျွန်တော့်နှုတ်မှ များသောအားဖြင့်
“ငါဟာ ရတနာသိုက်ကြီးကိုတွေ့သွားခဲ့ပြီ”ဆိုတဲ့စကားကို ပြောနေလေ့ရှိပါတယ်။ 
တစ်ဖန် မဒါဟ်ဆာဟိဘ်နဲ့ပတ်သက်ပြီး ဟာနီဆာဟိဘ်က အခုလို
ရေးသားပါတယ်။ “သူဟာ မဆီဟ်မော်အူးဒ်(အ)သခင်ကြီးရဲ့ မရ်ယမ်ဖြစ်ခြင်းနှင့်
မရ်ယမ်ထံ၌ “ရူဟ်”(ဝိညာဉ်)ကို မှုတ်သွင်းခြင်းအကြောင်းကို ကျွန်တော်တို့ရဲ့
အာရဗီ တနဘျငအန မှတစ်ဆင့် မေးမြန်းခဲ့ပါတယ်။ ဒီလိုကြောင့် သူနှင့်
ဆက်သွယ်ခဲ့ပြီး အချို့သောဆောင်းပါးများနှင့် မဆီဟ်မော်အူးဒ်(အ) သခင်ကြီးရဲ့
ရေးသားချက်များကို ပို့ပေးခဲ့ပါတယ်။ သူဟာ အလွန်နှစ်သက်သွားခဲ့ပြီး
အဖြစ်မှန်ကို သိရှိသွားခဲ့ပါတယ်။ ဒီလိုနဲ့ သူက အခုလို ရေးသားခဲ့ပါတယ်။
“မဆီဟ်မော်အူးဒ်(အ)သခင်ကြီးရေးသားတဲ့ “အလ်-တဗ်လီဂ်”ကျမ်းက ကျွန်တော့်
ရင်ကို ဖွင့်ပေးခဲ့ပါတယ်။ အလွန်အံ့ဩဖွယ်ကောင်းလောက်အောင် ကျွန်တော်
ပျော်ရွှင်ဝမ်းမြောက်မှုဖြစ်ခဲ့ပါတယ်။ ဒီခေတ်ကာလမှာပင်လျှင် တမန်တော်
တစ်ပါးရဲ့ အလင်းရောင်များဖြင့် ပြည့်ဖြိုးလျက်ရှိတဲ့ ရေးသားချက်တွေကို
ကျွန်တော်ဖတ်ရှုခွင့်ရတာကြောင့်ပါပဲ။ ပြီးတော့ ယခင်က သံသယတွေရှိခဲ့တဲ့
အတွက်လည်း ဝမ်းနည်းခဲ့ရပါတယ်။”
တစ်ဖန် ယီမန်နိုင်ငံမှ အတာမီဆာဟိဘ်က ရေးသားပါတယ်။ “ကျွန်တော်ဟာ
ဂျာနယ်လစ်တစ်ယောက်၊ သုတေသီတစ်ယောက်ဖြစ်တာကြောင့် အဖြစ်မှန်ကို
သိလိုတဲ့ဆန္ဒက ပြင်းပြစွာရှိပါတယ်။ ဒီလိုကြောင့် အဟ်မဒီယတ်ကို ဆန့်ကျင်သူ
တွေရဲ့ ရေးသားချက်တွေကိုလည်း ဖတ်ရှုခဲ့ပါတယ်။ အဲဒီမှာ ပုတ်ခတ်စွပ်စွဲမှု
တွေနဲ့ နောက်ဆုံး “ကာဖဲရ်”(သွေဖည်သူ)ဆိုပြီး ဖတ္တဝါပေးတဲ့အထိပါပဲ။ ထပ်တိုး
လေ့လာမှုပြုပြီးနောက် သူတို့ထံမှာ အိုဟောင်းနေတဲ့ ပုတ်ခတ်စွပ်စွဲမှုတွေက
လွဲလို့ တစ်ခြားဘာမှမရှိဘူးဆိုတာ သိခဲ့ရပါတယ်။ အခြားတစ်ဖက်မှာ ဟာဇရတ်
 မဆီဟ်မော်အူးဒ်(အ)သခင်ကြီးရဲ့ စာပေအလင်္ကာမြောက်တဲ့ အာရဗီတတ်ကျွမ်း
မှုနှင့် အခြားသော တန်ခိုးနိမိတ်တွေက ရှိနေပါတယ်။ တစ်ဖန် အေမာမ်မဟ်ဒီ
ကို ဖာရစီမျိုးနွယ်ထဲမှ မွေးဖွားစေခဲ့တာဟာလည်း အလ္လာဟ်အရှင်မြတ်
ထံတော်မှ တန်ခိုးနိမိတ်တစ်ခုဖြစ်ပါတယ်။ အာရဗ်တွေထဲကပဲ မဟ်ဒီလာရမယ်
ဆိုတာမျိုး မဟုတ်ပါဘူး။ ဘာကြောင့်လဲဆိုရင် လမ်းညွှန်မှုနဲ့ တမန်တော်စနစ်
ဟာ အာရဗ်တွေအတွက်ပဲ ကန့်သတ်ထားတာ မဟုတ်လို့ပါပဲ။ အခြား
ကမ္ဘာ့လူသားတွေထံမှာ ဘာများချို့တဲ့ချက်ရှိလို့ပါလဲ။ နောက်ဆုံးခေတ်ကာလမှာ
အစ္စလာမ်သာသနာဟာ “ဃရီးဘ်”ဖြစ်သွားမယ်ဆိုတာရဲ့ အဓိပ္ပာယ်က အစ္စလာမ်
သာသနာတော် ဒုတိယမ္ပိဖြန့်ချိရေးဟာ အာရဗ်မဟုတ်သူတို့အားဖြင့်
ဖြစ်ပေါ်လာမယ်ဆိုခြင်းသာဖြစ်ကြောင်း ကျွန်တော်သဘောပေါက်မိပါတယ်။
မဆီဟ်မော်အူးဒ်(အ)သခင်ကြီးရဲ့ ကျမ်းစာအုပ်များကို ဖတ်ရှုခြင်းအားဖြင့် လူတွေ
မေ့ပျောက်လိုက်ပြီဖြစ်တဲ့၊ ပြောင်းလဲပြင်ဆင်လိုက်ပြီဖြစ်တဲ့ အစ္စလာမ်သာသနာ
တော်ရဲ့ မှန်ကန်တဲ့ပုံရိပ်ကို သခင်ကြီးဟာ ပြန်လည် ဖော်ကျူးတင်ပြခဲ့သူ
ဖြစ်ကြောင်း သိရှိခဲ့ရပါတယ်။ တကယ်တော့ အစ္စလာမ်ဟာ “ငြိမ်းချမ်းခြင်း”ရဲ့
အမည်သာဖြစ်ပါတယ်။ ဒါပေမဲ့ မွတ်စလင်မ်တွေကတော့ အချင်းချင်း
သတ်ဖြတ်နေကြပါတယ်။ အချို့က “သွေးထွက်သံယိုပြုမည့်မဟ်ဒီ”ကို စောင့်မျှော်
လျက်ရှိပြီး အချို့ကလည်း လှိုဏ်ဂူထဲမှ မဟ်ဒီထွက်ပေါ်လာမယ့်အချိန်ကို
စောင့်စားလျက်ရှိပါတယ်။ ဒါပေမဲ့ အဟ်မဒီယာဂျမာအတ်တစ်ခုတည်းသာလျှင်
စစ်မှန်တဲ့မဟ်ဒီကို လက်ခံယုံကြည်ကြလျက် သူ့အား နောက်လိုက်နာခံလျက်
ရှိကြပါတယ်။”
တစ်ဖန် အီရန်မှ ဟယားတ်ဆာဟိဘ်က ရေးသားလိုက်ပါတယ်။ “ကျွန်တော်ဟာ
ရှီအာမိသားစုထဲမှာ မွေးဖွားကြီးပြင်းလာတာဖြစ်ပါတယ်။ ဒီမိသားစုက မူလ
ကတည်းက ဘာသာရေးစိတ်ထက်သန်သူတွေ ဖြစ်ပါတယ်။ ရုပ်သံလိုင်းအစုံနဲ့
စာအုပ်အမျိုးမျိုးကို ကျွန်တော်လေ့လာခဲ့ပါတယ်။ ဒါပေမဲ့ အစ္စလာမ်နဲ့
ပတ်သက်လို့ သူတို့ရဲ့ တင်ပြချက်တွေကြောင့် ကျွန်တော်စိတ်ကျေနပ်မှု
မရခဲ့ပါဘူး။ အစ္စလာမ်နဲ့ပတ်သက်လို့ သူတို့ရဲ့တင်ပြချက်တွေမှာ အားနည်းချက်
တွေတော့ မုချရှိနေရမယ်လို့ တွေးခဲ့မိပါတယ်။ မြောက်မြားစွာသော လူသားတွေ
 ဟာ ဒီသာသနာအတွင်းသို့ ဝင်ရောက်ကြမယ်လို့ ကျမ်းမြတ်ကုရ်အာန်က
ဆိုနေပေမဲ့ ယနေ့မွတ်စလင်မ်ထဲက အများစုမှာတော့ အစ္စလာမ်ရဲ့အနှစ်သာရ
မရှိဘဲဖြစ်နေပါတယ်။ ဒါကြောင့် ယနေ့ခေတ်မှာ စွဲထင်နေတဲ့အယူအဆတွေကို
ပြုပြင်ဖို့လိုအပ်နေပြီလို့ ကျွန်တော်တွေးခဲ့မိပါတယ်။ ဒီလိုနဲ့ တစ်ရက်မှာ
ကျွန်တော့်မိတ်ဆွေတစ်ဦးက ကျွန်တော့်ကို သူ့အိမ်သို့ ဖိတ်ကြားလိုက်ပါတယ်။
ပြီးတော့ အမ်တီအေရုပ်သံအစီအစဉ်ကို ဖွင့်ပြပါတယ်။ အဲဒီနောက်
“အလ်ဟီဝါရွလ်မုဘာရှရ်”အစီအစဉ်နဲ့ အခြားအစီအစဉ်တွေကိုပါ ကြည့်ရှုခဲ့ရပါ
တယ်။ အဲဒီမှာ မဆီဟ်မော်အူးဒ်(အ) သခင်ကြီးရဲ့ ကုရ်အာန်ဖွင့်ဆိုချက်တွေနဲ့
အခြားသော အကြောင်းရပ်များနဲ့ စပ်လျဉ်းလို့ ပညာပိုင်းဆိုင်ရာ နက်နက်နဲနဲ
ဆွေးနွေးတင်ပြချက်တွေကို များစွာနှစ်သက်ခဲ့ပါတယ်။ Tဠ ဃ့ညေညနူ တစ်ခုမှာ
အစ္စလာမ်နဲ့ ပတ်သက်လို့ ပညာပိုင်းအရ နက်နဲစွာ ဆွေးနွေးတင်ပြမှု၊
ဆက်သွယ်မေးမြန်းသူတွေကို ခိုင်မာတဲ့ကျိုးကြောင်းပြချက်တွေနဲ့ ပြန်လည်
ဖြေကြားမှုတွေကိုလည်း ကြားခဲ့ရပါတယ်။ ဒါတင်မက အံ့ဩစရာကောင်းတာက
ပြင်ပကအိုလမာတွေဟာ ရှီအာတွေကိုတော့ စားပွဲဝိုင်းဆွေးနွေးမှုအတွက်
ဖိတ်ခေါ်ကြပေမဲ့ အဟ်မဒီယာ ဂျမာအတ်နဲ့ ရင်ဆိုင်ရာမှာတော့ “ကာဖဲရ်”ဆိုပြီး
တစ်ဖက်သတ် စွပ်စွဲခြင်း၊ ဆဲရေးတိုင်းထွာခြင်းတွေကိုသာ ပြုကြပါတယ်။
အကြောင်းကတော့ သူတို့ဟာ အဟ်မဒီယာဂျမာအတ်ရဲ့
ခိုင်မာတဲ့ကျိုးကြောင်းပြချက်တွေကို မယှဉ်နိုင်တာ ကြောင့်ပါပဲ။ ဒါတင်မက
အဟ်မဒီတွေကို ဖမ်းဆီးခြင်း၊ သတ်ဖြတ်ခြင်းတွေ ရှိနေတာကြောင့်
အဟ်ဒီယာဂျမာအတ်ကို ဆန့်ကျင်နေသူတွေထံမှာ အစ္စလာမ် ကို
နာမည်ပျက်စေတဲ့ လုပ်ရပ်တွေကလွဲလို့ တစ်ခြားဘာမှမရှိဘူးဆိုတာကို
သိခဲ့ရပါတယ်။ ကျွန်တော်ဟာ အမ်တီအေကို ကြည့်ရှုတာနဲ့အမျှ ကျွန်တော့်ရဲ့
အီမာန်ဟာ ခိုင်မာထက်သန်လာခဲ့ပါတယ်။ ကျမ်းမြတ်ကုရ်အာန်၌ မည်သို့သော
အတိုးအလျှော့မျှမရှိကြောင်း သခင်ကြီးရဲ့တင်ပြချက်ကို ကြားသိရလျက်
အစ္စလာမ်အပေါ် သခင်ကြီးရဲ့ ချစ်စိတ်ကို ယုံကြည်သွားခဲ့ပါတယ်။ ပြီးတော့
မဆီဟ်မော်အူးဒ်ပွင့်ပေါ်လာတဲ့အခါ အစ္စလာမ်သာသနာကို အခြား
သာသနာများအားလုံးထက် သာလွန်ကြောင်းကို သက်သေပြဖို့၊ ပြီးတော့
 အစ္စလာမ်ကို ပြစ်တင်စွပ်စွဲထားတဲ့ စွပ်စွဲချက်အားလုံးကို တုံ့ပြန်လျက်
“ဘရာဟီနေအဟ်မဒီယာ”ကျမ်းကို ရေးသားထားတယ်ဆိုတာကို သိရတဲ့အခါ
ကျွန်တော်ဟာ သခင်ကြီးရဲ့ သာသနာပြုခြင်းစိတ်အားတွေကို စွဲစွဲမြဲမြဲ
ယုံကြည်သွားခဲ့ပါတော့တယ်။ ဟာဇရတ်မဆီဟ်မော်အူးဒ်(အ)နှင့် ခလီဖာကြီးများ
၏ စာအုပ်များကို ဖတ်ရှုလျက် ၎င်းတို့ဟာ သာမန်လူသားများ မဟုတ်ကြောင်း
ယုံကြည်ခဲ့ပါတယ်။ ၎င်းတို့ဟာ အစ္စလာမ်သာသနာရဲ့ ဦးစီးဦးဆောင်တွေ
ဖြစ်တယ်။ သူတို့ရဲ့ အတွေးအမြင်တွေဟာ ကမ္ဘာလောကအတွက် အလွန်
လိုအပ်နေတယ်။ မဆီဟ်မော်အူးဒ်(အ) သခင်ကြီး၏ အာရဗီဘာသာစကား၌
တတ်ကျွမ်းမှုနှင့် အာရဗ်များနှင့် အာရဗ်မဟုတ်သူများအားလုံးကို အာရဗီစာပေ
အရာ၌ မိမိနှင့်ယှဉ်ပြိုင်ကြရန် ဖိတ်ခေါ်ခဲ့ခြင်းတို့ဟာ သခင်ကြီးကိုဆန့်ကျင်သူ
တွေအတွက် သူတို့ရဲ့ သာလွန်မှုကို သက်သေပြနိုင်ဖို့ရာ ရွှေအခွင့်အရေးကြီးကို
ဖန်တီးပေးခဲ့ခြင်းသာ ဖြစ်ပါတယ်။ ဒါပေမဲ့ သူတို့ဟာ အဲဒီလို မလုပ်နိုင်ခဲ့ကြ
ပါဘူး။ ဒီသက်သေပြုချက်အားလုံးကပဲ ကျွန်တော့်အတွက် သခင်ကြီးအား
သက်ဝင်ယုံကြည်ရုံမှတစ်ပါး အခြား ထွက်ပေါက်မရှိဘဲ ဖြစ်စေခဲ့ပါတယ်။ ယခု
အဟ်မဒီယာဂျမာအတ်အကြောင်းကို ကောင်းစွာသိရှိပြီးနောက်မှာ ဒီအသင်း
တော်ရဲ့သွန်သင်ချက်တွေကိုဖြန့်ချိမှုပြုဖို့ ကျွန်တော့်မှာ မဖြစ်မနေ တာဝန်ရှိနေပြီ
လို့ ခံယူပါတယ်။”
ဒါနဲ့အလားတူ များစွာသော ဖြစ်ရပ်တွေရှိပါသေးတယ်။ အထက်မှာ
အကြောင်းအရာအနည်းငယ်ကိုသာ တင်ပြခဲ့ခြင်း ဖြစ်ပါတယ်။
ယခုလို သက်သေလက္ခဏာများနဲ့စပ်လျဉ်းလို့ပဲ တစ်နေရာမှာ
မဆီဟ်မော်အူးဒ်(အ) သခင်ကြီး မိန့်ကြားတော်မူသည်မှာ-
“ကျွန်ုပ်၏လက်ဖြင့် မြောက်မြားစွာသော နိမိတ်လက္ခဏာများသည် ထင်ရှားခဲ့၏။
အသို့နည်း၊ နိမိတ်လက္ခဏာပြသခြင်းအရာ၌ ကျွန်ုပ်နှင့်ယှဉ်ပြိုင်လျက်
ကျွန်ုပ်အား အနိုင်ယူမည့်သူ တစ်စုံတစ်ဦးမျှ ကမ္ဘာမြေ၌ အသက်ထင်ရှားရှိပါ
သလော။ ကျွန်ုပ်၏အသက်ကို စိုးပိုင်တော်မူသောအရှင်မြတ်ကို
တိုင်တည်ကျိန်ဆို၍ ကျွန်ုပ်ပြောမည်။ ယခုအချိန်ထိ ကျွန်ုပ်၏လက်ဖြင့်
 နိမိတ်လက္ခဏာပေါင်း နှစ်သိန်းကျော်သည် ပေါ်လွင်ထင်ရှားခဲ့ပြီး ဖြစ်ပေသည်။
လူဦးရေ တစ်သောင်းနီးပါး သို့တည်းမဟုတ် တစ်သောင်းကျော်တို့သည်
တမန်တော်မြတ်ကြီး(ဆွ)အား အိပ်မက်၌တွေ့ခဲ့ကြရပြီး ကိုယ်တော်က (သူတို့ထံ၌)
ကျွန်ုပ်သည်မှန်ကန်သူဖြစ်ကြောင်း ထောက်ခံခဲ့၏။ ထို့ပြင် ဤနိုင်ငံအတွင်း၌
အချို့နာမည်ကျော်ကြားသော ရူပါယုံဗျာဒိတ်ရ ပုဂ္ဂိုလ်များရှိကြပြီး ၎င်းတို့ထံတွင်
တပည့်ပေါင်း သုံးသိန်း၊ လေးသိန်းမျှရှိခဲ့၏။ ၎င်းပုဂ္ဂိုလ်များအား ဤလူသား
သည် အလ္လာဟ်အရှင်မြတ်ထံတော်မှဖြစ်ကြောင်း အိပ်မက်အားဖြင့် ပြသခဲ့၏။
၎င်းတို့အနက်မှ အချို့သည် ကျွန်ုပ်မပွင့်ပေါ်မီ နှစ်ပေါင်း ၃ဝ အလျင်က
ကွယ်လွန်သွားခဲ့ကြ၏။ ဥပမာ- လူဒီယာနာမှ ဂူလာဘ်ရှားဟ်ဆိုသူဖြစ်၏။
သူသည် မီယာန် ကရီးမ်ဘခ်ရှ်(ကွယ်လွန်)အား အီဆာသည် ကာဒီယာန်တွင်
မွေးဖွားသန့်စင်ခဲ့ပြီဖြစ်ကြောင်း၊ သူသည် လူဒီယာနာသို့ ကြွမြန်းလာမှာဖြစ်
ကြောင်း သတင်းပေးခဲ့၏။ မီယာန်ကရီးမ်ဘခ်ရှ်သည် ကျွန်ုပ်နှင့် လူဒီယာနာမြို့
တွင် ဆုံတွေ့ခဲ့၏။ ထိုစဉ်က သူသည် အသက်အရွယ်ကြီးရင့်ခဲ့ပြီဖြစ်ပြီး သူသည်
ဖြောင့်မတ်တည်ကြည်သူ ဖြစ်၏။ သူသည် ကျွန်ုပ်အား ထိုပုဂ္ဂိုလ်၏
ကြိုတင်ဗျာဒိတ်ပေးချက်အားလုံးကို ပြောပြခဲ့၏။ ထို့အတွက်ကြောင့်လည်း
မော်လဝီများက သူ့အား များစွာ ဒုက္ခပေးခဲ့ကြ၏။ သို့ရာတွင် သူသည်
အနည်းငယ်မျှ အရေးမစိုက်ခဲ့ချေ။ သူက ကျွန်ုပ်အား ပြောပြသည်မှာ-
“ဂူလာဘ်ရှားဟ်က ကျွန်ုပ်ကို မှာကြားသွားပါတယ်။ “မရ်ယမ်၏သားတော်
အီဆာဟာ အသက်ထင်ရှားမရှိဘူး၊ ကွယ်လွန်သွားခဲ့ပြီ၊ သူဟာ ကမ္ဘာလောက
ကို တစ်ဖန် ပြန်လာဖို့ မရှိတော့ဘူး၊ ဒီအွမ္မတ်(အုပ်စု)အတွက် မီရ်ဇာဂိုလာမ်
အဟ်မဒ်သာလျှင် အီဆာဖြစ်တယ်၊ သူ့ကိုပဲ အလ္လာဟ်အရှင်မြတ်ရဲ့ တန်ခိုးတော်
နှင့် ရွှေဉာဏ်တော်တို့က ပထမ အီဆာနှင့်ပမာတူသူအဖြစ် ပြုလုပ်ခဲ့တာ
ဖြစ်တယ်၊ ကောင်းကင်ထက်မှာ သူ့နာမည်ကို အီဆာလို့ပဲ ရေးမှတ်ထားတော်မူ
တယ်၊ ဒါကြောင့် ကရီးမ်ဘခ်ရှ်၊ အကြင်အခါ ထိုသည့် အီဆာ ပွင့်ပေါ်ပြီဆိုရင်
မော်လဝီတွေဟာ သူ့ကို ဘယ်လောက်တောင် ဆန့်ကျင်ကြမလဲဆိုတာ
အသင်တွေ့ရလိမ့်မယ်။ သူတို့ဟာ အလွန်ပြင်းထန်စွာ ဆန့်ကျင်ကြလိမ့်မယ်၊
ဒါပေမဲ့ သူတို့ပဲ အကျိုးယုတ်ကြလိမ့်မယ်။ သူ(အီဆာ) ပွင့်ပေါ်လာရခြင်းက
 ကျမ်းမြတ်ကုရ်အာန်၌ သွတ်သွင်းခြင်းခံရတဲ့ မှားယွင်းသောရှင်းလင်းဖွင့်ဆိုမှုတွေ
ကိုဖယ်ရှားပြီး ကျမ်းမြတ်ကုရ်အာန်ရဲ့ စစ်မှန်တဲ့ပုံရိပ်ကို ကမ္ဘာလောကရှေ့မှာ
ပြသဖို့ဖြစ်တယ်။” ထိုပုဂ္ဂိုလ်က ကျွန်ုပ်(ကရီးမ်ဘခ်ရှ်)ကို အသင်ဟာ အီဆာကို
တွေ့ရတဲ့အထိ အသက်ရှည်လိမ့်မယ်ဆိုတဲ့အကြောင်း ဒီကြိုတင်ဗျာဒိတ်ထဲမှာ
အလွန်ထင်ရှားစွာ မိန့်ကြားသွားခဲ့ပါတယ်။”
အထက်မှာ မဆီဟ်မော်အူးဒ်(အ)သခင်ကြီးက လူပုဂ္ဂိုလ်တော်တော်များကို
အိပ်မက်မှာ တမန်တော်မြတ်(ဆွ)က လမ်းညွှန်တော်မူခဲ့ကြောင်း မိန့်ကြားခဲ့ပါ
တယ်။ ဒါနဲ့ပတ်သက်လို့ သခင်ကြီးရဲ့ ခေတ်ကာလမှ ဘိုင်အတ်သစ္စာခံယူသူ
တစ်ချို့နဲ့ နောက်ပိုင်းမှ ဖြစ်ရပ်တစ်ချို့ကို ယခု တင်ပြပါ့မယ်။ 
ဟာဇရတ် မီယာန် အဗ်ဒွရ်ရရှီးဒ်ဆာဟိဘ်(ရဒီ)က ဆင့်ပြန်ပြောပြပါတယ်။
“ဖခင်ရဲ့တိုက်တွန်းမှုနှင့် အိပ်မက်တစ်ခုတို့ကြောင့် ကျွန်တော် ဘိုင်အတ်ယူခဲ့ပါ
တယ်။ ကျွန်တော်ဟာ တမန်တော်မြတ်ကြီး(ဆွ)ကို အိပ်မက်မှာ မြင်ခဲ့ရပါတယ်။
ကိုယ်တော်ဟာ ခုတင်တစ်ခုပေါ်မှာ လဲလျောင်းလျက်ရှိပြီး အလွန် မကျန်းမမာ
ဖြစ်လျက်ရှိပါတယ်။ မဆီဟ်မော်အူးဒ်(အ)သခင်ကြီးက ကိုယ်တော့်အနီးမှာ
ရပ်နေပြီး ကိုယ်တော့်အား ပြုစုနေပါတယ်။ ကိုယ်တော်မြတ်(ဆွ)ဟာ သခင်ကြီးရဲ့
ပုခုံးကိုမှီလျက် ထရပ်လိုက်ပါတယ်။ ဒီအခြေအနေနဲ့ပဲ ကိုယ်တော်ဟာ
မိန့်ခွန်းတစ်ခုပြောကြားခဲ့ပါတယ်။ ထိုမိန့်ခွန်းထဲမှာ မဆီဟ်မော်အူးဒ်(အ)သခင်ရဲ့
မှန်ကန်မှုနဲ့စပ်လျဉ်းလို့ ရှင်းလင်းမိန့်ကြားချက် ဖြစ်ပါတယ်။ အဲဒီနောက်
အိပ်မက်ထဲမှာပဲ တမန်တော်မြတ်ကြီး(ဆွ)ဟာ ပြန်လည်ကျန်းမာလာခဲ့ပြီး
ကိုယ်တော့်ရဲ့မျက်နှာတော်ဟာ လုံးဝလင်းဝင်းတောက်ပလျက်ရှိပါတယ်။
ဒီအိပ်မက်အရ အစ္စလာမ်ဟာ မဆီဟ်မော်အူးဒ်(အ)သခင်ကြီးအားဖြင့် တစ်ဖန်
ရှင်သန်လာမှာဖြစ်ကြောင်း ကျွန်တော်နားလည်လိုက်ပါတယ်။ ဒီလိုနဲ့
ထိုအိပ်မက်ကို မြင်မက်ပြီးနောက်မှာ ကျွန်တော် ဘိုင်အတ်သစ္စာခံယူခဲ့ပါတယ်။”
ထိုနည်းတူ အဗ်ဒွလ္လာဟ်ဆာဟိဘ်ရဲ့ သားဖြစ်သူ၊ အဗ်ဒွလ်ဆတ္တားရ်ဆာဟိဘ်က
ဆင့်ပြန်ပြောကြားခဲ့သည်မှာ- “ကျွန်တော်ဟာ ဖခင်ကို မေးမြန်းခဲ့ပါတယ်။
နာဇရက်မြို့သားမဆီဟ် ကွယ်လွန်ခြင်းနဲ့ပတ်သက်လို့ ကျွန်တော် နားမလည်
 ဘူး။ အသက်ထင်ရှားရှိနေတယ်ဆိုတာကိုပဲ သိပါတယ်။ ဒါနဲ့ပတ်သက်လို့
ကျွန်တော့်ကို ရှင်းပြပါ။ ကျွန်တော့်ဖခင်က ဘိုင်အတ်ယူပြီးနောက် ၁ဝ လခန့်
အကြာမှာ သူမြင်မက်ခဲ့တဲ့ အိပ်မက်တစ်ခုအကြောင်း ကျွန်တော့်ကို
ပြောပြပါတယ်။ “အဖေဟာ ရာဝီမြစ်ကမ်းတစ်ဖက်မှာ ရွက်ဖျင်တဲနှစ်ခု
ထိုးထားတာ မြင်လိုက်ရတယ်။ တစ်ခုက မဆီဟ်မော်အူးဒ်(အ)သခင်ရဲ့ တဲဖြစ်ပြီး
နောက်တစ်ခုက တမန်တော်မြတ်ကြီး(ဆွ)ရဲ့ တဲဖြစ်တယ်။ တမန်တော်မြတ်(ဆွ)ရဲ့
ရွက်ဖျင်တဲအတွင်းသို့ဝင်ရောက်လျက် မဆီဟ်မော်အူးဒ်အဖြစ် ကြွေးကြော်သူရဲ့
အခြေအနေက ဘယ်လိုရှိပါသလဲ ကိုယ်တော်လို့ မေးလျှောက်ခဲ့တယ်။
ကိုယ်တော်က သူဟာ အလွန်ထိုက်တန်သူ၊ အလွန်ထိုက်တန်သူ၊ အလွန်
ထိုက်တန်သူဖြစ်တယ်ဆိုပြီး လက်ညှိုးညွှန်လျက် သုံးကြိမ်သုံးခါ မိန့်ကြားတော်မူ
တယ်။ ဒီလို အပြည့်အဝထောက်ခံမှုကိုကြည့်ရှုလျက် မဆီဟ်မော်အူးဒ်(အ)ဟာ
ဖြောင့်မတ်မှန်ကန်သူဖြစ်ကြောင်း၊ ကျွန်ုပ်အဖို့ ရှင်ခြင်းသေခြင်းကိစ္စတွေက
မလိုအပ်ဘူးဆိုပြီး လုံးဝဥဿုံ ယုံကြည်သွားခဲ့တယ်။ ဒီလိုနဲ့ သခင်ကြီးကို
အီမာန် သက်ဝင်ယုံကြည်ခဲ့ပြီး ဘိုင်အတ်သစ္စာခံယူလျက် ဂျမာအတ်အတွင်းသို့
ဝင်ရောက်ခဲ့ပါတယ်။”
တစ်ဖန် ဆရ်ဒါရ်ကရမ်ဒါးတ်ဆာဟိဘ်က ဆင့်ပြန်ပြောပြပါတယ်။
“ကျွန်တော်ဟာ ဘိုင်အတ်မယူခင်ကပဲ မဆီဟ်မော်အူးဒ်(အ)သခင်ကြီးကို
အိပ်မက်မှာ မြင်ခဲ့ပါတယ်။ ထိုအိပ်မက်က- လမ်းမတစ်ခုပေါ်မှာ
တမန်တော်မြတ်ကြီး(ဆွ)နဲ့ မဆီဟ်မော်အူးဒ်(အ)သခင်တို့နှစ်ဦး လျှောက်လှမ်း
လာနေပါတယ်။ ကျွန်တော်ကလည်း ရှေ့တူရူမှ လျှောက်လာနေပါတယ်။
တမန်တော်မြတ်ကြီး(ဆွ)က မဆီဟ်မော်အူးဒ်(အ)သခင်ကြီးကို လက်ညှိုးညွှန်
လျက် သူဟာ အလ္လာဟ့်ထံတော်မှဖြစ်တယ်၊ သူဟာ အလ္လာဟ့်ထံတော်မှ
ဖြစ်တယ်ဆိုပြီး သုံးကြိမ်သုံးခါ ကျွန်ုပ်အား မိန့်ကြားတော်မူပါတယ်။ ဒီလိုနဲ့
ကျွန်တော်ဟာ ၁၉၀၂ ခုနှစ်၊ ကာဒီယာန်၌ ဘိုင်အတ်သစ္စာခံယူခဲ့ပါတယ်။
ထိုစဉ်က ကျွန်ုပ်အိပ်မက်မှာမြင်မက်ခဲ့တဲ့အတိုင်းပဲ မဆီဟ်မော်အူးဒ်(အ)
သခင်ကြီးကို တွေ့ခဲ့ရပါတယ်။”

