Monday, January 20, 2014

အီမာန်ကပေးသော ရည်ရွယ်ဆုံးဖြတ်ချက်စွမ်းရည်


 အဟ်မဒီယာမွတ်စလင်မ်အဖွဲ့ကြီး၏ ခေါင်းဆောင်ခလီဖာ၊
ဟာဇရသ်မီရ်ဇာမဆ်ရူးရ်အဟ်မဒ်မှ ၂၀၁၄ ခုနှစ် ဇန်နဝါရီလ ၁ရ ရက်နေ့တွင် မြွက်ကြားခဲ့သော သောကြာနေ့ မိန့်ခွန်း

- လက်တွေ့ပြုပြင်တည့်မတ်မှုအတွက် အမှန်တကယ် လိုအပ်သော
စွမ်းရည်(၃)ရပ်- (၁) ခိုင်မာသောရည်ရွယ်ချက်၊ (၂) မှန်ကန်ပြည့်ဝသော
ပညာဗဟုသုတ၊ (၃) လက်တွေ့လုပ်ဆောင်နိုင်စွမ်း။
- ရည်ရွယ်ဆုံးဖြတ်နိုင်သော စွမ်းရည်ဆိုတာက ဘာပါလဲ။
- ရည်ရွယ်ဆုံးဖြတ်နိုင်သော စွမ်းရည်ဆိုတာက သာသနာရေးအရ အီမာန်
(ယုံကြည်မှု)ရဲ့ အမည်ပါပဲ။
- တမန်တော်မြတ်(ဆွ)အား အီမာန်သက်ဝင်ယုံကြည်ခဲ့ကြသော ဆွဟာဘာ
သာဝကကြီးများ၏ တော်လှန်ပြောင်းလဲမှု။
- အီမာန်ယုံကြည်မှုကြောင့် သူတို့အတွင်းမှာ ပေါက်ဖွားလာခဲ့တဲ့ ရည်ရွယ်
ဆုံးဖြတ်နိုင်သောစွမ်းရည်က သူတို့ရဲ့ လက်တွေ့ကျင့်သုံးမှုပိုင်း အားနည်း
ချက်တွေကို ဘယ်လို ဖယ်ရှားပစ်ခဲ့သလဲဆိုရင် အရှိန်ပြင်းစွာစီးလာတဲ့
လှိုင်းတံပိုးတစ်ခုက အမှိုက်ရိုးတံတစ်ခုကို သယ်ဆောင်သွားလိုက်သလိုပါပဲ။
- တစ်စုံတစ်ဦးထံမှာ အသိပညာစွမ်းရည်ရှိမယ်ဆိုရင် ပညာနည်းပါးမှုကြောင့်
ဖြစ်ပေါ်တတ်တဲ့ လက်တွေ့လုပ်ဆောင်မှု အားနည်းချက်တွေဟာ
လွင့်ပျောက်သွားမှာ ဖြစ်ပါတယ်။
- ဂျမာအတ်စနစ်ကြီး တစ်ခုလုံးနှင့် တာဝန်ခံ ပုဂ္ဂိုလ်တွေ၊ လက်အောက်ခံ
အစည်းအရုံးတွေက လူအများထံမှာဖြစ်ပေါ်နေတဲ့ လက်တွေ့လုပ်ဆောင်
နိုင်မှုဆိုင်ရာ အားနည်းချက်များကိုဖယ်ရှားပေးဖို့ အထောက်အကူပြုသူတွေ
ဖြစ်ကြရမယ်။  
- ဂျနာဇာ (ဈာပနဆုတောင်း)- ပါကစ္စတန်နိုင်ငံ ရာဝလ်ပင်ဒီမှ ရှဟီဒီ
Arsalan Sarwar အတွက် ဂျနာဇာဃာအီဗ်။

 တရှာဟွဒ်၊ တအာဝိုဇ်နှင့် စူရာဟ် ဖာတီဟာတို့ကို ဖတ်ရွတ်ပြီးနောက် ...
ပြီးခဲ့တဲ့ ဂျွမ္မာခွတ္တဘာမှာတုန်းက လက်တွေ့ပြုပြင်တည့်မတ်မှု လမ်းကြောင်း
တစ်လျှောက်မှာ ဟန့်တားနေတဲ့ အကာအဆီးတွေနဲ့ ကျွန်တော်တို့ကို
နောက်ဘက်သို့ တစ်ဖန် ပြန်လည်ဆွဲငင်ခေါ်ယူလျက်ရှိတဲ့ အကြောင်းခံတွေကို
ဖယ်ရှားဖို့အတွက် ဘာတွေလိုအပ်သလဲ။ အကယ်၍ လူသားထံမှာ (၁)
ရည်ရွယ်ဆုံးဖြတ်နိုင်သော စွမ်းရည်၊ (၂) မှန်ကန်ပြည့်စုံသော အသိပညာနှင့်
(၃) လက်တွေ့လုပ်ဆောင်နိုင်သော စွမ်းရည်တို့သာ ပေါ်ပေါက်လာမယ်ဆိုရင်
လက်တွေ့ပြုပြင်တည့်မတ်မှု၌ အတားအဆီးဖြစ်နေတဲ့ အားနည်းချက်တွေကို
ရင်ဆိုင်နိုင်မှာဖြစ်ကြောင်း ရှင်းလင်းတင်ပြခဲ့ပါတယ်။ ဘာကြောင့်လဲဆိုရင်
ကျင့်ကြံတည်ဆောက်မှု အားနည်းခြင်းဟာ ရည်ရွယ်ဆုံးဖြတ်နိုင်တဲ့ စွမ်းရည်မရှိ
တာကြောင့်ဖြစ်ပါတယ်။ ဒါမှမဟုတ် ကောင်းသောအကျင့်က ဘာလဲ၊
မကောင်းသော အကျင့်ကဘာလဲ ဆိုတာကို ခွဲခြားမသိတာကြောင့် ဖြစ်ပါတယ်။
ဒါ့အပြင် ကောင်းသောအကျင့်တွေကို ဘယ်လိုရှာဖွေရမလဲ၊ ဘယ်လို
ကျင့်သုံးတည်ဆောက်ရမလဲ၊ မကောင်းသောအကျင့်တွေကို ဖယ်ရှားဖို့အတွက်
ဘယ်လို ကြိုးစားရမလဲဆိုတာကို မသိတာကြောင့်လည်း ဖြစ်နိုင်ပါတယ်။
ဒါမှမဟုတ် လက်တွေ့လုပ်ဆောင်နိုင်စွမ်းက မကောင်းမှုကိုတွန်းလှန်ဖို့ရာ
စွမ်းအားမရှိလောက်အောင်ကို အင်အားနည်းပါးနေတာလည်း ဖြစ်နိုင်ပါတယ်။
ဒါကြောင့် ရည်ရွယ်ဆုံးဖြတ်နိုင်သော စွမ်းရည်ကို ခိုုင်မာအောင်ပြုလုပ်ရန်၊
အသိပညာပိုင်းအားနည်းမှုကို ဖယ်ရှားရန်နှင့် လက်တွေ့လုပ်ဆောင်နိုင်စွမ်းကို
မွေးဖွားပေးခြင်းတို့ဟာ အလွန် အရေးကြီးလိုအပ်လှပါတယ်။
လက်တွေ့လုပ်ဆောင်နိုင်စွမ်းကို မိမိကိုယ်တိုင်ကြိုးစားခြင်းအားဖြင့်လည်း ရရှိနိုင်
သလို၊ အလွန်အားနည်းတဲ့ လူသားအတွက်က ပြင်ပမှ အထောက်အကူတွေ
လိုအပ်လာမှာ ဖြစ်ပါတယ်။ မည်သို့ဆိုစေ ပြီးခဲ့တဲ့ ခွတ္တဘာမှာ ဒီအကြောင်း
အရာတွေကို တင်ပြခဲ့ပြီးဖြစ်ပါတယ်။ ယနေ့ ထိုအကြောင်းအရာကိုပဲ
အချို့သော ဥပမာတွေနဲ့ ထပ်တိုးရှင်းလင်းတင်ပြမှာ ဖြစ်ပါတယ်။

 လက်တွေ့ပြုပြင်တည့်မတ်မှုအတွက် စွမ်းရည်(၃)ရပ်လိုအပ်ကြောင်း ကျွန်တော်
တို့ သိခဲ့ရပြီးပါပြီ။ ထိုစွမ်းရည်(၃)ရပ်အနက် ပထမဦးဆုံးစွမ်းရည်က ရည်ရွယ်
ဆုံးဖြတ်နိုင်သော စွမ်းရည်ဖြစ်ပါတယ်။ ဒီ ရည်ရွယ်ဆုံးဖြတ်နိုင်စွမ်းဆိုတာက
ဘာပါလဲ။ ယခုလို မေးလိုက်တာကြောင့် အချို့ကလည်း အံ့ဩပါလိမ့်မယ်။
ရည်ရွယ်ဆုံးဖြတ်နိုင်သော စွမ်းရည်ဆိုတဲ့ စကားလုံးအားဖြင့် ဒါဟာ အလုပ်
တစ်ခုခုကို လုပ်ဆောင်ဖို့အတွက် အခိုင်အမာ ဆန္ဒပြုခြင်းနှင့် ယင်းအလုပ်ကို
ဆုံးခန်းတိုင်သည်အထိ လုပ်ဆောင်ဖို့အတွက် အင်အားစိုက်ထုတ်ခြင်းဖြစ်
ကြောင်း အများစုကဆိုကြပါလိမ့်မယ်။ အခုလို ရည်ရွယ်ဆုံးဖြတ်နိုင်သော
စွမ်းရည်က ဘာပါလဲဆိုပြီး မေးခွန်းထုတ်စရာ ဘာအကြောင်းရှိသလဲလို့
တွေးပါလိမ့်မယ်။ ဒီတော့ ဒါနဲ့ပတ်သက်လို့ ရှင်းလင်းစွာသိထားဖို့
လိုအပ်ပါတယ်။
ဟာဇရတ် မွတ်စ်လေမော်အူးဒ်(ရဒီ)က ဒီအကြောင်းအရာကို အလွန်ကောင်းမွန်
တဲ့အသွင်ဖြင့် ရှင်းလင်းမိန့်ကြားထားပါတယ်။ ရည်ရွယ်ဆုံးဖြတ်နိုင်သော
စွမ်းရည်ရဲ့ အနက်သဘောက လုပ်ဆောင်မှု အားလျော်စွာ နေရာအသီးသီးမှာ
ပြောင်းလဲလျက်ရှိပါတယ်။ ဒါကြောင့် ဒီအခြေခံအချက်ကို ကျွန်တော်တို့
သိမှတ်ထားဖို့လိုပါတယ်။ ဒီအချက်ကို မျက်မှောက်ပြုထားမယ်ဆိုတော့မှ
သာလျှင် သာသနာရေးပိုင်းအရ ရည်ရွယ်ဆုံးဖြတ်နိုင်သော စွမ်းရည်ကဘာလဲ
ဆိုတာကို စဉ်းစားတွေးတောနိုင်မှာ ဖြစ်ပါတယ်။ ဒါကြောင့် မှတ်ထားရမှာက-
သာသနာရေးအရ ရည်ရွယ်ဆုံးဖြတ်နိုင်သော စွမ်းရည်ဆိုတာက အီမာန်
(ယုံကြည်မှု)ရဲ့ အမည်ပဲဖြစ်ပါတယ်။ ဒီရှုထောင့်ကနေ ကျွန်တော်တို့ ကြည့်တဲ့
အခါ အီမာန်(ယုံကြည်မှု)စွမ်းရည် တိုးမြင့်ခြင်းအားဖြင့် လက်တွေ့လုပ်ဆောင်
နိုင်သော စွမ်းရည်ကလည်း တိုးတက်လာတယ်ဆိုတာကို သိနိုင်ပါတယ်။
အကယ်၍ ခိုင်မာတည်ကြည်သော အီမာန်ရှိပြီး အအလ္လာဟ်အရှင်မြတ်နှင့်
ဆက်နွယ်မှုရှိတဲ့အခါ လူသားရဲ့ လုပ်ငန်းဆောင်တာတွေက အလျင်အမြန်ပဲ
ကျော်လွှားသွားနိုင်ပါတယ်။ အအလ္လာဟ်အရှင်မြတ်ရဲ့ထောက်ခံမှု၊ ကူညီဆောင်မ
မှုများအားဖြင့် အခက်အခဲဟူသမျှဟာ လွယ်ကူချောမွေ့သွားပါတော့တယ်။ ဒီလို
အီမာန်(ယုံကြည်မှု)ကြောင့် လက်တွေ့လုပ်ဆောင်မှုဆိုင်ရာ အခက်အခဲတွေဟာ
 လေ၌လွင့်ပါးလျက် လူသားဟာ လွယ်ကူစွာဖြင့် မိမိကိုယ်ကို ထိန်းချုပ်ထားနိုင်
လာပါတော့တယ်။
ဒါဟာ ပါးစပ်ပြောသက်သက်မဟုတ်ပါဘူး။ ဒါနဲ့ပတ်သက်လို့ လက်တွေ့ဖြစ်ရပ်
တွေကို ကျွန်တော်တို့ တွေ့ခဲ့ရပြီးပါပြီ။ ကျွန်တော်တို့ဟာ တမန်တော်မြတ်
ကြီး(ဆွ)ရဲ့ ခေတ်ကာလကို ကြည့်ရှုသုံးသပ်တဲ့အခါ ထိုသူတို့ရဲ့ အီမာန်မယူခင်
အခြေအနေတွေနဲ့ အီမာန်ယူပြီးနောက် အခြေအနေတွေကို ယှဉ်ကြည့်လိုက်
လျှင် အလွန်အံ့ဩဖွယ်ကောင်းလောက်တဲ့ စံနမူနာတွေကို တွေ့ရမှာ ဖြစ်ပါတယ်။ 
တမန်တော်မြတ်ကြီး(ဆွ)ကို သက်ဝင်ယုံကြည်ခဲ့သူတွေဟာ ဘယ်လိုလူတွေပါလဲ။
သူတို့ရဲ့ ကျင့်ကြံတည်ဆောက်မှုအခြေအနေက ဘယ်လိုရှိခဲ့ပါသလဲ။
ဒါနဲ့ပတ်သက်လို့ သမိုင်းက ကျွန်တော်တို့ကို ဘယ်လို ပြောထားပါသလဲ။
ယခုလို ယုံကြည်လာသူတွေထဲမှာ သူခိုးသူဝှက်လည်းပါတယ်။ ဓားပြလည်း
ပါတယ်။ ပြဿနာဖန်တီးလျက် ပုန်ကန်ခြားနားတတ်သူလည်းပါတယ်။
သူတို့ထဲမှာ မိခင်တွေကို ပြန်လည်သိမ်းပိုက်သူတွေလည်း ရှိတယ်။ မိခင်တွေကို
အမွေပစ္စည်းလို ခွဲဝေယူခဲ့ကြသူတွေလည်းရှိတယ်။ မိမိတို့ရဲ့ သမီးငယ်တွေကို
သတ်ဖြတ်ခဲ့သူတွေလည်းရှိတယ်။ သူတို့အတွင်းမှာ အချိန်ပြည့် လောင်းကစား
လုပ်နေတဲ့ လောင်းကစားသမားတွေလည်းပါတယ်။ အရက်ကို အလွန်အကျွံ
သောက်စားသူတွေလည်း ပါတယ်။ သူတို့ဟာ အရက်သောက်မှသာ ဂုဏ်သိက္ခာ
ရှိတယ်လို့ ယူဆခဲ့ကြသူတွေ ဖြစ်ပါတယ်။ အရက်ကို ပိုမိုသောက်နိုင်ကြောင်းဖြင့်
ဂုဏ်ယူပြောဆိုကြသူတွေဖြစ်ပါတယ်။

ကဗျာဆရာတစ်ဦးက မိမိဟာ ညဉ့်နက်သန်းခေါင်မှာပင် နိုးထလျက်
အရက်သောက်ခဲ့ကြောင်း၊ ရေကို လက်ဖျားနှင့်ပင်မထိခဲ့ကြောင်းဖြင့် ကဗျာ
ရေးစပ်လျက် ဂုဏ်ယူဝင့်ကြွားခဲ့ပါတယ်။ လောင်းကစားသူကလည်း မိမိရဲ့
ပစ္စည်းဥစ္စာအလုံးစုံကို လောင်းကစားဝိုင်းထဲမှာ ထည့်လိုက်ကြောင်း၊ နောက်ထပ်
ရှာဖွေလာတဲ့ ပစ္စည်းဥစ္စာတွေကိုလည်း လောင်းကစားမှုထဲမှာပဲ ထည့်သွင်း
ကစားခဲ့ကြောင်း ရေးစပ်လျက် ဂုဏ်ယူပြောဆိုခဲ့ပါတယ်။ ယနေ့ အကြီးစား
 လောင်းကစားသမားတွေပင်လျှင် ဒီလို ကြေညာပြီး ကစားကြမယ်လို့ မထင်ပါ
ဘူး။ မည်သို့ဆိုစေ ဒါက ထိုခေတ်ထိုအခါက သူတို့ရဲ့ အခြေအနေ ဖြစ်ပါတယ်။
အဲဒီနောက် တမန်တော်မြတ်ကြီး(ဆွ)ကို အီမာန်သက်ဝင်ယုံကြည်ပြီးနောက်မှာ
သူတို့ရဲ့အခြေအနေဟာ ဘယ်လိုပြောင်းလဲသွားခဲ့ပါသလဲ။ ဒီ သက်ဝင်ယုံကြည်
မှုကပဲ သူတို့ထံမှာ အဘယ်သို့သော ရည်ရွယ်ဆုံးဖြတ်နိုင်စွမ်းတွေကို မွေးဖွား
ပေးခဲ့ပါသလဲ။ ဒါနဲ့ပတ်သက်လို့ အဖြစ်အပျက်တွေကိုလည်း သမိုင်းစာမျက်နှာ
တွေက ဖော်ပြလျက်ရှိပါတယ်။ အလွန်အံ့ဩစရာကောင်းပါတယ်။ အခုလို
ကြီးကျယ်တဲ့ တော်လှန်ပြောင်းလဲမှုဟာ သူတို့ထံမှာ ဘယ်လို ဖြစ်ပေါ်လာခဲ့ပါ
သလဲ။ အီမာန်သက်ဝင်ယုံကြည်ခြင်းနှင့်အတူ သူတို့ဟာ ယခု သာသနာ့
သွန်သင်ချက်များအတိုင်း လိုက်နာကျင့်သုံးဖို့အတွက် မိမိတို့ရဲ့နှလုံးသားကို
ခိုင်မာမြဲမြံအောင် ပြုလုပ်ကြရတော့မှာဖြစ်ကြောင်း ဆုံးဖြတ်ခဲ့ကြပါတယ်။
မိမိတို့ဟာ အအလ္လာဟ်အရှင်မြတ်ရဲ့ အမိန့်တော်တွေကို ဆန့်ကျင်လျက် ခြေလှမ်းမှု
မပြုတော့ဘူးလို့ ဆုံးဖြတ်ခဲ့ကြပါတယ်။ ဒါတင်မက တမန်တော်မြတ်ကြီး(ဆွ)ရဲ့
အမိန့်စကားဟူသမျှဟာ မိမိတို့အတွက် ယတိပြတ် အမိန့်ပေးစကားပဲ ဖြစ်ရမယ်
လို့ ဆုံးဖြတ်ခဲ့ကြပါတယ်။ သူတို့ရဲ့ ယခုလို ဆုံးဖြတ်ချက်က ဘယ်လောက်ထိ
ခိုင်မာတည်ကြည်ပြီး ဘယ်လောက်ထိ အင်အားပြင်းထန်လိုက်သလဲဆိုရင်
သူတို့ရဲ့ ကျင့်သုံးတည်ဆောက်မှုပိုင်းဆိုင်ရာ အားနည်းချက်တွေဟာ သူတို့ရဲ့
ဆုံးဖြတ်ချက်တွေရှေ့မှာ တစ်စက္ကန့်ကလေးတောင် မရပ်နိုင်ခဲ့ပါဘူူး။ သူတို့ရဲ့
အခြေအနေတွေဟာ ဘယ်လောက်တောင် ပြောင်းလဲသွားခဲ့သလဲဆိုရင်
အဆိုးရွားဆုံး အန္တရာယ်ရှိတဲ့ ဘေးဒုက္ခကိုပင် ခံယူဖို့အတွက် အသင့်ဖြစ်သွား
ခဲ့ပါတယ်။ အသင့်ဖြစ်ရုံတင်မကပါဘူး။ သူတို့အတွင်းမှာ ပေါက်ဖွားစေခဲ့တဲ့
ရည်ရွယ်ဆုံးဖြတ်နိုင်သောစွမ်းရည်က သူတို့ရဲ့ လက်တွေ့ကျင့်သုံးမှုပိုင်း
အားနည်းချက်တွေကို ဘယ်လိုဖယ်ရှားပစ်လိုက်သလဲဆိုရင် အရှိန်ပြင်းစွာ
စီးလာတဲ့ လှိုင်းတံပိုးတစ်ချက်က အမှိုက်ရိုးတံတစ်ခုကို သယ်ဆောင်သွားလိုက်သလိုပါပဲ။ 
သူတို့ဟာ အရက်သေစာကို ဘယ်လို သောက်စားခဲ့ကြသလဲဆိုတာ အထက်မှာ
ဥပမာ တင်ပြခဲ့ပါတယ်။ ဒီလိုသောက်စားနိုင်တာကိုပဲ သူတို့က ဘယ်လောက်
 ဂုဏ်ယူခဲ့ကြပါသလဲ။ အရက်ရှိန်တက်နေသူတစ်ယောက်ဟာ ဘယ်လို
အခြေအနေမှာရှိသလဲဆိုတာကို သိကြမှာပါ။ ကျွန်တော်တို့ရဲ့ ဖဇလ်ဗလီ
နားကနေ အရက်သမားတစ်ယောက် ဖြတ်သွားလေ့ရှိပါတယ်။ သူ့ထံမှာ
အရက်ပုလင်းကလွဲလို့ တစ်ခြားဘာမှမရှိပါဘူး။ အဝတ်တွေက ညစ်ပတ်ပေရေ
နေပေမဲ့ အရက်ကိုတော့ ဝယ်သောက်ပါတယ်။ အဲဒီလူဟာ ပညာတတ်
တစ်ယောက်၊ တစ်ချိန်က အင်ဂျင်နီယာတစ်ယောက်ဆိုတာလည်း သိရပါတယ်။
ယခုတော့ ဘာအလုပ်မှ မလုပ်တော့ပါဘူး။ အသက်ကလည်း ၈ဝ လောက်ရှိနေ
ပါပြီ။ အစိုးရထံကပေးတဲ့ ထောက်ပံ့ကြေးရသမျှကိုလည်း အရက်ဝယ်သောက်ပြီး
လမ်းပေါ်မှာပဲ နေထိုင်ပါတယ်။ မူးယစ်မှုဒဏ်ကြောင့် သူ့ရဲ့ ဦးနှောက်ကလည်း
ပုံမှန်မဟုတ်တော့ပါဘူး။ အရက်သောက်ထားတဲ့အချိန်မှာ သူ့ပုံစံက
ကြောက်စရာကောင်းပါတယ်။ ကျွန်တော်လည်း အကြိမ်ကြိမ် တွေ့ဖူးပါတယ်။
သူဟာ လမ်းသွားလမ်းလာ အမျိုးသမီးတွေကို ရှေ့ကနေပိတ်ပြီး ခြောက်လှန့်
တတ်ပါတယ်။ ဒီပတ်ဝန်းကျင်မှာနေထိုင်တဲ့ အင်္ဂလိပ်အမျိုးသမီးတွေဟာ သူ့ရဲ့
မျက်နှာကိုမြင်တဲ့အခါ အလွန်ကြောက်ကြပါတယ်။ မည်သို့ဆိုစေ သောက်စား
မူးယစ်မှုက သူ့ကို ဒီလိုအခြေအနေ ဖြစ်သွားစေခဲ့ပါတယ်။
 
ဒါ့အပြင် တစ်ချို့ အရက်မူးလာတဲ့အခါ မိခင်ဖခင်တွေကိုပါ ဆဲဆိုတတ်တဲ့
အရက်သမားတွေလည်း ရှိပါတယ်။ မထင်မှတ်တဲ့ လုပ်ရပ်တွေကို လုပ်တတ်ကြ
ပါတယ်။ ကျွန်တော် ဂါနာနိုင်ငံမှာ နေခဲ့စဉ်က အဖြစ်အပျက်တစ်ခု အမှတ်ရမိ
ပါတယ်။ ဂါနာရဲ့Dambai ဆိုတဲ့ မြို့တစ်ခုမှာ ဂျမာအတ်က စိုက်ပျိုးရေး
စီမံကိန်းတစ်ခုပြုလုပ်စဉ်က ဖြစ်ပါတယ်။ ထိုနေရာမှာ ကျွန်တော်နေတဲ့ အိမ်က
ခြံတွေဝင်းတွေ မရှိပါဘူး။ ဘေးပတ်လည်မှာ အုတ်တံတိုင်းမခတ်ထားပါဘူး။
အိမ်တိုင်း ဒီလိုပါပဲ။ အိမ်ရှေ့မှာ နေရာလွတ် သေးသေးလေးရှိပြီး အဲဒီမှာ
ကားရပ်နိုင်ပါတယ်။ ထိုစဉ်က ဂါနာနိုင်ငံရဲ့ စီးပွားရေးအခြေအနေကလည်း
မကောင်းပါဘူး။ အိမ်ရဲ့ပြင်ပမှာ တစ်ခုခုထားတယ်ဆိုရင် အခိုးခံရတတ်
ပါတယ်။ ယခုတော့ ဒီ(အင်္ဂလန်)နိုင်ငံမှာတောင် ခိုးဝှက်မှုတွေ ဖြစ်လာနေပါပြီ။
ဒီနိုင်ငံမှာကတော့ အိမ်တံခါးတွေကိုတောင်ချိုးဖျက်ပြီး ခိုးယူကြခြင်းဖြစ်ပါတယ်။
မည်သို့ဆိုစေ ထိုစဉ်က ဂါနာနိုင်ငံ တည်ငြိမ်အေးချမ်းမှုမရှိတာကြောင့်
 စီးပွားရေးအခြေအနေကလည်း မကောင်းပါဘူး။ ကျွန်တော်က အိမ်မှာ
ညစောင့်တစ်ဦး ထားပါတယ်။ သူက ညဘက်လာပြီး မနက်ဆိုရင် ပြန်ပါတယ်။
ကျွန်တော်က သူ့ကို အိမ်ပြင်မှာ ရပ်ထားတဲ့ ကားကို သေချာစောင့်ကြည့်ဖို့၊
အထူးသဖြင့် ကားဘီးတွေ အဖြုတ်ခံရတာကြောင့် အဲဒါကို ဂရုစိုက်ဖို့ သူ့ကို
မှာထားပါတယ်။ များသောအားဖြင့် သူဟာ အရက်မူးပြီး ရောက်လာတတ်
ပါတယ်။ ရောက်တဲ့အခါ စပယ်ယာဘီးကို အိမ်ထဲယူသိမ်းဖို့ ဖြုတ်တဲ့အခါ
ကားဘီးက လဲမကျခင် သူက အရင် လဲလဲကျတတ်ပါတယ်။ တစ်ရက်မှာ
ကျွန်တော် သူ့ကိုတွေ့တော့ တော်တော်ကို မူးနေပုံရပါတယ်။ ဒါနဲ့ ရဲက သူ့ကို
ဖမ်းထားလိုက်ပါတယ်။ မူးနေတဲ့အချိန် တစ်ခုခုပြောလိုက်ရင် ဆူညံအော်ဟစ်မှာ
ကြောင့် အခြေအနေအရ သူ့ကို ဘာမှမပြောဘဲ ထားလိုက်ပါတယ်။
နောက်တစ်နေ့ အမူးပြေသွားတဲ့အခါ သူ့ကို အလုပ်ကနေ ရပ်နားလိုက်ကြောင်း
ပြောလိုက်ပါတယ်။ ဒါပေမဲ့ သူက တောင်းပန်စကားပြောပြီး နောက်နောင်ကို
ဆင်ခြင်မယ်လို့ ပြောပါတယ်။ ဒါပေမဲ့ အတန်ကြာတဲ့အခါမှာ နဂိုအခြေအနေ
လိုပဲ ပြန်ဖြစ်လာပြန်ပါတယ်။

ဒါကို ပြောပြရခြင်းအကြောင်းက မူးယစ်နေတဲ့အချိန်မှာ လူဟာ မိမိ
ဘာလုပ်နေသလဲ၊ ဘာတွေပြောနေသလဲဆိုတာကို မသိပါဘူး။ နောက်တစ်နေ့
အမူးပြေတဲ့အခါ မနေ့က ခင်ဗျား မူးနေတုန်း အခုလိုတွေ ပြောသွားတယ်လို့
ပြောပြတဲ့အခါ သူက ဒါမျိုးတော့ မပြောနိုင်ပါဘူးဗျာ၊ ကျွန်တော်
အေးအေးဆေးဆေး နေတတ်တဲ့လူပါ၊ ကျွန်တော် ဒါမျိုးတွေ မပြောတတ်ပါဘူးလို့ ငြင်းပါလိမ့်မယ်။
ဟာဇရတ် မွတ်စ်လေမော်အူးဒ်(ရဒီ)ကလည်း ပုဂ္ဂိုလ်တစ်ဦးရဲ့ အဖြစ်အပျက်ကို
ပြောပြပါတယ်။ သခင်ကြီးဟာ ရထားခရီးတစ်ခုမှာ လူတစ်ယောက်နဲ့ တွေ့ခဲ့ရ
ပါတယ်။ သူဟာ ဂုဏ်သရေရှိ မိသားစုတစ်ခုထဲက ဖြစ်ပါတယ်။ ဒါ့အပြင်
ဝန်ကြီးတစ်ယောက်ရဲ့ သားလည်း ဖြစ်ပါတယ်။ ဒီခရီးတစ်လျှောက်မှာ သူဟာ
မူးနေတာကြောင့် သတိ၊ အသိရှိနေတဲ့အချိန်မှာ လူတစ်ယောက် မပြောဝံ့တဲ့
စကားတွေကို ပြောနေပါတော့တယ်။ 