 ဒီခေတ်ကာလမှာလည်း ကျွန်တော်တို့ဟာ တမန်တော်မြတ်ကြီး(ဆွ)ရဲ့
လမ်းညွှန်ပြသမှုများဆိုင်ရာ မြင်ကွင်းတွေကို တွေ့ကြရပါတယ်။
ဂျာမနီမှ မို့အ်မင်န်ဘင်န်အဟ်မဒ် ဆာဟိဘ်က ရေးသားလိုက်ပါတယ်။
“အချိန်ကာလတစ်ခုကြာအရင်ကတည်းက ကျွန်တော်ဟာ ဒီစာကို ရေးသားဖို့
ကြိုးစားခဲ့ပါတယ်။ ဒါပေမဲ့ မရေးဖြစ်ခဲ့ပါဘူး။ ဘာကြောင့်လဲဆိုရင်
ကျွန်တော်ဟာ ထူးခြားတဲ့ ဝိညာဏအခြေအနေနဲ့ အလ္လာဟ်အရှင်မြတ်ရဲ့
ကျေနပ်နှစ်သက်မှုကို မခံစားမိသေးသရွေ့ ရေးသားဖို့ မရည်ရွယ်ပါဘူး။ ယခု
အချိန်မှာ ကျွန်တော်ဟာ ဂျာမနီ၌ အင်ဂျင်နီယာတန်းမှာ တက်ရောက်ပညာ
သင်နေပါတယ်။ ကလေးဘဝနဲ့ လူငယ်ဘဝကို ကျွန်တော့်မိသားစုနဲ့အတူ
ဆော်ဒီအာရေဗျမှာ ကုန်လွန်ခဲ့ပါတယ်။ ထိုစဉ်က အဟ်မဒီယတ်ဆိုတဲ့
နာမည်ကိုတောင် မကြားဖူးခဲ့ပါဘူး။ ၂၀၀၄ ဒါမှမဟုတ် ၂၀၀၅ ခုနှစ်က
အိပ်မက်တစ်ခုမှာ တမန်တော်မြတ်ကြီး(ဆွ)ကို ဖူးတွေ့ခဲ့ရပါတယ်။ ထိုစဉ်က
ကျွန်တော်ဟာ အလွန်လှပတဲ့ မျှော်စင်တစ်ခုပေါ်မှာ ဖြစ်ပါတယ်။
တမန်တော်မြတ်ကြီး(ဆွ)က လဘက်သို့ လက်ညှိုးညွှန်လျက်ရှိပါတယ်။
လပြည့်ဝန်းဖြစ်ပြီး အလင်းရောင်က အရပ်လေးမျက်နှာအဝေးသို့တိုင် ပျံ့နှံ့လျက်
ရှိပါတယ်။ အဲဒီကြားမှာ မျှော်စင်တစ်ခုရှိပါတယ်။ တမန်တော်မြတ်ကြီး(ဆွ)က
တစ်စုံတစ်ရာကို ရည်ညွှန်းလျက် ကျွန်တော့်ကို မိန့်ကြားနေခြင်းဖြစ်ပြီး 
အဲဒီအကြောင်းကို ယခင်ကကျွန်တော်မသိခဲ့ပါဘူး။ ကိုယ်တော်ဟာ
ကျွန်တော့်ကို အလွန်ချစ်ခင်ယုယလျက်ရှိပြီး ဒါကို ဖွင့်ဟပြောပြဖို့ မလွယ်ပါဘူး။
အဲဒီနောက် တမန်တော်မြတ်ကြီး(ဆွ) ပြန်လည်ကြွမြန်းသွားခဲ့ပါတယ်။
ကိုယ်တော့်ရဲ့မျက်နှာတော်မှာ ကမ္ဘာလောကသားတွေအတွက် သောကဗျာပါရ
က အထင်အရှားပေါ်လွင်လျက်ရှိနေပါတယ်။ အဲဒီနောက် ကျွန်တော်ဟာ
အိပ်မက်မှနိုးသွားပါတယ်။ ထိုအချိန်မှာ ကျွန်တော်ဟာ မြေကြီးမှခွာလျက်
အမြင့်တစ်နေရာသို့ ရောက်နေတယ်လို့ ခံစားမိပါတယ်။ အဲဒီနောက်မှာ
ကျွန်တော်ဟာ လူတွေနဲ့နှုတ်ခွန်းဆက်ခြင်း၊ စကားပြောခြင်း အလွန်နည်းပါး
သွားခဲ့ပါတယ်။ ကျွန်တော်ဟာ ဒီအိပ်မက်ကို လုံးဝနားမလည်ခဲ့ပါဘူး။
ကျွန်တော့်ဖခင်က နောင်မှာ သူ့ရဲ့အိပ်မက်တစ်ခုကိုပြောပြတဲ့အခါ ကျွန်တော်
 အလွန်ပဲ အံ့ဩသွားခဲ့ပါတယ်။ ဖခင်က သူလည်းပဲ တမန်တော်မြတ်ကြီး(ဆွ)ကို
အိပ်မက်မှာ ဖူးမြင်ခဲ့ရကြောင်း ပြောပါတယ်။ ပြီးတော့ ကိုယ်တော်မြတ်(ဆွ)က
သူ့ကို ၁၉၇၉ ခုနှစ်မှာတုန်းက ကျွန်တော်မွေးဖွားလာမယ့်အကြောင်း
သတင်းကောင်းပေးခဲ့ပါတယ်။ “အသင်ဟာ သားယောကျား ဖွားမြင်မယ်၊
သူ့နာမည်ကို မိုဟမ္မဒ်လို့ထားပါ။” ဒီအကြောင်းကို ကျွန်တော့်ဖခင်က ၂၀၀ရ
ခုနှစ်မှာ ပြောပြခဲ့တာဖြစ်ပါတယ်။ ထိုအချိန်ထိ ကျွန်တော်ဟာ အဟ်မဒီယတ်နဲ့
ပတ်သက်လို့ ဘာတစ်ခုမှ မသိသေးပါဘူး။ အဲဒီနောက် ဆီးရီးယားမှ ကျွန်တော့်
ညီငယ်က အဟ်မဒီယာဂျမာအတ်ရဲ့ Website အကြောင်းကို အသိပေးတာ
ကြောင့် အဲဒီကတစ်ဆင့် ကျွန်တော်ဟာ ဂျမာအတ်ရဲ့အယူအဆတွေနဲ့ ရှင်းလင်း
ဖွင့်ဆိုချက်တွေကို လေ့လာခဲ့ပါတယ်။ ဒီအယူအဆတွေက ကျွန်တော်တို့
ငယ်စဉ်က သူငယ်ချင်းတွေနဲ့အတူ ဆွေးနွေးလေ့ရှိတဲ့ အတွေးအခေါ်တွေနဲ့
ထပ်တူဆင်ပါတယ်။ ဥပမာ- “ဒဂျာလ်”ဆိုတာက ယနေ့ခေတ်
အနောက်နိုင်ငံများရဲ့ စက်မှုတော်လှန်ရေး၊ ရုပ်ဝါဒကြီးစိုးမှုနဲ့ ခရစ်ယာန်ဝါဒကို
ဖြန့်ချိခြင်းဆိုင်ရာ စွမ်းအင်များ အစရှိသည်တို့ ဖြစ်ပါတယ်။”
သူက ကျွန်တော်(ခလီဖာသခင်)ထံသို့လည်း စာရေးလိုက်ပါတယ်။ “သခင်ကြီး
စိတ်ချယုံကြည်ပါ။ ကျွန်တော်ဟာ မဆီဟ်မော်အူးဒ်(အ)သခင်ကြီးရဲ့ စာအုပ်များ
ကိုဖတ်ရှုလျက် အသိပညာဉာဏ်စဉ်များနှင့် သခင်ကြီးရဲ့ နေမင်းအလား
ထွန်းလင်းတောက်ပနေတဲ့သက်သေလက္ခဏာတွေကို ဖတ်ရှုလျက် ငိုကျွေးနေ
တတ်ပါတယ်။ စကားလုံးတိုင်းဟာ ကျွန်တော့်အသက်ဝိညာဉ်သို့တိုင် သက်ဆင်း
သွားခဲ့ပါတယ်။ ဒီယုံကြည်မှုဆိုင်ရာ ပုလဲရတနာဟာ အလွန် အဖိုးထိုက်တန်ပြီး
ဒါကို ဖွင့်ဟပြောပြဖို့ ကျွန်တော်မစွမ်းသာပါဘူး။ အဟ်မဒီယာဂျမာအတ်ရဲ့
ယုံကြည်ချက်တွေဟာ အခြားသူတွေအပေါ် လွှမ်းမိုးမှုရှိနေတာကလည်း
အထင်အရှားပါပဲ။ စင်စစ် အဟ်မဒီယာဂျမာအတ်ဟာ အစ္စလာမ်သာသနာရဲ့
စစ်မှန်တဲ့ယုံကြည်ချက်တွေကို တင်ဆက်လျက်ရှိပါတယ်။ ဥပမာ- ကျမ်းမြတ်
ကုရ်အာန်သည် “နာဆိခ်မန်ဆူးခ်”ပြဿနာများမှကင်းရှင်းကြောင်း ယုတ္တိဗေဒ
နည်းကျကျ ဆွေးနွေးရှင်းပြချက်၊ တမန်တော်များ၏ အပြစ်ကင်းသန့်စင်ပုံ၊
“ခါတမေနဗူဝသ်”ရှင်းလင်းဖွင့်ဆိုချက်၊ အစ္စရာအ်-မေ့အ်ရာဂ်ျတို့၏ အစစ်အမှန်
 သဘော အစရှိတာတွေကို မဆီဟ်မော်အူးဒ်ရဲ့ ဂျမာအတ်တစ်ခုတည်းကသာ
ရှင်းလင်းတင်ပြနိုင်ပါတယ်။ ယနေ့မှာတော့ ဂျမာအတ်ဟာ အစိတ်အပိုင်းတစ်ခု
လောက်သာ အောင်မြင်နေသော်လည်း မဝေးတော့သည့်အနာဂတ်မှာ
ဂျမာအတ်ဟာ အပြည့်အဝအောင်မြင်တော့မှာဖြစ်ပါတယ်။ (အင်ရှာအလ္လာဟ်)” 
တစ်ဖန် ဒမတ်စကပ်မှ မိတ်ဆွေ၊ ရီဇ်ဝါးန်ဆာဟိဘ်က ရေးသားလိုက်ပါတယ်။
“ကျွန်တော်ဟာ ဒမတ်စကပ်တက္ကသိုလ်မှ သချင်္ာပညာရပ်ဖြင့်အောင်မြင်ပြီး
ကွန်ပြူတာပြုပြင်ရေးလုပ်ငန်း လုပ်ကိုင်ပါတယ်။ ဒါနဲ့အတူ ဒမတ်စကပ်ရဲ့
ဗလီတွေမှာ လူငယ်တွေကို ကျမ်းမြတ်ကုရ်အာန် သင်ကြားပို့ချပေးခဲ့ပါတယ်။
ကျွန်တော်ဟာ သာသနာ့ပညာကို ကျောင်းတစ်ခုခုမှာ သင်ကြားခဲ့တာမဟုတ်ဘဲ
ကိုယ်တိုင်ကြိုးစားမှု၊ ဝါသနာအလျောက် လေ့လာမှုတို့အားဖြင့် သိကျွမ်းခဲ့တာ
ဖြစ်ပါတယ်။ ဖြစ်ရပ်တစ်ခုရဲ့နောက်မှာ ကျွန်တော်ဟာ အလ္လာဟ်အရှင်မြတ်ထံ
တော်မှ “မာအ်ရီဖတ်”ဉာဏ်စဉ်ကိုရရှိရေးအတွက် ကြိုးစားခဲ့ပါတယ်။ အဲဒီနောက်
မှာ ပထမဆုံး ကျွန်တော်မြင်မက်ခဲ့တဲ့အိပ်မက်က ကျွန်တော့်အတွက်
သတင်းစကားတစ်ခုလို ဖြစ်နေပါတယ်။ အဲဒါက ကျမ်းမြတ်ကုရ်အာန်သာလျှင်
အသိပညာဉာဏ်စဉ်အပေါင်းရဲ့ ရတနာသိုက်ဖြစ်တယ်။ မိမိဘဝရဲ့ အခက်အခဲ
အလုံးစုံအတွက် အဖြေကို ဒီကျမ်းထဲမှာရှာပါဆိုတဲ့ အသိပါပဲ။ ကျွန်တော်ဟာ
ကျမ်းမြတ်ကုရ်အာန်ကို သေသေချာချာ ဖတ်ရှုဆင်ခြင်ကြည့်တဲ့အခါ
ကုရ်အာန်ရဲ့ကောင်းချီးမင်္ဂလာတွေ၊ အသိပညာတွေကိုရရှိခဲ့ပါတယ်။
တစ်ရက်ညမှာ အလ္လာဟ်အရှင်မြတ်ရဲ့ မိန့်ကြားချက်ဖြစ်တဲ့- 

(ထိုသူတို့၏ ကြိုးပမ်းအားထုတ်မှုအားလုံးသည် လောကီဘဝ၏ လိုလား
တောင့်တမှု၌ ပျောက်ဆုံးသွားခဲ့ပေသည်။ သို့ပါလျက် ၎င်းတို့က မိမိတို့မှာ
စက်မှု၊ လက်မှုပညာရပ်များ၌ အထွတ်အထိပ်သို့ရောက်ရှိနေသည်ဟု
ထင်မှတ်ကြပေသည်။ ၁၈း၁၀၅)ဆိုတဲ့ အာယတ်တော်ကို ဖတ်ရွတ်လျက်
 အလွန်ပဲ ကြောက်ရွံ့စိတ်ဖြစ်ခဲ့ပါတယ်။ အရှင်မြတ်ထံတော်မှ လမ်းညွှန်မှုကို
တောင်းခံခဲ့ပါတယ်။ ဒီအချိန်မှာပဲ လူငယ်နှစ်ယောက်က ကျွန်တော့်အိမ်တံခါးကို
လာခေါက်ပါတယ်။ ပြီးတော့ သူတို့က “ကာဒီယာနီဝါဒ”နဲ့ပတ်သက်လို့
မေးကြပါတယ်။ ကျွန်တော်က “ကာဒီယာနီ ကာဖဲရ်”ဆိုတဲ့စာအုပ်ကိုယူလျက်
သူတို့ကို ဖတ်ပြခဲ့ပါတယ်။ ရုတ်တရက် ကျွန်တော့်အတွင်းမှာ အလွန်ထူးဆန်းတဲ့
အတွေးတစ်ခုဖြစ်လာခဲ့ပါတယ်။ ဒီအချိန်မှာပဲ ကျွန်တော်ဟာ စာအုပ်ကို
ပိတ်လိုက်ပြီး တစ်ခုခုတော့ အကြီးအကျယ်မှားနေပြီလို့ ပြောလိုက်ပါတယ်။
ဘာကြောင့်လဲဆိုရင် ကျွန်တော် တစ်ခါမှ ထိတွေ့ဆက်ဆံဖူးခြင်းမရှိတဲ့
ဂျမာအတ်တစ်ခုရဲ့အကြောင်းကို ကျွန်တော် ယခု ပြောနေတာပဲ။ ပြီးတော့
ကြားဖူးနားဝစကားတွေကို ကျွန်တော်ပြောနေတာပဲလို့ ပြောလိုက်ပါတယ်။
ဒီလိုနဲ့ ကျွန်တော်ဟာ အဟ်မဒီညီနောင်တစ်ဦးဖြစ်တဲ့ ဘဒရ်ဆာဟိဘ်နဲ့
သိကျွမ်းခဲ့ရပါတယ်။ သူက မဆီဟ်မော်အူးဒ်(အ)သခင်ကြီးရဲ့ “အစ္စလာမ့်
ဒဿနကျမ်း”ကို ပေးဖတ်ပါတယ်။ ကျွန်တော်ဟာ ဒီစာအုပ်ကို မပြီးမချင်း
လက်ကမချခဲ့ပါဘူး။ ကျွန်တော်တွေးမိပါတယ်။ ဒီပုဂ္ဂိုလ်ဟာ အစ္စလာမ်ကို
တိတိကျကျ ရှင်းလင်းပြသနေတာပဲ။ သူဟာ ကြားဖူးနားဝတွေကို ပြောနေတာ
မဟုတ်ဘဲ အစ္စလာမ်နဲ့ပတ်သက်လို့ သူ့ရဲ့ ကိုယ်ပိုင်အတွေ့အကြုံနဲ့ ပြောနေ
တာပဲ။ သူဟာ အလ္လာဟ်အရှင်မြတ်နဲ့နီးစပ်တဲ့ ပုဂ္ဂိုလ်အမှန်ပဲ ဖြစ်ရမယ်။
ဒီစာအုပ်ထဲမှာ ကျွန်တော့်ကို အစွဲမက်ဆုံးဖြစ်စေခဲ့တဲ့ ခေါင်းစဉ်ကတော့
အလ္လာဟ်အရှင်မြတ်ထံမှ “ဝဟီ”ဗျာဒိတ်နှင့် ဗျာဒိတ်တော်ပြတ်တောက်မသွားခြင်း
အကြောင်းအရာပဲ ဖြစ်ပါတယ်။ အဲဒီနောက် ၆ လခန့်အကြာမှာ ကျွန်တော်ဟာ
အိပ်မက်တစ်ခုမြင်မက်ခဲ့ပါတယ်။ ကျွန်တော်ဟာ အလ္လာဟ်အရှင်မြတ်
ရှေ့တော်၌ခစားလျက်ရှိပြီး အရှင်မြတ်ရဲ့“နူရ်”အလင်းဟာ အရပ်မျက်နှာ
အဘက်ဘက်သို့ ဖြန့်ကျက်လျက်ရှိပါတယ်။ ထိုအချိန်မှာပဲ အလ္လာဟ်အရှင်မြတ်
က ကျွန်တော့်ကို “ငါဟာ အသင့်ကို လုံခြုံမှုရှိစေမယ့် ရဲတိုက်ကို ပေးသနားခဲ့ပြီ”
လို့ မိန့်ကြားတော်မူပါတယ်။ ကျွန်တော်ဟာ ဒါကိုနားမလည်ခဲ့ပါဘူး။ အလ္လာဟ်
အရှင်မြတ်ရှေ့တော်မှာ ကျွန်တော်ဟာ ရှက်ရွံ့တာကြောင့် ဒါရဲ့အဓိပ္ပာယ်ကို
မမေးခဲ့ဘဲ “ကျွန်တော်မျိုးကြားပါပြီ၊ နာခံပါပြီ”လို့သာ လျှောက်ထားခဲ့ပါတယ်။
 ဒီအခါမှာ ကောင်းကင်တမန်တစ်ပါးကိုမြင်ခဲ့ရပြီး သူ့ပုံစံက တိုက်ခိုက်ရေး
သမားလို ဖြစ်နေပါတယ်။ လက်နက်တွေကိုလည်း ကိုင်ဆောင်ထားပါတယ်။ ထို
ကောင်းကင်တမန်က ကျွန်တော့်ကိုပြောပါတယ်။ “လာအီလာဟအိလ်လလ္လာဟ်”
(အလ္လာဟ်မှတစ်ပါး ကိုးကွယ်ခြင်းခံထိုက်ရာအရှင်မရှိ)နှင့်အတူ ပေါင်းဖက်ထား
ဖို့ အသင့်ရဲ့သူငယ်ချင်း “ဘာစိသ်”ကိုပြောလိုက်ပါ။ အဲဒီနောက် ကျွန်တော်ဟာ
မဆီဟ်မော်အူးဒ်(အ)သခင်ကြီးရဲ့ အာရဗီကျမ်းစာအုပ်အားလုံးကို ဖတ်ရှုခဲ့ပါ
တယ်။ များစွာအကျိုးခံစားခဲ့ရပါတယ်။ သခင်ကြီးရဲ့ရေးသားချက်က ကျွန်တော့်
ကို မှော်အတတ်လို ပြုစားခဲ့ပါတယ်။ အဲဒီနောက် ကျွန်တော် “အီစ်သိခါရာ”
ဝတ်ပြုခဲ့ပါတယ်။ ထိုအချိန်မှာ အောက်ပါအာယတ်တော်ကို ကြားခဲ့ရပါတယ်။ 

(သို့ဖြင့် ၎င်းတို့သည် ငါတို့၏အစေတော်များအနက် ကြီးမြတ်သော အစေတော်
တစ်ဦးကို တွေ့ရှိကြ၏။ ငါတို့သည် ထိုသူအား မိမိ၏အထံတော်မှ ကြီးမားသော
ကရုဏာတော်ကို ပေးသနားတော်မူခဲ့ပြီး သူ့အား ငါအရှင်မြတ်ကိုယ်တော်တိုင်
မိမိအထံတော်မှပညာဉာဏ်ကို ချီးမြှင့်တော်မူခဲ့ပေသည်။ ၁၈း၆၆)
ဒိနောက်မှာ ကျွန်တော်ဟာ ဒုတိယတစ်ကြိမ်ထပ်ပြီး တမန်တော်မြတ်ကြီး(ဆွ)ကို
ဖူးတွေ့ခွင့်ရရှိခဲ့ပါတယ်။ ကျွန်တော်က မေးလျှောက်တာကြောင့် ကိုယ်တော်မြတ်
ကြီး(ဆွ)မိန့်ကြားတော်မူတာက- ဒီခေတ်ကာလပြဿနာများအတွက် မီရ်ဇာ
ဂိုလာမ်အဟ်မဒ်တစ်ဦးတည်းသာလျှင် လွတ်မြောက်ရာလမ်းကြောင်း ဖြစ်တယ်။”
ယခုဆက်လက်ပြီး အချို့သော နိမိတ်လက္ခဏာများကို မြင်တွေ့ရလျက်
အဟ်မဒီယတ်ကို လက်ခံလာခဲ့ကြတဲ့ အာဖရိကမှ ပုဂ္ဂိုလ်အချို့ရဲ့ အကြောင်းကို
တင်ပြပါ့မယ်။
ကျွန်တော်တို့ရဲ့ သာသနာပြုက ရေးသားပါတယ်။ “သာသနာပြုတာဝန်ခံဖြစ်တဲ့
အဗ်ဒွလ်မာလိက်ဆာဘ်ဟာ အဖော်နှစ်ယောက်နဲ့အတူ “မွန်ဆီ”အမည်ရှိတဲ့
ကျေးရွာမှာ တဗ်လီဂ်ပြုလုပ်ဖို့ ထွက်သွားခဲ့ပါတယ်။ ကျေးရွာမှလူငယ်တွေက
 တဗ်လီဂ်ပြုလုပ်တဲ့နေရာမှာ ဆူဆူပူပူပြုလုပ်ခဲ့ကြပါတယ်။ ဒီလိုကြောင့်
တဗ်လီဂ်စကားဝိုင်းကို ရပ်နားလိုက်ရပါတယ်။ နောက်တစ်ရက်မှာ ရွာသားတွေ
ဟာ အစီအစဉ်တစ်ခုကြောင့် နေရာတစ်ခုမှာ စုရုံးနေတုန်း ရုတ်တရက်
လေပြင်းတွေတိုက်လာပါတယ်။ မိုးရွာမယ့်လက္ခဏာ ဘာတစ်ခုမှမရှိခဲ့ပေမဲ့
ရုတ်ချည်းပဲ မည်းမှောင်နေတဲ့ တိမ်တိုက်တွေတက်လာခဲ့ပါတယ်။ အလွန်
ပြင်းထန်တဲ့ လေပြင်းတိုက်ခတ်ခဲ့ပြီး မိုးသည်းထန်စွာရွာခဲ့ပါတယ်။ သူတို့ရဲ့
အစီအစဉ်တစ်ခုလုံး ပျက်သွားခဲ့ပါတယ်။ ဒီဖြစ်ရပ်ကိုကြည့်ပြီး ရွာသားတွေက
ဒါဟာ အလ္လာဟ်အရှင်မြတ်ရဲ့ အမျက်ဒေါသအရိပ်ပဲ၊ အဟ်မဒီတွေရဲ့
တဗ်လီဂ်လုပ်ငန်းကို တားမြစ်မှုကြောင့် ဖြစ်လာတာပဲဆိုပြီး တွေးမိကြပါတယ်။
ဒီလိုနဲ့ ရွာသား ၄၁ ယောက်ဟာ အဟ်မဒီယတ်ကို လက်ခံခဲ့ကြပါတယ်။” 
တစ်ဖန် နိုင်ဂျီးရီးယားမှ အစီရင်ခံစာတစ်ခု ရေးသားပေးပို့လိုက်ပါတယ်။
“အဲဒီက ကျေးရွာတစ်ခုနဲ့အနီးတစ်ဝိုက်မှာ တဗ်လီဂ်ပြုလုပ်နေစဉ်
ပြင်းပြင်းထန်ထန် ဆန့်ကျင်မှုဖြစ်ခဲ့ပါတယ်။ ရက်အတန်ကြာပြီးနောက်
ထိုကျေးရွာမှ “ဘရှီးရ်”အမည်ရှိတဲ့ လူငယ်တစ်ဦးရောက်လာပြီး သူက ပြောပြပါ
တယ်။ “ကျွန်တော်ဟာ အလ္လာဟ်အရှင်မြတ်ထံမှာ အကယ်၍ အဟ်မဒီတွေဟာ
မှန်ကန်သူတွေမဟုတ်ဘူးဆိုရင် အရှင်မြတ် သူတို့ကို ဒုက္ခအတွင်းမှာ
ထည့်သွင်းတော်မူပါ။ အကယ်၍ အဟ်မဒီတွေဟာ မှန်ကန်သူတွေဖြစ်တယ်
ဆိုရင် ဆန့်ကျင်သူတွေကို ဒုက္ခတွေ့စေတော်မူပါ၊ ဒီလိုအားဖြင့် နိမိတ်လက္ခဏာ
တစ်ခုဖြစ်စေတော်မူပါဆိုပြီး ဒိုအာပြုလုပ်ခဲ့ပါတယ်။ ဒီလိုနဲ့ ငါးရက်အကြာမှာပဲ
ကျွန်တော်တွေ့ခဲ့ရပါတယ်။ ဆန့်ကျင်သူတွေထဲက လူနှစ်ယောက်ဟာ
ဖျားနာလျက် ဝေဒနာကို အလူးအလဲခံစားရပြီး သေဆုံးသွားခဲ့ပါတယ်။
ဒီလိုကြောင့် အဟ်မဒီယာဂျမာအတ်ဟာ အလ္လာဟ်အရှင်မြတ်ထံတော်မှ မုချ
အမှန်ဖြစ်ကြောင်း ကျွန်တော် ယုံကြည်သွားခဲ့ပါပြီ။ ဒါကြောင့် ကျွန်တော်ဟာ
နှလုံးသားထဲက နှစ်နှစ်ကာကာယုံကြည်မှုဖြင့် အဟ်မဒီယတ်ကို လက်ခံယုံကြည်
ပါပြီ။”
တစ်ဖန် ဘိုကီနာဖာဆိုမှ ရေးသားလိုက်ပါတယ်။ “တဗ်လီဂ်ပြုလုပ်ဖို့အတွက်
ကျေးရွာအနှံ့ခရီးဆန့်ခဲ့ပါတယ်။ ကျေးရွာတစ်ခုသို့ ရောက်ရှိခဲ့ပြီး ထိုကျေးရွာမှာ
 အဟ်မဒီ ၁၀ဝ နီးပါးရှိပါတယ်။ သူတို့က ပြောကြပါတယ်။ “မိုရဗ္ဗီဆာဟိဘ်၊
မိုးမရွာတာ တော်တော်ကြာသွားပြီ၊ ကျွန်တော်တို့ လယ်တွေလည်း မစိုက်ပျိုးနိုင်
တော့ဘူး။” ဒီအခါမှာ မိုရဗ္ဗီဆာဟိဘ်က “ကောင်းပြီ၊ အခု အလ္လာဟ့်ထံမှာ
ဒိုအာပြုလုပ်ကြမယ်၊ ကျွန်တော်တို့ “အိစ်သိစ်ကာ”နမာဇ် ဝတ်ပြုကြမယ်၊ နံနက်
၁ဝ နာရီမှာ နမာဇ်ကို ဝတ်ပြုမယ်၊ ဒါကြောင့် ကျေးရွာတစ်ခုလုံးမှာရှိတဲ့
ကလေး၊ လူကြီး၊ အမျိုးသား၊ အမျိုးသမီးအားလုံးကို သတင်းပေးလိုက်ပါ”လို့
ပြောခဲ့ပါတယ်။ ဒီလို သတင်းပေးလိုက်တဲ့အခါ အဟ်မဒီမဟုတ်တဲ့
မွတ်စလင်မ်တွေနဲ့ သူတို့ရဲ့အေမာမ်ဟာ ဒီနမာဇ်မှာ မပါဝင်ခဲ့ကြပါဘူး။
မိုရဗ္ဗီဆာဟိဘ်က ပြောပြပါတယ်။ “ကျွန်တော်ဟာ ထိုနမာဇ်အတွင်းမှာ
တမန်တော်မြတ် မူဟမ္မဒ် မူစ်တဖာ(ဆွ)နှင့် မဆီဟ်မော်အူးဒ်(အ)သခင်ကြီးတို့ကို
အကြောင်းပြုလျက် အရှင်မြတ်ထံတော်မှာ တောင်းခံခဲ့ပါတယ်။ အို-
ကျွန်တော်မျိုး၏အရှင်၊ ဒီလူတွေရဲ့မြေကြီးကို ရေငတ်ဆာလောင်မှုမှ
ပြေစေတော်မူပါ။ ကျွန်တော်မျိုးတို့ရဲ့ ဒိုအာ တောင်းဆုကို ကြားနာတော်မူပါ။
...” အရှင်မြတ်ဟာ အဟ်မဒီကလေးငယ်တွေ၊ အမျိုးသမီးတွေ၊
သက်ကြီးရွယ်အိုတွေရဲ့ ဒိုအာဆုတောင်းကို ကြားနာလက်ခံတော်မူခဲ့ပါတယ်။
ထိုနေ့ညမှာပဲ မိုးသည်းထန်စွာ ရွာခဲ့ပါတယ်။ ကျွန်တော်တို့ဟာ ယခုလို
နမာဇ်ဝတ်ပြုပေးလျက် အခြားကျေးရွာတစ်ခုသို့ တဗ်လီဂ်ပြုလုပ်ဖို့အတွက်
ထွက်သွားခဲ့ပါတယ်။ နံနက်မိုးလင်းတဲ့အခါ ပထမကျေးရွာက အဖွဲ့တစ်ဖွဲ့
ရောက်လာပြီး သတင်းပေးပါတယ်။ “ကျေးရွာမှာ ဘယ်တုန်းကမှမရွာဖူးခဲ့တဲ့
အလွန်ကြီးကျယ်တဲ့မိုး ရွာသွန်းခဲ့တာဖြစ်ကြောင်း၊ ဒီဖြစ်ရပ်ကြောင့် အဟ်မဒီ
မဟုတ်သူတွေနဲ့ ခရစ်ယာန်တွေကပါ များစွာစိတ်ဝင်စားလျက်ရှိကြောင်း၊
ဒီလိုအားဖြင့် လူ ၉ဝ ဘိုင်အတ်သစ္စာခံယူခဲ့ကြောင်း သတင်းပေးပါတယ်။”
ဟာဇရတ် မဆီဟ်မော်အူးဒ်(အ)မိန့်ကြားတော်မူသည်မှာ- “ကျွန်ုပ်၏
ဂျမာအတ်သားများအနေဖြင့် အလ္လာဟ်အရှင်မြတ်နှင့် စစ်မှန်သောဆက်နွယ်မှု
ရှိသင့်သည်။ အလ္လာဟ်အရှင်မြတ်သည် သူတို့အား အချည်းနှီး ပစ်မထားခဲ့သည့်
အတွက် သူတို့သည် ကျေးဇူးသိတတ်ကြသင့်၏။ ထိုမျှမက သူတို့၏ “အီမာန်”
ယုံကြည်မှုဆိုင်ရာစွမ်းအားများကို “ယကီးန်”ဆိုသည့်အဆင့်အတန်းသို့တိုင်
 မြှင့်တင်ပေးရန်အတွက် အရှင်မြတ်၏ တန်ခိုးတော်ဆိုင်ရာ မြောက်မြားစွာသော
နိမိတ်လက္ခဏာများကို ပြသခဲ့၏။”
အလ္လာဟ်အရှင်မြတ်သည် ကျွန်တော်တို့အားလုံးကို အရှင်မြတ်နှင့် စစ်မှန်သော
ဆက်နွယ်မှုကို တည်ဆောက်သူများအဖြစ် ပြုပေးတော်မူပါစေ။ ကျွန်တော်တို့
အတွင်းမှ တစ်ဦးချင်းစီဟာ အရှင်မြတ်၏နိမိတ်လက္ခဏာကို ထင်ရှားစေသူများ
ဖြစ်တဲ့အထိ အရှင်မြတ်နှင့်ဆက်နွယ်မှု တည်ဆောက်နိုင်ပါစေ။ ဒါ့အပြင်
ကျွန်တော်တို့ရဲ့အီမာန်ယုံကြည်မှုကို တိုးတက်မြင့်မားလာစေသည့် ဆက်နွယ်မှု
မျိုးကို တည်ဆောက်နိုင်ရန် စွမ်းအားပေးတော်မူပါစေ။ အနာဂတ်မျိုးဆက်များ
အတွင်း၌လည်း သူတို့တစ်တွေ အလ္လာဟ်အရှင်မြတ်နှင့် စစ်မှန်သော ဆက်နွယ်
မှုကို တည်ဆောက်နိုင်စေရန်၊ ဂျမာအတ်နှင့်သစ္စာရှိစွာ ပေါင်းစည်းနေနိုင်ရန်နှင့်
ဟာဇရတ် မဆီဟ်မော်အူးဒ်(အ)သခင်ကြီးထံ၌ ပြုထားသော ဘိုင်အတ်သစ္စာကို
တန်ဖိုးထားတတ်ကြစေရန် ကျွန်တော်တို့ဟာ လက်ဆင့်ကမ်းပေးသွားနိုင်သူတွေ
ဖြစ်ပါစေ။ အလ္လာဟ်အရှင်မြတ်သည် ကျွန်တော်တို့ရဲ့မျိုးဆက်သစ်များအတွင်း၌
လည်း အီမာန်ကို တည်တံ့စေပြီး သူတို့ရဲ့အီမာန်ကို တိုးတက်မြင့်မားအောင်
ပြုပေးသနားတော်မူပါစေ။ - အာမီးန် –
ဂျွမ္မာနမာဇ်အပြီးမှာ ပုဂ္ဂိုလ်နှစ်ဦးအတွက် ဂျနာဇာ“ဃာအိဗ်”နမာဇ် ဝတ်ပြုမှာ
ဖြစ်ပါတယ်။ ပထမ ဂျနာဇာက ပါကစ္စတန်နိုင်ငံ ကရာချိမြို့မှ Raziud Din Sahib
ရှဟီဒီ ဖြစ်ပါတယ်။ သူဟာ ဖေဖော်ဝါရီလ ၈ ရက်မှာ အလုပ်ကိစ္စတစ်ခုနဲ့
အိမ်မှထွက်တဲ့အချိန်မှာပဲ ရှဟီးဒ်ပြု လုပ်ကြံခြင်းခံခဲ့ရပါတယ်။ 
ဇနီးက သူ့အား အလုပ်ကို မသွားဖို့တားပါသေးတယ်။ ဒါပေမဲ့ သူဟာ
အလုပ်သွားဖို့ အိမ်ကထွက်သွားပြီး သိပ်ဝေးဝေးမရောက်ခင်မှာပဲ ဆိုက်ကယ်
သမားနှစ်ဦးက နောက်မှလိုက်လာပြီး သေနတ်နဲ့ပစ်ခတ်ခဲ့ပါတယ်။ ကျည်ဆံ
တစ်ချက်က လည်ပင်းကို ထိမှန်သွားခဲ့ပါတယ်။ သူ့ရဲ့ တူတော်မောင်ကလည်း
သူနဲ့အတူရှိနေပါတယ်။ အခင်းဖြစ်ပွားတဲ့အခါ သူက အိမ်ကို အပြေးသွားခဲ့ပြီး
သတင်းပေးခဲ့ပါတယ်။ ဇနီးက သူ့ကို ဆေးရုံသို့ အလျင်အမြန် ခေါ်သွားခဲ့ပြီး
ဆရာဝန်တွေကလည်း တတ်နိုင်သမျှ ကြိုးစားခဲ့ပါတယ်။ ဒါပေမဲ့ Raziud Din Sahib
 ဟာ ပြင်းထန်တဲ့ ဒဏ်ရာတွေကြောင့် အသက်ဆုံးပါးလျက်
ရှဟီးဒ်ဖြစ်သွားခဲ့ပါတယ်။  

ရှဟီဒီရဲ့ ဘိုးဘွားတွေဟာ ကရှ်မီးရ်အရပ်မှ ဖြစ်ပါတယ်။ ထိုဒေသမှ
ပုဂ္ဂိုလ်ကြီးနှစ်ဦးဟာ ကာဒီယာန်သို့ သွားရောက်လျက် မဆီဟ်မော်အူးဒ်(အ)
သခင်ကြီးထံမှာ ဘိုင်အတ်ယူခဲ့ကြတာ ဖြစ်ပါတယ်။ အဲဒီနောက် မိမိတို့နေရပ်သို့
ပြန်လာလျက် တဗ်လီဂ်ပြုလုပ်ခဲ့ကြပါတယ်။ ဒီလိုကြောင့် ရှဟီဒီရဲ့ အဘိုးဖြစ်သူ
မိုကရမ်ဖတေ့ဟ်မူဟမ္မဒ်ဆာဟိဘ်က ဘိုင်အတ်သစ္စာခံယူလျက် အဟ်မဒီယတ်
အတွင်း ဝင်ရောက်ခဲ့ပါတယ်။ ရှဟီဒီရဲ့အဖိုးနာမည်က မိုကရမ်
မွခ်တာရ်အဟ်မဒ် ဆာဟိဘ် ဖြစ်ပါတယ်။ ဖခင်က မိုကရမ် မူဟမ္မဒ်ဟူစိန်
မွခ်တာရ် ဆာဟိဘ် ဖြစ်ပါတယ်။ ပါကစ္စတန်နိုင်ငံ တည်ထောင်ပြီးနောက်မှာ
ဒီမိသားစုဟာ “ကုတ်လီ”ခရိုင်မှာ ပြောင်းရွှေ့နေထိုင်ခဲ့ကြပြီး အဲဒီနောက် ၁၉၉၂
ခုနှစ်မှစ၍ ကရာချိသို့ ပြောင်းရွှေ့ခဲ့ကြပါတယ်။ ရှဟီဒီဟာ F.ဗ တန်းအထိ
တက်ရောက်ခဲ့ပါတယ်။ စက်ရုံတစ်ခုမှာ ၆ နှစ်အရင်ကပင် အလုပ်ဝင်ခဲ့တာ
ဖြစ်ပါတယ်။ ရှဟီးဒ်ဖြစ်ချိန်မှာ အသက် ၂၆ နှစ်ဖြစ်ပါတယ်။ အလွန်
စာနာထောက်ထားတတ်သူ၊ ဖြူစင်သူဖြစ်ပါတယ်။ လူတိုင်းနဲ့ ပြုံးရွှင်စွာ၊
သဘောထားကြီးစွာဖြင့် ဆက်ဆံသူဖြစ်ပါတယ်။ ခေလာဖတ်အပေါ်
ချစ်မြတ်နိုးသူ၊ တာဝန်ခံပုဂ္ဂိုလ်များနဲ့ နေဇာမေဂျမာအတ်ကို အလွန်
လေးစားသူဖြစ်ပါတယ်။ မည်သည့်အခါမျှ ပြဿနာ ဖြစ်ပွားမှုမဖြစ်ခဲ့ပါဘူး။
ရှဟီးဒ်ဖြစ်ပြီးနောက် အဟ်မဒီယတ်ပြင်ပမှ ပုဂ္ဂိုလ်များကလည်း သူဟာ
ဘယ်တုန်းကမှ ဘယ်သူ့ကိုမှ အခက်အခဲတွေ့အောင် မလုပ်ခဲ့ဘူး။ ဘယ်သူကမှ
သူ့ကို ပြစ်တင်ပြောဆိုဖို့ရာ အခွင့်အရေးမရစေခဲ့ဘူးလို့ ဖွင့်ဟပြောဆိုကြ
ပါတယ်။ 
သူဟာ ရှဟီးဒ်ဖြစ်လိုတဲ့ ဆန္ဒရှိကြောင်း အကြိမ်ကြိမ် ဖွင့်ဟပြောဆိုလေ့
ရှိပါတယ်။ ရှဟီးဒ်မဖြစ်မီ ရက်အနည်းငယ် အလျင်ကပဲ အိပ်မက်ထဲမှာ
လူငယ်တစ်ဦးက လက်နက်ကိုင်ဆောင်လျက် သူ့နောက်မှ လိုက်လာပြီး
ရုတ်တရက် ခုတ်ပိုင်းလိုက်ကြောင်း မြင်မက်ခဲ့ပါတယ်။ ရှဟီးဒ်မဖြစ်မီ
 နှစ်ရက်အရင် ဖေဖော်ဝါရီလ ၆ ရက်နေ့မှာ ဇနီးကလည်း အိပ်မက်မြင်မက်
ခဲ့ပါတယ်။ “ကျွန်မခင်ပွန်းရဲ့ လက်ထပ်ပွဲပြုလုပ်နေပါတယ်။ ထို့နောက်
ရုတ်တရက် အိမ်ထဲမှာ ဂျနာဇာတစ်ခု ရောက်နေပါတယ်။ ကျွန်မဟာ
အနီးအနားမှာရှိတဲ့ မိဘအိမ်ကို ပြေးသွားတဲ့အခါ အဲဒီမှာလည်း ဂျနာဇာတစ်ခု
ရှိနေပြန်ပါတယ်။”
ရှဟီဒီရဲ့ဖခင်ကလည်း အိပ်မက်မြင်မက်ခဲ့ပါတယ်။ “သားကြီး မူဟမ္မဒ်
အဟ်မဒ်က ကျွန်တော့်ထံကိုရောက်လာပြီး အဖေ့အတွက် ၁ရ ရက်ပဲ
ကျန်တော့တယ်လို့ ပြောသွားပါတယ်။”
အလ္လာဟ်အရှင်မြတ်ရဲ့ဖဇလ်ကျေးဇူးတော်နဲ့ ရှဟီဒီဟာ ဝဆီယတ်ပြုလုပ်ထားသူ
ဖြစ်ပါတယ်။ ဗလီဝတ်ကျောင်းအတွက် ခွဒ္ဒါမ်တွေ လုံခြုံရေးတာဝန်ယူတဲ့အခါ
သူဟာ အလွန်တက်ကြွစွာ ပါဝင်သူဖြစ်ပါတယ်။ သူ့ဖခင်ဟာ အသက် ၈ဝ
အရွယ်ရောက်နေပြီး လွန်ခဲ့တဲ့ ၄ နှစ်လောက်ကတည်းက မကျန်းမမာဖြစ်နေ
ခဲ့ပါတယ်။ မိသားစုအတွက် သားဖြစ်သူကပဲ ရှာဖွေကျွေးမွေးနေတာ ဖြစ်ပါ
တယ်။ ကျန်ရစ်သူတွေကတော့ မိဘနှစ်ပါးနဲ့ ဇနီးဖြစ်သူ နူစရတ်ဂျဘီးန်
ဆာဟေဘာ၊ ရ လအရွယ် သမီးငယ်လေး အသီယသွန်နူးရ် တို့ဖြစ်ပါတယ်။
အလ္လာဟ်အရှင်မြတ်သည် ရှဟီဒီရဲ့အဆင့်အတန်းကို မြှင့်တင်ပေးတော်မူပါစေ။
မိဘနှစ်ပါးနှင့် ဇနီး၊ သမီးငယ်တို့ကို အရှင်မြတ် ကာကွယ်စောင့်ရှောက်
တော်မူပါစေ။ သူတို့ကို သည်းခံနိုင်စွမ်းနှင့် ကြံ့ခိုင်သောစိတ်ဓာတ်တို့ကို
ပေးသနားတော်မူပါစေ။ - အာမီးန်-
ဒုတိယဂျနာဇာက ဒေါက်တာ ခါလစ်ဒ်ယူစွဖ်ဆာဟိဘ် ဖြစ်ပါတယ်။ သူဟာ
ဖေဖော်ဝါရီလ ရ ရက်မှာ ရဗ်ဝါရှိ “ဖဇ်လေအုမရ်”ဆေးရုံး၌ အသက် ၄၆ နှစ်
အရွယ်မှာ ကွယ်လွန်သွားခဲ့တာဖြစ်ပါတယ်။  သူဟာ ဝဆီယတ်
ပြုလုပ်ထားသူဖြစ်ပါတယ်။ သူ့ကို “ဘဟိရှ်တီမက္ကဘာရာ”မှာ မြှုပ်နှံခဲ့ပါတယ်။
သူ့ရဲ့ဖခင် မိုကရမ် ဆေ့ထ် မူဟမ္မဒ်ယူစွဖ်ဆာဟိဘ် နဝါးဘ်ရှာဟ်ခရိုင်
ဂျမာအတ်ရဲ့ ဥက္ကဋ္ဌဖြစ်ပြီး သူ့ကို စက်တင်ဘာလ ၉ ရက် ၂၀၀၈ ခုနှစ်မှာ
ရှဟီးဒ်ပြုခြင်း ခံခဲ့ရပါတယ်။ မိခင်ကတော့ နဝါးဘ်ရှာဟ်မှာပဲ နေထိုင်ပါတယ်။
 သမီး ၃ ယောက်၊ သား ၁ ယောက်ရှိပါတယ်။ အလ္လာဟ်အရှင်မြတ်သည်
ကွယ်လွန်သူရဲ့ အဆင့်အတန်းကို မြှင့်တင်ပေးတော်မူပါစေ။ ကျန်ရစ်သူ
သားသမီးတွေကို သည်းခံနိုင်စွမ်းနှင့် စိတ်ဓာတ်ကြံ့ခိုင်မှု ပေးသနားတော်မူပါစေ။
အရှင်မြတ် သူတို့ကို စောင့်ရှောက်တော်မူပါစေ။ 