 မွတ်စ်လေမော်အူးဒ်(ရဒီ)သခင်ကြီး မိန့်ကြားတော်မူတာက- အရက်သေစာရဲ့
မူးယစ်မှုက လူသားရဲ့ ဦးနှောက်အသိဉာဏ်ကို ဖုံးအုပ်သွားစေလျက် လုံးဝ
အရူးတစ်ယောက်လို ဖြစ်သွားစေတယ်။
ဒါပေမဲ့ အခြားတစ်ဖက်မှာတော့ ကျွန်တော်တို့ဟာ ရည်ရွယ်ဆုံးဖြတ်နိုင်သော
စွမ်းရည်ရဲ့ အခုလို တော်လှန်ပြောင်းလဲမှုကို မြင်တွေ့ခဲ့ရပါတယ်။ ဒါကို
မွတ်စလင်မ် မဟုတ်သူတွေကပင် မလွဲမရှောင်သာ လက်ခံခဲ့ကြရပါတယ်။
ဒီတော့ ယခုလို ရည်ရွယ်ဆုံးဖြတ်နိုင်တဲ့ စွမ်းရည်က အီမာန်(ယုံကြည်မှု)က
ပေးလိုက်တဲ့ စွမ်းရည်၊ တမန်တော်မြတ်ကြီး(ဆွ)က မိမိအား လက်ခံယုံကြည်
သူတွေအတွင်းမှာ မွေးဖွားပေးလိုက်တဲ့ စွမ်းရည် ဖြစ်ပါတယ်။
ဒါရဲ့မြင်ကွင်းကို ယခု ဆင့်ပြန်ချက်အားဖြင့် ကျွန်တော်တို့ တွေ့နိုင်ပါတယ်။
ဆဟာဘာ(သာဝက)အချို့ဟာ အိမ်တစ်ခုအတွင်းမှာ ဝိုင်းဖွဲ့ထိုင်နေကြတယ်။
တံခါးမကို ပိတ်ထားလျက် သူတို့အားလုံးဟာ အရက်သောက်နေကြတယ်။
ထိုအချိန်ထိ အရက်သေစာကို ပိတ်ပင်တားဆီးတဲ့ ဥပဒေက မကျရောက်သေး
ပါဘူး။ ပြီးတော့ သူတို့ထံမှာက အချိန်အဆနဲ့ အရက်ကိုသောက်ကြတာ
မဟုတ်ပါဘူး။ ဒီလိုနဲ့ အရက်အိုးတစ်လုံးကို ဝိုင်းထဲက လူတွေက အပြောင်ရှင်း
ပစ်လိုက်တယ်။ အရက်အိုးတစ်လုံးမှာ ဂါလံ အတော်များများ ပါပါတယ်။
နောက်တစ်အိုး စသောက်နေကြပါပြီ။ ဒီအချိန်မှာပဲ လမ်းပေါ်က အသံတစ်ခု
ကြားလိုက်ရတာက- တမန်တော်မြတ်ကြီး(ဆွ)က မိန့်တော်မူတယ်။ အလ္လာဟ်
အရှင်မြတ်ထံတော်မှ ကျွန်ုပ်ထံ အမိန့်တော်ကျရောက်တယ်။ ယနေ့မှစ၍
မွတ်စလင်မ်တွေအတွက် အရက်ကို တားမြစ်ပြီ။ ဒီအသံကို သူတို့ ကြားရတယ်
ဆိုရင်ပဲ သူတို့အတွင်းက အရသာခံမူးယစ်နေသူတစ်ဦးက အခြားတစ်ဦးကို
ထပါဦး၊ တံခါးဖွင့်ပြီး ဒီကြေညာချက်အကြောင်းကို စုံစမ်းပါဦးလို့ ပြောတယ်။
ဒီအခါမှာ ဝိုင်းထဲမှ ပုဂ္ဂိုလ်တစ်ဦးက ထရပ်လျက် အမိန့်နဲ့ပတ်သက်လို့စုံစမ်းဖို့ရာ
အပြင်ထွက်ဖို့ လုပ်နေတုန်းမှာပဲ မူးယစ်မှုအရှိန်တက်နေတဲ့ နောက်တစ်ဦးက
လက်ကိုင်တုတ်တစ်ခုကို ကောက်ယူလျက် အရက်အိုးကို ရိုက်ခွဲပစ်လိုက်
ပါတယ်။ ဒါနဲ့ ပထမပုဂ္ဂိုလ်က ဘာလုပ်တာလဲ၊ အရင်ဆုံး မေးလိုက်ဦးမှပေါ့၊
အမိန့်ကဘာအဓိပ္ပာယ်လဲ၊ ဘယ်သူတွေအတွက်လဲဆိုတာ အရင် စုံစမ်းဦးမှပေါ့
 လို့ ပြောတယ်။ ဒီအခါ ထိုပုဂ္ဂိုလ်က- မဟုတ်ဘူး၊ အရင်ဆုံး အရက်အိုးကို
ခွဲပစ်ရမယ်၊ ပြီးမှ ဒီအမိန့်နဲ့ပတ်သက်လို့ စုံစမ်းတာပေါ့လို့ ပြန်ပြောတယ်။
သူဆက်ပြောတာက တမန်တော်မြတ်ကြီး(ဆွ) ထုတ်ပြန်လိုက်တဲ့ အမိန့်သံကို
ကြားတဲ့အခါ အမိန့်နာခံမှုက အရင်ဖြစ်ရမယ်။ အဲဒီနောက်မှ ထိုအမိန့်ရဲ့
အတိုင်းအတာက ဘယ်အထိရှိသလဲ၊ ဘယ်အခြေအနေတွေမှာ တားမြစ်တာလဲ
ဆိုတာတွေကို စုံစမ်းမယ်။

ဒါဟာ တမန်တော်မြတ်ကြီး(ဆွ)ရဲ့ ဆွဟာဘာများနှင့် အခြားသူတွေကြားမှာ
ကျွန်တော်တို့တွေ့ရတဲ့ အလွန်ကြီးမားတဲ့ ကွာခြားချက်ဖြစ်ပါတယ်။ အရက်မူး
နေသူတွေရဲ့ အခြေအနေဟာ ဘယ်လိုရှိသလဲဆိုတာ အထက်မှာလည်း
တင်ပြခဲ့ပြီး ဖြစ်ပါတယ်။ အရက်သောက်နေသူထံက အရက်ခွက်ကို ယူလိုက်
မယ်ဆိုရင် ထိုးကြိတ်ရိုက်ပုတ်ဖို့အထိ ဒေါသဖြစ်တတ်ပါတယ်။ ကလပ်တွေ
ဘားတွေမှာ ဒါမျိုး အဖြစ်အပျက်တွေ မကြာခဏ ဖြစ်လေ့ရှိပါတယ်။ ပြီးခဲ့တဲ့
ရက်ပိုင်းကပဲ သတင်းတစ်ခုအရ ကလပ်တစ်ခုမှာ မူးယစ်ရမ်းကားမှုကြောင့်
လူသတ်မှုဖြစ်ပွားခဲ့ပါသေးတယ်။ ဒါတင်မက မူးယစ်နေသူတစ်ဦးဟာ မိမိနဲ့ဆန့်ကျင်တဲ့ စကားတစ်ခုကို
ကြားတာနဲ့တင် ဒေါသဖြစ်တတ်ပါတယ်။ ဒီတော့ အခုလို ယစ်မူးမှုမှာ
ရှိနေသူတွေဟာ ဦးနှောက်တည်ငြိမ်မှုလည်းမရှိသလို၊ အသိတရားလည်း
ပုံမှန်မရှိတော့ပါဘူး။ နှုတ်ပါးစပ်ကိုလည်း ထိန်းချုပ်မထားနိုင်သလို မိခင်ဖခင်
တွေကိုလည်း အရေးမစိုက်တတ်ကြပါဘူး။ သူတို့ရဲ့ လက်တွေ၊ ခြေထောက်တွေ
ကလည်း မရည်ရွယ်ဘဲနှင့် လှုပ်ရှားနေတတ်ပါတယ်။ မူးယစ်နေချိန်မှာ
သူတို့ဟာ ဥပဒေကိုလည်း ဂရုမစိုက်တော့သလို ပြစ်ဒဏ်ကိုလည်း မကြောက်ရွံ့တော့ပါဘူး။
ဒါပေမဲ့ ဆဟာဘာတွေရဲ့ ရည်ရွယ်ဆုံးဖြတ်နိုင်မှု စွမ်းရည်က သူတို့ရဲ့ ယစ်မူးမှု
တွေကို လွှမ်းမိုးသွားနိုင်ခဲ့ပါတယ်။ သူတို့ဟာ အရက်ကြောင့် ယစ်မူးနေပေမဲ့
လည်း၊ အရက်အိုးတစ်လုံးကုန်ပြီးလို့ နောက်တစ်အိုး သောက်ဖို့ လုပ်နေချိန်မှာပဲ
သူတို့ဟာ အသံတစ်ခုကို ကြားလိုက်ရတယ်။ တမန်တော်မြတ် မူဟမ္မဒ်(ဆွ)က
 မိန့်ကြားတော်မူလိုက်တယ်။ အအလ္လာဟ်အရှင်မြတ်ထံတော်မှ အမိန့်တော်
ကျရောက်ပြီ။ အရက်ကို ဟရာမ်အဖြစ် တားမြစ်လေပြီ။ ဒီအသံကို
ကြားတာနဲ့ပဲ သူတို့ရဲ့ ယစ်မူးမှုတွေဟာ အဆုံးသတ်သွားပါတော့တယ်။
သူတို့ဟာ ဦးစွာ အရက်အိုးကို ခွဲလိုက်တယ်၊ ပြီးမှ ကြေညာချက်နဲ့ပတ်သက်လို့
မေးမြန်းစုံစမ်းတယ်။ ဒါဟာ အိမ်တစ်ခုအတွင်းမှာသာ ဖြစ်ပျက်ခဲ့တာ
မဟုတ်ပါဘူး။ လူအနည်းငယ်မျှသာ ဒီလို ပြုလုပ်ခဲ့တာမဟုတ်ပါဘူး။
ဆင့်ပြန်ချက်တွေအရ မဒီနာမြို့မှာ အရက်ပွဲတော် တည်ထားကြတဲ့ အိမ်တွေ
အများအပြားရှိပါတယ်။ ဒီအမိန့်ထုတ်ပြန်လိုက်တာနဲ့တစ်ပြိုင်တည်းမှာပဲ
အရက်အိုးတွေကို အလျင်အမြန် ရိုက်ခွဲပစ်ခဲ့တာကြောင့် မဒီနာမြို့ရဲ့
လမ်းတွေပေါ်မှာ အရက်တွေဟာ ရေလို စီးဆင်းခဲ့ပါတယ်။ ဒါဟာ
ဘယ်လောက်တောင် အံ့ချီးဘွယ်ကောင်းတဲ့ ရည်ရွယ်ဆုံးဖြတ်နိုင်စွမ်းပါလိမ့်။ 
ဟာဇရတ် မွတ်စ်လေမော်အူးဒ်(ရဒီ)က မိန့်ကြားတော်မူပါတယ်။ ဒီ ရည်ရွယ်
ဆုံးဖြတ်နိုင်စွမ်းဟာ ဘယ်လိုရှိသလဲဆိုရင် ထိုစွမ်းရည်ပေါက်ဖွားလာပြီးတဲ့
နောက်မှာ ဘယ်လိုအတားအဆီးမျိုးမှ ရှေ့မှာ ရပ်မနေနိုင်တော့ပါဘူး။ ဒီ
ရည်ရွယ်ဆုံးဖြတ်နိုင်သောစွမ်းရည်က အရာရာတိုင်းကို သိမ်းပိုက်သွားပါတော့
တယ်။ တစ်နည်းအားဖြင့် ရည်ရွယ်ဆုံးဖြတ်နိုင်သော စွမ်းရည်ရဲ့ အစိတ်အပိုင်း
အများအပြားကို ပိုင်ဆိုင်ထားတဲ့ လူသားဟာ ဝိညာဏလောကရဲ့
ဘုရင်တစ်ပါးလို့ ဆိုနိုင်ပါတယ်။ ရဲရင့်တဲ့ သူရဲကောင်းတစ်ဦးပမာ ဖြစ်ပါတယ်။
သူဟာ တစ်နေရာသို့ ခြေလှမ်းဖို့ ရည်ရွယ်လိုက်တဲ့အခါ၊ သွားရောက်ဖို့
ဆုံးဖြတ်လိုက်တဲ့အခါ ရှိုင်တန်ဟာ သူ့ရှေ့မှာ လက်နက်ချရပါတော့တယ်။
သူတို့ရှေ့မှာ အခက်အခဲတွေက တောင်တန်းတစ်ခုပမာ ကာဆီးလာမယ်ဆိုရင်
လည်းပဲ အဲဒါတွေဟာ ဒိန်ခဲတစ်ခုလို အပိုင်းပိုင်း ပြတ်တောက်သွားစေမှာသာဖြစ်ပါတယ်။

ဒါကြောင့် အခုလိုမျိုး ရည်ရွယ်ဆုံးဖြတ်နိုင်သော စွမ်းရည် ပေါက်ဖွားခဲ့ပြီဆိုရင်၊
ပြီးတော့ ဒီအတိုင်းအတာထိ အီမာန်ယုံကြည်မှု မွေးဖွားခဲ့ပြီဆိုရင်တော့
လူသားတို့ရဲ့ လက်တွေ့ကျင့်သုံးတည်ဆောက်မှုများကို ပြုပြင်တည့်မတ်မှုအတွက်
 အခြားသော နည်းလမ်းတွေကို ကျင့်သုံးဖို့ရာ ဘာတစ်ခုမှ လိုအပ်တော့မှာမဟုတ်ပါဘူး။

နှစ်ပေါင်း ၁၄၀ဝ အရင်က အီမာန်ရဲ့စွမ်းအားနဲ့ ကျင့်သုံးတည်ဆောက်မှု
တွေမှာ ပေါ်ပေါက်စေခဲ့တဲ့ အလွန်ကျယ်ပြန့်တဲ့ တော်လှန်ပြောင်းလဲမှုကို
ကမ္ဘာလောကရဲ့ အခြား မည်သည့်နေရာမှာမှ မတွေ့ရနိုင်ပါဘူး။ အဘယ်မျှ
အံ့ချီးဘွယ် တော်လှန်ပြောင်းလဲမှု ဖြစ်ခဲ့ပါသလဲ။ တမန်တော်မြတ်ကြီး(ဆွ)ရဲ့
ကျေးကျွန်အစေတော်ကို လက်ခံယုံကြည်ခဲ့ကြသူတွေအတွင်းမှာလည်း ဒါနဲ့
ဆင်တူတဲ့ ဥပမာတွေကို ကျွန်တော်တို့ တွေ့ခဲ့ရပါတယ်။
ဆေးရွက်ကြီး စားတာက ဟရာမ်မဟုတ်သော်လည်း မဆီဟ်မော်အူးဒ်(အ)
သခင်ကြီးက အဲဒါကို မနှစ်မြို့ဖွယ်ရာအဖြစ် သတ်မှတ်ခဲ့ပါတယ်။ တစ်နေရာမှာ
သခင်ကြီးက အကယ်၍ ဆေးရွက်ကြီး သုံးစွဲမှုဟာ တမန်တော်မြတ်ကြီး(ဆွ)
လက်ထက်တော်မှာသာ ရှိခဲ့မယ်ဆိုရင် ကိုယ်တော်ဟာ ဒါကိုလည်း ပိတ်ပင်ခဲ့
မှာပဲလို့ မိန့်ကြားတော်မူခဲ့ပါတယ်။ မည်သို့ဆိုစေ ဒါက မကောင်းမှုတစ်ခု
ဖြစ်သလို၊ ဒါကို သုံးစွဲခြင်းအားဖြင့် ယစ်မူးမှုလည်း ဖြစ်စေပါတယ်။
ဟာဇရတ် မဆီဟ်မော်အူးဒ်(အ)သခင်ကြီးရဲ့ ခရီးတစ်ခုမှာ သခင်ကြီးက
ဟွတ်ကာ(ဆေးတံရှည်) သောက်သုံးခြင်းကို မနှစ်မြို့ကြောင်း ပြသတဲ့အခါ
ဟွတ်ကာသောက်တဲ့ အကျင့်ဖြစ်နေတဲ့ သာဝကတွေက သူတို့ရဲ့ ဟွတ်ကာ
အိုးတွေကို ရိုက်ခွဲပစ်ခဲ့ကြပါတယ်။ အဲဒီနောက်မှာလည်း သူတို့ဟာ
ဆေးရွက်ကြီးသုံးစွဲမှု အနီးအပါးတောင် မကပ်ကြတော့ပါဘူး။
ဒါနဲ့ပတ်သက်လို့ ကျွန်တော်တို့ဟာ နည်းနည်းမှ အာရုံမပြုကြဘူးဖြစ်နေပါတယ်။
မဆီဟ်မော်အူးဒ်(အ)သခင်ကြီး၏ ဆွဟာဘာများရဲ့ စံနမူနာတွေကိုလည်း
တွေ့ကြရတယ်။ သူတို့ဟာ အဟ်မဒီယတ်ကို လက်ခံပြီးနောက်မှာ မကောင်းမှု
အားလုံးကို စွန့်လွှတ်ခဲ့ကြတယ်။ ဘယ်လောက်တောင်လဲဆိုရင် အချို့
အရက်သေစာ သောက်စားမှုထဲမှာပိတ်မိနေကြသူတွေပင်လျှင် အဟ်မဒီယတ်ကို
လက်ခံပြီးနောက်မှာ အဲဒါကို စွန့်လွှတ်နိုင်ခဲ့ကြပါတယ်။ 
 ဒါဟာ ကျွန်တော်တို့ဘက်က တည်ဆောက်ကြရမယ့် စံနမူနာတွေ ဖြစ်ပါတယ်။
ဥပဒေတစ်ခုခုကို ကြောက်ရွံ့တာကြောင့် ဒါမှမဟုတ် ပတ်ဝန်းကျင်ကို
ကြောက်ရွံ့တာကြောင့်ပဲ မကောင်းမှုတွေကို စွန့်လွှတ်တာမျိုး မဖြစ်စေရပါဘူး။
ဒါမှမဟုတ် ထိုမကောင်းမှုကို စွန့်လွှတ်ရတာက မိဘတွေကိုကြောက်ရွံ့တာ
ကြောင့် သို့မဟုတ် ပတ်ဝန်းကျင်ကို ကြောက်ရွံ့တာကြောင့်ပဲ မဖြစ်စေရပါဘူး။
အမှန်တော့ မိမိတို့ဟာ မကောင်းမှုတွေကို စွန့်လွှတ်ရခြင်း အကြောင်းရင်းက
အအလ္လာဟ်အရှင်မြတ်နှင့် အရှင့်တမန်တော်(ဆွ)က တားမြစ်ထားတာကြောင့်
သို့တည်းမဟုတ် ဒီခေတ်ကာလမှာ မဆီဟ်မော်အူးဒ်(အ) သခင်ကြီးက
တားမြစ်ထားတာကြောင့် မိမိတို့ဟာ ဒီကိစ္စတွေကနေ ရှောင်ကြဉ်တာမျိုး
ဖြစ်ရပါမယ်။ မွတ်စလင်မ်နိုင်ငံတွေမှာ အရက်ကို ထင်ထင်ရှားရှား မရနိုင်ပါဘူး။
ဥပဒေကလည်း ခွင့်မပြုထားပါဘူး။ ဒါပေမဲ့ တိတ်တဆိတ် အရက်ချက်ကြပြီး
ထိုအရက်တွေရဲ့ ယစ်မူးမှုကလည်း အလွန်ပြင်းပါတယ်။ ချမ်းသာကြွယ်ဝသူတွေ
ကလည်း အကြောင်းပြချက်အမျိုးမျိုးနဲ့ အရက်အကောင်းစားတွေကို ပြင်ဆင်
ထားတတ်ကြပါတယ်။ တစ်ချို့ တက္ကသိုလ်ကျောင်းသားတွေ ချောင်းဆိုးပျောက်
ဆေးရည်တွေနဲ့ အခြားဆေးဝါးတွေကို မူးယစ်ဆေးဝါးအဖြစ် သုံးစွဲကြတာလည်းတွေ့ဖူးပါတယ်။

ဒါကြောင့် ယခုလို ပတ်ဝန်းကျင်မှာ အဟ်မဒီတွေအနေနဲ့ ဒီကိစ္စတွေကနေ
အလွန် သတိဝီရိယဖြင့် ရှောင်ကြဉ်ကြရမှာ ဖြစ်ပါတယ်။ မိမိတို့ရဲ့ ရည်ရွယ်
ဆုံးဖြတ်နိုင်သော စွမ်းရည်အားဖြင့် ထိုမကောင်းမှုများမှ ရှောင်ကြဉ်ကြရမှာ
ဖြစ်ပါတယ်။ ယနေ့ ဥရောပနိုင်ငံတွေမှာလည်း အလွန် အန္တရာယ်များတဲ့
မူးယစ်ဆေးဝါးတွေအပြင် စားသောက်ဆိုင်တွေမှာ၊ အထူးသဖြင့် မွတ်စလင်မ်
စားသောက်ဆိုင်တွေမှာ ရှီရှာဆိုတဲ့ မူးယစ်စေတဲ့အရာတစ်မျိုးက တွင်ကျယ်စွာ
သုံးလာနေပါတယ်။ ထိုနည်းတူစွာပဲ အမေရိကန်မှာက ဟွတ်ကာနဲ့ဆင်တူတဲ့
မူးယစ်ဆေးကို သုံးစွဲကြပါတယ်။ ဒီနိုင်ငံမှာလည်း ကျွန်တော်တို့ထဲက
အချို့သော ယောက်ျားလေးတွေနဲ့ မိန်းကလေးတွေဟာ ရှီရှာသုံးကြတယ်လို့
သိရပါတယ်။ ပြီးတော့ ဒါကို သုံးစွဲလို့ မူးယစ်မှုမရှိပါဘူး၊ ဒါမှမဟုတ်
တစ်ခါတစ်ရံ သုံးစွဲမှုကြောင့် ဘာမှမဖြစ်နိုင်ပါဘူးလို့ ဆိုကြပါတယ်။
 မှတ်သားထားကြပါ။ တစ်ခါတစ်ရံ သုံးစွဲခြင်းကပဲ တစ်ချိန်မှာ တကယ့်
မူးယစ်ဆေးသမားတစ်ယောက် ဖြစ်သွားစေပါလိမ့်မယ်။ ထိုအချိန်ကိုရောက်တဲ့
အခါ နောက်ဆုတ်ဖို့ အလွန်ခက်ခဲသွားပါလိမ့်မယ်။ ဒါကြောင့် ယခုကတည်းက
မိမိတို့ရဲ့ရည်ရွယ်ဆုံးဖြတ်နိုင်စွမ်းကို အသုံးချလျက် လုပ်ဆောင်ရမှာ
ဖြစ်ပါတယ်။ ဒီမကောင်းမှုကနေ လွတ်မြောက်မှုရရှိအောင် ပြုလုပ်ရမှာ
ဖြစ်ပါတယ်။ ဒီအတွက် မိမိတို့ရဲ့ အီမာန် ယုံကြည်မှုအခြေအနေကို ပြန်လည်
ကြည့်ရှုသုံးသပ်ပါ။ အီမာန်ပိုင်းဆိုင်ရာ ပူလောင်ပြင်းပြမှုကသာလျှင် ရည်ရွယ်
ဆုံးဖြတ်နိုင်စွမ်းကို မွေးဖွားပေးနိုင်မှာ ဖြစ်ပါတယ်။ ဒီအီမာန်ကပဲ အလွန်ကြီးမား
တဲ့ ဆုံးဖြတ်ချက်တစ်ခုကို အလျင်အမြန် ချမှတ်အောင် ပြုလုပ်နိုင်ပါတယ်။
ပမာအားဖြင့် ဆဟာဘာများရဲ့ဖြစ်ရပ်တွေမှာ ကျွန်တော်တို့ မြင်တွေ့ရသလိုပါပဲ။

ဒီလိုမှမဟုတ်ရင်တော့ ဥပဒေကလည်း ဒါကို တားမြစ်နိုင်မှာ မဟုတ်ပါဘူး။
ကျွန်တော်အထက်မှာ ပြောခဲ့သလိုပါပဲ။ ပါကစ္စတန်မှာ ဥပဒေလည်း
ပြဋ္ဌာန်းထားပါတယ်။ ဒါပေမဲ့လည်း အရက်ဝယ်လို့ ရတာပါပဲ။ လူတွေကလည်း
သောက်သုံးကြပါတယ်။ ဒီအတွက် နည်းလမ်းအမျိုးမျိုး ပြုလုပ်ထားပါတယ်။
တစ်ချိန်က အမေရိကန်မှာ အရက်ကို တားမြစ်ကြောင်း အတိအလင်း
ကြေညာခဲ့ပါတယ်။ လူတွေကလည်း အခြားနည်းလမ်းတစ်ခုကို ထွင်လိုက်ပြီး
အရက်ပြန်တွေကို သောက်လာကြပါတယ်။ အရက်ပြန်ရဲ့ ဆိုးကျိုးကြောင့်
လူတွေသေဆုံးခဲ့ကြရပါတယ်။ 

ဟာဇရတ် မွတ်စ်လေမော်အူးဒ်(ရဒီ)သခင်က မိန့်ကြားတော်မူပါတယ်။
အီမာန်မရှိတာကြောင့် လောကီဥပဒေရဲ့ ကြိုးစားမှုကလည်း မအောင်မြင်
နိုင်ခဲ့ပါဘူး။ မူးယစ်မှုအရသာကိုရဖို့အတွက် အရက်ပြန်တွေကိုပါသောက်လျက်
ဆိုးကျိုးတွေ ဖြစ်လာခဲ့ကြပါတယ်။ အစိုးရကလည်း ဥပဒေကို ပြင်ဆင်ရပြန်
ပါတယ်။ အကယ်၍ ဆရာဝန်က ခွင့်ပြုမယ်ဆိုရင် အရက်ဝယ်ယူခွင့်ရှိကြောင်း
ပြဋ္ဌာန်းလိုက်ပါတယ်။ ဒီတော့ ရလဒ်က ဘယ်လိုဖြစ်သွားသလဲဆိုရင်
မြောက်မြားစွာသော ဆရာဝန်တွေက မိမိတို့ဝင်ငွေကောင်းဖို့အတွက် ထောက်ခံ
စာတွေ အများအပြား ပြုလုပ်ပေးခဲ့ပါတယ်။ တစ်ခါ လက်တွေ့မဆင်းရသေးတဲ့
 ဆရာဝန်တွေကပင်လျှင် အခုလို ထောက်ခံစာတွေ ရေးပေးလိုက်ခြင်းအားဖြင့်
ဝင်ငွေတစ်ခုရလာခဲ့ပါတယ်။ နောက်ဆုံးမှာတော့ ဥပဒေကိုပါ ပြင်ဆင်ရတဲ့အထိ
ဖြစ်သွားပြီး အသက်အရွယ် ကန့်သတ်ချက်နဲ့ အရက်ဝယ်နိုင်တဲ့ အခြေအနေ
ဖြစ်လာခဲ့ပါတယ်။ တစ်နေရာမှာက အသက် ၂၁ နှစ်ဆိုရင် ဝယ်လို့ရပြီ။
နောက်တစ်နေရာမှာက ၁၈ နှစ်ဆိုရင် ဝယ်လို့ရပြီ။ နောက်တစ်နေရာမှာက
အကယ်၍ လူကြီးတစ်ယောက်ပါမယ်ဆိုရင် အသက် ၁၅၊ ၁၆ နှစ်အရွယ်
ကလေးတွေအတွက်လည်း သီးသန့်စီစဉ်ထားတဲ့ အရက်တွေကို သောက်နိုင်ပါတယ်။

တကယ်တော့ ဒါတွေက မိမိတု့ိဥပဒေရဲ့ မစွမ်းနိုင်မှုကို ဖုံးကာဖို့ရာ စီစဉ်ထားတဲ့
အကြောင်းပြချက်တွေသာ ဖြစ်ပါတယ်။ တိုင်းပြည်က တိုးတက်လာတာနဲ့အမျှ
မကောင်းမှုတွေအတွက်လည်း ဥပဒေကနေ ခွင့်ပြုချက် ပေးလာနေရပါတယ်။
မကောင်းမှုတွေကို မဟန့်တားနိုင်တဲ့အခါ ဥပဒေကို လိုသလို ပြုပြင်လို့ရအောင်
လုပ်ထားကြရပါတယ်။ 