သူဟာ ဖခင်ရှဟီးဒ်ဖြစ်ပြီး နောက်မှာ နဝါးဘ်ရှာဟ်မှ ဒီ(လန်ဒန်)ကို
လာခဲ့ပါသေးတယ်။ သူဟာ အလွန် ထက်မြက်တဲ့ ဆရာဝန်တစ်ဦး ဖြစ်ပါတယ်။
နဝါးဘ်ရှာဟ်ခရိုင်မှာလည်း ဆင်းရဲနွမ်းပါးသူတွေကို များစွာ ပြုစုစောင့်ရှောက်
ခဲ့ပါတယ်။ ဒါပေမဲ့ ခရိုင်ရဲ့အခြေအနေ ပျက်ယွင်းမှုကြောင့် ရဗ်ဝါက
“ဖဇ်လေအုမရ်”ဆေးရုံသို့ သူ့ကိုခေါ်လိုက်ရပါတယ်။ လူနာတွေကို ကောင်းမွန်စွာ
ပြုစုဆက်ဆံသူဖြစ်ပါတယ်။ ကွယ်လွန်မယ့်နေ့ ဆေးရုံတက်နေချိန်မှာပင် သူဟာ
လူနာ ၈ဝ လောက်ကို ကြည့်ရှုပေးခဲ့ပါသေးတယ်။ တာဝန်ထမ်းဆောင်လိုစိတ်
ထက်သန်သူ တစ်ယောက်ဖြစ်ပါတယ်။ အလ္လာဟ်အရှင်မြတ်သည် သူ့ရဲ့
အဆင့်အတန်းကို မြှင့်တင်ပေးတော်မူပါစေ။ -အာမီးန်-

Wednesday, February 12, 2014

ပါလစ္စတိုင်းရှိ အဟ်မဒီမွတ်စလင် ၈ ဦးကို အာဏာပိုင်များဖမ်းဆီး



Source/Credit: Ahmadiyya Times
By Imran Jattala | February 11, 2013


ပါလစ္စတိုင်း အဟ်မဒီမွတ်စလင်မများ (၁၉၃၆ ခုနှစ်)
ပါလစ္စတိုင်းရှိ ဒေသဆိုင်ရာ ဥက္ကဌအပါအဝင် အဟ်မဒီမွတ်စလင် ၈ ဦးကို ပီအယ်လ်အို အာဏာပိုင်များက ဖမ်းဆီးလိုက်ကြောင်း သိရသည်။ အကြောင်းမှာ မကြာသေးမီကမှ အဟ်မဒီမွတ်စလင် ဖြစ်လာကြသည့် အဟ်မဒီ ၆ ဦးအပါအဝင် စုစုပေါင်း အဟ်မဒီမွတ်စလင် ၈ ဦးမှာ ပါလစ္စတိုင်း၊ ဟဘ်ရွန်၌ မိမိတို့၏ ယုံကြည်ချက်အား အများသူငှာများထံ ဖြန့်ဖြူးခြင်းကြောင့်ဖြစ်ကြောင်း သိရသည်။

ထို အဟ်မဒီများကို စနေနေ့က ဖမ်းဆီးခဲ့ခြင်းဖြစ်ပြီး ဒေသဆိုင်ရာ အဟ်မဒီမဟုတ်သော မွတ်စလင် မုဖ်သီတစ်ဦး၏ စနက်ကြောင့်ဖြစ်ကြောင်း သိရသည်။ ပါလစ္စတိုင်း၊ ဟဘ်ရွန်တွင် ၁၉၂၀ ပြည့်လွန်နှစ်များ ကတည်းက အဟ်မဒီများ ရှိနေခြင်းဖြစ်ကြောင်း၊ ၄င်းတို့ ၈ ဦးကို ယခုလ ၁၁ ရက်နေ့တွင် ရုံးထုတ်စစ်ဆေးမည်ဖြစ်သော်လည်း နောက်ဆုံးသတင်းအရမူ ရုံးထုတ်မည့်ရက်ကို ရွှေ့ဆိုင်းပြီး ဆက်လက်ဖမ်းဆီးထားဆဲဖြစ်ကြောင်း သိရသည်။

Tuesday, February 11, 2014

စံပြုထိုက်သော အဟ်မဒီ မွတ်စလင်မ်














ဖေဖေါ်ဝါရီလ ၇ ရက်၊ ၂၀၁၄ ခုနှစ် (သောကြာနေ့) တွင် အဟ်မဒီယာမွတ်စလင်မ်အဖွဲ့ကြီး၏ ကမ္ဘာလုံးဆိုင်ရာ ခေါင်းဆောင်မှ ဟောကြားတင်ပြခဲ့သည့် မိန့်ခွန်း (မြန်မာပြန်)

- "ကျွန်ုပ်လာရောက်ရလာခြင်း၏အဓိကရည်ရွယ်ချက်မှာ စစ်မှန်သည့် "မို့အ်မင်န်"
(ယုံကြည်သူ)တို့၏ ဂျမာအတ်တစ်ခုကို မွေးဖွားပေးရန်ဖြစ်သည်။"
- "သိမှတ်ကြကုန်။ ညီညွတ်ခြင်းသည် တစ်ခုသော တန်ခိုးပြာဋိဟာ ဖြစ်၏။
မှတ်သားကြကုန်။ အသင်တို့အနက် တစ်ဦးချင်းစီက မိမိနှစ်သက်သော အရာကို
မိမိညီနောင်အတွက် နှစ်သက်ခြင်းမရှိပါက ထိုသူသည် ကျွန်ုပ်၏ ဂျမာအတ်
အတွင်းမှမဟုတ်။ သူသည် ဘေးအန္တရာယ်နှင့် ဒုက္ခအတွင်း၌ရှိပြီး နိဂုံးကောင်း
မည်မဟုတ်ချေ။"
- "အကြင်သူသည် စာနာထောက်ထားမှုကို စွန့်လွှတ်လိုက်ပါက ထိုသူသည်
သာသနာကို စွန့်ခြင်းသာဖြစ်၏။"
- "အကြင်သူသည် လူတစ်ဦးဦးအား အကြောင်းမဲ့ သတ်ဖြတ်ခြင်းပြုသော် သူသည်
လူသားထုတစ်ရပ်လုံးကို သတ်ဖြတ်လိုက်ခြင်းပင် ဖြစ်၏။ ထိုနည်း တူစွာပင်
ကျွန်ုပ်ပြောလိုသည်ကား အကယ်၍ တစ်စုံတစ်ဦးသည် မိမိညီနောင်အား စာနာ
ထောက်ထားမှုမပြုပါလျှင် တစ်နည်းအားဖြင့် သူသည် လူသားထုတစ်ရပ်လုံး
အပေါ် စာနာထောက်ထားမှုကင်းမဲ့ခြင်းသာ ဖြစ်၏။"
- "အသင်တို့သည် အစ္စလာမ်သာသနာတော်အား ကူညီပံ့ပိုးလိုပြီး အလုပ်အကျွေး
ပြုလိုကြသည်ဆိုပါမူ ဦးစွာ အသင်တို့ကိုယ်တိုင်က "တက္ကဝါ" (ဖြူစင်ဖြောင့်မတ်
ခြင်း)နှင့် စင်ကြယ်ခြင်းတရားများကိုကျင့်သုံးဆောက်တည်ကြကုန်။"
- "အကယ်၍ မည်သူမဆို ဤအသင်းတော်အတွင်းသို့ ဝင်ရောက်ပြီးပါလျက်နှင့်
အသင်းတော်၏ရည်ရွယ်ချက်များကို ဖြည့်ဆည်းခြင်းလည်းမပြု၊ ထို့ပြင် မိမိတို့၏
ကျင့်ကြံတည်ဆောက်မှုများဖြင့် စစ်မှန်သည့်ပြုပြင်ပြောင်းလဲမှုကို မပြသပါလျှင်၊
မှတ်သားထားလော့။ ထိုသူသည် ရန်သူတို့၏ဆန္ဒကို ဖြည့်ဆည်းသူ ဖြစ်လိမ့်မည်။
စင်စစ် သူသည် ၎င်း(ရန်သူ)တို့၏ ရှေ့မှောက်တွင် ဖျက်ဆီးခြင်းကို ခံရလိမ့်မည်။"
(ကတိတော်လာမဆီဟ်သခင်)

 တရှာဟွဒ်၊ တအာဝိုဇ်နှင့် စူရာဟ် ဖာတီဟာတို့ကို ဖတ်ရွတ်ပြီးနောက် ...

အပတ်စဉ် စနေနေ့ ညနေတိုင်းမှာ အမ်တီအေ ရုပ်သံလိုင်းမှ ထုတ်လွှင့်နေတဲ့
"ရာဟေဟူဒါ"အစီအစဉ်မှာ အကြောင်းအရာအမျိုးမျိုး၊ ခေါင်းစဉ်အမျိုးမျိုးနဲ့
ပတ်သက်လို့ (အဟ်မဒီယာ)ဂျမာအတ်မှ သာသနာ့ပညာရှင်တွေက ဆွေးနွေး
ဖြေကြားပေးလျက်ရှိပါတယ်။ တယ်လီဖုန်းလိုင်းမှတစ်ဆင့် တိုက်ရိုက်
အမေးအဖြေ အစီအစဉ်လည်းရှိပါတယ်။ အဟ်မဒီယတ်ပြင်ပမှ ပုဂ္ဂိုလ်တွေက
လည်း ဒီအစီအစဉ်မှာ ဝင်ရောက်မေးမြန်းလေ့ရှိပါတယ်။
ပြီးခဲ့တဲ့ "ရာဟေဟူဒါ"အစီအစဉ် တစ်စိတ်တစ်ပိုင်းကို ကျွန်တော်ကြည့်ရှုခဲ့ရ
ပါတယ်။ အဲဒီနေ့က မဆီဟ်မော်အူးဒ်(အ)သခင်ကြီးရဲ့ "အိလ်ဟာမ်"ဗျာဒိတ်
တစ်ခုနဲ့စပ်လျဉ်းလို့ ပြင်ပမှပုဂ္ဂိုလ်တစ်ဦးရဲ့ မေးခွန်းတစ်ခုတက်လာပါတယ်။
မေးခွန်းဆိုပေမဲ့လည်း ဝေဖန်စောဒကပြုချက်လို့ ပြောလို့ရပါတယ်။
ထိုပုဂ္ဂိုလ်က ပဏာမစကားအစချီပြီး အခုလိုပြောခဲ့ပါတယ်။ "အလ္လာဟ်အရှင်
မြတ်ရဲ့မုက္ခပါဌ်တော်ဖြစ်တဲ့ ကျမ်းမြတ်ကုရ်အာန်၊ ပြီးတော့ အချို့သော
ဟဒီးစ်တော်များနဲ့ အခြား သူတော်စင်ပုဂ္ဂိုလ်တွေရဲ့ နှုတ်ထွက်စကားတွေကို
ကျွန်တော်တို့ လေ့လာကြည့်တဲ့အခါ တစ်ခုနှင့်တစ်ခုကြားမှာ ဆက်နွယ်မှုတွေ
ရှိနေတာကို တွေ့ရပါတယ်။" ပြီးနောက် သူက မဆီဟ်မော်အူးဒ်(အ)သခင်ကြီးရဲ့
"အီလ်ဟာမ်"တစ်ခုကိုဖတ်ပြပြီးနောက် ထိုဗျာဒိတ်စကား၌ ဆက်နွယ်မှုမရှိ
ကြောင်း၊ ယင်းကို နားမလည်နိုင်ကြောင်း ပြောခဲ့ပါတယ်။ မည်သို့ဆိုစေ ဒါက
ဝေဖန်စောဒကပြုချက်အသွင်ကို ဆောင်နေပါတယ်။ သူ့ထံမှာ စောဒကပြုလိုတဲ့
ရည်ရွယ်ချက်မရှိဘူးဆိုရင်လည်းပဲ သူ့ရဲ့ မေးမြန်းတဲ့ အသံအနေအထားအရ
အဲဒီလိုပဲ ထင်ရပါတယ်။
မဆီဟ်မော်အူးဒ်(အ)သခင်ကြီးရဲ့ အီလ်ဟာမ် စာသားက -
 "(အူရ်ဒူ) ၁၀ ရက်လွန်ပြီးနောက် ငါအရှင်သည် မိမိ၏ နိမိတ်လက္ခဏာကို
ပြသတော်မူမည်။ (အာရဗီ) သတိပြုလော့၊ အလ္လာဟ်၏ ကူညီဆောင်မမှုသည်
အလွန်နီးကပ်စွာရှိ၏။ ပမာအားဖြင့် သားဖွားခါနီးသည့် ကုလားအုတ်မကဲ့သို့
ဖြစ်သည်။ (အင်္ဂလိပ်) ထို့နောက်တွင် အသင်သည် အမရစ်ဆာ(မြို့)သို့
သွားရမည်။"

ဒီမေးခွန်းနဲ့ပတ်သက်လို့ ပညာရှင်တွေက အကျဉ်းချုံးပြီးဖြေကြားခဲ့ကြပါတယ်။
သို့သော် ကျွန်တော့်အနေနဲ့ ဒါနဲ့ပတ်သက်လို့ မဆီဟ်မော်အူးဒ်(အ)သခင်ကြီးရဲ့
ရှင်းလင်းမိန့်ကြားချက်များဖြင့် အကျယ်တဝင့်ရှင်းပြဖို့ လိုအပ်မယ်လို့
ယူဆပါတယ်။ ဒီလိုအားဖြင့် အခြားသော ဝေဖန်စောဒကပြုလိုသူတွေနဲ့
ကျွန်တော်တို့ဂျမာအတ်အတွင်းက ပညာနုနယ်တဲ့ လူငယ်တွေအဖို့ အထက်က
မေးမြန်းသူရဲ့ အနေအထားကြောင့် တွေဝေမသွားစေဖို့ ဖြစ်ပါတယ်။ ဒါမျိုး
မေးခွန်းတွေကို ပြင်ပပုဂ္ဂိုလ်တွေက "ရာဟေဟူဒါ"အစီအစဉ်မှာ မကြာခဏ
မေးမြန်းတတ်ပါတယ်။ ဂျမာအတ်ရဲ့ပညာရှင်တွေကလည်း တစ်ထိုင်တည်း
အဖြေပေးခဲ့တာမျိုးလည်းရှိသလို၊ အချို့ အကျယ်တဝင့် ရှင်းလင်းဖို့လိုအပ်တဲ့
အခါ နောက်အစီအစဉ်တစ်ခုမှာ (ပြည့်ပြည့်စုံစုံ) ဖြေကြားတတ်ပါတယ်။
ဒီလိုကြောင့်ပဲ ပြင်ပပုဂ္ဂိုလ်တွေရဲ့ မေးမြန်းမှုတိုင်း၊ စောဒကပြုချက်တိုင်းအတွက်
ခွတ္တဘာမိန့်ခွန်းတိုင်းမှာ ကျွန်တော့်ဘက်က ဖြေကြားဖို့မလိုအပ်ခဲ့ပါဘူး။
ဒီလိုရှိပေမဲ့လည်း ယခုအကြောင်းအရာနဲ့ပတ်သက်လို့ ကျွန်တော့်ဘက်က
ရှင်းလင်းတင်ပြရခြင်းအကြောင်းက ပြီးခဲ့တဲ့ ခွတ္တဘာတွေမှာ အစဉ်အဆက်
တင်ပြလာခဲ့တဲ့ အကြောင်းအရာတွေနဲ့ ဆက်နွယ်နေတာကြောင့် ဖြစ်ပါတယ်။
မဆီဟ်မော်အူးဒ်(အ)သခင်ကြီးရဲ့ သက်သေလက္ခဏာတွေ၊ အလ္လာဟ်အရှင်မြတ်ရဲ့
ထောက်ခံအားပေးမှုတွေဟာ အရေအတွက်အလွန်များပြားစွာဖြင့် ကျွန်တော်တို့
ထံမှာရှိနေပြီး အဲဒါရဲ့ အစိတ်အပိုင်းကလေးတစ်ခုမျှလောက်တောင် ဆန့်ကျင်သူ
တွေထံမှာမရှိပါဘူး။ မဆီဟ်မော်အူးဒ်(အ)သခင်ကြီးရဲ့ အီလ်ဟာမ်ဗျာဒိတ်နဲ့
စပ်လျဉ်းလို့ ထိုမေးမြန်းသူက ပြောင်လှောင်သရော်စရာအသွင်မျိုး ပြုလုပ်ဖို့
ကြိုးစားခဲ့ပါတယ်။ တကယ်တော့ သခင်ကြီးက ဒီ အီလ်ဟာမ်စာသားကို
"ဘရာဟီနေအဟ်မဒီယာ"ကျမ်းမှာ မိမိရဲ့မှန်ကန်မှုအတွက် သက်သေလက္ခဏာ
 အဖြစ်တင်ပြထားပါတယ်။ ထိုနည်းတူစွာပဲ ဒီဗျာဒိတ်ကို "တာဇ်ကီရာ"ကျမ်းမှာ
လည်း ဖော်ပြထားပါတယ်။

မည်သို့ဆိုစေ မေးမြန်းသူရဲ့ မေးခွန်းအရ သူဟာ အနည်းဆုံးတော့ "တာဇ်ကီရာ"
ကျမ်းကို ဖတ်ထားတယ်လို့ ခန့်မှန်းလို့ရပါတယ်။ ဒါပေမဲ့ အထက်အောက်
စာသားတွေကို မဖတ်တာပဲလား၊ ဒါမှမဟုတ် ရှုပ်ထွေးသွားစေဖို့အတွက်
သိလျက်နဲ့တမင် ချန်ခဲ့တာလားဆိုတာ မပြောတတ်ပါဘူး။ ဘရာဟီနေ
အဟ်မဒီယာကျမ်းမှာလည်း ထိုဗျာဒိတ်အကြောင်းကိုပဲ ဖော်ပြထားပါတယ်။
အဲဒီကျမ်းကလည်း သေသေချာချာ အာရုံစိုက်ပြီး ဖတ်ရတဲ့ စာအုပ်ဖြစ်ပါတယ်။
ကျွန်တော် ယူဆရသလောက်တော့ မေးမြန်းသူပုဂ္ဂိုလ်ထံမှာ ဒီလောက်
အရည်အချင်း မရှိနိုင်ပါဘူး။ မည်သို့ဆိုစေ မူရင်းစာသားကို တင်ပြလိုက်ပါ့မယ်။
၁၈၈၂ ခုနှစ်က ဖြစ်ရပ်တစ်ခု ဖြစ်ပါတယ်။ ဟာဇရတ် မဆီဟ်မော်အူးဒ်(အ)
သခင်ကြီး မိန့်ကြားတော်မူသည်မှာ-
"မကြာမြင့်မီကပင် တစ်ကြိမ်၌ အလွန် ငွေလိုအပ်နေသော အကြပ်အတည်းနှင့်
ရင်ဆိုင်ခဲ့ရသည်။ ကျွန်ုပ်နှင့်အတူနေသော အာရီယာအုပ်စုကလည်း ကျွန်ုပ်၏
လိုအပ်ချက်နှင့်စပ်လျဉ်း၍ ကောင်းစွာသိကြ၏။ ထို့အတွက်ကြောင့် ကျွန်ုပ်၏
စိတ်၌ အခက်အခဲများပြေလည်စေရေးအတွက်အလ္လာဟ်အရှင်မြတ်ထံတော်တွင်
ဒိုအာပြုလုပ်ရန် ရုတ်တရက် စိတ်အားတစ်ခု ပြင်းထန်စွာဖြစ်ပေါ်လာခဲ့၏။
ထိုသို့ ဒိုအာဆုတောင်းမှုအားဖြင့် တစ်ဖက်တွင် ကျွန်ုပ်၏ အခက်အခဲများ
ပြေလည်သွားစေရန်နှင့် အခြားတစ်ဖက်တွင် ဆန့်ကျင်သူတို့အဖို့ အလ္လာဟ်
အရှင်မြတ်ထံတော်မှ (ကျွန်ုပ်အား)ထောက်ခံအားပေးမှုဆိုင်ရာ သက်သေလက္ခ
ဏာတစ်ရပ် ပေါ်လွင်ထင်ရှားလာစေရန်ဖြစ်သည်။ ထိုသက်သေလက္ခဏာ
မှာလည်း ယင်း၏ မှန်ကန်ပြည့်စုံခြင်းအတွက် (ဆန့်ကျင်)သူတို့ကိုယ်တိုင်က
သက်သေဖြစ်သွားကြရမည်။ ဤသို့ဖြင့် ထိုနေ့မှာပင် ဒိုအာဆုတောင်းခဲ့၏။
အရှင်မြတ်ထံတော်မှ သက်သေလက္ခဏာအဖြစ် ငွေကြေးကူညီမှုဆိုင်ရာ
သတင်းတစ်ရပ်ကိုပေးပါရန် တောင်းခံခဲ့သည်။ ထိုအချိန်၌ ယခုကဲ့သို့
"အီလ်ဟာမ်"ဗျာဒိတ်ရရှိခဲ့ပေသည်။"

ဒီဗျာဒိတ်တော်နဲ့စပ်လျဉ်းလို့ မဆီဟ်မော်အူးဒ်(အ)သခင်ကြီး ကိုယ်တိုင်က ယခုလို
ရှင်းလင်းမိန့်ကြားတော်မူခဲ့ပါတယ်။
"(၁၀)ရက်ကြာပြီးနောက် (လိုအပ်သော)ငွေ ရောက်လာလိမ့်မည်။ အလ္လာဟ်၏
ကူညီဆောင်မမှုသည် အနီးဆုံး၌ရှိတော်မူ၏။ ကုလားအုတ်မသည် သားဖွားရန်
အမြီးကိုမြှောက်လိုက်သည့်အခါ ကုလားအုတ်သားငယ်သည် ပေါက်ဖွားလာရန်
နီးကပ်ပြီဖြစ်သည်ကိုသိနိုင်သကဲ့သို့ အလ္လာဟ်အရှင်မြတ်၏ ကူညီစောင်မမှုသည်
လည်း နီးကပ်စွာရှိတော်မူ၏။ ထို့နောက် အင်္ဂလိပ်စာသားတွင် အရှင်မြတ်
မိန့်ကြားတော်မူသည်မှာ-"(၁၀)ရက်လွန်ပြီးနောက် ငွေရောက်လာသည့်အခါ
အသင်သည် အမရစ်ဆာ(မြို့)သို့လည်း သွားရဦးမည်။"
ကြိုတင်ဗျာဒိတ်၌လာရှိချက်အတိုင်းပင် ဟိန္ဒူများ၊ ဆိုလိုသည်မှာ အာရီယာများ
ရှေ့မှောက်မှာပင် ထိုဖြစ်ရပ်သည် ပေါ်ပေါက်လာခဲ့သည်။ ကြိုတင်ဗျာဒိတ်၏
အလိုသဘောအတိုင်းပင် ၁၀ ရက် ကြာသည့်တိုင်အောင် ခြူးတစ်ပြားမျှ
ရောက်မလာခဲ့ချေ။ (၁၀)ရက်လွန်ပြီး (၁၁)ရက်မြောက်နေ့တွင် မိုဟမ္မဒ်
အဖ်ဇလ်ခန်(အကောက်ခွန်အရာရှိ)ထံမှ ရူပီငွေ ၁၁၀ ပို့လိုက်သည်။ ထို့ပြင်
အခြားတစ်နေရာမှ ရူပီငွေ ၂၀ ရလိုက်သည်။ ထို့နောက် ပုံမှန် အဆက်မပြတ်
ငွေကြေးများရောက်လာခဲ့ပြီး ယင်းကို ယခင်က မျှော်လင့်မထားခဲ့ချေ။ ထိုသို့
၁၀ ရက် လွန်ပြီးနောက် မိုဟမ္မဒ်အဖ်ဇလ်ခန် အစရှိသော ပုဂ္ဂိုလ်အသီးသီးထံမှ
ငွေကြေးများ ရောက်လာခဲ့သည့် ထိုနေ့မှာပင် အမရစ်ဆာသို့လည်း သွားရန်
အကြောင်းပေါ်လာ၏။ (အမှုတစ်ခုအတွက်)သက်သေထွက်ဆိုပေးရန် ထိုနေ့မှာ
ပင် အမရစ်ဆာမြို့ တရားရုံးတစ်ခုက ကျွန်ုပ်အမည်ဖြင့် ဆင့်ခေါ်စာတစ်စောင်
ရောက်လာသည်။"
(ဘရာဟီနေအဟ်မဒီယာ၊ အတွဲ-၄၊ စာ- ၄၆၈-၄၇၀၊ ထပ်ဆင့် အောက်ခြေမှတ်စု-၃)
တစ်ဖန် ထိုဗျာဒိတ်တော်အားဖြင့် အခြားနိမိတ်လက္ခဏာတစ်ခုလည်း ပေါ်လွင်
ထင်ရှားခဲ့ကြောင်း သခင်ကြီးက အခုလို မိန့်ကြားတော်မူခဲ့ပါတယ်။
 "များမကြာမီကပဲ ...ဟာဖီဇ်၊ ဟာဂျီတစ်ဦးဖြစ်သူ နူးရ်အဟ်မဒ်အမည်ရှိသည့်
ပုဂ္ဂိုလ်တစ်ဦး၊ သူသည် အာရဗီစာပေ တတ်ကျွမ်းသူလည်း ဖြစ်နိုင်သည်။
ကျမ်းမြတ်ကုရ်အာန် သင်ကြားပို့ချသူတစ်ဦးဖြစ်သည်။ အထူးသဖြင့် သူသည်
အမရစ်ဆာတွင် နေထိုင်သည်။ တစ်ခါတွင် သူက "ဒရ်ဝေ့ရှ်"(ပသီဘုန်းကြီး)
ဘ၀ဖြင့် လှည့်လည်ရင်း ဤနေရပ်(ကာဒီယာန်)သို့လည်း ရောက်လာဖူးသည်။
ကျွန်ုပ်ထံ၌ပင် တည်းခိုနေထိုင်ခဲ့သည်။ သူက ကျွန်ုပ်အား အီလ်ဟာမ်ဗျာဒိတ်နှင့်
စပ်လျဉ်း၍ "အီလ်ဟာမ်"ဆိုသည်မှာ လူသား၏ဦးနှောက်၌ ဖြစ်ပေါ်တတ်သော
အတွေးစိတ်ကူးတို့၏အမည်သာဖြစ်ကြောင်း သူ၏စိတ်၌ရှိသော လွဲမှားသည့်
အတွေးအမြင်ကို အတိအလင်း ပြောဆိုခဲ့၏။ ထိုစကားကြောင့် ကျွန်ုပ်၏စိတ်၌
အလွန်ထိခိုက်ခဲ့ရသည်။ သူ၏ဆရာသမားက "ဝလီသူတော်စင်တို့၏
အီလ်ဟာမ်များနှင့်စပ်လျဉ်း၍ သံသယရှိကြောင်း" သူ့အား ပြောဆိုလေ့ရှိခဲ့သည်။
ထို့ကြောင့် တပည့်ဖြစ်သူ နူးရ်အဟ်မဒ်ထံတွင်လည်း ထိုအယူအဆ၏
သက်ရောက်မှုများက ရှိနေပေသည်။

သူ့အား ယုတ္တိဗေဒနည်းကျ ဘက်ပေါင်းစုံမှ ရှင်းလင်းပြောပြခဲ့၏။ သို့သော်
မည်သို့မျှ အကြောင်းမထူးခဲ့ချေ။ နောက်ဆုံးတွင် အလ္လာဟ်အရှင်မြတ်ထံ၌
အာရုံပြုရသည့်အဆင့်ထိ ရောက်သွားတော့၏။ ထိုသည့်နောက် ရှေ့ဖြစ်နိမိတ်
စကား မကျရောက်မီကပင် သူ့အား ကျွန်ုပ်သည် အလ္လာဟ်အရှင်မြတ်ထံ
တော်တွင် ဒိုအာဆုတောင်းမှုပြုမှာဖြစ်ကြောင်း၊ ထိုသည့် ဒိုအာဆုတောင်းသည်
နှစ်သက်လက်ခံခြင်းခံရသော အဆင့်သို့တိုင်ရောက်ရှိလျက် အသင်ကိုယ်တိုင်က
မျက်စိဖြင့်တပ်အပ်မြင်တွေ့နိုင်လောက်သော ကြိုတင်ဗျာဒိတ်တစ်ရပ်ကို အရှင်
မြတ်သည် ထုတ်ပြန်တော်မူမှာဖြစ်ကြောင်း တင်ကူးပြောကြားခဲ့သည်။
သို့ဖြစ်ရာ ထိုသည့်ည၌ ဤရည်ရွယ်ချက်အတွက် တန်ခိုးတော်အနန္တအရှင်
အလ္လာဟ်အရှင်မြတ်ထံတော်တွင် ဒိုအာပြုဆုပန်ခဲ့၏။ နံနက်မိုးသောက်ချိန်တွင်
"ကရှ်ဖ်"(ရူပါယုံမြင်ကွင်း)၌ လူတစ်ဦးထံမှ စာတိုက်မှတစ်ဆင့်ပို့လိုက်သော
စာတစ်စောင်ကို ပြသခြင်းခံရ၏။ ထိုစာ၌ အင်္ဂလိပ်ဘာသာစကားဖြင့်
ရေးသားထားသည်မှာ-  (I am quarreler.)

 ထို့နောက် အာရဗီဖြင့် ရေးသားထားသည်မှာ-
တစ်ဖန် ဤစကားလုံးများကို ဗျာဒိတ်အားဖြင့် ကျွန်ုပ်အား ကြားစေခဲ့သည်။
ထို့နောက် မြင်ကွင်းမှာ ကွယ်ပျောက်သွားခဲ့သည်။
ကျွန်ုပ်မှာ အင်္ဂလိပ်ဘာသာစကားကို မတတ်ကျွမ်းသည်ဖြစ်၍ နံနက်မိုးသောက်
ချိန်တွင် ဦးစွာ မီယာန်နူးရ်အဟ်မဒ်ဆာဟိဘ်အား ဤရူပါယုံမြင်ကွင်း၊
ဗျာဒိတ်တို့နှင့်စပ်လျဉ်း၍ သတင်းပေးခဲ့ပြီး မကြာမီရောက်ရှိလာမည့်
စာတစ်စောင်နှင့်ပတ်သက်၍ သိစေခဲ့သည်။ ထို့နောက် တစ်ဆက်တည်းမှာပင်
အင်္ဂလိပ်စာတတ် ပုဂ္ဂိုလ်တစ်ဦးထံတွင် ဗျာဒိတ်ပါ အင်္ဂလိပ်စာသားကို
မေးမြန်းခဲ့သည်။ အဓိပ္ပာယ်သိရသည်မှာ "ငါသည် ရန်ဘက်ပြုသူဖြစ်၏။"
ထို့ကြောင့် ဤသည့် သေးငယ်သောစာသားအရ ပြဿနာတစ်စုံတစ်ရာနှင့်
ပတ်သက်၍ စာတစ်စောင်စောင် ရောက်လာတော့မည်ဆိုသည်ကို သိလိုက်ရ
သည်။ တစ်ဖန် စာရေးသူထံမှ ဒုတိယဝါကျဖြစ်သော
(ဤသည် ကြေမွကွဲထွက်သွားစေမည့် သက်သေဖြစ်သည်)ဆိုသည့် စာသားအရ
စာရေးသူသည် အမှုတစ်ခုအတွက် သက်သေလိုအပ်၍ ရေးသားလိုက်ခြင်း
ဖြစ်ကြောင်း အဓိပ္ပာယ်ပေါ်လွင်ပေသည်။
ထိုနေ့၌ မိုးတိမ်များ မည်းတက်လာသည့်အတွက် ဟာဖီဇ်နူးရ်အဟ်မဒ်သည်
အမရစ်ဆာမြို့သို့ မသွားနိုင်ဘဲဖြစ်ခဲ့သည်။ အကယ်စင်စစ် ကောင်းကင်နိမိတ်
တစ်ခုဖြင့် သူ့အား ဟန့်တားခံရခြင်းဖြစ်ပြီး ဤသည်မှာလည်း ဒိုအာဆုတောင်း
ပြည့်၀ခြင်းအတွက် သက်သေတစ်ခုဖြစ်သည်။ ကြိုတင်ဗျာဒိတ်ပြည့်စုံလာသည်
ကို သူကိုယ်တိုင် မျက်စိဖြင့်တပ်အပ်မြင်တွေ့နိုင်စေရန် အလ္လာဟ်အရှင်မြတ်ထံ
တော်တွင် ဒိုအာဆုတောင်းခဲ့သည့်အတိုင်းပင်ဖြစ်ခဲ့ပေသည်။ ဤသို့ဖြင့် ကြိုတင်
ဗျာဒိတ်ပါ အကြောင်းအရာအားလုံးကို ပြောပြခဲ့၏။ ညနေ၌ သူ့ရှေ့မှာပင်
"စဖီရေဟင့်န်ဒ်"ပုံနှိပ်တိုက်မှ ခရစ်ယာန်ဘုန်းကြီး ရဂျဗ်အလီဆာဟိဘ် ထံမှ
"ရီဂျစ္စတာ"လုပ်ပြီး ပို့လိုက်သောစာတစ်စောင် အမရစ်ဆာရ်မြို့မှ ရောက်လာ
သည်။ ယင်းအားဖြင့် (ပုံနှိပ်တိုက်ပိုင်ရှင်) ခရစ်ယာန်ဘုန်းကြီးက  လက်ရေးစာစီ
သမားကို တရားရုံးတွင် အမှုဆွဲဆိုခဲ့ပြီး ကျွန်ုပ်အား အဖြစ်အပျက်တစ်ခုနှင့်
စပ်လျဉ်း၍ သက်သေအဖြစ် ဖော်ပြခဲ့ကြောင်းသိရသည်။ ယင်းနှင့်အတူ
ရုံးမှဆင့်စာတစ်စောင်လည်း ရောက်လာ၏။ ထိုစာရောက်လာပြီးနောက်
ရူပါယုံမြင်ကွင်း၌ မြင်ခဲ့ရသော  (ဤသည် အစိတ်စိတ်
ကွဲကြေစေမည့် သက်သေပြုချက်ဖြစ်သည်)ဆိုသည့် စာသားအရ "စဖီရေဟင့်န်ဒ်"
ပုံနှိပ်တိုက်ပိုင်ရှင်က ကျွန်ုပ်၏ သက်သေသည် တကယ့်ဖြစ်ရပ်နှင့် လုံးဝထပ်တူ
အမှန်ဖြစ်လိမ့်မည်။ ထို့ပြင် လင်းဝင်းထင်ရှားလျက်၊ မှန်ကန်ပြည့်စုံပြီး ယုံကြည်
စိတ်ချတန်ဖိုးထားအပ်သည်ဖြစ်၍ ယင်းသို့ သက်သေထွက်ဆိုချက်သည်
တစ်ဖက်လူကို လုံး၀ ရှုံးနိမ့်သွားစေမည်ဟူ၍ သူသည် အပြည့်အဝ ယုံကြည်
ထားကြောင်း (အီလ်ဟာမ်ဗျာဒိတ်ပါစာသားအရ) သိရပေသည်။ ထိုသည့်
အတွက်ကြောင့်လည်း ပုံနှိပ်တိုက်ပိုင်ရှင်က ကျွန်ုပ်ကို သက်သေလိုက်ရန်
ဆင့်ခေါ်လျက် အခက်တွေ့စေခဲ့သည်။

ထိုမျှမက တိုက်ဆိုင်စွာပင် ကြိုတင်ဗျာဒိတ်ပြည့်စုံသောနေ့၊ အမရစ်ဆာမြို့သို့
သွားရန် အကြောင်းပေါ်လာသည့်အခါ ထိုနေ့မှာပင် ကြိုတင်ဗျာဒိတ်၏
ပထမပိုင်း ပြည့်စုံသည့်နေ့လည်း ဖြစ်သည်။ ဤသို့ဖြင့် ကြိုတင်ဗျာဒိတ်၏
ပထမပိုင်းသည်လည်း မီယာန်နူးရ်အဟ်မဒ်၏ ရှေ့မှောက်မှာပင် ပြည့်စုံခဲ့သည်။
ဆိုလိုသည်မှာ ထိုသည့်နေ့၊ ၁၀ ရက်လွန်ပြီး နောက်တစ်နေ့မှာပင် ပိုက်ဆံ
ရောက်လာ၏။ အမ်ရစ်ဆာရ်မြို့သို့လည်း သွားခဲ့ရ၏။  ""
(ဘရာဟီနေအဟ်မဒီယာ၊ အတွဲ-၄၊ စာ- ၄၇၁-၄၇၄၊ ထပ်ဆင့် အောက်ခြေမှတ်စု-၃)
သက်သေလက္ခဏာများနဲ့စပ်လျဉ်းလို့ ယနေ့ ဒီလောက်ပဲ တင်ပြလိုပါတယ်။
"ရာဟေဟူဒါ"အစီအစဉ်မှာ မေးလာတဲ့ မေးခွန်းတစ်ခုကြောင့် တင်ပြလိုက်ရခြင်း
ဖြစ်ပါတယ်။ အင်ရှာအလ္လာဟ်- သက်သေလက္ခဏာများအကြောင်းကို
နောင်မှာလည်း တင်ပြသွားဦးမှာ ဖြစ်ပါတယ်။
အဲဒီနောက် ကျွန်တော့်အနေနဲ့ မဆီဟ်မော်အူးဒ်(အ)သခင်ကြီးက မိမိ ဂျမာအတ်
အဖွဲ့ဝင်များရဲ့ လက်တွေ့ပိုင်းအခြေအနေနဲ့စပ်လျဉ်းလို့ သောကဖြစ်ခဲ့ရတဲ့
 အကြောင်းကို သခင်ကြီးရဲ့ မိန့်ကြားချက် အချို့ဖြင့် တင်ပြပါ့မယ်။ သခင်ကြီးရဲ့
သွန်သင်ဆုံးမမှုတွေနဲ့ မျှော်လင့်ထားမှုတွေကို မတင်ပြမီမှာ ဟာဇရတ် မီရ်ဇာ
ဘရှီးရ်အဟ်မဒ်(ရဒီ)က "ဆီရတွလ်မဟ်ဒီ"စာအုပ်မှာ မှတ်တမ်းတင်ထားတဲ့
အဖြစ်အပျက်တစ်ခုကို ဖတ်ကြားပြပါ့မယ်။

အဟ်မဒီယာဂျမာအတ်မှာ အလ္လာဟ်အရှင်မြတ်ရဲ့"ဖဇလ်"ကျေးဇူးတော်ကြောင့်
ခေတ်ကာလရှိ ခလီဖာက အကြောင်းအရာတစ်ခုခုဘက်သို့ အာရုံစူးစိုက်လျက်
နှိုးဆော်မှုပြုတဲ့အခါ၊ အကယ်၍ ဒီနှိုးဆော်မှုက ပြုပြင်တည့်မတ်ရေးအပိုင်းနဲ့
ဆက်နွယ်တယ်ဆိုရင် ဂျမာအတ်ရဲ့အစိတ်အပိုင်းအများစုက ပြုပြင်တည့်မတ်မှု
ဘက်သို့ အာရုံဖြစ်ပေါ်လာပါတယ်။ ကျွန်တော့်ထံသို့ ရောက်ရှိလာတဲ့
စာတွေအားဖြင့်လည်း ဒါကို ခန့်မှန်းသိရှိရပါတယ်။ တစ်ဖန် ခေလာဖတ်အတွက်
အလ္လာဟ်အရှင်မြတ်က ချီးမြှင့်ထားတဲ့ ကူညီသူတွေကလည်း အချို့သော
အကိုးအကားတွေကို ရှာဖွေလျက်ပေးပို့တတ်ပါတယ်။ အဲဒီ အကိုးအကားတွေ
ဟာ ယခင်က ဖတ်ရှုပြီးဖြစ်ပေမဲ့လည်း တစ်ခါတစ်ရံ ရှာမတွေ့ဘဲ ဖြစ်တတ်ပါ
တယ်။ မဆီဟ်မော်အူးဒ်(အ)သခင်ကြီးဟာ ဂျမာအတ်အတွက် ပူပင်သောကဖြစ်ရ
ပုံနဲ့ ပတ်သက်လို့ "ဆီရတွလ်မဟ်ဒီ"ထဲမှ ယခု ကျွန်တော်ဖတ်ကြားတင်ပြမယ့်
ကိုးကားချက်ကလည်း ကျွန်တော်တို့ရဲ့ မိုရဗ္ဗီ(သာသနာပြု)တစ်ဦးက ကျွန်တော့်
ထံသို့ ပေးပို့လိုက်တာဖြစ်ပါတယ်။ သူက "သခင်ကြီးက ခွတ္တဘာ မိန့်ခွန်းတွေမှာ
လက်တွေ့ပြုပြင်တည့်မတ်မှုဆိုင်ရာ အကြောင်းအရာတွေကို မိန့်ကြားလျက်ရှိတာ
ကြောင့် မဆီဟ်မော်အူးဒ်(အ)သခင်ကြီး သောကဖြစ်ရတဲ့အကြောင်းတစ်ခုကို
လည်း တင်ပြအပ်ပါတယ်"ဆိုပြီး စာရေးသားပေးပို့လိုက်ပါတယ်။ အလ္လာဟ်
အရှင်မြတ် သူ့ကို အကျိုးဆုလာဘ် ပေးသနားတော်မူပါစေ။
မီရ်ဇာဘရှီးရ်အဟ်မဒ်ဆာဟိဘ်(ရဒီ)က "ဆီရတွလ်မဟ်ဒီ"ကျမ်းမှာ အဖြစ်အပျက်
တစ်ခုကို ဖော်ပြထားပါတယ်။ "ကျွန်ုပ်ကို မော်လဝီ မိုဟမ္မဒ်ဆရ်ဝရ်ရှားဟ်
ဆာဟိဘ်က ပြောပြပါတယ်။ တစ်ခါမှာ ကိစ္စတစ်ခုနဲ့ပတ်သက်ပြီး
မီးရ်နာဆီရ်နဝါဘ်ဆာဟိဘ်နဲ့ မော်လဝီမိုဟမ္မဒ်အလီဆာဟိဘ်တို့ သဘောထား
ကွဲလွဲခဲ့ကြပါတယ်။ မီးရ်ဆာဟိဘ်က စိတ်ဆိုးလျက် ထိုအကြောင်းကို သခင်ကြီး
ထံမှာ တင်ပြခဲ့ပါတယ်။ ဒါကို မော်လဝီ မိုဟမ္မဒ်အလီဆာဟိဘ်က သိသွားတဲ့
 အခါ သူက မဆီဟ်မော်အူးဒ်(အ)သခင်ကြီးထံမှာ လျှောက်ထားတာက
"ကျွန်တော်တို့ဟာ သခင်ကြီးကြောင့် ဒီအရပ်ဒေသကို လာခဲ့ရခြင်းဖြစ်ပါတယ်။
ဒီလိုအားဖြင့် သခင်ကြီးရဲ့ထံတော်ပါးမှာ နေထိုင်လျက် သာသနာ့အလုပ်အကျွေး
ပြုဖို့ အခွင့်အလမ်း ရလိုတာကြောင့်ဖြစ်ပါတယ်။ ဒါပေမဲ့ အကယ်၍
ကျွန်တော်နဲ့ပတ်သက်လို့ သခင်ကြီးထံမှာ အခုလိုမျိုး တိုင်ကြားချက်တွေသာ
ရောက်နေမယ်ဆိုရင် သခင်ကြီးကလည်း လူသားပါပဲ။ တစ်ကြိမ်ကြိမ်
သခင်ကြီးရဲ့စိတ်ထဲမှာ ကျွန်တော်နဲ့ပတ်သက်လို့ အထင်လွဲသွားနိုင်ပါတယ်။
ဒီလိုဆိုရင်တော့ ကျွန်တော့်အဖို့ ကာဒီယာန်သို့လာရောက်ခြင်းဟာ အကျိုးမများ
တော့ဘဲ ဆုံးရှုံးမှုသာ ဖြစ်ရတော့မှာပဲ။"

ဒီအခါမှာ သခင်ကြီးက မိန့်ကြားတော်မူတယ်။ "မီးရ်ဆာဟိဘ်က ကျွန်ုပ်ကို
တစ်ခုခုတော့ ပြောခဲ့ပါတယ်။ ဒါပေမဲ့ ထိုအချိန်က ကျွန်ုပ်ဟာ မိမိရဲ့
အတွေးထဲမှာ ဘယ်လောက်တောင် နစ်နေခဲ့သလဲဆိုရင် အလ္လာဟ်အရှင်
မြတ်ကို သက်သေထားကျိန်ဆိုပြီး ကျွန်ုပ်ပြောမယ်။ ထိုအချိန်က မီးရ်ဆာဘ်ဟာ
ဘာတွေပြောသွားသလဲ၊ ဘာတွေမပြောသွားဘူးလဲဆိုတာကိုတောင် ကျွန်ုပ်မသိ
ဘူး။" ထို့နောက် သခင်ကြီးက ဆက်လက်မိန့်ကြားတော်မူတယ်။ "အတွေးတစ်ခု
ဟာ ရက်အတန်ကြာကတည်းက ကျွန်ုပ်ရဲ့ဦးနှောက်ထဲမှာ အလွန်ပြင်းထန်တဲ့
အရှိန်နဲ့ ပေါ်ပေါက်လျက်ရှိတယ်။ ဒီအတွေးကပဲ ကျွန်ုပ်အား အခြားသော
အကြောင်းကိစ္စအားလုံးကို မေ့သွားစေခဲ့တယ်။ မတ်တပ်ရပ်နေစဉ်၊ ထိုင်နေစဉ်
အချိန်တိုင်းမှာ ထိုသည့်အတွေးသာလျှင် ကျွန်ုပ်ရှေ့မှာ ရှိနေတယ်။ ကျွန်kပ်ဟာ
ပြင်ပမှာ လူတွေနဲ့အတူရောနှောထိုင်နေပြီး လူတစ်ယောက်က ကျွန်ုပ်ကို
စကားတစ်စုံတစ်ရာ ပြောနေချိန်မှာလည်း ကျွန်ုပ်ရဲ့ဦးနှောက်ထဲမှာ ထိုသည့်
အတွေးကသာလျှင် တဝဲလည်လည် လွှမ်းမိုးလျက်ရှိတယ်။ တစ်ဖက်လူကတော့
သူ့ရဲ့စကားကို ကျွန်ုပ်က နားထောင်နေတယ်လို့ ထင်ပါလိမ့်မယ်။ ဒါပေမဲ့
ကျွန်ုပ်ကတော့ ထိုအတွေးထဲမှာသာ နစ်လျက်ရှိပါတယ်။ ကျွန်ုပ် အိမ်၌ရှိစဉ်
အခါမှာလည်း ထိုသည့်အတွေးကသာလျှင် ကျွန်ုပ်နှင့်အတူ ရှိနေတယ်။
အချုပ်ပြောရရင်တော့ ဒီရက်ပိုင်းထဲမှာ အဲဒီအတွေးကပဲ ကျွန်ုပ်ရဲ့
 ဦးနှောက်ထဲမှာ အပြင်းအထန် လွှမ်းမိုးထားတာကြောင့် အခြား ဘာအတွေးမှ
ကျွန်ုပ်ထံမှာရှိမနေနိုင်ပါဘူး။"

တစ်ဖန် သခင်ကြီးက တစ်ဆက်တည်း မိန့်ကြားတော်မူသည်မှာ- "ကျွန်ုပ်ကို
လွှမ်းမိုးထားသည့် အတွေးက ဘာလဲဆိုရင် "ကျွန်ုပ်လာရောက်ရခြင်း၏
အဓိကရည်ရွယ်ချက်မှာ စစ်မှန်သည့် "မို့အ်မင်"(ယုံကြည်သူ)တို့၏ ဂျမာအတ်
တစ်ခုကို မွေးဖွားပေးရန်ဖြစ်သည်။ သူတို့သည် အလ္လာဟ်အရှင်မြတ်အပေါ်
စစ်မှန်သည့် ယုံကြည်မှု ထားရှိသူများဖြစ်ကြရမည်။ အရှင်မြတ်နှင့် စစ်မှန်သော
ဆက်နွယ်မှုတစ်ရပ်ကို တည်ဆောက်ကြရမည်။ အစ္စလာမ်သာသနာကို မိမိတို့၏
လမ်းစဉ်အဖြစ် ပြုလုပ်ကြရမည်။ တမန်တော်မြတ်ကြီး(ဆွ)၏ စံနမူနာများအတိုင်း
လိုက်နာကျင့်သုံးသူများ ဖြစ်ကြရမည်။ ပြုပြင်တည့်မတ်ကြရမည်။ တက္ကဝါ
တရား၏လမ်းပေါ်၌ လျှောက်လှမ်းသူများ ဖြစ်ကြရမည်။ ကိုယ်ကျင့်သိက္ခာ
ပိုင်းအရ မြင့်မားသော စံနမူနာကို တည်ဆောက်ပြသကြရမည်။ တစ်ဖန်
ထိုဂျမာအတ်အုပ်စုအားဖြင့် ကမ္ဘာလောကသည် တရားလမ်းမှန်ကို ရရှိသွားစေရ
မည်။ ဤသို့အားဖြင့် အလ္လာဟ်အရှင်မြတ်၏အလိုတော်သည် ပြည့်စုံလာစေရ
မည်။ အကယ်၍ ဤရည်ရွယ်ချက် မပြည့်ဝခဲ့ပါမူ၊ ကျွန်ုပ်တို့သည် ဆန့်ကျင်
ဘက်ပြုသူ ရန်သူတို့အပေါ် သက်သေသာဓက၊ ကျိုးကြောင်းပြချက်များဖြင့်
အနိုင်ယူလိုက်နိုင်ပြီး သူတို့ကို လုံး၀ဥဿုံ ရှုံးနိမ့်သွားအောင် ပြုလိုက်နိုင်စေ
ကာမူ၊ ထိုသို့ရှိလင့်ကစား ကျွန်ုပ်တို့၏ အောင်နိုင်မှုသည် မည်သို့သော
အောင်မြင်မှုမျှ မဟုတ်သေးချေ။ အကြောင်းမူ ကျွန်ုပ်စေလွှတ်ခြင်းခံရသည့်
အဓိကရည်ရွယ်ချက်သည် ပြည့်စုံခြင်းမရှိခဲ့လျှင် တစ်နည်းအားဖြင့် ကျွန်ုပ်၏
လုပ်ငန်းစဉ်တစ်ခုလုံးသည် အချည်းနှီးသာ ဖြစ်သွားလိမ့်မည်။ ကျွန်ုပ်မြင်နေရ
၏။ သက်သေသာဓက၊ ကျိုးကြောင်းပြချက်များဖြင့် အောင်နိုင်မှုသည် အလွန်
ထင်ရှားလင်းဝင်းစွာဖြင့် နိမိတ်လက္ခဏာများ ပေါ်လွင်ထင်ရှားလျက်ရှိပေ
သည်။ ထို့ပြင် ဆန့်ကျင်သူများဘက်မှလည်း မိမိတို့၏အားနည်းမတတ်သာမှုကို
ခံစားမိလာကြပြီဖြစ်သည်။ သို့သော် ကျွန်ုပ်စေလွှတ်ခြင်းခံရသည့် အဓိက
ရည်ရွယ်ချက်နှင့်ပတ်သက်၍မူ ဂျမာအတ်အတွင်း၌ ယခုတိုင် နည်းပါးလျက်သာ
ရှိသေး၏။ သို့ဖြစ်ရာ များစွာအာရုံစူးစိုက်ရန် လိုအပ်ပေသည်။ ယခုရက်များ၌
 ဤသည့် အတွေးစိတ်ကူးကသာ ကျွန်ုkပ်၏အတွင်း၌ လှိုက်စားလျက် ရှိပေသည်။
ယင်းအတွေးစိတ်ကူးသည် ကျွန်ုပ်အား မည်သည့် အချိန်တွင်မှ အလွတ်မပေးဘဲ
လွှမ်းမိုးထားလျက်ရှိ၏။"