ဒါပေမဲ့ အလ္လာဟ်အရှင်မြတ်ရဲ့ အမိန့်တွေမှာ သတ်မှတ်ထားတဲ့ မကောင်းမှုတွေ
ကတော့ အမြဲတမ်းအတွက် မကောင်းမှုတွေပဲဖြစ်ပါတယ်။ အအလ္လာဟ်အရှင်မြတ်
က ကျွန်တော်တို့ရဲ့ အလိုဆန္ဒတွေကို လိုက်လျောစရာ အကြောင်းမရှိပါဘူး။
ကျွန်တော်တို့ကသာလျှင် မိမိတို့ရဲ့ ပြုကျင့်မှုတွေကို တည့်မတ်ဖို့ အတွက်
အအလ္လာဟ်အရှင်မြတ်ရဲ့ အမိန့်တော်များကို လိုက်နာကြရမှာ ဖြစ်ပါတယ်။
ပြီးတော့ ကျွန်တော်တို့ရဲ့အီမာန်ပိုင်းဆိုင်ရာ အခြေအနေကလည်း
မြင့်မားတဲ့အဆင့်သို့ ရောက်တော့မှသာလျှင် အခုလို လိုက်နာကျင့်သုံးမှုကလည်း
ပေါက်ဖွားလာမှာ ဖြစ်ပါတယ်။ ယနေ့ ဖွံ့ဖြိုးတိုးတက်နေတဲ့ နိုင်ငံတွေက
တစ်ချိန်က အသိတရားမဲ့သူတွေ၊ စာပေမတတ်သူတွေအဖြစ် သဘောထားခဲ့
ကြတဲ့ ထိုလူမျိုးစုဟာ မိမိတို့ရဲ့ အီမာန်ပိုင်းဆိုင်ရာ ပူပြင်းလောင်မြိုက်မှုကို
မိမိတို့ရဲ့ ယစ်မူးမှုများပေါ်မှာ လွှမ်းမိုးသွားစေခဲ့ပါတယ်။ မိမိတို့ရဲ့
ကျင့်ကြံမှုများကို ပြုပြင်တည့်မတ်ခဲ့ပြီး တစ်ဖန် မိမိတို့ရဲ့ အကောင်းမွန်ဆုံး
ပြုကျင့်မှုများရဲ့ အလံကိုလွှင့်ထူလျက် ကမ္ဘာလောကတစ်ခုလုံးကို
မိမိတို့နောက်သို့ လိုက်စေခဲ့ပါတယ်။

 ဒါကြောင့် ကောင်းစွာသိထားရမှာက သာသနာရေးကိစ္စမှာ ရည်ရွယ်ဆုံးဖြတ်
နိုင်တဲ့ စွမ်းရည်ဟာ မိမိတို့အီမာန်ရဲ့ ခိုင်မြဲမှုကို ခေါ်ဆိုခြင်း ဖြစ်ပါတယ်။
ယင်းက ကောင်းမှုကုသိုလ်များကို ပြုကျင့်ခြင်းအားဖြင့် တည်တံ့နေနိုင်မှာဖြစ်ပြီး
မကောင်းမှုများမှ လွတ်မြောက်စေမှာ ဖြစ်ပါတယ်။
ဒါနဲ့တစ်ပြိုင်တည်း တည်ရှိနေတာက အသိပညာစွမ်းရည်ဖြစ်ပါတယ်။
အကယ်၍ တစ်စုံတစ်ယောက်ထံမှာ အသိပညာစွမ်းရည်ရှိမယ်ဆိုရင်
ပညာနည်းပါးမှုကြောင့် ဖြစ်ပေါ်တတ်တဲ့ လက်တွေ့လုပ်ဆောင်မှု အားနည်းချက်
တွေဟာ လွင့်ပျောက်သွားမှာ ဖြစ်ပါတယ်။ ဒီအတွက် ယေဘုယျ ရုပ်ပိုင်းဆိုင်ရာ
ကိစ္စတစ်ခုက ငယ်ရွယ်စဉ်ကလေးငယ်တွေမှာ အချို့သော အကျင့်တွေရှိတတ်ပြီး
ဥပမာ တစ်ချို့က မြေကြီးစားတတ်တယ်။ အဲဒါရဲ့ ဆိုးကျိုးကိုခံရတဲ့အခါ
ကြိုးစားပြီး ဒီအကျင့်ကို ဖျောက်ဖျက်ပစ်တယ်။ ဒါနဲ့အလားတူ များစွာသော
အကျင့်တွေရှိပါသေးတယ်။ ဥပမာ ညအိပ်တဲ့အခါ ဆံပင်တွေကို နုတ်တတ်တဲ့
အကျင့်ရှိတဲ့ မိန်းကလေးငယ်တွေလည်း ရှိကြတယ်။ ဒီလိုကြောင့် အနာတရ
လည်း ဖြစ်တတ်တယ်။ တဖြည်းဖြည်း အသက်ကြီးလာတဲ့အခါ သူတို့ဟာ ဒါကို
ခံစားမိလာပါတယ်။ ကြိုးစားလျက် ဒီအကျင့်ကို ပျောက်အောင် ပြုလုပ်ကြရ
ပါတယ်။ ဒီတော့ အခုလို အသိပညာရှိခြင်းအားဖြင့် အလေ့အကျင့်တွေဟာ
အဆုံးသတ်သွားတတ်ပါတယ်။

ဒါကြောင့် အကြင်သူဟာ အအလ္လာဟ်အရှင်မြတ်ကို အနည်းငယ်မျှမဆို
ကြောက်ရွံ့မှုရှိမယ်ဆိုရင်၊ ဒါမှမဟုတ် သူ့ကို လုပ်ရပ်တစ်ခုရဲ့ အပြစ်ဒဏ်နဲ့
အအလ္လာဟ်အရှင်မြတ်ရဲ့ အမျက်တော်ရှခြင်းနဲ့ပတ်သက်လို့ မှန်မှန်ကန်ကန်
သိစေခဲ့မယ်ဆိုရင်၊ ပြီးတော့ အပြစ်ဒုစရိုက်တွေကို အအလ္လာဟ်အရှင်မြတ်ဟာ
အဘယ်မျှ စိတ်ဆိုးအမျက်ရှတော်မူကြောင်း သူ့ကို သိစေခဲ့မယ်ဆိုရင် သူဟာ
ထိုမကောင်းမှုကနေ ရှောင်ကြဉ်မှာ ဖြစ်ပါတယ်။
တစ်ဖန် လက်တွေ့ပြုပြင်တည့်မတ်မှုမှာ အားနည်းစေတဲ့ တတိယအချက်က
လက်တွေ့လုပ်ဆောင်နိုင်စွမ်းနည်းပါးခြင်း ဖြစ်ပါတယ်။ အချို့ကလည်း
ဒီအကြောင်းအရာတွေကို တစ်ကြော့ပြန်ပြီး ပြောနေတယ်လို့ ထင်ကောင်းထင်ပါ
 လိမ့်မယ်။ တစ်နည်းအားဖြင့် အကြောင်းအရာတွေကို တစ်ဖန်
ပြန်လည်ပြောဆိုနေသည် မှန်သော်လည်းပဲ မတူညီတဲ့ ရှုထောင့်အမျိုးမျိုးကနေ
တင်ပြနေခြင်းသာဖြစ်ပြီး ဒီလိုအားဖြင့် နားလည်သဘောပေါက်နိုင်စေဖို့ ဖြစ်ပါတယ်။

မည်သို့ဆိုစေ သိထားရမှာက- လက်တွေ့လုပ်ဆောင်နိုင်စွမ်းနည်းပါးခြင်း၊
သို့တည်းမဟုတ် လုံးဝမရှိခြင်းတို့ရဲ့ အချို့သော အကြောင်းအချက်တွေ
ရှိနေပါတယ်။ အကြောင်းခံတစ်ခုက အလေ့အကျင့် ဖြစ်ပါတယ်။
လူတစ်ယောက်ထံမှာ ရည်ရွယ်ဆုံးဖြတ်နိုင်တဲ့ စွမ်းရည်လည်း ရှိမယ်၊
အသိပညာလည်းရှိမယ်၊ ဒါပေမဲ့ စွဲနေတဲ့အလေ့အထတွေကြောင့် သူ့ရဲ့
လက်တွေ့လုပ်ဆောင်မှုအပိုင်းမှာ အားနည်းချက်တွေကို မြင်တွေ့နေရခြင်းလည်း
ဖြစ်တတ်ပါတယ်။ ဒါမှမဟုတ် လူတစ်ယောက်က အအလ္လာဟ်အရှင်မြတ်နဲ့
နီးစပ်မှုကို ရနိုင်တယ်ဆိုတာကို သိပါလိမ့်မယ်။ ဒါပေမဲ့ ရုပ်ဝတ္ထုတွေကို
တွယ်တာမြတ်နိုးမှု သို့မဟုတ် ရုပ်ဝတ္ထုပစ္စည်းတွေ ဆုံးရှုံးမှာကို စိုးရိမ်တာကြောင့်
ယခုလို ကြောက်ရွံ့စိုးရိမ်မှု စိတ်အားတွေက လွှမ်းမိုးလာပြီး ဒီလိုနဲ့ သူဟာ
အအလ္လာဟ်အရှင်မြတ်နဲ့ နီးစပ်မှုရခြင်းကနေ ဆုံးရှုံးသွားရတတ်ပါတယ်။
ဒီလိုလူတွေအတွက် အတွင်းပိုင်းကုသမှုမဟုတ်ဘဲ ပြင်ပကုသမှုပြုလုပ်ဖို့
လိုအပ်နေပါတယ်။ အကြောင်းကတော့ ဒီလိုလုပ်ခြင်းအားဖြင့်
လက်တွေ့လုပ်ဆောင်နိုင်မှုစွမ်းအင်ကို မြှင့်တင်ပေးနိုင်မှာ ဖြစ်ပါတယ်။
ဒီအတွက် မှန်ကန်တဲ့ အမှီအတွယ်ကို လိုအပ်ပါတယ်။ အကယ်၍ မှန်ကန်တဲ့
အမှီအတွယ်ကို ရရှိသွားပြီဆိုရင် အခြေအနေ ကောင်းမွန်လာမှာ ဖြစ်ပါတယ်။
ဒါကြောင့် ပြုပြင်တည့်မတ်မှုအတွက် ထိုသည့် မှန်ကန်တဲ့ မှီတွယ်ရာကို ရှာဖွေဖို့
လိုအပ်ပါတယ်။ အအလ္လာဟ်အရှင်မြတ်ရဲ့ အမျက်တော်ဟာ အလွန်ပြင်းပြတယ်
ဆိုတာကို သိထားတဲ့ လူတစ်ယောက်ကို အရှင်မြတ်အား ကြောက်ရွံ့ဖို့ပြောပြီး
မကောင်းမှုကနေ ဟန့်တားလို့ကတော့ ဘာမှ အကျိုးမရှိနိုင်ပါဘူး။ အရှင်မြတ်ရဲ့
ချစ်ခြင်းမေတ္တာကို မွေးဖွားပေးခြင်းအားဖြင့်လည်း မဖြစ်နိုင်ပါဘူး။ သူဟာ
နဂိုကပင် ဒီအကြောင်းတွေကို သိထားပြီး ဖြစ်ပါတယ်။ သူ့ထံမှာ
ရည်ရွယ်ဆုံးဖြတ်နိုင်သော စွမ်းရည်လည်း ရှိပြီးဖြစ်ပေမဲ့ မပြည့်စုံလို့သာ
 ဒါမျိုးဖြစ်နေရခြင်း ဖြစ်ပါတယ်။ အသိပညာအရလည်း သူ့ကို
ကျွန်တော်တို့ဘက်က ပေးခဲ့ပြီးပြီ၊ သူ့ထံမှာ နဂိုကလည်း အသိပညာရှိထားတယ်၊
ဒါပေမဲ့ သူ့ရဲ့နှလုံးသား သံချေးတက်မှုကြောင့် အအလ္လာဟ် အရှင်မြတ်အား
ချစ်မြတ်နိုးခြင်းနှင့် အရှင့်အမျက်တော်ကို စိုးကြောက်ခြင်းတို့က သူ့ရဲ့
နှလုံးသားကို မသက်ရောက်နိုင်ခြင်း ဖြစ်ပါတယ်။ ဒီအခါမှာ သူ့အတွက်
အခြားနည်းလမ်းတွေ လိုအပ်လာပါပြီ။ ဘာကြောင့်လဲဆိုရင် သူ့ရဲ့ အီမာန်က
မပြည့်စုံတာကြောင့် အအလ္လာဟ်အရှင်မြတ်ကလည်း သူ့ရဲ့ အမြင်ကနေ
ကွယ်ပျောက်သွားပြီ ဖြစ်ပါတယ်။ ဒီအတွက်ကြောင့်ပဲ သူဟာ အရှင်မြတ်ကို
ကြောက်ရွံ့မှုမရှိခြင်း ဖြစ်ပါတယ်။ ဒီလိုလူတွေအတွက် သူတို့ကြောက်တဲ့
အချို့သော လူပုဂိ္ဂုလ်တွေရှိပါတယ်။ ဒီတော့ သူတို့ရဲ့ စိတ်ထဲမှာ
သူတို့ကြောက်တဲ့ လူမှတစ်ဆင့်၊ ဒါမှမဟုတ် ရုပ်ပိုင်းအင်အားသုံးပြီး သူ့ကို
တည့်မတ်ပေးဖို့ ကြိုးစားမယ်ဆိုရင် သူဟာလည်း ပြုပြင်တည့်မတ် သွားနိုင်မှာ
ဖြစ်ပါတယ်။ ကန့်သတ်ချက်ကတော့ ဒီကိစ္စအတွက် အင်အားသုံးစွဲတဲ့အခါမှာ
လည်း လောကီဥပဒေလိုမျိုး ပြုပြင်ပြောင်းလဲမှုပြုရမှာကိုကြောက်ပြီး နိုင်ငံရေး
ပရိယာယ်အရ နောက်ဆုတ်ပေးတာမျိုးတော့ မဖြစ်စေရပါဘူး။
မည်သို့ဆိုစေ ကမ္ဘာလောကမှာ အခုလို လူပုဂ္ဂိုလ်(၃)မျိုး ရှိပါတယ်။
အချို့လူတွေရဲ့ လုပ်ဆောင်မှုအားနည်းရခြင်းက အီမာန်ပိုင်းဆိုင်ရာမှာ
မပြည့်ဝခြင်းကြောင့် ဖြစ်ပါတယ်။ အချို့ထံမှာ လက်တွေ့လုပ်ဆောင်မှု
အားနည်းရခြင်းက သူတို့ရဲ့ အသိပညာပိုင်းမှာ မပြည့်ဝခြင်းကြောင့်
ဖြစ်ပါတယ်။ အချို့ထံမှာက အီမာန်လည်းရှိတယ်၊ အသိပညာလည်းရှိတယ်။
ဒါပေမဲ့ အခြားသော အကြောင်းခံတွေကြောင့် သူတို့ရဲ့ နှလုံးသားမှာ
ဖြစ်ပေါ်နေတဲ့ သံချေးတွေကြောင့် ဒီကုစားမှုနှစ်မျိုးတည်းနဲ့ သူတို့အတွက်
မအောင်မြင်နိုင်ပါဘူး။ ပြင်ပမှအကူအညီနဲ့ ကုသမှုလိုအပ်လာမှာ ဖြစ်ပါတယ်။
သူတို့အတွက် အမှီအတွယ်တစ်ခုခု လိုအပ်ပါလိမ့်မယ်။ ဥပမာ-
တစ်စုံတစ်ယောက်ရဲ့ အရိုးကျိုးသွားတဲ့အခါ ပတ်တီးစည်းပြီး သူ့အတွက်
ချိုင်းထောက်တစ်ခု လုပ်ပေးရပါတယ်။ ဒါမှမဟုတ် အချို့ကို ခွဲစိတ်ကုသပြီး
အတွင်းထဲမှာ စတီးချောင်းထည့်လျက် ပိုမိုခိုင်မာလာအောင် ပြုလုပ်ရပါတယ်။
 ဒီလိုအားဖြင့် တဖြည်းဖြည်းနဲ့ အရိုးတွေက ဆက်သွားတဲ့အခါ အထောက်အကူ
ပြုထားတဲ့ ပစ္စည်းတွေကို ဖယ်လိုက်ရပါတယ်။ ထိုနည်းတူစွာပဲ အချို့လူတွေ
အတွက် အချိန်ကာလအနည်းငယ်အထိ အထောက်အကူ လိုအပ်ပါတယ်။
တဖြည်းဖြည်းနဲ့ ဒီအထောက်အကူက သူ့အတွင်းမှာ သူကိုယ်တိုင် လုပ်ဆောင်
နိုင်စွမ်းရှိလာအောင် အင်အားတွေ မွေးဖွားပေးလိုက်နိုင်ပါတယ်။ ဒီလိုအားဖြင့်
သူ့ထံက လုပ်ဆောင်မှုဆိုင်ရာ အားနည်းချက်တွေဟာ ပျောက်လွင့်သွားပါ
တော့တယ်။

ဒါကြောင့် ပြီးခဲ့တဲ့ ခွတ္တဘာမှာလည်း ကျွန်တော် တင်ပြခဲ့ပြီးဖြစ်တဲ့အတိုင်း
ကျွန်တော်တို့ရဲ့ ဂျမာအတ်စနစ်ကြီး တစ်ခုလုံး၊ ကျွန်တော်တို့အတွင်းမှ တာဝန်ခံ
ပုဂ္ဂိုလ်တွေ၊ လက်အောက်ခံအစည်းအရုံးတွေက လူတွေထံမှာ ဖြစ်ပေါ်နေတဲ့
လက်တွေ့လုပ်ဆောင်နိုင်မှု အားနည်းချက်တွေကို ဖယ်ရှားဖို့ရာ အထောက်အကူ
ဖြစ်စေတဲ့ အကြောင်းခံတွေဖြစ်လာအောင် ပြုလုပ်ကြပါ။ အကယ်၍
သူတို့ကိုယ်တိုင်ကပါ ရည်ရွယ်ဆုံးဖြတ်နိုင်စွမ်းမှာ အားနည်းမှုရှိနေမယ်၊
ဒါမှမဟုတ် အသိပညာပိုင်းမှာ အားနည်းမှုရှိနေမယ်၊ ပြီးတော့ လက်တွေ့
လုပ်ဆောင်နိုင်မှုအပိုင်းမှာ အားနည်းမှုရှိနေမယ်ဆိုရင် အခြားသူတွေရဲ့
မှီတွယ်ရာ ဘယ်လိုလုပ် ဖြစ်နိုင်ပါတော့မလဲ။ ဒါကြောင့် ဂျမာအတ်တစ်ခုလုံး
အောင်မြင်တိုးတက်ဖို့အတွက် ဂျမာအတ်စနစ်တစ်ခုလုံးရဲ့ အစိတ်အပိုင်း
ဟူသမျှက၊ ဒါတင်မက အဟ်မဒီတိုုင်းက မိမိတို့ကိုယ်ကို ဆန်းစစ်ကြလျက်
ကိုယ်တိုင်လည်း ပြုပြင်တည့်မတ်ကြရမှာဖြစ်သလို၊ အားနည်းမှုထဲမှာ
နစ်မွန်းလျက်ရှိကြတဲ့ မိမိတို့ရဲ့မိတ်ဆွေအပေါင်းအသင်းတွေနဲ့ နီးစပ်သူတွေ
အတွက်လည်း မှီတွယ်အားကိုးပြုရာတွေ ဖြစ်လာအောင်ပြုလုပ်ဖို့ လိုအပ်ပါ
တယ်။ ဒီလိုအားဖြင့် ဂျမာအတ်အတွင်းက လူတစ်ဦးချင်းစီဟာ လက်တွေ့
ပြုပြင်တည့်မတ်မှုအပိုင်းမှာ မြင့်မားတဲ့အဆင့်အတန်းကို ရောက်ရှိနေကြသူတွေ
ဖြစ်လာကြပါလိမ့်မယ်။ တစ်ဖန် ဒီလိုအားဖြင့် အအလ္လာဟ်အရှင်မြတ်နဲ့
နီးစပ်သူတွေ ဖြစ်လာနိုင်ကြပါလိမ့်မယ်။ အအလ္လာဟ်အရှင်မြတ်သည်
ကျွန်တော်တို့အားလုံးကို ဤသို့ ပြုလုပ်နိုင်ရန် စွမ်းအားပေးသနားတော်မူပါစေ။
 နမာဇ်အပြီးမှာ ဂျနာဇာဃာအီဗ်တစ်ခု ဝတ်ပြုမှာ ဖြစ်ပါတယ်။ ပါကစ္စတန်နိုင်ငံ
ရာဝလ်ပင်ဒီမှ Arsalan Sarwar ရဲ့ ဂျနာဇာ ဖြစ်ပါတယ်။ သူဟာ ဇန်နဝါရီလ
၁၄ ရက်နေ့မှာ ရှဟီးဒ်ဖြစ်သွားခဲ့ပါတယ်။ 
Arsalan Sarwar ရဲ့ အဖိုးဖြစ်သူ မူဟမ္မဒ် ယူစွဖ်ဆာဟိဘ်ဟာ
ဖိုင်ဆလ်အာဘားဒ်မှ ဖြစ်ပါတယ်။ ဖခင်နဲ့ အဖိုးဖြစ်သူတို့ဟာ တတိယခလီဖာ
သခင်ကြီးလက်ထက် ၁၉၇၃ ခုနှစ်မှာ ဘိုင်အတ်ယူခဲ့ကြတာဖြစ်ပါတယ်။
မိခင်ကတော့ အဟ်မဒီယတ်အတွင်းမှာ မွေးဖွားခဲ့သူဖြစ်ပါတယ်။ ၁၉၈၄
ခုနှစ်မှာ မိသားစုလိုက် ရာဝလ်ပင်ဒီသို့ ပြောင်းရွှေ့ခဲ့ကြပါတယ်။ 
ရှဟီဒီ Arsalan Sarwar ဟာ ရှဟီးဒ်ဖြစ်ချိန်မှာ အသက် ၁ရ နှစ်အရွယ်
ဖြစ်ပါတယ်။ ဖြစ်ပွားပုံက- ဇန်နဝါရီလ ၁၃ ရက်၊ ည (၁းဝ၀) နာရီခန့်မှာ
သူဟာ ရပ်ကွက်ထဲက အဟ်မဒီမဟုတ်သူမွတ်စလင်မ်တွေနဲ့အတူ
ရဗီအွလ်အောင်ဝလ် လ ၁၂ ရက်အတွက် လမ်းပေါ်မှာ အလှမီးဆိုင်းတွေ၊
အခြားပြင်ဆင်မှုတွေ ပြုလုပ်နေကြပါတယ်။ ထိုအချိန်မှာပဲ လမ်းရဲ့
ထောင့်တစ်နေရာမှာ ကားတစ်စီးလာရပ်ပါတယ်။ ထို့နောက် ခဏအကြာမှာ
ဆိုက်ကယ်တစ်စီးကလည်း ထိုမော်တော်ကားအနီးမှာ လာရပ်လိုက်ပါတယ်။
သူတို့မရပ်ခင်မှာပဲ လမ်းလျှောက်လာနေတဲ့ လူနှစ်ယောက်က အမှိုက်ပုံထဲက
အဖြူရောင် အိတ်နှစ်ထုပ်ကို ယူလာတာကို Arsalan Sarwar နဲ့ သူ့ရဲ့
သူငယ်ချင်းနှစ်ဦးက မြင်ပြီး အနည်းငယ် သံသယဖြစ်တာကြောင့် လူကြီးတွေကို
အသိပေးလိုက်မယ်ဆိုပြီး အချင်းချင်း တိုင်ပင်ခဲ့ကြပါတယ်။ ဒီလိုကြောင့်
Arsalan Sarwar က အော်ဟစ်ပြီး သတိပေးလိုက်တဲ့အခါ ကားထဲက
လူတစ်ယောက်ထွက်လာလျက် သေနတ်ကို သုံးလေးချက်လောက် မိုးပေါ်
ထောင်ပစ်ခဲ့ပါတယ်။ ဒီအခါမှာ ကောင်လေးတွေက ဆူညံအော်ဟစ်လျက်
ထွက်ပြေးကြပါတယ်။ သေနတ်သမားက သူတို့နောက်မှလိုက်လာလျက် သူတို့ကို
သုံးလေးချက်လောက် ပစ်ပါသေးတယ်။ Arsalan Sarwar က သူငယ်ချင်း
နှစ်ယောက်ကြားကနေ ပြေးလျက်ရှိပါတယ်။ သူဟာ ပြေးရင်းက နောက်ကို
လှည့်အကြည့်မှာပဲ သူ့ဦးခေါင်းတည့်တည့်ကို သေနတ်ကျည်ဆံ မှန်သွား
 ပါတယ်။ သူဟာ နေရာမှာတင် လဲကျသွားခဲ့ပါတယ်။ သူငယ်ချင်း
နှစ်ယောက်ကလည်း လမ်းရဲ့ထောင့်တစ်နေရာက ကားတွေနဲ့ အကာအကွယ်
ယူပြီး ပုန်းနေလိုက်ကြပါတယ်။ သူတု့ိနှစ်ယောက်လည်းပဲ သေနတ်ဒဏ်ရာ
ရသွားနိုင်ပါတယ်။

အဲဒီနောက် တိုက်ခိုက်သူတွေဟာ ပြန်လှည့်ပြီး ထွက်ပြေးသွားကြပါတယ်။
Arsalan Sarwar ကို ဆေးရုံသို့ ခေါ်ဆောင်သွားခဲ့ပါတယ်။ ဦးနှောက်ကို
ကျည်ဆံမှန်သွားတာဖြစ်ပြီး သွေးလည်း အဆက်မပြတ် သွင်းခဲ့ရပါတယ်။
ဆရာဝန်တွေက အထူးကြိုးစားကုသကြပေမဲ့ ၃ နာရီခန့် အကြာမှာပဲ သူဟာ
ရှဟီးဒ်ဖြစ်သွားခဲ့ပါတယ်။ 

သူဟာ လူတိုင်းရဲ့ ချစ်ခြင်းကို ခံရသူဖြစ်ပါတယ်။ ပတ်ဝန်းကျင်မှာရှိကြတဲ့
အဟ်မဒီမဟုတ်သူတွေကလည်း သူတို့အိမ်ကို ဝမ်းနည်းစကားဆိုဖို့ရာ
လာရောက်ခဲ့ကြပါတယ်။ အအလ္လာဟ်အရှင်မြတ်ရဲ့ ဖဇလ်ကျေးဇူးတော်နဲ့ အသက်
၁၄ နှစ်အရွယ်မှာ ဝဆီယတ်ပြုလုပ်ခဲ့သူလည်း ဖြစ်ပါတယ်။
ခွဒ္ဒါမ်အစည်းအရုံးရဲ့ ကာအီဒ်တစ်ယောက်ဖြစ်ပြီး ယခင်ကလည်း
အတ်ဖာလ်ကဏ္ဍမှာ အလုပ်အကျွေးပြုခဲ့သူဖြစ်ပါတယ်။ သူ့ရဲ့ အကိုဖြစ်သူ
ကလည်း ဂျမာအတ်ရဲ့ တာဝန်အသီးသီးမှာ ထမ်းဆောင်နေသူဖြစ်ပါတယ်။
ရာဝလ်ပင်ဒီရဲ့ ကာအီဒ်က ရေးသားသည်မှာ- Arsalan Sarwar နှင့်တကွ
ညီအစ်ကိုအားလုံးဟာ ခွဒ္ဒါမွလ်အဟ်မဒီယာအစည်းအရုံးရဲ့ အလွန်တက်ကြွတဲ့
အဖွဲ့ဝင်တွေ ဖြစ်ပါတယ်။ လုံခြုံရေးတာဝန်နှင့် အခြားသော ကဏ္ဍအသီးသီးမှာ
အင်တိုက်အားတိုက် ပါဝင်သူတွေ ဖြစ်ပါတယ်။ 
ရာဝလ်ပင်ဒီမှ မိုရဗီ္ဗဆာဟိဘ်က ရေးသားသည်မှာ- ကွယ်လွန်သူဟာ
များသောအားဖြင့် ကျွန်တော့်ရုံးကို ပုံမှန်လာရောက်လေ့ရှိပြီး
မဆီဟ်မော်အူးဒ်(အ)သခင်ကြီးရဲ့ စာအုပ်စာပေများကို ဖတ်ရှုလေ့လာ
တတ်ပါတယ်။ နမာဇ်တွေကို မပျက်မကွက် ဝတ်ပြုသူဖြစ်ပါတယ်။ ပြီးတော့
နမာဇ်မှာ စိတ်ဝင်စားလျက် ဝတ်ပြုတတ်သူဖြစ်ပါတယ်။ ဂျွမ္မာနမာဇ်ကို
 အိုင်ဝါနေ တောင်ဟီးဒ်ဗလီမှာ ပုံမှန်ဝတ်ပြုလေ့ရှိပါတယ်။ သူဟာ ကျန်ဒါကို
ပုံမှန် စနစ်တကျ ပေးလှူတတ်သူ ဖြစ်ပါတယ်။
အအလ္လာဟ်အရှင်မြတ်သည် ကွယ်လွန်သူရဲ့ အဆင့်အတန်းကို မြှင့်တင်ပေးတော်
မူပါစေ။ သူ့အား ကရုဏာတော်နှင့် ခွင့်လွှတ်သနားခြင်းတို့ဖြင့် ဆက်ဆံတော်မူပါစေ။ 

ကွယ်လွန်သူရဲ့ မိသားစုမှာ ဖခင်ဖြစ်သူ Muhammed Sarwar Sahib၊ မိခင်
Pervin Sahiba နှင့် ညီအစ်ကိုသုံးဦး ရှိပါတယ်။ အအလ္လာဟ်အရှင်မြတ်သည်
ကျန်ရစ်သူမိသားစုကိုလည်း သည်းခံနိုင်စွမ်းနှင့် စိတ်ဓာတ်ကြံ့ခိုင်မှု ပေးသနား
တော်မူပါစေ။ - အာမီးန် - 