ဒါသာလျှင် သခင်ကြီးအား စိတ်သောကဖြစ်စေခဲ့တဲ့ ခံစားချက်ဖြစ်ပါတယ်။
အဟ်မဒီတစ်ဦးဟာ ဘယ်လိုရှိသင့်သလဲဆိုတာနဲ့ပတ်သက်လို့ သခင်ကြီးက
အခြေအနေအမျိုးမျိုးမှာ ဂျမာအတ်သားတွေကို သွန်သင်ဆုံးမတော်မူခဲ့ပါ
တယ်။ အခြားသော ကျမ်းစာအုပ်များအပြင် သခင်ကြီးရဲ့ စကားဝိုင်းများနဲ့
ပတ်သက်လို့ မှတ်တမ်းတင်ထားတဲ့ "မာလ်ဖူဇာတ်" (အဆိုအမိန့်များ)ကလည်း
ကျမ်းစာအုပ်(၁၀)တွဲရှိပါတယ်။ ဒီ(၁၀)တွဲထဲမှာ မည်သည့်အတွဲကိုပင်
ကြည့်သည်ဖြစ်စေ၊ အဲဒီမှာ ဂျမာအတ်သားတွေထံမှ သခင်ကြီးရဲ့ မျှော်လင့်ချက်၊
ဂျမာအတ်သားတွေကို သွန်သင်ဆုံးမမှု၊ လက်တွေ့ပိုင်းအခြေအနေကို ပြုပြင်
တည့်မတ်မှုများအကြောင်းတွေကို နည်းလမ်းအသွယ်သွယ်၊ ရှုထောင့်အမျိုးမျိုးမှ
သခင်ကြီးက မိန့်ကြားတော်မူခဲ့ပါတယ်။
ထိုမိန့်ကြားချက်များအနက်မှ အနည်းငယ်ကို ယခု တင်ပြပါ့မယ်။ တစ်နေရာ၌
သခင်ကြီး မိန့်ကြားတော်မူသည်မှာ-
"ဂျမာအတ်အတွင်း၌ စုစည်းညီညွတ်မှုရှိရန်နှင့် အချင်းချင်း ချစ်ခင်မှုထားရှိကြ
ရန် ကျွန်ုပ်သည် ယခင်ကလည်း ကြိမ်ဖန်များစွာ ပြောကြားခဲ့ပြီးဖြစ်သည်။
အသင်တို့သည် အချင်းချင်း စုစည်းညီညွတ်စွာဖြင့် စုရုံးလျက်ရှိကြကုန်။
အလ္လာဟ်အရှင်မြတ်သည် မွတ်စလင်မ်တို့အား ဤသို့သာ မိန့်မှာတော်မူ၏။
အသင်တို့သည် စုစည်းညီညွတ်လျက်ရှိသော ရုပ်ခန္ဓာတစ်ခုတည်းပမာ
ရှိကြကုန်။ သို့မဟုတ်ပါက အသင်တို့၏ ဂုဏ်သိက္ခာ ပျက်ပြယ်သွားလိမ့်မည်။
နမာဇ်ဝတ်ပြုသည့်အခါတွင်လည်း တစ်ဦးနှင့်တစ်ဦး ထိကပ်လျက်ရပ်ကြရန်
အမိန့်ပေးရခြင်းအကြောင်းမှာလည်း အချင်းချင်း စည်းလုံးညီညွတ်မှုရှိစေရန်
အတွက်သာဖြစ်၏။ လျှပ်စစ်စွမ်းအင်ကဲ့သို့ တစ်ဦး၏ကောင်းမှုသည် အခြား
တစ်ဦးသို့ ကူးစက်သွားလိမ့်မည်။ အကယ်၍ ကွဲလွဲမှုသာရှိပြီး စည်းလုံးညီညွတ်မှု
မရှိပါလျှင် ကံခေသူများဖြစ်ကြလိမ့်မည်။ တမန်တော်မြတ်ကြီး(ဆွ)က "အချင်းချင်း
 ချစ်ခင်မှု မေတ္တာတရားထားရှိကြကုန်၊ တစ်ဦးနှင့်တစ်ဦး အကွယ်တွင်
ဆုတောင်းပေးကြကုန်။ အကယ်၍ တစ်စုံတစ်ဦးက အခြားတစ်ဦးအတွက်
အကွယ်တွင် ဆုတောင်းပေးသည်ဆိုပါက "ဖရီရှ်တာ"(ကောင်းကင်တမန်)များက
"အသင့် အတွက်လည်း ထိုသို့သာရှိပါစေ"ဟူ၍ ဆုတောင်းပေးကြကုန်၏"ဟု
သွန်သင်မိန့်ကြားတော်မူ၏။ (ခလီဖာသခင်ကြီး မိန့်ကြားတော်မူသည်မှာ-
ကျွန်တော်တို့အတွင်းမှာ မိမိတို့အချင်းချင်း အကွယ်ကနေ အပြန်အလှန်
ဆုတောင်းပေးနေသူတွေ ဘယ်နှစ်ဦးလောက်ရှိသလဲဆိုတာကို တစ်ဦးချင်းစီက
ဆန်းစစ်ကြည့်သင့်ပါတယ်။) ဤသည် အဘယ်မျှ မြင့်မားလိုက်ပါဘိနည်း။
အကယ်၍ လူသား၏ "ဒိုအာ"ဆုတောင်းမှုသည် မပြည့်ဝခဲ့ပါလျှင်လည်း
"ဖရီရှ်တာ" (ကောင်းကင်တမန်)များ၏ "ဒိုအာ"သည် ပြည့်ဝသည်သာ ဖြစ်၏။
ကျွန်ုပ်သည် သွန်သင်မိန့်မှာလို၏။ အချင်းချင်း ကွဲလွဲမှုမဖြစ်ကြကုန်လင့်။
ကျွန်ုပ်သည် အကြောင်းအချက် နှစ်ရပ်ကိုသာ ယူဆောင်လျက် ရောက်ရှိလာ၏။
ပထမသည်ကား- အလ္လာဟ်အရှင်မြတ် တစ်ပါးတည်းတည်တော်မူခြင်း
"တောင်ဟီးဒ်"ကို နှစ်သက်လက်ခံကြစေရန်နှင့် ဒုတိယသည်ကား- အချင်းချင်း
ချစ်ခြင်းမေတ္တာ၊ စာနာထောက်ထားမှုတို့ဖြင့် ဆက်ဆံမှုပြုကြစေရန် ဖြစ်သည်။
အခြားသူများအတွက်"ကရာမတ်"(တန်ခိုးပြာဋိဟာ)အသွင်ဆောင်သော နမူနာကို
ပြသကြကုန်။ ဤသည့် သက်သေသာဓကသည်သာလျှင် "ဆွဟာဘာ"
သာဝကကြီးများ အတွင်း၌ ပေါက်ဖွားခဲ့ခြင်း ဖြစ်သည်။
(အသင်တို့သည် တစ်ဦးနှင့်တစ်ဦး ရန်ဘက်များ
ဖြစ်ခဲ့ကြ၏။ ထိုအရှင်မြတ်သည် အသင်တို့၏ နှလုံးသားများကို အချင်းချင်း
ပေါင်းစည်းညီညွတ်စေတော်မူခဲ့၏။ ၃း၁၀၄)

သိမှတ်ကြကုန်။ ပေါင်းစည်းညီညွတ်ခြင်းသည် တစ်ခုသော တန်ခိုးပြာဋိဟာ
ဖြစ်၏။ မှတ်သားကြကုန်။ အသင်တို့အနက် တစ်ဦးချင်းစီက မိမိနှစ်သက်သော
အရာကို မိမိညီအစ်ကိုအတွက် နှစ်သက်ခြင်းမရှိပါက ထိုသူသည် ကျွန်ုပ်၏
ဂျမာအတ်အတွင်းမှ မဟုတ်ချေ။ သူသည် ဘေးအန္တရာယ်နှင့် ဒုက္ခအတွင်း၌
ရှိ၏။ သူသည် နိဂုံးကောင်းမည်မဟုတ်ချေ။"
 တစ်ဖန် သခင်ကြီး မိန့်ကြားတော်မူ၏။ "မှတ်သားကြကုန်။ ရန်ငြှိုးဖွဲ့ခြင်းကို
ဖယ်ရှားခြင်းသည် "မဟ်ဒီ"၏ နိမိတ်လက္ခဏာတစ်ရပ်ဖြစ်၏။ အသို့နည်း၊ ဤ
နိမိတ်လက္ခဏာသည် မပြည့်စုံဘဲရှိမည်လော။ မုချ ပြည့်စုံရလိမ့်မည်။
အသင်တို့သည် အဘယ်ကြောင့် သည်းခံစောင့်ဆိုင်းမှုမပြုသနည်း။ ပမာအား
ဖြင့် ဆေးပညာ၌ အချို့သော ရောဂါများကို အမြစ်ဖြတ်ဖယ်ရှားခြင်း မပြုပါလျှင်
ရောဂါပျောက်ကင်းသွားနိုင်မည်မဟုတ်ချေ။ ကျွန်ုပ်အားဖြင့် (အင်ရှာအလ္လာဟ်)
"ဆွာလေဟ်" သူမွန်သူမြတ်တို့၏ ဂျမာအတ်တစ်ခု မွေးဖွားလာလိမ့်မည်။
အချင်းချင်း ရန်လိုမုန်းတီးမှု၏ အရင်းအမြစ်က အဘယ်အရာပါနည်း။
စေးနှဲတွန့်တိုခြင်း၊ မောက်မာခြင်း၊ တစ်ကိုယ်ကောင်းဆန်ခြင်းနှင့် စိတ်မာန်
အဟုန်များဖြစ်၏။ မိမိတို့၏ စိတ်မာန်ထကြွမှုများကို မထိန်းချုပ်နိုင်သူ၊
အချင်းချင်း ချစ်ခင်မှု၊ ညီအစ်ကိုဖွဲ့မှုတို့ဖြင့် မနေနိုင်သူ အားလုံးကို ဂျမာအတ်မှ
သီးခြားဖယ်ရှားပစ်လိမ့်မည်။ ထိုသူတို့သည် ကောင်းမွန်သော နမူနာကို
မပြသသေးသရွေ့ ရက်အနည်းငယ်မျှအတွက် လာရောက်သော ဧည့်သည်ဖြစ်
ကြောင်းကို မှတ်သားလော့။ ကျွန်ုပ်သည် မည်သူ့ကြောင့်မှ မိမိအပေါ် ပြစ်တင်
ဝေဖန်မှုကို အလိုမရှိပြီ။ အကြင်သူသည် ကျွန်ုပ်၏ ဂျမာအတ်အတွင်း၌ရှိလျက်
ကျွန်ုပ်၏ အလိုသဘောအတိုင်း မဖြစ်ပါလျှင် သူသည် သစ်ကိုင်းခြောက်နှင့်ပမာ
တူ၏။ ဥယျာဉ်မှူးက သူ့အား ဖြတ်တောက်ပစ်ရုံမှတစ်ပါး အခြားမည်သို့
ပြုရအံ့နည်း။ သစ်ကိုင်းခြောက်သည် အခြား စိမ်းစိုသောသစ်ကိုင်းများနှင့်
အတူရှိလျက် ရေကိုစုပ်ယူသော်လည်း စိမ်းစိုလန်းဆန်းခြင်းကား ဖြစ်မလာချေ။
ထိုသစ်ကိုင်းခြောက်သည် အခြားသစ်ကိုင်းများကိုပါ စွဲယူသွားနိုင်၏။ သို့ဖြစ်ရာ
ကြောက်ကြလော့။ မိမိကိုယ်ကို ကုသမှုမခံယူသူသည် ကျွန်ုပ်နှင့်အတူရှိနိုင်မည်
မဟုတ်ချေ။"

တစ်ဖန် လူတစ်ဦးဟာ ဘယ်လိုအခြေအနေမျိုးမှာ စစ်မှန်တဲ့ မို့အ်မင်န်အဖြစ်
ခေါ်ဆိုခြင်းခံထိုက်ကြောင်း မဆီဟ်မော်အူးဒ်(အ)သခင်ကြီး မိန့်ကြားတော်မူ
သည်မှာ-
 "ကျွန်ုပ်ရှင်းလင်းစွာပြောကြားမည်။ အရေးကိစ္စဟူသမျှ၌ အလ္လာဟ်အရှင်မြတ်
အား ဦးထိပ်ထားခြင်းမရှိ၊ ထို့ပြင် အကြင်သူ၏ နှလုံးသားအား အရှင်မြတ်က
ကြည့်ရှုလျက် အရှင့်အတွက်သာလျှင်ဖြစ်သည်ဟု မပြောနိုင်သေးသရွေ့
မည်သူမျှ စစ်မှန်သော မို့အ်မင်န်တစ်ဦးအဖြစ် ခေါ်ဆိုခြင်းမခံထိုက်သေးချေ။
ထိုကဲ့သို့သော လူသားသည် လူအများရှေ့မှောက်တွင်မူ "မို့အ်မင်န်"
သို့တည်းမဟုတ် "မွတ်စလင်မ်" ဖြစ်နိုင်၏။ ... စင်စစ် မွတ်စလင်မ်ဆိုသည်
ကား (မိမိကိုယ်ကို အလ္လာဟ့်ထံပုံအပ်သူ။ ၂း၁၁၃) ဆိုသည့်
အတိုင်း ဖြစ်နေရမည်။ "ဝဂ်ျဟွန်"ဆိုသည်မှာ မျက်နှာကိုခေါ်၏။ သို့ရာတွင်
ယင်းသည် ဇာတိတော်နှင့် ရုပ်ခန္ဓာအတွက်လည်း သုံးစွဲနိုင်ပေသည်။
အကြင်သူသည် စွမ်းအားအလုံးစုံကို အလ္လာဟ်အရှင်မြတ်ရှေ့တော်တွင်
တင်ဆက်လိုက်ပါက ထိုသူသာလျှင် စစ်မှန်သည့် မွတ်စလင်မ်အဖြစ်
ခေါ်ဆိုခြင်းခံထိုက်ပေသည်။
ကျွန်ုပ် အမှတ်ရမိ၏။ မွတ်စလင်မ်တစ်ယောက်က ရဟူဒီတစ်ဦးကို "အသင်
အစ္စလာမ်ကို လက်ခံပါ"ဟူ၍ ဖိတ်ခေါ်၏။ ယခုကဲ့သို့ ဖိတ်ခေါ်သူ မွတ်စလင်မ်
ကိုယ်တိုင်က ပျက်စီးမှုအမျိုးမျိုးတွင် နစ်မွန်းနေသူဖြစ်၏။ ရဟူဒီပုဂ္ဂိုလ်က
သူ့အား ပြောသည်မှာ- "ဦးစွာ အသင့်ကိုယ်အသင် ပြန်ကြည့်ပါဦး။ အသင်သည်
မွတ်စလင်မ်ဟုအခေါ်ခံရသည့်အတွက် ဂုဏ်ယူဝင့်ကြွားမနေနှင့်။ အလ္လာဟ်
အရှင်မြတ်သည် "အစ္စလာမ်"၏အနက်သဘောကိုသာ အလိုရှိတော်မူပြီး
နာမည်သက်သက်၊ စကားလုံးသက်သက်ကို အလိုရှိသည်မဟုတ်ချေ။"
တစ်ဖန် သခင်ကြီး မိန့်ကြားတော်မူသည်မှာ-
"မှတ်သားကြကုန်။ လက်တွေ့ကျင့်သုံးမှုမရှိသေးသရွေ့ စကားလုံးသက်သက်၊
နှုတ်ပြောသက်သက်ဖြင့် ဘာမျှဖြစ်မလာနိုင်ချေ။ ပြောဆိုမှုသက်သက်ဖြင့်
အလ္လာဟ်အရှင်မြတ်ထံတော်၌ မည်သို့မျှတန်ဖိုးမရှိချေ။ အရှင်မြတ် မိန့်ကြား
တော်မူသည်မှာ-
"အသင်တို့မပြုလုပ်သည်ကို ပြောဆိုခြင်းမှာ အလ္လာဟ်၏ထံတော်ဝယ် အလွန်
ကြီးလေးသော အပြစ်ဖြစ်၏။" (၆၁း၄)
တစ်ဖန် အစ္စလာမ်အတွက် အလုပ်အကျွေးပြုလိုပါလျှင် ကိုယ်တိုင်က ဦးစွာ
"တက္ကဝါ"(ဖြူစင်ဖြောင့်မတ်ခြင်း)တရားကို ကျင့်သုံးရန်လိုအပ်ကြောင်း သခင်ကြီး
မိန့်ကြားတော်မူသည်မှာ-
 (သည်းခံမြဲမြံမှုပြုကြရန် သွန်သင်တိုက်တွန်းကြကုန်၊ ထို့ပြင်
နယ်နိမိတ်များကို ကာကွယ်စောင့်ရှောက်ရန် အသင့်ဖြစ်နေကြကုန်။ ၃း၂၀၁)
ရန်သူနှင့်ရင်ဆိုင်ရာတွင် ရန်သူသည် ကန့်သတ်စည်းကို ကျော်၍မလာနိုင်စေရန်
အတွက် နယ်နိမိတ်စည်းပေါ်၌ မြင်းတပ်ကိုထားရှိရန် လိုအပ်သကဲ့သို့
အသင်တို့သည်လည်း အသင့်ရှိနေကြကုန်။ ရန်သူသည် ကန့်သတ်နယ်ခြားစည်း
ကို ကျော်လွန်လျက် အစ္စလာမ်ကို ထိခိုက်နစ်နာအောင် ပြုလုပ်လိုက်နိုင်ခြင်းမျိုး
မဖြစ်စေနှင့်။ ကျွန်ုပ်သည် ယခင်ကလည်း ပြောကြားခဲ့ပြီးဖြစ်၏။ အကယ်၍
အသင်တို့သည် အစ္စလာမ်သာသနာတော်အား ကူညီပံ့ပိုးလိုပြီး အလုပ်အကျွေး
ပြုလိုကြသည်ဆိုပါမူ ဦးစွာ အသင်တို့ကိုယ်တိုင်က "တက္ကဝါ" (ဖြူစင်ဖြောင့်
မတ်ခြင်း)နှင့် စင်ကြယ်ခြင်းတရားများကို ကျင့်သုံးတည်ဆောက်ကြကုန်။
ယင်းအားဖြင့် အသင်တို့သည် အလ္လာဟ်အရှင်မြတ်၏ ကာကွယ်စောင့်ရှောက်မှု
ခံတပ်အောက်သို့ ရောက်လာနိုင်မည်ဖြစ်သည်။ ထို့ပြင် အသင်တို့သည် ထိုသို့
အလုပ်အကျွေးပြုခြင်းအတွက် ဂုဏ်ပြုခံရခြင်းနှင့် ထိုက်သင့်သော အကျိုး
ဆုလာဘ်ကို ရရှိကြမည်ဖြစ်၏။ အသင်တို့ မြင်တွေ့ကြသည်မဟုတ်လော။
မွတ်စလင်မ်တို့၏ ပြင်ပစွမ်းအင်များသည် အဘယ်မျှချည့်နဲ့သွားပြီနည်း။ အခြား
လူမျိုးအုပ်စုများက ၎င်းတို့အား ရွံရှာမုန်းတီးခြင်းနှင့် အထင်အမြင်သေးခြင်း
တို့ဖြင့် ကြည့်ရှုကြ၏။ အသင်တို့၏ အတွင်းပိုင်းနှင့် နှလုံးသားစွမ်းအင်တို့
သည်လည်း (ထိုကဲ့သို့ပင်) အားအင်နည်းပါးလျက် ချည့်နဲ့သွားမည်ဆိုပါမူ
အဆုံးသတ်သွားပြီဟုသာ မှတ်ယူလော့။ အသင်တို့သည် မိမိတို့၏စိတ်ဝိညာဉ်
 များကို သန့်ရှင်းစင်ကြယ်အောင်ပြုကြကုန်။ ဤသို့အားဖြင့် သန့်ရှင်းသော
ဝိညာဉ်တော်၏ စွမ်းအားသည် ယင်း၌ ကိန်းဝပ်လာစေရန် ဖြစ်သည်။ တစ်ဖန်
ယင်းသည် နယ်နိမိတ်စည်းပေါ်တွင် စောင့်ကြပ်လျက်ရှိသော သန်မာသည့်
မြင်းများသဖွယ် ဖြစ်စေရမည်။ အလ္လာဟ်အရှင်မြတ်၏ "ဖဇလ်"ကျေးဇူး
တော်သည် စင်ကြယ်သူများ၊ ဖြောင့်မတ်မှန်ကန်သူများနှင့်သာ အစဉ်အမြဲ
အတူတကွရှိတော်မူ၏။ မိမိတို့၏ ကိုယ်ကျင့်တရားနှင့် အလေ့အထများကြောင့်
အစ္စလာမ်သာသနာကို အမည်းစက်စွန်းထင်းစေအောင် မပြုကြကုန်လင့်။
အကျင့်ဆိုးယုတ်သူများနှင့် အစ္စလာမ်၏သွန်သင်ချက်များအတိုင်း လိုက်နာကျင့်
သုံးမှုမရှိသော မွတ်စလင်မ်များကြောင့် အစ္စလာမ်ကို အစွန်းအထင်းဖြစ်စေ၏။
မွတ်စလင်မ်တစ်ဦးသည် အရက်သောက်ပြီး နေရာတကာတွင် မူးယစ်အော့အန်
နေ၏။ ခေါင်းပေါင်းပဝါစက လည်ပင်းသို့ ရောက်နေ၏။ လမ်းကြိုလမ်းကြား
ရေမြောင်းများ၌ လဲကျလျက် ရဲသားတို့၏ ကန်ကျောက်ခြင်းကို ခံရ၏။ ဟိန္ဒူနှင့်
ခရစ်ယာန်တို့က သူ့အားကြည့်လျက် ပြက်ရယ်ပြုကြ၏။ ဤကဲ့သို့ ထိုသူ၏
တရားတော်နှင့်ဆန့်ကျင်သောပြုလုပ်မှုသည် သူတစ်ဦးတည်းအတွက်သာ
ပြောင်လှောင်ပြက်ရယ်ပြုခံရသည်မဟုတ်ဘဲ ယင်းသည် အစ္စလာမ်သာသနာကို
ထိပါးသွားစေ၏။ ကျွန်ုပ်သည် ဤကဲ့သို့သော သတင်းများနှင့်
ထောင်မှတ်တမ်းများကို ဖတ်ရှုခြင်းဖြင့် များစွာ စိတ်ထိခိုက်မှု ဖြစ်ရ၏။
မွတ်စလင်မ်တို့သည် ၎င်းတို့၏ မလျော်ကန်သော လုပ်ရပ်များကြောင့် ဤမျှ
ပြစ်တင်ရှုတ်ချခြင်းကိုခံနေကြရ၏။ ဖြောင့်မတ်မှန်ကန်သော လမ်းကို
ညွှန်ပြခြင်းခံရသော ဤအုပ်စုသည် ၎င်းတို့၏ မလျော်ကန်သော ပြုကျင့်မှုများ
ကြောင့် မိမိတို့ကိုယ်တိုင်ကို ဆုံးရှုံးအောင်ပြုနေရုံမျှမက အစ္စလာမ်သာသနာ
ကိုပါ ပြက်ရယ်ပြုစရာအဖြစ် ပြုလုပ်နေကြသည်ကိုကြည့်လျက် ကျွန်ုပ်၏
စိတ်နှလုံးသည် ဆောက်တည်ရာမရခံစားရ၏။ ကျွန်ုပ် ပူပင်ကြောင့်ကြဖြစ်ရ
သည်ကား မွတ်စလင်မ်တို့သည် "မွတ်စလင်မ်"ဟု အမည်ခံထားကြလျက် ဤသို့
တားမြစ်ထားသည့်ကိစ္စများကို ကျူးလွန်ဖောက်ဖျက်ကြသည်ဖြစ်၍ ယင်းက
၎င်းတို့ကိုယ်တိုင်ကိုသာမက အစ္စလာမ်သာသနာကိုပါ အယုံအကြည် ကင်းမဲ့
သွားစေနိုင်၏။ သို့ဖြစ်ရာ မယုံကြည်သူတို့အဖို့ အစ္စလာမ်သာသနာအပေါ်
 ပြစ်တင်ဝေဖန်မှုမပြုနိုင်လောက်အောင် အသင်တို့သည် မိမိတို့၏ ကြံစည်လုပ်
ဆောင်မှုများနှင့် အပြုအမူများကို ပြုပြင်ကြကုန်။"