Saturday, January 18, 2014

အေမာမ်မဟ်ဒီပွင့်ပေါ်ခြင်းနှင့်ရှီအာတို့၏ယုံကြည်ချက်


    အေမာမ်မဟ်ဒီနှင့်စပ်လျဉ်း၍ရှီအာတို့၏ယုံကြည်ချက်ကား ၎င်းင်းတို့၏ဒွါဒသမ(၁၂ပါး)မြောက် အေမာမ်ဟာဇရတ်မုဟမ္မဒ်(အ) (ဟီဂျရီ၂၆ဝကွယ်လွန်)သည်(၁၁)ပါးမြောက်အေမာမ်၏သားဖြစ်ပြီး ၎င်းင်း သည်(၉)နှစ်သားအရွယ်တွင်ရန်သူဘေးမှ လွတ်မြောက်ခြင်းရရန်အလို့ငှာ အီရတ်နိုင်ငံဆာမရာမြို့ရှိ ဆွရ်ရာမန်ရဝီ မည်သောဂူ၌ ဝင်ရောက်ပျောက်ကွယ်သွားသည်။နှစ်ပေါင်း၁၁၅ဝတိုင်ထိုဂူထဲ၌ အသင်ရှင်လျှက်ရှိခဲ့ပြီး ၎င်းင်း သည်ပင်အေမာမ်မဟ်ဒီအဖြစ်နှင့် ပွင့်ပေါ်လာရောက်ပေလိမ့်မည်ဟူပင်။ ထို့ပြင်ဟာဇရတ်အီစာ(အ)သည် လည်းထိုပုဂ္ဂိုလ်၏ခေတ်ကာလ၌ပင် ကြွမြန်းလာမည်ဖြစ်ပြီး အီစာ(အ)နှင့်အေမာမ်မဟ်ဒီတို့ပူးပေါင်းကာ အစ္စ လာမ့်အကျိုးစွမ်းစွမ်းတမံသယ်ပိုးကြပေလိမ့်မည်။
(သိုဖသွလ်အဝါမ်မအသောင်ဆီကာသ် အိုလမာ အေကရာမ် စာ-၄ လာဟိုရ်မြို့ပုံနှိပ်)
    ရှီအာတို့၏ဤယုံကြည်ချက်သည် ဘနီအူမိုင်ယာဟ်အင်အားကောင်းချိန်ခေတ်၌ အဟ်လေ ဘိုင်သ်နှင့်အဟ်လေဘိုင်သ်မဟုတ်သူများကြားခေလာဖသ်နှင့် အေမာမသ်ကိစ္စတွင်ကွဲလွဲခဲ့သော ကိစ္စ ဖြစ်သည်။ဘနီအဘ်ဘာစ်(အဘာစီမင်းဆက်)အုပ်ချုပ်စဉ်ကာလတွင် ထိုအယူအဆကွဲလွဲမှုမှာ ပိုလို့ တိုးလာခဲ့သည်။ရှီယာတို့၏(၁၁)ပါးမြောက်အေမာမ်(ခေါင်းဆောင်)ဟာဇရတ်ဟစန်အက်စ်ကရီမူ အုပ်ချုပ်စဉ်ကာလတွင်သခင့်အား ဖမ်းဆီးကာအဆိပ်ကျွေးရှဟီးဒ်ပြု လုပ်ကြံသတ်ဖြတ်လိုက်ကြသည်။
(ဘေမာရွလ်အန်ဝါရ် အူရ်ဒူဘာသာပြန်ဆိုင်ယဒ်အမ် ဒါဒ်ဆာဟီဘ် တွဲ-၉-စာ-၃၃ဝမှ၃၃၁ ကရာချီပုံနှိပ်)

ဟာဇရတ်အေမာမ်ဟစန်အက်(စ်)ကရီမိန့်ကြားရာမှာ-
ကျွန်ုပ်သားတော်ပွင့်ပေါ်ရောက်ရှိလာပြီး လောကဝယ်တရားမျှမှုဖြန့်ချိလတ္တံ့
(ဘေဟာရွလ်အန်ဝါရ်အူရ်ဒူ စာ-၂၄၄ ကရာချီပုံနှိပ်)

ထိုသို့ဖြင့်သားတော်လေးအေမာမ်မုဟမ္မဒ် ဖွားမြင်လာပြီး၎င်းင်းနှင့်စပ်လျဉ်း၍ ဟာဇရတ်အေမာမ်အက် (စ်)ကရီသည်မိမိ၏တပည့်ရင်းချာအလ်လာမာအဘူဆဟလ်နောင်ဘက်ခ်သီ၏ရှေ့၌ဤသားတော်လေး သည်မဟ်ဒီဖြစ်မည့်အကြောင်းမိန့်ကြားတော်မူခဲ့သည်။
(ဘောဟာရွလ်အန်ဝါရ် တွဲ-၁၃ ဖာရစီ စာ-၇၄ဝ အခန်း-၂၃ သွာဟ်ရာန်ပုံနှိပ်)
    ထိုခေတ်ရှိ မင်းမူအုပ်ချုပ်လျက်ရှိသောဘုရင်၏ရန်မှသားတော်လေးအားလုံခြုံစေရန် အေမာမ် ဟစန်အက်(စ်)ကရီသည် သားတော်အားဝှက်ထားလိုက်သည်။ဖခင်အနိစ္စရောက်သောအခါ သားတော် လေးပြန်ပေါ်လာ၍ဂျနာဇာနမာဇ်ဦးဆောင်ဝတ်ပြုကာ ပြန်လည်ပျောက်ကွယ်သွားသည်။ ထိုသို့ဖြင့် အဘာစီခလီဖာသမ္မတမုအ်သမဒ်သည် အေမာမ်မုဟမ္မအားရှာပုံတော်ဖွင့်ရန် ထုတ်ပြန်ကြေညာလိုက် ပြီးနှစ်နှစ်တိုင်အောင်၎င်းင်းဖခင်၏ အုတ်ဂူအားအစောင့်တပ်ဖွဲ့ထားခိုင်းလိုက်သည်။ သို့သော်အေမာမ်မုဟမ္မဒ်ကိုမူလုံးဝရှာဖွေလို့မရခဲ့ချေ။
(ဘေမာရွလ်အန်ဝါရ်အူရ်ဒူ တွဲ-၉-စာ-၃၃၄မှ ၃၃ရထိ ကရာချီပုံနှိပ်)

    သို့သော်အေမာမ်မုဟမ္မဒ်ပုန်းအောင်းပျောက်ကွယ်သွားသည့်ကာလအား ရှီအာများကနှစ်၄ဝမှ ၇ဝအတွင်းဖြစ်ကြောင်းဆိုကြသည်။ ထိုသို့ပုန်းအောင်းခြင်းအား (ဂယူဘသ်သေဆုဂ်ရာ)တိုတောင်း သောပုန်းအောင်းခြင်း(ပျောက်ကွယ်ခြင်း)ကာလဟုအမည်တပ်မှည့်ခေါ်ကြပြီး ထိုကာလတလျှောက် အေမာမ်မုဟမ္မဒ်သည်မိမိတပည့်များနှင့် တွေ့ဆုံလျက်ရှိကာ လိုအပ်သောလမ်းညွှန်မှုများပြုနေခဲ့ပေ သည်။
                            (အက်ကမာလွဒ်ဒီဒန် စာ-၄၁၈-၄၁၉)

    ထိုသို့လမ်းညွှန်မှုပေးသည့်ကာလသည် ၃၂၉ ဟီဂျရီ၌အဆုံးသတ်သွားခဲ့ပြီး အေမာမ်မုဟမ္မဒ် ၏တပည့်များလည်းကွယ်လွန်သွားခဲ့ကြကြောင်း ရှီယာများကဆိုကြသည်။ရှီယာများအတွင်းမှ အကျော် အမော်ပညာရှင်တစ်ဦးဖြစ်သည့်အလ်လာမာအဘူဆဟ်နောင်လခ်သီနှင့် တပည့်များကမူဤတိုတောင်း သောပုန်းအောင်းကာလ(ဂယူဘသ်သေဆုဂ်ရာ)၌၁၂ပါးမြောက်အေမာမ်၊ဟာဇရတ်အေမာမ်အက်(စ်) ကရီ၏သားဖြစ်သူ အေမာမ်မုဟမ္မဒ်ကွယ်လွန်သွားပြီဟု ယုံကြည်ထားကြပေသည်။                                                (ဖဟ်ရဆသ်အိဗ်နေနဒီးမ်အူရ်ဒူစာ-၄၂ လာဟိုရ်ပုံနှိပ်)

အလ်လာမာဟ်နောင်ဘစ်တီထံ၌တိုတောင်းသောပုန်းအောင်းကာလ ပြီးနောက် ဟူသည့် သဘောမှာ(ဂါအိဗ်အေမာမ်)ပျောက်ကွယ်သွားသောအေမာမ်လုံးဝသေဆုံးကွယ်လွန်သွားပြီးဟူပင်။

သို့သော်အေမာမ်မုဟမ္မဒ်၏ တိုတောင်းသောပုန်းအောင်းကာလအတွင်း ၎င်းင်းသည်ရှီယာများ မျှော်လင့်ထားသကဲ့သို့ မိမိအေမာမ်မဟ်ဒီဖြစ်ကြောင်းကြေညာမှုပြုခဲ့ခြင်းမရှိခဲ့၍ ရှီယာများအတွင်း၌  အေမာမ်ဆဗ်တကယ်ကွယ်လွန်တာမဟုတ်။ ရှည်လျားသောပုန်းအောင်းခြင်းသို့ ဝင်ရောက်သွားပြီ ဟူဆိုသောအယူအဆပျံ့နှံ့သွားခဲ့သည်။ထို့ကြောင့်ဂယူဘသ်သေကုဗ်ရာ (ရှည်လျားသောပုန်းအောင်း ကာလ)ဟူသောအမည်အားမှဲ့ခဲ့ကြပေသည်။ ထို့ပြင်ရှည်လျားသော ပုန်းအောင်းကာလအတွင်း ဝင် ရောက်သွားသောအေမာမ်သည်လူတို့အားမြင်နေရလျက်ရှိပြီး လူတို့သည်ကားထိုအေမာမ်အားမမြင်ရ ချေဟုလည်း ရှီအာတို့ယုံကြည်နေကြပေသည်။
(အူဆူလ်ကာဖီတွဲ-၂-စာ-၂၉၆ ကာရာချီပုံနှိပ် ၁၉၈၈)
    ထို့ပြင်၎င်းင်း(အေမာမ်)သည် ဂူ၌ပင်အသက်ရှင်လျှက်ရှိပြီး ရှည်လျားသောပုန်းအောင်းကာလ နောက်၌အေမာမ်မဟ်ဒီအဖြစ်ပွင့်ပေါ်လာပေလိမ့်မည်။
                            (အက်ကမာလေဒီးန် စာ-၄၄၈)

ယင်း၏ဆိုလိုရင်းအစစ်အမှန်သည်ကားပျောက်ကွယ်သွားသော အေမာမ်ပြန်လည် ပေါ်ထွန်း လာမည်ဟူသည်ကျဆင်းခြင်းကာလ၊လမ်းလွဲမှု အမိုက်အမှောင်ကာလနောက်ပွင့်ပေါ်လာမည်ဟူသည့် သဘောဖြစ်သည်။ထို့ပြင်ပျောက်ကွယ်သွားသောအေမာမ်သည် ရှည်လျားသည့်ကာလတိုင် အသက် ရှင်လျက်ရှိနေသည်ဟူသောအယူအဆမှာ ဟာဇရတ်အီစာ(အ) ကောင်းကင်၌အသက်ရှိနေသည် ဟူသောအယူအဆကဲ့သို့ပင်ဖြစ်ချေသည်။ထိုအယူအဆနှစ်ရပ်လုံးပင်ရာစုနှစ် ၃စု (နှစ်ပေါင်း ၃၀၀)  နောက်ပိုင်းအမိုက်အမှောင်လွှမ်းမည့်ကာလအား ရည်ညွှန်းခြင်းဖြစ်ပေသည်။ယင်းနှင့်စပ်လျဉ်း၍ကိုယ် တော်မြတ်ကြီး(ဆွ)မိန့်ကြားတော်မူသည်ကား ထိုခေတ်သည်ပြဿာနာအမိုက်လွှမ်းမည့်ကာလဖြစ်ပြီး ထိုကာလရှိလူများနှင့်  ငါကိုယ်တော်သည်မည်သို့မျှဆက်နွယ်မှုမရှိသလို   ငါကိုယ်တော်နှင့်ထိုလူများ လည်းမည်သို့မျှဆက်နွယ်မှုရှိလိမ့်မည်မဟုတ်ချေ။
                                (အက်ကမာလေဒီးန် စာ-၂၆၄)

    အစစ်အမှန်သဘောသည်ကား ၁၁၅ဝနှစ်တိုင်အောင်ပျောက်ကွယ်သွားသော အေမာမ်သည် ဂူ၌ပင်အသက်ရှင်လျက်ရှိခြင်း၊ဟာဇရတ်အီစာ(အ)သည် ၁၉၀ဝနှစ်တိုင်ကောင်းကင်၌ အသက်ရှင် လျှက်ရှိခြင်းအယူအဆများမှာ အလ္လာဟ့်ဥပဒေသနိယာမလူ့ဆင်ခြင်တုံတရားတို့နှင့်ဆန့်ကျင်နေ သည်သာမကကျမ်းမြတ်ကုရ်အာန်နှင့်လည်းဆန့်ကျင်နေပေသည်။ အလ္လာဟ်အရှင်မြတ်ကျမ်းမြတ်ကုရ် အာန်တွင်ကိုယ်တော်မြတ်ကြီး(ဆွ)အားရည်ညွှန်းမိန့်ကြားတော်မူရာမှာ ငါအရှင်မြတ်သည် အသင်တမန်တော်၏ယခင်မည်သည့်လူသားကိုမျှ ထာဝရအသက်၊သဘာဝနှင့်မလျော်ကန်သောသက်တမ်းကာလမချီးမြှင့်ခဲ့ချေ။အသင်တမန်တော်သည်ပင် ကွယ်လွန်အနိစ္စရောက်ရလျှင် အခြားသူူများ၊အသို့လျှင် ထာဝရအသက်ရရှိနိုင်အံ့။(၂၁း၉) ထို့ပြင်ကျမ်းမြတ်ကုရ်အာန်၏အဆုံးအဖြတ်အရ ဤလောက၌ ကွယ်လွန်သွားသူသည်ပြန်လာရရိုးမရှိချေ။ (၂၁း၉၆)
    ထို့ကြောင့်အီစာ(အ)ပင်ဖြစ်စပုန်းအောင်းပျောက်ကွယ်သွားသည့်အေမာမ်ပင်ဖြစ်စေ ၎င်းင်း တို့၏ရုပ်ခန္ဓာနှင့်တကွပြန်လည်ကြြွမန်းလာခြင်းအယူအဆမှာ ကုရ်အာန်နှင့်ဆန့်ကျင်သလို ဆင်ခြေ တုံတရားနှင့်လည်းဆန့်ကျင်နေပေသည်။ထို့ပြင်နဗီနှင့်အေမာမ်၏လုပ်ငန်းဆောင်တာမှာ အလ္လာဟ့် အမိန့်တော်ဖြင့်တရားလမ်းမှန်ပြသရန်ဖြစ်ကြောင်း ကုရ်အာန်အားဖြင့်သိရပေသည်။(၂၁း၇၄)ထို့ပြင် ၎င်းင်းတို့သည်အလ္လာဟ့်စကာားပို့ဆောင်ရာတွင်အကြောက်အရွံ့မရှိကြချေ။(၃၃း၄၀)ထိုသို့သော အ မိန့်စကားရပ်များရှိထားလျက်ကယ်နှင့် အေမာမ်တပါးသည်အသက်ရှင်လျက်ပုန်းအောင်းနေမည်။ မိမိ အမျိုးသားထုအားတရားလမ်းမှန်ပြသမှုနှင့် ဦးစီးဦးဆောင်ပြုမှု(အေမာမသ်) အလုပ်အားပီပီပြင်ပြင် အကောင်အထည်မဖော်၊ရန်သူအားကြောက်ရွံ့ကာပုန်းအောင်းနေမည်ဆိုက၎င်းအား အသို့လျှင် အေမာမ်ဟုခေါ်ထိုက်ပါမည်နည်းတကယ်အမှန်မှာမူ အဟ်လေဘိုင်သ်အတွင်းမှအေမာမ်မဟ်ဒီပွင့်ပေါ် မည့်အကြောင်းသတင်းကောင်းပေးခဲ့ခြင်းမှာ ၎င်းင်းကဲ့သို့ပုံပမာဆောင်သူပုဂ္ဂိုလ်တပါးကြြွမန်းလာမည် ဟူပင်။သို့ဖြင့်အေမာမ်ဂျအ်ဖရ်ဆာဒီက်(ရဟ)ဤသို့မိန့်ကြား၏။
    မဟ်ဒီအားဆက်ခံသူဟုခေါ်ဆိုရခြင်းမှာ ၎င်းင်းသည်အနိစ္စရောက်ပြီးနောက်ပြန်လည် ရပ်တည် လိမ့်မည်ဖြစ်၍ပင်
                            (ဘေဟာရွလ်အန်ဝါရ် တွဲ-၁၃-စာ-၇)
ဤအနာဂတ္တိဟောကိန်း၏ဆိုလိုရင်းသဘောမှာ- ထိုအေမာမ်နှင့်အသွင်သဏ္ဍာန်တူသောအေ မာမ်တပါးပွင့်ပေါ်လာမည်ဖြစ်ပြီးဝိညာဉ်ရေးပိုင်းဆိုင်ရာအရ ၎င်းင်းနှင့်အမည်တူ၊ အရည်အသွေးအတွင်း အလှတရားတူသော ပုဂ္ဂိုလ်တပါးပွင့်ပေါ်လာမည်ဟူပင်။ သို့သော်ထိုဟောကိန်း၏ အတွင်းအနက်သ ဘောအားလူတို့မသိနားမလည်ကြဘဲ အေမာမ်သည်ဂူအတွင်း၌ နှစ်ထောင်ချီကာအသက်ရှင်လျှက်ရှိ နေခဲ့သည်ဟူသောအယူအဆ ပျံ့လာရခြင်းဖြစ်ပေသည်။ ယနေ့တိုင်ရှီယာများဂူဝသို့သွားကာ
အုခ်ရု၍ယာမောင်လာနာ
    အိုး အကျွန်တို့၏ သခင်ကြြွမန်းလာတော်မူပါဟု တမ်းတဟစ်ခေါ်နေကြပေသည်။ သို့သော် လွန်ခဲ့သောနှစ်ကပင်ထိုဂူတွင်းမှ စိတ်ပျက်ခြင်းမှအပ အခြားမည်သည့်စိတ်ကျေနပ်ဖွယ်အဖြေမှမရရှိ ခဲ့ချေ။ထို့ပြင်ယခုတိုင်လည်းထိုဂူသည်မည်သူမျှ ဤအတွင်းမှထွက်လာမည်မဟုတ်ဟူသည်ကိုသာ ပြောနေပေသည်။

    ယခုမေးခွန်းထုတ်စရာရှိလာသည်ကာ ဂူတွင်းပုန်းအောင်းသွားသောမဟ်ဒီမလာလျှင် မည်သူ ကြြွမန်းလာမည်နည်း။ထို့ပြင်မည်သည့်အခါကြြွမန်းလာမည်နည်း။ ဤသည်၏အဖြေအား စူရာဟ်ဂျွမ္ဓာ ၏ "ဝအာခရီးနမင်န်ဟွမ်လမ်မာယလ်ဟကူဘိလင်မ်" အာယတ်တော်အားရှင်းလင်းရင်းကိုယ်တော်မြတ် ကြီး(ဆွ)ပေးခဲ့ပေသည်။ဤအာယတ်ကျလာစဉ်ကိုယ်တော်အားဆွဟာဘာ သာဝကကြီးများက ဤသို့ အမေးရှိလေသည်။
    အိုး .. အလ္လာဟ်၏တမန်တော် ကိုယ်တော်ဒုတိယမိတဖန်ကြြွမန်းလာရမည့်နှောင်းအုပ်စုမှာ မည် သူများနည်း။ ထိုအခါကိုယ်တော်ကဟာဇရတ်ဆလ်မာန်ဖာရ်စီ၏ပုခုံးထက်သို့လက်တင်ကာ အကယ် ၍အီမာန်ယုံကြည်ခြင်းသဒ္ဓါတရားသည် ကမ္ဘာလောကမှပျောက်လွင့်ကာကောင်းကင်ကြတိ္တကာနက္ခတ် သို့ပင်သွားရောက်တွက်ကပ်အံ့ငြား ဖာရစီမျိုးနွယ်ဝင်မှပုဂိ္ဂိုလ်သည် ထိုအီမာန်အားပြန်လည်ယူဆောင် လာပေအံ့။
        (သဖ်စီးရ်မဂျ်မအွလ်ဘယားန်အဇ်အလ်လာမာသီဗ်ရီ-စူရာဟ်ဂျွမ္မာ–အာယတ်-၄)

    ထို့ပြင်အရဗ်မဟုတ်သော အဂျ်မီများထဲမှ အလ္လာဟ်ရှင်မြတ်သည် အေမာမ်မဟ်ဒီအားပွင့်ပေါ် ထွန်းစေကာအီမာန်ယုံကြည်မှုအား ပြန်လည်ရပ်တည်စေအံ့။ ကိုယ်တော်မြတ်၏ဤမိန့်မှာချက် အားဖြင့်ပွင့်ပေါ်လာမည့်အေမာမ်မဟ်ဒီသည်အဟ်လေဘိုင်သ်(ကိုယ်တော့်အိမ်တော်သူအိမ်တော်သား) ဖြစ် မည်သာမက ဝိညာဉ်ရေးရာဆက်နွယ်မှုပါရှိလိမ့်မည်ဖြစ်ကြောင်းသိရပေသည်။ အကြောင်းမူကိုယ် တော်သည်တဖက်တွင်ကောင်းကင်မှအီမာန်ပြန်လည်ယူဆောင်လာမည့် ပုဂိ္ဂုလ်သည် ဆလ်မာန်ဖာရစီ ၏အနွယ်ဝင်မှဖြစ်မည်ဆိုသည်ကိုမိန့်ကြားတော်မူပြီးကျန်တဖက်၌ ဆလ်မာန်ဖာရစီသည်ငါကိုယ်တော် ၏ အဟ်လေဘိုင်သ်အတွင်းမှဖြစ်သည်ဟုလည်းမိန့်ကြားတော်မူထားခြင်းကြောင့် ဖြစ်ပေသည်။
    (သဖ်စီးရ်မဂျ်မအွလ်ဘယာန်အဇ်အလ်လာမာသီဗ်ရီအင်န်နဟူလိုင်းဆမင်န်အဟ်လိက်    ရှင်းခန်း-ဟူဒ်-၄၇)

အေမာမ်မဟ်ဒီသည်ကိုယ်တော်မြတ်နှင့်ရုပ်ပိုင်း၊နာမ်ပိုင်းဆက်နွယ်မှုရှိမည်ဟူသောဟဒီးစ်တော် သည်အေမာမ်လှအ်ဖရ်ဆာဒီက်၏ အသင်တို့အတွင်းမည်သူမဆို သက္ကဝါတရားကျင့်သုံးဆောက် တည်ကာပြေငြိမ်းမှုရယူသည်ဆိုက ၎င်းင်းသည်အဟ်လေဘိုင်သ်အတွင်းမှဖြစ်သည်။ ဟူသောမိန့်ကြား ချက်နှင့်အေမာမ်မုဟမ္မဒ်ဘာကရ်သခင်၏ ကျွန်ုပ်အားချစ်မြတ်နိုးသူသည် အဟ်လေဘိုင်သ်အတွင်းမှ ဖြစ်သည် ဟူသောမိန့်ကြားချက်ဘက်သို့မီးမောင်းထိုးပြနေပေသည်။
         (အလ်ဆာဖီ]ဖမန်သဘိအနီဖအင်နဟူမင်န်နီ}ရှင်းခန်း-အီဗရာဟီမ်-၃၇)

    ထို့ကြောင်   ကျမ်းမြတ်ကုရ်အာန်အာယတ်တော်များနှင့်   ဝိညာဉ်ရေးရာအသုံးအနှုန်းအရ
အဟ်လေဘိုင်သ်ဟူသည် မိုအ်မင်န်ယုံကြည်သူတိုင်းနှင့် အွမ္မသ်သားတိုင်းအဖို့ထိုက်တန်သောဘွဲ့ဂုဏ် ဖြစ်ကြောင်းသိရပေသည်။ ထို့ပြင်ဟာဇရတ်အေမာမ်ဘာကရ်နှင့် အေမာမ်ဂျာအ်ဖရ်ဆာဒီက်တို့ ကစူရာဟ်အဟ်ဇာဗ်၏ အာယတ်တော် "ဝအဇ်ဝါဂျီဟိအုမ်မဟာသိဟင်မ်" အားရှင်းလင်းရာမှာ နဗီတမန်တော်၏ ဇနီးကြင်ယာတို့သည် မိုအ်မင်န်တို့၏မိခင်များဖြစ်ပြီး နဗီတမန်တော်သည် မိုအ်မင်န်တို့၏ဖခင်ဖြစ်သည်ဟူပင်။
                            (အလ်ဆာဖီ-အလ်အဟ်ဇာဗ် -၇)


    ဆိုလိုရင်းသဘေမှာ မိုလ်မင်န်အားလုံးနှင့် မှတ်သကီ(ဖြူစင်ဖြောင့်မတ်သူ)အားလုံးပင်ရစူလ် တမန်တော်၏အနွယ်ဝင်များအတွင်းအပါအဝင်ဖြစ်ပေသည်။
    တကယ်ဆို ပြေငြိမ်းမှုမရယူခဲ့သောရုပ်ပိုင်းဆိုင်ရာအဟ်လေဘိုင်သ်များသည် အစစ်အမှန် အဟ်လေဘိုင်သ်(ကိုယ်တော့်အိမ်သူအိမ်သား)များမဟုတ်ချေ။ မပာဆိုသော်နူဟ်(အ)၏သားဖြစ်သူသည် မိမိ၏ မကောင်းသောလုပ်ရပ်ကြောင်း အဟ်လေဘိုင်သ်အဖြစ်မှ ခွဲထုတ်ခြင်းခံလိုက်ရပေသည်။    (ဟူဒ်း ၄၇)
    အထက်ပါရှင်းလင်းချက်များအားဖြင့်အကြောင်းရပ်နှစ်ခုရှင်းသွားပေသည်။ (က)နှောင်းကာလ၌ အီမာန်ပြန်လည်တည်တံ့ခိုင်မြဲစေမည့် ပုဂိ္ဂုလ်မှာအာရဗ်မဟုတ်ဘဲ အဂျ်မီ (အရဗ်မမဟုတ်သူ)  ဖြစ်လိမ့်မည်။  ထို့ကြောင့်အေမာမ်မုဟမ္မဒ်ဗင်န်ဟစန်အက်စ်ကရီမဟ်ဒီ မဖြစ်နိုင်ချေ။
(ခ)ပွင့်ပေါ်လာမည့်မဟ်ဒီအဖို့ရာရုပ်ပိုင်းအရအဟ်လေဘိုင်ဖြစ်စရာမလိုဘဲအွမ္မသီ(အွမ္မသ်သာ)ဖြစ် လျှင်ပင် လုံလောက်ပေသည်။ဝိညာဉ်ရေးရာနှင့်ကိုယ်ကျင့်တရားရေးရာအရ ပွင့်ပေါ်လာမည့် မဟ်ဒီ မှာကိုယ်တော့်နောက်ဖဝါးခြေထပ်မကွာလိုက်နာရမည်ဖြစ်၍ ဝိညာဉ်(နာမ်) တရားရေးရာအရတော့ အဟ်လေဘိုင်သ်ဖြစ်လိမ့်မည်။
                    (ဘေဟာရွလ်အန်ဝါရ်အရဗီ တွဲ-၁၃-စာ-၁၇)

    ကျမ်းမြတ်ကုရ်အာန်နှင့် ဟဒီးစ်ဩဝါဒများအရ အေမာမ်မဟ်ဒီပွင့်ပေါ်မည့်ကာလသည် အီမာန်ယုံကြည်ချက်မဲ့သွားချိန်နှင့် ပြဿာနာပေါင်းများစွာပွေလီရှုပ်ထွေးသော ကာလဖြစ်မည်ဖြစ်ပြီး အေမာမ်မဟ်ဒီကပင်ငြိမ်းချမ်းမှုနှင့် အီမာန်ယုံကြည်ချက်အား ပြန်လည်တည်တံ့အောင်ပြုပေလိမ့်မည် ဖြစ်သည်။အမီရ်ရွလ်မိုအ်မီနီန် ဟာဇရတ်အလီ(ရဒီ)သခင်မိန့်ကြားရာမှာ အေမာမ်မဟ်ဒီသည်လူတို့ သတိမေ့လျစ်လျုရှု့လျက်ရှိသော အချိန်တွင်ပွင့်ပေါ်လာပေလိမ့်မည်။ ထို့ပြင်အမှန်တရား ပျောက်လွင့်သွားကာ  ကျုးလွန်စော်ကားမှုတို့ လွှမ်းမိုးလာချိန်တွင်ပွင့်ပေါ်လတ္တံ့။
                        (ဘေဟာရွလ်အန်ဝါရ် တွဲ-၁၃-စာ-၃၀)
    ၁၂ပါးသောအေမာမ်နှင့်စပ်လျဉ်း၍ တမန်တော်မြတ်ကြီး(ဆွ)မိန့်ကြားတော်မူရာမှာ- ၎င်းင်းတို့ ၏ခေတ်၌ အစ္စလာမ်သာသနာတော်ကြီး အောင်နိုင်လွှမ်းမိုးလိမ့်မည်။ လာယဇာလုအမ်ဇု အွမ်မသီဇွာ ဟိရန်ဟသ်သာယမ်ဒွိယဆ်နသီအရှရခလီဖာ
                        (အက်ကမာလုဒ်ဒီးန် စာ-၂၆၈)

    ဆိုလိုသည်မှာ၁၂ပါးသော အေမာမ်တို့လွန်မြောက်သွားပြီးနောက် အွမ္မသ်၌ကျဆင်းမှုစတင် ဖြစ်ပေါ်လာမည်။ထို့ကြောင့်၁၂ပါးမြောက် အေမာမ်သည်အစ္စလာမ့်အောင်ပွဲဆင်းရသော ကာလ၌ ပွင့်ပေါ်လာရမည်မှာသတ်မှတ်ထားပြီးဖြစ်ပြီး အေမာမ်မဟ်ဒီသည်အစ္စလာမ်ကျဆင်းရေးမှုရရှိအောင် ပွင့် ပေါ်လာရောက်ရမည်ဖြစ်ပေသည်။ထို့ကြောင့်ရှီယာတို့၏၁၂ပါးမြောက်အေမာမ်သည် မဟ်ဒီ မဖြစ်နိုင်ချေ။၁၃ပါးမြောက်အေမာမ်ကိုသာဤသို့မျှော်လင့်ရည်မျှော်နိုင်သည်။
    ထို့ပြင်ရှီယာတို့သည် နောက်ဆုံးခေတ်ကာလ၌ အေမာမ်မဟ်ဒီပွင့်ပေါ်ခြင်းနှင့်အတူ ဟာ ဇရတ်အီစာ(အ)ပါကောင်းကင်ကကြြွမန်းလာမည်ဖြစ်ကြေင်း ယုံကြည်လက်ခံကြပေသည်။ ကုရ်အာန်ကမူ အီစာ(အ)အပါအဝင် ရှေးပွင့်လေပြီးသမျှတမန်တော်အားလုံးကွယ်လွန်အနိစ္စရောက်သွားပြီ  ကြောင်းကြေညာပေ၏။စူရာဟ်အီမ်ရာန်၌အရှင်မြတ်မိန့်တော်မူရာမှာ-
    မုဟမ္မဒ်(ဆွ)သည်တမန်တော်တစ်ပါးမျှသာဖြစ်သည်။ ၎င်းင်းအလျင်နဗီတမန်တော်အားလုံး ကွယ်လွန်သွားပြီဖြစ်သည်။  အကယ်၍ ၎င်းင်း(မုဟမ္မဒ်(ဆွ))သည် သာကွယ်လွန်သွားလျှင် (သို့မဟုတ်) အသတ်ခံရလျှင်အသင်တို့သည်မိမိတို့ခြေဖနောင့်များဘက်သို့ ပြန်လှည့်ပြေးကြမည်လော (အာလေ အီမ်ရာန်း ၁၄၅)

    ထို့ပြင်အီစာ(အ) ဒုတိယမိ ကြြွမန်းလာခြင်းနှင့်စပ်လျဉ်း၍ အဆိုများရှိကြပြီး ဤသည်တို့ မှာလည်းတကယ်တော့၎င်းင်းနှင့်ပုံပမာဆောင်သူ ပုဂိ္ဂုလ်တစ်ပါးကြြွမန်းလာမည့်အကြောင်းပင်ဖြစ်သည်။ ဆိုလိုသည်မှာအီစာ(အ)နှင့်အတွင်းအစ္ဇျတ္တ အလှတရားတို့၌ တူညီသူဝိညာဉ်ရေးရာထူးမြတ်မှုများ၌ တူညီသူပုဂိ္ဂုလ်တစ်ပါးနောက်ဆုံးခေတ်ကာလ၌ ကြြွမန်းလာပေမည်ဟူပင်။ ကျမ်းတော်မြတ် ကုရ်အာန် ၌လည်းဤသည်နှင့်တူသောဥပမာရှိ၏။ ဘနီအစ္စရာအီလ်လူမျိုးတို့အား အလ္လာရှင်မြတ်မိမိချီးမြှင့်ထားသော ကောင်းချီးမင်္ဂလာများနှင့်စပ်လျဉ်း၍မိန့်ကြားရာမှာ ငါတို့သည် အသင်တို့အားဖီရ်အောင်၏ ဘေးမှ ကယ်လွှတ်ခဲ့၏ ထို့ပြင်ဖီရ်အောင်နှင့်တပ်မကြီးတစ်ခုလုံးအား ရေ၌နစ်ပစ်ခဲ့၏။ အသင်တို့အဖို့ရာ မန္နနှင့်ဆလ်ဝါကိုချပေးခဲ့တော်မူ၏။ဤသည်အားလုံးကိုစာသားသက်သက်ကြီးကောက်မည်ဆိုလျှင် ဖီရ်အောင်၏ ဘေးရန်မှကယ်တင်ခြင်းခံခဲ့ရသောသူတို့သည်ကိုယ်တော်မြတ်(ဆွ) လက်ထက်တိုင်အ သက်ရှင်လျှက်ရှိသလော (သို့မဟုတ်)သေပြီးမှတဖန်ပြန်လည်ရှင်ပြန်လာသလော။ ဤသည်မှာ တင်စားချက်အနေသဘောနှင့်မိမိတို့ဘိုးဘေးများလမ်းလိုက်ကြသည့် ဘနီအစ္စရာအီလ်မျိုးဆက်များအား ရည်ညွှန်းခြင်းဖြစ်ပေသည်။ဤသည်ပမာအတိုင်းပင် အီစာ(အ)ဒုတိယမိ ကြြွမန်းလာခြင်းသဘောမှာ  တင်စားသုံးနှုန်းထားခြင်းဖြစ်ပေသည်။သို့ဖြင့်စူရာဟ်နူဟ်အာယတ်အစ်(စ်)သေခလာဖ် (၂၄း၅၆)  တွင် ဘနီအစ္စရာအိလ်မျိုးနွယ်တွင်း၌ ခလီဖာဆက်ခံသူများခန့်အပ်ပေးခဲ့သည့်နည်းတူ ဤအွမ္မသ်၌လည်း ခလီဖာကိုယ်စားလှယ်များခန့်ထားပေးမည့်အကြောင်းသတင်းကောင်းပေးထားပေသည်။ ဟာဇရတ် အေမာမ်ဇိုင်နွလ်အာဘီဒီးန်က အာယတ်အစ်(စ်)သေခလားဖ်၌ သတင်းကောင်းပေးထားသော ခလီဖာသည်သာ အေမာမ်မဟ်ဒီဖြစ်လိမ့်မည်ဟု ဟောကိန်းပြုထားခဲ့သည်။
                (သဖ်ဆီးရ်မဂျ်မအုလ်ဘယာန်အဇ်အလ်လာမဟ်-သိဗ်ရီ-နူရ်-၅၆)

    ထို့အတူစူရာဟ်သောင်ဝ်ဘာ အာယတ်၃၃တွင်ဖော်ပြထားသော "လိယုဇ်ဟိရဟူအလဒ်ဒီးနီ ကွလ်လိဟ်" (အစ္စလာမ်သာသနာတော်အား ကျန်သာသနာအားလုံးအပေါ်လွှမ်းမိုးနိုင်ရန်) ဟူသည် ၁၂ပါးသောအေမာမ်ကြီးများထံ၌ အေမာမ်မဟ်ဒီပွင့်ပေါ်ခြင်းနှင့် အစ္စလာမ်သာသနာအားကျန်သာ သနာအားလုံးအပေါ်လွှမ်းမိုးအောင်နိုင်ရန်ဖြစ်ကြောင်းလက်ခံကြပေသည်။
                        (သဖ်ဆီးရ်ကမီ၊သဖ်ဆီးရ်ဆာဖီ-သောင်ဝ်ဘာ ၃၃)

    ထို့ကြောင့် အီစာအီဗ်နေမရ်ယမ်သည်သာ အွမ္မသ်၌အေမာမ်အဖြစ်ပွင့်ပေါ်လာရန်ရှိသည့် ခလီဖာနှင့်မဟ်ဒီပင်ဖြစ်ပေသည်။ထို့ပြင်အေမာမ်မဟ်ဒီနှင့်စပ်လျဉ်း၍ ကိုယ်တော်မြတ်ကြီး(ဆွ)သတင်း ကောင်းပေးထားတော်မူသည်မှာ-အေမာမ်မဟ်ဒီသည် တရားမျှတသောခုံသမာဓိအဖြစ်ပွင့်ပေါ်လာပေ လိမ့်မည်။
                        (ဘေဟာရွလ်အန်ဝါရ် တွဲ-၁၃-စာ-၁၉၇)

    ဤဟဒီးစ်တော်၌လောကဝယ်တရားမျှတမှုဖြန့်ကျက်မည့် ပုဂိ္ဂုလ်အားအီစာဟူသောအမည်ဖြင့် မှည့်ခေါ်ထားခြင်းဖြစ်သည်။
    ဟဒီးစ်တော်၌မဟ်ဒီ၏လုပ်ငန်းဆောင်တာအကြောင်းဖော်ပြထားပေသည်။
    နောက်ဆုံးခေတ်ကာလ၌ ပွင့်ပေါ်လာမည့်အေမာမ်မဟ်ဒီနှင့်စပ်လျဉ်း၍ ကိုယ်တော်မြတ်ကြီး (ဆွ)မိန့်ကြားတော်မူရာမှာ-
    ရှည်လျားသောပုန်းအောင်းကာလ (ဂယူဘသ်သေကုဘ်ရာ)နောက်တွင် မဟ်ဒီသည်နဗီတ မန်တော်များ၏ မြင့်မြတ်ခြင်းအပေါင်းဂုဏ်အရည်အသွေးအပေါင်းနှင့်တကွကြွလာပေအံ့။
                        (ဘေဟာရွလ်အန်ဝါရ် တွဲ-၁၃-စာ-၁၇)
    ထို့ပြင် ဟာဇရတ်အေမာမ်ဘာကရ်သခင်အနာဂတ္တိဟောကိန်းထားရှိသည်ကား ပွင့်ပေါ် လာမည့်မဟ်ဒီမှာအာဒမ်၊နူဟ် မူစာ၊အီစာ၊ကိုယ်တော်မြတ်(ဆွ)နှင့် အဟ်လေဘိုင်သ်မှ အေမာမ်များ ဖြစ်ကြောင်းကြွေးကြော်ပေလိမ့်မည်။
                            (ဘေဟာရွလ်အန်ဝါရ် တွဲ-၁၃-စာ-၂၀၂)
        ယင်း၏ဆိုလိုရင်းမှာနဗီတမန်တော်အားလုံး၏ဂုဏ်အရည်အသွေး၊ကိုယ်ကျင့်တရားနှင့် ကောင်းချီးမင်္ဂလာအဖြာဖြာတို့မှအေမာမ်မဟ်ဒီရရှိလတ္တံ့။ ထို့ပြင်အေမာမ်မဟ်ဒီအားအီစာ(အ)ဟု အထူးပြုရည်ညွှန်းရခြင်းမှာ- မိမိပွင့်ပေါ်မည့်ခေတ်ကာလနှင့်အညီ ဟာဇရတ်အီစာ(အ)နှင့် တူညီသူ အီစာကဲ့သို့ ၁၄ရာစုတွင်ပွင့်ပေါ်မည့်သူဖြစ်ခြင်းကြောင့်ဖြစ်သည်။
    အမှန်စင်စစ်နောက်ဆုံးခေတ်ကာလ၌ ကမ္ဘာလောကတစ်ခုလုံးအား ပဲ့ပြင်ထိန်းကျောင်းဖို့ရာ အေမာမ်(ခေါင်းဆောင်)တစ်ပါးတည်းသာပွင့်ပေါ်လာမည်ဖြစ်ပြီး တစ်လောကလုံးကစောင့်မျှော် နေသောပုဂိ္ဂုလ်မှာလည်း ပုဂ္ဂိုလ်သာဖြစ်ပေလိမ့်မည်။ထိုအရှင်သူမြတ်အားအီစာဗင်န်မရ်ယမ်ဟုလည်း ကောင်း၊မဟ်ဒီဟုလည်းကောင်း မှည့်ခေါ်ထား၏။မဟ်ဒီနှင့်စပ်လျဉ်း၍ ရှီယာကျမ်းများ၌အမည်ပေါင်း များစွာမှည့်ထားခြင်းမှာ(ဆွဖသ်) ဂုဏ်အရည်အသွေးနှင့် ဆိုင်သောအမည်များသာ ဖြစ်ပေသည်။အ ကြောင်းမူ မူရင်းအမည်နာမများမှည့်ခြင်းမှတားမြစ်ထားပြီဖြစ်သောကြောင့်ပင်။
                        (ဘေဟာရွလ်အန်ဝါရ် တွဲ-၁၃-စာ-၈)
    လွန်ခဲ့သောနှစ်၁၀ဝခန့်အား တဝင့်ရှုစားကြည့်မည်ဆိုက ဟာဇရတ်မီရ်ဇာဂူလာမ်အဟ်မဒ်မှ တပါးအေမာမ်မဟ်ဒီဖြစ်ကြောင်း၊အီစာမင်န်မရ်ယမ်ဖြစ်ကြောင်းနှင့်ကိုယ်တော့်ဟောကိန်းများ မိမိအား ဖြင့်ပြီးပြည့်စုံခဲ့ကြောင်းကြေညာသူမရှိခဲ့ချေ။ဟာဇရတ်မီရ်ဇာဂူလာမ်အဟ်မဒ်(အ)သခင်ကြီးသည် ၁၄ ရာစုအစ၌ ပွင့်ပေါ်လာရမည့်မဆီဟ်နှင့် မဟ်ဒီမှာ မိမိသာဖြစ်ကြောင်းကြွေးကြော်ခဲ့သည်။ ထို့ပြင် သခင်ကြီးသည်ရှီယာကျမ်းများ၌ အနာဂတ္တိဟောကိန်းထားခဲ့သည့်အတိုင်း ဂျွမ္မာ (သောကြာ) နေ့၌  ဖွားမြင်ခဲ့သည်။
                            (ဘေဟာရွလ်အန်ဝါရ်တွဲ-၁၃ စာ-၁၇၃)
    မဟ်ဒီ၏နိမိတ်လက္ခဏာတစ်ရပ်မှာ- အေမာမ်မဟ်ဒီသည်ခေလာဖသ်အားသွေးမြေမခဘဲ ရရှိ လိမ့်မည်။
                                (နာဆီခ်ခွလ်သဝါရီးခ် တွဲ-၁၀)

    သို့ဖြင့်ဟာဇရတ်မီရ်ဇာဂူလာမ်အဟ်မဒ်သခင်ကြီးသည်အေးငြိမ်းစွာဖြင့် ကျမ်းမြတ်ကုရ်အာန် ၏သက်သေအထောက်အထားများဖြင့် ကလောင်ဂျီဟာဒ်ကိုသာဆင်နွှဲခဲ့သည်။
    ထို့ပြင်မဟ်ဒီ၏နိမိတ်လက္ခဏာတစ်ခုမှာ ၎င်းင်းသည်အလ္လာဟ့်ကျမ်းတော်နှင့် စွန္နသ် အသိပညာ ရပ်တို့၏ ရတာနာသိုကြ်ဖစ်လိမ့်မည်။
                            (ဘေဟာရွလ်အန်ဝါရ်-တွဲ-၁၃-စာ-၉)
    ဤနိမိတ်လက္ခဏာသည်လည်းဟာဇရတ်မီရ်ကာဂူလာမ်အဟ်မဒ်သခင်ကြီး၏ ကျမ်း(၈၀)ကျော်မျှရေးသားထုတ်ဝေကာတလောကလုံးသို့ အမှန်တရားဘက်ဖိတ်ခေါ်ခြင်းဖြင့်ပြည့်စုံခဲ့သည်။
    မဟ်ဒီ၏မှန်ကန်မှုအတွက်ရမ်မဒါန်လတစ်လတည်း၌ သတ်မှတ်ထားသောရက်များအတွင်း နေ နှင့် လကြတ်ပေလိမ့်မည်။
                (ဖရုအ်ကာဖီကီသာဘုလ်ရောင်ဒွာ စာ-၁၀၀)

    ထို့ပြင်ဤအမှတ်လက္ခဏာသည်ဟီဂျရီသက္ကရာဇ် ၁၃၁၁ခု ခရစ်နှစ်၁၈၉၄တွင်ထင်ရှားစွာပင် ပြည့်စုံခြင်းသို့ရောက်ခဲ့သည်။ဤနိမိတ်လက္ခဏာအားလုံးဟာဇရတ်မီရ်ဇာဆာဟိဘ်ထံ၌ ပြည့်စုံခဲ့ပြီး ရှီ ယာညီနောင်များအနေနှင့် ကိုယ်တာ်မြတ်(ဆွ)မိန့်မှာခဲ့သည့် မဟ်ဒီအားငြင်းခြင်းသည်ငါကိုယ်တော်    အားငြင်းခြင်းမည်ပြီး မဟ်ဒီအားထောက်ခံခြင်းသည်ငါကိုယ်တော်မှန်ကန်ကြောင်းထောက်ခံခြင်းမည်ပေသည် ဟူသည့်အမိန့်စကားအားငြင်းလျှက်ရှိနေလောဟူသည်ကို စဉ်းစားသုံးသပ်ရပေမည်။
                            (ဘေဟာရွလ်အန်ဝါရ် တွဲ-၁၃-စာ-၁၇)
    ပွင့်ပေါ်လာမည့်အေမာမ်မဟ်ဒီနှင့်ပတ်သက်၍ ကိုယ်တော်မြတ်(ဆွ)မိန့်ကြားသည်မှာ-
    အကယ်၍ အသင်တို့ရေခဲပြင်ပေါ်သို့ဒူးထောက်ဝပ်တွားကာသွားရလင့်ကစား၊ထိုပုဂ္ဂိုလ်ထံ သွားရောက်ကာဘိုင်ယသ်သစ္စာခံယူကြလော့။အကြောင်းမူ၎င်းင်းသည် အလ္လာဟ်၏ခလီဖာ(ကိုယ်စား လှယ်)နှင့်မဟ်ဒီဖြစ်သောကြောင့်ပင်။
                            (ဘေဟာရွလ်အန်ဝါရ် တွဲ-၁၃-စာ-၂၁)
    ထို့ကြောင့်မဟ်ဒီအား အိုး.. အသိပညာဉာဏ်စဉ်၏စမ်းပေါက်နှင့်နဗူဝသ်၏အနှစ်သာရ-သခင်ပေါ်ငြိမ်းချမ်းစေသော်ဟု စလာမ်မေတ္တာပို့သကြကုန်။                           
                            (ဘေဟာရွလ်အန်ဝါရ် တွဲ-၁၃-စာ-၉)
    ထို့ကြောင့်ယခုပင်နိုးကြားကြကုန်။ ထို့ပြင်ကိုယ်တော်အားမိမိအသက်ထက်ပင်မြတ်နိုးစုံမက် သောခေတ်အခါ၏မဆီဟ်နှင့်မဟ်ဒီထံတော်၌ စွန့်လှူစတေးကြကုန်လော။
    ထိုမဆီဟ်နှင့်မဟ်ဒီသည်ဟာဇရတ်မီရ်ဇာဂူလာမ်အဟ်မဒ်ဖြစ်ပြီးသခင်သည် ဟာဇရတ်အလီမှာ အလ္လာဟ့်အချစ်ဆုံးပုဂိ္ဂုလ်များအနက်မှဖြစ်သည်ဟုကြေညာသမှုပြုသောပုဂိ္ဂုလ်ဖြစ်လေသည်။
                        (ဆီရ်ရုလ်ခုလယာ-ရိုဟာနီခဇာအီန် တွဲ-၈-စာ-၃၅၈)

ထို့ပြင်ဟာဇရတ်မီရ်ဇာဆာဟီဘ်ရေးသားသည်မှာ-
    ကျွန်ုပ်သည် ဟာဇရတ်အေမာမ်ဟူစိုင်အားဂျန္နသ်သုခဘုံသို့ ဝင်ရောက်စံမြန်းရသောသူများ အနက်မှဖြစ်ကြောင်းအခိုင်အမာယုံကြည်ပါ၏။ ထို့ပြင်အေမာမ်ဟူစိုင်၏ သက္ကဝါ(ဖြူစင်ခြင်းတရား)၊ သီးခံမြဲမြံခြင်း၊တည်ကြည်ခြင်း၊ဝတ်ပြုဆည်းကပ်ခြင်းတို့သည် အတုယူဖွယ်စံနမူများသာဖြစ်ပါ၏။
                        (မဂျ်မူအာအီရှ်သီဟာရာသ် တွဲ-၃-စာ-၅၄၇)
    ထို့ပြင်ဟာဇရတ်မီရ်ဇာဆာဟိဘ်ထံ၌ ၁၂ပါးသောအေမာမ်များ၏အဆင့်သည်အလွန်မြင့်မား သွား၏ ၁၂ပါးစလုံးမှာကရှ်ဖ်ရူပါရုံ မြင်ကွင်းများဖူးမြင်ရခြင်းမည်သော ဂုဏ်အဆင့်ချီးမြှင့်ခံရသူများ အနက်မှဖြစ်ကြောင်း ယုံကြည်မှတ် ပိုက်ထားသူပင်ဖြစ်သည်။
                    (အီဇာလာအောင်ဟမ်-ရိုဟာနီခဇာအီန် တွဲ-၃-စာ-၃၄၄)

လမ်းမှန်လိုက်သူများသို့ငြိမ်းအေးစေသော်


Tuesday, January 14, 2014

လက်တွေ့ပြုပြင်တည့်မတ်မှုအတွက် လိုအပ်သော စွမ်းရည်(၃)ရပ် - သောကြာမိန့်ခွန်းများ (၁ဝ၊ဝ၁၊၂၀၁၄)



အဟ်မဒီယာမွတ်စလင်မ်အဖွဲ့ကြီး၏ ခေါင်းဆောင်ခလီဖာ၊ ဟာဇရသ်မီရ်ဇာမဆ်ရူးရ်အဟ်မဒ်မှ ၂၀၁၄ ခုနှစ် ဇန်နဝါရီလ ၁ဝ ရက်နေ့တွင် မြွက်ကြားခဲ့သော သောကြာနေ့ မိန့်ခွန်း အပြည့်အစုံ


- လက်တွေ့ပြုပြင်မှုပိုင်းအရ ကျွန်တော်တို့ရှေ့မှာရှိနေတဲ့ အတားအဆီးတွေက
ယုံကြည်မှုပိုင်းအရ ကာဆီးထားတဲ့ အတားအဆီးတွေထက် ပိုမိုများပြား
ပါတယ်။
- လက်တွေ့ပြုပြင်မှုကလည်း ကျွန်တော်တို့ရဲ့အောင်မြင်မှုအတွက် အလွန်
ကြီးမားတဲ့ လက်နက်တစ်ခု ဖြစ်နေတာကြောင့်ပါပဲ။
- အကယ်၍ အခြားသူတွေနဲ့ ကျွန်တော်တို့ကြားမှာ ဘယ်လိုကွာခြားမှုမှ
မရှိဘူးဆိုရင် ကမ္ဘာလောက က ကျွန်တော်တို့ရဲ့ စကားကို နားထောင်စရာ
ဘာများလိုအပ်ပါဦးမလဲ။
- ကျွန်တော်တို့ဟာ လောကကို ယှဉ်ပြိုင်ရင်ဆိုင်ဖို့အတွက် အချို့သော
အခြေခံနည်းနာတွေကိုချမှတ်ကြလျက် ကျွန်တော်တို့အတွင်းမှ တစ်ဦးချင်း
စီက ထိုအခြေခံနည်းနာများအတိုင်း လိုက်နာဆောင်ရွက်ကြရမယ်။
- လက်တွေ့ပြုပြင်တည့်မတ်မှုအတွက် အမှန်တကယ် လိုအပ်သော
စွမ်းရည်(၃)ရပ်- (၁) ခိုင်မာသောရည်ရွယ်ချက်၊ (၂) မှန်ကန်ပြည့်ဝသော
ပညာဗဟုသုတ၊ (၃) လက်တွေ့လုပ်ဆောင်နိုင်စွမ်း။
- ရည်ရွယ်ဆုံးဖြတ်နိုင်သောစွမ်းရည်၌ အင်အားရှိပေမဲ့ ရလဒ်ကောင်းတွေ
ဖြစ်မလာရခြင်းက အချက်နှစ်ခုကြောင့်ပဲ။ (၁) ကျင့်ကြံတည်ဆောက်မှု
အတွက် ကျွန်တော်တို့အတွင်းမှာ ရှိနေရမယ့် ရည်ရွယ်ဆုံးဖြတ်နိုင်စွမ်းက
ရှိသင့်သလောက်မရှိခြင်း၊ ဒါမှမဟုတ် (၂) အလ္လာဟ့်အား ယုံကြည်ကိုးကွယ်
ဆည်းကပ်မှု အဗူဒီယတ်အပိုင်းတွင် အားနည်းချက်ရှိနေခြင်း။

- ဂျနာဇာ (ဈာပနဆုတောင်း)- အိနိ္ဒယနိုင်ငံ ကာလကတ္တားမြို့မှMaster
Mashriq Ali Sahib (M.A) အတွက် ဂျနာဇာဃာအီဗ်။

 တရှာဟွဒ်၊ တအာဝိုဇ်နှင့် စူရာဟ် ဖာတီဟာတို့ကို ဖတ်ရွတ်ပြီးနောက် ...

ပြီးခဲ့တဲ့ ဂျွမ္မာနှစ်ပတ်အလျင်က ဒုတိယခလီဖတွလ်မဆီဟ်သခင်ရဲ့ မိန့်ခွန်းများ
ဖြင့် ကိုးကားလျက် လက်တွေ့ပြုပြင်တည့်မတ်မှုနှင့်စပ်လျဉ်းလို့ ခွတ္တဘာ အချို့
ဖတ်ကြားခဲ့ပါတယ်။ လက်တွေ့ပြုပြင်တည့်မတ်မှုအပိုင်းမှာ အတားအဆီး ဖြစ်စေ
တဲ့ အချို့သော အကြောင်းအရာတွေကို တင်ပြခဲ့ပါတယ်။ ဒါ့အပြင် အကယ်၍
ကျွန်တော်တို့ဟာ ဂျမာအတ်တစ်ခုလုံး အတိုင်းအတာနဲ့ မိမိတို့ရဲ့
လက်တွေ့ပြုပြင်တည့်မတ်မှုပိုင်းအရ မြင့်မားတဲ့အဆင့်အတန်းကို အလိုရှိကြ
တယ်ဆိုရင် ထိုအတားအဆီးတွေကို ဖယ်ရှားကြရမှာဖြစ်ကြောင်း တင်ပြခဲ့ပါ
တယ်။ ဒါတင်မက လက်တွေ့ပြုပြင်မှုပိုင်းအရ ကျွန်တော်တို့ရှေ့မှာရှိနေတဲ့
အတားအဆီးတွေက ယုံကြည်မှုပိုင်းအရ အတားအဆီးတွေထက် ပိုမိုများပြား
တယ်ဆိုတာကိုလည်း ရှင်းလင်းတင်ပြခဲ့ပါတယ်။ ဒါနဲ့ပတ်သက်လို့ ယနေ့
အကြောင်းအရာအချို့ကို ထပ်တိုးတင်ပြပါ့မယ်။

ကျွန်တော်တို့ အမြဲတမ်း မှတ်သားထားရမှာက ဟာဇရတ် မဆီဟ်မော်အူးဒ်(အ)ရဲ့
သာသနာပြုလုပ်ငန်းစဉ်နှင့် သခင်ကြီးစေလွှတ်ခြင်းခံရတဲ့ ရည်ရွယ်ချက်က
ယုံကြည်မှုပိုင်းဆိုင်ရာကို ပြုပြင်တည့်မတ်ပေးဖို့သက်သက် မဟုတ်ပါဘူး။ ဒါကို
သခင်ကြီးက အထင်အရှား မိန့်ကြားခဲ့ပြီး ဖြစ်ပါတယ်။ အလ္လာဟ်အရှင်မြတ်နှင့်
လူသားတို့အကြား ဆက်နွယ်ပေါင်းစည်းမှုနှင့် ကျင့်ကြံတည်ဆောက်မှုပိုင်းအရ
ပြုပြင်တည့်မတ်မှုတို့ကလည်း အရေးကြီးပြီး ထိုသည့်အတွက်ကြောင့်ပင်
သခင်ကြီး လာရောက်ရခြင်း ဖြစ်ပါတယ်။ လူသားချင်း အပြန်အလှန် ဝတ္တရား
ကျေပွန်မှုဆိုတဲ့ ရည်ရွယ်ချက်တစ်ခုလည်း အပါအဝင်ဖြစ်ပါတယ်။ ဒီအကြောင်း
အရာ အားလုံးက ကျင့်ကြံတည်ဆောက်မှုပေါ်မှာ တည်မှီလျက်ရှိပါတယ်။
ကောင်းမြတ်စွာကျင့်သုံးတည်ဆောက်ခြင်းဖြင့် အလ္လာဟ်အရှင်မြတ်နှင့်
သက်ဆိုင်သော တာဝန်ကိုလည်း ကျေပွန်နိုင်သကဲ့သို့ လူသားတို့နှင့်သက်ဆိုင်
သော တာဝန်ကိုလည်း ကျေပွန်နိုင်ပါတယ်။