ယနေ့မှာလည်း ပြင်ပက ဒါကိုပဲ ပြစ်တင်ဝေဖန်နေကြပါတယ်။ အကယ်၍
ကျမ်းမြတ်ကုရ်အာန်ရဲ့ သွန်သင်ချက်က အမှန်ပဲဆိုရင် မွတ်စလင်မ်တွေရဲ့
ပြုကျင့်မှုက အဲဒီအတိုင်း ဘာကြောင့်မရှိရတာလဲ။ ရောက်တဲ့နေရာဒေသ
တိုင်းမှာ ဒီမေးခွန်း၊ ဒီဝေဖန်မှုကိုသာကြားရပါတယ်။ ယနေ့ အဟ်မဒီတွေကသာ
မိမိတို့ရဲ့ အခြေအနေတွေကို ပြုပြင်ပြောင်းလဲလျက် ၎င်းတို့ရဲ့ ဝေဖန်ပြစ်တင်မှု
တွေကို ဆေးကြောရမှာ ဖြစ်ပါတယ်။ ဒီအတွက် များစွာကြိုးစားကြရမှာ
ဖြစ်ပါတယ်။
တစ်ဖန် "ရှူကူရ်"(ကျေးဇူးသိတတ်ခြင်း)ပြုဖို့အတွက် ဖြူစင်ဖြောင့်မတ်ခြင်းတရား
ကို ကျင့်သုံးဖို့ လိုအပ်ကြောင်းကို သခင်ကြီး မိန့်ကြားတော်မူသည်မှာ-
"အသင်တို့၏ အမှန်တကယ်ဖြစ်သော ကျေးဇူးသိတတ်ခြင်းသည်ကား "တက္ကဝါ"
ဖြူစင်ဖြောင့်မတ်ခြင်းနှင့် စင်ကြယ်ခြင်းတရားတို့သာလျှင် ဖြစ်၏။ "မွတ်စလင်မ်"
ဟုတ်မဟုတ် မေးမြန်းမှုအပေါ် "အလ်ဟမ်ဒုလိလ္လာဟ်"ဟု ပြောဆိုခြင်းသက်သက်
သည် စစ်မှန်သော ကျေးဇူးသိတတ်မှုအသွင်မဟုတ်သေးချေ။ (တစ်စုံတစ်ဦးက
မိမိအား မွတ်စလင်မ် ဟုတ်မဟုတ် မေးမြန်းလာမှုအပေါ် "အလ်ဟမ်ဒုလိလ္လာဟ်"
ကျွန်တော် မွတ်စလင်မ်ပါလို့ ပြောရုံလောက်နဲ့ ဒါဟာ ကျေးဇူးသိတတ်မှုအတွက်
ပြည့်စုံမသွားပါဘူး။)
အကယ်၍ အသင်တို့သည် အမှန်တကယ်အားဖြင့် ကျေးဇူးသိတတ်မှု၊
ဆိုလိုသည်မှာ စင်ကြယ်မှုနှင့် "တက္ကဝါ" ဖြူစင်ဖြောင့်မတ်ခြင်းတို့၏ လမ်းကို
ရွေးချယ်လျှောက်လှမ်းခဲ့ပါမူ ကျွန်ုပ်သည် အသင်တို့အား သတင်းကောင်း
ပြောကြားလိုက်မည်။ အသင်တို့သည် နယ်နိမိတ်စည်းများပေါ်တွင် စောင့်ကြပ်
နေသူများဖြစ်ပြီး မည်သူကမျှ အသင်တို့ကို လွှမ်းမိုးနိုင်မည် မဟုတ်ချေ။
ကျွန်ုပ်မှတ်မိသေး၏။ "ဂျဂန်နာထ်"အမည်ရှိအစိုးရအရာရှိတစ်ဦးဖြစ်သူ အယူသီး
ဟိန္ဒူတစ်ဦးက ပြောပြသည်။ "အမရစ်ဆာမှာနေထိုင်သော ကျွန်တော့်ရဲ့ဆွေမျိုး
ဟိန္ဒူတစ်ဦးက အစ္စလာမ်ကိုလက်ခံလိုက်ပြီး အပြင်ပန်းအရ ဟိန္ဒူတစ်ယောက်
 ကဲ့သို့နေထိုင်သော်လည်း သူဟာ လျှို့ဝှက်စွာဖြင့် နမာဇ်ဝတ်ပြု နေပါတယ်။
ကျွန်တော်နဲ့ အခြားအပေါင်းအဖော်တွေက သူ့ကို မကောင်းမြင်ခဲ့ ကြပြီး ဒီလိုနဲ့
ကျွန်တော်တို့အားလုံးပူးပေါင်းလျက် ထိုသူ့အား အလုပ်မှထုတ်ပယ်
ခြင်းခံရအောင် ကြိုးစားခဲ့ကြတယ်။ သူနဲ့ပတ်သက်လို့ ရန်လိုမှုက ကျွန်တော့်
စိတ်ထဲမှာ အပြင်းထန်ဆုံးပါပဲ။ ကျွန်တော်ဟာ သူနဲ့ပတ်သက်လို့ အထက်အရာ
ရှိတွေကို အကြိမ်ကြိမ် တိုင်တန်းခဲ့ပါတယ်။ ဒါပေမဲ့ သူ့ကို ဘယ်လို အရေးယူမှုမှ
မရှိခဲ့ပါဘူး။ ကျွန်တော်တို့စိတ်ထဲမှာတော့ သူ့ကို မဖြစ်မနေ အလုပ်ထုတ်ခံရ
အောင် လုပ်မယ်ဆိုပြီး စိတ်ပိုင်းဖြတ်ထားခဲ့ပြီးပါပြီ။ ပြီးတော့ ကျွန်တော်တို့ရဲ့
ရည်ရွယ်ချက်မှာ အောင်မြင်ဖို့အတွက် သူနဲ့ပတ်သက်တဲ့ အပြစ်တွေကိုလည်း
အများအပြား စုထားခဲ့ပါတယ်။ ကျွန်တော်ဟာ အခါအားလျော်စွာ
သူနဲ့ပတ်သက်လို့ အပြစ်ဆိုစကားတွေကို အထက်အရာရှိထံမှာ တင်ပြလေ့ရှိခဲ့
ပါတယ်။ ခဏတာအခိုက်အတန့်လေးမှာ အရာရှိက စိတ်ဆိုးအမျက်ထွက်ပြီး
သူ့ကို ဆင့်ခေါ်ခဲ့တာမျိုးရှိပေမဲ့လည်း အရာရှိရဲ့ရှေ့မှောက်ကို ရောက်လာတယ်
ဆိုရင်ပဲ မီးကိုရေနဲ့ငြှိမ်းလိုက်သလို ဖြစ်သွားပါတယ်။ အရာရှိက ထိုသူ့ထံမှာ
ဘာအပြစ်မှမရှိသလိုပဲ မူလကအတိုင်း ချိုချိုသာသာနဲ့ပဲပြောဆိုဆက်ဆံပါတယ်။"
"တက္ကဝါ"တရားရှိသူ၊ အလ္လာဟ်အရှင်မြတ်နဲ့ဆက်နွယ်မှုရှိသူတစ်ယောက်အဖို့
ဘယ်လိုအခက်အခဲမျိုးမှမရှိသလို၊ မည်သို့သောသူကမှ သူ့ကိုဆုံးရှုံးနစ်နာအောင်
ပြုလုပ်နိုင်မှာ မဟုတ်ပါဘူး။

တစ်ဖန် သခင်ကြီး မိန့်ကြားတော်မူသည်မှာ-
"ဤအကြောင်းကိုလည်း ကောင်းစွာ မှတ်သားထားရမည်။ အရေးကိစ္စတိုင်းတွင်
အကျိုးအမြတ်ဟူသည်ရှိ၏။ ကမ္ဘာလောက၌ပင် ကြည့်ကြကုန်။ အဆင့်မြင့်မား
သော ကောက်ပဲသီးနှံပင်များမှသည် ပိုးမွှားများတိုင်အောင် လူသားအတွက်
အကျိုးမရှိသောအရာဟူ၍ မရှိချေ။ ကောင်းကင်မှဖြစ်စေ၊ မြေပြင်မှဖြစ်စေ
ဤအရာဝတ္ထုအားလုံးသည် အလ္လာဟ်အရှင်မြတ်၏ ဂုဏ်တော်ထွန်းပခြင်း၏
ပုံရိပ်ဖြစ်ပေသည်။ သို့ဖြစ်ရာ ဂုဏ်တော်များ၌ပင် အကျိုးဖြစ်ထွန်းမှုများရှိသည်
ဆိုပါလျှင် (အရှင်မြတ်၏)ဇာတိတော်သည် အဘယ်မျှ အကျိုးရှိသောအရာ
 ဖြစ်မည်နည်း။ ဤနေရာတွင် ဤအချက်ကိုလည်း မှတ်သားထားသင့်သည်။
ပမာအားဖြင့် ထိုသည့် အရာဝတ္ထုများမှ ဆုံးရှုံးမှုနှင့်ကြုံခဲ့ရသည်ဆိုပါမူ
ယင်းသည် မိမိကိုယ်တိုင်၏ မှားယွင်းမှုနှင့် မသိနားမလည်မှုတို့ကြောင့်သာ
ဖြစ်၏။ ထိုသို့မဟုတ်မူဘဲ ထိုအရာဝတ္ထုများ၏ ဗီဇမှာကိုက ဆုံးရှုံးမှုသက်သက်
ကို ထည့်သွင်းထားခြင်းကြောင့် မဟုတ်ချေ။ အမှန်တွင် မိမိ၏ မှားယွင်းမှုနှင့်
ပေါ့ဆမှုတို့ကြောင့်သာ ဆုံးရှုံးမှုသည် ဖြစ်ပေါ်ရ၏။ ထိုနည်းတူစွာပင်
ကျွန်ုပ်တို့သည် အလ္လာဟ်အရှင်မြတ်၏ အချို့သော ဂုဏ်တော်များနှင့်စပ်လျဉ်း၍
နားလည်သိမြင်မှုမရှိခြင်းကြောင့်သာ အခက်အခဲဒုက္ခများတွင် ကျရောက်သွား
တတ်ကြ၏။ ထိုသို့မဟုတ်ပါမူ အလ္လာဟ်အရှင်မြတ်သည်ကား စင်စစ် ပကတိ
သနားကြင်နာတော်မူသောအရှင်နှင့် ကောင်းချီးပေးတော်မူသောအရှင်
ဖြစ်တော်မူ၏။ လောကတွင် ဘေးဒုက္ခကြုံရခြင်းနှင့် ဆုံးရှုံးမှုဖြစ်ရခြင်းတို့၏
လျှို့ဝှက်ချက်သည်ကား ကျွန်ုပ်တို့သည် မိမိတို့၏လက်များ၊ ဆိုးယုတ်သော
အတွေးများ၊ အသိပညာနည်းပါးမှုများကြောင့်သာ ဘေးဒုက္ခများ၌ နစ်မွန်းကြရ
ခြင်း ဖြစ်သည်။

ထို့ကြောင့် ဤသည့် ဂုဏ်တော်များဆိုင်ရာ မျက်လုံးများဖြင့်ပင် ကျွန်ုပ်တို့သည်
အလ္လာဟ်အရှင်မြတ်အား နေ့ရက်ပေါင်းများစွာ အလျင်ကပင် "ရဟီးမ်"
(ကရုဏာတော်ရှင်)၊ "ကရီးမ်"(ကောင်းချီးပေးတော်မူသောအရှင်) ဖြစ်ကြောင်း
မြင်တွေ့ရပေသည်။ အရှင်မြတ်နှင့် အနီးဆုံးသူ၊ အရှင်မြတ်နှင့် နီးစပ်သွားသူတို့
သာလျှင် ထိုသည့် ကောင်းကျိုးချမ်းသာများဖြင့် စီခြယ်ခြင်းခံရသူများ ဖြစ်ကြ၏။
"မွတ္တကီ"တို့သာလျှင် ဤအဆင့်အတန်းကိုရရှိကြ၏။ ၎င်းတို့သည် အလ္လာဟ်
အရှင်မြတ်၏ အနီးအပါးတွင် နေရာရကြ၏။ "မွတ္တကီ"တစ်ဦးသည် အလ္လာဟ်
အရှင်မြတ်နှင့် နီးစပ်သွားသည်နှင့်အမျှ တရားလမ်းညွှန်တော်၏ အလင်းရောင်
တစ်ခုကို သူ့အား ချီးမြှင့်ခြင်းခံရ၏။ ယင်းက သူ၏ အသိပညာများနှင့်
ဦးနှောက်တွင် ထူးခြားသော အလင်းရောင်တစ်ခုကို ပေါက်ဖွားလာစေ၏။
တစ်ဖန် အရှင်မြတ်နှင့် ဝေးကွာသွားသူအဖို့ ထိုသို့ ဝေးကွာသည်နှင့်အမျှ
သူ့အား ပျက်စီးစေမည့် အမှောင်ထုတစ်ခုသည် သူ၏ ဦးနှောက်နှင့်
နှလုံးသားတို့ကို လွှမ်းမိုးသွားပေသည်။ အဘယ်မျှထိဆိုလျှင် သူသည်-
(ထိုသူတို့သည်ကား နားပင်းသူများ၊ ဆွံ့အသူများ
နှင့် မျက်ကန်းများ ဖြစ်ကြ၏။ ၂း၁၉)ဆိုသည့် မုက္ခပါဌ်တော်၏ ရည်ညွှန်းခံရသူ
ဖြစ်သွားလျက် ဂုဏ်သရေယုတ်လျော့ခြင်းနှင့် ဖျက်ဆီးခြင်းကို ခံကြရ၏။
သို့ရာတွင် ယင်းနှင့်ယှဉ်လိုက်လျှင် အလင်းရောင်များဖြင့် စီခြယ်ခြင်းခံရသော
လူသားသည် အလွန်မြင့်မားသော စည်းစိမ်ချမ်းသာနှင့် ဂုဏ်သိက္ခာကို
ရရှိပေ၏။ အလ္လာဟ်အရှင်မြတ် ကိုယ်တော်တိုင် မိန့်ကြားတော်မူသည်မှာ-
 (အို-ငြိမ်သက်အေး
ချမ်းခြင်း၌တည်သောစိတ်ဝိညာဉ်၊ မိမိအား ဖန်ဆင်းမွေးမြူတော်မူသော အရှင်
မြတ်ထံတော်သို့ ကျေနပ်စွာဖြင့်လည်းကောင်း၊ ကျေနပ်နှစ်သက်မှုကိုရရှိလျက်
လည်းကောင်း ပြန်သွားပါလေ။ ၈၉း၂၈-၂၉)
လူအချို့သည် တန်ခိုးအာဏာဖြင့် အပြင်ပန်းအရ အေးချမ်းမှုရယူကြသည်။
အချို့အတွက် ၎င်းတို့၏ ဓနဥစ္စာနှင့် ဂုဏ်သိက္ခာတို့က ၎င်းတို့၏ အေးချမ်း
သာယာမှုကို ဖြစ်စေ၏။ အချို့က မိမိတို့၏လှပပြီး အသိဉာဏ်ကြွယ်သော
သားသမီးများကိုကြည့်လျက် စိတ်အေးချမ်းမှုကို ခံစားနေကြ၏။ သို့ရာတွင်
ဤကဲ့သို့သော သာယာမှုနှင့် လောကီဆိုင်ရာဝတ္ထုပစ္စည်းများမှရရှိသော
စိတ်အေးချမ်းမှုတို့သည် လူသားအား အမှန်တကယ်ဖြစ်သော ငြိမ်းအေးခြင်းနှင့်
သာယာကျေနပ်မှုကို မပေးနိုင်ချေ။ ထိုမျှမက ယင်းတို့သည် တစ်မျိုးသော
မစင်ကြယ်သည့် အလိုလောဘကို မွေးဖွားပေးလျက် ရမ္မက်နှင့် ပြင်းပြသည့်
ဆန္ဒတို့ကိုသာ ပေါက်ဖွားစေ၏။ ဝေဒနာသည်တစ်ဦးပမာ သူတို့၏ ဆာလောင်
မွတ်သိပ်မှုက သူတို့အား ပျက်စီးခြင်းသို့မရောက်စေသမျှ သူတို့၌ မငြိမ်းနိုင်
သေးချေ။

သို့ရာတွင် ဤမုက္ခပါဌ်တော်၌ အရှင်မြတ် မိန့်ကြားတော်မူသည်မှာ- ထိုသည့်
တည်ငြိမ်အေးချမ်းခြင်း၌ရှိသော စိတ်ဝိညာဉ်၊ သူသည် မိမိ၏ အေးချမ်းသာယာ
မှုကို မိမိအား ဖန်ဆင်းမွေးမြူတော်မူသောအရှင်မြတ်ထံတော်၌ ရှာဖွေခဲ့၏။
ဤဂုဏ်အဆင့်အတန်းသည် လူသားအတွက် ရရှိနိုင်၏။ ထိုအချိန်တွင် သူ၏
 အေးချမ်းသာယာမှုသည် ပစ္စည်းဥစ္စာများ၊ လောကီ ခမ်းနားထည်ဝါမှုများ
ရှိပါလျက်နှင့် သူသည် အရှင်မြတ်ထံတော်၌သာ ပျော်ပိုက်၏။ ဤသည့်
ကျောက်သံပတ္တမြား၊ လောကီဂုဏ်ရှိန်နှင့် ထည်ဝါမှုတို့သည် သူ၏ စိတ်နှလုံး
သာယာချမ်းမြေ့မှုအတွက် အမှန်တကယ်ဖြစ်သောအကြောင်းခံများ မဟုတ်
တော့ချေ။
သို့ဖြစ်ရာ လူသားသည် အလ္လာဟ်အရှင်မြတ်ထံတော်၌ အေးချမ်းမှုနှင့်
ကျေနပ်ပျော်ရွှင်မှုကိုမရပါလျှင် သူသည် ကယ်တင်ခြင်းကို မရနိုင်ချေ။
အကြောင်းမူ ကယ်တင်ခြင်းဟူသည် "စိတ်နှလုံးတည်ငြိမ်အေးချမ်းမှု"၏
နောက်တစ်မျိုး အခေါ်အဝေါ်သာ ဖြစ်ပေသည်။"
တစ်ဖန် "နဖ်စေမွတ်မာအင်န္နာ"မရှိဘဲနှင့် လူသားသည် ကယ်တင်ခြင်းကို
မရနိုင်ကြောင်း သခင်ကြီး မိန့်ကြားတော်မူသည်မှာ-
"ကျွန်ုပ်သည် လူပုဂ္ဂိုလ်အချို့ကို မြင်တွေ့ခဲ့ရပြီး လူအများစု၏ အကြောင်းအရာ
များကို ဖတ်ရှုခဲ့ရ၏။ လောက၏ ဓနဥစ္စာများ၊ လောက၏ မမှန်ကန်သော
စည်းစိမ်ချမ်းသာများနှင့် အလုံးစုံသော ကောင်းကျိုးချမ်းသာများ၊ သားသမီးများ၊
အခြွေအရံများရှိကြ၏။ အကြင်အခါ သူသည် ကွယ်လွန်သေဆုံးတော့မည်၊
ဤလောကကို စွန့်ခွာရတော့မည်၊ ယင်းနှင့်တစ်ပြိုင်တည်း သူ၏ ပိုင်ဆိုင်မှု
ပစ္စည်းဥစ္စာများကို ထားရစ်ခဲ့ရတော့မည်၊ အခြားသော လောကတစ်ခုသို့
သွားရောက်ရတော့မည်ကို သိသွားသည့်အခါ သူ့ထံ၌ ကြီးစွာသော
နောင်တရခြင်း၊ မျှော်လင့်တောင့်တခြင်းများ၏ မီးတောက်တစ်ခုဖြစ်ပေါ်လာပြီး
ပြင်းစွာသော (သက်ပြင်းချခြင်း)ပင့်သက်ရှူရှိုက်မှုကို ပြုလေ၏။ သို့ဖြစ်ရာ
ဤသည်မှာလည်း တစ်မျိုးသော "ဂျဟန္နမ်"(ငရဲ)ဖြစ်၏။ ယင်းသည် လူသား၏
စိတ်နှလုံးကို သာယာချမ်းမြေ့ခြင်းအမှန်ကို မပေးစွမ်းနိုင်ချေ။ ထိုမျှမက သူ့အား
စိုးရိမ်ကြောင့်ကြမှုနှင့် ဆောက်တည်ရာမရဖြစ်မှု၌သာ ထည့်သွင်း၏။
သို့ဖြစ်ပေရာ ဤသည်ကို ကျွန်ုပ်၏မိတ်ဆွေများအနေဖြင့် မျက်စိမှောက်ခြင်း
မဖြစ်သင့်ချေ။ များသောအားဖြင့် လူသားသည် ဇနီးသားသမီးနှင့် ဓနဥစ္စာ
များကို ချစ်ခြင်း၊ မှန်ပေ၏၊ ထိုသည့်မလျော်ကန်သော အတိုင်းထက်အလွန်
 ဖြစ်သော ချစ်ခင်မှု၌ နစ်မွန်းသွားပေသည်။ ထိုသည့် ချစ်ခြင်း၏ ယစ်မူးမှု၌
မလျော်ကန်သော အလုပ်များကို ပြုလုပ်မိတတ်ကြသည် ဖြစ်၍ သူနှင့်
ဘုရားသခင်အကြားတွင် အကာအဆီးတစ်ခုကို ဖြစ်ပေါ်စေ၏။ ထို့ပြင်
သူ့အတွက် ငရဲတစ်ခုကို ဖန်တီးပေး၏။ သို့သော် သူသည် ယင်းကို မသိရှိချေ။
အကြင်အခါတွင် သူ့အား ထိုသည့်အရာဝတ္ထုများမှ ရုတ်တရက် သီးခြား
ဖယ်ထုတ်လိုက်မည်ကို သူသည် သတိမထားမိချေ။ ထိုအချိန်သို့ ရောက်သော
အခါ သူသည် အလွန်ပြင်းစွာသော ပူဆွေးသောက၌ ကျရောက်လေတော့
သည်။ ဤအကြောင်းကို အလွန် လွယ်ကူစွာဖြင့် အကဲခတ်သိနိုင်၏။
တစ်စုံတစ်ရာကို ချစ်မြတ်နိုးသည့်အခါ ယင်းမှ ခွဲခွာရခြင်းဖြင့် နာကျင်မှု၊
သောကတစ်ခုကိုခံစားရ၏။ ဤအကြောင်းကိစ္စသည် ယခု စာသားသက်သက်
မဟုတ်တော့ဘဲ ယုတ္တိဗေဒကျသော အကြောင်းကိစ္စလည်း ဖြစ်၏။ အရှင်မြတ်
မိန့်ကြားတော်မူသည်မှာ-
 (ထိုအရာသည် တောက်လောင်လျက်
ရှိသော အလ္လာဟ်၏ မီးဖြစ်၏။ ယင်း(မီး)သည် စိတ်နှလုံးများကို တွယ်ကပ်ပေ
လိမ့်မည်။ ၁၀၄း၇-၈)
ဤသည်ကား အရှင်မြတ်မှတစ်ပါးဖြစ်သော အရာများကို ချစ်ခင်မှုကြောင့်
ဖြစ်ပေါ်လာသော မီးတောက်ဖြစ်၏။ ယင်းသည် လူသား၏ စိတ်နှလုံးကို
လောင်ကျွမ်းလျက် ပြာကျသွားစေ၏။ ထို့ပြင် အလွန် အံ့ဖွယ်ဖြစ်သော
ပြစ်ဒဏ်တစ်ရပ်နှင့် နာကျင်မှုတို့တွင် နစ်မွန်းသွားစေ၏။
ကျွန်ုပ် တစ်ဖန် ထပ်၍ ပြောမည်။ ဤသည် လုံး၀ဥဿုံမှန်ကန်ပြီး
ယုံကြည်စိတ်ချရသောစကားဖြစ်၏။ ယင်းကား "နဖ်စေမွတ်မာအင်န္နာ" မရှိဘဲ
လျက် လူသားသည် ကယ်တင်ခြင်းကို မရရှိနိုင်ပေ။"
တစ်ဖန် သခင်ကြီးသည် ဂျမာအတ်အဖွဲ့ဝင်များကို သွန်သင်ဆုံးမလျက်
မိန့်ကြားတော်မူသည်မှာ-
 "အလ္လာဟ်အရှင်မြတ်သည် "ဆွာလေ့ဟ်"သူမွန်သူမြတ်တို့မှတစ်ပါး မည်သူ့ကိုမျှ
အရေးစိုက်တော်မမူချေ။ အချင်းချင်း ချစ်ခင်မှုမေတ္တာတရားကို ပေါက်ဖွားစေကြ
ကုန်။ ထို့ပြင် ရိုင်းပြမှုနှင့် ကွဲပြားခြားနားမှုတို့ကို စွန့်ကြကုန်။ အမျိုးမျိုးသော
ပြောင်လှောင်ပြက်ရယ်ပြုမှုများမှ လုံး၀ဥဿုံ ရှောင်ကြဉ်လျက်နေကြကုန်။
အကြောင်းမူ ပြောင်လှောင်ပြက်ရယ်ပြုခြင်းသည် လူသား၏ စိတ်နှလုံးကို
အမှန်တရားမှ ဝေးရာသို့တွန်းပို့လျက် လွင့်ထွက်သွားစေ၏။ အချင်းချင်း
တစ်ဦးကိုတစ်ဦး ဂုဏ်သိက္ခာပေး၍ ဆက်ဆံကြကုန်။ လူတိုင်းသည် မိမိတို့၏
သာယာချမ်းမြေ့မှုထက် မိမိညီနောင်၏သာယာမှုကို ဦးစားပေးကြကုန်။
အလ္လာဟ်အရှင်မြတ်နှင့် စစ်မှန်သည့် ပြေငြိမ်းမှုတစ်ရပ်ကို ပြုလုပ်ကြကုန်။
ထို့ပြင် အရှင်မြတ်အားနာခံခြင်းအောက်သို့ ပြန်လှည့်လာကြကုန်။ အလ္လာဟ်
အရှင်မြတ်၏ အမျက်တော်သည် ကမ္ဘာမြေသို့ ကျရောက်လာနေပေပြီ။ မိမိ၏
အပြစ်အမှားများမှ အပြည့်အဝ ဝန်ချတောင်းပန်ခြင်းပြုလျက် အရှင်မြတ်၏
ရှေ့တော်သို့ လာရောက်သူသာလျှင် ယင်းမှလွတ်မြောက်သူ ဖြစ်၏။
အသင်တို့ မှတ်သားထားကြကုန်။ အကယ်၍ အသင်တို့သည် မိမိတို့ကိုယ်ကို
အလ္လာဟ်အရှင်မြတ်၏ မိန့်ကြားမှုအောက်တွင် ရောက်စေကြမည်၊ ထို့ပြင် အရှင့်
သာသနာတော်အား ကူညီဆောင်မခြင်းကိစ္စ၌ ကြိုးပမ်းအားထုတ်မည်ဆိုပါမူ
အရှင်မြတ်သည် အတားအဆီးဟူသမျှကို ဖယ်ရှားပေးတော်မူလိမ့်မည်။ ထိုအခါ
အသင်တို့ အောင်မြင်သွားကြပေမည်။