ဟာဇရတ် မဆီဟ်မော်အူးဒ်(အ)က တစ်နေရာတွင် မိန့်ကြားတော်မူသည်မှာ-
မှတ်သားကြကုန်။ စကားလုံးသက်သက်၊ နှုတ်ပြောသက်သက်သည်
လက်တွေ့ကျင့်သုံးမှုမရှိသေးသရွေ့ မည်သို့မျှ အသုံးမဝင်ချေ။
တစ်ဖန် အခြားတစ်နေရာ၌ သခင်ကြီး မိန့်ကြားတော်မူသည်မှာ-
မိမိတို့၏ အီမာန်(ယုံကြည်မှု)ကို အလေးချိန်စီးအောင် ပြုကြကုန်။ အမလ်
(ကျင့်ကြံတည်ဆောက်မှု)သည် အီမာန် (ယုံကြည်မှု)၏ ရတနာဖြစ်သည်။
အကယ်၍ လူသား၏ လက်တွေ့ကျင့်သုံးမှုများသည် မလျော်ကန်ပါက သူ၌
အီမာန်}လည်း မရှိနိုင်ချေ။
ဒါကြောင့် အကယ်၍ ကျွန်တော်တို့ဟာ ဟာဇရတ် မဆီဟ်မော်အူးဒ်(အ)ရဲ့
သာသနာပြုလုပ်ငန်းစဉ်ကြီးထဲမှာ အသုံးဝင်သူတွေဖြစ်လိုကြတယ်ဆိုရင်၊
ဒါ့အပြင် သခင်ကြီးရဲ့ ရည်ရွယ်ချက်ကို ဖြည့်ဆည်းသူတွေ ဖြစ်လိုကြတယ်ဆိုရင်
ကျွန်တော်တို့အတွင်းမှ တစ်ဦးချင်းစီက မိမိတို့ရဲ့ လက်တွေ့ပြုပြင်မှုကိစ္စမှာ
အဟန့်အတားလိုဖြစ်နေတဲ့အရာတွေကို ဖယ်ရှားဖို့ရာ အပြည့်အဝကြိုးစားကြရ
မှာ ဖြစ်ပါတယ်။ ဘာကြောင့်လဲဆိုရင် ယခုလို လက်တွေ့ပြုပြင်တည့်မတ်မှုက
သာလျှင် အခြားသူတွေကို ကျွန်တော်တို့ဘက်သို့ အာရုံပြုလာစေနိုင်မှာဖြစ်သလို
ဒါရဲ့ ရလဒ်အားဖြင့် ကျွန်တော်တို့ဟာ ဟာဇရတ် မဆီဟ်မော်အူးဒ်(အ)ရဲ့
သာသနာပြုလုပ်ငန်းစဉ်ကို ပြီးပြည့်စုံစေခြင်း၌ ကူညီစောင်မသူတွေ ဖြစ်ကြပါ
လိမ့်မယ်။ 
ဒါကြောင့် ဒီရည်ရွယ်ချက်ကိုရရှိဖို့အတွက် ကျွန်တော်တို့ ဘာတွေပြုလုပ်ဖို့
လိုအပ်သလဲဆိုတာကို စဉ်းစားကြရမယ်။ ဘာကြောင့်လဲဆိုရင် လက်တွေ့ပြုပြင်
မှုကလည်း ကျွန်တော်တို့ရဲ့အောင်မြင်မှုအတွက် အလွန်ကြီးမားတဲ့ လက်နက်
တစ်ခု ဖြစ်နေတာကြောင့်ပါပဲ။ ကျွန်တော်တို့ဟာ မိမိတို့ကိုယ်ကို ပြုပြင်
တည့်မတ်ခြင်းအားဖြင့် အခြားသူတွေကိုပါ ပြုပြင်တည့်မတ်ပေးနိုင်တဲ့ စွမ်းအား
တွေကို ရရှိလာနိုင်မှာ ဖြစ်ပါတယ်။ တစ်ဖန် ယခုလို ကျွန်တော်တို့ အောင်မြင်မှု
ရလိုတဲ့ ရည်ရွယ်ချက်က တစ်စုံတစ်ဦးကို နိမ့်ပါးသွားစေဖို့၊ ဒါ့အပြင်
လောကီရည်ရွယ်ချက်တွေကို ရယူကြဖို့မဟုတ်ပါဘူး။ တကယ်တော့ လောကရဲ့
နှလုံးသားကို အလ္လာဟ်အရှင်မြတ်နှင့် အရှင့်အချစ်တော် တမန်တော်မြတ်(ဆွ)ရဲ့
 ခြေတော်ရင်းသို့ ယူဆောင်လာဖို့ပဲ ဖြစ်ပါတယ်။ သို့သော် အကယ်၍
ကျွန်တော်တို့နဲ့ အခြားသူတွေရဲ့ကြားမှာ တစ်စုံတစ်ရာ ကွာခြားမှုမရှိဘူးဆိုရင်
လောကက ကျွန်တော်တို့ရဲ့ စကားကို နားထောင်စရာ ဘာများလိုအပ်ပါဦးမလဲ။
ဒါကြောင့် ကျွန်တော်တို့ဟာ မိမိတို့ရဲ့ ကျင့်ကြံတည်ဆောက်မှုဆိုင်ရာ
စွမ်းအားများကို ခိုင်မာအောင်ပြုလုပ်ဖို့ လိုအပ်ပါလိမ့်မယ်။ တစ်ဖန်
ခိုင်ခံ့မြဲမြံစွာဖြင့် ယင်းအပေါ် ရပ်တည်နေဖို့ လိုအပ်ပါလိမ့်မယ်။ ကိုယ်တိုင်က
သူတစ်ပါးရဲ့ ဩဇာအရှိန်အဝါအောက်သို့ မရောက်သွားစေဘဲ လောကကို
မိမိတို့ရဲ့ အရှိန်အဝါအောက်သို့ ရောက်လာအောင် ပြုလုပ်ရပါလိမ့်မယ်။
ယနေ့ခေတ်မှာတော့ လောကလူသားတွေဟာ လောကီရေးနဲ့ ရုပ်ဝါဒရဲ့
လွှမ်းမိုးမှုကို ခံနေရပါတယ်။ ဒါကြောင့် ကျွန်တော်တို့ဟာ ယခင်ကထက်ပိုပြီး
မိမိတို့ရဲ့ အခြေအနေတွေကို ကြည့်ရှုသုံးသပ်ကြဖို့ လိုအပ်ပါတယ်။ ယခုလို
ကြည့်ရှုသုံးသပ်ကြလျက် မိမိတို့ကိုယ်ကို လောကရဲ့လွှမ်းမိုးခံရမှုအောက်မှ
ထုတ်ဆောင်ရမှာ ဖြစ်ပါတယ်။ ဒါ့အပြင် လောကကိုလည်း ယခုလို မိစ္ဆာလမ်းမှ
ထုတ်ဆောင်ပေးဖို့ လိုအပ်ပါတယ်။ ဒီလိုအားဖြင့် ကျွန်တော်တို့ကိုယ်တိုင်လည်း
အလ္လာဟ်အရှင်မြတ်နှင့်သက်ဆိုင်သောတာဝန်များကို ကျေပွန်သူတွေ
ဖြစ်ကြလျက် ကမ္ဘာလောကရှိ လူသားအများစုကလည်း ဒီအတိုင်းရှိလာကြစေဖို့
ဖြစ်ပါတယ်။
ဒါပေမဲ့ ဒီလမ်းပေါ်မှာ များစွာသော အတားအဆီးတွေရှိနေပါတယ်။ ဒါကြောင့်
ကျွန်တော်တို့ဟာ မိမိတို့အတွင်းမှာ ထိုအတားအဆီးတွေကို ဖယ်ရှားနိုင်လောက်
တဲ့ စွမ်းအားတွေကို မွေးမြူကြဖို့ လိုအပ်ပါတယ်။ ကျွန်တော်တို့ဟာ လောကကို
ယှဉ်ပြိုင်ရင်ဆိုင်ဖို့အတွက် အချို့သော အခြေခံနည်းနာတွေကို ချမှတ်ကြလျက်
ကျွန်တော်တို့အတွင်းမှ တစ်ဦးချင်းစီက ထိုအခြေခံနည်းနာများအတိုင်း
လိုက်နာဆောင်ရွက်ကြရမယ်။ ဒီအတွက် ကျွန်တော်တို့ဟာ မိမိတို့ရဲ့ စိတ်အလို
ဆန္ဒတွေကို စွန့်လွှတ်ကြရလိမ့်မယ်။ ဒါတင်မက ဒီလို (ပြုပြင်တည့်မတ်မှု
ပြုလုပ်နေတဲ့) ပတ်ဝန်းကျင်တစ်ခုကို တည်ဆောက်ကြရမယ်။ ယခုလို
မလုပ်နိုင်သေးသရွေ့တော့ ကျွန်တော်တို့တတွေ မအောင်မြင်နိုင်သေးပါဘူး။
 ပြီးခဲ့တဲ့ ခွတ္တဘာတစ်ပုဒ်မှာ တင်ပြခဲ့ပြီးဖြစ်သလို ယနေ့ ကမ္ဘာဟာ
စုစည်းပေါင်းစပ်သွားခဲ့ပါပြီ။ တစ်နည်းပြောရရင် မြို့ရွာတစ်ခုအလား ဖြစ်သွားခဲ့
ပါပြီ။ မိုင်ပေါင်းထောင်ချီဝေးကွာတဲ့အရပ်မှာရှိနေတဲ့ မကောင်းမှုသည်ပင်
အီလက်ထရွန်နစ်မီဒီယာကြောင့် အိမ်တိုင်းအိမ်တိုင်းသို့ ရောက်ရှိနေပြီ ဖြစ်ပါ
တယ်။ ဒါ့အပြင် မိုင်ပေါင်းထောင်ချီဝေးကွာလျက်ရှိတဲ့ နိုင်ငံအသီးသီးမှ
ကောင်းမှုတွေကလည်း အိမ်တိုင်းအိမ်တိုင်းသို့ ရောက်ရှိနေပါပြီ။ အားလုံးကို
စုပေါင်းလျက် ပျမ်းမျှအချိုးချကြည့်လိုက်မယ်ဆိုရင် မကောင်းမှု ပြန့်ပွားနှုန်းက
ကောင်းမှုပြန့်ပွားနှုန်းထက် လျင်မြန်နေတာကို တွေ့ရပါလိမ့်မယ်။ 
တစ်ဖန် ယခင်က ကျွန်တော် အကြိမ်ကြိမ် တင်ပြခဲ့သလိုပဲ ကောင်းမှုနဲ့
မကောင်းမှုတို့ရဲ့ သတ်မှတ်ချက် စံချိန်စံညွှန်းတွေကလည်း ပြောင်းလဲခဲ့ပါပြီ။
အစ္စလာမ့်အသိုင်းအဝိုင်းမှာ မကောင်းမှုလို့သတ်မှတ်ထားတဲ့ ကိစ္စတစ်ခုက
သာသနာမရှိတဲ့ လောကီရုပ်ဝါဒ အသိုင်းအဝိုင်းမှာတော့ သာမန် အသေးအဖွဲ
ကိစ္စတစ်ခုလို့သာ ယူဆထားကြပါတယ်။ ဒါတင်မက တဖြည်းဖြည်းနဲ့
ထိုမကောင်းမှုကို ကောင်းမှုအဖြစ် ယူဆလာနေကြပြီ ဖြစ်ပါတယ်။ 
ဒါကြောင့် မွတ်စ်လေမော်အူးဒ်(ရဒီ)သခင်က ဥပမာတစ်ခု မိန့်ကြားတော်မူ
ပါတယ်။ သီဆိုကခုန်ခြင်းက အနောက်တိုင်းယဉ်ကျေးမှုရဲ့ အစိတ်အပိုုင်းတစ်ခု
ဖြစ်ပါတယ်။ မွတ်စ်လေမော်အူးဒ်(ရဒီ)သခင်ရဲ့ ခေတ်ကာလတုန်းက ဒီလို
သီဆိုကခုန်မှုက ယခုလောက် ကျယ်ကျယ်ပြန့်ပြန့် မရှိသေးပါဘူး။
အနည်းဆုံးတော့ ထိုစဉ်က သီဆိုကခုန်ဖို့အတွက် သီးသန့်စီစဉ်ထားတဲ့ နေရာကို
သွားကြရပါတယ်။ ယနေ့မှာတော့ တီဗီနဲ့ အင်တာနက်တွေက (တီးမှုတ်ကခုန်မှု
တွေကို) နေရာတိုင်းသို့ ပို့ဆောင်လိုက်ပြီ ဖြစ်ပါတယ်။ နေအိမ်တွေမှာ
ဖျော်ဖြေမှု၊ အပျင်းပြေစေမှုဆိုတဲ့ အကြောင်းပြချက်နဲ့ သီဆိုကခုန်ပွဲတွေ
ဖြစ်လာခဲ့ပါပြီ။ ဒါ့အပြင် အချို့မိသားစု ပွဲလမ်းသဘင်တွေမှာလည်း
တီးမှုတ်ကခုန်မှုတွေ ရှိလာပါတယ်။ အထူးသဖြင့် ထိမ်းမြားမင်္ဂလာပွဲတွေမှာ
ရှိတတ်ပါတယ်။ ဧည့်ခံဖျော်ဖြေမှု၊ ပျော်ရွှင်မှုအထိမ်းအမှတ်ဆိုတဲ့
အကြောင်းပြချက်တွေနဲ့ အချည်းနှီးအကျိုးမဲ့တဲ့ သီဆိုကခုန်မှုတွေ ပြုကြပါတယ်။
 အဟ်မဒီနေအိမ်တစ်ခုဟာ ဒီလိုကိစ္စတွေကနေ လုံးဝ စင်ကြယ်သန့်ရှင်းနေရမှာ
ဖြစ်ပါတယ်။ ဒါကို အထူးတလည် အာရုံစိုက်ကြပါ။
မွတ်စ်လေမော်အူးဒ်(ရဒီ)သခင် မိန့်ကြားတော်မူတာက- ယခု အနောက်နိုင်ငံ
တွေမှာ တီးမှုတ်ကခုန်တဲ့ ယဉ်ကျေးမှုတစ်ခုရှိပါတယ်။ ယခင်က ဒီကိစ္စကို
လူတွေက မကောင်းမှုအဖြစ် ယူဆခဲ့ကြပေမဲ့ ယခုတော့ တဖြည်းဖြည်းနဲ့
လူတွေက ဒါကို လက်ခံကျင့်သုံးလာခဲ့ကြပါပြီ။ အစောပိုင်းမှာတော့ အမျိုးသားနဲ့
အမျိုးသမီးဟာ လက်ချင်းချိတ်ပြီး ကခုန်ကြတယ်။ နောက်ပိုင်းမှာ တစ်ဦးနဲ့
တစ်ဦး မျက်နှာချင်းအပ်ပြီး ကခုန်လာကြတယ်။ ထို့နောက် တဖြည်းဖြည်းနဲ့
ဒီအကွာအဝေးက လျော့နည်းလာခဲ့တယ်။ ကျွန်တော် တင်ပြခဲ့တဲ့အတိုင်းပဲ
ယနေ့မှာတော့ တီးမှုတ်ကခုန်မှုဆိုတဲ့ အမည်ခံလျက် အချည်းနှီး အကျိုးမဲ့တဲ့
ကိစ္စက အစည်းအတားမရှိတော့ပါဘူး။ အရှက်မဲ့တဲ့ ဝတ်စားဆင်ယင်မှုတွေနဲ့
တီဗီအစီအစဉ်တွေမှာ တီးမှုတ်ကခုန်နေကြပါတယ်။
ဒါတွေဟာ ဘာကြောင့် ပျံ့နှံ့နေရတာပါလဲ။ အကြောင်းကတော့ ကမ္ဘာလောက
တစ်ခုလုံးက ဒါဟာ မကောင်းမှုပါလို့ ဘယ်လောက်ပင် ပြောနေပါစေ
မကောင်းမှုကိုဖြန့်ချိသူတွေက လုံးဝအရေးမစိုက်ဘဲ သူတို့ရဲ့ မကောင်းမှုတွေကို
တစိုက်မတ်မတ် ဖြန့်ချိသွားကြတာကြောင့် ဖြစ်ပါတယ်။ နောက်ဆုံးတစ်နေ့မှာ
သူတို့အောင်မြင်သွားခဲ့ကြပါတယ်။ ယနေ့မှာတော့ မွတ်စလင်မ်နိုင်ငံတစ်ခု
ဖြစ်တဲ့ ပါကစ္စတန်ရဲ့ တီဗီအစီအစဉ်မှာပင်လျှင် ဖျော်ဖြေမှု၊ လွပ်လပ်မှုဆိုတဲ့
အကြောင်းပြချက်တွေနဲ့ အချည်းနှီးအစီအစဉ်တွေကို တင်ဆက်လာနေပြီး
အရှက်ကင်းမဲ့မှုတွေကို တွေ့နေရပါတယ်။ တစ်နည်းပြောရရင် မကောင်းမှုဟာ
အခိုင်အမာရပ်နေခဲ့တာကြောင့် သူဟာ လောကရဲ့အသိÓဏ်ကို လွှမ်းမိုးသွား
ခဲ့ပြီ ဖြစ်ပါတယ်။ 
ဒါကြောင့် အဲဒါကို ယှဉ်ပြိုင်ရင်ဆိုင်ဖို့အတွက် အလွန်ကြီးကျယ်တဲ့
ကြံစည်ဆောင်ရွက်မှု၊ စွန့်လွှတ်မှုတို့ လိုအပ်ပါလိမ့်မယ်။ အကယ်၍ ဒီလို
မရှိဘူးဆိုရင်တော့ ကျွန်တော်တို့ဟာ မိမိတို့ရဲ့ ရည်ရွယ်ချက်မှာ အောင်မြင်မှု
မရနိုင်သေးပါဘူး။
 ဒါကြောင့် ဒီကိစ္စဟာ များစွာ စဉ်းစားဖို့၊ တွေးတောဖို့၊ ဝီရိယစိုက် လုပ်ဆောင်ဖို့
လိုအပ်ပါတယ်။ ဒီအတားအဆီးတွေကို ဖယ်ရှားသွားစေနိုင်မယ့် နည်းလမ်း
တွေကို ကျင့်သုံးတည်ဆောက်ဖို့ လိုအပ်ပါတယ်။ ဒီနည်းလမ်းတွေကို
လိုက်နာကျင့်သုံးလျက် ကျွန်တော်တို့အတွင်းမှာ ထိုအတားအဆီးတွေကို
ဖယ်ရှားနိုင်မယ့် စွမ်းအားတွေကို ရရှိပါလိမ့်မယ်။ ဒီစွမ်းအားတွေအားဖြင့်
တစ်ဖန် ကျွန်တော်တို့ဟာ မကောင်းမှုတွေကို ရင်ဆိုင်နိုင်မှာ ဖြစ်ပါတယ်။
ဒီစွမ်းအားတွေကို ရရှိနိုင်ဖို့အတွက် ဟာဇရတ် မွတ်စ်လေမော်အူးဒ်(ရဒီ)က
အလွန် ကောင်းမွန်တဲ့အသွင်နဲ့ ရှင်းလင်းမိန့်ကြားတော်မူခဲ့ပါတယ်။ အကယ်၍
လက်တွေ့ပြုပြင်တည့်မတ်မှုအတွက် ဒီစွမ်းရည်(၃)ရပ်သာ လူသားထံမှာရှိခဲ့မယ်
ဆိုရင် အောင်မြင်သွားမှာ ဖြစ်ပါတယ်။ ထိုစွမ်းရည်(၃)ရပ်က (၁) ခိုင်မာသော
ရည်ရွယ်ချက်၊ (၂) မှန်ကန်ပြည့်ဝသော ပညာဗဟုသုတ၊ (၃)
လက်တွေ့လုပ်ဆောင်နိုင်စွမ်းတို့ဖြစ်ပါတယ်။ သို့သော် အမှန်တကယ်
အခြေခံကျတဲ့ စွမ်းရည်တွေက ခိုင်မာသော ရည်ရွယ်ချက်နှင့် လက်တွေ့
လုပ်ဆောင်နိုင်စွမ်း နှစ်ခုတည်းပါပဲ။ သူတို့နှစ်ခုကြားမှာရှိတဲ့ မှန်ကန်ပြည့်ဝသော
ပညာဗဟုသုတက ဒီအခြေခံကျတဲ့ စွမ်းရည်နှစ်ခုစလုံးအပေါ်မှာ သက်ရောက်မှု
ရှိပါတယ်။ ပညာဗဟုသုတမှန်ကန်ခြင်းက လက်တွေ့လုပ်ဆောင်နိုင်စွမ်းကိုလည်း
သက်ရောက်မှုရှိသလို ရည်ရွယ်ဆုံးဖြတ်နိုင်စွမ်းပေါ်မှာလည်း သက်ရောက်မှု
ရှိပါတယ်။
မည်သို့ဆိုစေ ဦးစွာ မှတ်သားထားရမှာက အခိုင်အမာ ရည်ရွယ်ဆုံးဖြတ်နိုင်စွမ်း
နှင့် လက်တွေ့လုပ်ဆောင်နိုင်စွမ်းတို့သာလျှင် အခြေခံကျတဲ့ စွမ်းရည်နှစ်ရပ်
ဖြစ်ပြီး ယင်းနှစ်ခုက လက်တွေ့ပြုပြင်တည့်မတ်မှုအပေါ် တိုက်ရိုက်အကျိုးသက်
ရောက်မှု ရှိနေပါတယ်။ ကျွန်တော်တို့ဟာ ရည်ရွယ်ဆုံးဖြတ်နိုင်စွမ်းကို ပိုမိုခိုင်မာ
အောင် ပြုလုပ်ကြရမှာဖြစ်သလို လက်တွေ့လုပ်ဆောင်နိုင်သောစွမ်းရည်ထဲမှာ
ဝင်ရောက်နေတဲ့ အားနည်းချက်တွေကို ဖယ်ရှားကြရမှာဖြစ်ပါတယ်။ မကောင်းမှု
တစ်ခုခုကိုရပ်တန့်ဖို့အတွက် ကျွန်တော်တို့ထံမှာ ခိုင်မာတဲ့ ရည်ရွယ်ချက်ရှိပြီ
ဆိုတော့မှသာ ထိုမကောင်းမှုတွေက ရပ်တန့်သွားမှာ ဖြစ်ပါတယ်။ တစ်ဖန်
ကျွန်တော်တို့အတွင်းထဲက လက်တွေ့လုပ်ဆောင်နိုင်မှုစွမ်းရည်ထဲမှာ ပေါ်ပေါက်
 နေတဲ့ အားနည်းချက်တွေကို ဖယ်ရှားတော့မှသာလျှင် ရည်ရွယ်ချက်ခိုင်မာမှု
ကလည်း အသုံးဝင်လာမှာ ဖြစ်ပါတယ်။ ဒီလိုမရှိဘဲနဲ့တော့ ပြုပြင်တည့်မတ်မှု
ဖြစ်မလာနိုင်ပါဘူး။
ဒီရှုထောင့်အရ ကျွန်တော်တို့ရဲ့ ရည်ရွယ်ဆုံးဖြတ်နိုင်စွမ်းက ဘယ်လိုရှိသလဲလို့
ဆန်းစစ်ကြည့်တဲ့အခါ ဒီအပိုင်းမှာ အားနည်းချက် သိပ်မရှိပါဘူး။
ဘာကြောင့်လဲဆိုရင် ရည်ရွယ်ချက်အရတော့ ဂျမာအတ်အဖွဲ့ဝင်တိုင်းက မိမိတို့
အတွင်းမှာ တက္ကဝါ(ဖြူစင်ဖြောင့်မတ်ခြင်း)နှင့် သန့်ရှင်းစင်ကြယ်ခြင်းတရားတို့
ရှိလာစေရေး၊ အစ္စလာမ့်သွန်သင်မိန့်ကြားချက်များကို ဖြန့်ချိနိုင်ရေး၊ အလ္လာဟ်
အရှင်မြတ်၏ချစ်ခြင်းနှင့် အရှင်မြတ်နှင့်နီးစပ်ခွင့်ရရှိရေးတို့အတွက် ရည်ရွယ်
ချက် ရှိကြတာချည်းပါပဲ။
ဟာဇရတ် မွတ်စ်လေမော်အူးဒ်(ရဒီ)သခင်က ဒါနဲ့ပတ်သက်လို့ ဥပမာတစ်ခုဖြင့်
ရှင်းလင်းမိန့်ကြားတော်မူခဲ့ပါတယ်။ ဒီအချက်တွေအားဖြင့် သိနိုင်တာက
ကျွန်တော်တို့ရဲ့ ရည်ရွယ်ဆုံးဖြတ်နိုင်စွမ်းတွေက အင်အားရှိပေမဲ့လည်း
မှန်ကန်တဲ့ရလဒ်တွေတော့ ဖြစ်မလာပါဘူး။ ဒီလိုဖြစ်ရတာက အချက်နှစ်ခုထဲက
တစ်ခုကြောင့်ပါပဲ။ တစ်ခုက ကျင့်ကြံတည်ဆောက်မှုအတွက် ကျွန်တော်တို့
အတွင်းမှာ ရှိနေရမယ့် ရည်ရွယ်ဆုံးဖြတ်နိုင်စွမ်းက ရှိသင့်သလောက်
မရှိသေးလို့ပါပဲ။ ယုံကြည်မှုပိုင်းကို ပြုပြင်တည့်မတ်ဖို့အတွက် လိုအပ်တဲ့
ရည်ရွယ်ဆုံးဖြတ်နိုင် စွမ်းကတော့ ကျွန်တော်တို့အတွင်းမှာ ရှိပါတယ်။
ဒါကြောင့်လည်း ယုံကြည်မှုပိုင်းကို ပြုပြင်နိုင်ခဲ့ကြခြင်း ဖြစ်ပါတယ်။ ဒါပေမဲ့
ကျင့်ကြံတည်ဆောက်မှုဆိုင်ရာ ပြုပြင်တည့်မတ်ရေးအတွက် ထိုက်သင့်တဲ့
ရည်ရွယ်ဆုံးဖြတ်နိုင်စွမ်းက ကျွန်တော်တို့ထံမှာ မရှိဘူးဖြစ်နေပါတယ်။
ဒီလိုဆိုရင်တော့ ကျွန်တော်တို့ဟာ လက်တွေ့ပြုပြင်တည့်မတ်မှုအပိုင်းမှာ
အောင်မြင်နိုင်မှာ မဟုတ်ပါဘူး။ ဒါမှမဟုတ်ရင်(နောက်တစ်ခုက) အလ္လာဟ့်အား
ယုံကြည်ကိုးကွယ်ဆည်းကပ်မှုဆိုတဲ့ အဗူဒီယတ်အပိုင်းမှာ ကျွန်တော်တို့တတွေ
အားနည်းချက်ရှိနေတယ်ဆိုတာကို လက်ခံရပါလိမ့်မယ်။ ဒါကြောင့်ပဲ လက်တွေ့
လုပ်ဆောင်နိုင်စွမ်းက ပျက်ပြယ်သွားပြီး ရည်ရွယ်ဆုံးဖြတ်နိုင်စွမ်းရဲ့
သက်ရောက်မှုကိုလည်း မခံယူနိုင်တော့ခြင်း ဖြစ်ပါတယ်။  
 (ဆိုလိုတာက ကျွန်တော်တို့ထံမှာရှိတဲ့ လက်တွေ့လုပ်ဆောင်နိုင်စွမ်းက ပျက်ပြယ်
သွားတာကြောင့် ရည်ရွယ်ဆုံးဖြတ်မှုစွမ်းရည်ကနေ အကျိုးသက်ရောက်မှုကို
မခံယူနိုင်တော့ခြင်း ဖြစ်ပါတယ်။) ဒါမှမဟုတ် ဒီစွမ်းအင်တွေကိုလက်ခံနိုင်ဖို့ရာ
လိုအပ်တဲ့အကူအညီတွေ၊ ထောက်ပံ့ပေးနေတဲ့အချက်တွေက အားနည်းလို့
ဖြစ်ပါလိမ့်မယ်။ ဒီလိုအခြေအနေမျိုးမှာ ကျွန်တော်တို့ဟာ ခံယူနိုင်စွမ်း
သို့မဟုတ် လက်တွေ့လုပ်ဆောင်နိုင်စွမ်းတို့ဖြင့် ကုစားမှုမပြုသေးသရွေ့
ဘယ်လိုမှ အကျိုးဖြစ်ထွန်းလာမှာ မဟုတ်ပါဘူး။
ဥပမာ ကျောင်းသားတစ်ဦး ဆိုပါစို့။ သူဟာ ကျောင်းစာတွေကို ကျက်မှတ်ပေမဲ့
မမှတ်မိဘူး။ ဒီတော့ သူ့ရဲ့ မှတ်ဉာဏ်ပိုင်းကို တည့်မတ်မှုမပြုသေးသရွေ့ သူ့ကို
သင်ခန်းစာ ဘယ်လောက် သင်သည်ဖြစ်စေ၊ အကြိမ်ဘယ်လောက်များများ
ကျက်မှတ်ခိုင်းသည်ဖြစ်စေ၊ မှတ်မိစေဖို့အတွက် ဘယ်လောက်ပင် ကြိုးစားသည်
ဖြစ်စေ သူဟာ ဒီစာကို မှတ်မိနိုင်မှာ မဟုတ်ပါဘူး။ ဒီအတွက် မှတ်ဉာဏ်ကို
တည့်မတ်ပေးဖို့အတွက် အကြောင်းအချက်တွေကို လေ့လာရပါလိမ့်မယ်။
ဒီလိုအားဖြင့်သာ မှန်မှန်ကန်ကန် လမ်းညွှန်နိုင်မှာ ဖြစ်ပါတယ်။ ဒါမှမဟုတ်
သင်ခန်းစာကို ကျက်မှတ်ခိုင်းတဲ့ နည်းလမ်းကို ပြောင်းလဲကောင်း
ပြောင်းလဲရပါလိမ့်မယ်။
ပါကစ္စတန်ကျောင်းသား တော်တော်များများမှာ ဖြစ်နေတဲ့အကျင့်တစ်ခုက
ပေးသမျှသင်ခန်းစာတွေကို နားလည်သည်ဖြစ်စေ နားမလည်သည်ဖြစ်စေ
အလွတ်ကျက်မှတ်ထားလိုက်ပါတယ်။ ဒီလိုအလွတ်ကျက်မှတ်မှုအပိုင်းမှာတော့
သူတို့ဟာ အလွန် ထူးချွန်ကြပါတယ်။ စာအုပ်တစ်အုပ်လုံးနီးပါး၊ စကားလုံး
တစ်ခုချင်းစီကို မှတ်မိနေကြပါတယ်။ ဒါပေမဲ့ သူတု့ိဟာ အနောက်နိုင်ငံတွေရဲ့
ပညာရေးစနစ်အောက်ကို ရောက်တဲ့အခါမှာတော့ ဒီနိုင်ငံတွေရဲ့ ပညာရေးစနစ်
က သီးခြားဖြစ်ပါတယ်။ အရာရာကို နားလည်သိရှိပြီးတော့သာ သင်ကြားကြရ
ပါတယ်။ ဒီလိုကြောင့် အချို့အခါတွေမှာ ပါကစ္စတန်မှာ အဆင့်လျော့ပြီး
ရရှိခဲ့သူတွေက ဒီနိုင်ငံမှာ အဆင့်ကောင်းကောင်းရယူလျက် ဒီနိုင်ငံရဲ့
ပညာရေးစနစ်အောက်မှာ တစ်သားတည်း ဖြစ်သွားတာလည်း ရှိကြသလို
ဟိုနိုင်ငံမှာ အဆင့်ကောင်းကောင်းရခဲ့ပေမဲ့ ဒီနိုင်ငံမှာ အဆင့်လျော့သွားကြသူ
 တွေလည်း ရှိပါတယ်။ အချို့သော အခက်အခဲတွေကြောင့် ရဗ်ဝါမှာ
ဂျမာအတ်ရဲ့စာသင်ကျောင်းတွေကို အစိုးရဘုတ်အဖွဲ့မှ သီးခြားခွဲထားခဲ့ပါတယ်။
ပြီးတော့ ရဗ်ဝါရဲ့ ပညာရေးစနစ်ကလည်း သီးခြားဖြစ်ပါတယ်။ ဒီလိုကြောင့်
မူလက အစိုးရကျောင်း စာမေးပွဲတွေမှာ အဆင့်ကောင်းကောင်းတွေရခဲ့ပေမဲ့
ယခု ရဗ်ဝါရဲ့ ပညာရေးစနစ်မှာ မရနိုင်တော့ကြောင်း၊ မည်သို့ဖြစ်သွားရသည်ကို
နားမလည်နိုင်ကြောင်း စာရေးကြသူတွေလည်း ရှိပါတယ်။
ဒါကြောင့် အချို့အခါတွေမှာ ကောင်းစွာ မှတ်သားထားနိုင်စွမ်းမရှိခြင်းဟာ
မှတ်Óဏ်အားနည်းမှု တစ်ခုတည်းကြောင့်မဟုတ်ပါဘဲ အခြားသော
အကြောင်းအချက်တွေလည်း ရှိပါသေးတယ်။ အကယ်၍ မှတ်Óဏ်ကလည်း
အားနည်းနေမယ်ဆိုရင်တော့ ပိုပြီး ခက်ခဲသွားမှာ ဖြစ်ပါတယ်။ ကျက်မှတ်တဲ့
နည်းလမ်းကို ပြောင်းလဲပေးရတတ်ပါတယ်။ ယခုလို မှတ်Óဏ်နည်းပါးတဲ့
ကလေးငယ်တွေအတွက် ဒီ(အနောက်)နိုင်ငံတွေမှာတော့ သီးသန့် စာသင်
ကျောင်းတွေ ရှိပါတယ်။ အချို့အခါတွေမှာ ထိုကဲ့သို့ မှတ်Óဏ်အားနည်းတဲ့
ကလေးငယ်တွေကပဲ ပညာရေးမှာ ထူးချွန်သူတွေ ဖြစ်လာတတ်ပါတယ်။
မည်သို့ဆိုစေ မှန်ကန်တဲ့ နည်းလမ်းတစ်ခုကို မကျင့်သုံးသေးသရွေ့ လက်တွေ့
လုပ်ဆောင်နေမှုတွေကလည်း စိတ်ပူပင်စရာတွေဖြစ်လာပြီး အောင်မြင်မှု
မရနိုင်ဘဲရှိတတ်ပါတယ်။ ဒါကြောင့် အလုပ်တစ်ခုခုအတွက် လက်တွေ့နည်းနာ
တစ်ခုခုကို ချမှတ်လိုက်ပြီဆိုရင် ဦးနှောက်ကိုလည်း ထိုအတိုင်း ပုံသွင်းဖို့
လိုအပ်ပါလိမ့်မယ်။ ဒီလိုမရှိဘဲနဲ့တော့ အောင်မြင်မှုမရနိုင်ပါဘူး။ ဒါကြောင့်
ကျွန်တော်တို့ဟာ မိမိတို့ရဲ့ လက်တွေ့ပြုပြင်တည့်မတ်မှု အခြေအနေတွေ
အတွက်လည်း ထိုအကြောင်းအရာဘက်သို့ အာရုံပြုကြရမှာ ဖြစ်ပါတယ်။
ဦးနှောက်ရဲ့အစိတ်အပိုင်းတစ်ခုကို သက်ရောက်မှုရှိပြီဆိုတဲ့အခါ လက်တွေ့
လုပ်ဆောင်မှုကလည်း စတင်လာတာကြောင့် ကျွန်တော်တို့ရဲ့ ကောင်းမှုပြုဖို့
ရည်ရွယ်ချက်ဟာ ဦးနှောက်ရဲ့ ထိုအစိတ်အပိုင်းကို ဘာကြောင့် သက်ရောက်မှု
မရှိရတာလဲဆိုတာကိုပါ လေ့လာဆန်းစစ်ရမှာ ဖြစ်ပါတယ်။ ကျွန်တော်တို့ဟာ
ဒီလမ်းကြောင်းတစ်လျှောက်မှာ ဟန့်တားမှုပြုနေတဲ့ အတားအဆီးတွေကို
ဖယ်ရှားဖို့အတွက် ကြိုးစားကြရမှာ ဖြစ်ပါတယ်။ ပြီးတော့ အလ္လာဟ်အရှင်မြတ်
 အား ကျွန်တော်တို့ရဲ့ ယုံကြည်ကိုးကွယ်ဆည်းကပ်မှုက ဘယ်အဆင့်မှာရှိသလဲ၊
ကျွန်တော်တို့ရဲ့ လက်တွေ့ကြိုးစားအားထုတ်မှုအပိုင်းမှာ ရည်စူးချက်
ကောင်းမြတ်မှု၊ ဖြူစင်သဒ္ဓါတရားရှိမှုနှင့် သစ္စာစောင့်သိမှုတို့က ဘယ်အတိုင်း
အတာထိ ရှိသလဲဆိုတာကိုလည်း ကြည့်ကြရမှာဖြစ်ပါတယ်။
ဒါကြောင့် လက်တွေ့ပြုပြင်တည့်မတ်မှုအပိုင်းမှာ ကာဆီးထားလျက်ရှိတဲ့
အဟန့်အတား နှစ်မျိုးရှိနေပါတယ်။ တစ်ခုက ရည်ရွယ်ဆုံးဖြတ်နိုင်စွမ်း၌
အားနည်းခြင်းနှင့် နောက်တစ်ခုက လက်တွေ့လုပ်ဆောင်နိုင်စွမ်းတွင်
အားနည်းခြင်းတို့ ဖြစ်ပါတယ်။ ဒါပေမဲ့ အထက်မှာ တင်ပြခဲ့သလိုပဲ သူတို့နှစ်ခု
ကြားမှာရှိပြီး လက်တွေ့ပြုပြင်တည့်မတ်မှုကို လျော့နည်းစေတဲ့ နောက်ထပ်
အကြောင်းအရာတစ်ခုက ပညာဗဟုသုတအရာ၌ အားနည်းခြင်း ဖြစ်ပါတယ်။
သူက ထိုအကြောင်းအရာနှစ်ခုလုံးကို သက်ရောက်စေပါတယ်။ ဒါကို ကျွန်တော်
တို့ဟာ လက်တွေ့ဘဝမှာ မြင်နေကြရပါတယ်။ ရည်ရွယ်ချက်တွေဟာလည်း
ပညာကို အခြေခံပြီးတော့သာ ဖြစ်ပေါ်လာပါတယ်။ ဒါ့အပြင် ကျင့်ကြံ
တည်ဆောက်မှုကလည်း ပညာကို အခြေခံပြီးတော့သာ လုပ်ဆောင်လျက်
ရှိပါတယ်။ ဒါကို အခုလို ဥပမာဖြင့် သိနိုင်ပါတယ်။ အကယ်၍ လူတစ်ယောက်
က တပ်သားအင်အား ၁၀၀ဝ မျှရှိတဲ့ စစ်တပ်တစ်ခုက သူ့နေရပ်ကို တိုက်ခိုက်
တော့မယ်ဆိုတာကို မသိထားဘဲ တစ်စုံတစ်ဦးက လာရောက် တိုက်ခိုက်တော့
မယ်ဆိုရုံလောက်သာ သိထားမယ်ဆိုရင်၊ ဒါမှမဟုတ် တစ်ဦးနှစ်ဦးခန့်မျှ
လာရောက်တိုက်ခိုက်လိမ့်မယ်ဆိုပြီးသာ သိထားမယ်ဆိုရင် ဒီအတိုင်းအတာ
လောက်ထိပဲ သူဟာ ရင်ဆိုင်ဖို့ ပြင်ဆင်မှာ ဖြစ်ပါတယ်။ အကယ်၍ အခု
လာရောက်တိုက်ခိုက်တော့မှာက တပ်သားအင်အား ၁၀၀ဝ မျှ ရှိတယ်ဆိုတာကို
သူသိထားခဲ့မယ်ဆိုရင် အဲဒီအတွက် ပြင်ဆင်မှုက တစ်မျိုးဖြစ်ပါလိမ့်မယ်။
ဒါကြောင့် ပညာဗဟုသုတနည်းပါးမှုကြောင့် အားနည်းချက်တွေ ဖြစ်ပေါ်နေ
ရခြင်းဖြစ်ပါတယ်။ ပြီးတော့ ယခုလို ပညာရဲ့စွမ်းပကားက ရည်ရွယ်လုပ်ဆောင်
နိုင်စွမ်းကို တိုးမြင့်စေပါတယ်။ 
ထိုနည်းတူစွာပဲ အချို့အခါတွေမှာ လူသားက အရာဝတ္ထုတစ်ခုခုကို မဖို့
ကြိုးစားပါတယ်။ အဲဒီအရာဝတ္ထုကို ပေါ့ပါးတဲ့အရာလို့ မှတ်ယူပေမယ့် အဲဒါက
 လေးလံတာကြောင့် မနိုင်တာမျိုး ဖြစ်တတ်ပါတယ်။ ဒါပေမဲ့ ဒီအရာဝတ္ထုဟာ
လေးလံတယ်ဆိုတာကို တစ်ကြိမ်မျှလောက် သိလိုက်ရပြီဆိုရင် သူဟာ ပိုပြီး
အင်အားစိုက်ထုတ်လာပါတယ်။ မတဲ့ နည်းလမ်းကို ပြောင်းလဲတတ်ပါတယ်။
ဒီအခါမှာ မယူလိုက်နိုင်တာမျိုး ဖြစ်တတ်ပါတယ်။ ဒီတော့ ပြင်ပစွမ်းအား
တစ်ခုခုက သူ့ထံသို့ နောက်တစ်ကြိမ်မှာ ဝင်ရောက်လာတာမဟုတ်ပါဘူး။
တကယ်တော့ ဒါဟာ မှန်ကန်သင့်လျော်တဲ့ ပညာဗဟုသုတကြောင့် စွမ်းအားကို
ရရှိပြီး ထိုစွမ်းအားကို နည်းမှန်လမ်းမှန် အသုံးချလိုက်တဲ့အခါ အောင်မြင်သွား
ခြင်းသာ ဖြစ်ပါတယ်။ ဒါကြောင့် အလ္လာဟ်အရှင်မြတ် ပေးသနားထားတော်မူတဲ့
အရည်အချင်း စွမ်းအားတွေကတော့ ရှိပြီးဖြစ်ပါတယ်။ ဒီ အရည်အချင်းနှင့်
စွမ်းအားတွေကို မှန်ကန်စွာ အသုံးချမယ်ဆိုရင် လုပ်ငန်းတွေက လွယ်ကူစွာ
ပြီးမြောက်သွားနိုင်ပါတယ်။ ဒါမှမဟုတ် အလွန် ကောင်းမွန်တဲ့ အသွင်နဲ့
အလုပ်ပြီးမြောက်သွားနိုင်တယ်လို့လည်း ဆိုနိုင်ပါတယ်။ ဒါဟာ ပညာကြောင့်
ဖြစ်ပေါ်လာရခြင်းပါပဲ။ အကယ်၍ အရည်အချင်းတွေကို မှန်မှန်ကန်ကန်
အသုံးမချဘူးဆိုရင် သာမန် အရေးကိစ္စတွေမှာပင်လျှင် ဆုံးရှုံးမှုဖြစ်သွား
နိုင်ပါတယ်။
ဒါကြောင့် ဤနေရာ၌ ကျင့်ကြံမှုဆိုင်ရာ အရည်အချင်းများကို လက်တွေ့ကျကျ
အသုံးချရန်နှင့် ကျင့်ကြံတည်ဆောက်မှုဆိုင်ရာ အားနည်းချက်များကို
ဖယ်ရှားရန်အတွက် ဒီအခြေခံသဘောကိုသာလျှင် လိုက်နာကျင့်သုံးကြရမှာ
ဖြစ်ပါတယ်။ ဒီအတွက် မိမိတို့ရဲ့ ပညာဗဟုသုတကို ကျယ်ပြန့်အောင် ပြုလုပ်ဖို့
လိုအပ်ပါလိမ့်မယ်။ ဒီလိုအားဖြင့် အဲဒီအတိုင်း လျော်ညီတဲ့ စွမ်းအားကို
အသုံးချလျက် မိမိတို့ရဲ့ အားနည်းချက်များကို အောင်နိုင်သွားစေဖို့ ဖြစ်ပါတယ်။
ဟာဇရတ် မွတ်စ်လေမော်အူးဒ်(ရဒီ)က ဒီအကြောင်းအရာတစ်ခုကိုလည်း
မိန့်ကြားတော်မူခဲ့ပါတယ်။ အလ္လာဟ်အရှင်မြတ်က လူသားအားလုံးထံမှာ
နှိုင်းယှဉ်ချိန်ထိုးကြည့်တတ်သော စွမ်းရည်တစ်ရပ်ကို ထည့်သွင်းပေးထား
ပါတယ်။ ဘယ်အလုပ်အတွက် အင်အားဘယ်လောက်လိုအပ်သလဲဆိုတာ
ချိန်ဆတတ်ပါတယ်။ ပြီးတော့ အင်အားဟူသမျှကလည်း လူသားထံမှာ
အပြင်ပိုင်းအရ ရှိမနေနိုင်ဘဲ သူ့ရဲ့ဦးနှောက်အတွင်းမှာ ကိန်းအောင်းလျက်သာ
 ရှိနေပါတယ်။ ဒီလိုကြောင့် အလုပ်တစ်ခုကို တစ်ကြိမ်တစ်ခါလောက် ဖြစ်စေ
မလုပ်ဖူးသေးဘူးဆိုရင်၊ ဥပမာ- အလေးမခြင်းကို ကြည့်မယ်ဆိုရင် အကယ်၍
ထိုအလေးကို မမနိုင်ဘူးဆိုရင် လူသားက ဦးနှောက်သို့ နောက်ထပ်
အင်အားများ ပို့ဆောင်ဖို့ရာ သတင်းပို့ပါတယ်။ စွမ်းအားရောက်လာတဲ့
အခါမှသာ ထိုပစ္စည်းကို မယူဖို့ရာ လွယ်ကူသွားပါတော့တယ်။ ပြီးတော့ ဒီ
နှိုင်းယှဉ်တတ်သော စွမ်းရည်ကလည်း အတွင်းပိုင်း အသိပညာဖြစ်စေ၊ ပြင်ပမှ
အသိပညာဖြစ်စေ ပညာအားဖြင့်သာလျှင် ရရှိပါတယ်။ အတွင်းပိုင်း
အသိပညာဆိုတာက အတွေ့အကြုံ ဖြစ်ပါတယ်။ ပြင်ပမှ အသိပညာဆိုတာက
မိမိနားသို့ သက်ရောက်လာတဲ့ ပြင်ပမှ အသံကိုဆိုလိုခြင်း ဖြစ်ပါတယ်။
အထက်မှာပြခဲ့တဲ့ ဥပမာအတိုင်းပါပဲ။ ပြင်ပမှ တိုက်ခိုက်လာတော့မှာဖြစ်
ကြောင်း ပြင်ပအသံတွေက လူသားကို သတိပေးပါတယ်။ ဒါပေမယ့်
အလေးမခြင်းဥပမာအရ အဲဒီအတွက် နှိုင်းယှဉ်တတ်သောစွမ်းရည်က ကိုယ်တိုင်
ဆုံးဖြတ်ရမှာ ဖြစ်ပါတယ်။ မူလက ထိုအလေးကို မယူကြည့်ဖူးခြင်းမရှိတာ
ကြောင့် ပေါ့ပါးတဲ့ အရာတစ်ခုလို့ ထင်ခဲ့မယ်။ ၁ဝ ကီလို အလေးကို ၅ ကီလို
အဖြစ် ယူဆပြီး အင်အားနည်းနည်းသာ သုံးမယ်။ ယခု ထိုအလေးကို
မဖို့အတွက် ၁ဝ ကီလို အလေးနဲ့ညီမျှတဲ့ စွမ်းအားကို စိုက်ထုတ်မယ်ဆိုရင်
မလိုက်နိုင်မှာ ဖြစ်ပါတယ်။ ဒီအခြေခံသဘောကို မျက်မှောက်ပြုထားမယ်ဆိုရင်
ဘယ်သောအခါမဆို လူသားဟာ ကျင့်ကြံတည်ဆောက်မှုပိုင်းဆိုင်ရာကို
တည့်မတ်ဖို့ ရပ်ပြီဆိုတာနဲ့ နှိုင်းယှဉ်ဝေဖန်မှုစွမ်းရည်က မိမိဟာ ယခု
ကြိုးစားရုန်းကန်ဖို့အတွက် အင်အား အဘယ်မျှလိုအပ်မယ်ဆိုတာကို ဆုံးဖြတ်ရ
ပါတယ်။ 
အချို့အခါတွေမှာ မှန်ကန်တဲ့အသိပညာမရှိမှုကြောင့် လူသားဟာ
ကျင့်ကြံတည်ဆောက်မှုတွေကို တည့်မတ်မှုမပြုနိုင်ဘဲဖြစ်တတ်ပါတယ်။ ပြီးတော့
နှိုင်းယှဉ်ဝေဖန်တတ်ခြင်းကလည်း ပညာမရှိမှုကြောင့် လူသားဟာ လက်တွေ့
ပြုပြင်တည့်မတ်မှုအတွက် စွမ်းအားဘယ်လောက်လိုအပ်သလဲဆိုတာ သူ့ကို
မှန်ကန်တဲ့ သတင်းတွေကို မပေးနိုင်ပါဘူး။ ဒါကြောင့် နှိုင်းယှဉ်ဝေဖန်တတ်မှု
စွမ်းရည်က လူသားကို သတိမူစေပါတယ်။ ပြီးတော့ ဒီစွမ်းရည်ကပဲ သူ့ရဲ့
 ပညာမဲ့မှုကြောင့် သူ့ကို မေ့လျော့ပေါ့တန်သူလည်း ဖြစ်သွားစေပါတယ်။
အရာဝတ္ထု တစ်ခုခုနဲ့ပတ်သက်လို့ မှန်ကန်တဲ့ အသိပညာရှိလာတော့မှသာလျှင်
နှိုင်းယှဉ်ဝေဖန်နိုင်စွမ်းက ဖြစ်ပေါ်လာပါတယ်။ အကယ်၍ အသိပညာရှိလာပြီ
ဆိုရင် ဘယ်လို လုပ်ရမယ်၊ ဘယ်လို အသုံးချရမယ်ဆိုတာကို ဒီစွမ်းရည်က
သတိပေးပါလိမ့်မယ်။ ပညာမရှိဘူးဆိုရင် လူသားဟာ ထိုအလုပ်ကို
လုပ်နိုင်တော့မှာ မဟုတ်ပါဘူး။
တစ်ဖန် ယခုလို အသိပညာမဲ့မှုကြောင့် ဒါမှမဟုတ် မှန်ကန်သင့်မြတ်တဲ့
ပညာမရှိမှုကြောင့် လူသားဟာ အပြစ်ကျူးလွန်လိုက်တတ်ပါတယ်။ ဥပမာ-
အပြစ်ငရဲဘက်သို့ ချဉ်းကပ်နေတဲ့ လူ့အသိုင်းအဝိုင်းမှာ ကလေးငယ်တစ်ဦးဟာ
မွေးဖွားကြီးပြင်းလာတဲ့အခါ၊ ပြီးတော့ သူတို့ရဲ့ စကားဝိုင်းဟူသမျှမှာ မုသားမသုံး
ဘဲ လောကမှာ အသက်မရှင်နိုင်ဘူးလို့ပြောဆိုတဲ့ စကားသံတွေကို မပြတ်ကြား
နေရမယ်ဆိုပါစို့။ 
ဒီနေရာမှာ ကျွန်တော် တစ်ခု ပြောလိုပါသေးတယ်။ ဒီနိုင်ငံမှာ ခိုလှုံခွင့်
တောင်းတဲ့သူတွေ ရှိပါတယ်။ ဒါပေမဲ့ အများစုရဲ့ ဦးနှောက်ထဲမှာ စွဲထင်နေတာ
က ရှည်လျားတဲ့ အကြောင်းပြချက်တွေ၊ ပုံပြင်တွေကိုမပြောဘဲနဲ့ လိမ်ညာပြော
ဆိုမှုမပြုဘဲနဲ့ သူတို့ရဲ့ အရေးကိစ္စတွေ မပြေလည်နိုင်ဘူးလို့ ယူဆထားကြ
ပါတယ်။ တကယ်တော့ ကျွန်တော် အကြိမ်ကြိမ် ပြောကြားခဲ့ပြီး ဖြစ်ပါတယ်။
အကယ်၍ အတိုချုံးပြီး မှန်မှန်ကန်ကန် ပြောမယ်ဆိုရင် အရေးကိစ္စက
အမြန်ဆုံး ပြေလည်သွားမှာ ဖြစ်ပါတယ်။ ဒီလို အဖြစ်အပျက်
တော်တော်များများ ကျွန်တော့်ထံသို့ ရောက်လာတာကို တွေ့ခဲ့ရပြီးပါပြီ။
လူတော်တော်များများက မိမိတို့ဟာ အတိုချုံးပြီး မှန်မှန်ကန်ကန်
ပြောခဲ့တာကြောင့် ရက်အနည်းငယ်အတွင်းမှာပဲ ပြေလည်သွားခဲ့ကြောင်း
ပြောကြပါတယ်။ စိတ်ဖိစီးမှုကို မခံနိုင်၍ဖြစ်ကြောင်း၊ အချိန်တိုင်းမှာ မိမိတို့
အတွက်ရော ကလေးများအတွက်ပါ စိုးရိမ်နေရကြောင်း၊ များစွာသော
ပူပင်သောကဖြစ်စရာများရှိကြောင်း၊ ကလေးငယ်များအဖို့ ကျောင်းသို့
မသွားရောက်နိုင်ကြောင်း၊ ကျောင်းတွေမှာ ကလေးတွေကို ဒုက္ခပေးကြောင်း
 စသဖြင့် တင်ပြစရာ စကားတွေအများကြီး ရှိပါတယ်။ ဖိုင်တွဲအများစုဟာ
ဒီလိုပြောလိုက်တာနဲ့တင် ပြေလည်သွားခဲ့ပါတယ်။ 
ဒါကြောင့် အမှန်တရားပေါ်မှာပဲ ရပ်တည်နေကြရမှာ ဖြစ်ပါတယ်။ တစ်ဖန်
အလ္လာဟ်အရှင်မြတ်ကို ယုံကြည်ကိုးစားမှုလည်း ရှိရမှာ ဖြစ်ပါတယ်။ မိမိတို့ဟာ
သက်ဆိုင်ရာကို မည်သို့ ယုံကြည်အောင် ပြောခဲ့ကြောင်း စတဲ့ မမှန်ကန်တဲ့
ပြောဆိုခဲ့မှုတွေကို ကလေးငယ်တွေရှေ့မှာ ပြောမယ်ဆိုရင် ကလေးတွေကလည်း
အခုလို လိမ်ညာပြောဆိုခြင်းဟာ မည်သို့မျှ အပြစ်မထိုက်ဘူး၊ အခုလို
လိမ်ညာမပြောရင် အရေးကိစ္စတွေက ပြေလည်မှာမဟုတ်ဘူး၊ ငါတို့
အကျိုးအမြတ်ရနိုင်မှာ မဟုတ်ဘူး၊ အခုလို လိမ်ညာမှုကသာ အောင်မြင်မှု
အားလုံးရဲ့သော့ချက်ပဲလို့ ယူဆသွားတတ်ပါတယ်။ ပြီးတော့ ကလေးငယ်က
ဒီခေတ်ကာလမှာ အမှန်ပြောတဲ့သူကရော ဘယ်သူရှိလို့လဲ၊ လိမ်ညာမပြောဘဲနဲ့
မအောင်မြင်နိုင်ဘူး စသဖြင့် ဦးနှောက်မှာ စွဲထင်သွားတတ်ပါတယ်။
တကယ်တော့ ဒါတွေဟာ လူကြီးတွေရဲ့ ပြောဆိုသံတွေကြောင့် ကလေးတွေ
ထံမှာ ဖြစ်ပေါ်လာတဲ့ အယူအဆတွေသာ ဖြစ်ပါတယ်။ ပြီးတော့ သူတို့ရဲ့
အသိပညာမှာလည်း လိမ်ညာပြောဆိုခြင်းဟာ ကြီးလေးတဲ့ အပြစ်မဟုတ်ပါဘူး
ဆိုပြီး တွေးထင်လိုက်ပါတယ်။ ရလဒ်က ဘယ်လိုရှိလာမလဲဆိုတာ ရှင်းပါတယ်။
သူဟာ ကြီးပြင်းလာတဲ့အခါ မုသားပြောဖို့ အခွင့်အရေး ရပြီဆိုတာနဲ့ သူဟာ
မိမိရဲ့ နှိုင်းယှဉ်ဝေဖန်တတ်မှု စွမ်းရည်ထံမှ ဒီမုသားကို အထောက်အကူပြုတဲ့
ဆုံးဖြတ်ချက်တစ်ခုကို တောင်းပါလိမ့်မယ်။ ဒီအခါမှာ သူ့ရဲ့ နှိုင်းယှဉ်ဝေဖန်
တတ်မှု စွမ်းရည်က သူလိုချင်တဲ့ ဆုံးဖြတ်ချက်ကို ချက်ချင်းပေးပါလိမ့်မယ်။
စိုးရိမ်ဖွယ်အခြေအနေကို ရောက်နေပြီ၊ ဒါကြောင့် မုသားစကားကို သုံးလိုက်ပါ၊
ဘာမျှ အပြစ်မရှိပါဘူးဆိုပြီး ဆုံးဖြတ်ချက်ပေးပါလိမ့်မယ်။ အကယ်၍
ကလေးငယ်က မိမိရဲ့ပတ်ဝန်းကျင်မှာ အတင်းအဖျင်းပြောဆိုမှုကို တွေ့တယ်
ဆိုရင် သူဟာ ကြီးပြင်းလာတဲ့အခါ သူ့ရှေ့မှာ အတင်းအဖျင်းပြောဆိုဖို့
အခါအခွင့်ကိုရပြီဆိုတာနဲ့ မိမိအနေနဲ့ အတင်းအဖျင်းပြောလိုက်ခြင်းအားဖြင့်
အကျိုးရှိနိုင်မယ်လို့ တွေးထင်တဲ့အခါ သူ့ရဲ့ နှိုင်းယှဉ်ဝေဖန်တတ်မှု စွမ်းရည်က
သူ့ကို အသင့်ရဲ့ ပတ်ဝန်းကျင်တစ်ခုလုံးက အတင်းအဖျင်းပြောနေကြတာပဲ၊
 အသင်လည်းပဲ ပြောလိုက်တော့ ဘာများအပြစ်ဆိုစရာရှိသလဲဆိုပြီး ဆုံးဖြတ်
ချက်ပေးပါလိမ့်မယ်။ တစ်နည်းအားဖြင့် ဒီလုပ်ရပ်ဟာ  အပြစ်ဖြစ်တယ်ဆိုတာ
ကို သိပေမယ့် ကြီးမားတဲ့ အပြစ်မဟုတ်ဘူးလို့ ယူဆထားခြင်း ဖြစ်ပါတယ်။ 
ဒါနဲ့ပတ်သက်လို့ ပြီးခဲ့တဲ့ ခွတ္တဘာတစ်ပုဒ်မှာလည်း တင်ပြခဲ့ပြီး ဖြစ်ပါတယ်။
လက်တွေ့ပြုပြင်တည့်မတ်မှုအပိုင်းမှာ အလွန်ကြီးမားတဲ့ အတားအဆီးတစ်ခုက
အချို့သော မကောင်းမှုတွေက ကြီးလေးသော အပြစ်ရှိပြီး အချို့က သေးငယ်
တယ်၊ ဒီလိုသေးငယ်တဲ့ မကောင်းမှုကို ပြုလုပ်ခြင်းအားဖြင့် မည်သို့မျှ ဆုံးရှုံးမှု
မဖြစ်နိုင်ကြောင်း ယူဆခြင်းပဲ ဖြစ်ပါတယ်။ လူသားဟာ မကောင်းမှုတစ်ခုကို
ပြုလုပ်လိုက်တဲ့အခါ ထိုမကောင်းမှုတွေကို စွန့်လွှတ်ဖို့ရာ ခက်ခဲသွားပါတော့