အသို့နည်း၊ အသင်တို့ မမြင်ကြသလော။ လယ်သမားသည် ကောင်းသော
ပျိုးပင်များအတွက် လယ်မြေမှ အဖြုန်းများကို နုတ်၍ဖယ်ရှားပစ်၏။ ထို့ပြင်
မိမိ၏ လယ်မြေအား လှပဝေဆာပြီး သစ်ပင်များ၊ သီးပွင့်ဝေဆာသော
ပျိုးပင်များဖြင့် ပြည့်စေ၏။ ထို့ပြင် ယင်းအပင်များကို စောင့်ရှောက်မှုပြု၏။
အလုံးစုံသော ဖျက်ပိုးများနှင့် ဆုံးရှုံးမှုမှ ကာကွယ်၏။ သို့သော် ထိုအပင်သည်
သီးပွင့်ဝေဆာခြင်းမရှိဘဲ ညှိုးနွမ်းခြောက်သွေ့လာသည်ဆိုပါမူ လယ်ရှင်သည်
ယင်းကို အရေးစိုက်လိမ့်မည်မဟုတ်ချေ။ ကျွဲနွားတိရစ္ဆာန်တစ်ကောင်ကောင်
သည် ယင်းအား ကိုက်ဖြတ်စားလိုက်သည်ဖြစ်စေ၊ ထင်းခုတ်သမားတစ်ဦးက
 ယင်းအား ခုတ်ဖြတ်လျက် မီးလင်းဖိုအတွင်းသို့ ထည့်သွင်းလိုက်သည်ဖြစ်စေ
(လယ်ရှင်သည် အရေးစိုက်မည်မဟုတ်ချေ)။
ထိုနည်းတူစွာပင် အသင်တို့သည်လည်း မှတ်သားထားကြကုန်။ အသင်တို့သည်
အလ္လာဟ်အရှင်မြတ်၏ ရှေ့တော်တွင် ဖြောင့်မတ်မှန်ကန်သူများအဖြစ်
သတ်မှတ်ခြင်းခံရပါမူ မည်သူတစ်ဦးတစ်ယောက်၏ ဆန့်ကျင်မှုကမျှ
အသင်တို့အား ဆုံးရှုံးနစ်နာအောင် ပြုနိုင်မည်မဟုတ်ချေ။ သို့သော် အကယ်၍
အသင်တို့သည် မိမိတို့၏ အခြေအနေများကို တည့်မတ်ခြင်းမပြု၊ ထို့ပြင်
အလ္လာဟ်အရှင်မြတ်အား နာခံပျပ်ဝပ်ခြင်းအတွက် မှန်ကန်သော ကတိကဝတ်
ကိုလည်းမပြုပါလျှင် အလ္လာဟ်အရှင်မြတ်သည် မည်သူတစ်ဦး တစ်ယောက်ကိုမျှ
အရေးစိုက်တော်မမူချေ။ ထောင်ပေါင်းများစွာသော သိုးများ၊ ဆိတ်များသည်
နေ့စဉ်နှင့်အမျှ လှီးဖြတ်ခြင်းခံကြရ၏။ ယင်းတို့အတွက် မည်သူကမျှ ကရုဏာ
မဖြစ်မိချေ။ သို့ရာတွင် လူတစ်ဦးတစ်ယောက် သတ်ဖြတ်ခြင်းခံရပါက
အဘယ်မျှ စစ်ဆေးမေးမြန်းခြင်း ခံရပါသနည်း။
သို့ဖြစ်ရာ အသင်တို့သည် မိမိတို့ကိုယ်ကို တိရစ္ဆာန်များပမာ ဘာမျှအသုံးမဝင်၊
အရေးစိုက်စရာမဟုတ်သော အရာတစ်ခုအဖြစ် ပြုလုပ်ကြမည်ဆိုပါက
အသင်တို့၏ အခြေအနေသည်လည်း ထိုသို့သာ ဖြစ်လိမ့်မည်။ အသင်တို့သည်
အလ္လာဟ်အရှင်မြတ်၏ ချစ်ခင်နှစ်သက်ရသူများတွင် အပါအဝင်ဖြစ်သွားကြ
ကုန်။ ဤသို့ဖြင့် မည်သို့သော ကပ်ဘေးနှင့် ဘေးဒုက္ခတစ်စုံတစ်ရာကမျှ
အသင်တို့အား လက်ဖြားနှင့်ပင် ထိဝံ့လိမ့်မည်မဟုတ်ချေ။ အကြောင်းမူ
အလ္လာဟ်အရှင်မြတ်၏ ခွင့်ပြုချက်မရှိဘဲ မည်သည့် အရေးကိစ္စမျှ ကမ္ဘာမြေတွင်
မဖြစ်ပေါ်နိုင်ချေ။ မိမိတို့ အချင်းချင်းကြားတွင်ရှိသော ရန်ငြှိုးရန်စွယ်များ၊
စိတ်မာန်ထကြွမှုများ၊ ရန်လိုမုန်းထားမှုများကိုဖယ်ရှားကြကုန်။ ယခု အချိန်
ရောက်ပြီဖြစ်၏။ အသင်တို့သည် သာမန်အသေးအဖွဲကိစ္စများမှ မျက်နှာလွှဲလျက်
အရေးပါပြီး အလွန်ကြီးကျယ်သော လုပ်ငန်းများတွင် ပျော်ပိုက်သွားကြကုန်။"
သခင်ကြီး မိန့်ကြားတော်မူ၏။ "ဤအကြောင်းကို မှာတမ်းစကားအဖြစ်
မှတ်ယူထားကြကုန်။ အသင်တို့သည် ခွန်အားကိုသုံးလျက် ကြမ်းကြမ်းတမ်းတမ်း
 ပြောဆိုခြင်းမပြုကြကုန်လင့်။" (အမြဲတမ်း နူးညံ့သိမ်မွေ့စွာပြောဆိုပြီး
စိတ်မာန်ထကြွမှုကို မပြသကြလင့်။)
တစ်ဖန် သခင်ကြီး မိန့်ကြားတော်မူသည်မှာ- "နောင်ကာလအတွက်
မှတ်သားထားကြကုန်။ ညီနောင်များ၏ ရပိုင်ခွင့်ကို လက်မလွှတ်ကြလင့်။
သို့မဟုတ်ပါက "ဟကူကွလ္လာဟ်"(အလ္လာဟ်အရှင်မြတ်နှင့် သက်ဆိုင်သောတာဝန်
များ)လည်း ကျန်ရှိတော့မည်မဟုတ်ချေ။"
တစ်ဖန် သခင်ကြီး မိန့်ကြားတော်မူသည်မှာ- "ကျွန်ုပ်အား ဤသို့သာ မိန့်ကြား
ခြင်းခံရ၏။ (စင်စစ်
အလ္လာဟ်သည် မည်သည့်လူမျိုးနွယ်၏ အခြေအနေကိုမျှ ၎င်းတို့၏
စိတ်များတွင်ရှိသည်တို့ကို သူတို့ကိုယ်တိုင်က ပြောင်းလဲခြင်းမပြုသရွေ့
ပြောင်းလဲပေးတော်မမူချေ။ ၁၃း၁၂)
ဤစကားကိုကြားရလျက် လူပုဂ္ဂိုလ်တိုင်းက မိမိတို့သည် နမာဇ်ဝတ်ပြု
တည်ဆောက်ကြပြီး အီစ်တိဂ်ဖာရ်(အပြစ်မှဝန်ချတောင်းပန်ခြင်း) ပြုလုပ်ကြ
သော်လည်း အဘယ်ကြောင့် ဘေးဒုက္ခများနှင့် အခက်အခဲများကို ကြုံနေရပါ
သနည်းဟု ရုတ်ချည်းပင်မေးမြန်းလာကြ၏။ အဖြစ်မှန်အကြောင်းရင်းသည်ကား
အလ္လာဟ်အရှင်မြတ်၏ မိန့်ကြားချက်ကို နားလည်သဘောပေါက်သူသာလျှင်
ကံကောင်းထောက်မသူဖြစ်၏။ အလ္လာဟ်အရှင်မြတ်၏ အလိုတော်သည်
တစ်စုံတစ်ခုဖြစ်နေပြီး မိမိတို့နားလည်ထားသည်က အခြားတစ်ခု ဖြစ်နေတတ်
၏။ တစ်ဖန် မိမိတို့၏ အသိဉာဏ် ဦးနှောက်၏ အတိုင်းအတာကလေးနှင့်
ယင်းအား တိုင်းထွာကြည့်တတ်၏။ ဤသို့ပြုလုပ်ခြင်းမှာ မမှန်ကန်ချေ။
အရာဝတ္ထုတိုင်းကို သတ်မှတ်ထားသော ပမာဏထက် လျှော့၍သုံးစွဲပါက
ယင်း၌ ထည့်သွင်းထားသည့် အကျိုးအာနိသင်သည် ထင်ရှားလိမ့်မည် မဟုတ်
ချေ။ ဥပမာ- ဆေးဝါးတစ်မျိုးကို သတ်မှတ်ထားသော ပမာဏအထိမသုံးစွဲဘဲ
အစက်တစ်စက်မျှသာ သုံးစွဲမည်ဆိုပါက ယင်းအားဖြင့် မည်သို့ အကျိုးရှိစေနိုင်
မည်နည်း။ တစ်ဖန် တစ်စုံတစ်ဦးသည် မုန့်စားရမည့်နေရာတွင် အစေ့တစ်စေ့မျှ
သာ စားလျက်ဖြင့် သူ၏ ဝမ်းသည် ဝလင်သွားမည်လော။ ရေတစ်ခွက်သောက်
 သုံးရမည့်အစား ရေတစ်စက်ရေတစ်ပေါက်မျှက သူ့အား ရေငတ်ပြေစေမည်
လော။ လုံးဝမဟုတ်ချေ။ ကျင့်ကြံတည်ဆောက်မှုတို့၏ အခြေအနေမှာလည်း
ဤသို့သာရှိ၏။ ယင်းသည် သတ်မှတ်ထားသော ပမာဏအတွင်း မရှိလေသမျှ
အပေါ်သို့တက်ရောက်မသွားနိုင်ချေ။ ဤသည် အလ္လာဟ်၏ "စွန္နတ်"နိယာမ
အစဉ်အလာဖြစ်ပြီး ယင်းကို ကျွန်ုပ်တို့သည် ပြောင်းလဲ၍မရနိုင်ချေ။"
သခင်ကြီး မိန့်ကြားတော်မူ၏။ "မိမိညီနောင်အား ကိုယ်ချင်းစာနာခြင်းသည်
"ဆဒကာ"အလှူဒါနပြုသကဲ့သို့ဖြစ်သည်။ တစ်ဖန် ဤရပိုင်ခွင့်သည် လူသားတို့
နှင့်သက်ဆိုင်သော ရပိုင်ခွင့်ဖြစ်ပြီး "ဖရက်ဇ်"မပြုမနေရ တာဝန်လည်း ဖြစ်၏။
ပမာအားဖြင့် အရှင်မြတ်သည် မိမိအတွက် "ဆွလားတ်"(နမာဇ်ဝတ်ပြုခြင်း)နှင့်
ဥပုသ်ဆောက်တည်ခြင်းတို့ကို မပြုမနေရတာဝန်အဖြစ် ပြဋ္ဌာန်းတော်မူဘိသကဲ့
သို့ လူသားတို့နှင့်သက်ဆိုင်သော တာဝန်ဝတ္တရားများကိုလည်း ထိန်းသိမ်းစောင့်
ရှောက်ရန် "ဖရက်ဇ်"တာဝန်အဖြစ် ပြဋ္ဌာန်းထားတော်မူ၏။"
သခင်ကြီး မိန့်ကြားတော်မူ၏။ "အကြင်သူသည် စာနာထောက်ထားမှုကို
စွန့်လွှတ်လိုက်ပါက သူသည် သာသနာကို စွန့်ခြင်းသာဖြစ်၏။ ကျမ်းတော်မြတ်
ကုရ်အာန်တွင် မိန့်ကြားထားတော်မူ၏။

(အကြင်သူသည် အခြားသူတစ်ဦးဦးအား သတ်ဖြတ်ခြင်းကိုလည်းကောင်း၊
ကမ္ဘာမြေပြင်တွင် ပျက်စီးရာပျက်စီးကြောင်းကိုလည်းကောင်း မပြုပါဘဲလျက်
အကြင်မည်သူမဆို ထိုသူအား သတ်ဖြတ်ပါမူ သူသည် လူသားအားလုံးကို
သတ်ဖြတ်လိုက်ခြင်းပင်ဖြစ်၏။ ၅း၃၃)
ဆိုလိုသည်မှာ- အကြင်သူသည် လူတစ်ဦးဦးအား အကြောင်းမဲ့
သတ်ဖြတ်ခြင်းပြုသော် သူသည် လူသားထုတစ်ရပ်လုံးကို သတ်ဖြတ်လိုက်ခြင်း
ပင် ဖြစ်၏။ ထိုနည်းတူစွာပင် ကျွန်ုပ်ပြောလိုသည်ကား အကယ်၍ တစ်စုံတစ်ဦး
သည် မိမိညီနောင်အား စာနာထောက်ထားမှု မပြုဘူးဆိုပါလျှင် တစ်နည်းအား
ဖြင့် သူသည် လူသားထုတစ်ရပ်လုံးအပေါ် စာနာထောက်ထားမှု ကင်းမဲ့ခြင်းသာ
လျှင် ဖြစ်၏။ အီမာန်ကို လက်လွှတ်ရသည့်အခြေအနေရောက်သည်အထိ
 လောကီဘဝအသက်ကို ဤမျှ မြတ်နိုးခင်တွယ်မှု မပြုကြကုန်လင့်။ ညီနောင်များ
၏ ရပိုင်ခွင့်ကို မည်သည့်အခါမျှ မပစ်ပယ်လင့်။"
အကယ်၍ ဒီမိန့်ကြားချက်ကိုသာ ကျွန်တော်တို့ ကောင်းစွာနားလည်
သဘောပေါက်သွားပြီဆိုရင် ကျွန်တော်တို့အကြားမှာရှိတဲ့ များစွာသော
ရန်ငြှိုးရန်စွယ်တွေ၊ ခိုက်ရန်ဖြစ်ပွားမှုတွေ၊ တရားတဘောင် ဖြစ်နေမှုတွေ
အားလုံးဟာ အဆုံးသတ်သွားမှာ ဖြစ်ပါတယ်။
သခင်ကြီး မိန့်ကြားတော်မူ၏။ "မှတ်သားထားကြကုန်။ အလုံးစုံသော
"ဖဇလ်"ကောင်းချီးများသည် အီမာန်(ယုံကြည်မှု)နှင့် ဆက်နွယ်လျက်ရှိ၏။
ယုံကြည်မှုကို ခိုင်မာအောင် တည်ဆောက်ကြကုန်။ တာဝန်ပျက်ကွက်ခြင်းသည်
အပြစ်ဖြစ်၏။ အလ္လာဟ်အရှင်မြတ်က ဤဂျမာအတ်ကို စံနမူနာတစ်ရပ်အဖြစ်
ပြုလုပ်ရန် အလိုရှိတော်မူ၏။ အကယ်၍ ယင်းတို့၏ အခြေအနေကလည်း
ညီနောင်ချင်း ချစ်ခင်ရင်းနှီးမှုနှင့် စာနာထောက်ထားမှုတို့မရှိပါလျှင် အလွန်
ကြီးမားသော ပျက်စီးမှုသာလျှင် ဖြစ်လိမ့်မည်။"

တစ်ဖန် သခင်ကြီး မိန့်ကြားတော်မူ၏။ "ဆန့်ကျင်သူများက ကျွန်ုပ်၏
ဂျမာအတ်ကို ရန်လိုမုန်းထားကြ၏။ ဤဂျမာအတ်အား ဖျက်ဆီးသုတ်သင်ပစ်လို
ကြ၏။ သူတို့သိထားကြရမည်မှာ- ဆန့်ကျင်သူတို့၏ ရန်လိုမုန်းထားမှုကို ခံရ
သော်လည်း ကျွန်ုပ်သည် ၎င်းတို့နှင့် ကိစ္စတစ်ရပ်တွင် သဘောတူပါ၏။ ယင်း
ကား- အလ္လာဟ်အရှင်မြတ်သည် ဤဂျမာအတ်ကို အပြစ်များမှ စင်ကြယ်စေရန်
လိုလားတော်မူပြီး ၎င်းတို့၏ ကြံစည်လုပ်ဆောင်မှုတိုင်းသည် အကောင်းဆုံး
စံနမူနာများ ဖြစ်ကြစေလို၏။ ယင်းတို့သည် ကျမ်းမြတ်ကုရ်အာန်၏ စစ်မှန်သည့်
သွန်သင်ချက်များအတိုင်း အမှန်တကယ် လိုက်နာကျင့်သုံးသူများ ဖြစ်ကြစေ
လို၏။ ထို့ပြင် တမန်တော်မြတ်ကြီး(ဆွ)အား နောက်လိုက်နာခံမှု၌ မိမိကိုယ်ကို
ချုပ်ငြိမ်းစေသူများဖြစ်ကြစေလို၏။ သူတို့အချင်းချင်းအကြား၌ မည်သို့သော
ရန်လိုမုန်းတီးမှုမျှ မရှိစေလိုပေ။ ယင်းတို့သည် အလ္လာဟ်အရှင်မြတ်အား
အပြည့်အဝ အမှန်တကယ် ချစ်ခြင်းဖြင့် ချစ်မြတ်နိုးသူများ ဖြစ်ကြရမည်။
သို့သော် အကယ်၍ မည်သူမဆို ဤဂျမာအတ်အတွင်း၌ ဝင်ရောက်ပြီးပါလျက်
နှင့် ဤရည်ရွယ်ချက်များကို ဖြည့်ဆည်းခြင်းမပြု၊ မိမိတို့၏ ကျင့်ကြံတည်
 ဆောက်မှုများဖြင့် စစ်မှန်သည့်ပြုပြင်ပြောင်းလဲမှုကို မပြသပါလျှင်၊ မှတ်သား
ထားလော့။ ယင်းသည် ရန်သူတို့၏ ဆန္ဒကို ဖြည့်ဆည်းသူဖြစ်လိမ့်မည်။ စင်စစ်
သူသည် ၎င်း(ရန်သူ)တို့၏ ရှေ့မှောက်တွင် ဖျက်ဆီးခြင်းခံရလိမ့်မည်။ အလ္လာဟ်
အရှင်မြတ်သည် မည်သူနှင့်မျှ ဆွေမျိုးတော်စပ်သည်မဟုတ်ချေ။ ထို့ပြင် အရှင်
မြတ်သည် မည်သူ့ကိုမျှ အရေးမစိုက်ချေ။ တမန်တော်တို့၏ သားမြေးများဟု
အခေါ်ခံခဲ့ရသည့် "ဘနီအစ္စရာအီလ်"တို့ကိုကြည့်လော့။ ယင်းတို့အနက်မှ
မြောက်မြားစွာသော "နဗီ"၊ "ရစူလ်"များ ပွင့်ပေါ်ခဲ့၏။ ထို့ပြင် ယင်းတို့သည်
အလ္လာဟ်အရှင်မြတ်၏ အလွန်ကြီးကျယ်သော "ဖဇလ်"ကောင်းချီးဆုလာဘ်များ
အတွက် အမွေခံထိုက်သူများအဖြစ် သတ်မှတ်ခြင်းခံခဲ့ရ၏။ သို့ရာတွင် ယင်းတို့
၏ ဝိညာဉ်ရေးဆိုင်ရာအခြေအနေဖောက်ပြန်လာပြီး သူတို့သည် ဖြောင့်မတ်မှန်
ကန်သောလမ်းကို စွန့်လွှတ်လိုက်ကြသည့်အခါ၊ ထို့ပြင် ပုန်ကန်ခြားနားခြင်းနှင့်
အမျိုးမျိုးသော ဖောက်ပြန်ပျက်စီးမှုတို့၌ နစ်မွန်းသွားကြသည့်အခါ နောက်ဆုံး
ရလဒ်က မည်သို့ ဖြစ်ခဲ့ပါသနည်း။

 (ထို့နောက် ထိုသူတို့သည် ဂုဏ်ရည်ညှိုး
နွမ်းခြင်းနှင့် ဆင်းရဲခြင်း၏ ရိုက်နှက်မှုကိုခံခဲ့ရလေသည်။ ၂း၆၂) ဆိုသည့်
မုက္ခပါဌ်တော်၏ ရည်ညွှန်းခံများဖြစ်သွားခဲ့ကြ၏။ အလ္လာဟ်အရှင်မြတ်၏
အမျက်တော်သည် သူတို့အပေါ် ပြိုကျခဲ့၏။ ဤသည် အဘယ်မျှ သတိသံဝေဂ
ရဖွယ် ဖြစ်ရပ်ပါနည်း။ ဘနီအစ္စရာအီလ်တို့၏ ဖြစ်ရပ်သည် အချိန်တိုင်းအတွက်
အကျိုးရှိသော သင်ခန်းစာတစ်ရပ်ဖြစ်၏။ ထိုနည်းတူစွာပင် အလ္လာဟ်အရှင်မြတ်
၏လက်တော်ဖြင့် မွေးမြူပျိုးထောင်ခြင်းခံရသော ဤအုပ်စုသည်လည်း
အရှင်မြတ်၏ ကြီးစွာသော ကောင်းချီးဆုလာဘ်တော်များကို ရရှိပေလိမ့်မည်။
သို့သော် မည်သူမဆို ဤဂျမာအတ်အတွင်းသို့ ဝင်ရောက်လျက် အလ္လာဟ်အရှင်
မြတ်အား စစ်မှန်သော ချစ်ခြင်းနှင့် တမန်တော်မြတ်(ဆွ) အား စစ်မှန်ပြည့်၀သော
နောက်လိုက်နာခံမှုမပြုပါလျှင် ထိုသူသည် ကြီးသူဖြစ်စေ၊ ငယ်သူဖြစ်စေ
ဖြတ်တောက်ခြင်းကိုခံရလိမ့်မည်။ အလ္လာဟ်အရှင်မြတ်၏ အမျက်တော်စူးရှခြင်း
အတွက် ပစ်မှတ်ဖြစ်လိမ့်မည်။ သို့ဖြစ်ရာ အသင်တို့သည် ပြည့်၀သော ပြုပြင်
ပြောင်းလဲမှုကိုပြုကြကုန်။ အသင်းတော်ကိုနာမည်ဖျက်သူများမဖြစ်ကြကုန်လင့်။"
 အထက်မှာ တင်ပြခဲ့တဲ့ အဆင့်အတန်းတွေကို ကျွန်တော်တို့အနက်
တစ်ဦးချင်းစီက အရယူဖို့ ကြိုးစားကြရမှာ ဖြစ်ပါတယ်။ "တက္ကဝါ"တရား
လမ်းကြောင်းပေါ်တွင် လျှောက်လှမ်းခြင်း၊ မိမိတို့၏ ကျင့်ကြံတည်ဆောက်မှု
များကို ပြုပြင်တည့်မတ်ခြင်း၊ မိမိတို့ရဲ့ ယုံကြည်မှု အဆင့်အတန်းများကို
မြင့်မားအောင် ပြုလုပ်ခြင်း အစရှိတာတွေဟာ သာမန် အသေးအဖွဲကိစ္စတွေ
မဟုတ်ပါဘူး။ ကျွန်တော်တို့ဟာ ခေတ်ကာလ အေမာမ်ခေါင်းဆောင်ကို
လက်ခံယုံကြည်ထားသူတွေဖြစ်တာကြောင့် သခင်ကြီးရဲ့ မျှော်လင့်ထားချက်များ
အတိုင်း ပေါ်လွင်ထင်ရှားလာစေဖို့အတွက် ကျွန်တော်တို့ဟာ အပြည့်အဝ
ကြိုးစားအားထုတ်ကြရမှာ ဖြစ်ပါတယ်။ အသေးတစ်ကာ့အသေးဆုံးသော
ကောင်းမှုကိုပင်လျှင် ဖြည့်ဆည်းဆောင်ရွက်ဖို့အတွက် ကြိုးစားရမှာ
ဖြစ်ပါတယ်။ ဒါ့အပြင် မကောင်းမှုဟူသမျှကို လုံး၀ဥဿုံ ရွံရှာမုန်းတီးမှု
ဖြစ်လာစေရပါမယ်။ ချစ်ခြင်းမေတ္တာနှင့် ညီနောင်ဖွဲ့ခြင်းတို့ကို တိုးပွားအောင်
ပြုလုပ်ဖို့အတွက် လိုအပ်ပါတယ်။ ဒါတင်မက ကျွန်တော်တို့ဟာ တစ်ဦးကို
တစ်ဦး ကူညီပံ့ပိုးသူတွေ ဖြစ်ကြရပါမယ်။ ဒီတော့မှသာလျှင် ကျွန်တော်တို့ဟာ
မိမိတို့ရဲ့ ဘိုင်အတ်ကတိသစ္စာကို ဖြည့်ဆည်းသူတွေ ဖြစ်ကြပါလိမ့်မယ်။
အလ္လာဟ်အရှင်မြတ်သည် ကျွန်တော်တို့အားလုံးကို ဤသို့ပြုလုပ်နိုင်ရန်
စွမ်းအားပေးတော်မူပါစေ။ - အာမီးန် –

အစ္စလာမ်နိုင်ငံများအတွက် ဒိုအာဆုတောင်းပေးကြဖို့ တစ်ကြိမ်ထပ်ပြီး ခင်ဗျား
တို့ကို နှိုးဆော်လိုပါတယ်။ အထူးသဖြင့် ဆီးရီးယား၊ အီဂျစ် အစရှိတဲ့ ပြည်တွင်း
ပြဿနာတွေပေါ်ပေါက်နေတဲ့ နိုင်ငံတွေအတွက် ဒိုအာပြုလုပ်ပါ။ ဆီးရီးယား
မှာက အလွန်ပြင်းထန်လျက်ရှိပြီး ကျူးလွန်ရက်စက်မှုတွေဖြစ်နေပါတယ်။
ထိုနည်းတူစွာပဲ ပါကစ္စတန်မှာ အဟ်မဒီတွေနဲ့ပတ်သက်လို့ မတရားဖိနှိပ်မှုတွေ
ပြုလုပ်လျက်ရှိပါတယ်။ သူတို့အတွက် ဘက်ပေါင်းစုံက လုံခြုံမှုမရှိသလို ခံစား
နေကြရပါတယ်။ အလ္လာဟ်အရှင်မြတ်သည် အဟ်မဒီများကို ကာကွယ်စောင့်
ရှောက်တော်မူပါစေ။ ဒါ့အပြင် ပြဿနာဖန်တီးသူတွေ၊ ငြိမ်းချမ်းရေးပျက်ပြား
အောင် ပြုလုပ်နေသူတွေကို အရှင်မြတ်သည် အမြန်ဆုံး ဖမ်းဆီးအရေးယူ
တော်မူပါစေ။ -အာမီးန်-

တစ်ပတ်အတွင်း လူကြိုက်အများဆုံး

 
-