တယ်။ လူသားထံမှာ နှိုင်းယှဉ်ဝေဖန်တတ်တဲ့ စွမ်းရည်ရှိပေမဲ့ သူ့ကို
ပတ်ဝန်းကျင်ကပေးလိုက်တဲ့ လွဲမှားတဲ့ အသိပညာကြောင့် လူသားကို
မကောင်းမှုအပေါ် အောင်နိုင်လွှမ်းမိုးနိုင်လောက်အောင် စွမ်းအားတွေကို
မပေးနိုင်တော့ပါဘူး။
အထက်မှာ အလေးမခြင်း ဥပမာကဲ့သို့ပါပဲ။ အားနည်းသူတစ်ဦးက
အလေးတစ်ခုကို မမနိုင်ဘူး၊ နောက်ပိုင်းမှာ ဦးနှောက်က ပိုမိုတဲ့ အလေးချိန်ကို
မဖို့ စွမ်းအားတွေကို ပို့ပေးတဲ့အခါ ထိုလက်နှစ်ဖက်ကပင် ထိုသည့် ပိုမိုတဲ့
အလေးချိန်ကို မနိုင်သွားပါတော့တယ်။ သို့သော် အကယ်၍ လူသားရဲ့
နှိုင်းယှဉ်ဝေဖန်တတ်မှု စွမ်းရည်က ဦးနှောက်ထံသို့ ဒီအမိန့်ကိုု မပို့ဘူးဆိုရင် ထို
အလေးကို မနိုင်မှာ မဟုတ်ပါဘူး။ ထိုနည်းတူစွာပဲ မကောင်းမှုတွေကို
ဖယ်ရှားဖို့ရာလည်း ဒီအခြေခံအချက်တွေလိုပဲ ဖြစ်ပါတယ်။ မကောင်းမှုတွေကို
ဖယ်ရှားနိုင်တဲ့ စွမ်းရည်ဟာ လူသားထံမှာ ရှိပါတယ်။ ဒါပေမဲ့ မကောင်းမှုက
ရှေ့သို့ရောက်လာတဲ့အခါ၊ ပြီးတော့ နှိုင်းယှဉ်ဝေဖန်တတ်မှု စွမ်းရည်က ဒီ
မကောင်းမှုမှာ ဘာများ အပြစ်ဆိုစရာရှိပါသလဲ၊ အလွန်သေးငယ်တဲ့
အပြစ်ကလေးပဲ၊ ဒီလိုပြုလုပ်ခြင်းအားဖြင့် အကျိုးအမြတ် ကောင်းကောင်းရမှာပဲ
ဆိုပြီး တွေးဆမိလိုက်တဲ့အခါ အပြစ်တွေကိုတွန်းလှန်ဖယ်ရှားနိုင်တဲ့စွမ်းအားကို
ဦးနှောက်က ပို့လွှတ်မှာမဟုတ်တော့ပါဘူး။ ဒါမှမဟုတ် ရည်ရွယ်ဆုံးဖြတ်နိုင်စွမ်း
 သေဆုံးသွားတယ်လို့ ပြောနိုင်ပါတယ်။ ဒီလိုအားဖြင့် အပြစ်ကျူးလွန်မိ
လျက်သား ဖြစ်သွားပါတော့တယ်။
ဒီလိုကြောင့် လက်တွေ့ပြုပြင်တည့်မတ်ရေးအတွက် အကြောင်းအရာ (၃)ရပ်
အခိုင်အမာရှိဖို့ လိုအပ်ပါတယ်။ (၁) ရည်ရွယ်ဆုံးဖြတ်နိုင်စွမ်း ခိုင်မာဖို့
လိုအပ်တယ်။ (၂) ကျယ်ပြန့်တဲ့ အသိပညာရှိဖို့ လိုအပ်တယ်။ (၃) လက်တွေ့
လုပ်ဆောင်နိုင်စွမ်းမှာ အင်အားဖြည့်တင်းဖို့ လိုအပ်ပါတယ်။ 
တစ်ဖန် ပညာဗဟုသုတ ကျယ်ပြန့်ခြင်းကလည်း ရည်ရွယ်ဆုံးဖြတ်နိုင်စွမ်းရဲ့
အစိတ်အပိုင်းတစ်ခု ဖြစ်တယ်ဆိုတာကို မှတ်ထားပါ။ ဘာကြောင့်လဲဆိုရင်
အသိပညာပိုင်း တိုးလာသည်နှင့်အမျှ ရည်ရွယ်ဆုံးဖြတ်နိုင်စွမ်းကလည်း
တိုးလာပါတယ်။ ဒီလိုအားဖြင့် လက်တွေ့ကျင့်သုံးတည်ဆောက်ဖို့ရာ
အသင့်ဖြစ်သွားစေတယ်လို့လည်း ပြောနိုင်ပါတယ်။
ဒီအကြောင်းအရာအားလုံးရဲ့ အနှစ်ချုပ်ကတော့ လက်တွေ့ပြုပြင်တည့်မတ်မှု
အတွက် ကျွန်တော်တို့ဟာ အကြောင်းအရာ (၃)ခုကို လိုအပ်ပါတယ်။ (၁)
ကြီးမားတဲ့လုပ်ငန်းတွေကို လုပ်ဆောင်နိုင်စွမ်းရှိဖို့အတွက် ရည်ရွယ်ဆုံးဖြတ်
နိုင်တဲ့စွမ်းအားလိုအပ်ပါတယ်။ (၂) မိမိရဲ့ရည်ရွယ်ဆုံးဖြတ်နိုင်မှု စွမ်းရည်က
တာဝန်ဝတ္တရားကို သိမြင်နားလည်လာနိုင်စေလောက်သည့် ကျယ်ပြန့်သော
အသိပညာ လိုအပ်ပါတယ်။ ဒီလိုအားဖြင့် ဘယ်ဟာက အမှန်၊ ဘယ်ဟာက
အမှားဆိုတာကို ဝေဖန်ပိုင်းခြားနိုင်ပြီး အမှန်ကို ထောက်ခံနိုင်မှာ ဖြစ်ပါတယ်။
ဒါတင်မက ယင်းအတိုင်း လိုက်နာကျင့်သုံးဖို့အတွက် အပြည့်အဝ အားစိုက်
ထုတ်မှာ ဖြစ်ပါတယ်။ မေ့လျော့ပေါ့ဆမှုထဲမှာနေလျက် လူသားဟာ စဉ်းစား
ဆင်ခြင်နိုင်စွမ်းကို သတ်ပစ်လိုက်တာမျိုး မဖြစ်စေရပါဘူး။ 
(၃) လက်တွေ့လုပ်ဆောင်နိုင်စွမ်း လိုအပ်ပါတယ်။ ကျွန်တော်တို့ရဲ့ ခန္ခာကိုယ်
အစိတ်အပိုင်းတွေက ကျွန်တော်တို့ ရည်ရွယ်ထားတဲ့အတိုင်း လျှောက်လှမ်းမှု
ဖြစ်စေရမယ်။ မကောင်းသော အတွေးများနောက်သို့မလိုက်စေဘဲ ကောင်းမြတ်
တဲ့ ရည်ရွယ်ချက်များနောက်သို့ လိုက်စေခြင်းဖြစ်ရပါမယ်။ ယင်း ကောင်းမြတ်
သော ရည်ရွယ်ချက်၏အမိန့်ပေးမှုကို မဆန့်ကျင်စေရပါဘူး။ ဒီအကြောင်း
 အချက်တွေက မကောင်းမှုများမှ လွတ်မြောက်စေရန်နှင့် လက်တွေ့ပြုပြင်
တည့်မတ်ရေးအတွက် အခြေခံကျတဲ့ အချက်များ ဖြစ်ပါတယ်။
ကျွန်တော်တို့ဟာ မိမိတို့ရဲ့ ရည်ရွယ်ဆုံးဖြတ်နိုင်သောစွမ်းရည်ကို အလွန်
ထက်မြက်ပြီး မိမိရဲ့အမိန့်တစ်ခုကို မိမိ အာဏာ၊ စွမ်းရည်နှင့် အထောက်
အထားများဖြင့် တစ်ပါးသူကို မဖြစ်မနေ လက်ခံလာအောင် ပြုလုပ်နိုင်စွမ်းရှိတဲ့
အရာရှိတစ်ဦးကဲ့သို့ ဖြစ်စေရပါမယ်။ သူဟာ မည်သို့သော အကြောင်းပြချက်
ကိုမှ မိမိအပေါ် လွှမ်းမိုးမှုမခံသူဖြစ်ပါတယ်။ ကျွန်တော်တို့ဟာ ကြီးလေးသော
အပြစ်၊ သေးငယ်သောအပြစ် စသဖြင့် စိတ်ဖြေသဘောနဲ့ ကိုယ်ပိုင် ဖွင့်ဆိုထား
ချက်တွေရဲ့ လွှမ်းမိုးနေမှုကနေ တားဆီးရမှာဖြစ်ပါတယ်။ နှိုင်းယှဉ်ဝေဖန်တတ်
သော စွမ်းရည်၏ မှားယွင်းမှုကြောင့် ဖြစ်ပေါ်လာတဲ့ မအောင်မြင်မှုတွေကနေ
မှန်ကန်သော အသိပညာက ကျွန်တော်တို့ကို ကာကွယ်ပေးပါလိမ့်မယ်။
လူသားဟာ ကြီးသောအပြစ်၊ ငယ်သောအပြစ်ဆိုတဲ့ အယူအဆထဲမှာ
ရောက်နေတဲ့အခါ သူဟာ ပြုပြင်တည့်မတ်မှုအခွင့်အရေးကို လက်လွတ်ဆုံးရှုံးရ
တတ်ပါတယ်။ အချို့အခါတွေမှာ ပညာမဲ့မှုကြောင့် ရည်ရွယ်ဆုံးဖြတ်နိုင်သော
စွမ်းရည်က ဘာလုပ်ရမလဲ၊ ဘာလုပ်သင့်သလဲဆိုတာ အဆုံးအဖြတ် မပေးနိုင်ဘဲ
ဖြစ်တတ်ပါတယ်။ ထိုနည်းတူစွာပဲ လက်တွေ့လုပ်ဆောင်နိုင်စွမ်းက ခိုင်မာမှုရှိခဲ့
မယ်ဆိုရင် သူဟာ ရည်ရွယ်ဆုံးဖြတ်နိုင်စွမ်းရဲ့ သေးငယ်တဲ့ ညွှန်ပြချက်ကလေး
ကိုပင် လုပ်ဆောင်လိုက်မှာ ဖြစ်ပါတယ်။ 
ဒါရဲ့ ဥပမာအဖြစ် မွတ်စ်လေမော်အူးဒ်(ရဒီ)သခင်က အခုလို မိန့်ကြား
တော်မူပါတယ်။ မှတ်သားထားရမှာက- လက်တွေ့လုပ်ဆောင်နိုင်စွမ်း
လျော့နည်းခြင်း နှစ်မျိုးနှစ်စားရှိတယ်။ အမှန်တကယ် အင်အားနည်းမှုနှင့်
အမှန်တကယ်မဟုတ်သော အင်အားနည်းမှုတို့ဖြစ်တယ်။ အမှန်တကယ်
မဟုတ်သော အင်အားနည်းမှုမှာ- အင်အားရှိပါလျက်နှင့် အလေ့အထကြောင့်
သံချေးတက်နေခြင်း ဖြစ်ပါတယ်။ အမှန်တကယ်ဖြစ်သော အင်အားနည်းမှုမှာ-
ရှည်လျားသောကာလတစ်ခုကြာမျှအထိ အသုံးမပြုခြင်းကြောင့် အသေကောင်
 အလားဖြစ်သွားပြီး သူ့အတွက် ပြင်ပမှအကူအညီနှင့် အမှီအတွယ်လိုအပ်လာတဲ့
အခြေအနေကို ဆိုလိုပါတယ်။ 
အမှန်တကယ်မဟုတ်သော အင်အားနည်းမှုအတွက် ဥပမာကတော့-
လူတစ်ယောက်ဟာ ၄ဝ ကီလိုရှိတဲ့ ဝန်ထုပ်တစ်ခုကို မနိုင်သည့်အင်အား ရှိ
သော်လည်း အလုပ်လုပ်ကိုင်သော အလေ့အကျင့်မရှိတာကြောင့် သူ့အား
ထိုဝန်ထုပ်ကို မဖို့ပြောတဲ့အခါ စိုးရိမ်မှု ဖြစ်လာပါတော့တယ်။ ဒီလိုလူဟာ
အကယ်၍ မိမိရဲ့ အတွင်းသဘောကို ဖိအားပေးမယ်ဆိုရင် သူဟာ
ဝန်ထုပ်ဝန်ပိုးကို မယူဖို့ အရည်အချင်း ရှိလာမှာဖြစ်ပါတယ်။ ထိုကိစ္စမှာ သူဟာ
အောင်မြင်သွားမှာ ဖြစ်ပါတယ်။
ထို့နောက် အမှန်တကယ် အင်အားနည်းမှုရဲ့ ဥပမာက- လူတစ်ယောက်ဟာ
ရှည်လျားတဲ့ကာလတစ်ခုထိ အလုပ်မလုပ်တော့တာကြောင့် အလုပ်လုပ်ဖို့ရာ
သူ့ထံမှာ စွမ်းရည်ပင် မရှိတော့တဲ့အထိ ဖြစ်ပါတယ်။ သူ့ထံမှာ ၁ဝ ကီလို၊ ၂ဝ
ကီလို ထက်ပိုပြီး မနိုင်တဲ့ စွမ်းအား မရှိတော့ပါဘူး။ ဒီလိုလူကို ဒီထက်ပိုမိုတဲ့
အလေးကို မနိုင်ဖို့ရာအတွက် အကူတစ်ယောက်ပေးရမှာ ဖြစ်ပါတယ်။ သူ့ကို
ပြုပြင်ဖို့အတွက် အခြားနည်းလမ်းတွေကို ကျင့်သုံးရတော့မှာ ဖြစ်ပါတယ်။ သူ့ရဲ့
ရည်ရွယ်ဆုံးဖြတ်နိုင်စွမ်းကို မြှင့်တင်ဖို့အတွက်၊ သူ့ရဲ့ လက်တွေ့လုပ်ဆောင်နိုင်
စွမ်းကို မြှင့်တင်ဖို့အတွက် စဉ်းစားရတော့မှာ ဖြစ်ပါတယ်။
အချုပ်အားဖြင့် စွမ်းအားအရည်အချင်းတို့ စုစည်းတည်ရှိမှုမရှိဘူးဆိုရင်
ထိုအချိန်ကာလမျိုးမှာ လုပ်ငန်းဖြစ်မြောက်ဖို့အတွက် ပြင်ပက အထောက်အပံ့
တွေကို အသုံးပြုရတတ်ပါတယ်။ ကျင့်ကြံတည်ဆောက်မှုဆိုင်ရာ ပြုပြင်
တည့်မတ်ရေးကလည်း ဒီအခြေအနေအတိုင်းပါပဲ။ လူပုဂ္ဂိုလ်အသီးသီးအတွက်
မတူညီတဲ့ ကုသနည်း အမျိုးမျိုး လိုအပ်ပါတယ်။ လူတိုင်းအတွက် ကုသနည်းက
တစ်မျိုးတစ်စားတည်းတော့ မဟုတ်ပါဘူး။ အချို့အတွက်က သူတို့ထံမှာ
ရည်ရွယ်ဆုံးဖြတ်နိုင်စွမ်းကို ပေါက်ဖွားလာအောင် ပြုလုပ်ရသလို၊ အချို့ကိုတော့
လက်တွေ့လုပ်ဆောင်နိုင်စွမ်းကို မွေးဖွားပေးရပါတယ်။ အချို့ကျပြန်တော့
အလုပ်တာဝန်က သူ့ရဲ့ စွမ်းအား၊ ခံနိုင်ရည်ထက် ပိုမိုနေတာကြောင့်
 ပြင်ပအကူအညီကို လိုအပ်တဲ့အခါ ပတ်ဝန်းကျင်က မိမိတို့ရဲ့ အခန်းကဏ္ဍကို
ဖြည့်ဆည်းပေးရပါတယ်။ ဂျမာအတ်ကလည်း မိမိရဲ့ အခန်းကဏ္ဍကို
ဖြည့်ဆည်းပေးရပါတယ်။ လက်အောက်ခံအစည်းအရုံးတွေက မိမိတို့
အခန်းကဏ္ဍကို ဖြည့်ဆည်းကြရပါတယ်။
ဒါကြောင့် ကျွန်တော်တို့ဟာ လက်တွေ့ပိုင်း ပြုပြင်တည့်မတ်မှုအတွက်
ဒီအကြောင်းအချက်တွေကို ဂရုပြုကြဖို့ လိုအပ်ပါတယ်။ ဒီအကြောင်းအရာ
တွေကို ပေါက်ဖွားလာအောင်ပြုလုပ်ဖို့ လိုအပ်ပါတယ်။ မိမိတို့ရဲ့
ရည်ရွယ်ဆုံးဖြတ်နိုင်စွမ်းကို ခိုင်မြဲအောင် ပြုလုပ်ဖို့လိုအပ်ပါတယ်။ လက်တွေ့
လုပ်ဆောင်နိုင်စွမ်းကို ခိုင်မြဲအောင်ပြုလုပ်ဖို့ လိုအပ်ပါတယ်။ ဒီလိုအားဖြင့်
ကျွန်တော်တို့ဟာ ဟာဇရတ် မဆီဟ်မော်အူးဒ်(အ)သခင်ကြီး ပွင့်ပေါ်ရခြင်းရဲ့
ရည်ရွယ်ချက်ကို ဖြည့်ဆည်းကြသူတွေ ဖြစ်နိုင်ကြပါလိမ့်မယ်။ ဒါ့အပြင်
အလ္လာဟ်အရှင်မြတ်ပေးသနားတော်မူတဲ့ ကျွန်တော်တို့ထံမှာရှိတဲ့ အရည်အချင်း
စွမ်းအားတွေကလည်း သံချေးတက်ပြီး ပျက်သုဉ်းမသွားစေဖို့ ဖြစ်ပါတယ်။
ဒါနဲ့ပတ်သက်လို့ ထပ်တိုး အကျယ်ရှင်းလင်းချက်ကိုတော့ (အင်ရှာအလ္လာဟ်)
နောက်ပိုင်းမှာ တင်ပြသွားပါ့မယ်။
နောက်ဆုံးအနေနဲ့ ဟာဇရတ် မဆီဟ်မော်အူးဒ်(အ)သခင်ကြီးရဲ့ မိန့်ကြားချက်
တစ်ခုကို တင်ပြပါ့မယ်။ သခင်ကြီး မိန့်ကြားတော်မူသည်မှာ-
အလ္လာဟ်အရှင်မြတ်ထံတော်မှ ပြုပြင်တည့်မတ်မှုကို တောင်းခံခြင်းနှင့်
မိမိ၌ရှိသော စွမ်းရည်များကို အသုံးချခြင်းတို့သာလျှင် အီမာန်(ယုံကြည်မှု)၏
နည်းနာများဖြစ်၏။ 
ဒါကြောင့် အလ္လာဟ်အရှင်မြတ်ထံတော်မှ ပြုပြင်တည့်မတ်နိုင်စွမ်းကို
တောင်းခံလျက် မိမိတို့ရဲ့ ရည်ရွယ်ဆုံးဖြတ်နိုင်စွမ်းကို ဒိုအာ ဆုတောင်းခြင်းဖြင့်
ခိုင်မာအောင် ပြုလုပ်ကြရပါမယ်။ ဒါ့အပြင် မိမိတို့စွမ်းရည်ကို
စိုက်ထုတ်သုံးစွဲခြင်းကသာလျှင် ရည်ရွယ်ဆုံးဖြတ်နိုင်စွမ်းနှင့် လက်တွေ့
လုပ်ဆောင်နိုင်စွမ်းတို့ကို ဖော်ကျူးခြင်းဖြစ်ပါတယ်။ အကြင်အခါ ဒီလို
ဖော်ကျူးမှုက မြင့်မားသောအဆင့်သို့တိုင်ရောက်ပြီဆိုရင်၊ ဒါသာလျှင် အီမာန်
 ဖြစ်ပါတယ်။ အဲဒီနောက်မှာ လူသားဟာ လုပ်ငန်းဟူသမျှကို
အလ္လာဟ်အရှင်မြတ်ရဲ့ ကျေနပ်နှစ်သက်မှုအတွက် ပြုလုပ်ဆောင်ရွက်ပါ
တော့တယ်။ ပြီးတော့ သူဟာ အရှင်မြတ်ရဲ့ ကျေနပ်နှစ်သက်မှုကို ရရှိဖို့အတွက်
အာရုံစူးစိုက်လျက်ရှိနေမှာ ဖြစ်ပါတယ်။
တစ်ဖန် သခင်ကြီးက အခြားတစ်နေရာ၌ မိန့်ကြားတော်မူသည်မှာ-
အသင်တို့သည် မိမိတို့၏ လက်တွေ့စံနမူနာများကိုသာ ပြသကြကုန်။
အခြားသူများကပင် လက်ခံလာနိုင်သော တောက်ပမှုမျိုးကို ယင်း၌
ရှိစေကြကုန်။ အကြောင်းမူ ယင်း၌ တောက်ပမှုမရှိသေးသရွေ့ မည်သူမျှ
ယင်းကို လက်ခံလိမ့်မည်မဟုတ်ချေ။ အသင်တို့၏ အတွင်းပိုင်းအခြေအနေတွင်
စင်ကြယ်မှုနှင့် တောက်ပမှုတို့မရှိပါလျှင် မည်သူမျှ ဝယ်ယူလိုကြမည် မဟုတ်
ချေ။ အသင်တို့၏ ကိုယ်ကျင့်တရားများသည် မြင့်မားသော အဆင့်၌ မရှိသေး
သမျှ အသင်တို့သည် မည်သည့်အဆင့်သို့မျှ ရောက်နိုင်ဦးမည် မဟုတ်ချေ။
ဒါကြောင့် လက်တွေ့ကျင့်ကြံတည်ဆောက်မှုပိုင်းဆိုင်ရာ တည့်မတ်ရေးအတွက်
များစွာ ကြိုးစားအားထုတ်မှုနဲ့ စဉ်ဆက်မပြတ် ကြည့်ရှုသုံးသပ်မှုပြုဖို့
လိုအပ်ပါတယ်။ ဒီလိုအားဖြင့် အဟ်မဒီတိုင်းဟာ မိမိတို့ အဟ်မဒီဖြစ်ရခြင်းရဲ့
ရည်ရွယ်ချက်ကို ဖြည့်ဆည်းနိုင်ကြမှာ ဖြစ်ပါတယ်။ မဆီဟ်မော်အူးဒ်(အ)
သခင်ကြီး ဆန္ဒရှိတဲ့အတိုင်း မိမိတို့ကိုယ်ကို စစ်မှန်သော မွတ်စလင်မ်တစ်ဦး
အဖြစ် ပြုလုပ်နိုင်ကြမှာဖြစ်ပါတယ်။ အလ္လာဟ်အရှင်မြတ်သည် ကျွန်တော်တို့
အားလုံးကို ဤသို့ပြုလုပ်နိုင်ရန် စွမ်းအားပေးသနားတော်မူပါစေ။ - အာမီးန် -
နမာဇ်ပြီးနောက်မှာ ဂျနာဇာဃာအိဗ်တစ်ခု ဝတ်ပြုမှာ ဖြစ်ပါတယ်။ အိနိ္ဒယနိုင်ငံ
ကာလကတ္တားမြို့မှ ြေျအနမ ြေျ့မငဆ ဗူင ှေ့ငဘ (ြ.ဗ) ရဲ့ ဂျနာဇာ
ဖြစ်ပါတယ်။ သူဟာ အသက် ၇၉ နှစ်အရွယ်၊ ဇန်နဝါရီလ ၃ ရက် ၂၀၁၄
ခုနှစ်မှာ ကာဒီယာန်၌ ကွယ်လွန်သွားခဲ့ပါတယ်။  
လွန်ခဲ့တဲ့ တစ်နှစ်ခန့်ကတည်းက နေထိုင်မကောင်းဖြစ်လျက် ရှိခဲ့ပါတယ်။
သားဖြစ်သူက ဂျပန်နိုင်ငံသို့ ဆေးကုသဖို့ ခေါ်သွားခဲ့ပါသေးတယ်။
 နည်းနည်းသက်သာလာတဲ့အခါ ကာဒီယာန်ရှိ သမီးဖြစ်သူထံမှာ နေထိုင်ခဲ့
ပါတယ်။
သူဟာ ၁၉၆၅ ခုနှစ်မှာ ဘိုင်အတ်သစ္စာခံယူလျက် ဂျမာအတ်အတွင်းသို့
ဝင်ရောက်လာခဲ့တာဖြစ်ပါတယ်။ အဲဒီနောက် ကွယ်လွန်ချိန်အထိ တဗ်လီဂ်
လုပ်ငန်းကို အရူးအမူး လုပ်ဆောင်ခဲ့ပါတယ်။ ၄၁ နှစ်တိုင်တိုင် သာသနာ့
အလုပ်အကျွေးပြုခွင့်ရရှိခဲ့ပါတယ်။ သူဟာ တဗ်လီဂ်တာဝန်ခံ၊ ကာအီဒ် ခွဒ္ဒါမွလ်
အဟ်မဒီယာ၊ အန်ဆာရွလ’ာဟ် ဒု-ဥက္ကဋ္ဌ၊ ကာလကတ္တား၏ ဒု-အမီရ်၊ ထို့နောက်
အမီရ် စသဖြင့် တာဝန်ထမ်းဆောင်ခဲ့ရပြီး ဘင်္ဂါးလ်နှင့် အာသံခရိုင်တို့ရဲ့
အမီရ်အဖြစ် ကာလကြာရှည်စွာ ထမ်းဆောင်ခွင့်ရခဲ့ပါတယ်။
ထိုနည်းတူစွာပဲ နီပေါနိုင်ငံ၏ တဗ်လီဂ်လုပ်ငန်းဆိုင်ရာ စီစဉ်ကြီးကြပ်သူအဖြစ်
အန်ဂျူမန် ဝါက်ဖေဂျဒီးဒ် ကာဒီယာန် အစည်းအရုံးရဲ့ အဖွဲ့ဝင်တစ်ဦးလည်း
ဖြစ်ပါတယ်။ ဘင်္ဂါလီ ဘာသာစကားနဲ့ အလ်-ဘုရှ်ရာစာစောင်ကို အထူး
ကြိုးစား ရိုက်နှိပ်ဖြန့်ချိလျက် လူအများထံသို့ ကိုယ်တိုင်ပဲ စာတိုက်မှ
ပို့ဆောင်ပါတယ်။
နာဇီရ်အာလာ ကာဒီယာန် မော်လာနာ အင်န်အာမ် ဂေါရီဆာဘ်က
ပြောပြသည်မှာ- ကျွန်တော်ဟာ သူနဲ့အတူ ဘင်္ဂါးလ်နဲ့ အာသံဒေသ
တွေဘက်ကို အကြိမ်ကြိမ် ခရီးထွက်ခဲ့ဖူးပါတယ်။ သူဟာ အလွန် အန္တရာယ်
များတဲ့ ပတ်ဝန်းကျင်တွေမှာပင်လျှင် ဂျလ်ဆာကျင်းပရမှာ၊ မိန့်ခွန်းပြောရမှာ
တွေကို နည်းနည်းမှ အရေးမစိုက်ဘဲ ပြုလုပ်ခဲ့သူဖြစ်ပါတယ်။ ကျွန်တော်နဲ့အတူ
၃ ကြိမ်လောက် အလွန်အန္တရာယ်များတဲ့ အခြေအနေနဲ့ ကြုံကြိုက်ခဲ့ရပြီး
အလ္လာဟ်အရှင်မြတ်က လုံခြုံစွာပဲ ကျွန်တော်တို့ကို လွတ်မြောက်သွားစေ
ခဲ့ပါတယ်။ ကားတွေ၊ ပစ္စည်းတွေ ပျက်စီးခဲ့ရပေမဲ့ ဂျမာအတ်သားတွေကတော့
ဘာမှ ထိခိုက်မှုမရှိခဲ့ပါဘူး။ သူဟာ အန္တရာယ်များတဲ့ နေရာတိုင်းကို
အကြောက်အရွံ့မရှိဘဲ ခေါ်သွားတတ်လေ့ရှိပါတယ်။ သူနဲ့အတူ ခရီးသွားရင်းက
နေရာဒေသတိုင်းမှာ အလ္လာဟ်အရှင်မြတ်ရဲ့ ကူညီဆောင်မမှု မြင်ကွင်းများကို
မြင်တွေ့ခံစားခဲ့ရပါတယ်။
 ဘင်္ဂါးလ်ပြည်နယ်နဲ့ အာသံပြည်နယ်တို့မှ ဂျမာအတ်ရုံးခွဲ တော်တော်များများဟာ
သူ့ရဲ့ လက်ထက်မှာ တိုးပွားလာခဲ့ခြင်း ဖြစ်ပါတယ်။ အလွန်ရဲရင့်သူ၊
အရှင်မြတ်အား ယုံကြည်ကိုးစားသူ၊ ခြိုးခြံစွာ နေထိုင်တတ်သူ ဖြစ်ပါတယ်။
ကွယ်လွန်သူဟာ ဝဆီယတ် ပြုလုပ်ထားသူ ဖြစ်တာကြောင့် ကာဒီယာန်
ဘဟီရှ်တီမက္ကဘာရာမှာပဲ မြှုပ်နှံခဲ့ပါတယ်။
ကျန်ရစ်သူများကတော့ သမီး ၃ ဦးနှင့် သား ၂ ဦး ဖြစ်ပါတယ်။
သားတစ်ဦးကတော့ ဂျမာအတ်သားတိုင်းသိကြတဲ့ နဇာမ်အဆိုကျော်
အီစ်မတ်တွလ’ာဟ် ဆာဟိဘ်ဖြစ်ပါတယ်။ 
အလ္လာဟ်အရှင်မြတ်သည် ကွယ်လွန်သူရဲ့ အဆင့်အတန်းကို မြှင့်တင်ပေး
တော်မူပါစေ။ ကျန်ရစ်သူ သားသမီးများကိုလည်း ဖခင်ရဲ့ ကောင်းမှုများအတိုင်း
ဖဝါးခြေထပ်လိုက်နိုင်အောင် စွမ်းအားပေးတော်မူပါစေ။

-အာမီးန်-

တစ်ပတ်အတွင်း လူကြိုက်အများဆုံး

 
-